"Kaziranga a chinghpite bang a humbit leh etkol ngaite i hi uh" - Thangkhangin Ngaihte
Manipur Tribals Council (MTC) saina in Synod Hall, IB Road ah tuni sun dak 12 in ‘Safeguarding Tribal Rights and Privileges’ chih thupi pansan in workshop om hi. Hiai workshop ah LJP Manipur State president S. Thangkhangin Ngaihte leh CCpur College a Professor LS Gangte in sinsak ua, Zomi Council chairman N. Songchinkhup in uap hi.
S. Thangkhangin Ngaihte in hiai workshop ah ‘Awareness on political matters’ kichi lehkha luikhia a, Manipur singtangmite India Danbupi a Fifth Schedule nuai ah tanggam district teng ah ADC Act, 1971 om a, Article 371(C) Special Provision dungzui in Manipur State Assembly ah Hill Areas Committee nei mahleh a politics lam a navakna a taksap ziak ua khantouhna neihna dia phatuamlou hi’n gen hi. Apaisa kum 20 sung District Council election neihlouh a omta ahihna a supna nasatak tung ahihdan leng taklang hi. India Danbupi nuai a Article 46, 335, 338, 339, 340 leh 371(C) kichite singtangmite leh a gam uh kepbitna dia bawl ahihdan gen hi.
Manipur singtangmite bitna ding leh a gam leitang uh humbitna dia poimoh Thangkhangin in thusun a bawlna ah, a masapen a District Council election neih ding, huai khit chiang a, gam leitang humbitna dia Sixth Schedule nget ding hi’n taklang hi. Gam leitang humbit ding poimoh ahihdan a genna ah, Mizoram in leng 6th Schedule leh Hausa a phiat ziak ua tua company lian taktakte’n Mizoram gam leitang lianpi sum a leikheta, sorkar leh mipi’n neitu hihna nei nawnlou ahihdan gen hi. Meghalaya in bel District Council leh Hausa leng a sukbei tuanlouh ziak ua gam leitang tungtang a bel amau phalna tellou a kuaman suhsak theilou hi’n gen hi. Thangkhangin in a genna ah, Manipur a singtangmite ahihleh sorkar in Kaziranga a chinghpite a kep bang a humbit leh etkol ngaite hi’n gen hi.
Huai banah, Manipur sorkar in lem a saklouhna ding thu omlou, lah, mipite a dia hamphatna nasatak a behlap ding ahihna ah, CCpur district sung a Henglep-Thanlon-Parbung sub-division apat district piching khat bawl beh ding leng Thangkhangin in thusun bawl hi.
Zomi Council chairman N. Songchinkhup in District Council election neihlouh nilouh a om toh kisai a genna ah, 6th Schedule ngetna in HAC in July 1990 in ‘No 6th Schedule, No (MDC) election’ chi’n thupukna ana la ua, himahleh tua bel HAC mah in a thupukna uh zukkikta uh hi’n gen hi. Phualpi sorkar in leng North East expert a a neih, Roy Burman in singtangmite gam leitang kepbitna dia 6th Schedule a hoihna a gendan Songchinkhup in a genna ah, Union Territory ahihkeileh Statehood nuai ah leng 6th Schedule zat ahihkeileh sorkar/vaihawmtute’n gam leitang pen zuak thei ua, 6th Schedule nuai ah bel Hausate ahihkeileh a gam neitu singtangmite phalna tellou a sorkar nangawn in leng gam leitang khoih theilou hi’n gen hi
.
Huai banah, nam dang apat leng hilou, singtangmite sung mahmah a leng Hauhsakna/gam zuak ut tam mahmah ahihna ah, a diak a CCpur district a singtangmite dinmun lauhthawnhuai mahmah ahihna ah Manipur Tribals Council in pan a lakna kipahpih ahihdan leng Zomi Council chairman in gen hi.
Professor L.S. Gangte in ahihleh, thu hoihpipi gengen mahlehang kithutuahna, pankhawmna mah poimoh masapen ahihdan gen hi. CCpur district pen a neitu ngem a dim, a kemtu, a puahtu ding omlou ahihdan gen kawm in ‘alphatbet’ a kidaihluat ziak a kikhenna om hi’n gen hi. Nam min ‘alphabet itlou a, alphabet in a tuun’ a mite/mihingte itna poimoh hi’n leng gen hi. CCpur district sung a unau pau-le-ham kitheituah ngen, kigen gamla teitei ngente’n ‘common platform’, a hon khaikhawmtu ding poimoh ahihdan genkawm in huai dinmun tanpha MTC in a hon luah theih a deihthu leng taklang hi.
Huai banah, Churachandpur district a singtangmite dinmun a hoihlouh ziak bang dang hilou a gam itna, unau-sanggamte itna taktak nei a omlouh ziak hi’n L.S. Gangte in gen hi. Huchilou hileh, CCpur district apat Manipur State Legislative Assembly a mipi’n palai 6 nei gige, huai banah, administration lam a leng nasem thei tham milian hunkhop om ahihna ah, tua bang dinmun tunna ding thu omlou hi’n gen hi. Hiai bang dinmun ah, mipi’n palai dia a telkhiakte mahmah in mipite kaikhawm a, mipite bitna ding, gam leitang bitna ding a ngaihtuah uh poimoh hi’n gen a, huai dia MTC in mipi palaite a noh ngai hi’n leng Professor L.S. Gangte in gen hi.
PHED official-te’n LP editor houlimpih
Lamka, Feb 13: Lamka khopi sung tuisiang dawn ding kal 2 vel paita apan piak ahihlouhna toh kisai a The Lamka Post team in zan a a mun mahmah a enchian a thil omdan a putlak uh toh kisai in tuni’n PHED official ten The Lamka Post editor houlimpih uhi.
Official team in a genna uah, security-te’n dakkal 24 sung phial Bungmual khosak a tanky te apan tui nawn ua, tuate banah a kiang nai a omte’n ki-inteksaktak in tanky sung a tui zawlkhe maimah ahihna uah mipi nek ding amaute’n ne gai zel uh ahi chi uhi. Hun paisa in DC tan in hiai thu ngaihtuah ahi a, security ten Khuga Dam apan gari in tui nawn ding a theihsak ahih chiang un Khuga Dam tui pen dawn ding in a siangthou zou taktak kei chi ua, tua banah, gamla sim ahihman in lamkal ah tuahsia bang hiam omleh a moh na paw ngap ua hia chih chiang tan a security ten dotna bawl uh hi’n gen uhi. Hoihtak a hawmsiamtak a hawm theih hileh ni 2/3 hal in zaw tui khah theih in a om ding chi’n leng gen uhi.
Official team in a gen zelna uah, Koite lui apan tui lakna leng Tuibuang chiang ah niang leh tai in tui om a, himahleh Bijang chiang tan ah kaizou nawn lou ahi chi’n leng gen uhi. Tu dinmun lel dan a apai leh zone-I zohsiang hileh leng koi khua hiamte’n niang-le-tai in a ne ding ua, mipi a ding in a kiching tuan kei ding chi uhi. PHED/CCpur Div. a EE office kai ngeilouh toh kisai bel official ten leng gen dan ding tuan theilou uhi.
GBC Extravaganza, Spring Semester, 2009 nei
Lamka Feb 13: Dorcas Veng, New Lamka a om Grace Bible College (GBC) saina in amau huangsung ah tuni sunma dak 11:00 in ‘ Unity in Diversity ’chih thupi zang in GBC Extravaganza, Spring Semester, 2009 zang ua, tua ah Commandant, 27th Sector H.Q. Assam Rifles, Brigadier, Rajiv Pant in Chief Guest hihna toh uap hi. Hiai hun ah sepaihte a ding in Rev. Dr. B. Luaichinthang, Director of Ministries, EBC in thumsakna hun zang hi.
Tua zoh in GBC Principal Rev. Dr. Sonna Langzakham in Chief Guest kiangah tulel a student mi 108 te’n a poimoh mahmah uh Computer Laboratory ding hon sak ding in ngen a, tua banah GBC in HIV/AIDS Home Base Care Project nuai ah mi 65 enkol lel ahihdan leng gen hi. Hiai hun zatna ah nuapangte a kipan in Nam tuamtuam tawn dan lahna nei uhi.
Duty koih hiding
Lamka Feb 13: Tualnuam leh Mualkot kikal a lamlian kianga mun thoveng omna lak ah tulai in nitak dak 6:00 vel akipan dak 7:30 tan khong nungak leh tangval thangtat tam thei mahmah hi’n muanhuaitak apan thutut kingah hi. Mualkot khomi khat in a genna ah nitak chiang in kop 3/4 tuah khak ding om sek a, tuaban ah lamlian lai nasan ah leng kilawmloutak a om zel uh hi’n leng thutut kingah hi.
Thu pesawntu’n Lamka Post a theihsakna ah hiai kimvel ah duty koih hita ding a, matkhiak a a om leh kuaman mimal thildan a latheilou ding hi’n leng gen hi.
CE/PMGSY lamlian kibawl enkhia
Lamka Feb 13: P. Kipgen, Chief Engineering – cum – State Quality Coordinator, MSRRDA in tuni zinglam dak 9:00 in Imphal a kipan in Lamka hong pha hi. Aman PMGSY fund a lamlian kibawl Salbung leh Tuinom kikal, Bungmual leh Suangpi kikal, G. Monglen leh Monglen kikal banah NH – 150 in a totkhak Totphakul te etkhiakna hong nei hi. Amah tuni nitaklam in Lamka nusia in Imphal ah kiksuk nawn hi.
S.D Gangte in Lamka hongpha
Lamka Feb 13: S.D.Gangte, Addtl. Chief Engineering, IFCD leh Karunacharya Singh, Superintentdent Engineer, Khuga Project Circle te’n tuni sunma dak 10:00 in Lamka hongpha uhi. Amau Khuga Dam Canal in a totkhak Saidan, Torbung bungalow kim lak etkhia uhi. Amau nitaklam in Imphal ah kiksuk nawn uhi.
T. Hangkhanpau MLA in uap
Lamka Feb 13: Singngat khua a Village Youth – cum – Women Society Annual meet zatna tuni’n Singngat khua om hi. Hiai hun ah T. Hangkhanpau, MLA in Chief Guest hihna toh programme va uap hi. Aman zingchiang Feb14, 2009 in Zabellei a Community Hall kibawl thak zawh ahih toh kiton in a hon khiakna va nei ding hi. Tua banah zinghal Feb.15, 2009 in Lailam Venga khompi om ah tel ngal ding hi.
Bank Account hong di’n UBI theisak
Lamka Feb 13: United Bank of India (UBI) a Regional Manager, Silchar in tuni’n Sumant Singh IAS DC/CCpur tungtawn in UBI CCpur Branch Manager kiangah NREGS toh kisai a bank account a kinthei bangpe’n a hong ding in telephone tungtawn in theihsakna bawl hi.
Minister in Community Hall 2 leh lei khat hong
Lamka, Feb. 13.: T.N. Haokip Minister( PHED, Tourism & IPR) in tuni sunma dak 9:00 in Lamka hong pha a, BRGF 2007- 2008 a kibawl Saipum Suspension Bridge leh Saipum Community Hall ban ah Muolsan Cummunity hall hong hi. Minister in Saikot Assembly sung a BRGF 2007- 2008 a na kisem zawh masakna pen hilai in gen a, suspension bridge ah Rs. 4 lakhs sanction hi a, Community hall khat ah Rs. 5 lakhs sanction hi’n gen hi. Hiai lei toh kisai in Minister lungtung mahmah a, tunung chiang a pucca a bawl hiding inleng gen hi.
Tuni a PHED Minister hong zinna ah a zi Mrs. Phalhoihkim inleng hon zui a, Mrs. Phalhoikim bel a meitei zi hi a, singtang min dia phuah sak a om ahi.
Lamniang in Principal FHWTS len
Lamka, Feb 13: Female Health Worker Training School (FHWTS) a Principal Mrs. Sailenkim Jan 30, 2009 a pan pension tak ziak in FHWTS a tutor senior Lamniang in Principal hihna len in office luahta hi.
Behiang Chief di’n Paudoumang Ngaihte
Lamka, Feb 13: Mr. Paudoumang Ngaihte leh Jubilee Mawi, hun sawttak Behiang hausa hihna a kituh nung un Gauhati High Court in Mr. Paudoumang Ngaihte a ding in Feb 2, 2009 in order suah hi.
YPA Block leh Jt. Headquarter election om ding
Lamka, Feb.13: Young Paite association (YPA) General Hq. cabinet thupukna bang in February 2009 sung in YPA block leh Jt. Hq. a office bearer ding telna neih hiding hi. YPA block leh Jt. Headquarter a election neihpih ding in Hq. makaite kuankhe ding uhi.
YPA in Jt. Headquarter 3 leh block 8 nei a, tuate bel Delhi Jt. Hqtrs, Shillong Jt. Hqtrs, leh Diphu Jt. Hqtrs hi a, block-te bel Imphal block, Lamka block, New Lamka block, Singngat block, Kapkhovung block, Raja Goukhothang block, Sinzawl block leh Thanlon block ahi.
DIO office building hong ding
Lamka, Feb 13: Tuibuang a District Information office building kibawl thak zou sianta ua, Feb. 19, 2009 sunma dak 11:00 in T.N. Haokip Minister (PHED, Tourism & IPR) Chief guest a pang in DIO office hong ding hi.
Khopi sung ah Tanker zang in tui hawm hiding – T.N. Haokip
Lamka, Feb 13: PHED Minister TN Haokip in tuni’n Khuga Dam pha in Lamka khopi sung a tuisiang piak theih dingdang toh kisai va enkual hi. Minister in Khuga Dam tui kiching a gintak sang in tui kiam sa mahmah a, hiai bang zel a a sutzop leh tunung sawtlou a khopi sung a tuisiang dawn ding hawm pah hiding in press te mai ah gen hi. Tuabanah, minister in tuni mah in PHED a official khenkhat phone tungtawn in houpih a, Lanva nak leh Mongjang tui lakna mun va enkhia a report kin thei lam a pe ding in theisak ngal hi.
Lamka Post palai in PHED Minister kiang ah Lamka damdawi in a tui haksat ziak a damloute’n hak satna liantak a tuah uh leh ekbuk a tui zat ding a omlouh ziak a thanghuai mahmah ahihdan leng theisak hi. Hiai toh kisai a minister in a genna ah, hospital leng tanker zang a tui piak hiding a, himahleh tamveitak a thawn in piak hithei lou ding a, amau leng Govt. in fee a bawl bangbang a piak uh a ngai ding chi’n gen hi.
DC in ZEO leh CEO a tuam tuak in sam
Lamka, Feb 13: MP election tunung zek a om ding ah Sumant Singh IAS, DC/CCpur in Polling duty ding a kisepna a tamzaw Education lam a semte ahih ding ziak un tuni sunnung dak 2:00 apan ZEO/CCpur leh CEO/ADCC te a tuam tuak a sam in tulel a teacher sem lelte seh ding dan houlimpih hi.
Bike in car phu
LAMKA, Feb 13: Tunitak dak 8:00 vel in Tedim Road apan Sim Veng lutsukna bul, transformer kiang ah bike in car phukha a, bike hektu Mr. Thangkhosiam (18) of Lingsiphai leh a nung a tuang Mr. Hauthanglian (28) liam uhi.
Thutut kingah dan in, Pulsar bike (MN02-8377) a kipua Thangkhosiam leh Hauthanglian in New Bazar lam manoh in hattak in tai ua, Sim Veng lam apat Tedim Road a hong suakkhia, New Lamka lam manoh a koitou Santro Xing (MN02-8069) phusuk uhi. Huaitak in lamlian ah bangzahvei hiam kipeisuk ua, lamsak a phone khuam bohsuk uhi. Bike hektu Thangkhosiam bel a taklam ngal guh kitan a, Hauthanglian leng a lu kek in tu’n a nih un Lamka Damdawi Inn ah admit in om uhi. Car a tuangte bel a liam omkei mahle uh, a car headlight leh bumper kisia hi.
Source: ZOGAM.COM | The Lamka Post | February 14, 2009
.::. All my articles can be view here: MELTED HEARTS .::.
Manipur Tribals Council (MTC) saina in Synod Hall, IB Road ah tuni sun dak 12 in ‘Safeguarding Tribal Rights and Privileges’ chih thupi pansan in workshop om hi. Hiai workshop ah LJP Manipur State president S. Thangkhangin Ngaihte leh CCpur College a Professor LS Gangte in sinsak ua, Zomi Council chairman N. Songchinkhup in uap hi.
S. Thangkhangin Ngaihte in hiai workshop ah ‘Awareness on political matters’ kichi lehkha luikhia a, Manipur singtangmite India Danbupi a Fifth Schedule nuai ah tanggam district teng ah ADC Act, 1971 om a, Article 371(C) Special Provision dungzui in Manipur State Assembly ah Hill Areas Committee nei mahleh a politics lam a navakna a taksap ziak ua khantouhna neihna dia phatuamlou hi’n gen hi. Apaisa kum 20 sung District Council election neihlouh a omta ahihna a supna nasatak tung ahihdan leng taklang hi. India Danbupi nuai a Article 46, 335, 338, 339, 340 leh 371(C) kichite singtangmite leh a gam uh kepbitna dia bawl ahihdan gen hi.
Manipur singtangmite bitna ding leh a gam leitang uh humbitna dia poimoh Thangkhangin in thusun a bawlna ah, a masapen a District Council election neih ding, huai khit chiang a, gam leitang humbitna dia Sixth Schedule nget ding hi’n taklang hi. Gam leitang humbit ding poimoh ahihdan a genna ah, Mizoram in leng 6th Schedule leh Hausa a phiat ziak ua tua company lian taktakte’n Mizoram gam leitang lianpi sum a leikheta, sorkar leh mipi’n neitu hihna nei nawnlou ahihdan gen hi. Meghalaya in bel District Council leh Hausa leng a sukbei tuanlouh ziak ua gam leitang tungtang a bel amau phalna tellou a kuaman suhsak theilou hi’n gen hi. Thangkhangin in a genna ah, Manipur a singtangmite ahihleh sorkar in Kaziranga a chinghpite a kep bang a humbit leh etkol ngaite hi’n gen hi.
Huai banah, Manipur sorkar in lem a saklouhna ding thu omlou, lah, mipite a dia hamphatna nasatak a behlap ding ahihna ah, CCpur district sung a Henglep-Thanlon-Parbung sub-division apat district piching khat bawl beh ding leng Thangkhangin in thusun bawl hi.
Zomi Council chairman N. Songchinkhup in District Council election neihlouh nilouh a om toh kisai a genna ah, 6th Schedule ngetna in HAC in July 1990 in ‘No 6th Schedule, No (MDC) election’ chi’n thupukna ana la ua, himahleh tua bel HAC mah in a thupukna uh zukkikta uh hi’n gen hi. Phualpi sorkar in leng North East expert a a neih, Roy Burman in singtangmite gam leitang kepbitna dia 6th Schedule a hoihna a gendan Songchinkhup in a genna ah, Union Territory ahihkeileh Statehood nuai ah leng 6th Schedule zat ahihkeileh sorkar/vaihawmtute’n gam leitang pen zuak thei ua, 6th Schedule nuai ah bel Hausate ahihkeileh a gam neitu singtangmite phalna tellou a sorkar nangawn in leng gam leitang khoih theilou hi’n gen hi
.
Huai banah, nam dang apat leng hilou, singtangmite sung mahmah a leng Hauhsakna/gam zuak ut tam mahmah ahihna ah, a diak a CCpur district a singtangmite dinmun lauhthawnhuai mahmah ahihna ah Manipur Tribals Council in pan a lakna kipahpih ahihdan leng Zomi Council chairman in gen hi.
Professor L.S. Gangte in ahihleh, thu hoihpipi gengen mahlehang kithutuahna, pankhawmna mah poimoh masapen ahihdan gen hi. CCpur district pen a neitu ngem a dim, a kemtu, a puahtu ding omlou ahihdan gen kawm in ‘alphatbet’ a kidaihluat ziak a kikhenna om hi’n gen hi. Nam min ‘alphabet itlou a, alphabet in a tuun’ a mite/mihingte itna poimoh hi’n leng gen hi. CCpur district sung a unau pau-le-ham kitheituah ngen, kigen gamla teitei ngente’n ‘common platform’, a hon khaikhawmtu ding poimoh ahihdan genkawm in huai dinmun tanpha MTC in a hon luah theih a deihthu leng taklang hi.
Huai banah, Churachandpur district a singtangmite dinmun a hoihlouh ziak bang dang hilou a gam itna, unau-sanggamte itna taktak nei a omlouh ziak hi’n L.S. Gangte in gen hi. Huchilou hileh, CCpur district apat Manipur State Legislative Assembly a mipi’n palai 6 nei gige, huai banah, administration lam a leng nasem thei tham milian hunkhop om ahihna ah, tua bang dinmun tunna ding thu omlou hi’n gen hi. Hiai bang dinmun ah, mipi’n palai dia a telkhiakte mahmah in mipite kaikhawm a, mipite bitna ding, gam leitang bitna ding a ngaihtuah uh poimoh hi’n gen a, huai dia MTC in mipi palaite a noh ngai hi’n leng Professor L.S. Gangte in gen hi.
PHED official-te’n LP editor houlimpih
Lamka, Feb 13: Lamka khopi sung tuisiang dawn ding kal 2 vel paita apan piak ahihlouhna toh kisai a The Lamka Post team in zan a a mun mahmah a enchian a thil omdan a putlak uh toh kisai in tuni’n PHED official ten The Lamka Post editor houlimpih uhi.
Official team in a genna uah, security-te’n dakkal 24 sung phial Bungmual khosak a tanky te apan tui nawn ua, tuate banah a kiang nai a omte’n ki-inteksaktak in tanky sung a tui zawlkhe maimah ahihna uah mipi nek ding amaute’n ne gai zel uh ahi chi uhi. Hun paisa in DC tan in hiai thu ngaihtuah ahi a, security ten Khuga Dam apan gari in tui nawn ding a theihsak ahih chiang un Khuga Dam tui pen dawn ding in a siangthou zou taktak kei chi ua, tua banah, gamla sim ahihman in lamkal ah tuahsia bang hiam omleh a moh na paw ngap ua hia chih chiang tan a security ten dotna bawl uh hi’n gen uhi. Hoihtak a hawmsiamtak a hawm theih hileh ni 2/3 hal in zaw tui khah theih in a om ding chi’n leng gen uhi.
Official team in a gen zelna uah, Koite lui apan tui lakna leng Tuibuang chiang ah niang leh tai in tui om a, himahleh Bijang chiang tan ah kaizou nawn lou ahi chi’n leng gen uhi. Tu dinmun lel dan a apai leh zone-I zohsiang hileh leng koi khua hiamte’n niang-le-tai in a ne ding ua, mipi a ding in a kiching tuan kei ding chi uhi. PHED/CCpur Div. a EE office kai ngeilouh toh kisai bel official ten leng gen dan ding tuan theilou uhi.
GBC Extravaganza, Spring Semester, 2009 nei
Lamka Feb 13: Dorcas Veng, New Lamka a om Grace Bible College (GBC) saina in amau huangsung ah tuni sunma dak 11:00 in ‘ Unity in Diversity ’chih thupi zang in GBC Extravaganza, Spring Semester, 2009 zang ua, tua ah Commandant, 27th Sector H.Q. Assam Rifles, Brigadier, Rajiv Pant in Chief Guest hihna toh uap hi. Hiai hun ah sepaihte a ding in Rev. Dr. B. Luaichinthang, Director of Ministries, EBC in thumsakna hun zang hi.
Tua zoh in GBC Principal Rev. Dr. Sonna Langzakham in Chief Guest kiangah tulel a student mi 108 te’n a poimoh mahmah uh Computer Laboratory ding hon sak ding in ngen a, tua banah GBC in HIV/AIDS Home Base Care Project nuai ah mi 65 enkol lel ahihdan leng gen hi. Hiai hun zatna ah nuapangte a kipan in Nam tuamtuam tawn dan lahna nei uhi.
Duty koih hiding
Lamka Feb 13: Tualnuam leh Mualkot kikal a lamlian kianga mun thoveng omna lak ah tulai in nitak dak 6:00 vel akipan dak 7:30 tan khong nungak leh tangval thangtat tam thei mahmah hi’n muanhuaitak apan thutut kingah hi. Mualkot khomi khat in a genna ah nitak chiang in kop 3/4 tuah khak ding om sek a, tuaban ah lamlian lai nasan ah leng kilawmloutak a om zel uh hi’n leng thutut kingah hi.
Thu pesawntu’n Lamka Post a theihsakna ah hiai kimvel ah duty koih hita ding a, matkhiak a a om leh kuaman mimal thildan a latheilou ding hi’n leng gen hi.
CE/PMGSY lamlian kibawl enkhia
Lamka Feb 13: P. Kipgen, Chief Engineering – cum – State Quality Coordinator, MSRRDA in tuni zinglam dak 9:00 in Imphal a kipan in Lamka hong pha hi. Aman PMGSY fund a lamlian kibawl Salbung leh Tuinom kikal, Bungmual leh Suangpi kikal, G. Monglen leh Monglen kikal banah NH – 150 in a totkhak Totphakul te etkhiakna hong nei hi. Amah tuni nitaklam in Lamka nusia in Imphal ah kiksuk nawn hi.
S.D Gangte in Lamka hongpha
Lamka Feb 13: S.D.Gangte, Addtl. Chief Engineering, IFCD leh Karunacharya Singh, Superintentdent Engineer, Khuga Project Circle te’n tuni sunma dak 10:00 in Lamka hongpha uhi. Amau Khuga Dam Canal in a totkhak Saidan, Torbung bungalow kim lak etkhia uhi. Amau nitaklam in Imphal ah kiksuk nawn uhi.
T. Hangkhanpau MLA in uap
Lamka Feb 13: Singngat khua a Village Youth – cum – Women Society Annual meet zatna tuni’n Singngat khua om hi. Hiai hun ah T. Hangkhanpau, MLA in Chief Guest hihna toh programme va uap hi. Aman zingchiang Feb14, 2009 in Zabellei a Community Hall kibawl thak zawh ahih toh kiton in a hon khiakna va nei ding hi. Tua banah zinghal Feb.15, 2009 in Lailam Venga khompi om ah tel ngal ding hi.
Bank Account hong di’n UBI theisak
Lamka Feb 13: United Bank of India (UBI) a Regional Manager, Silchar in tuni’n Sumant Singh IAS DC/CCpur tungtawn in UBI CCpur Branch Manager kiangah NREGS toh kisai a bank account a kinthei bangpe’n a hong ding in telephone tungtawn in theihsakna bawl hi.
Minister in Community Hall 2 leh lei khat hong
Lamka, Feb. 13.: T.N. Haokip Minister( PHED, Tourism & IPR) in tuni sunma dak 9:00 in Lamka hong pha a, BRGF 2007- 2008 a kibawl Saipum Suspension Bridge leh Saipum Community Hall ban ah Muolsan Cummunity hall hong hi. Minister in Saikot Assembly sung a BRGF 2007- 2008 a na kisem zawh masakna pen hilai in gen a, suspension bridge ah Rs. 4 lakhs sanction hi a, Community hall khat ah Rs. 5 lakhs sanction hi’n gen hi. Hiai lei toh kisai in Minister lungtung mahmah a, tunung chiang a pucca a bawl hiding inleng gen hi.
Tuni a PHED Minister hong zinna ah a zi Mrs. Phalhoihkim inleng hon zui a, Mrs. Phalhoikim bel a meitei zi hi a, singtang min dia phuah sak a om ahi.
Lamniang in Principal FHWTS len
Lamka, Feb 13: Female Health Worker Training School (FHWTS) a Principal Mrs. Sailenkim Jan 30, 2009 a pan pension tak ziak in FHWTS a tutor senior Lamniang in Principal hihna len in office luahta hi.
Behiang Chief di’n Paudoumang Ngaihte
Lamka, Feb 13: Mr. Paudoumang Ngaihte leh Jubilee Mawi, hun sawttak Behiang hausa hihna a kituh nung un Gauhati High Court in Mr. Paudoumang Ngaihte a ding in Feb 2, 2009 in order suah hi.
YPA Block leh Jt. Headquarter election om ding
Lamka, Feb.13: Young Paite association (YPA) General Hq. cabinet thupukna bang in February 2009 sung in YPA block leh Jt. Hq. a office bearer ding telna neih hiding hi. YPA block leh Jt. Headquarter a election neihpih ding in Hq. makaite kuankhe ding uhi.
YPA in Jt. Headquarter 3 leh block 8 nei a, tuate bel Delhi Jt. Hqtrs, Shillong Jt. Hqtrs, leh Diphu Jt. Hqtrs hi a, block-te bel Imphal block, Lamka block, New Lamka block, Singngat block, Kapkhovung block, Raja Goukhothang block, Sinzawl block leh Thanlon block ahi.
DIO office building hong ding
Lamka, Feb 13: Tuibuang a District Information office building kibawl thak zou sianta ua, Feb. 19, 2009 sunma dak 11:00 in T.N. Haokip Minister (PHED, Tourism & IPR) Chief guest a pang in DIO office hong ding hi.
Khopi sung ah Tanker zang in tui hawm hiding – T.N. Haokip
Lamka, Feb 13: PHED Minister TN Haokip in tuni’n Khuga Dam pha in Lamka khopi sung a tuisiang piak theih dingdang toh kisai va enkual hi. Minister in Khuga Dam tui kiching a gintak sang in tui kiam sa mahmah a, hiai bang zel a a sutzop leh tunung sawtlou a khopi sung a tuisiang dawn ding hawm pah hiding in press te mai ah gen hi. Tuabanah, minister in tuni mah in PHED a official khenkhat phone tungtawn in houpih a, Lanva nak leh Mongjang tui lakna mun va enkhia a report kin thei lam a pe ding in theisak ngal hi.
Lamka Post palai in PHED Minister kiang ah Lamka damdawi in a tui haksat ziak a damloute’n hak satna liantak a tuah uh leh ekbuk a tui zat ding a omlouh ziak a thanghuai mahmah ahihdan leng theisak hi. Hiai toh kisai a minister in a genna ah, hospital leng tanker zang a tui piak hiding a, himahleh tamveitak a thawn in piak hithei lou ding a, amau leng Govt. in fee a bawl bangbang a piak uh a ngai ding chi’n gen hi.
DC in ZEO leh CEO a tuam tuak in sam
Lamka, Feb 13: MP election tunung zek a om ding ah Sumant Singh IAS, DC/CCpur in Polling duty ding a kisepna a tamzaw Education lam a semte ahih ding ziak un tuni sunnung dak 2:00 apan ZEO/CCpur leh CEO/ADCC te a tuam tuak a sam in tulel a teacher sem lelte seh ding dan houlimpih hi.
Bike in car phu
LAMKA, Feb 13: Tunitak dak 8:00 vel in Tedim Road apan Sim Veng lutsukna bul, transformer kiang ah bike in car phukha a, bike hektu Mr. Thangkhosiam (18) of Lingsiphai leh a nung a tuang Mr. Hauthanglian (28) liam uhi.
Thutut kingah dan in, Pulsar bike (MN02-8377) a kipua Thangkhosiam leh Hauthanglian in New Bazar lam manoh in hattak in tai ua, Sim Veng lam apat Tedim Road a hong suakkhia, New Lamka lam manoh a koitou Santro Xing (MN02-8069) phusuk uhi. Huaitak in lamlian ah bangzahvei hiam kipeisuk ua, lamsak a phone khuam bohsuk uhi. Bike hektu Thangkhosiam bel a taklam ngal guh kitan a, Hauthanglian leng a lu kek in tu’n a nih un Lamka Damdawi Inn ah admit in om uhi. Car a tuangte bel a liam omkei mahle uh, a car headlight leh bumper kisia hi.
Source: ZOGAM.COM | The Lamka Post | February 14, 2009
.::. All my articles can be view here: MELTED HEARTS .::.
No comments:
Post a Comment