Kawlgam Refugees te zuo in om hi

"Malaysia gam immigration lam ah thunei lam pawl in, kawlgam pan gamtai mite (kawlgam refugees) te Thailand leh Malaysia gamgi munte ah Malaysia sum, Ringit 1500 pan 2000 dong in zuo vuh hi cithu" Malaysia Public Party, Kalang a om Mr. Charles Santiago in genkhie hi.

Malaysia gam a om kawlgam pan gamtang mite (Burmese refugee) te akimat zaw ciengin Immigration lam ah thunei pawl in, Thai mihau te, milei te kung ah a zuosawn kia vuh hi. Tuobang a kizuo te pen, alei te i sumnget zah apie zo vuh leh, hakhie kia thei sam vuh aa, ahizong in atam zaw in pie zolo ahizie in, Thai gam a tuipi golte tung ah ngaman in zang vuh aa, numei te pen, nu leh pa opton nalam ah sum sui na in nei kia vuh hi.

Tambang hamsiet na a thua te ahi kawlgam mite pen, a gam vuh Kawlgam kumpi hoih lo zie in kawlgam tawh kinai gamgi teng ahi, Thailand, India, Malaysia lah ah dan tuomtuom tawh hing tai vuh ahi aa, tam bang a migen thei ahi Kawlgam pan hing tai mite Malaysia gam thunei lam pawl in huzaw sop lo in a zuosawn kia vuh pen, Leitung thunei lam te kithu kim na dan te, UN dan te apal sat zong ahi vuh hi.

Malaysia TV Channel NTV 7 ah May hla sung a pulah khiet ahi, 'Refugees for sale' gamtai te zuoding om hi ciin kawlgam mite zuoding om hi ci a puolah khiet a kipan, tam thupen a man tahtah ahi leh, tam thu hang in thunei lam te in dan tawh kituo a na hing sep ding Action a la nading in, Mr. Charles Santiago in Malaysia kumpi te tung ngetna nei hi.

Tam thu hang in Malaysia kumpi lam ten Thu ciankan ding pawl bawltha aa, ahizong, tambang kawlgam mite kizuo na thu ah, Malaysia Immigration lam pan thunei khat zong kihal lo hi ciin, genkhie vuh hi. Tuoban ah tamthu tawh kisai in a kician in katel nuom vuh hi. Bang hang ahei cileh, tamhang in Malaysia kumpi minzong ka siesah noum sih vuh hi.

"Tam thu pen, a pieng tahtah ahi zie in, keikung a thu te hing tung lai ding hi ciin leh, tuo cieng in Malaysia kumpi te tung kang gen kia ding hi ci-in" Mr. Charles Santiago gen khie hi. Malaysia gam sung ah Kawgam pan gamtai mi tul sawmnga (50, 000) bang om hi ciin, Malaysia gam a om Gamtai mite kipawl na lam in gen na pi in, ahizong in Malaysia kum pi ten tul sawm nih tang beh pha ding hi ci-in, pula khie vuh hi.

Source: www.pu-zo.com