Leenna TulsaLeenna Tulsa gaal ka dot leh Huinung inn the bang mau ing
Khaal damhuinu a hing lang in Kei dai damna hing khang sah
Zaan chieng jaalmang na hing lang in Luan hi dai bang nul ing
Ngil dia lomlou nunlui ngai um Kou kou ing e !
Suulnua hei ding haibang nga’h in Solbang vul ing
Nunlui vaang ngai na’n vaibang in thaam in Duong in vul ing.
Nigeel nunnuom hei khawm laini
Nigeel lungtuoh kup khawm laini
Tuamun saang dawn, vangkho noplai
Khuva nute kop bang ileen khawm lai
Ngilni um diei, liamsa noplai nite
Ngilni um diei, simlei guobang nunsung
-M. Mamang
Sugnu Zoukhopi
Mob. 9711585247
=================================
Happy Valentine’s Day
Ziing ninou leenmuol dawn pan
Hing suoh in
Ami zata’n angala nikhuo
Tuong hing tung
Leenpi guol teen laam bang
Pa’h chiet nei nai uh e, eizong
Nunnuon nga bang leeng khawm vai e
Izaw Ngainou.
Lo chimlou ngainou aw
Namin mai zong michin in lou nuom e
Na tongdam neem hum nou in
Michin lung lai taisah e Aw.. Aw.. Aw..
Etchim lou ngai nou aw
Nahoi na’n zatam maimit taisah e
Na et lawmna’n nuoi simlei zong azem hoi hi
Jeem hoi dieh e tammi niloupi
Etlawm sah dieh e, Etlawm sah dieh e !
I wanna wish you a Very Very Happy Valentine’s Day
Zodam huikhi sieng hinglaang hiu hiau in,
Leidi paah nam tui bang na gimshi
Nanam nou ja’ng
Zoulei tulsing dawn a
Lung kituoh khuva kop bang in
Sing dang eng lou
Vang ngai simthu lel pan tai e
Izaw ngai nou
-David Kap
Sugnu Vangkhua
Mob. 9999636821
====================================
Valentine Poem
Valentine's Day tungkiata e
Lawmthang oii , Hing phong ing
Khomiel kuan lungleng huikhi hing laang e
Lungjuan jatam siel ut in mau ing
Khuuva bang in.
Hing zuan ing ngai
Ka nei tengtoh , ei pom ven;
Nun bang nuam ing lungkuoi
Ngainem, leh anglai pom.
Nang ngai ning zu pahnamtui
Nam leng muong pen ing.
Valentine's Day niin
Hing phong ing ngai, ningkhuoiju leh
Bawngnawi bang in hum tei va
Na kamsung kei ding'n.
Lawmthang aw
Nalung kim nadiei
Ka nei silpuan kasilte tung ah
Ei dawng ven nagi
Dawng kot hong ing
Vang ka ngai nang diin,
Ngainuom mang e ngainou tong dam.
Galin don ing ,don gim namsih
Amin haithei bangin lou nanleng huikhuon
Tong hing dawng ta e.
Miten thang sah uh
Valentine's niin, akop kop in
Khut leh khut kitu in nau bang nui mel puan
Ei phong hal e ngai na khut sung lum
Vang ki ngaina shikuang bang'n hat lunggul vang ngai.
Tunlejua khuoi bang hang nanleh ,
Tam chitna pen lei sawm talei
Nuichiem lelnan ei kilel khum va.
Ei han chiem un
Nou Delhi lienu te aw.
Ka ngai nou mel na mu uleh
"Nang vang ngai in sawlbang vul ta "
ei chi pieh un.
- Gloria Nianghoikim
Bangalore, Tubrali Road (Whitefield)
Mob No. 09886717367
=======================================
TUANA PUTE KHANG GUI ZOP NA
Image via Wikipedia
Tuin seinou zovontoite etin lom sang e.
Liibang ching in machiang suan ung, khovan nuai ah;
Tullou ding O’, kapu Zomin; a min ngaipen hi e.
Zomi namni nun in nuam e.
ZYO (Lialeh tang) ten
Lung ki tuah in (Zogam nuam ah),
Lam tang kai ung.
Pianna ka pu Zo O’ nang jong hing lam O.
- Tv. St.Hahao Zou
Chennai
-9952042971
=======================================
ZYO PHUONA LA
Tuana pupa mabang patsa ZYO O’
Tuipi vangkhuo, zovontoi ten zota khankhuo khualna in
Ma bang pan in gea bang jun vai e
Ma bang pan in gia bang jun vai
Zo suan teng O, I pu Zo min
Pah bang toi in, dial bang khai vai e
-Tv. Khaipi
Chennai
9791143740
=====================================
NGILLOU ZOUGAM NUAM
Mimbang pienna Zougam nuam,
Lung in ken hing ngil sieng e.
Singta gamlei nun in a nuam zong,
Vang mu bang ken hing ngai ing.
Mual leh tang te gal in don lei,
Zouheisa pah in zem hoi e.
Zoudamtui lung khat a luanna,
Hing ngil sieng e Zougam nuam
A guam leh mual etlawm sang,
Maimit suan chimthei sing e.
Tunnu Zoulei liengvai zong le,
Ken ann bang hing iit ing e.
Kilbang khanna Zougam nuam,
Sengual toh nunnuam bualna,
Laizomte annbang ki- iit lenkhawmna,
Lungdei li bang kimna mun.
Muikhua zing in solha hing tang chieng,
Sengual toh laitual lenna,
Lung in gel in Tunnu Zoulei,
Lung in ken hing ngil mawng e.
Laizomte lung in gel ni,
Zoulei tuulpan kai din a lawmlou e.
Lung khat puo’n Sianmang toh zuun khawm diel dial lei,
Tunnu Zoulei ni bang taang ding.
Zoulei ei a; Pupa satsa,
A zuun ding Zouta vontawi,
Zoumi hi hang, Sianmang siemsa;
Zaitha patbang saan in Tunnu Zoulei zun ni Zouvontawi.
-Manlun Khamlianlal Zou,
West Virginia, USA
============================================
ITTNA SILPIAH
Just for Her - The Women’s Speciality Store lam juan a hingpai ka lawinu Niangboi ka khutjaap a, kei pen Sales Desk ah kamasang a
dingpa a ding a Puanah buangthit thet ,hoi mama khat tun in ka buai den kei hi. Tami mun ah apaisa kum Ni(2) sung Sales Manager a
na sem sa kahita hi.
A zi a ding a Birthday present ding ahia , amel et mai in jong akipah hi chi theithei in a um a tuomi in kei jong ahing kipah sah mama
hi. A loinu”n jong dei mama in hoisa mama ding in ka ging ta hi. Midangte, customerte leh ka staff te suh lungkim gige khu nichin a ka
na sep ahi. Nuam ka sa a tam bang sil thupi semthei a ka um ka kipah mama hi. Ban ah tamsang a kipah huai jaw sepna dang um
ding in jong ka gingta sih hi. Awleh a um diei?????
Ahing dawr te ahileh a tangpi in Pasal ngen ahi uhi.A ziite uh ahiei, a nungahte uh ahiai a itt te uh ahiei ahilou leh a ngaijawng te uh a
ding a perfect gift a piah theina ding un panpi thei dan in ka na panpi vevaw gige uhi.
Kal thum(three weeks) jou ding vel in mithaching, Sam vom ngihngiah Meihol rawng sim Pinstriped Suit sil Pasal khat ahing vah lut hi.
Tampa pen ka mukha ngaisih a, ka office a ahing haw a khatveina hipan ding in ka gingta hi.
Tomlou kal in pawt kia pai ding a in a kisa a, tomkhat ang khongai tadi hi. Keijong kintah in kava nai a, panpi angai eichi ka va kan
chian a, tuoleh panpi thei ding kahi dan jong ka va theisah hi.
A mel a hoi a , a mittang dum kihkiah te noupilai vansiang mama a asu nin ding umlou lai ma a bang kei a innlam ka ngaituo kha
mawh hi. A melhoi mama leh a mit dum kihkiah ten koite nungahnu ahiei khat joujou mama ding in ka ngaisut hi. A mit haa maimai
thang ah jong awh lian ding a kiphel jou sih va maw chi ka ngaituo khe mawh hi.
Alu pih nanleh “ing, ahing panpi thei ding pen nang ma hipen ma vateh” a chi mawh hi.
“Bang en na hiei?”
“Theilou”
“Achileh ....koi a ding lah sawm na natai?”
“Numei khat”
Tangtah in kidawng suh gawp leh siang pen va chiin ka ngauituo a ,”Amuntah ah nang paikha hi” nuikawm in ka chi a ,”Na Zii a ding
maw na Nu?”
“Koi laa?”
“Na numei ngaituo,gift na piah sawm pen laa”
“Aw..Numei maw??”Hilou,Zi ka nei naisih hi banah ka nu birthday jong hituom sih ve awww”
A geending dan haa sa samama hi ding in ka ngai tuo ka chi mai a ka theisiam mama hi.
“……….aaaaa…….Amanu toh bang Relation a um ei?bang relationship nein a hi uai chi theileng kei a ding in na loinu a ding gift sui
dan um ding a nuam deu ding hi a”
Alu a su a ,a ne(lip) pet in “Bangma relationship ka neikha sih uh hi. Chi pen ….amanu kathei ngai jong ahi sih hi,” a chi mawh hi.
“Bang chi da e??? theisiam thei sih nang e!! Theijong na thei ngailou pi khat gift piah sawm mawh chi mawh”
“Thei nang, ahinkimelthei tuona tahtah a um kha naisih hi.Gift khat peleng ahi thei de aw ka chi man hi.”
“Kimelthei tuo na ding chi dandeu a gift neu khat piah sawm dan na ve le maw leee??Maitang ding chi dan maw??? ….aaa tuampi khat
ah niteng a ki mu nahi uh amah??”
Week end chiang chilou in nitengphial in kaki mu jing thou uhi.”
“Imm Kathei ta ve…na ki houkha ta uai??... I mean na houpi kha mawngmawng tai?? Bangchi chi di e ..amanu na star hi chi na
theisah ut chi dan a ve le maw??/”
Ka sawmsawm hia, ka law ching thei ngai sih a “
“Khoh sih! Hoina.bang e aman tamsenglou khat la masa le chin hoi va chi ing. Choclate-nehthei chi vel bang… Nang lam a pat jong na
suh lat masah na jong hi ding ahi.”
“Hoi sengseng in angh jauhuai kha josop kha de aw maw??”“
“hing jui in. Choclate Box Special mama khat hing sui piah vang”
Thumang tah in ka nehthei koina lam uah ka jawpi tahi.
“dudeu van an chi tuam a um ei en koi ma duo lee”
“khat poupou hileh jong khoh sih”
Khat penpen kin deu a ka lah sah kinlouleh kui sunni tumthei khong di hi .kei mang na di giap in ka lungsim ah ka chi sim hi.
“Hin tanah Choclate tuamtuam a bawm sung ah um ven. A jawng rong sim,bawng noi toh kibawl,leh a hum mama chocolates leh Nuts
toh um ei. Na loinun hoi sa mama va .Kipah mama ding in jong gingta ing”
“Hoina van a chi leh himai lou di? Lungsiattah in nang tuunsah thei diei??
“Hi e, thamtham.Sales desk lam ah aw”
A tuna ding in a hoi penpen te ka jang a, pahpe kilawmtah ki giel/tuang a san dup te kajang hi.Ribbon Sn toh ka khi sah nalai hi.
Ahing nuisat hiau a, asum ding, aman ahing pia hi. A biangkuah a khatung a bet nei ahi chi a nui in ka mu khai a kilaw ka sa mama hi.
Keijong choclate hing leisah ding a ka dei pasal hipa bangbang te ahi.
“Bangchi a sa ei mah hing theisah kia in aw??”
“Aw hing theisah mama na vang” kipah in” chi in ahing paisan ta hi.
Ahing nuasia san nua in tuamipa ka mawh ngaituotuo kha hi.A zum se pi khat adiei ahilou leh a lamdang pi khat hou ahi jo de aw ka
chi lungsim hi. Ka ngaituo a a zumsia hijo ding dan in ka koi hi.Mi pawl nuam leh thumang,mihoimama hileh aki lawm hi.A Candy
leisah nu khu Numei Hamphaa ka sa hi.
A zingni mama a tuomipa mukia ding vang kaki neemsih a nanleh kalkhat /ni pumlum paita kimukha nai kingkeng lou a ang ki lulah
kha non ding deng sih hi.
“Bangbang a chi ta di uai chi chi theilou dan ka ta ve maw” chia ka ngaituo khah non kingkeng nonlou lou nuo in tuo dawr kot ahi ahing
lut kia hiTutung in Puan mantam tuoh mama leh van dup rong suit toh ang ki von a ,a et lawm mama hi.A puon nuoi a a tahsa jong
kisuh mama ding in aka tuot hi.
Ahing mu in a maisuo hing all in a tai mel mama hi.Nanleh tuo candy box a piah in bangtan a sukha a bang a chi ei chia ka dawh phet
in ahing mai dai paimaw a bang khat gen kha katai ka ki chia genkha kai sa vawt sih hi.
“Theijou vawt sing e”
“Bang eh?!! Theisiam sih nang e?
“Amanu pekhathei mawngmawng sing ei. Kanun a na ne beita ve”
“Ohhh!!!Kathei ta ve ! Kathei ta .”ka chi poupou a hinanleh bangma ka thei tuan sih hi.
Tuni bang I chi bawl diei leh ??
“Bang e khat bawl lei ka chi na e….aaaa akinethei lou khat Perfume chivel ahilouleh huchi dan deukhat bang hileh” bangchi nasai???
“Perfume pi buaihuai lou di mahleh? Numei te a ding diahdiah bang, theisiam mama ngai ahi.Personal mama mawh in maw??”
“Achi leh bang lei leng hoiva na chi ei leh??”
“Lungnou dial/silk scarf bang hileh bang xchi nasa ei?”
En vangvang in lem ang sata hi.A nui chiang a amit de kilkel te det dan te hoi kasa a aki lawmpi mama hi.
“Ahoia hoi tamlou tam showcase ah kanei hi.”ka chia
“Lunhsiat tah in khat nang ensah thei diei?”
A dial kawh ka laa a bang chi asa ei chi in a et ding in ka liang ah ka baat hi
“Ahoi nai”? ka chia
Sales Desk ah ahing juikia a ka tuunsah hi.A man a pia a agen nun hoi a sah leh a sah lou jong theisah kia ding in ahing chiam ngal
hi.
Tutung pen a a zing ni ma nitah lam in ahing lut kia hi.Sawt vang ka ngah non samsih hi. Ahin lut ka mu tah in taimel tah in ka na
lamdawn a,
“Bang chi a sa ei leh?”
“Na gingta khol de aw???ka mang sah mawh hi.”
Na gennu na piah mawngmawng lou chidaan a ve le maw??
“Ih pekha thei mawng mawng lou”
“Achileh dial dang na dei be diei leh??
“Ih. Adang khat en jo mai vang bang chi na sa e i?bang a hoi diei?”
“Tom nou khat hing ki ngaituo vang” chi in ka kim ka pama a van ki koite ka en koi velvel hi.
“Kathei ta ve… Lavui gelna laibu(labu) hileh bang chi nasa ei?Numei tampin lavui ngaisang mama uh ahi aw aw. A romantic theimama
a hileh jong Pasal ten ngaituo kha ngailou uh ahi.
“Hin. Himi en ou ahoi a hoi ahi sitset heartshape, asung a lavui nal tahtah jong um nalai. Dei ngeingei va. A hoi mama hi”.
“Hoi ngut e maw, hilejong kei huchia romantic kahiloupi”.
“Bang khawh la nang romantic sese di china lah hilou a, a lamdang pi jong hithei navale. Ahing deigaw chin sign lechin hilou? Huchile
koi hing hah e chi athei masang a buai pilpel a koi thei avele.”
A mel puohdan te leh anui maite hing kiheng in “hing tunsah in kala ding hi”, katuomsah a lungnai khau kajang hi. Amasate bang in
bang achi ei chi ahing theisah kia ding dan ahing gen kia hi.
Ama ading in sil jousia paihoi nava chi kangaituo a kakinem hi. Hoi kasa a ama tawh kimutuo ding ka lamen tou jel hi. Ahivang in kaki
gingta thei tahtah thei sih hi.
Ni bang jat ahei khat nua in suun ann neh hunkuon in tua amelhoi kachipa kot ah hing vahlut kia hi. Nui mel puo in ahing khutjap hi. A
numei gengen nu tawh kihouthei/kimaikha uh hitava kachi hi. Bang achi ei chi kakanchien ut paingal a, “tua crystal case napiah in
nalawinu”n bang chi asa ei,”
Amit a tual lam ensuh in aneh akei/pet a ahing dawng masang in aneh aliah hi. Kalungsim ah bang ekhat ahing chi a………..
“A guh a hing deigaw chin ka sign a, nachi dan bang chet in a um hi. Ka seppi dang te apat hiva achi a kipahthu agengen a amapa”n
amanu koi ahiai chi akankhia hi.”
“Dah huai na e maw….” Kachi a tampa dau neilou dante ka ngaitua hi.
“Kei hileng, hoi a hing kipan e chi kagen ding hi. Kei mawna ahi. Kabawl khial hi hing ngaidam in. kei buaina ding asuoh giap hi.”
“Khohsih, kisuanla na ding bangma a umsih, ei deidan a sil paitheilou ahidan atheisiam huntawh thouta hi, kapiching huntawh ta nang
na panpi gige jiah in kakipah hi.”
“Deibang in hing kithuapi jousih leng jong na poimaw hunhun in hing pai in, kahi thei dandan in kahing na panpi ding hi. Kot lianpi in aki
hong jing hi, tuachin ahoijaw entou vai.”
Tua mipa ahing nui a aHa ngou sitset te leh abiang kuah tittet te ahing sulang a a etlawm mama hi. “Akia chiah hoitah nou in hing
kanchian masa tang. Katung a nahoina kakipah mama hi. I duhthusam bang in paithei sih nanleh khatveitei kahing pahtat naleh kahing
kipahpi nate kahing sang kia teitei ding hi.”
“Aw ……! Apoimawpen hilaijang sih”
“Kei ahing kipah sah ding hi”.
“Ahilelah khoh tuan lou – hithei thou.”
“Hoi e leh nang lemsahpi a. khatvei ann nehkhawm na nei lei avele? Na buai seng lou a koima tawh Vohnou man nakitan nai lou le,”
ahing chi a.
Gending thei lou man in kamawh nui a, a gen nukhia pen bang…………..mijumthei tah chu ahi.
“Koima tawh Vohnou man kitang ngaising ei, imujoulou” kachi leh ahing ki relax a nuimai pum in “ahileh keitawh nitah ann nekhawm
leila.”
“Hampha nang e leh, namin jong kithei nailou pi a.”
“Amave, nang a jong kathei nailou amavele” kimelthei tua na hingal maileh ave maw? Shang kahi”
“Chingnu kahi” Kimeltheina chibai chi”n akhut ahing hah a,
“I am very glad to meet you”. “It”s a great pleasure”
“ I mai kiginni tah naman diai Ching?”
“Ing, man ma vang” kachia, Niangbawi tawh kimu ding kachi pen upi kamanghil dawh ta valong hi.
“Nai Sagih leh a kim chiang in hing pick up vang aw”
“Fine. Ka address leh ka number hing gialkhe vang nang a ding in”
H.No. 143H, 1st Floor, Zouzam Cottage, S Block, Sahei Veng,Lengtanghoi District Zozang – 46, Mob. (0-301) 98564 4539.
Ka address ka gial kal in Restaurant a utna leh hoiva achina agen a, anop tuah mama mai a, neh leh tah bawlte jong asiamtuah ua
nopna va kachi mai hi.
Ka address ka pia a apoimaw loutan kakhut atuden a, hinanleh khoh kasasih a, ahing suhkhah mai jong nuomtuom kasa mawh hi.
“Kipah ing, Kiginni chiah kimu vai aw”
“Mangpha, Bye”
“A mel hoipa” chin kei leh kei kaki hil sawnsawn hi.
Shangrestaurant gen na pen thupi tuah ahiman in kakilawmpi pen a kathei ka silk dress vom pen kasil hi. Tua puonnem nou tawh
kilawm sawnsawn ding in kasam kasang khi deu hiau hi. Ka Kengdap bul laitah in door bell ahing ging a, nai 7:25 chet ana hi hi. Ka
ULian achiam huntah in ahing tung hi. Themkhat beh hing zekai va kachi sim hia.
Kot hon in “Y-Lah !” achia “You look gorgeous” ahing chi hi.
Ama jong akilawm mama hi. Vandum rong a suit asilh a amithadan te a etlawm sah diah hi.
“Mit kamukhah tengteng lah a hoipen nalai e chi kanggen kha tai?”
“Kipah ing” “ Hing lut in, kavan hingla jual vang”
“Hoi e, hing tawi sah vang” chin ahing lahpia a.
A restaurant genkhu khopi gal langkhat lang a um ahia, lampi ah tuankha jel nanleng ann neh na ding hun kamu kha ngaisih hi. The
Chateau akichi a, French cuisine a specialize ahi uhi.
Ann te akiningching a, atui thei mama hi. Houlimna ding hun tampi jong kamu uhi. Nop kasa mama mai mawh hi. ULian ahileh
Ukil(Advocate) ahi chi jong kathei khe thatha hi.
Coffee anihvei nading kadawn laitah un, ka waiter pa uh tomnou kal sung avamang jual a shopping bag lian lou khat ahing tawi hi.
ULian in alu asu a waiter in kamai a table ah ahing koi mawh hi.
“Himi bang e” chin ka dong a,
“A sung en ve” achi a,
Tua bag khu ahong a hoitah nou a kitun lihleh box thum kasaukhia hi. Kamuhkhah ngai bang kasa a, kamukha ngai tham hi. Keima
tun ngen ahi. ULian in, “Numei khat kaki muhpi ut nu ading”achichi te ahi.
“ULian bang thu um atai?”
Nuimai ahing puo a, amit te suongmanpha tang bang in ade kelkel hi. “Namukha ngai de aw ka office pen Khupching Plaza opposite
chet ahi. Court a ka umlou chiang in Mall ah kahing vahlut jel a kakingaituo tuo hi.”
“Nikhat, na dawr mai uah kahing vahlut kha a na nasep kamu hi. Tuachin na dawr mai chet ua touna ah suun ann kane jing hi. Ajiah
pen nang kang muthei nading in. mituon napanpih te kamu chiang in kathang asia hi. Hing pai a kahing itna thu hing mawh gen thei lah
ahitheisam sih hi. Tuajiah in sil jousia kahing halkhawm kankhawm a kasuhtuo lele ahi. Ka numei gengen kaki muhpi ut kaki meltheipi
ut gige pen koidang hilou in nang nahi. Tamte nang ading na special gift te ahi – nang maimai ading ahi.”
“Oh! ULian kipah huai na e” kachia ka mitte ahing nou mawh a, “na ngaibang a na ngai huai mama hi. Ka dawr a nahing lutkha kakipah
mama a, kei hamphat na ahi” kachia.
ULian in kakhut te la in “Natahpi ama” chin ahing dong a “Ahi, kakipah hi, nahing kile kia ding kahing na ngah gige hi.”
Taimel tah in kakhut ala a atawp hi.
Inn katung kia in tua kanasep na a sem kha kakisa mama hi. Tualeh kimukia ngeingei ding chi kana gintat tinten a kana kinep jiah
jong hikhamaw lou ding in kakoi hi. Kei a ding in a dream come true ahimai hi.
Aman abaan hat ah ahing huai a ahing tawp hi.Keijong Ittna liantah toh katawp thuh veve hi. Tuojou in ka ang nem ahing tham ka puah
te uh suo in…………….
Mihing lungkim na sangpentan leh ka tha un a jaw tan ka ki nou ua, kaki hawmthaw thou nalailai uhi.
Bang in tamtan ahing tut ahiai chi katheipha sih hi. Maban ah tam ka Itt etlawm leh lamdang tah tawh bang chi kikhual a innsung
nuam bang chi siamding katai chite tu apat a ka buaina ahing hita hi.
-Ginshanglian
New Delhi
.::. All my articles can be view here: MELTED HEARTS .::.
No comments:
Post a Comment