Maj.Gen in Children’s day lopna uap
Lalpuithuii Foundation school te’n tuni zinglam dak 10:00 apan in Childrens’ Day lopna nei ua, Maj.Gen.AK Choudhary, SM, VSM, Inspector General Assam Rifles (South) in Chief Guest hihna tawh uap hi. Maj.Gen AK Choudhary in athugenna ah LFS neitu Vunglallian phat huai asakthu gen a, student te amuh dan in India level tanpha ah lawhchinna mutheiding mitamtak om ahihdan gen a, student te siamsinna ah atamthei pen in asangpen (top most) tan tunsawm chiat ding in hasotna nei hi. AK Choudhary in student te’n kimawlna tawh kisai a azat ding un Rs.5000/- pia a, tuaban ah, laibu, sports item leh gift tuamtuam tamtak apiak ban ah, teaching staff te ading in vantun lianpi khat pia hi. Major General in COMFA te khut ah mautam panpihna ding in Rs.5000/- leng pia a, L.Foundation school in Mautaam kial panpihna dia a piak uh Rs 6000 leng COMFA te khut ah piakkhiakna om hi.
Program officer in office luahta
Manipur Govt in CCpur District Program Officer lending in Oct.16, 2008 in order suah a, November nipi kal masa in J.Zoneikim in Director apan in charge la a, aman CDPO Lamka leh Thanlon paw khawm ding a, tuni apan ICDS Office, Hill Town mun ah office kai in nasem hi.
Huaiban ah ICDS nuai a Aganwadi worker te pay April, 1, 2008 apan in khangsak ahi. Aganwadi worker te’n khakhat in Rs.1000/ alak uh Rs.1500/- lata ding ua, helper te’n kha khat a Rs.500/- alak uh Rs.750/- lata ding uhi. Kha lawh akhan dung zui in CCpur District sung a ICDS nuai a Aganwadi worker leh helper teng in mahni bio-data, educational qualification, age prove certificate leh appointment order submit chiat ding in J.Zoneikim, District Program Officer in theisak hi.
US apan mi 6 in Lamka pha
Leitung pumpi a Pathian thugen a minthang ban Ravi Zacharias International Ministry (RZIM) neitu Rev Ravi Zacharias’ a zi Mrs Margaret Jean Zacharias, a tanu Ms Naomi Michael, a sanggamnu Mrs Barbara Lynne Reynolds leh midang 3 Ms Rachel Christin Csh, Mr Seth John Grotelueschen leh Ms Loisy te hong zin uhi. Amau Lamka a om sung un tunung a RZIM nuai a NGO nasepna ka hiang poimawh Welllspring International tawh AIGUPTA (Action Integrated Genders United PAarticipating in Transformation Approach) NGO kithuah a ‘Woman at Rsik’ te lak a nasep dingdan hong enkhia uh hi’n kigen hi. Zingchiang Nov 15 in New Delhi tawn in Atlanta, USA zuankik nawn ding uh chih thu kiza hi.
NSV Camp omding
DFWO saina in Dist. Hospital mun a Post Partum Programme Centre ah Nov. 26-27, 2008 sung No Scalpel Vasectomy ( Pasal kigehna) Camp om ding a, huai ah Dr.T.Hatlang, DFWO makaih in sinsakna om ding hi.
Workshop on Peace omlel
IB Road a Synod Hall ah Presbyterian Youth Fellowship saina in Workshop on Peace omlel a, Nov.16, 2008 in zouding uhi. Nov.15, zinglam dak 10:30 apan in Lamka Presbyterian Church apan in Tuibuong Bazar tan Peace Rally leng nei ding uhi. Workshop hun in Rev.JF Lalropuia, Rev.David Lhouvum, Rev.Laldawngliana leh Rev.M.Shylla, Leader PYF te’n thupi tuamtuam pansan in sinsak uhi. Mizoram Youth Icon 2007 apan in top 2 Joy Zairemmawia leh Top 10 apang , Anne Malsawmtluangi te’n leng hong uap uhi.
NGO teng tawh genkhawm
NACO in District Hospital a VCCTC, ART Centre leh CCTC mun bangzah hiam a omte ah phaijang mi ngen councellor in hon koih ua, consellor te’n pau leh haam atheihlouhziak un mitamtak te’n haksatna tuak uh hi’n kigen hi. Hiai thu tawh kisai in tuni sun dak 1:00 in DAO makaih in DAO office ah Lamka apan NGO 8 te’n counsellor te singtangmi mah koih theih dan om hiam chi’n genkhawmna nei uhi.
Private Centre Committee meeting omding
CCpur Dist. sunga HSLC examination tawh kisai in Private Centre Committee te’n ZEO office ah Nov.21, 2008 zinglam dak 11:00 in meeting neiding ua, HSLC examination 2009 ading centre committee form dingdan genkhawm ding uhi.
Chistmas Sale omding
Lamka ICI Kristien Thalai Pawl ( Chistmas & Kumthar Sub-Committee) saina in Lamka ICI Road ah Nov.15, 2008 zingdak 6:00 apan in Secondhand leh laibu tuamtuam zuakna nei ding uhi.
Maj.Gen in UPF/ KNO te kimuhpih
Maj.Gen.AK Choudhary, SM, VSM, Inspector General Assam Rifles (South) in Tuibuong a Army te HQ 27 Sector ah tuni sun dak 12:00 apan in UPF leh KNO makaite kimuhpih a, Suspension of Operation ( SoO) tawh kisai houlim khawmna nei ua, designated camp ding leng genkhawmna nei uh hi’n kigen hi.
Moreh Youth Conference omding
Moreh KBC Centre Church mun ah Nov.14-16, 2008 sung All Moreh Churches Youth Cenference om a, huai ah Rev.Dr.Kh Khaizakham, Principal ETC in thugenna hun nei a, ECT Trio leh Group tuamtuam in phatna la sa uhi.
Seikam Memorial Tournament kipan ding
Kholmun Youth Club saina in Nov.15, 2008 sun dak 12:00 in Kholmun playground ah “1st (late) Seikam Memorial Open Football Tournament” kipan ding hi. Huai ah Chief Guest in P.Raghumami Singh, Vice President, AMFA pangding a, Functional President in Thuamzagin Samte, President CDSA pang ding hi. Exhibition match ah New Lamka Y/C leh Real Khawzim Football Club kimawl ding ua, winner in Rs.1000/- kipahman mu ding hi.
Dist. Level Youth Festival omding
Dist.Youth Affairs & Sports Officer/ CCpur saina in Lamka Community Hall ah Nov.20-21, 2008 sung Dist. Level Youth Festival om ding a, club/ Assn/ Organisation/ Youth Centre tuamtuam application submit sateng in Nov.20, 2009 zinglam dak 9:30 a Community Hall ah ki report ding in DYASA/ CCpur in theisak hi.
KSO/ Henglep in survey bawl ding
CCpur District sung a Mautaam kialpi tawh kisai in Govt facilities leh property te tunlouh ziak in KSO / Henglep Sub-Dist, Dist. KSO makaite leh Hausa te’n Nov.15, 2008 in Information Centre for Hills Area Manipur chih thupi anei in Mautaam kialpi survey bawl ding in kuankhe ding uhi.
KNO/ KLA kilemthak
Armstrong Kuki, Secy.Inf & Publicity apan lai kimu in ataklat dan in KNO arms wing KLA te’n Nov.12, 2008 in Sadar Hills a tactical headquarters mun ah Mr.TK.Kuki @ Stephen Kuki , C-in C ding in namkipna nei ua, cabinet member ding leng guang uhi. Winson Kuki in Home Secy len a, L.Robinson in Defence Secy, Ngambom Kuki in Secy Finance, Simon Kuki in Public Relation Officer leh Armstrong Kuki in Inf. Publicity len ahihdan taklang hi.
Huai ban ah KLA in party taisan sate, gam leh nam it pawlpi a lut ut te ading in KNO/ KLA in kong lianpi hong ahihdan gen a, i gam ah lemna leh muanna om nang in pangkhawm chiat ding in ngetna nei a, Kuki tate lak ah lemna leh muanna omsem nang in mipi te’ kithuahpihna leng ngen hi.
Antang pawte tung siausiau
COMFA te saina nuai a zan Nov 13 a mautam kial panpihna antang pawtu Shaktiman 11 te’ lak ah a tamzaw Lamka hongtung kikta ua, panpihna mu mipite kipak thei mahmah uh chih thu kiza hi. Hiai antang te ahihleh, Rev Jangkholun Mangte, Director of Ministries, Thangkhal Bible Church in Pathian min a akhak khiak ahi hi.
Source: http://zogam.com/index.php?option=com_content&task=view&id=4908&ac=0&Itemid=2
Lalpuithuii Foundation school te’n tuni zinglam dak 10:00 apan in Childrens’ Day lopna nei ua, Maj.Gen.AK Choudhary, SM, VSM, Inspector General Assam Rifles (South) in Chief Guest hihna tawh uap hi. Maj.Gen AK Choudhary in athugenna ah LFS neitu Vunglallian phat huai asakthu gen a, student te amuh dan in India level tanpha ah lawhchinna mutheiding mitamtak om ahihdan gen a, student te siamsinna ah atamthei pen in asangpen (top most) tan tunsawm chiat ding in hasotna nei hi. AK Choudhary in student te’n kimawlna tawh kisai a azat ding un Rs.5000/- pia a, tuaban ah, laibu, sports item leh gift tuamtuam tamtak apiak ban ah, teaching staff te ading in vantun lianpi khat pia hi. Major General in COMFA te khut ah mautam panpihna ding in Rs.5000/- leng pia a, L.Foundation school in Mautaam kial panpihna dia a piak uh Rs 6000 leng COMFA te khut ah piakkhiakna om hi.
Program officer in office luahta
Manipur Govt in CCpur District Program Officer lending in Oct.16, 2008 in order suah a, November nipi kal masa in J.Zoneikim in Director apan in charge la a, aman CDPO Lamka leh Thanlon paw khawm ding a, tuni apan ICDS Office, Hill Town mun ah office kai in nasem hi.
Huaiban ah ICDS nuai a Aganwadi worker te pay April, 1, 2008 apan in khangsak ahi. Aganwadi worker te’n khakhat in Rs.1000/ alak uh Rs.1500/- lata ding ua, helper te’n kha khat a Rs.500/- alak uh Rs.750/- lata ding uhi. Kha lawh akhan dung zui in CCpur District sung a ICDS nuai a Aganwadi worker leh helper teng in mahni bio-data, educational qualification, age prove certificate leh appointment order submit chiat ding in J.Zoneikim, District Program Officer in theisak hi.
US apan mi 6 in Lamka pha
Leitung pumpi a Pathian thugen a minthang ban Ravi Zacharias International Ministry (RZIM) neitu Rev Ravi Zacharias’ a zi Mrs Margaret Jean Zacharias, a tanu Ms Naomi Michael, a sanggamnu Mrs Barbara Lynne Reynolds leh midang 3 Ms Rachel Christin Csh, Mr Seth John Grotelueschen leh Ms Loisy te hong zin uhi. Amau Lamka a om sung un tunung a RZIM nuai a NGO nasepna ka hiang poimawh Welllspring International tawh AIGUPTA (Action Integrated Genders United PAarticipating in Transformation Approach) NGO kithuah a ‘Woman at Rsik’ te lak a nasep dingdan hong enkhia uh hi’n kigen hi. Zingchiang Nov 15 in New Delhi tawn in Atlanta, USA zuankik nawn ding uh chih thu kiza hi.
NSV Camp omding
DFWO saina in Dist. Hospital mun a Post Partum Programme Centre ah Nov. 26-27, 2008 sung No Scalpel Vasectomy ( Pasal kigehna) Camp om ding a, huai ah Dr.T.Hatlang, DFWO makaih in sinsakna om ding hi.
Workshop on Peace omlel
IB Road a Synod Hall ah Presbyterian Youth Fellowship saina in Workshop on Peace omlel a, Nov.16, 2008 in zouding uhi. Nov.15, zinglam dak 10:30 apan in Lamka Presbyterian Church apan in Tuibuong Bazar tan Peace Rally leng nei ding uhi. Workshop hun in Rev.JF Lalropuia, Rev.David Lhouvum, Rev.Laldawngliana leh Rev.M.Shylla, Leader PYF te’n thupi tuamtuam pansan in sinsak uhi. Mizoram Youth Icon 2007 apan in top 2 Joy Zairemmawia leh Top 10 apang , Anne Malsawmtluangi te’n leng hong uap uhi.
NGO teng tawh genkhawm
NACO in District Hospital a VCCTC, ART Centre leh CCTC mun bangzah hiam a omte ah phaijang mi ngen councellor in hon koih ua, consellor te’n pau leh haam atheihlouhziak un mitamtak te’n haksatna tuak uh hi’n kigen hi. Hiai thu tawh kisai in tuni sun dak 1:00 in DAO makaih in DAO office ah Lamka apan NGO 8 te’n counsellor te singtangmi mah koih theih dan om hiam chi’n genkhawmna nei uhi.
Private Centre Committee meeting omding
CCpur Dist. sunga HSLC examination tawh kisai in Private Centre Committee te’n ZEO office ah Nov.21, 2008 zinglam dak 11:00 in meeting neiding ua, HSLC examination 2009 ading centre committee form dingdan genkhawm ding uhi.
Chistmas Sale omding
Lamka ICI Kristien Thalai Pawl ( Chistmas & Kumthar Sub-Committee) saina in Lamka ICI Road ah Nov.15, 2008 zingdak 6:00 apan in Secondhand leh laibu tuamtuam zuakna nei ding uhi.
Maj.Gen in UPF/ KNO te kimuhpih
Maj.Gen.AK Choudhary, SM, VSM, Inspector General Assam Rifles (South) in Tuibuong a Army te HQ 27 Sector ah tuni sun dak 12:00 apan in UPF leh KNO makaite kimuhpih a, Suspension of Operation ( SoO) tawh kisai houlim khawmna nei ua, designated camp ding leng genkhawmna nei uh hi’n kigen hi.
Moreh Youth Conference omding
Moreh KBC Centre Church mun ah Nov.14-16, 2008 sung All Moreh Churches Youth Cenference om a, huai ah Rev.Dr.Kh Khaizakham, Principal ETC in thugenna hun nei a, ECT Trio leh Group tuamtuam in phatna la sa uhi.
Seikam Memorial Tournament kipan ding
Kholmun Youth Club saina in Nov.15, 2008 sun dak 12:00 in Kholmun playground ah “1st (late) Seikam Memorial Open Football Tournament” kipan ding hi. Huai ah Chief Guest in P.Raghumami Singh, Vice President, AMFA pangding a, Functional President in Thuamzagin Samte, President CDSA pang ding hi. Exhibition match ah New Lamka Y/C leh Real Khawzim Football Club kimawl ding ua, winner in Rs.1000/- kipahman mu ding hi.
Dist. Level Youth Festival omding
Dist.Youth Affairs & Sports Officer/ CCpur saina in Lamka Community Hall ah Nov.20-21, 2008 sung Dist. Level Youth Festival om ding a, club/ Assn/ Organisation/ Youth Centre tuamtuam application submit sateng in Nov.20, 2009 zinglam dak 9:30 a Community Hall ah ki report ding in DYASA/ CCpur in theisak hi.
KSO/ Henglep in survey bawl ding
CCpur District sung a Mautaam kialpi tawh kisai in Govt facilities leh property te tunlouh ziak in KSO / Henglep Sub-Dist, Dist. KSO makaite leh Hausa te’n Nov.15, 2008 in Information Centre for Hills Area Manipur chih thupi anei in Mautaam kialpi survey bawl ding in kuankhe ding uhi.
KNO/ KLA kilemthak
Armstrong Kuki, Secy.Inf & Publicity apan lai kimu in ataklat dan in KNO arms wing KLA te’n Nov.12, 2008 in Sadar Hills a tactical headquarters mun ah Mr.TK.Kuki @ Stephen Kuki , C-in C ding in namkipna nei ua, cabinet member ding leng guang uhi. Winson Kuki in Home Secy len a, L.Robinson in Defence Secy, Ngambom Kuki in Secy Finance, Simon Kuki in Public Relation Officer leh Armstrong Kuki in Inf. Publicity len ahihdan taklang hi.
Huai ban ah KLA in party taisan sate, gam leh nam it pawlpi a lut ut te ading in KNO/ KLA in kong lianpi hong ahihdan gen a, i gam ah lemna leh muanna om nang in pangkhawm chiat ding in ngetna nei a, Kuki tate lak ah lemna leh muanna omsem nang in mipi te’ kithuahpihna leng ngen hi.
Antang pawte tung siausiau
COMFA te saina nuai a zan Nov 13 a mautam kial panpihna antang pawtu Shaktiman 11 te’ lak ah a tamzaw Lamka hongtung kikta ua, panpihna mu mipite kipak thei mahmah uh chih thu kiza hi. Hiai antang te ahihleh, Rev Jangkholun Mangte, Director of Ministries, Thangkhal Bible Church in Pathian min a akhak khiak ahi hi.
Source: http://zogam.com/index.php?option=com_content&task=view&id=4908&ac=0&Itemid=2
No comments:
Post a Comment