Lamka Nov13: Committee On Mautaam Famine AID (COMFA) pawlin tuni zing dak 7:00 in Lamka Public Ground akipan in centre tuamtuam 12 a Mautaam kial panpihna dingin antang bag 740 thonkhia uhi. Rev.Jangkholam, Executive Secy.Thangkhal Bible Church in huai antangte thumna in lan a, H.Rupachandra Singh, ADC in khahkhia hi. Hiai hun ah Philantrophic Organisation tuamtuam apan makai, students makaite leh mipi tamtak in uap uhi.
COMFA Chief Co-ordinator Rev.Khen P.Tombing in mipite pankhawmna ziak liauliau in Mautaam thuakte ading antang hawmkhiak theih ahihdan gen a, Re 1 pia leh antang kg.1 piate leng a list hoihtak a kibawl ahihdan gen hi.Aman panpihna pekhawmte leh, akaihkhawmna a panla Philantrophic-te ban ah MP pu, Power Minister,AID Zomi Japan te leh YPA GHQ te’n Hall zangsakte tungah kipahthu gen hi. Mautaam kial panpihna dia kikhonte leh kithawhkhawmte kuapeuh in a muhchet theih dia sai ahihdan gen kawm in Govt in COMFA te enton dia a deihthu ngen hi. Khen P. Tombing in Central Govt apan Mautaam kial panpihna hongpai Rs.7,22,83,578 leng alianpen apan aneupen tan in transparency a saiding in ADC kiang ah ngen a, galvan tawipawlte’n leng Re.1 /- leng la heklou ding in ngen in amuding te’n kim sipsip a muthei dinga kithuahpihzaw din leng ngen hi.
Tuni a Centre 12 adia antang kithonte bel Mualnuam, Sinzawl, Khajang, Bukpi leh Thanlon ading bag 160 , Aina, Santing leh Leijangphai adin bag 85, Kawhen ading bag 30, Munpi ading bag 30, Behiang leh Lamjang ading bag 70, Singngat leh Muallum ading in bag 70, Tonglon (T) ading bag 25, Saiboh leh B.Kaljang adin bag 60, Lungthul (L) leh Suangdoh adingin bag 65, Kangvai adin bag 25, Tuilaphai leh Dongjang ading bag 60, Lungthulien leh Damdei adin bag 60 thonkhia uh a,Ankhasuoh leh Kangreng Dawr ading in HYA makaite khut ah Rs.50,000/- pekhia uhi. Antang puakna ding in CCpur Dist.Saktiman Assn. te’n COMFA kithuahpih uhi.
Source: Manipur Express | zogam.om
No comments:
Post a Comment