Lamka, March 11: Lamka Police station apan simlam Km 50 vel a gamla (Teddim Road) Sialsih leh S Sehken Village kikal a Tuivai lei khat tuni zinglam dak 10 vel in chim a, huai ah truck liante (public carrier) khat kia in a nuai a tuilak kidenna a, vangphat huaitak in a sung atuang mi 6 te a si le liam omkei mah leh Driver in bel a khe taklam nna sa sim mahmah hi’n kigen hi. Hiai lei ahihleh, lei minthang mahmah Ngasuon lei apan Km ½ lel ding a gamla ahi hi.
Truck (Public Carrier) MN 02/8691 hektu Nabachandra Singh of Bangla in agendan in, tuni annnek kham in Sialsih apan Lamka lam zuan in hong taai ua, a gari ah singkhuul ding half load vel pua ahihdan gen hi. Huchi’n Tuivai leitung awlawl in tawn ua, a tailaitak un alei kichim in truck in a nuai a tuilak dengsuk ahihdan gen hi. Gari hattak a tai hileh, a sung atuang teng nasatak in liamding a, phetlou in a gari leng se naak mahmah ding ahi chi’n Driver in gen hi. Hiai lei ahihleh, tui apan ft 20 vel in sang a, ft 30 vel a saau hi’n kigen a, siiklei hi a, a tuang ft 9 vel in zaa a, siingpeek kiphah hi.
Hiai ‘tuivai lei’ ahihleh, hun sawtpi paisa apan puahlouh a om hi’n kigen a, gari taite’ ading in lauhthawnghuai mahmah hi’n gen uhi. Tulel in Lamka leh Behiang kal ah niteng in passenger pua in bus khat leh DI gari 3 tai gige a, huchilou in van tuamtuam pua gari tamtak tai gige in lampi luun mahmah hi’n kigen hi. Muanhuaitak apan thusuak kingahdan in, hiai lei apan gamla lou mah Behiang phakma deuh a ‘Tuilam lei” kichi leng puahlouh ahihziak in gari taite’ ading in lauhthawnghuai mahmah chih thu kiza hi.
Source: Manipur Express | March 12, 2009 http://zogam.com/index.php?option=com_content&task=view&id=5544&Itemid=2
===================================
ZRO leh KNO in Joint Statement suah | “Sisan luang in hon gawmkhawmzaw hen”
LAMKA, March 12; Migiloute khut a T. Vungkhanthang a sihna tungtang ah ZRO leh KNO in ‘joint statement’ suah ua, lusuunna tuak innkuante a thuakpih thu uh taklang uhi.
ZRO a I&PR Secy. Calvin H leh KNO a I&PR Secy. T. Stephen Kuki in ZRO leh KNO sik-le-tang a Nilaini, March 12, 2009 a thusuah a bawlna uah migiloute khut a T. Vungkhanthang in sihna a tuah in lemna-le-muanna leh mipite bitna nakpitak a suksiat a om ahihdan langsak hi’n taklang uhi. Suahtakna dia panlaknate dinmun poimohtak a a dinlai ua unau sisan khat kal a kimuanzohlouhna piangsak thei ding hichibang thil deihhuailou a vangkim a tungsek pen pawlpi nih a heutute’n nasa mahmah uh hi’n leng taklang uhi. Hiai bang dinmun ah, hichibang a huhamtak a gamtatna pen mohpaih kawm in pangkhawm a pawlpi nihte’n chihtakna taktak toh thudik a vualzohna dia panlak kipan ding ahihdan thuchiam bawl uhi.
Thusuak in a taklatzeldan in, hiai tualthahna in Churachandpur mipi teng kua phawklouh a a haisak ziak in sawtlou sung patauhna leh pheng buaina tun ahihdan leh hichibang thiltung pen poi mahmah hi’n taklang hi. Huai banah, mi hoihlou khenkhatte’n unau sisan khat kal a khenzak sawmna uh dou dia panlak kawmkawm a, hoih deih philanthropic organization teng, heutu teng leh michih in maban a leng lemna-le-muanna, kipumkhatna leh ki-unauna a hoihsemna dia lungkelou a panla chiat ding in hasuan leng uhi.
Lusuunna tuak innkuante a thuakpih thu uh leh hichibang hun haksa a lemna-le-muanna a omna dia kithuahpihna petute tengteng tung ah kipahthu gen uhi. Huai banah, sisan luang in a hon gawmkhawm a, zan khomial pen sunnitang a suahna ding deihna in, “May the sacrifice of the great soul unite us and turn our nights into days” chi’n ZRO leh KNO in a ‘joint statement’ uh zou uhi.
==========================
ZYA in Executive meeting nei
LAMKA, March 12: Zomi Youth Association (ZYA) HQ in tuni sunnung dak 2:00 in PTC, GHQ Hall ah Executive meeting nei uhi. Huai hun ah, April 11, 2009 chiang a ZYA General Assembly cum Presidential Election neih ding thupuk uhi. Huailou in, apaisa March 7-8, 2009 zan a migiloute’n mulkimna bei a Vungkhanthang Tonsing a thah ziak ua mipi thangpaite’n March 8, 2009 nitak a Zou Veng leh Zoumi Colony a mi kelkong khenkhat banah gari a suksiatsakna uh mohpaih uhi.
Source: http://zogam.com/index.php?option=com_content&task=view&id=5545
.::. All my articles can be view here: MELTED HEARTS .::.
Truck (Public Carrier) MN 02/8691 hektu Nabachandra Singh of Bangla in agendan in, tuni annnek kham in Sialsih apan Lamka lam zuan in hong taai ua, a gari ah singkhuul ding half load vel pua ahihdan gen hi. Huchi’n Tuivai leitung awlawl in tawn ua, a tailaitak un alei kichim in truck in a nuai a tuilak dengsuk ahihdan gen hi. Gari hattak a tai hileh, a sung atuang teng nasatak in liamding a, phetlou in a gari leng se naak mahmah ding ahi chi’n Driver in gen hi. Hiai lei ahihleh, tui apan ft 20 vel in sang a, ft 30 vel a saau hi’n kigen a, siiklei hi a, a tuang ft 9 vel in zaa a, siingpeek kiphah hi.
Hiai ‘tuivai lei’ ahihleh, hun sawtpi paisa apan puahlouh a om hi’n kigen a, gari taite’ ading in lauhthawnghuai mahmah hi’n gen uhi. Tulel in Lamka leh Behiang kal ah niteng in passenger pua in bus khat leh DI gari 3 tai gige a, huchilou in van tuamtuam pua gari tamtak tai gige in lampi luun mahmah hi’n kigen hi. Muanhuaitak apan thusuak kingahdan in, hiai lei apan gamla lou mah Behiang phakma deuh a ‘Tuilam lei” kichi leng puahlouh ahihziak in gari taite’ ading in lauhthawnghuai mahmah chih thu kiza hi.
Source: Manipur Express | March 12, 2009 http://zogam.com/index.php?option=com_content&task=view&id=5544&Itemid=2
===================================
ZRO leh KNO in Joint Statement suah | “Sisan luang in hon gawmkhawmzaw hen”
LAMKA, March 12; Migiloute khut a T. Vungkhanthang a sihna tungtang ah ZRO leh KNO in ‘joint statement’ suah ua, lusuunna tuak innkuante a thuakpih thu uh taklang uhi.
ZRO a I&PR Secy. Calvin H leh KNO a I&PR Secy. T. Stephen Kuki in ZRO leh KNO sik-le-tang a Nilaini, March 12, 2009 a thusuah a bawlna uah migiloute khut a T. Vungkhanthang in sihna a tuah in lemna-le-muanna leh mipite bitna nakpitak a suksiat a om ahihdan langsak hi’n taklang uhi. Suahtakna dia panlaknate dinmun poimohtak a a dinlai ua unau sisan khat kal a kimuanzohlouhna piangsak thei ding hichibang thil deihhuailou a vangkim a tungsek pen pawlpi nih a heutute’n nasa mahmah uh hi’n leng taklang uhi. Hiai bang dinmun ah, hichibang a huhamtak a gamtatna pen mohpaih kawm in pangkhawm a pawlpi nihte’n chihtakna taktak toh thudik a vualzohna dia panlak kipan ding ahihdan thuchiam bawl uhi.
Thusuak in a taklatzeldan in, hiai tualthahna in Churachandpur mipi teng kua phawklouh a a haisak ziak in sawtlou sung patauhna leh pheng buaina tun ahihdan leh hichibang thiltung pen poi mahmah hi’n taklang hi. Huai banah, mi hoihlou khenkhatte’n unau sisan khat kal a khenzak sawmna uh dou dia panlak kawmkawm a, hoih deih philanthropic organization teng, heutu teng leh michih in maban a leng lemna-le-muanna, kipumkhatna leh ki-unauna a hoihsemna dia lungkelou a panla chiat ding in hasuan leng uhi.
Lusuunna tuak innkuante a thuakpih thu uh leh hichibang hun haksa a lemna-le-muanna a omna dia kithuahpihna petute tengteng tung ah kipahthu gen uhi. Huai banah, sisan luang in a hon gawmkhawm a, zan khomial pen sunnitang a suahna ding deihna in, “May the sacrifice of the great soul unite us and turn our nights into days” chi’n ZRO leh KNO in a ‘joint statement’ uh zou uhi.
==========================
ZYA in Executive meeting nei
LAMKA, March 12: Zomi Youth Association (ZYA) HQ in tuni sunnung dak 2:00 in PTC, GHQ Hall ah Executive meeting nei uhi. Huai hun ah, April 11, 2009 chiang a ZYA General Assembly cum Presidential Election neih ding thupuk uhi. Huailou in, apaisa March 7-8, 2009 zan a migiloute’n mulkimna bei a Vungkhanthang Tonsing a thah ziak ua mipi thangpaite’n March 8, 2009 nitak a Zou Veng leh Zoumi Colony a mi kelkong khenkhat banah gari a suksiatsakna uh mohpaih uhi.
Source: http://zogam.com/index.php?option=com_content&task=view&id=5545
.::. All my articles can be view here: MELTED HEARTS .::.
No comments:
Post a Comment