- Kimbawi’ Pa
The Lamka Post’ datelined 11.01.2009 pek masa a ‘Vumlunmang IAS leh Health Director in Dist. Hospital Enkhia’ chih thupi zang a news report ka sim leh lamdang ka sa hi.
Huai a point pi deuhte ahihleh: 1. Mr. Vumlunmang IAS, Secy. Health & Family Welfare in damdawi in nin leh thanghuai sa;
2. Gade IV bangzah om, chih a dotna Medical Superintendent in dawng theilou a Grade IV Khamsuan in 72 om chih hilh;
3. Health Secretary in damtheihna dia siangthouna poimoh masapen a hihdan gen in Grade IVte’n bang sem uh hiam, chi’n Medical Superintendent dong hial;
4. Medical Superintendent kiang ah Grade IV 72te’ na piakdan (work allocation) order a bawlte a kinlam a Health Secretary leh Health Director kiang a copy pe di’n theisak;
5. Damdawi in casualty pen sanction post omlou pi mipite khualna ziak a kibawl a hihdan Medical Superintendent in gen;
6. Health Secretary in CT Scan omna mun a et dek leh a chabi kemtu kimu zoulou a, himahleh chabi khensia in lut ua, keplouh a om a hihman in a sung namse gawp a, Director in a muk romol a hum kawm in a sung ah lut hial;
7. CT Scan room tuh zusate’ mawltual suak a hihdan tuni a theihkhiak ahi;
8. Operation Theatre (OT) sung ah doctor bangzah hiam leh OT staff teng toh hun saulou meeting ua, ‘bangziak a damlou ki-at dingte SK Oil leisak na hi uhiam,’ chihleh ‘Oxygen bangchidan a kitasam sek hiam’ chih leh ‘bang haksatna om hiam,’ chihte dong;
9. OT staffte’n electric meivak ginatlouh ziak a vanzat tuamtuam leh puante huan poimoh a huaite huanna dia SK Oil poimoh, chih gen uh; leh,
10. District Health Society a pan sum tam pipi hong paite bang chizat na hi uh hiam, chih leng dong, chihte ahi.
Hiai teng theih mai a le genbeh ngai lou a bang hi. Himahleh keimah personal experience leh ngaihdan ban a mite’ gen ka zakte toh tamlou ka hon genbeh di. Pathian’ panpihna in ka chidam vanglak ua, kou inkuan bang damdawi in a om in ka buai tadih kei uhi. (1995 a Lamka a ka hong ten nung uh). Hilele tanau-laina khenkhat buaipih di bel ka nei zel uh. Ka naupa’ ta khat operation ngai in a hong om a, huai ah OT staff lamte’n bel tam a hon la kei uh. Hilele anaesthetic lamte’n la zek uh hi’n ka thei hi. Hiai pawna a ka hon gen bel ahi kei. Huan, SK Oil a hon lei sak ngut ua, hiai atung a bang a poimoh a hih lebel a poi kei lai. Doctor khat –ka meltheih- a hong pai a ‘Kerosene bang lei ngai veh’ ka na chihleh ama’n ‘atawp chiang a adamdawi in bangle lei hong ngai khong leh kilawm aka,’ a hon chi a, a nui hi.
Khatvei ka tapa a lu a hong na a, nitaklam in casualty ah ka va ensak hi. Doctor pa’n ‘Bangdia OPD a kihon lai a hong ensak lou e,’ a honna chi mawk a, keile ka mihinna a hong dawk a ‘huai lai a na sa lah hilou a, a lu na a sak tak a k’on tonpih eivoi’ ka chi guap hi. A hon hihdan nuam ka sa kei sim a, a damdawi gelh le ka lei kei hilhial hi. Himahleh casualty bangle phatuamngaihna a hon –run- a hih lebel ka ngaisiam thou hi. Hileh, casualty a di sanction post omlou a hihleh tua Pu Vumlunmang IAS bang in Secretary a puak lailai a nget pah hoih hilou hiam, chinuam ka hi.
Lamka damdawi in hoh kichi khatvei vei et in a mipi lamte le moh deuh hi’n ka kithei hi. Operation bawl di bang a om leh a kong a ngak kheukhou, a bawlzoh chiang ua va et hekhawk khawng ut chitchiat i bang uhi. Hiai bang i hih chiang ua a semtute a sep di bang uh semsak theilou i suah khak di uh a lauhuai hi. Hiai chi mahleng a lehlam a news report khawng bang ah ‘nurse dutyte phawn hak uh’ chih khawng muh di a vangkim in a om zel hi.
A ngaihtuahhuai nawn mahmah nawn tuh Medical Superintendent in Grade IV om zah gen theilou, chih ahi. Duty Roster hiam work allocation chih bangchi bawl mahmah di. Hiai thu geih tuh mangbathuai ka sa hi. Hiai toh kisai mi khat in a hon hilh a, Grade IV 72 omte’ lak a aneitu om hunkhop om ua, huaite kai lou uh. Damdawi in a va phak chiang ua le doctor bang mai a om ua bangmah sem lou uh, chih ahi. Grade IV hiaizah om ua a sem taktak 30-40 vel ahi, chih a hon hilh lai hi. Medical Superintendent in a dawn theilouh Grade IV khat in hilh, chih tel, thu le hilou a bang hial hi.Grade IV huaizah om ngal chu a mipite va polhteh sim lele siang sak zou ngal le uh kilawm ahi.
Health Secretary in OT Staffte a dotte bang dot a hihma ua ngetna di mun theilou in i damdawi in uh supervise hi tel a diam, chih bang ngaihtuah tham ahi. CT Scan koihna room chabi koltu theilou uh, chih bang tel hilai. CT Scan bang hi hiam, chih thei kei mahleng natna zonna hi’n ka gingta hi. Hiai bang a etkol louh a om ah natna kizongkhia in kidamsak hak ve’n!
Hiai Lamka Damdawi In a semtu a tamzaw tham a district mi leh Lamka khosung mi ihi uh. Khristian ka hi, kichi ngen le ahi lai di uh. Amaute’n a etkol kei ua, mipite’ a dia haksatna om theite- oxygen, operation vanzatte leh adg.- thuneitu sangawte kiang a atut mengmeng kei mawk uleh a thuaktu mipite mah hihi lai di ihi uh. Tuam di, belh di neng nei a i zot lelah a van bangkim kilei hi vek, sprit ahihleh a hon nuhsak sam uh. Hichi lel hi ei, eilawi in i natna ua kipan a damna lamen a i naihna mun uh.
Chiamnuih thu kigen hia, a taktak, chih ka thei kei. Meitei surgeon khat in Lamka Damdawi in ah operation a bawl a, kipahman, chia sum a va piak dek uleh ‘ka sep di sem ka hi a sum ka la kei di. Hilele khristian ka hong hih chiang in ka ut leh ka la di,’ achi, a kichi. Hiai bang le zuau leh chiamnuih hilou dia gintakhuai sa mai ka hi.
© Author
Source: ZOGAM.COM
.::. All my articles can be view here: MELTED HEARTS .::.
The Lamka Post’ datelined 11.01.2009 pek masa a ‘Vumlunmang IAS leh Health Director in Dist. Hospital Enkhia’ chih thupi zang a news report ka sim leh lamdang ka sa hi.
Huai a point pi deuhte ahihleh: 1. Mr. Vumlunmang IAS, Secy. Health & Family Welfare in damdawi in nin leh thanghuai sa;
2. Gade IV bangzah om, chih a dotna Medical Superintendent in dawng theilou a Grade IV Khamsuan in 72 om chih hilh;
3. Health Secretary in damtheihna dia siangthouna poimoh masapen a hihdan gen in Grade IVte’n bang sem uh hiam, chi’n Medical Superintendent dong hial;
4. Medical Superintendent kiang ah Grade IV 72te’ na piakdan (work allocation) order a bawlte a kinlam a Health Secretary leh Health Director kiang a copy pe di’n theisak;
5. Damdawi in casualty pen sanction post omlou pi mipite khualna ziak a kibawl a hihdan Medical Superintendent in gen;
6. Health Secretary in CT Scan omna mun a et dek leh a chabi kemtu kimu zoulou a, himahleh chabi khensia in lut ua, keplouh a om a hihman in a sung namse gawp a, Director in a muk romol a hum kawm in a sung ah lut hial;
7. CT Scan room tuh zusate’ mawltual suak a hihdan tuni a theihkhiak ahi;
8. Operation Theatre (OT) sung ah doctor bangzah hiam leh OT staff teng toh hun saulou meeting ua, ‘bangziak a damlou ki-at dingte SK Oil leisak na hi uhiam,’ chihleh ‘Oxygen bangchidan a kitasam sek hiam’ chih leh ‘bang haksatna om hiam,’ chihte dong;
9. OT staffte’n electric meivak ginatlouh ziak a vanzat tuamtuam leh puante huan poimoh a huaite huanna dia SK Oil poimoh, chih gen uh; leh,
10. District Health Society a pan sum tam pipi hong paite bang chizat na hi uh hiam, chih leng dong, chihte ahi.
Hiai teng theih mai a le genbeh ngai lou a bang hi. Himahleh keimah personal experience leh ngaihdan ban a mite’ gen ka zakte toh tamlou ka hon genbeh di. Pathian’ panpihna in ka chidam vanglak ua, kou inkuan bang damdawi in a om in ka buai tadih kei uhi. (1995 a Lamka a ka hong ten nung uh). Hilele tanau-laina khenkhat buaipih di bel ka nei zel uh. Ka naupa’ ta khat operation ngai in a hong om a, huai ah OT staff lamte’n bel tam a hon la kei uh. Hilele anaesthetic lamte’n la zek uh hi’n ka thei hi. Hiai pawna a ka hon gen bel ahi kei. Huan, SK Oil a hon lei sak ngut ua, hiai atung a bang a poimoh a hih lebel a poi kei lai. Doctor khat –ka meltheih- a hong pai a ‘Kerosene bang lei ngai veh’ ka na chihleh ama’n ‘atawp chiang a adamdawi in bangle lei hong ngai khong leh kilawm aka,’ a hon chi a, a nui hi.
Khatvei ka tapa a lu a hong na a, nitaklam in casualty ah ka va ensak hi. Doctor pa’n ‘Bangdia OPD a kihon lai a hong ensak lou e,’ a honna chi mawk a, keile ka mihinna a hong dawk a ‘huai lai a na sa lah hilou a, a lu na a sak tak a k’on tonpih eivoi’ ka chi guap hi. A hon hihdan nuam ka sa kei sim a, a damdawi gelh le ka lei kei hilhial hi. Himahleh casualty bangle phatuamngaihna a hon –run- a hih lebel ka ngaisiam thou hi. Hileh, casualty a di sanction post omlou a hihleh tua Pu Vumlunmang IAS bang in Secretary a puak lailai a nget pah hoih hilou hiam, chinuam ka hi.
Lamka damdawi in hoh kichi khatvei vei et in a mipi lamte le moh deuh hi’n ka kithei hi. Operation bawl di bang a om leh a kong a ngak kheukhou, a bawlzoh chiang ua va et hekhawk khawng ut chitchiat i bang uhi. Hiai bang i hih chiang ua a semtute a sep di bang uh semsak theilou i suah khak di uh a lauhuai hi. Hiai chi mahleng a lehlam a news report khawng bang ah ‘nurse dutyte phawn hak uh’ chih khawng muh di a vangkim in a om zel hi.
A ngaihtuahhuai nawn mahmah nawn tuh Medical Superintendent in Grade IV om zah gen theilou, chih ahi. Duty Roster hiam work allocation chih bangchi bawl mahmah di. Hiai thu geih tuh mangbathuai ka sa hi. Hiai toh kisai mi khat in a hon hilh a, Grade IV 72 omte’ lak a aneitu om hunkhop om ua, huaite kai lou uh. Damdawi in a va phak chiang ua le doctor bang mai a om ua bangmah sem lou uh, chih ahi. Grade IV hiaizah om ua a sem taktak 30-40 vel ahi, chih a hon hilh lai hi. Medical Superintendent in a dawn theilouh Grade IV khat in hilh, chih tel, thu le hilou a bang hial hi.Grade IV huaizah om ngal chu a mipite va polhteh sim lele siang sak zou ngal le uh kilawm ahi.
Health Secretary in OT Staffte a dotte bang dot a hihma ua ngetna di mun theilou in i damdawi in uh supervise hi tel a diam, chih bang ngaihtuah tham ahi. CT Scan koihna room chabi koltu theilou uh, chih bang tel hilai. CT Scan bang hi hiam, chih thei kei mahleng natna zonna hi’n ka gingta hi. Hiai bang a etkol louh a om ah natna kizongkhia in kidamsak hak ve’n!
Hiai Lamka Damdawi In a semtu a tamzaw tham a district mi leh Lamka khosung mi ihi uh. Khristian ka hi, kichi ngen le ahi lai di uh. Amaute’n a etkol kei ua, mipite’ a dia haksatna om theite- oxygen, operation vanzatte leh adg.- thuneitu sangawte kiang a atut mengmeng kei mawk uleh a thuaktu mipite mah hihi lai di ihi uh. Tuam di, belh di neng nei a i zot lelah a van bangkim kilei hi vek, sprit ahihleh a hon nuhsak sam uh. Hichi lel hi ei, eilawi in i natna ua kipan a damna lamen a i naihna mun uh.
Chiamnuih thu kigen hia, a taktak, chih ka thei kei. Meitei surgeon khat in Lamka Damdawi in ah operation a bawl a, kipahman, chia sum a va piak dek uleh ‘ka sep di sem ka hi a sum ka la kei di. Hilele khristian ka hong hih chiang in ka ut leh ka la di,’ achi, a kichi. Hiai bang le zuau leh chiamnuih hilou dia gintakhuai sa mai ka hi.
© Author
Source: ZOGAM.COM
.::. All my articles can be view here: MELTED HEARTS .::.
No comments:
Post a Comment