I gam a mautaam kial tung douna a maphutu a pang gige Zomi Economic Planning And Development Agency (ZEPADA) in November 11, 2008 a press statement a suahna ah, state sorkar in mautaam kial panpihna dia apaisa Nov. 7, 2008 a a kisaipih district vaihawmtute khut a sum crore 16.67 a piakkhiak pen mautaam kial dinmun toh et in zekai leh tawm bang mahleh kial thuakte a dia khamuanna leh thathak lak theihna tun ding ahihdan taklang kawm in state sorkar in kial panpihna sum a khahkhiakna ah mautaam kial thuakte panpihna dia theihtawp suah a pang sorkar leh NGO tuamtuamte banah media-te tung ah ZEPADA in kipahthu gen hi.
Tukum a buh-le-bal piangte apat mautaam zusate’n louma a suksiat dan uh a thak a tuat nawn a, huai pansan a kial panpihna a kintheipen a ngetbeh poimoh hi’n hiai press statement tungtawn in ZEPADA tangkou nawn hi. Sorkar apat kial panpihnate a hong tung bangbang, kuamah a kigolh leh subuai omlou a kial thuakte, a tasam taktakte khut mah a lut ding ahihdan leh huai dia deidanna omlou, minautang in anung-ama a theihtheih dua hawmzak poimoh hi’n leng ZEPADA in taklang hi. Huai banah, kum 50 hal a tung hiai mautaam kial dou zohna dia pankhawmna poimoh ahihdan leh i maban ua kial sukpi omlai ahihna ah kial ziak a si kuamah a omlouhna dia sorkar leh a awlmoh pawlpite’n theihtawpsuah a panlak sunzom dia ngen kawm in, a diak a national leh state highway-te a bandh, strike leh blockade gumte’n mihing tamtakte hinna ding khualna a anntang pua truck-te huamsaklou di’n ngen leng ZEPADA in ngen hi.
ZEPADA in hiai bang press statement a suah pen a lohchin leh lohchinlouh enta leng, bandh leh blockade-te’n Manipur a khumbichilh a, kial panpihna ngetbeh ding tungtang gentaklouh, a omsate nangawn leng tunitan in kial thuak mipite khut ah lut nailou hi. Hiai tungtang ah, kial toh kisai anntang tengteng Dimapur apat tangtak a Churachandpur tut di’n Food Corporation of India (FCI) kiang ah apaisa Dec. 3, 2008 in ZEPADA in ngen nawn hi. CCpur dist. administration in leng mautaam kial panpihna anntang leina dia poimoh zah sum sungta hi’n kigen a, himahleh, kial panpihna anntang tung tuanlou hi. Kial panpihna fund khahkhiakna dia kha 6 lut, kial panpihna anntang leikhiakna a hawmzakna dia kha 1 lutta (tung naituanlou a ki-ngak lellel lai) ahihna ah, awlmohna taktak tellou a sorkar panlakna pen kial thuak mipite a dia thuaklahhuailua ahihdan leh bangziak a kial panpihna hichituk a zekai hihiam chi’n December 20, 2008 a press statement ah ZEPADA in dotna bawl hi. ZEPADA mohna hikei mahleh, November 11, 2008 a press statement pen lohchinglou ahihdan chiang mahmah ahihman in December 20, 2008 a press statement pen leng a hong lohchin ding gintak haksa mahmah hi. Mautaam kial thuakte a dia panpihna anntang in kial a laplouh ding lauhhuai mahmah a, himahleh, i sorkar uh, i theihchiatsa mahbang in, gilkial-dangtak a omte khotuah ding gentaklouh, ‘high security zone’ a om Manipur a dia lubawkpente tenna CM bungalow leh Raj Bhavan leng bitlou ahihna ah, amah leh amah leng kihumbit zoulou ahi.
Hichibang kawmkal ah, December 20, 2008 a ZEPADA in press statement a suah ah PDS leng thuneihna neite ‘buhpang’ bang lel a om hi’n taklang hi. Tuma zek in, APL anntang tengteng, constituency teng in quintal 100 chiat a a tan ding un, sorkar in a guan APL Retail Agent-te tungtawn a hawmzak dia bawl himahleh Agent-te’n anntang hawm ding ngaihsaklou a FCS Deptt. apat Utilization Certificate lak ding a buaipih zawk ziak ua mipi’n phattuampih taktaklou hi’n ZEPADA in taklang hi. Huai banah, mipite’n bangmah a phawklouh kal a huchibang Agent teng in Dec 15, 2008 ma a APL anntang hawmkhe khin hidan a Nov 2008 kha a ding Utilization Certificate pelut khinta uh ahi chih muanhuaitak apat a theih ZEPADA in a thusuah ah taklang hi. Sorkar in a guan APL Retail Agent-te ahihleh midang lua om di’n a gintakhuaikei hi. Mahni mi-le-sate lok/suam kia hilou a ‘mahni mi-le-sa kial ziak a nek ding neiloute’ lok/suam ngam APL Retail Agent nei i hihleh sorkar in awlmohna taktak tellou a pan a lak pen thil lamdang ahi dia hia? Amah leh amah leng kihumbit zoulou sorkar in mautaam kial thuakte a khotuah zohkei a lehleng, thu khat ah a hiding mah ahi. Mi’n a hon ngaihsak uh i ut a leh ei leh ei i ki-ngaihsak masak uh a poimoh a, mi zoh i ut a leh ei leh ei i ki-zoh uh a poimoh masa ahi. Ei leh ei i ki-ngaihsak a, ei leh ei i ki-zoh chiang in kithutuakna, kipumkhatna leh pankhawmna taktak om thei pan ding a, huai ma siah, sorkar tel in, kuamah ki-phawng zoulou ding ahi.
Editorial | The Lamka Post | December 23, 2008 at www.zogam.com
![Reblog this post [with Zemanta]](http://img.zemanta.com/reblog_e.png?x-id=f9e88f0f-140c-43cb-b2e2-82a242f924d0)
Tukum a buh-le-bal piangte apat mautaam zusate’n louma a suksiat dan uh a thak a tuat nawn a, huai pansan a kial panpihna a kintheipen a ngetbeh poimoh hi’n hiai press statement tungtawn in ZEPADA tangkou nawn hi. Sorkar apat kial panpihnate a hong tung bangbang, kuamah a kigolh leh subuai omlou a kial thuakte, a tasam taktakte khut mah a lut ding ahihdan leh huai dia deidanna omlou, minautang in anung-ama a theihtheih dua hawmzak poimoh hi’n leng ZEPADA in taklang hi. Huai banah, kum 50 hal a tung hiai mautaam kial dou zohna dia pankhawmna poimoh ahihdan leh i maban ua kial sukpi omlai ahihna ah kial ziak a si kuamah a omlouhna dia sorkar leh a awlmoh pawlpite’n theihtawpsuah a panlak sunzom dia ngen kawm in, a diak a national leh state highway-te a bandh, strike leh blockade gumte’n mihing tamtakte hinna ding khualna a anntang pua truck-te huamsaklou di’n ngen leng ZEPADA in ngen hi.
ZEPADA in hiai bang press statement a suah pen a lohchin leh lohchinlouh enta leng, bandh leh blockade-te’n Manipur a khumbichilh a, kial panpihna ngetbeh ding tungtang gentaklouh, a omsate nangawn leng tunitan in kial thuak mipite khut ah lut nailou hi. Hiai tungtang ah, kial toh kisai anntang tengteng Dimapur apat tangtak a Churachandpur tut di’n Food Corporation of India (FCI) kiang ah apaisa Dec. 3, 2008 in ZEPADA in ngen nawn hi. CCpur dist. administration in leng mautaam kial panpihna anntang leina dia poimoh zah sum sungta hi’n kigen a, himahleh, kial panpihna anntang tung tuanlou hi. Kial panpihna fund khahkhiakna dia kha 6 lut, kial panpihna anntang leikhiakna a hawmzakna dia kha 1 lutta (tung naituanlou a ki-ngak lellel lai) ahihna ah, awlmohna taktak tellou a sorkar panlakna pen kial thuak mipite a dia thuaklahhuailua ahihdan leh bangziak a kial panpihna hichituk a zekai hihiam chi’n December 20, 2008 a press statement ah ZEPADA in dotna bawl hi. ZEPADA mohna hikei mahleh, November 11, 2008 a press statement pen lohchinglou ahihdan chiang mahmah ahihman in December 20, 2008 a press statement pen leng a hong lohchin ding gintak haksa mahmah hi. Mautaam kial thuakte a dia panpihna anntang in kial a laplouh ding lauhhuai mahmah a, himahleh, i sorkar uh, i theihchiatsa mahbang in, gilkial-dangtak a omte khotuah ding gentaklouh, ‘high security zone’ a om Manipur a dia lubawkpente tenna CM bungalow leh Raj Bhavan leng bitlou ahihna ah, amah leh amah leng kihumbit zoulou ahi.
Hichibang kawmkal ah, December 20, 2008 a ZEPADA in press statement a suah ah PDS leng thuneihna neite ‘buhpang’ bang lel a om hi’n taklang hi. Tuma zek in, APL anntang tengteng, constituency teng in quintal 100 chiat a a tan ding un, sorkar in a guan APL Retail Agent-te tungtawn a hawmzak dia bawl himahleh Agent-te’n anntang hawm ding ngaihsaklou a FCS Deptt. apat Utilization Certificate lak ding a buaipih zawk ziak ua mipi’n phattuampih taktaklou hi’n ZEPADA in taklang hi. Huai banah, mipite’n bangmah a phawklouh kal a huchibang Agent teng in Dec 15, 2008 ma a APL anntang hawmkhe khin hidan a Nov 2008 kha a ding Utilization Certificate pelut khinta uh ahi chih muanhuaitak apat a theih ZEPADA in a thusuah ah taklang hi. Sorkar in a guan APL Retail Agent-te ahihleh midang lua om di’n a gintakhuaikei hi. Mahni mi-le-sate lok/suam kia hilou a ‘mahni mi-le-sa kial ziak a nek ding neiloute’ lok/suam ngam APL Retail Agent nei i hihleh sorkar in awlmohna taktak tellou a pan a lak pen thil lamdang ahi dia hia? Amah leh amah leng kihumbit zoulou sorkar in mautaam kial thuakte a khotuah zohkei a lehleng, thu khat ah a hiding mah ahi. Mi’n a hon ngaihsak uh i ut a leh ei leh ei i ki-ngaihsak masak uh a poimoh a, mi zoh i ut a leh ei leh ei i ki-zoh uh a poimoh masa ahi. Ei leh ei i ki-ngaihsak a, ei leh ei i ki-zoh chiang in kithutuakna, kipumkhatna leh pankhawmna taktak om thei pan ding a, huai ma siah, sorkar tel in, kuamah ki-phawng zoulou ding ahi.
Editorial | The Lamka Post | December 23, 2008 at www.zogam.com
No comments:
Post a Comment