LAMKA, Nov 10: Mautaam kial thuakte panpihna dia tuni chiang a a panlaknate uh COMFA in Rayburn College ah tuzing dak 7 in genkhawn ua, huai ah, Joseph Buhpang, Hiangtam Lamka a anntang a sekkhawmte uh hawmzak dia thumna a khakkhiakna programme, ‘flag off ceremony’ Nov. 13, 2008 zing dak 6:30 a neih di’n thupuk uhi.
Kial panpihna anntang hawmzak dia puakna di’n Churachandpur District Shaktiman Owners’ Association in truck 11 thoh uh hi’n leng COMFA apat thutut kingah hi. Hiai kial panpihna anntangte ahihleh chi-le-kuang a deidanna bangmah omlou a Mizoram, Chin State, Kom Keirak leh Sagang bial a leng hawmzak hiding hi’n COMFA apat thutut kingah hi.
Huai banah, mautaam kial thuakte panpihna ding donkhawmna Bangalore khopi ah leng nasatak in pailel a, tunitan in Rs. 20000/- ngahta uhi. COMFA Delhi Front in leng tulai in vannuaizom (internet) leh a dangdang zang in mautaam kial thuakte panpihna ding kaikhawm lel uh hi’n leng thutut kingah hi.
Source: http://zogam.com/index.php?option=com_content&task=view&id=4881&ac=0&Itemid=2
No comments:
Post a Comment