LAMKA, Jan. 27: Lamka apat kilometer 18 vel a gamla Hiangdung khomite Hmar nam sung a kum 30 val ana um nuo un January 27, 2009 nai 2:15PM in Zou nam sung ah UZO President Pu T. Hangkhanpao MLA in lalut hi. Hiangdung khuo ahihleh a Hausapa uh phamsa Ginzahang in phung a sutna ah Thangnawh phung pen Hmar nam ahi chi’n Hmar nam sung ah ana kipialutpi hi.
Ham-le-pau leh tawndan a Zou ngeina ma zang ahina zieh un, tu a kho Hausa Pu Zuanchinthang lamkai in Oct. 15, 2008 ni'n UZO Headquarters kung ah Zou community a lalut ding in ngetna ana bawl uhi.
UZO in tam ngetna a mu dungzui in tuni’n Zougal Hall, Zoveng ah UZO President Pu T. Hangkhanpao, MLA in amaute Zou nam sung ah lalut hi. Tam lalutna hun ah, UZO President Pu T. Hangkhanpao, MLA in Hiangdung Hausapa kung ah Puansan a pia banah, Hiangdung khomi sih-le-tang in Ginsuanhang leh Mangsuanthang kung ah Zou Puandum pia hi.
Tua banah, Hiangdung khomite Zou nam sung a lalutna lopna hun lem khat a Hiangdung khua mama a nei hiding in UZO President in gen a, tua ding in Hiangdung Hausapa kung ah Rs. 5,000/- pia hi.
.::. All my articles can be view here: MELTED HEARTS .::.
Ham-le-pau leh tawndan a Zou ngeina ma zang ahina zieh un, tu a kho Hausa Pu Zuanchinthang lamkai in Oct. 15, 2008 ni'n UZO Headquarters kung ah Zou community a lalut ding in ngetna ana bawl uhi.
UZO in tam ngetna a mu dungzui in tuni’n Zougal Hall, Zoveng ah UZO President Pu T. Hangkhanpao, MLA in amaute Zou nam sung ah lalut hi. Tam lalutna hun ah, UZO President Pu T. Hangkhanpao, MLA in Hiangdung Hausapa kung ah Puansan a pia banah, Hiangdung khomi sih-le-tang in Ginsuanhang leh Mangsuanthang kung ah Zou Puandum pia hi.
Tua banah, Hiangdung khomite Zou nam sung a lalutna lopna hun lem khat a Hiangdung khua mama a nei hiding in UZO President in gen a, tua ding in Hiangdung Hausapa kung ah Rs. 5,000/- pia hi.
.::. All my articles can be view here: MELTED HEARTS .::.
Thangnawh phung pi Zou lah a khat mawng mawng kasah leh bang chidan a Hmar ahi kichi thei ahi uale?
ReplyDeleteTam na mudoh thei ahileh Ham-le-pau in mi a chi zietdan mu thei in um hi. Na pien a apat nana umna leh i na um na ham-le-pao i zah penpen i dam sunga tu den ding in chiemte tham ching kasa hi, Tuomi, khu mi ka hi kichinanlei i ham zah mama in hing mapui in ka mu hi.
Tunin etsahna na ding in anai pen in gen lei.
Thadou ham zang unao Guite te zong Paite in bang chi tuh in lut nan uleh a tawpna ah a ham zah un hing koi tuom veve ding, tuo ma bang in Lhungdim ana kichite zong bang chituh in Zou sungah hing ki buolsawm uleh zong a tuilouna uh khat um thou thou ding hi.
Ham leh pao zah pen poimaw mama i chi lou thei sih hi.
Be-le-phung hilou Ham-le-pau hizaw??
ReplyDeleteLamka lam thusuo khat UZO President Pu Hangkhanpao in Hiangdung kho mite Hmar jaat a kum 30 vel ana umsa January 27, 2009 nin UZO mi-le-sa hi ding in lahlutna nei chi ka sim kha ni'n ka lung sim ah sil khat ang kilou hi. A hing kaan khawmtu be-le-phung ahiei, ahisih leh ham-le-pau ahizaw ei chi ahi.
Tam Hiangdung te Zou a ahing lut uh toh kisai thusuo tomkim anei a bang ahi.
Lamka apat kilometer 18 vel a gamla Hiangdung khomite Hmar nam sung a kum 30 val ana um nuo un January 27, 2009 nai 2:15PM in Zou nam sung ah UZO President Pu T. Hangkhanpao MLA in lalut hi. Hiangdung khuo ahihleh a Hausapa uh phamsa Ginzahang in phung a sutna ah Thangnawh phung pen Hmar nam ahi chi’n Hmar nam sung ah ana kipialutpi hi.
Ham-le-pau leh tawndan a Zou ngeina ma zang ahina zieh un, tu a kho Hausa Pu Zuanchinthang lamkai in Oct. 15, 2008 ni'n UZO Headquarters kung ah Zou community a lalut ding in ngetna ana bawl uhi.
UZO in tam ngetna a mu dungzui in tuni’n Zougal Hall, Zoveng ah UZO President Pu T. Hangkhanpao, MLA in amaute Zou nam sung ah lalut hi. Tam lalutna hun ah, UZO President Pu T. Hangkhanpao, MLA in Hiangdung Hausapa kung ah Puansan a pia banah, Hiangdung khomi sih-le-tang in Ginsuanhang leh Mangsuanthang kung ah Zou Puandum pia hi.
Tam thu tungtawn a ka lungsim a hing lut ahileh, Hiangdung hausapu'n kum 30 peisa a Zou ham ana zang hinanleh, a be-le-phung dungjui a Hmar mi-le-sa ahi chi ana ki thei mama hi. Tua dungjui in Hmar nam ah ana lut uhi. Hinanleh a ham, a pao uh kibang nawnlou leh a chiin, a tawn dan uh kibang nawnlou ahiban ah ki houna dia poimaw pen kamsuo kibang nawnlou ahi dungjui in guitum thei tah tah lou uhi.
Etsahna ding in eilah, chilei Zou ham zangte lah azong Lhungdim kichipawl, Manchuong kichi pawl bang ina um uhi. Tam i umnasan ahileh i tenna, i khosahna mun-le-muol zil ahiman in a ham, i pao zong ana danglam man ta hi. Tuni chieng in Lhungdim, Manchuong ana kichite'n ahina uh ZOU chi thei kilkel ulehzong Zou sunga ang kihal chieng un a tuitum thei tahtah sam sih uhi. Tuitum thei sih un hing kihalda uhen len a ham a pao zangte lah uah kihal uhen kachina hi laizang lou ahi. Sil um dan ka gen chithu ahibou hi.
Nainou khat a sil tungte enkia lei. Lamka buoi lai in zong ham-le-pao kidou ichi lou thei sih uhi. Guite leh Guite, Hangsing leh Hangsing. Be-le-phung kibang hinanleh kam ham zah akibah lou zieh in ki daidan na ana um thei hi. Buoina hing veng zaw chieng in ka hina, ka um na ding dihtah chin pawl khat a hamzah kibang sih nanleh Signboard te ahing ki heng hi. Tuote bangtan a detdou ding chi i gen thei sih ua, asia leh a hoi zong i chi thei sih uhi.
Maban a sil hing tung thei dinga mu a ka nei khen khat ahileh. Tuchieng in Thangkhal zong ahing pikuonta mama hi. Thangkhal a koiteng um ahei, bang zieh a Thangkhal hing piengkhie ahei i chi leh Ham kibang pawl khat zieh a Thangkhal hing pieng khia ahi ngeng ngong hi. Ahitaleh Thangkhal sunga koi teng kikhai khawm ata diei le? Mate, Tungnung, Suantah leh adang dang. Ahitaleh hun hing pei jel dinga be-le-phung kibang leh kibang kidang etna hing um jel ding in lang kasa hi.
UZO Constitution Amendment nukhia pen ah bang akichi ei? "Zou ham zang leh Zou tawndan jui teng Zou ahi" chi ahi ta hi. Tami zong mun tuom tuom a pat in pomtheilou leh dih salou tampi i um uhi. Ama sang a Zou chia UZO Dan bupi in ana huom teng ahileh i be-leh-phung teng ana huom hi. Tua thamlou in tu a Simte kichi teng zong UZO Dan bupi in ana huom suo kei hi.
UZO Dan Bupi ki hengtha pen adih na chieng um ma leh hun sawt a ding et in na sanggampa ham tuom ang zah cheinga Zou hinawnlou ding in nam tuom hita ding chi i ngaisut leh pomsiem hasa mama hi.
Etsahna ding in:
Nang Mizoram a um, na sanggamte Tedim, Kol gam, Hmar gam a um, hun leh nite ahing pei dungjui a na ham uh ing tuom chietta. Tua chieng in Zou ham zangloute Zou hisihteh kichileh i lung awi na diei chi zong um thei hi.
Ham-le-pao a Danbu bawl ahoina chieng um nanleh hun saupi a ding in a sietna tampi umzaw in kimu thei hi.
Tami thute ahileh ka office ka toulai a free time them khat um nou sunga ka lung a hing kilangteng ka'ng atdoh mialmuol ahi.
Bang diinga Hiengdung a ka pu Thangnawh bete Hmar a na um laizang uh ama chi vang ka theisih hi. Thawngnawh leh Joute khu U-nau dana aget khat uh vang kaza kha ngai hi. A tangthu peidan bangma thei tuom sing.
ReplyDeleteKei zong ka pi leh ka nu Thangnawh be ahi ua, ni nuazui chidan a ka nu analaah dan uh ahi hi. Ka pu pen Ngalzang hausate ana hi a, ka pi pen Tangpijol khomi ana hidan ahi. Ka pute innkuon zong Tangpijol hausa masapa chielna (A gam behkhat aat diinga chielna) tawh i Zou mipite a ngainat zieh un Ngalzang hausatna hengla lou in Tangpijol ah 1940s lai in ana peem uhi. Ka pi sanggamte kipatna sutthei sih lengzong Tangpijol ah hunkhop a um uhi. Tualeh Sehngalzang khu Tangnawhte hausatna khuo ahi hi. Hiengdung hausate zong ka Pute ahidan ka nu'n ang hil zel hi. Hilezong, Tangpijol hi in Sehngalzang hitaleh ka pute khu bangchih tanin UZO ah ana umzing ua, hattuom lamkaina leh chi-le-nam a diinga pang zong abei sih uhi.
Upa T. Chinsuanhang khu ka nu U ahia, Upa T. Chinkhanpau ka pute ahia, Presbyterian Upa ahi uhi. Ka Pu T. Vielkhankap zong ZYO Tangpijol Unit a President ahi hi. Ka Pu Thawngsuan zong (Phamta) Pu Thangkhanlal right-hand/chief agent khat ana hi a, ka Pu Chinkhanthang @ C.K. George zong Singngat ZSP ah sawtlai apat ana kipumpieh den khat ana hi a, tu'n zong ZSP Singngat Block President ahi nalai hi. (Ka theikhel leh ngaidam). Tamteng pen Thangnawh be vive ahi ua, UZO leh Zou vai zousie ah apang zing uhi. Kei mudan ah Thangnawhte Zou ahilouna diing uh bangma katheisih hi.
UZO baseline khu be-le-phung ahizaw in kathei hi. Kei ngaidan in UZO membership khu Zou by birth (Blood) leh Zou by naturalization hi diingin ka ngaisut hi. Ka ngaidan themkhat hing hilchien vang:
Zou by Birth (Blood): Tamte khu Zou Deoxyribonucleic acid (DNA) neite ahi uhi. Tamte pen heimun heimun ah um in, bang ham bang ham zang in, ngaina tuomtuom anei phiel vangun a Zou DNA uh abei sih diinga, Tamte khu ama-le-ama kitheisih lezong Original/Organic Zou ahi uhi.
Zou by Naturalization: Tamte pen Zou shisan nei tahtah ahi leh ahilou kitheilou ahiei Zou hilou a Zou nampi sunga hing lutte china danin kamu hi. Etsahna diingin tua i buaipi chet uh Thangnawh bete bang, ahilouleh ham tuom pau tuom, tawndan tuom hilezong Zou sunga hing lut a, Zou diellap nuoi a kichiemte zong ahuop thei diingin ka ngaituo hi.
Thusuimite leh mipilte'n (researchers and scholars) laibu agel or thu asui chiengun "Primary Sources" leh "secondary Sources" chi'n aneise ua, kumpi laibawlna ah zong Primary leh secondary documents chi aum den hi. Zou leh UZO vai ah Primary leh Secondary (by birth and by naturalization) ahivangin UZO hina zousie bukimtah a azahthei veve uh ahi hi. Tami'n DNA lavel ah tha anei a, hilezong UZO level ah kidaidanna diing bangma aum tuom sih hi.
"UZO pen Social/Conventional Organization ahi hi" chilei adih mai diingin ka gingta hi.UZO Constitution Amendment nukhia pen in "Zou ham zang leh Zou tawndan jui teng Zou ahi" achi pen tambang in kigiel leh - "Zou ham zang leh Zou tawndan jui teng UZO mi-le-sa ahi" chileh adihzaw diing abang hi. Thuguol ni ahiei compound sentence in kigiel leh: Compound sentence - "Zou shisan (DNA) nei teng Zou ahia, Zou ham zang leh Zou tawndan jui teng UZO mi-le-sa ahi" chi ahiei simple sentence in "Zou shisan (DNA) nei teng Zou ahi. Zou ham zang leh Zou tawndan jui teng UZO mi-le-sa ahi" chi'n kigiel leh adihzaw diing abang hi.
Aziehpen Zou chipen "United" chi in apan (prefix) ngai sih diinga, zong a khumsin (suffix) ngai sih diing hi. Zou chi pen Khat maimai ahiziehin "One, One and only one" ahi zing a, United ahi ngaisih hi. Hilezong, United ichi chieng un tua "Zou ham zang leh Zou tawndan jui teng (bang be bang phung hitaleh)" ki pumkhat (unite) na ahizaw abang hi. UZO khu "Social/Conventional organization" kachina khu nopni-dani a kidontuo diinga kipawlna namkhat ahizaw in kathei hi. Zou ihina pen i teelna (by choice) ahisih a, UZO pen by choice ahizaw hi. By choice ahi vangin Zou shisan paai giagua a kithei khat in UZO zoplou khu motna ahi hi. Tambanga mimo honkhat um veve ahi.
Tribal dangte'n anam hilchetna uh bangchi'n agiel di uoi? DNA level in agel uoi or conventional org. level in agel uoi? Tam pen common problem ahi hi. Nachi sih uh ee? Ngaidam kikum hi hang ee.
Dear Lawm leh gualte
ReplyDeleteTutung a i thu kikup uh thupi khu thupi leh lunglut huai kasa hi.Ken jong keima ngaidan leh mu dan them khat ka hing kum nuon sam hi.Tualeh ngaidan kikupna hijieh in gen khiel genval aum leh jong kingai siem ka ngen masa hi.
Nidang lai deu in UZO mi leh sa hite UZO Constitution ah in phung leh tang tamtah kiguolsuh deudou a, tuakhu tu a lamkaiten hoisa lou in Zouham zang leh tawndan a tawnte zousie UZO or Zou chi in ang heh ua hoi thou thou kasa hi.I constitution uh kadem sih a, ahoijaw ding gel na kibawl ahijieh in hoi jaw ngeiding in ka gingta ahin alang ni in kup nuom ka nei tuohtuoh hi.Tualeh ka hing kupte khu ka expirience leh siltuohte apat ahi jieh in ngaituo tham ching veve va.
1.Bangteng gen lei jong Nam khat i chi chieng in phung leh tang toh a kijopna umlou thei lou hi.Phung leh tang jong ngai dau thei hilou hi.Zouham jang teng leh thei teng huopsah mawhta lei neu deu lou ding ama ka chi hi. Ajieh ahileh mihing in pienpi ham kinei lou chi lei kichi khiel sihva e.I umna leh pienna mun jil in hing kiham leh hi.Etsahna ding Zou naupang khat apien apat in Japan gam ah koi lei Japan ham in hing ham in Japan tawndan i hing tawn mai ding hi. Zou ham leh Zou ngaina thei votlou ding hi.
Ganghingten ahileh pienpi ham aneichietua, etsahna ding bong, ui ngeu USA leh Zodawn aumte hamdan kibang ve ve ding in kagingta, adih leh dihlou America a tualten vot Tv. Khaimin in thei siem ding in um jaw in.
Tualeh min a Namham theisih leh jong aphung atangpen manghillou in ngaina vevaw jing hi.Keima thei dan in mitam tah hinkhuo ah ka mu hi.Ei Zou Pastor lah a Bachalore of Devinity (B.D) joumasa pen Pu. Haokhothawng Manchuang, Rev. Dr.T Lunkim mahpa hi. Ama khu Thadou ham jang leh jong Zou akichi a inn kuon un Zou chi in a min dawn uah tuaonsah uhi.
Naga-Kuki bauilai in a tapa Jangkholun Manchuang toh Eastern Theological Colleg, Jorhat ah B.D kasimkhom uhi, Ama ka mumasang in Notice board ah Jangkholun Zou kich kitah ka mu in Nagate ajaujieh a Zou kichi hiva ka chi sim leh kahing kimutah un kidoi Zou sah lou in ka bepa na hi khin khian hi. Tualeh mundang aum Zou thou, Etsahna ding in, Lhungdim kichiten jong Zou Tribe cetificate ma la in eiloi bang in Zou ngaina in Zou akichi hi. Thamlou in Samte, Tunglut. Manchuang leh adangdang Zouham jang lou ten jong Zou ngaina in a umna mite un jong Zou ahina uh thei chiet thou uhi.Tamte khu ei Zouham ajahlou jieh un Zou hilou mawh lou ding uhi.Hamthei sih le uh jong a sisan uah Zou ngainatna chi det tah akitudet chi i thei uh hoi ding hi.
Tuaban ah keima ngel jong ka pienpi hampen Zouham lah kakhat Tahngkhal ham hi. masang lai 1970s lai in Thangkhal hing hat in Zoute sang bang a hatjaw ding khop in ang um chieng in, buaina sim sim a um a, adieh in MDC election umlai in lai thangkha leh UZO Candidatete kisualthei in Thangkhal support bang hat jaw hi. Tulaai in kapa Hiangtam(K) hausapu jong ham leh pau jieh in Thangkhal support ding in chiel in uma, ahin aman agen ka mang hil theilou khat ahileh Bonglai vohham in ka hamthei sih ding chi in UZO i party na gum in gen ta mailei Pu. David Samte Ex-MDC leh Pu Khuphenpaute ki candidate tung un ka pa jieh in UZO guoljou kichi leh akichi khiekl sih ding hi. Ajieh ahileh vote 52 in Pu. David in jou a tualai in Hiangtam(K) vote pen zathum val hi. Tuajieh in tuni dong i Thangkhal gam a ka pa pen atai koikoi Pu suankoi aw chi in la na phuoh law un minsiet law vot hi. Tamte ka gen nuomna in ham leh pau himawh lou isi isa mama jong na hi dan hi.
2.Tualeh anina hileh Zou hina hingteng jong adih kasa hi. Zoupen i Pu Zo apat hing piengkhie ihijieh un ahuop jau mama hi. Nam zousie huop chi lei chi khiel sih va ui. I sim mawna hilou in Mindangte pen mun leh muol min apat hing kiphuoh hi leh kilawm atam hi.Tualeh Pu Dr. Mangkhosat Kipgen in a gen bang in i pu Zo hah ihina uh leh amin akihan um sun ihijieh un mi bul ihi uhi.Zogam a iten jieh ua Zo kihimawhlou in i PU Zou hah leh suoh amin seltute ihijieh ua Zou kihi ahi chi khu imang hil lou ding uhi.Tuajieh in chichin nam chin a kigawmkhom ding mong ihi uhi.Tualeh khenkhatten asutna uah Zoubul khu Manlunte hi in agen ua ken dihkasa sih hi.Ajieh ahileh Zousung ah Manlun hahlou Nam tamtah ki-um hi.Belephung khat ahing pieng kihilou in Pu Zo hah ihina uh khu ipomkip uh hoi leh dih ding in gingat ing.
Tualeh anei tuom leh ahituom ki umlou in ibawn un kihikhom hi in kangai hi.Tualeh Ei Zoute pen Myanmer apat a hing peitou ihiua, tu n jawng atamjaw tham Burma ah um na lai uhi. Za ah 60% bang a um ua atawmjawtham Manipur ah ki um giap hi.
Ka theidan in Burma gam ah tua Dohmul(Suantak) te khu Zou tawndan adieh i kithoina lam ah akulmutpente ahi uh ki chi hi.Amauh apat in dangten neukhat khat sabiehna kinei dan in akigen hi. Tua ahileh amauhte khu Zou pu lehpa biehna lam a ibulpipa uh china ahi hi. Tualeh Innpi (Hangsing) ichite jong i innpipa uh leh zou hoidoi vot a chia hamvotte ahi uhi.Tualeh adang tampite jong khu inampi uh iten khompite uh ahi hi.Akikhenthei ki umlou in chi khat nam khat ih chiet uhi. Etsahan khat hing gen kia moh leng keima pienna Pute khu Khaute(Suantah) akichi ua, ahin apu apa ua pat Zou ham jang leh Zoutawn atawn hijieh un min Zoupa chi in, Zou ham lou ham dang jang lou in Zou ahi mai hi.
Tualeh tusawng i gen tam mama uh Hiangdungte vai ahileh amauh jong Zou tahtah ahi uhi. Ajieh ahilej Pu Zouhah ahiban uah, ipu ipa ua pat itenkhawmpi uh, Zouham aham, Zou tawn a tawn leh Zou shi a shijingte ahi uhi.Ken bawn eite sang in Zou hijaw dieh un ka koi hi.Ajieh ahileh a tawndan uh leh asisan uh Zou ahi hi.Bang ahiai khat in alien jaw leh neh ding tan ding khat lam etna jiehte in mindang puomdang nei swm nan lei jong atah tah a hing kikhen chieng in ham leh pau in jhing ki kikhen inhing kipam pai veve hi..
Tuajieh in tuban a hithei leh ei Zoute kichi mawhlou in ei Zouham jangte kichi lei i huop lien jaw diai? chi bang ka ngaitua hi.Bangteng gen lei jong i chi i nam minthang sah vai i chi leh imi iaste jong na lai ihi chieng un, laisiem in IAS, IPS chite leh MLA, MDC chite nei jou jing lei ichi inam kikepbitna hoitah khat ahi ding a, thamlou in hattuomten jong thei tiop a pan lah a ichi nam huaitup na lung sim inei thei chieng un i Zou nam pen tusang in hing minthang in hing lien jaw ding in gingta in.
Genkhie genval ngaidam
Rev.Hangpi Manlun
UZO in Hiangdungte alah lutna ua ngaidan na hing kupte uh simnop kasa mama a, ka phattuampi mama mai hi. Hiangdung te'n kum 30 peisa lai in UZO a pat tawpna lai chiding e, UZO zoplou ahidan te uh laina piah ua, Hmar na bel hiauhuau uhi. Tutung in Mautam kial leh thil dang dang tampi te a buaina ahing tuah un Unau Hmar te n theipha lou ua abuaina tuah uh atut phet in Hmar te'n Zou te hilou e, en bang ding a ibuaipi ding chikawm in UZO khut ah pekhia uhi. Ka et vengveng leh politics zieh ahei khat a na tapa taimang uh hi ding hi.
ReplyDeleteUZO consitution ah Zouham zang leh Zoutawn dan chi... tamlou in igen kha ua, Hiangdungte apat in UZO present policy letdan leh maban sautah nei kawm a kalsuan ahidan uh muthei hi. Tualeh Tu February chieng in UZO ulian te'n zoutakual vehna nei ding uhi. Thumpi chietvai.
Ngaidan giltahtah te students te hingpe zel ta un .
Kipah ing...
Hausienmuan
Khaimin in thu leh tampi a gente ngainop huoi ka sa hi. Tu-a Hmar lah a, Hrangchal kichite khu ka Pu uh, Nantal hlah leh suonte ahi uhhi. H.T Sangliana, Selkai leh adgdgte pen Tungdim phunpi a lahlut thei tham ahi mawh kawi hi. Phawtir kichite khu Phuthilte ahi uhhi.
ReplyDeleteHrangchalte leh Suantakte pen na zawh ton kawikawi uh ahi, Hmarte'n Jote, Zosuon na chi ngai uhhi. 2006 UZO Constitution amendment pen ke'n zong dihzou ka na sa sih hi. Ham leh pao a kikawmu mawh ding chipen ka pomthei sih hi. Be leh phung khu UZO basic feature ahibou hi. Tami a op sih leh, UZO zong bukim zou lou ahi.
It is good moral booster for the Zous. Goodnews. Kipahpi veve ing. Tam Thangnawh bete a'ng lutkia uh pen social/conventional sangin political reasons tampi omzaw maithei ahia, a'ng lutna uh azieh tampi om dingin ka gingta hi. Whenever, politics are involved we have to be more cautious ever than before.Ahivangin, tam atawpna lam a, a thugielte themkhat ka comment nuom hi.
Tam aneiteng hing comment va'ng.
"UZO khu "Social/Conventiona l organization" kachina khu nopni-dani a kidontuo diinga kipawlna namkhat ahizaw in kathei hi. Zou ihina pen i teelna (by choice) ahisih a, UZO pen by choice ahizaw hi. By choice ahi vangin Zou shisan paai giagua a kithei khat in UZO zoplou khu motna ahi hi. Tambanga mimo honkhat um veve ahi."
Kei mudan in, UZO pen Congress/BJP political party toh kibang ahi ka chi ngam hi. Bangziehin lah? Election op chienga khumipa khuminu ka support uh ahi,chia phuongthei leh support ngettheina party ahiziehin, Political party ahi ka chi ding hi. Zou sisan pâi zieha UZO sipi ngam pai ding china hei ah, a kigiel e? I zi i tate bawn si pi ngam khalou mai thei te, i hi maithei uhi.
Tuachi ahitaleh, UZO party support loute a maw(mo) ahi uh leh, a supportte a pilna uh bang ahiei? chi kikum lei bangchi na sa uoi?
UZO pen Purely Tribal/Clanbased/ Social/conventio n organization ahi malaisie hichi den ding ma ahi, chi khu thei siem va ui in, ngaidan kibang lou, pomdan kibang lou, ahisih leh politigs kibanglou ahi chiin, pomsiem sawm va ui, ka chi ding hi.
UZO pen Purely Tribal/clanbased/ Social/conventio n organization in kisiemthei leh pen koima kiu e, kau e chi ding zong ka thei sih a, keima nam ngainat bangin ei Zou dang tampite'n zong a Zo nam ngaina sam va ci'ng e. Tam bangin om thei leh pen ki-ittuona leh kitheisiemna lienzaw va. I Nam zong masawn zaw va, tualeh tunia be leh phung vahtavaite zong vate'n a buh uh a zot bangun ei Zo sung a'ng zuonkia dingun zong ka mamu masa hi.
zl
Tekahna in, UZO a dinga si ngampa na hia, ahivangin lah, MDC/MLA election na contest sawm cienga UZO support nang kipieh sih leh, si ngam in na pang ngam na diei leh? kingaituo vawi, Bangzieha, Congress hitaven BJP ticket muloute rebel candidate a contest zel uh ahiei, amaute a party u'a, dingun a si ngam uoi? si ngam dehsuoi lou uhhi, tuachi mabang ahi, tuni i nampi kikhaikhawmna UZO, khuziehin bangchih hun a, MLA/MDC policy a zui laisie UZO pen Zou zousie'n 100% support thei ngai lou dingin ka mu hi. Tam bang ahitah leh, a support loute pen mimawte mawh chi pheisuh pen gum deu ka'ng sa hi. Na ngaidan themkhat duoisah deu inlen, nemsah deu lacin chi'ng e,Khaipu.
UZO Danbu a Zou kichi teng chi'n tam bang in ki bawl thei leh hoi ding in ka gingta hi.
ReplyDelete*UZO Danbu ana um masa in ahuom be-le-phung teng ban a tuona ahuomkha lou Zou ham zang teng leh Zou tawndan jui teng Zou ahi. chi hileh golpi leh lienpi huop ding in ka gingta hi.
Tutu a umdan pen ahileh mi huoilut sang in mi deljahna tobang hi giep in ka mu hi.
Zou ham zang teng chi a bang chidan a UZO in Thangkhal Ham zangte Zomi Council a constituent body khat a alut lai ua, Kou mileh sa hi ung ana chi thei lou uh ahiei?
Ngaisun veng veng lechin, UZO Lamkaite chimai leh Ammendment Drafting Committee leh tua siemthana hun a telte pen Zou huikhawm hilou in Zou thedaltu, dai kai tu ahi uhi.
Zou ham leh Zou tawndan zuiteng Zo ahi.........
ReplyDeleteTamna Zou leh Zoulou UZO Danbu a igen uh kengjong mengkhat kangkum nuom hi.
German dictator Hitler in ham/language pen nation building (also read as colonialism) bawl nang in apoimo penpen in ana koi hi.Hinanleh, tulai modern political philosopher ten a pomkhol sih uh hi,ken jong kapom sengsih hi.Kei ngaidan ah language pen ; the most important hilou in.... one of the most important factor for building a nation.
Tamthu igen jiah ahileh,zou ham/language a ka ham jiah a Zou nam/tribe ka hisih hin ,Zou nam/tribe khat ihijiah a Zou ham a ham(talk) ihi in katheijo hi. Zou ham in hamsih nanleng jong zou nam hiveve ding in kaki gingta hi. Ka masanga te gen bang in..foreign gam a hing khanglian dingte example hoitah ahi uh hi.Inn sungah ah tate'n Zou ham jang nanuhle , kholai ah ajang theisih uh hi, foreign gam ahi jiah in.Ahin, a Zou hina uh akiam ding in katheisih hi. Example hoikhat ahileh,tamna ka omna mun Canada a agam neite ahi(eilam theidan in Red Indiante) .
Mikaangte(Englishte) canada a tun nua uh kum 150 vel nua in policy khat abawl uh hi.Atomlam in genvai.Red Indiante buai a buaibuai nonlou nangin khangnoute(red indian tate) Catholic boarding school ah force in a khumbei uhi.Tuachin Red Indian naupangte hing khanglian in English ham ngentang in a hamta uhi. A culture,language,tradition etc etc chite athei nonsih uhi.Tu chiang in 99% in english ham jang chilei ki genkhial louding hi. Tamna igen nuampen ahileh,tam Red Indiante english ham in ham siangkei nanleh, koiman a ham jiah un englishte ahita uhi aki chitheisih hi. Red Indian or Native te chi'n aki theitho hi.
Tuamabang in, ka ham jiah a Zou kahisih a , Zou kahi jiah a Zou ham a ham kahibou in kakithei jo hi. I Zogam ah vasa(bird) suang-ge-let (spelling dihlou maithei) kichi vasa pen ham tuom tuom in a hamthei jel hi.Khatvei vei va-ak(crow) leh baibek(robin)ham in a ham let hi.Ahi vangin tua suang-ge-let pen koiman aham jiah in va-ak or baibek asuahta akichithei sih hi.Thangkhal ham or english ham a kaham jiah in thangkhal or english ka suah tuom sih hi.Tuajiah in , tam UZO definition of Zou pen hoihtah a kikup di'n hoi kasa hi.
Genkhial genval a om leh ngaisiam
Khai gin lian phiamphu
Canada.
Jana salam kangbuh vangut masa hi. Tam ithulu uh pansan a ikikupna uh ken jong hoi kasa mama mai hi.
ReplyDeleteZothai Film dialogue jang juol talei "tam chibang te avele aki sui sui........". Atam jaw thamten nagen na uoh Zou ham a hamte guoh Zou ahi hi chi pen dihsa senglou ngen in kang thei hi. Ken jong dihkim
kasa tuomsam sih hi.Ajieh ahileh Zou hi in Zou ham a ham, Zou tawndan juite pen "masana tabah" a Zou ihi ngei uo, hinanleh Zou hina pi a Zou ham leh pau jang lou king keng,jang theilou king keng, nanleh Zou
kahi chi vevaw mi tamtah um a, um ding a, a um ma jong ahi hi. Tuote Zou nahisih uh/ Zou hilou vachi pen pilvai seng ding in ging ta theisih veng aw guoi...
Tuoleh UZO political body leh body lou pen ahileh keima mimawl ngaisut dan in UZO pen Political body jong ahia, Non-Political body, Philantrophic Organisation jong ahi veve hi, Ajieh ahileh hun chin
teng in political body dan in a diing(stand)theisih a, hun chin teng in jong non-political body dan in a um tuomsaam dieh sih a, Philantrophic dan in jong a um hun um veve kia hi.It is therefore (UZO)can be term as a "Mixed Body", what do you all say??? He..... he..... Am i wrong???
Zolengthe opinion poll a athumna pen ka vote a atampen in zong kamu hi. Noute ngaidan bangin be-le-phung min pen nua koi kia ding in hoi kasa hi. Tam be-le-phung kikoi tengin abawn un Zou pomlou leuzong ikoi pen mahut sangin metzaw ding in kagingta hi, be-le-phung ngol a ngolte zong ihithou ua! Hinanleh tuletu a kigiel pen zong ahuoplien seem dinga kibawl ahiman in ahoi talua hi. Tomkim a zawding in, " Amasa pen zong koi lut kia in, tua atha pen zong lakhiet da konlei
ReplyDeleteahoi ding hi". I lamkaiten zong a 'delete' uh hisam lou in a 'ctrl X' zuol uh hiding in gingta in. Ahithei leh, tua kikoi tha pen masang chet ah 'ctrl v' kia uleh chi kei mimawl ngetna hi eh.
Houlim nuom, nathugielte uh hoi, abawn a kasim suah sipsep ahi.
Workshop a I thukup uh, "Zou ham zanga tawndan zui teng Zou ahi uhi," chi thu genzou lelzou nua a I danbu sunga koilut himananleh tunia thunua genkia a aum pen silhoipi hisih nanleh, ngaidan isunkhawm te uh ahoizawding deina ahiman in lungluthuoi kasa hi. Danbu lui a Zou sunga be-le-phung umte kigielna kana mukha a, kakoi ching nahi kachi leh kanuamu tasih hi. Abawnpi in tanah tahlang theisih nanlei, koiteng ahi uai chi itheichiet ding kagingta hi.
ReplyDeleteKa umna veng New Mahavir Nagar ah kapu Phiamphute khat aum a, ama pen Paite ahi. Zou nahi chi sawmkua nanlei, ama Paite a kipia ahiman in ZYO fund dondingdan zong umtheilou; vasai tam lei `eimi' hizieh a kitheisiemna hoilou josem ding in akilang hi. Amatoh kibang midang zong auma, tampi umding in kagingta hi. Manipur-Zou laha tampen dinga tuot Samte phung en talei; aphung sung ua asiem-apil, anei ahau tampi Paite a um ahi uhi. Mi phungthu gennuom sih nanlei, genlou theilou ahiman in kitheisiem vai. Delhi tual a SSPP lah a kipei Paite kuulmuut te zong Samte be umtham hi. Amaute'n Zou hi ing chi nuom dingin zong kagingta sih a, ham tuom, tawndan tuom, lungkuo tuom ahiman un Zou ahi uh kichi thei pawngsan lou hi. Amaute kailut sawm in hui lut sawm teitei mawhlei namkal kisietna ahithei lel hi.
Soviet Union bangin Kuki sung angki songsolawi ta a, phung bangza e khatte asungah ningkitel in um uh chi ithei hi. Koima document vaki enkha sih nanleng, tuni'n Lhungdim kichite Zou ah ang lunglutta uhi chi gal gamlapi a awging bangin akiza milmiel hi. Kalawite phabep khat Lhungdim be aum ua; Tungdim nahia Zou nahi chi ngongtah nanleng aki Zou sah mawngmawng sih ua, zong ang thudon sih uhi. Danbu sungah Tungdim phung pen Zou ahi vachi khelkhel sih nanlei Zou ngaina pen lawi ahi uh chi khangthu a um ahi a, a sanggam Lhungdimte ang kailut zaw ua `Lh' pen `T' a ang henthei chieng ua gentamding umlou in Zou ahimai ding uhi. RIMS, Imphal a MBBS bawl kalawm, Hegin Tungdim kichipa nidangin Lhungdim ana kichi ngai a, tu in Zou haam asiem gawpta a, Imphal ZSP lah ah zong akhu vutvut ta hi. Namdangte'n amau phungpi a akoi uh simkhom Zou sung ah umkia leuleu hi. Haokip, Valte, Guite, Hangshing leh kol leh vai tanpha Zou sunga buol simkham um hi. Tuate I danbu ah um in umsih tamananleh, ahaam atawndan zieh ua Zou ahi uh ichithei leh Zou ahimei uhi. Zou ham zang leh tawndan jui Hangshingte Zou ahi mabangun, Paite pau zangte Paite Hangshing leh Thadou pao thawte Thadou- Kuki Hangshing ahi uhi. Suontah/ Suantak te la? Zou sunga ikineisah pen khat ahia, hilezong Vaiphei te'n anam bulpi un anakoi kia uhi. Suantak phungmin Danbu ah ajem lien (caps) in koi leizong Vaiphei kichite'n ang ngaisahpi ding uh gintat huoi sih. Pu Zou suon tahvawt kahi chia Zou a umteng in Zou ham, tawndan (refer Rev. Hangpi's comment on Dopmuls in Myanmar) leh Zoulai apom leh angainat zieh ua Zou ahi uhi. Hangluah, Seldou leh phung dangdang zong ina koi a, hinanleh amaute'n tuni in Zou hing ngainatpi duoi nawnlou uhi.
Phamsa, Pu Tunglut Thangthuam IPS tapakhat in lawmte khat kungah, "Kou zaw Zou ong chi uh eive," ana chikha hi. Ahinlah ijahthei topkhong tua mi kamsiem ahi mei hi. Zou sung a ang kihal lam kitheikhalou hi. Amauh innkuon pen Paite sunga ami zahthei pen khat uh ahi chi ithei hi. Mite ngaithei ding zong ihi piel puol loupi ua aw maw? "Sailote koutoh kinai ahi….. " vachi gige zong ei leh ei kisuh neuna hizolou ama? Nangzong mi navele, bangdinga namdang a phung khat vaki neisah gige laizang ding? Let us be practical! Koima in bawn hing na theikhalou ding a, en miteng Zou nahi/ahiuh vachi chi dieiduoi nelnol. Tua nakineisah teng ave uah nou hing simmaw dieh. Ei tana iki chapou sah vang a, mite'n theikham hing sakhollou ahi, adihtah a. India context nanana ah pen Officer leh milien milal neiza kisim mawh hi e. Myanmar a sanggamte khat in, "Chin sunga atawmlam Tedim te'n zong hing simmaw thei hi; tulai ang ki lehdoh/ mi tallang neukhat hing umsih lai leh pen ang simmaw dieh ding uhi", angchi hi. Milien leh mipilte'n tapangte suhbuoi(disturb) sangin bangchileh IAS, IPS, IFS, IRS ahilouleh PhD Scholar khat anghithei ding uai chi in lungnem leh lamentah in keem in hanthawn zaw va ui. Tamteng ing nei chiengleh khoheidan hing nuom deu khava. Gamtat khohei ah pilvang in, pilhuoi tahin in um ni. MI TENG KINEISAH NONLOU IN MITE'N EI ANG KINEISAHPI NADING UN THEITAWP SUO VA UI! Tua Zou kichiteng koima lamtuom siel leh vei banga piit sawm nonlou in, siengthou tah leh damtheihuoitah in umkhawm va ui. Mi tamseng zong ngai kholsih e. Iki iit, kideisah leh kithutuohthei poimaw hi. Siel eh sang in a-eh ui zaw!
1997 Tribal War khu Guite v/s Guite, Hangshing v/s Hangshing, Lhungdim v/s Tunglut e.t.c., ahi ichi uhi. Nam kikhenna leh kihuoitupna tahtah ang um chiengleh be le phung sang in ham leh pau - `Mangbiehna (Lord's Prayer)' gendan, awphawi -`JEN/ YEN' leh laigieldan tanpha in ang kien a, phung min pen zuou gen/ kilepna meimei in imang uhi. Phung min pen angaithupi a ikinei vang un gitlou bawlna leh kituohlou na in imang tamzaw uhi. Phungmin gentam in I Nam min muol/ dausah zaw hi. Ang khaikhawm tu leh `mikhat ihi' chi ikitheina ahileh Haam, Tawndan, Zou Lai leh social institution te ahizaw hi.
Documentation pen sil poimaw khat ahiman in, aumlou dedo sangin phungminte Clause khat ah gielkhie lei zong asietna aumsih hi. Hilezong, danbu (constitution) sunga Phung Lapi kikoite zong huntawh kasa hi. Tuanah phungmin guoh hilou a, Lapi kikoite in athu a gensangin sangin agilsah zaw a, phung bulpi teng atahlang zaw hi. Akoikha nailou ium a ahileh lah, fatsan, akisaipite kungah pelei ahoi ding hi. Tuana Lapi neiteng pen nam kineisahte ihi uhi. ZOU KINEISAH TENG ZOU AHI.
Zou laa, Zou haam, Zou tawndan leh Zou lai ngainate adingin tua siltha (change!) umpen deimaw nading aumsih hi. Thangkhal problem zong haam (dialect, literature) zieh ahilel hi. Zou literature pen i Biblete ah akinga mama a, Thangkhal Baptist biehinn te ah Zou Laisiengthou ana zang hita uleh laidan umnonlou khop ding in kagingta hi. Tuletu in zahkhawmtheiding Laisiengthou akisun sawm hi chi thu aum a, akigenna asawtta a, akinthei lam in neithei lei ahoi ding hi. Tualeh chiemnui thutah a igenleng uh, `Thangkhal haam ahileh Zou sanskrit' ahi ichi pen uh thutah ahi chi thei vai in, tami thudih tangkoupi ni. "Ngai aw, nang kahing/ kang ngai hi" chi sangin, "Ngai aw, nang kung ngai hi" ichi leh athuuh zaw a lahaam dihzaw ahi. Thangkhal mini-literature Zou literature a aki merge theilou pen bawlhoi ding in hoi a, ZLS kunga forward ding in deihuoi kasa hi. Ahilouleh, aki merge zou lam ata ama?
Atunga thu kigielteng adihpen ahi kachi sam sih hi. Hichizaw ahi nachi uh aumleh hing genjel un. Solfa pute'n ana zildan utoh kei zildan ana kituoh/ kibang kha hileh kilawm. Lah, izil dan toh akibah lou leh asuhtuoh dingdan I ngaituo dinga , Sir te toh iki kup sawm ding hi. Sungkhawm jel, zilkhawm jel lei lapawl hing piching sem zobou vaâ—˜
I thugiel tengpi uh, UZO lamkaite'n asimkhahlou uleh phatuomlou ding hi. Hard/Soft copy amaute simtheiding penpen ah i Moderator pu in thot theileh deihuoi. Internet azah ua, Zouworkshop ana theikhahlou ua ahileh lah, theisah.
Genkhiel genval ngaidam. Genkhawm jel vai. Kalung dam!
Dear Tais,
ReplyDeleteNa thugen pen adih mama hi, ken jong dih leh pomtah kasah mama ahihi. Phiamphu hi in, Manlun hi in, Tungnung, tungdim, Suantak hi in, ZOU
ham in ham in, hamsih ta nanleng jong, "ZOU kahisih" kakichi leh Zou hilou ka hi hi.Hinanleh Paite ham,Khuongnung ham,Thangkhal ham,etc
etc ham in ham nanleng, ZOU kahi kakichi leh ZOU himailou di ka ma???? ZOU ham kajahlou jieh a ZOU hilou ding chipen pom thei king keng sih veng aw.
Mikhat a be-leh-phung UZO Constitution a Zou be-leh-phung in ahuop jieh a Zou ahidieh sih a,Zou ham a a ham jieh a jong Zou ahidieh sih a, Zou ham a a ham lou jieh a jong Zou hilou ahidieh sih hi,chilei bang achi dieh le......
Tuojieh in Zou ham a ham leh Zou tawndan juiteng guoh Zou ahi theisih ding a,Zou ham in ham in hamsih tananleh Zou kahi chiteng Zou hijaw
lou ding ama??? Etsahnan- Ginsuanhau, S.Dalthang etc chite in bang ham ajang uoi le(kathei khellou leh Thangkhal ham), Lunminthang ten a
innsung uoh bang ham a jang uoi le(ka thei khellou leh Thadou ham)
Zou hina pi Zou ham janglou/innsung a Zou ham jang lou tam mama, amau ten Zou ham ajah lou jieh ua Zou ahisih uh ichi theimawh diei le???
No, a Big No. Zou ham jang in jang sih tanan leh Zou kahi achi uo, Zou a a um uleh Zou ahimai uh hi.Chilou maw???
So, Zou kahi chiteng Zou himai, Zou kahisih chiteng Zou hilou himai. "Be-leh-phung jieh a Zou kihilou,Zou ham jahlou jieh a Zou hilou
hituom lou and its vice-versa"
Amasa in, Milun Milal leh nam lamkaite zahtatna lian kang pe masa hi. Hu jou chiangin Zolengthe media tungah hichibang ngaidan share thei na ding chance a bolkhiat jiahin ama tungah kipahthu ka gen hi. Thu kigente thupi kasa in khantouna thupitah leh nam adia development nang ahi chi kathei a kipah huai kasa hi. Thuki gensa te'n a cover lou aom in kathei non sih a. Hilezong, point khat rather a question ???!!! that i keep asking myself is "What are our leaders thinking when they had drafted that amendment" ? Bang accomplished som mongmong ita di uai le ? Or Does the end always justify the means?!!!
ReplyDeleteIn my humble opinion " Language can't really be your identity nor your name". Tam te ahileh paper- certificates, passport vel a na min mai mai, ut hun hun a khengthei ahi hi. Likewise language zong communication medium omna mun zila kizang meimei hin kagel hi. Language jiah a Zou hina define di hitalei, Manipur a omlou kolgam vaigam a nasemte 75% to 90% of the time -we are Hindus, Muslims, Punjabi's, English, Americans, Dutch, French, etc. So, to put it very bluntly, the moment you crossed your door you are an Englishman because:-
1). You speak the english language at work
2). You are definitely following western culture in dress and the way you act.
This is seriously absurd and I personally can't see the road ahead for the above said amendment. The put it in black and white the idea of defining one's identity by what you speak or not speak is "Disturbing at Best".
What we might have failed to understand is that the ground has shifted beneath our feet and that the stale political arguments that have consumed us for so long, no longer apply. The question we should be rather asking today is not whether we are Zou or not Zou by languages, but whether our policies works, whether it helps families find stability, jobs at a decent wage, care they can afford, a retirement that is dignified. Where the answer is yes, we should move forward.
Our fore fathers faced with perils that we can scarcely imagine, followed traditions to assure the rule of law and secure our rights within a democratic nation, traditions expanded by the blood of generations. It would be sacrosanct to undo their hardwork and sacrifice.
I wouldn’t be completely wrong to say this could be our undoing and disintegration for generations to come. To quote Zoulun “Yesterday I was Zomi/ Kuki, Today I’m Zou and Tomorrow………..!!!??? Let’s save ourselves from ourselves.
And I truly believe that what’s defining us is neither what we speak nor what we have as a name in papers but the personality, character, spirit and integrity that’s within us.
Genkhiel genval aom leh Ngaidam !!!
Thank you and Adios!!!
Ar. Khoop Tungnung
Zouham zah leh Zoutawndan nazui zia a Zou nahiai, Zou na hizia a Zopu tawndan zui na hiai chipen, kei kangai dan in kidohna umzia or kanatna neilou, ianm sunga ki ettuamna leh kimu tuamna tunthei sil hi in ka thei hi. Tualeh tami dawhna/ngaidan hing pawkhie pa in ngaidan thutah ahing pua khiat ahiai ahilouleh piltah a angpuakhiat zong ahithei hi.
ReplyDeleteZou nam sung ah be leh phung tampi un in tuami be leh phunga pangkhaloute hi Zou nam a simthei ahisia, apangkhate pen Zounam sunga pat paikhiat thei ahisihi. Hinanleh tulai khovel ah eima nam chauh emaw nam khat chauh atuam vilvel in aki um thei sia, Adia in ei Zomite lah a nam tuamtuam kitengkhawm in itenna mun zil in aham itawn dan uh akikhel thei hi. Etsahnan: Ei Zou be leh phung khat unau thadou te lah emaw Paitete lah khat aneu apat a khanglet leh tuapan Paite/thadou ham zangin ahindan in ahing ding ua, hinanleh a Mintawp emaw a minbul ah emaw Paite/ thadou akoi asiangsih a koinan leh Zou pa akichi thou thou ding uhi. Paitepa/Kukipa ei Zou lah a khanglian ahileh Zouham zanga Zoutawn dan azui angai a, hinanleh Zou ahi akichi thei sihi. Ham leh tawndan zia in nam hina aki hengthei sia, Ham leh tawn dan pen I tenna mun azila izuipen mipil hina ahizaw a, Zuilou thei zong ahisihi. Hinanleh sisan rawngpen asan zing hi.
Kei kangaidan in Zou ham leh tawndan apatin Zou ihileh hilouna akhenthei sia, Zou ihi leh hilouna hi UZO recort na a Zou be leh phung a asimkha teng in ZOU hileh hilou na akilangsah mai hi.
[ Request: Kei kangai dan in Ham leh Tawndan Zui a Zou hi leh hilou khen isawm uh leh I Zougam ineusah un ibuaina uh aki belap maimai ding hi. Tuasangin Zou ham zangte bangchi leh I survive thei ding uai chilam ngaitu tam ahoizaw ding hi.]
“To err is human” chidan deuh ziah adiai mihing ten namdang ham izil chiangun, amasapen in ham hoilou lamlam aki zil masa a, khumchi bangmah in eizong Namdangte style copy a u-le-nau toh kitualsat a kitualgal delding a om china ahita diai le !!!!???
ReplyDeleteAmaute style copy som ihi le jong copy thei ding thilhoi deu tampi omna lou di ama??!!
Huchia originality nei zoulou lomlom ihi leh, mangkangte ahilouleh kol-le-vaite beh copy lei ahoizaw de-aw chi vel ngaisut tah ching kasa hi!!!
Amendment ibol pen uh hoih kasa veve hi, aziah pen Leitung buppi sungah no.2 na in ipang ta uh a, kithupi sah thei veve achievement khat in kangai hi.
Ahi loule Nazi te style chilei adihzodia aw??!! Phamsa Pu Hitler Leitung a kami thupi sah mahmah khatzong hithouveve a...ngaisang huai kasa thouhi.
Huleh, “Inconvenient Truth” khat lung a kilang-Zou Original Language di dialect , Hindi a Devagiri Script chidandeuh ding aum ei le ??!!! Hindi ham a ham louteng India mi hitalou di hileh bang igen tadi uaile ???
Genkhel-le-genval aom leh ngaidam
Kipah e!!!!