~Pastor Khamkhanchin Ngaihte
Kum 2005 January kha ahi a, heutute deihna bang in Lungchin khua ah huai bial a saptuamte kem ding a mawhpuakna piak in ka om hi. Kithalawp tak in ka zi leh tapapa tawh ka kuan ua, Pathian hehpihna in nuamsa leh lungkim huntawk hiin kaki thei uhi. Kei a ding a mawhpuakna thak liklek kana let khak ngei nailouh leen kahih man in kakipak a, kaki thalawp a, tha ka ngah mahmah hi. Huchiin, amasa pen ding in February kha in bial fang ding chiin ka kisa a, a gam a lei thei nailou ka hih man in Local Chairman in hong makaih a, Lungchin apan Ngalzang khua lam zuan in ka kipankhia uhi.
Gam lalou hial ahih man in awlawl in houlim kawm in ka pai ua, nuam kasa mahmah. Khawpi thupi taktak a Car,Taxi, Metro ichihte khawng a i pawt sang mah in leng singtang gam a lam taam sim thilthel lak a khe a i pai mahmah lungkim huai pen bang kasa. Lamsak lamkhang a vasa ham chi tuamtuam te’n ngaihtuahna a gamlum sak in, lung a leng sak sim mahmah hi. Hon gamlum sak in thawmhau sak mahmah thei uhi.
Hun bangtan hiam nung in munkhat ka tung ua, kawl tung (cliff top) ahi a, khawmi te’n “dak mual” achihna mun uh ana hi. Tutna ding a singtuai bangzah hiam ki gaklom, galkhua dak a zo lenmui kai thiithiaite et theihna ding mun fianrial tak mai ahi. A nuailam bel vangsiathuaitak in kesuk zenzen leng le phamsa Rev. Liankhosiam chih dan a, Vualzawlna gen mai ngai didan ahi.Zo huih khi vot hiauhiau hong nung henhen a, khaw-ul te hul dindin in hon tawldam sak hina mai zen e! Gal lam ah Suangdai khua, tang tung a kiphah dinden chiangtak in ki galmuh a, tua Suangdai khua gal zek ah chiangtak mah in “Hausapi Kawl” kichi ilaizom tampi te tenna gam Myanmar ana hita.
A sing poute ki danglou, a gam melpuak ki dang lou, huih nung ki dang lou, tui vot dan ki bang. I mel i puam ki dang lou. Lungsim ngaihtuahna ana mahmah hi. Tua sing leh loupate, mual leh guamte leh siktui luangte leng mihingte bang in pau thei le uh ki khen ding, teng khawm theilou ding khat ahi ding uam aw chih bang ngaihsutna ah hong lut mawk hi. Hiai “dakmual” a daak kiim vel a igam kilawmna ka et lai in ka ngaihsutna hatpai mahmah hi. Pathian in hichitel a gam kilawm hon pia a,hon luahsak. Sing leh loupa hing dipdip maite, tul sing lel a vasa tom velhvelhte, kuam chih a siktui luang ging bia biate, huih khi siang nung hiauhiaute, tunglam a lum mei kai thii thiaite khawng et in lawm mahmah lel hi. Tuipi si nuai a hauhsakna ki phumgu thupi mahmahte sang in aman tam zaw ding in gingta ing. Kawl lak a vaupak ki galmuhte khawng mahmah.
Khua leh khua kikawmtuahna mihing paina lampi singkungte te kal a ki galmuh zinzente bang. “Toupa,ka tung uah hoih hina mahmah chia hichitel a etlawm gam a na hon teen sak” kachi lungsim hi. Huchih kawmkawm in a langkhat ah khasiatna in kaki dim leuleu mawk hi. Hichi bang a gam etlawm a Pathian in hon tengsak a, hilele, a sung ateng mihing (nang leh kei) te ziak kia atua gam pen gam lauhuai, gam sia, sisan luanna gam suak chih ka ngaihtuah chiang in ka mit ah khitui hong luang pian mawk hi. Ka lawmpa hon theih ding bel ka lau sim mahmah a, lah, ahi thei tuan kei. Hichitel a gam etlawm leh mitla, et chiang a dam huai petmah, lunggulh huai tuntun gam a teng te mah maw hichitel a thulimlou a, a luahtute ziak a agam kilawmna te a omlou hilou napi a khovel in a phawklouh mai? Chihna ding dang thei tuanlou in thilkhat ka hih a. “Toupa, hon ngai dam in. Keileh ka zomi pih hiai gam kilawmtak mai sung atengte ziak in hiai gam kilawm nate khovel in phawklou a, kithahna gam, sisan luanna gam, nekgukna gam, gam botlawh leh kihhuai asuakta. Hiai gam a tengtak hi kei ung, Toupa, hon ngaidam in aw” chiin keikia in a guuk in Pathian mai ah kakap hi. Huaini a huaimun a ka thilmuh leh ka lungsima hong om thute mangngilh thei di’n kaki gingta kei hi.“Miles to go before I sleep" chih piansim in, khawl det mawk theih hilou ahihman in ka kalsuan nawn ua, sawtlou in Ngalzang khua ka tung uhi.
I khualzinna hiai leitung a tomchik i khawsakna ding leh teenna ding lel hichitel a kilawm ahihchiang in tangtawn a Amah tawh i khawsakkhawmna ding gam kilawmna bukim na mahmah in chia ka chi. Leitung a hichi zahta siatna,gitlouhna,hiamgamna in gam sung a zelhsuak lai nangawn a bawn agam kilawmna pen ki mu thei veve lai ahihchiang in tangtawn gam ding-khelhna himhim omlouhna gam kilawmna bukim mahmah ding hi. Tunglam Jerusalem thak ichih chih la a ina saksak mai uh, ginna mit a i gal et uh tua gam kilawm dingdan thupi hi. Pathian thupina in a vaksak, Pathian mahmah in a mite tung a vai a hawmna mun ding, Van tuikhuk in a hon vaakna ding mun dahna khituite Pathian in hon nulhul sakna ding mun nak thupi in nuam hina zen in chia maw? Khelhna adim mihingte teenna gam le hichitel akilawm ahih chiang in, belamnou leh hinna singpal zou a hehpih tatsate leh hon tanpa tuallenna mun zaw a ngaklah huai tel mai. Tua gam lam manawh in nisim in kal ka suan zel ahi zaw. Simlei loubang tulsa mubang ngailou a ka tuallenna mun ding. Tua mun ah ka itt leh ngaih mahmah ka tuunnu leh ka nau te’n honna ngak uhi. Hiai leitung ka tuunnu gam ahih bang in tua Jerusalem thak leng ka tuunnu gam ahi hi. Ka itt mahmah ka tuunnu leh ka nau leh tatsa misiangthou pai masa te’n ahon na ngakna mun ngei uh tun kal ka ngak lah ngei. Jesu’n, “Na lungtang uh hihmangbat in om kei hen... nou ading in mun bawl in ka kuan dek... ka omna a noute na om sam theihna ding un ka hong pai nawn ding a,noute ka hong la ding...” (free translation) achi (Johan 14).
Toupa’n kei adia abawl gam ka tun chiang in zaw simlei loubang tulsa mubang ngailou in ka leeng samta ding hi. Simlei zaw mangbatna gam, dah a luankhi nulna gam ahi. Huaiziak mah in laphuaktu in “Albang mang hen nuai simlei” ana chi khinta. Simlei khen a gam thak leh gam nuam hong om ding zaw hiai leitung tawh a kibang kei hial ding. “Lungdeih teng liibang ching in, zogam hong pal ding hi” chiin la in isasa na ua, simlei khen a gamthak hong om ding lou ngal lungdeih liibang a chinna ding a om kei. Toupa’n anbang A itte dia gam A bawl,Simlei Kanaan gam sang a zong nuam zaw hi;A aw nem in A mite sun chin in hon chial,A gam nunnuam a teeng sam ding in.
Niteng in honchial hi, A aw nem ngai in, Anbang itna hon zuan in, hon zuan in, Jordan tui kihawt zong leh, Aw Toupa’ gam ah hong lutta un. Aw tua ah hinna sing leh leenkhang khawmui,Galdot chiang’ ka ngai hinna paklunte tawh;Sianna chiaului gei leh tangtawn gamnuam etlawm,Toupa anbang itte tuallenna. Aw tua ah tangtawn vaak i Toupa Jesu,Leh Angelte tawh nunnop lngaih sa ding;Toupa Khrist’melmu te’n mawhna lau nawnlou ding,Nuam in Amah phat tawn tung ding uh. Gam nunnuam ka tuunnu gam chiin i awi ding – leitung a a dik keileh leng Van-gam ah a dik ngeingei ding.
Source: ZOGAM.COM
.::. All my articles can be view here: MELTED HEARTS .::.
Kum 2005 January kha ahi a, heutute deihna bang in Lungchin khua ah huai bial a saptuamte kem ding a mawhpuakna piak in ka om hi. Kithalawp tak in ka zi leh tapapa tawh ka kuan ua, Pathian hehpihna in nuamsa leh lungkim huntawk hiin kaki thei uhi. Kei a ding a mawhpuakna thak liklek kana let khak ngei nailouh leen kahih man in kakipak a, kaki thalawp a, tha ka ngah mahmah hi. Huchiin, amasa pen ding in February kha in bial fang ding chiin ka kisa a, a gam a lei thei nailou ka hih man in Local Chairman in hong makaih a, Lungchin apan Ngalzang khua lam zuan in ka kipankhia uhi.
Gam lalou hial ahih man in awlawl in houlim kawm in ka pai ua, nuam kasa mahmah. Khawpi thupi taktak a Car,Taxi, Metro ichihte khawng a i pawt sang mah in leng singtang gam a lam taam sim thilthel lak a khe a i pai mahmah lungkim huai pen bang kasa. Lamsak lamkhang a vasa ham chi tuamtuam te’n ngaihtuahna a gamlum sak in, lung a leng sak sim mahmah hi. Hon gamlum sak in thawmhau sak mahmah thei uhi.
Hun bangtan hiam nung in munkhat ka tung ua, kawl tung (cliff top) ahi a, khawmi te’n “dak mual” achihna mun uh ana hi. Tutna ding a singtuai bangzah hiam ki gaklom, galkhua dak a zo lenmui kai thiithiaite et theihna ding mun fianrial tak mai ahi. A nuailam bel vangsiathuaitak in kesuk zenzen leng le phamsa Rev. Liankhosiam chih dan a, Vualzawlna gen mai ngai didan ahi.Zo huih khi vot hiauhiau hong nung henhen a, khaw-ul te hul dindin in hon tawldam sak hina mai zen e! Gal lam ah Suangdai khua, tang tung a kiphah dinden chiangtak in ki galmuh a, tua Suangdai khua gal zek ah chiangtak mah in “Hausapi Kawl” kichi ilaizom tampi te tenna gam Myanmar ana hita.
A sing poute ki danglou, a gam melpuak ki dang lou, huih nung ki dang lou, tui vot dan ki bang. I mel i puam ki dang lou. Lungsim ngaihtuahna ana mahmah hi. Tua sing leh loupate, mual leh guamte leh siktui luangte leng mihingte bang in pau thei le uh ki khen ding, teng khawm theilou ding khat ahi ding uam aw chih bang ngaihsutna ah hong lut mawk hi. Hiai “dakmual” a daak kiim vel a igam kilawmna ka et lai in ka ngaihsutna hatpai mahmah hi. Pathian in hichitel a gam kilawm hon pia a,hon luahsak. Sing leh loupa hing dipdip maite, tul sing lel a vasa tom velhvelhte, kuam chih a siktui luang ging bia biate, huih khi siang nung hiauhiaute, tunglam a lum mei kai thii thiaite khawng et in lawm mahmah lel hi. Tuipi si nuai a hauhsakna ki phumgu thupi mahmahte sang in aman tam zaw ding in gingta ing. Kawl lak a vaupak ki galmuhte khawng mahmah.
Khua leh khua kikawmtuahna mihing paina lampi singkungte te kal a ki galmuh zinzente bang. “Toupa,ka tung uah hoih hina mahmah chia hichitel a etlawm gam a na hon teen sak” kachi lungsim hi. Huchih kawmkawm in a langkhat ah khasiatna in kaki dim leuleu mawk hi. Hichi bang a gam etlawm a Pathian in hon tengsak a, hilele, a sung ateng mihing (nang leh kei) te ziak kia atua gam pen gam lauhuai, gam sia, sisan luanna gam suak chih ka ngaihtuah chiang in ka mit ah khitui hong luang pian mawk hi. Ka lawmpa hon theih ding bel ka lau sim mahmah a, lah, ahi thei tuan kei. Hichitel a gam etlawm leh mitla, et chiang a dam huai petmah, lunggulh huai tuntun gam a teng te mah maw hichitel a thulimlou a, a luahtute ziak a agam kilawmna te a omlou hilou napi a khovel in a phawklouh mai? Chihna ding dang thei tuanlou in thilkhat ka hih a. “Toupa, hon ngai dam in. Keileh ka zomi pih hiai gam kilawmtak mai sung atengte ziak in hiai gam kilawm nate khovel in phawklou a, kithahna gam, sisan luanna gam, nekgukna gam, gam botlawh leh kihhuai asuakta. Hiai gam a tengtak hi kei ung, Toupa, hon ngaidam in aw” chiin keikia in a guuk in Pathian mai ah kakap hi. Huaini a huaimun a ka thilmuh leh ka lungsima hong om thute mangngilh thei di’n kaki gingta kei hi.“Miles to go before I sleep" chih piansim in, khawl det mawk theih hilou ahihman in ka kalsuan nawn ua, sawtlou in Ngalzang khua ka tung uhi.
I khualzinna hiai leitung a tomchik i khawsakna ding leh teenna ding lel hichitel a kilawm ahihchiang in tangtawn a Amah tawh i khawsakkhawmna ding gam kilawmna bukim na mahmah in chia ka chi. Leitung a hichi zahta siatna,gitlouhna,hiamgamna in gam sung a zelhsuak lai nangawn a bawn agam kilawmna pen ki mu thei veve lai ahihchiang in tangtawn gam ding-khelhna himhim omlouhna gam kilawmna bukim mahmah ding hi. Tunglam Jerusalem thak ichih chih la a ina saksak mai uh, ginna mit a i gal et uh tua gam kilawm dingdan thupi hi. Pathian thupina in a vaksak, Pathian mahmah in a mite tung a vai a hawmna mun ding, Van tuikhuk in a hon vaakna ding mun dahna khituite Pathian in hon nulhul sakna ding mun nak thupi in nuam hina zen in chia maw? Khelhna adim mihingte teenna gam le hichitel akilawm ahih chiang in, belamnou leh hinna singpal zou a hehpih tatsate leh hon tanpa tuallenna mun zaw a ngaklah huai tel mai. Tua gam lam manawh in nisim in kal ka suan zel ahi zaw. Simlei loubang tulsa mubang ngailou a ka tuallenna mun ding. Tua mun ah ka itt leh ngaih mahmah ka tuunnu leh ka nau te’n honna ngak uhi. Hiai leitung ka tuunnu gam ahih bang in tua Jerusalem thak leng ka tuunnu gam ahi hi. Ka itt mahmah ka tuunnu leh ka nau leh tatsa misiangthou pai masa te’n ahon na ngakna mun ngei uh tun kal ka ngak lah ngei. Jesu’n, “Na lungtang uh hihmangbat in om kei hen... nou ading in mun bawl in ka kuan dek... ka omna a noute na om sam theihna ding un ka hong pai nawn ding a,noute ka hong la ding...” (free translation) achi (Johan 14).
Toupa’n kei adia abawl gam ka tun chiang in zaw simlei loubang tulsa mubang ngailou in ka leeng samta ding hi. Simlei zaw mangbatna gam, dah a luankhi nulna gam ahi. Huaiziak mah in laphuaktu in “Albang mang hen nuai simlei” ana chi khinta. Simlei khen a gam thak leh gam nuam hong om ding zaw hiai leitung tawh a kibang kei hial ding. “Lungdeih teng liibang ching in, zogam hong pal ding hi” chiin la in isasa na ua, simlei khen a gamthak hong om ding lou ngal lungdeih liibang a chinna ding a om kei. Toupa’n anbang A itte dia gam A bawl,Simlei Kanaan gam sang a zong nuam zaw hi;A aw nem in A mite sun chin in hon chial,A gam nunnuam a teeng sam ding in.
Niteng in honchial hi, A aw nem ngai in, Anbang itna hon zuan in, hon zuan in, Jordan tui kihawt zong leh, Aw Toupa’ gam ah hong lutta un. Aw tua ah hinna sing leh leenkhang khawmui,Galdot chiang’ ka ngai hinna paklunte tawh;Sianna chiaului gei leh tangtawn gamnuam etlawm,Toupa anbang itte tuallenna. Aw tua ah tangtawn vaak i Toupa Jesu,Leh Angelte tawh nunnop lngaih sa ding;Toupa Khrist’melmu te’n mawhna lau nawnlou ding,Nuam in Amah phat tawn tung ding uh. Gam nunnuam ka tuunnu gam chiin i awi ding – leitung a a dik keileh leng Van-gam ah a dik ngeingei ding.
Source: ZOGAM.COM
.::. All my articles can be view here: MELTED HEARTS .::.
No comments:
Post a Comment