LAMKA, March 9 Lamka apan Km 1 vel ding a gamla Tuithapi khua leh Tuithalui kikal a gankhoina farm a giak Vungkhanthang Tonsing (58) s/o (L) T. Daithang, apaisa March 7, 2009 zankim dak 12 vel ding in meltheihlouhte’n a giahna mun ah khenlum ua, a giahpih a tapa Tualbiaklian Tonsing leng vuakliam in om hi. A tapa Tualbiaklian in a genna ah a ihmut laitak uh nitak dak 12 vel in ui bauh nasatak a om ziakin thakhat a thou a kong a ka pawt leh ka pa mi bangzah hiam in ana kivuak huan uh ka muh tak in ken leng ka hih theihtawp suah in ka pa ka panpih in sik longkhol khat man in mi 2 vel zep pai man ahihdan gen hi.
Bangtan hiam a kisualpih nung in amah leng a khutme a sattan sak ban uah mun bangzah hiam a liam ziakin a kisual kawm un awl a kihepkhiak dan ngaihtuah in tai a, migiloute’n farm gate tan delh mahle uh pha zoulou in suakta ahihdan gen hi. Huai apan a kiang nai ua om Zolian te inn a tailut in thil omdan va-gen a, tua apan in Inn lamte telephone tungtawn a thil omdan zasak ahihdan uh gen hi. A sungkuante’n leng kintak a delh in Damdawi inn tun in sisan unit khat pia ua, doctor inleng Imphal a ding in refer mahleh a kisak buai sung un panpih theih nawn vuallouh a om in si hi.
A ban a genzelna ah, migiloute bangzah pha ahi ua chih khomial ziakin gen theilou a, himahleh mi 4/5 vel zaw hipeuhmah uh chi hi. Kum paita apan in 6vei bang sum va ngenta ua, hiai ziak a lauthong in gankhoite enkol ding a a koih uh Nepali te leng ut nawnlou uh hi’n gen a, tukum sung inleng sum ngen a kuante a mat ua leh khahsuah kha in a puan-ak vuak mankha uh ahihdan leng gen hi.
Vungkhanthang bel tulel a District Hospital a Male Staff Nurse sem in Hospital OT in charge a puak laitak hi a, gan khawi a lut ziakin Tuithalui gal ah gam liantak lei a, huai mun ah bawong 18, belam 72, ui 3 leh ak 4 ban ah khuai leng khoi a, huaite enkol ding in Nepali innkuan khat sum loh in koih a, huaiten a etkol nung un sum ngen a om mun luat ziakin Nepali te om ngam nawnlou in paikhia ua, huai nung amau innkuan in farm veng ua, a tapa Tualbiaklian (23) toh kal khat val a mun a giah nung ua hiai bang thil tung hi’n leng a innkuanpihte apan thutut kingah hi.
Hiai thiltung toh kisai in Zomi Council (ZC) in hiai bang gamtatna ZDV khutnung ahi chi a ngoh in Manipur Chief Minister kiang ah Memorandum pia uhi.
Hiai Memorandum in a taklatna ah, ZDV te gamtatna a khatveina hilou a, Dec. 6, 2008 in P. Zamlianpau, Kamdou veng, ah that ua, January 19, 2009 in New Zou Veng ah Jamthong Baite that nawn ua, ahihna theihlouh February kha sung in mi khat that nawn ua, tuabanah, March 7, 2009 nitak a Vungkhanthang, lou giak a omlai that nawn uh hi’n taklang uhi. Hiai teng ziak leh ZDV kichi UZO in a theihpihlouh ahih ziakin SoO apan nohkhe ding chi’n taklang hi. Tuabanah, misi inkuante kiang a ex-gratia Rs. 5 lakhs piak ding banah, Dr. Th. Kishan, MCS leh a seppihte kipia bangbang hamphatna piak ding in ngiat hi. Tua dungzui in State Govt in, ZC ngiat bangbang pom hi.
Tuabangkal ah, ZDV in tuni a thusuah a bawlna ah, hiai tualthahna a amau kigolh khalou uh ahihdan taklang ua, thuchian theilou a kuaman thu gen mawkmawk lou ding inleng mipite theisak uhi. ZDV min zang a thil hoihlou bawl a omleh ngaihdam hilou ding inleng taklang hi.
Vungkhanthang sihna thu ah buaina lianzaw piang man dek
LAMKA, March 9
Meltheihlouhte’n a thah uh Vungkhanthang luang March 8, 2009 nitak a Damdawi Inn a zan giahpih ahihlai in tangval zukham pawl khat in Damdawi inn apan kikou in Light House lam zuan in paisuk uhi. Security lam in naktak a panla in hawlkik ua, himahleh khenkhat Zou Veng leh Zou Colony ah kithehdalh in gate khenkhat suksiat in om a, Tedim Road a Zou Colony lutna bul ah bike MNO1E/9174 mei in kihal a, Lamboi’ gari (Toyata Qualis) inn huang sung a om lai a glass teng leng khetsiat in om hi. Hiai teng chihlouh thilsia tung omlou in Army panlakna toh buaina veng thei hi.
Tuabangkal ah, tangval pawl khat in Sielmat EFCI khawmpi a tel khenkhat vuak liam a om chih thu ziak in tuni sunma dak 9:00 vel apan Hmar Veng apan pasal bangzah hiam in ICI Head office kong ah gari tyre mei a a hal ban uah suang tum tawi a khopi sung a manawh ziak un Lamka lam apan pasal hon tamtak in dal sawm in kidengtuah uhi. Mipi kal ah Police, Army leh BSF te om ua, suang a kidentuah lai un a kal a duty a om GA Bimol Sharma IPS SP/CCpur a awm suang in dengkha a, N. Herijit MPS Addl. SP/CCpur leng a awm veilam name plate kigelhna mun suang in dengkha in a name plate bal khe zou hi. Maj. E.S. Vinod, 3rd AR leng a pang leh a nung lak deng khak in om hi.
Security officer lam suang in hah den khak ziak in mipi khouh daihna ding in Security-te’n hun sawtlou a thau uh vanlam ngat in kap uhi. Huai apan in CDSU makai leh Security in nasatak a pan a lak ziak un mipi lam awl in kihemkhe thei nawn uhi. Tuabangkal ah, Th. German Kuki in leng buaina om ding lauh ziak in amah taksa mahmah a pai in mipi khemdaih sawm in panla a, Tuibuang a bus kingate New Bazar Bus Parking a a kingakna ding ua panla in Lamka Police station phatou hial hi.
KSO, HSA leh ZSP in tualthatte in 5 sung hun pia
LAMKA, March 9
T. Vungkhanthang sihna toh kisai in Kuki Students’ Organisation (KSO), CCpur, Hmar Students’ Association (HSA), Jt. Hqtr. leh Zou Sangnaupang Pawlpi (ZSP) Ghq in tuni’n joint press release suah uhi.
Joint press release a KSO, HSA leh ZSP in a taklatna uah, meltheihlouhte’n huhamtak a T. Vungkhanthang a thahna uh naktak a mohpaih thu puang kawm in migiloute kintak a matkhiak a gawtna a khauhtheitawp piak ding ngen uhi. Tualthatte’n leng ni 5 sung a mipi theih dia a kipuankhiak ban ua bangziak a amau khut a mohna neilou thah a om hiam chih hilhchetna a piak ding uh leng ngen uhi.
Sielmat, Bijang, Zou Veng leh Zou Colony lak a khouh zohlouh pawl khat a khengval a a gamtatna uh nakpitak a mohpaih kawm in Sielmat EFCI khawmpi a telte mi 4 bek liam uh ahihdan leng taklang uhi. Hichibang a ui-ngol gamtatna in unau sisan khat kal a kitheihsiamlouhna semsemna piangsak thei ahihdan leh a tawp chiang a kuapeuh a dia deihhuailou lemna leh muanna mang thei hi’n leng KSO, HSA leh ZSP in joint press release ah taklang uhi.
Class-X leh XII student-te board exam dia a kisak san laitak ua ngaihtuahna omlou a thakhat thu a bandh puan a om pen siamsinna lam a theih tham ching khopi mite vai ding banglou ahihdan leng taklang uhi.
District administration in leng a huntak a panla hileh hichibang buaina pumpelh theih ding ahihdan taklang kawm in hichibang thiltungte pumpelhna dia mohpuakna leh tupna taktak toh a kisaipih thuneitu in a lungsim a bawl fel hoih a sak thu uh leng taklang uhi.
Hiai bang dinmun ah, ‘i gam uh tenna dia mun hoih ahihsemna dia’ nam kal buaina tun thei ding zuau phuahtawm chinglou di’n tuni a KSO, HSA leh ZSP apat joint press release in a kisaipih council-te, organization, pawl leh michih kiang ah ngen hi.
PTC in mohpaih thu suah
LAMKA, March 9
Paite Tribe Council (PTC) in Vungkhanthang Tonsing sihna toh kisai in meeting poimohtak nei ua, hiai bang gamtatna mohpaih ahihdan uh taklang ua, hiai bang thil a tun nawn leh pupa dan a kihoulem chihte om thei nawnlou ding, tualthatte matkhiak a gawtna piak chih chiang a lungkim theih hinawnlou ding chi’n taklang uhi. Tuabanah Vungkhanthang galna ding in Rs. 3000/- pai uhi.
Tuabanah, Zenhang Lamka YPA, PTC leh Village Authority te banah Tonsing Innpi in leng mohpaihna thusuah bawl uhi..
Source: ZogamOnline.COm | The Lamka Post | March 10, 2009
.::. All my articles can be view here: MELTED HEARTS .::.
![Reblog this post [with Zemanta]](http://img.zemanta.com/reblog_c.png?x-id=01706216-14ff-4d07-a34d-b470e8b5893f)
Bangtan hiam a kisualpih nung in amah leng a khutme a sattan sak ban uah mun bangzah hiam a liam ziakin a kisual kawm un awl a kihepkhiak dan ngaihtuah in tai a, migiloute’n farm gate tan delh mahle uh pha zoulou in suakta ahihdan gen hi. Huai apan a kiang nai ua om Zolian te inn a tailut in thil omdan va-gen a, tua apan in Inn lamte telephone tungtawn a thil omdan zasak ahihdan uh gen hi. A sungkuante’n leng kintak a delh in Damdawi inn tun in sisan unit khat pia ua, doctor inleng Imphal a ding in refer mahleh a kisak buai sung un panpih theih nawn vuallouh a om in si hi.
A ban a genzelna ah, migiloute bangzah pha ahi ua chih khomial ziakin gen theilou a, himahleh mi 4/5 vel zaw hipeuhmah uh chi hi. Kum paita apan in 6vei bang sum va ngenta ua, hiai ziak a lauthong in gankhoite enkol ding a a koih uh Nepali te leng ut nawnlou uh hi’n gen a, tukum sung inleng sum ngen a kuante a mat ua leh khahsuah kha in a puan-ak vuak mankha uh ahihdan leng gen hi.
Vungkhanthang bel tulel a District Hospital a Male Staff Nurse sem in Hospital OT in charge a puak laitak hi a, gan khawi a lut ziakin Tuithalui gal ah gam liantak lei a, huai mun ah bawong 18, belam 72, ui 3 leh ak 4 ban ah khuai leng khoi a, huaite enkol ding in Nepali innkuan khat sum loh in koih a, huaiten a etkol nung un sum ngen a om mun luat ziakin Nepali te om ngam nawnlou in paikhia ua, huai nung amau innkuan in farm veng ua, a tapa Tualbiaklian (23) toh kal khat val a mun a giah nung ua hiai bang thil tung hi’n leng a innkuanpihte apan thutut kingah hi.
Hiai thiltung toh kisai in Zomi Council (ZC) in hiai bang gamtatna ZDV khutnung ahi chi a ngoh in Manipur Chief Minister kiang ah Memorandum pia uhi.
Hiai Memorandum in a taklatna ah, ZDV te gamtatna a khatveina hilou a, Dec. 6, 2008 in P. Zamlianpau, Kamdou veng, ah that ua, January 19, 2009 in New Zou Veng ah Jamthong Baite that nawn ua, ahihna theihlouh February kha sung in mi khat that nawn ua, tuabanah, March 7, 2009 nitak a Vungkhanthang, lou giak a omlai that nawn uh hi’n taklang uhi. Hiai teng ziak leh ZDV kichi UZO in a theihpihlouh ahih ziakin SoO apan nohkhe ding chi’n taklang hi. Tuabanah, misi inkuante kiang a ex-gratia Rs. 5 lakhs piak ding banah, Dr. Th. Kishan, MCS leh a seppihte kipia bangbang hamphatna piak ding in ngiat hi. Tua dungzui in State Govt in, ZC ngiat bangbang pom hi.
Tuabangkal ah, ZDV in tuni a thusuah a bawlna ah, hiai tualthahna a amau kigolh khalou uh ahihdan taklang ua, thuchian theilou a kuaman thu gen mawkmawk lou ding inleng mipite theisak uhi. ZDV min zang a thil hoihlou bawl a omleh ngaihdam hilou ding inleng taklang hi.
Vungkhanthang sihna thu ah buaina lianzaw piang man dek
LAMKA, March 9
Meltheihlouhte’n a thah uh Vungkhanthang luang March 8, 2009 nitak a Damdawi Inn a zan giahpih ahihlai in tangval zukham pawl khat in Damdawi inn apan kikou in Light House lam zuan in paisuk uhi. Security lam in naktak a panla in hawlkik ua, himahleh khenkhat Zou Veng leh Zou Colony ah kithehdalh in gate khenkhat suksiat in om a, Tedim Road a Zou Colony lutna bul ah bike MNO1E/9174 mei in kihal a, Lamboi’ gari (Toyata Qualis) inn huang sung a om lai a glass teng leng khetsiat in om hi. Hiai teng chihlouh thilsia tung omlou in Army panlakna toh buaina veng thei hi.
Tuabangkal ah, tangval pawl khat in Sielmat EFCI khawmpi a tel khenkhat vuak liam a om chih thu ziak in tuni sunma dak 9:00 vel apan Hmar Veng apan pasal bangzah hiam in ICI Head office kong ah gari tyre mei a a hal ban uah suang tum tawi a khopi sung a manawh ziak un Lamka lam apan pasal hon tamtak in dal sawm in kidengtuah uhi. Mipi kal ah Police, Army leh BSF te om ua, suang a kidentuah lai un a kal a duty a om GA Bimol Sharma IPS SP/CCpur a awm suang in dengkha a, N. Herijit MPS Addl. SP/CCpur leng a awm veilam name plate kigelhna mun suang in dengkha in a name plate bal khe zou hi. Maj. E.S. Vinod, 3rd AR leng a pang leh a nung lak deng khak in om hi.
Security officer lam suang in hah den khak ziak in mipi khouh daihna ding in Security-te’n hun sawtlou a thau uh vanlam ngat in kap uhi. Huai apan in CDSU makai leh Security in nasatak a pan a lak ziak un mipi lam awl in kihemkhe thei nawn uhi. Tuabangkal ah, Th. German Kuki in leng buaina om ding lauh ziak in amah taksa mahmah a pai in mipi khemdaih sawm in panla a, Tuibuang a bus kingate New Bazar Bus Parking a a kingakna ding ua panla in Lamka Police station phatou hial hi.
KSO, HSA leh ZSP in tualthatte in 5 sung hun pia
LAMKA, March 9
T. Vungkhanthang sihna toh kisai in Kuki Students’ Organisation (KSO), CCpur, Hmar Students’ Association (HSA), Jt. Hqtr. leh Zou Sangnaupang Pawlpi (ZSP) Ghq in tuni’n joint press release suah uhi.
Joint press release a KSO, HSA leh ZSP in a taklatna uah, meltheihlouhte’n huhamtak a T. Vungkhanthang a thahna uh naktak a mohpaih thu puang kawm in migiloute kintak a matkhiak a gawtna a khauhtheitawp piak ding ngen uhi. Tualthatte’n leng ni 5 sung a mipi theih dia a kipuankhiak ban ua bangziak a amau khut a mohna neilou thah a om hiam chih hilhchetna a piak ding uh leng ngen uhi.
Sielmat, Bijang, Zou Veng leh Zou Colony lak a khouh zohlouh pawl khat a khengval a a gamtatna uh nakpitak a mohpaih kawm in Sielmat EFCI khawmpi a telte mi 4 bek liam uh ahihdan leng taklang uhi. Hichibang a ui-ngol gamtatna in unau sisan khat kal a kitheihsiamlouhna semsemna piangsak thei ahihdan leh a tawp chiang a kuapeuh a dia deihhuailou lemna leh muanna mang thei hi’n leng KSO, HSA leh ZSP in joint press release ah taklang uhi.
Class-X leh XII student-te board exam dia a kisak san laitak ua ngaihtuahna omlou a thakhat thu a bandh puan a om pen siamsinna lam a theih tham ching khopi mite vai ding banglou ahihdan leng taklang uhi.
District administration in leng a huntak a panla hileh hichibang buaina pumpelh theih ding ahihdan taklang kawm in hichibang thiltungte pumpelhna dia mohpuakna leh tupna taktak toh a kisaipih thuneitu in a lungsim a bawl fel hoih a sak thu uh leng taklang uhi.
Hiai bang dinmun ah, ‘i gam uh tenna dia mun hoih ahihsemna dia’ nam kal buaina tun thei ding zuau phuahtawm chinglou di’n tuni a KSO, HSA leh ZSP apat joint press release in a kisaipih council-te, organization, pawl leh michih kiang ah ngen hi.
PTC in mohpaih thu suah
LAMKA, March 9
Paite Tribe Council (PTC) in Vungkhanthang Tonsing sihna toh kisai in meeting poimohtak nei ua, hiai bang gamtatna mohpaih ahihdan uh taklang ua, hiai bang thil a tun nawn leh pupa dan a kihoulem chihte om thei nawnlou ding, tualthatte matkhiak a gawtna piak chih chiang a lungkim theih hinawnlou ding chi’n taklang uhi. Tuabanah Vungkhanthang galna ding in Rs. 3000/- pai uhi.
Tuabanah, Zenhang Lamka YPA, PTC leh Village Authority te banah Tonsing Innpi in leng mohpaihna thusuah bawl uhi..
Source: ZogamOnline.COm | The Lamka Post | March 10, 2009
.::. All my articles can be view here: MELTED HEARTS .::.
A that te mo ma hi. But, tual thana masapen hi sih, midang in jong mi dang tampi that. fel tah in maban ki hou khawm uh. ahileh bang ding a ...... ZDV te tha kichi jiah a mipi nautang kihici bawl e? lawmte, kisimmo na ahilou leh bang la? Zukham te in vasubua kici. zukham jiah a thil bolte mona.. neilou uh mo? mo ngai lou d? Thou vai Thou vai, laizom te.
ReplyDeleteA proof umlou a ZDV te ki mawh phei ngawh mawh chi mawng mawng. Paite ten Zou te chuh a sim maw hoi uh maw. A veng minte uh lah a deih bang uh va heh sak uh, a veng veng a tawhgawp suh eh di chi a buluh nalai uh. Hih khel a ki simmawhna lei tungah a um nawn sih dih ka chi. Nam tawmte chuh ihiva, apoi khop mai.
ReplyDelete