Insunga gumtatna ichi chiang in adiehtah in numei tunga gumtatna silbawl khat pou pou toh kisai in agen thei hi. Numei tunga gumtatna ahileh tawndan leh khotang leh dinmun khat pou ah a um hi. Numei hina zieh in numei in nu sunga aum lai apat ateh todong in gumtatna atuah hi. Numei te ahileh sil manphalou deua ngai, numei kumchinglou thana,numei naubaumsunga umlai suhsietna, lampi tuam tuam ah numei te bawlsiat leh gelgawt, numei naupang ngaisahlou leh aneh ding bang piehlou,
lekhasiam na lampang leh goutan a numei te khentuamna, kumchinglou a pasal neisah, zi vuah, numei buan (rape) leh zamaw kimawlna, numei vanken ziah a gelgotna, numei ngaituana suna leh subuaithei thilbawl khat pou pou tammi numei tunga gumtatna in ahuapkim sieng hi. Tuajieh in insunga numei tunga gumtatna ahileh tahsa ahiei, zamaw ahisihleh numei lungsim ngaituana suna thei ahiei numei gelgotna chit uam tuam te achi thei hi. Tambang silbawl ahileh akitenpi(apasal) ahiei, a insungmi ahisihleh ama toh tengkhawm tea pat a hingpieng ahitangpi hi.
Leitunga a eisanga gamkhang maw zaw a igen Africa gamte ah jong ei lah a pasal khenkhat te ngaituana bangin numei ahileh “Vanjah” khat mai mai in akoi uhi.Himananleh, 1998 kum in South African Domestic Violence Act chi in numei gumtatana thuahte ading akumpi un Daan hoitah ana bawl zouta hi . India kumpi in zong 2005, September 13th in Domestic Violence Act chi minvo in ahingpuangkhe ta hi.
Numei te humbit dingleh amaute tanding leh dinmun te ahibangtah pieh a dopsang zawh ahitheina ding a Daan umte tamte ahi:Protection of Women from Domestic Violent Act2005, Dowry Prohibition Act 1961, Protection of Human Rights Act 1993, Immoral traffic Act 1956, Juvinile Justice (Protection of Children) Act2000, CEDAW, Vienna Accord, Beijing Declaration etc.
Tunin adiehtahin Insunga Gumtatna toh kisai a Numeite humbitna Daan 2005 (Protection of Women from Domestic Violence Act 2005), toh kisai themkhat igen ding ahi.
Tammi Daan ahileh Insunga leh vantanga numeite dinmun dopkang leh amaute tunga gumtatana leh gelgotna chi tuam tuam te suhbeina ding a India kumpi in Indian penal Code IPC Section 498 A pansan a bawlkhiet ahi.
Numei ten tam anei a numei tunga gumtatna chi tuam tuam kigen te atuah leh tammi Domestic Violence Act in ahuam kha sieng hi.
a). Numei tahsa, zamaw kimawlna, ahiei ahisihleh, sum leh pai thu a deidanna leh atan ding bang pieh lou, adamtheina, hinna, khut leh keng ahiei a tahsa suna leh suliam thei dinga gamtatna banah a ngaisutna tanpha nasah thei dinga kammal kilawmlou zahkhum pouma ahisihleh tambang toh kituah a numei tunga gumtatna bawlsawmna khat pou pou ahuam khin sieng hi.
b). Daan toh kituohlou a numei te vanken leh neitah deina ziah a numei te ahiei ahisihleh ama kinaipi mi khat pou gelgot, suhliam, suhnat ahiei tammi zieh a numeite hinkhua bit lou tah a koina te agen hi.
c). Atunga kigen clause(a) leh (b) a kigen gamtat khat pou pou ziah athuahtu(numei) leh ama toh kinai mi khat pou pou gii(threaten) ziah a hingpiang khia te.
Tahsa kimawlna = A thuahtu (numei)tahsa suna leh suliam thei,hinna leh a khut leh keng adinga zauhuai thei khop dinga gumtatna, a ma damtheina sukha thei, a khan ding banga khangtheilou a koina leh adang dang.
Zamaw suhsietna = zamaw lampang kawh a numei minsiatsahna, zum leh daina, nuaisiebawl, sawisahna leh ama za umna suse thei dinga a silbawl khat pou pou.
Kamsua a gelgawtna
(a). Maizumsah, minsiatsah, simmaw, nuisat, dihlou tah a minpiah (name calling) leh ta pasal ahiei ta neilou zieh mai a simmaw leh nuaisiebawl.
b). A thuahtu(numei) lunglutna mi khat pou pou tahsa suna theikhop hial a giihna(threat)
Sum leh pai a gelgawtna = sum leh pai leh insunga neitah ama nu tanding leh zah ding kilawm umzousia khamtan ahiei suhthelthangsah leh adang dang te ahuap sieng hi.Tam na India penal code dungzuia numeite tan dia kilawm gou leh lam leh ta leh nau tanpha ahuap sieng hi.
Tam atuga kigen numei tunga gamtat hoilouna zousien numeite tahsa/lungsim damtheina asuhkhah dan UNICEF Digest in tambang in agen hi:
Numei tunga gumtatna in Numei damtheina asuhkhah nate (Consquences of Violence on women’s health):
a). Numei tahsa sunglam bameng (internal organ) te suhsiat
b). Naupai na lam a buaina tuah
c). Numei natna
d). Zamaw natna leh HIV/AIDS .
e). Numei naubu natna vei
f). Lutang na(headache)
g). Nausia(miscarriage)
h). Asthma nat na nei
i). Gilpi hatlouna nei
j). Tahsa pianken a mibanglou
k). Ama leh ama ki engbawl utna neisah( Zakhu tep(smoking) leh thanghuaitah a gamtatutsahna..
Lungsim ngaisutna asuhkhah nate:
(a). Kingaisiatna
(b). Zauna
(c). Um tawldam theilouna
(d). Kimuanla na
(e). Zamaw a zah ding banga zat theilouna
(f). Neh leh tah kitup lou na
(g). Ngaituana venglou.
Sitheina piansahthei dan
1. Kikhailup utna
2. Tualtha utna
3. Naunei huna sina tuah .
4. HIV/AIDS vei.
Insunga gumtatna zieh tangpi ahileh(UNICEF)
Tawndan(Cultural):
Vantang kibulphuna muna numei/pasal khentuamna.
Tawndan in numei leh pasal nasep tuomkhen sahna.
Insunga numei/pasal hina zieh a sep leh bawl tuomkhenna.
Pasal bangkim a sangzaw a koina lungsim.
Gou leh lam leh neitah him hima numei te sanga pasalte thuneina piehzawhna.
Insunga vaihawmna leh bangkim pasal tea ahi ding mawng a gelna.
Kitenna Daan(numei te man leh vanken )
Gumtatna ahileh kitheisiamlouna suhvenna dinga vanzat khat a ngaisutna .
Sum leh Pai dinmun (Economic):
Numei te sum leh pai a pasal te tunga kingahsahna.
Numei te sum leh pai leh leibat him him a mapopena koilouna.
Numei te gou leh lam, neitah him him, leh a pasal in a khen ahiei a sisan chienga akikepna ding tung tanga a nasatah a numei te ningkhinna tawndan umte.
Numei ten sepna (Govt./private) a sepna ding mun neitawmsah.
Numei ten siamna leh kizilna khat pou pou neitawmsah.
Daan lampang:
Numei dinmun toh kisai a Daan gielthaw emaw bawlding um tam lou.
Kikhena,tate kepna,Kikepna leh goutan thu a daan umte ah numei tanding tamlou.
Pumbuon(rape) leh insunga huhamna thu a Daan umte.
Numei ten Daan toh kisai a theina neitawm.
Daan enkawl leh Police/security ten numei te dawmlou.
Politics lama:
Thuneitu,vaihawmtu,thuthah sai(media), Daan siam leh dantheina lamtoh kisai a numei tawm.
Insunga a gumtatna ngai pawimaw louna. Insunga a thilsuah him him insung vai bep a ngaina leh Govt. kigawl sahlou Sakho Daan a numei te dinmun a koidan leh numei te umdingdaan teekahna..
Gam dinmun vai a numei zah tawmna. Gam kivaipuohna (politics) vai a numei te din mun nei tawm.
Tambanga numei tunga gumtatna khotang leh insunga piengzingte dounadinga Daan kibawl Domestic Violent Act 2005 nuai ah tambang in Govt. in bawl tei teiding a a guan khen khatte gen vai:
State leh district chinna tammi Act toh kisai him him enkai ding in leh mawpaw tuom ding in tam anuai te guan ahi a, ama uh mawpuahna tambang ahi:
A.Protection Officer: Social Welfare department nuai a um ahi.
(1). Domestic Violent Act Section 9 a protection officer mawpuahna tambang in agen hi.District megistarte panpi jing dingtu ahi.Ama ahileh,Megistrate pan bangchihlai pou a numei tunga gumtatna toh kisai a case um hun hun a ahat leh a apawimaw bang dungzuia a gamtang dinga mansa aum zing ding ahi.
(2). Numei tunga gumtatna toh kisai Case um taphot District Magistrate,Police Station leh Service Provider(tammi ahileh NGO Govt.Registered toh kisai a Service Provider dinga Govt.theipi a umte) china ahi.Tamnah, Protection Officer ahileh athuahnu(numei thuahsah a umnu) leh thunei zaw te kikal a palai chi ding ahi.Police Officer in tangtah in a Case pen Police Station ah ape thei hi.Protection Officer kunga pieh in hunsawt alut zaw thei hi.Tua banga FIR(tam pen complain na masa chi na ahi) bawl a um taphot original copy Megistrate pa kung atung tei tei ding hi.
(3). Protection officer in magistrate kunga tambang a Case um hun in a thuahnu(pumbuon) a um bang himai thei adang adang jong) humhimna Thusua peding in a ngetna abawlsah ding hi.Tambang hun in protection Officer in mawpuahna liantah anei a,Court a athuahnu Case nei khu ahibangtah a sepzui ahina dingin pan ala ding ahi.Tambag a athuahnu adinga humbitna thusua(protection order) aum masangin protection Officer in athuahnu(victim) leh thuahsahtu(offender/perpetrator) banah techi a pangte(witness) aumleh a thu gente uleh shil umdan bangkim athei a gielthaw a anei ding ahi.Tuakawm kal ah, protection officer in tammi toh kisai Court in pan alah thei nading in asepzui ama mawpuohna ahi.
(4). Numei tunga gumtatna case him him ah numei ten Daan kithuapina apawimaw ma ma uhi. Tammi Act in Daan bangtah a numei te panpi a aumthei na ding in Protection officer khut ah mawpuohna naahtah apia hi.
(5). Protection Officer in Service provider area huamsunga umte hoitah in list abawl ding hi.Tammi umzie ahileh,Service provider ( NGO) te tambang nasepna te a phattuamngai leh sem tah tah pawl ahi na uai chi athei thei nading bawl ahi.Tambang nasep na ah dihtatna leh chitahna pawimaw ahimanin, ahibanga sepkhiat ahilou leh tammi Daan kibawl pen umzie neilou asuah thei hi.
(6). A thuahnu’n amanu umna munding(shelter home )angen thei a,tambanga ngetna aumleh protection Officer in a huamsunga tambanga thuahtu te adinga a mun (shelter home ) kibawl khat pou pou aumna ding angaitua sah ding ahi..Athuanu tate jong ahuamtel sieng hi.
(7). Protection Officer in athuanu thuahna zousie medical examination a nei dinga tualeh a medical report zousia Megistrate kungah a pe ding hi.
(8). Tammi Act Section 20 na ah athuahnu sum leh pai a sietvena (compensation) agen a,Tammi seitvena tungtang ahileh Protcetion Officer in maw apuo hi.Atup leh angim tah ahileh thuneituten ahun bangtah a tammi apiehkhiet louleh a case pen ngaidau(neglect ahi chi Court a protecton officer in apuohkhiet ding ahi.
Atunga thukigente ahileh Domestic violent Act nuai a Protection Officer sepding leh mawpuohna kipia zousia ahi.Tuabanah, Protection officer ahileh Numei lam toh kisai Daan bangkim theimi ahi akul a,shina tunna thu ah Police investigation,post mortem,forensic evidence,anticipatory bail,excution of warrants,arrest and bail,protection order leh sietvena thu umte ,athuahnu kipuonna leh athugente leh techi apangte etc bangkim athei akul hi.
Tuakhoplou,atheidinga pawimaw khenkhat te ahileh: Zite gawtbawlna leh athuahsahpa umdante,lungsim,siamna leh sum lehpai dinmun Vanken thu a Daan umte,athuahsapa insungmi leh akinaipi ten bangtan in athuahsahpa athuzaw uai,naupangte tunga gawtbawlna umdan,athuahsahtu damtheina kikepna toh kisai leh adang dang te hi.
B.SERVICE PROVIDER:
Domestic Violent Act Section 10(i) na dungzuiin Voluntary Organisation Govt .theipi a ki registered , Numei te tanvou leh humbitna lampang toh kituaha kivenbitna Daanthei ,Damtheina leh sumleh pai a kithuapina athuahnu adinga panpina bawlpiehthei ding in Govt. theipi pawlpi khat in thuneina anei thei ahi.
Service provider sep leh bawlding tambang ahi;
(a). Numei gumtatna tuah aum hun in tuabang siltung na mun leh sil umdan te report District magistrate kunga gielthaw in Copy ape ding hi.
(b). Numei athuahnu(aggrieved person)medical examination abawldinga tuami medical report protection Officer kung leh tuami siltungna huamsunga police station ah medical report ape ding hi.
c). Service provider in athuahnun athuahdan azil in apawimaw bang Shelter Home (umna ding mun) amanu umna ding mun angaituahsah akul a tuami Police station ah theisahna ape ding hi.
C. Central Govt. leh State Govt.:
Section 11 na dungzuiin central leh State govt. in tammi Domestic Violent Act. Tungtanga abawl tei tei ding uh ahileh;
(a). Tammi Act tungtang Public media(mipi thukizahsahnate) adieh in TV, Radio leh Print media (News paper leh journals) te ah mite theiding a apuonkhiet ding uh ahi.
(b). Central Govt,State Govt ,Police officers leh Daan kemtu officer te ahun hun a tammi Act tung tanga theisahna,sil umdan bangkim Awareness leh sensitization peih zel ding ahi.
c). Daan toh kisai enkawltute, Home daan leh thupieh enkawltute,damtheina toh kisai leh Human resource te kitup tah a kithutuoh a kizopkhawm hoina dinga dinmun hoitah siam ding ahi.
(d). Tammi toh kisai a nasep leh thilbawlna toh kisai adiehtah a Numeite panpina nasep tam Act toh kituoh a sil umte ahiding bangtah leh kitup tah a koi ding ahi.
Tambang Daan in numei te toh insunga umkha zousie ahuapsienghi. Numei pasalneita banah tanute,meithai,numei phungkia(divorce) leh numei naupang kum 18 nuailamte tammi Daan in ahuapsieng hi.Numei khat pou pou ama dinmun (martal status) genlou in leh midangtetoh insung khat aumte zousie ahuamsieng hi.
Tambang a numei tunga gumtatna khat pou pou um dinga kisa ahilouleh aumchiengin mi koipou in protection Officer kunga thu azasahtheihi.Tambang thuzahsahna bawltu te a thuzahsah dih in dihsih taleh mawpai in aumthekei ding hi.
Numei tunga gumtatna ahileh nichin hunchin in gending umzing hi. Churachandpur chilou Manipur pumpi ah kum kum 2007 kumbul apat oct. tannin Govt.theiphah in numeitunga gumtatna case ki registered 97 ahi.Ei singtanggam te ah,pupa tawndaante zieh leh insungmiten zumhuaisahna te zieh bangin mite theilou in Case tamtah selguh leh ahidinglou bangtah a suhven mai atam ma ma hi
Khotang siemphat na ding in numeite dinmun hoitah a guanggal akul leh pawimaw ahi.Numeite siamzilna uangbawl,khotang kivaipuohna lemthah,Numeite sum leh pai dinmun a masawnna peih(economic empowerment),Daan lamtoh kisai theitam,pasalte tambang thute theitamsah, Thukizasahnaten(media) ten pan nasahtah a la,khotang leh gam leh nam makaiten itawndaan un (customary law) a numeite dinmun leh a tandingbangtah uh tangsah leh ngaisahna in numei tunga gumtatna tampite asuveng thei ding gingtat ahuai hi..
Numeite humbitna dinga panlahna thupi tah tambang Act ahing umkhietin numei tampi a humbit in numeiten aphatuampi ding kinep ahuai hi.Thil hoi dinga bawlkhiet pen ahoizaw dingleh phattuamna dinga bawl ahia himananleh tuami thil bawlkhiet pen ahun leh mun azila zatdan siam leh ahiding bangtah a zat ahilou chiangin ahoi zong hoilou leh phatuamlou asuah thei hi.Tuaziehin tambang Daan hingumte pansan a thilkilawmzaw aumleh bawlhoi a ahina bangtah a zangsiam a panla dingin ikihanthawn hi.
- Pi Grace Zamnu,
General Secretary,
Zomi Mothers' Association
Churachandpur, Manipur, India
.::. All my articles can be view here: MELTED HEARTS .::.
![Reblog this post [with Zemanta]](http://img.zemanta.com/reblog_a.png?x-id=fcddf0ef-1be7-4c67-af66-de5452299f5b)
lekhasiam na lampang leh goutan a numei te khentuamna, kumchinglou a pasal neisah, zi vuah, numei buan (rape) leh zamaw kimawlna, numei vanken ziah a gelgotna, numei ngaituana suna leh subuaithei thilbawl khat pou pou tammi numei tunga gumtatna in ahuapkim sieng hi. Tuajieh in insunga numei tunga gumtatna ahileh tahsa ahiei, zamaw ahisihleh numei lungsim ngaituana suna thei ahiei numei gelgotna chit uam tuam te achi thei hi. Tambang silbawl ahileh akitenpi(apasal) ahiei, a insungmi ahisihleh ama toh tengkhawm tea pat a hingpieng ahitangpi hi.
Leitunga a eisanga gamkhang maw zaw a igen Africa gamte ah jong ei lah a pasal khenkhat te ngaituana bangin numei ahileh “Vanjah” khat mai mai in akoi uhi.Himananleh, 1998 kum in South African Domestic Violence Act chi in numei gumtatana thuahte ading akumpi un Daan hoitah ana bawl zouta hi . India kumpi in zong 2005, September 13th in Domestic Violence Act chi minvo in ahingpuangkhe ta hi.
Numei te humbit dingleh amaute tanding leh dinmun te ahibangtah pieh a dopsang zawh ahitheina ding a Daan umte tamte ahi:Protection of Women from Domestic Violent Act2005, Dowry Prohibition Act 1961, Protection of Human Rights Act 1993, Immoral traffic Act 1956, Juvinile Justice (Protection of Children) Act2000, CEDAW, Vienna Accord, Beijing Declaration etc.
Tunin adiehtahin Insunga Gumtatna toh kisai a Numeite humbitna Daan 2005 (Protection of Women from Domestic Violence Act 2005), toh kisai themkhat igen ding ahi.
Tammi Daan ahileh Insunga leh vantanga numeite dinmun dopkang leh amaute tunga gumtatana leh gelgotna chi tuam tuam te suhbeina ding a India kumpi in Indian penal Code IPC Section 498 A pansan a bawlkhiet ahi.
Numei ten tam anei a numei tunga gumtatna chi tuam tuam kigen te atuah leh tammi Domestic Violence Act in ahuam kha sieng hi.
a). Numei tahsa, zamaw kimawlna, ahiei ahisihleh, sum leh pai thu a deidanna leh atan ding bang pieh lou, adamtheina, hinna, khut leh keng ahiei a tahsa suna leh suliam thei dinga gamtatna banah a ngaisutna tanpha nasah thei dinga kammal kilawmlou zahkhum pouma ahisihleh tambang toh kituah a numei tunga gumtatna bawlsawmna khat pou pou ahuam khin sieng hi.
b). Daan toh kituohlou a numei te vanken leh neitah deina ziah a numei te ahiei ahisihleh ama kinaipi mi khat pou gelgot, suhliam, suhnat ahiei tammi zieh a numeite hinkhua bit lou tah a koina te agen hi.
c). Atunga kigen clause(a) leh (b) a kigen gamtat khat pou pou ziah athuahtu(numei) leh ama toh kinai mi khat pou pou gii(threaten) ziah a hingpiang khia te.
Tahsa kimawlna = A thuahtu (numei)tahsa suna leh suliam thei,hinna leh a khut leh keng adinga zauhuai thei khop dinga gumtatna, a ma damtheina sukha thei, a khan ding banga khangtheilou a koina leh adang dang.
Zamaw suhsietna = zamaw lampang kawh a numei minsiatsahna, zum leh daina, nuaisiebawl, sawisahna leh ama za umna suse thei dinga a silbawl khat pou pou.
Kamsua a gelgawtna
(a). Maizumsah, minsiatsah, simmaw, nuisat, dihlou tah a minpiah (name calling) leh ta pasal ahiei ta neilou zieh mai a simmaw leh nuaisiebawl.
b). A thuahtu(numei) lunglutna mi khat pou pou tahsa suna theikhop hial a giihna(threat)
Sum leh pai a gelgawtna = sum leh pai leh insunga neitah ama nu tanding leh zah ding kilawm umzousia khamtan ahiei suhthelthangsah leh adang dang te ahuap sieng hi.Tam na India penal code dungzuia numeite tan dia kilawm gou leh lam leh ta leh nau tanpha ahuap sieng hi.
Tam atuga kigen numei tunga gamtat hoilouna zousien numeite tahsa/lungsim damtheina asuhkhah dan UNICEF Digest in tambang in agen hi:
Numei tunga gumtatna in Numei damtheina asuhkhah nate (Consquences of Violence on women’s health):
a). Numei tahsa sunglam bameng (internal organ) te suhsiat
b). Naupai na lam a buaina tuah
c). Numei natna
d). Zamaw natna leh HIV/AIDS .
e). Numei naubu natna vei
f). Lutang na(headache)
g). Nausia(miscarriage)
h). Asthma nat na nei
i). Gilpi hatlouna nei
j). Tahsa pianken a mibanglou
k). Ama leh ama ki engbawl utna neisah( Zakhu tep(smoking) leh thanghuaitah a gamtatutsahna..
Lungsim ngaisutna asuhkhah nate:
(a). Kingaisiatna
(b). Zauna
(c). Um tawldam theilouna
(d). Kimuanla na
(e). Zamaw a zah ding banga zat theilouna
(f). Neh leh tah kitup lou na
(g). Ngaituana venglou.
Sitheina piansahthei dan
1. Kikhailup utna
2. Tualtha utna
3. Naunei huna sina tuah .
4. HIV/AIDS vei.
Insunga gumtatna zieh tangpi ahileh(UNICEF)
Tawndan(Cultural):
Vantang kibulphuna muna numei/pasal khentuamna.
Tawndan in numei leh pasal nasep tuomkhen sahna.
Insunga numei/pasal hina zieh a sep leh bawl tuomkhenna.
Pasal bangkim a sangzaw a koina lungsim.
Gou leh lam leh neitah him hima numei te sanga pasalte thuneina piehzawhna.
Insunga vaihawmna leh bangkim pasal tea ahi ding mawng a gelna.
Kitenna Daan(numei te man leh vanken )
Gumtatna ahileh kitheisiamlouna suhvenna dinga vanzat khat a ngaisutna .
Sum leh Pai dinmun (Economic):
Numei te sum leh pai a pasal te tunga kingahsahna.
Numei te sum leh pai leh leibat him him a mapopena koilouna.
Numei te gou leh lam, neitah him him, leh a pasal in a khen ahiei a sisan chienga akikepna ding tung tanga a nasatah a numei te ningkhinna tawndan umte.
Numei ten sepna (Govt./private) a sepna ding mun neitawmsah.
Numei ten siamna leh kizilna khat pou pou neitawmsah.
Daan lampang:
Numei dinmun toh kisai a Daan gielthaw emaw bawlding um tam lou.
Kikhena,tate kepna,Kikepna leh goutan thu a daan umte ah numei tanding tamlou.
Pumbuon(rape) leh insunga huhamna thu a Daan umte.
Numei ten Daan toh kisai a theina neitawm.
Daan enkawl leh Police/security ten numei te dawmlou.
Politics lama:
Thuneitu,vaihawmtu,thuthah sai(media), Daan siam leh dantheina lamtoh kisai a numei tawm.
Insunga a gumtatna ngai pawimaw louna. Insunga a thilsuah him him insung vai bep a ngaina leh Govt. kigawl sahlou Sakho Daan a numei te dinmun a koidan leh numei te umdingdaan teekahna..
Gam dinmun vai a numei zah tawmna. Gam kivaipuohna (politics) vai a numei te din mun nei tawm.
Tambanga numei tunga gumtatna khotang leh insunga piengzingte dounadinga Daan kibawl Domestic Violent Act 2005 nuai ah tambang in Govt. in bawl tei teiding a a guan khen khatte gen vai:
State leh district chinna tammi Act toh kisai him him enkai ding in leh mawpaw tuom ding in tam anuai te guan ahi a, ama uh mawpuahna tambang ahi:
A.Protection Officer: Social Welfare department nuai a um ahi.
(1). Domestic Violent Act Section 9 a protection officer mawpuahna tambang in agen hi.District megistarte panpi jing dingtu ahi.Ama ahileh,Megistrate pan bangchihlai pou a numei tunga gumtatna toh kisai a case um hun hun a ahat leh a apawimaw bang dungzuia a gamtang dinga mansa aum zing ding ahi.
(2). Numei tunga gumtatna toh kisai Case um taphot District Magistrate,Police Station leh Service Provider(tammi ahileh NGO Govt.Registered toh kisai a Service Provider dinga Govt.theipi a umte) china ahi.Tamnah, Protection Officer ahileh athuahnu(numei thuahsah a umnu) leh thunei zaw te kikal a palai chi ding ahi.Police Officer in tangtah in a Case pen Police Station ah ape thei hi.Protection Officer kunga pieh in hunsawt alut zaw thei hi.Tua banga FIR(tam pen complain na masa chi na ahi) bawl a um taphot original copy Megistrate pa kung atung tei tei ding hi.
(3). Protection officer in magistrate kunga tambang a Case um hun in a thuahnu(pumbuon) a um bang himai thei adang adang jong) humhimna Thusua peding in a ngetna abawlsah ding hi.Tambang hun in protection Officer in mawpuahna liantah anei a,Court a athuahnu Case nei khu ahibangtah a sepzui ahina dingin pan ala ding ahi.Tambag a athuahnu adinga humbitna thusua(protection order) aum masangin protection Officer in athuahnu(victim) leh thuahsahtu(offender/perpetrator) banah techi a pangte(witness) aumleh a thu gente uleh shil umdan bangkim athei a gielthaw a anei ding ahi.Tuakawm kal ah, protection officer in tammi toh kisai Court in pan alah thei nading in asepzui ama mawpuohna ahi.
(4). Numei tunga gumtatna case him him ah numei ten Daan kithuapina apawimaw ma ma uhi. Tammi Act in Daan bangtah a numei te panpi a aumthei na ding in Protection officer khut ah mawpuohna naahtah apia hi.
(5). Protection Officer in Service provider area huamsunga umte hoitah in list abawl ding hi.Tammi umzie ahileh,Service provider ( NGO) te tambang nasepna te a phattuamngai leh sem tah tah pawl ahi na uai chi athei thei nading bawl ahi.Tambang nasep na ah dihtatna leh chitahna pawimaw ahimanin, ahibanga sepkhiat ahilou leh tammi Daan kibawl pen umzie neilou asuah thei hi.
(6). A thuahnu’n amanu umna munding(shelter home )angen thei a,tambanga ngetna aumleh protection Officer in a huamsunga tambanga thuahtu te adinga a mun (shelter home ) kibawl khat pou pou aumna ding angaitua sah ding ahi..Athuanu tate jong ahuamtel sieng hi.
(7). Protection Officer in athuanu thuahna zousie medical examination a nei dinga tualeh a medical report zousia Megistrate kungah a pe ding hi.
(8). Tammi Act Section 20 na ah athuahnu sum leh pai a sietvena (compensation) agen a,Tammi seitvena tungtang ahileh Protcetion Officer in maw apuo hi.Atup leh angim tah ahileh thuneituten ahun bangtah a tammi apiehkhiet louleh a case pen ngaidau(neglect ahi chi Court a protecton officer in apuohkhiet ding ahi.
Atunga thukigente ahileh Domestic violent Act nuai a Protection Officer sepding leh mawpuohna kipia zousia ahi.Tuabanah, Protection officer ahileh Numei lam toh kisai Daan bangkim theimi ahi akul a,shina tunna thu ah Police investigation,post mortem,forensic evidence,anticipatory bail,excution of warrants,arrest and bail,protection order leh sietvena thu umte ,athuahnu kipuonna leh athugente leh techi apangte etc bangkim athei akul hi.
Tuakhoplou,atheidinga pawimaw khenkhat te ahileh: Zite gawtbawlna leh athuahsahpa umdante,lungsim,siamna leh sum lehpai dinmun Vanken thu a Daan umte,athuahsapa insungmi leh akinaipi ten bangtan in athuahsahpa athuzaw uai,naupangte tunga gawtbawlna umdan,athuahsahtu damtheina kikepna toh kisai leh adang dang te hi.
B.SERVICE PROVIDER:
Domestic Violent Act Section 10(i) na dungzuiin Voluntary Organisation Govt .theipi a ki registered , Numei te tanvou leh humbitna lampang toh kituaha kivenbitna Daanthei ,Damtheina leh sumleh pai a kithuapina athuahnu adinga panpina bawlpiehthei ding in Govt. theipi pawlpi khat in thuneina anei thei ahi.
Service provider sep leh bawlding tambang ahi;
(a). Numei gumtatna tuah aum hun in tuabang siltung na mun leh sil umdan te report District magistrate kunga gielthaw in Copy ape ding hi.
(b). Numei athuahnu(aggrieved person)medical examination abawldinga tuami medical report protection Officer kung leh tuami siltungna huamsunga police station ah medical report ape ding hi.
c). Service provider in athuahnun athuahdan azil in apawimaw bang Shelter Home (umna ding mun) amanu umna ding mun angaituahsah akul a tuami Police station ah theisahna ape ding hi.
C. Central Govt. leh State Govt.:
Section 11 na dungzuiin central leh State govt. in tammi Domestic Violent Act. Tungtanga abawl tei tei ding uh ahileh;
(a). Tammi Act tungtang Public media(mipi thukizahsahnate) adieh in TV, Radio leh Print media (News paper leh journals) te ah mite theiding a apuonkhiet ding uh ahi.
(b). Central Govt,State Govt ,Police officers leh Daan kemtu officer te ahun hun a tammi Act tung tanga theisahna,sil umdan bangkim Awareness leh sensitization peih zel ding ahi.
c). Daan toh kisai enkawltute, Home daan leh thupieh enkawltute,damtheina toh kisai leh Human resource te kitup tah a kithutuoh a kizopkhawm hoina dinga dinmun hoitah siam ding ahi.
(d). Tammi toh kisai a nasep leh thilbawlna toh kisai adiehtah a Numeite panpina nasep tam Act toh kituoh a sil umte ahiding bangtah leh kitup tah a koi ding ahi.
Tambang Daan in numei te toh insunga umkha zousie ahuapsienghi. Numei pasalneita banah tanute,meithai,numei phungkia(divorce) leh numei naupang kum 18 nuailamte tammi Daan in ahuapsieng hi.Numei khat pou pou ama dinmun (martal status) genlou in leh midangtetoh insung khat aumte zousie ahuamsieng hi.
Tambang a numei tunga gumtatna khat pou pou um dinga kisa ahilouleh aumchiengin mi koipou in protection Officer kunga thu azasahtheihi.Tambang thuzahsahna bawltu te a thuzahsah dih in dihsih taleh mawpai in aumthekei ding hi.
Numei tunga gumtatna ahileh nichin hunchin in gending umzing hi. Churachandpur chilou Manipur pumpi ah kum kum 2007 kumbul apat oct. tannin Govt.theiphah in numeitunga gumtatna case ki registered 97 ahi.Ei singtanggam te ah,pupa tawndaante zieh leh insungmiten zumhuaisahna te zieh bangin mite theilou in Case tamtah selguh leh ahidinglou bangtah a suhven mai atam ma ma hi
Khotang siemphat na ding in numeite dinmun hoitah a guanggal akul leh pawimaw ahi.Numeite siamzilna uangbawl,khotang kivaipuohna lemthah,Numeite sum leh pai dinmun a masawnna peih(economic empowerment),Daan lamtoh kisai theitam,pasalte tambang thute theitamsah, Thukizasahnaten(media) ten pan nasahtah a la,khotang leh gam leh nam makaiten itawndaan un (customary law) a numeite dinmun leh a tandingbangtah uh tangsah leh ngaisahna in numei tunga gumtatna tampite asuveng thei ding gingtat ahuai hi..
Numeite humbitna dinga panlahna thupi tah tambang Act ahing umkhietin numei tampi a humbit in numeiten aphatuampi ding kinep ahuai hi.Thil hoi dinga bawlkhiet pen ahoizaw dingleh phattuamna dinga bawl ahia himananleh tuami thil bawlkhiet pen ahun leh mun azila zatdan siam leh ahiding bangtah a zat ahilou chiangin ahoi zong hoilou leh phatuamlou asuah thei hi.Tuaziehin tambang Daan hingumte pansan a thilkilawmzaw aumleh bawlhoi a ahina bangtah a zangsiam a panla dingin ikihanthawn hi.
- Pi Grace Zamnu,
General Secretary,
Zomi Mothers' Association
Churachandpur, Manipur, India
.::. All my articles can be view here: MELTED HEARTS .::.
hoi mama ei adang jng hung gel jel in.
ReplyDelete