India ah Scheduled Tribe-te tel in mi tamtakte gamlak a teng in khosakna leh nek muhna di’n gammang ah kinga lieuliau uhi. Pu-pa khang apat gamlak a piang thil tuamtuamte, sing-le-lou ahihkeileh lou bawl a khosa himahle uh a theihlouh kal un India dan omsa dungzui in dan kalh ana himaimah sek uh chih gentaklouh, pu-pa khang apat a luahna gam uh tung a thuneihna neilou, thuneihna laksak in ana om sek uhi.
British Kumpi’n gammang a thil piangte a deihgoh ziak a gammang a kingate apat thuneihna a laksakna dia kibawl Indian Forest Act, 1927 in sorkar tung ah gam leipek a utna munmun pen ‘reserved forest, protected forest’ ahihkeileh ‘village forest’ a puang theihna thuneihna pia a, huai nung a dan kibawl thak Wild Life (Protection) Act, 1972 in ‘national park, wildlife sanctuary, tiger reserve’ ahihkeileh ‘community conservation area’ a zat dia "protected area" a puan theihna thuneihna sorkar pia hi. Hiai dante’n gammang a kingate humbitna ding leng tuuntel mahleh a zat hun taktak chiang in huchibang mite khual hilou sek ua, a inn-le-lou uh suksiatsak, gelgawt leh pu-pa khang apat a tenna mun uapat hawlkhiak in bang om sek uhi.
Gammang a kingate dikloutak a bawl a ana omna uh bawldikna ding leh amaute rights humbitna di’n India Innpi in December 18, 2006 in The Scheduled Tribes and Other Traditional Forest Dwellers (Recognition of Forest Rights) Act, 2006 ana pass hi. Hiai dan kibawl thak pen a tangpi in "Forest Rights Act" kichi mahleh "Tribal Rights Act", "Tribal Bill" ahihkeileh "Tribal Land Act" leng kichi thou a, doudalna a nasat mahmah ziak in Innpi in a pass zoh kum 1 nung, December 31, 2007 in hiai dan pen zattheih dia puan in om hi. Huai zoh in, hiai dan toh kisai a Union Ministry of Tribal Affairs in a bawl ‘Rules’ notification January 1, 2008 in suak zui ngal hi. Hiai dan in kum 75 sang a tawmzawlou huai gammang a ana tengte leh ‘scheduled area’ a teng Scheduled Tribe-te tengteng huam hi. Himahleh, hiai dan zattheihna di’n Hausa ahihkeileh Village Authority theihpihna, sub-division level banah district level committee pompihna poimoh a, hiai screening committee ah govt. official 3, (Forest, Revenue leh Tribal Welfare deptt.) banah local body a elected member 3 tu ding uhi.
Hiai dan thak in Scheduled Tribe-te leh ‘other traditional forest dwellers’ kichite kiang ah a tangpi a gen in, gammang a piang thilte tung a thuneihna banah a gam leitang mahmah neitu hihna, ‘Title Rights/Land Rights, Use Rights, Relief and Development Rights leh Forest Management Rights’ pia hi. ‘Title Rights/Land Rights’ in, December 13, 2005 a lou a bawlna mun uh neitu hihna, sungkuan khat ah a liantawp in hectare 4 tan, hectare 4 sang a neuzaw a lou bawl ahih ua leh a bawl chiachia uh neitu hihna pia hi. Hiai gam pen suak theihlou, kipiak theihlouh, a khang a khang a kiluah sawn theih chauh ahi. Himahleh, December 13, 2005 nunglam a lou a bawlna munte uh ahihleh huamlou hi. ‘Use Rights’ dungzui in a neitu hihna tel in gammang a thil piang leh a zatdan tung ah thuneihna pia hi. ‘Relief and Development Rights’ in dan dungzuilou leh thagum a nohkhiakna toh kisai a ‘rehabilitation’ leh ‘basic amenities’ neihththeihna thuneihna pia hi. Huai banah, ‘Forest Management Rights’ in tribal-te leh ‘other traditional forest dwellers’ kichite tung ah gammang leh a sung a teng gamsate kembitna toh kisai in thuneihna ahihkeileh mohpuakna pia hi.
Sorkar in a mi tuantualte, nelhsiat a omte humbitna ding in dan tuamtuam bawl bawl mahleh hichibang dan kibawlte poimoh tata, humbit a ngai tatate’n i phawk kholkei ua, a phawk sunsunte’n leng a zat ding dan, a phattuampih ding dan i theikei uhi. Tu’n ah, Churachandpur District Students Union (CDSU) in Tribals Land and Forest Rights chih pansan in Feb. 10 sunma dak 11:30 apan KKL Complex, IB Road ah seminar sai dek hi. Hiai seminar ah Manipur (Outer) MP Mani Cheranamei in ‘Land and Forest Rights’ pansan in leh CCpur Govt. College a lecturer K. Vungzamawi in ‘Tribal Land Ownership and Development’ pansan in sinsak ding uhi. Pu-pa khang apat i tenna uh, ka gam i chih pen a neitu mah ihi ua, a neitu i kichih ziak a i gam pen bit hidan a ngaihdan i neih ua leh i theihlouh kal ua laksak a om thei i hihna uah, a humbit ding dan lampi bang a om dia chih dapkual a, dan in thuneihna/dikna a hon piakte a phatuam theitawp a zat sawm pen haihuai hetlou ahi. Huai ziak in, CDSU panlakna kipahpihhuai mahmah a, mipite banah a diak a Hausate leh khotang heutu tuamtuam’n leng ngaihven deuh a phattuampih teitei sawm ding ahi.
Source: Editorial, The Lamka Post | February 10, 2009
.::. All my articles can be view here: MELTED HEARTS .::.
British Kumpi’n gammang a thil piangte a deihgoh ziak a gammang a kingate apat thuneihna a laksakna dia kibawl Indian Forest Act, 1927 in sorkar tung ah gam leipek a utna munmun pen ‘reserved forest, protected forest’ ahihkeileh ‘village forest’ a puang theihna thuneihna pia a, huai nung a dan kibawl thak Wild Life (Protection) Act, 1972 in ‘national park, wildlife sanctuary, tiger reserve’ ahihkeileh ‘community conservation area’ a zat dia "protected area" a puan theihna thuneihna sorkar pia hi. Hiai dante’n gammang a kingate humbitna ding leng tuuntel mahleh a zat hun taktak chiang in huchibang mite khual hilou sek ua, a inn-le-lou uh suksiatsak, gelgawt leh pu-pa khang apat a tenna mun uapat hawlkhiak in bang om sek uhi.
Gammang a kingate dikloutak a bawl a ana omna uh bawldikna ding leh amaute rights humbitna di’n India Innpi in December 18, 2006 in The Scheduled Tribes and Other Traditional Forest Dwellers (Recognition of Forest Rights) Act, 2006 ana pass hi. Hiai dan kibawl thak pen a tangpi in "Forest Rights Act" kichi mahleh "Tribal Rights Act", "Tribal Bill" ahihkeileh "Tribal Land Act" leng kichi thou a, doudalna a nasat mahmah ziak in Innpi in a pass zoh kum 1 nung, December 31, 2007 in hiai dan pen zattheih dia puan in om hi. Huai zoh in, hiai dan toh kisai a Union Ministry of Tribal Affairs in a bawl ‘Rules’ notification January 1, 2008 in suak zui ngal hi. Hiai dan in kum 75 sang a tawmzawlou huai gammang a ana tengte leh ‘scheduled area’ a teng Scheduled Tribe-te tengteng huam hi. Himahleh, hiai dan zattheihna di’n Hausa ahihkeileh Village Authority theihpihna, sub-division level banah district level committee pompihna poimoh a, hiai screening committee ah govt. official 3, (Forest, Revenue leh Tribal Welfare deptt.) banah local body a elected member 3 tu ding uhi.
Hiai dan thak in Scheduled Tribe-te leh ‘other traditional forest dwellers’ kichite kiang ah a tangpi a gen in, gammang a piang thilte tung a thuneihna banah a gam leitang mahmah neitu hihna, ‘Title Rights/Land Rights, Use Rights, Relief and Development Rights leh Forest Management Rights’ pia hi. ‘Title Rights/Land Rights’ in, December 13, 2005 a lou a bawlna mun uh neitu hihna, sungkuan khat ah a liantawp in hectare 4 tan, hectare 4 sang a neuzaw a lou bawl ahih ua leh a bawl chiachia uh neitu hihna pia hi. Hiai gam pen suak theihlou, kipiak theihlouh, a khang a khang a kiluah sawn theih chauh ahi. Himahleh, December 13, 2005 nunglam a lou a bawlna munte uh ahihleh huamlou hi. ‘Use Rights’ dungzui in a neitu hihna tel in gammang a thil piang leh a zatdan tung ah thuneihna pia hi. ‘Relief and Development Rights’ in dan dungzuilou leh thagum a nohkhiakna toh kisai a ‘rehabilitation’ leh ‘basic amenities’ neihththeihna thuneihna pia hi. Huai banah, ‘Forest Management Rights’ in tribal-te leh ‘other traditional forest dwellers’ kichite tung ah gammang leh a sung a teng gamsate kembitna toh kisai in thuneihna ahihkeileh mohpuakna pia hi.
Sorkar in a mi tuantualte, nelhsiat a omte humbitna ding in dan tuamtuam bawl bawl mahleh hichibang dan kibawlte poimoh tata, humbit a ngai tatate’n i phawk kholkei ua, a phawk sunsunte’n leng a zat ding dan, a phattuampih ding dan i theikei uhi. Tu’n ah, Churachandpur District Students Union (CDSU) in Tribals Land and Forest Rights chih pansan in Feb. 10 sunma dak 11:30 apan KKL Complex, IB Road ah seminar sai dek hi. Hiai seminar ah Manipur (Outer) MP Mani Cheranamei in ‘Land and Forest Rights’ pansan in leh CCpur Govt. College a lecturer K. Vungzamawi in ‘Tribal Land Ownership and Development’ pansan in sinsak ding uhi. Pu-pa khang apat i tenna uh, ka gam i chih pen a neitu mah ihi ua, a neitu i kichih ziak a i gam pen bit hidan a ngaihdan i neih ua leh i theihlouh kal ua laksak a om thei i hihna uah, a humbit ding dan lampi bang a om dia chih dapkual a, dan in thuneihna/dikna a hon piakte a phatuam theitawp a zat sawm pen haihuai hetlou ahi. Huai ziak in, CDSU panlakna kipahpihhuai mahmah a, mipite banah a diak a Hausate leh khotang heutu tuamtuam’n leng ngaihven deuh a phattuampih teitei sawm ding ahi.
Source: Editorial, The Lamka Post | February 10, 2009
.::. All my articles can be view here: MELTED HEARTS .::.
No comments:
Post a Comment