Sunday, January 25, 2009

BRTF in NH 150 (Lamka-Aizawl) puahpha lel, Singngat-Behiang lampi kekding dan genkhawm ding

Lamka, 24: Border Road Task Force (BRTF) 25th Bn nuai a om Bungmual a 80 RCC camp ah Jan.28, 2009 zing dak 8:00 in Anil Raj, Maj.Offg, Comander BRTF makaih in SDO/ Singngat Mrs Mannuamching, Dist Forest Officer (DFO) Dalzamang Gangte leh Vungsuanmang Valte Executive Enginneer / PWD CCpur te’n meeting nei ding uh a, Singngat-Behiang lampi 19 metres alian a keklet ding thu genkhawm ding uh chih thu kiza hi.

Hiai lampi ahihleh, GS plan nuai ah kek hiding in kigen hi. Thusuak kingah dan in, meeting hun ah survey bawl dingdan, gam(land) leh inn neitu te theihsuah ding dan tel in thu poimawh tamkhop ngaihtuah ding uh hi’n kigen hi.

Tuabangkal ah, BRTF in CCpur district ah pan naktak in la ua, Bungmual ah battalion headquarter ding bawlsawm in kisa ua, gam liantak umkual khinta in daai (fencing) kai ua, tunung sawtlou in office building, canteen leh inn neu tamtak lam ding uh hi’n kigen hi. Amau tulel in Km 162 a sau NH 150 (Lamka-Tipaimukh-Aizawl) lampi puahpha lel in, Lamka Police station apan Km 70 phial zouta uh hi’n kigen hi. 765 BRTF a Unit Commandant PN Yadav leh officer hunkhop NH 150 nasepdan enkhe ding in tuma zek apan 80th RCC camp ah hong om tou uhi.

25th BRTF Commandant BP Mishra in NH 150 a nnasem lel 25th Bn nuai a 80th RCC te’ nasepdan a vangkim in Imphal apan hong enkai zel hi. BRTF pawl in Indo-Myanmar gamgi a lampi om te nasatak in puahsawm ua, tu in Moreh apan New Somtal kikal lampi puahding in kisa lel uhi. 1990s a BRTF te’n lampi a na bawl uh Km 160 a sau Tamu apan Kalemyo puahthak sawm in 25th Bn BRTF te’ Myanmar gamsung ah ki station lel uh hi’n BP Mishra in gen hi.


Source: ZOGAM ONLINE

.::. All my articles can be view here: MELTED HEARTS .::.

SocialTwist Tell-a-Friend
Reblog this post [with Zemanta]

No comments:

Post a Comment