Sunday, February 08, 2009

Lei’ minthang Ngasuanlei honkhiatna zawh hita

“Hunchiam a nasep zoulou leh ginomlou Contractor te blacklist hiding”- K Ranjit Minister

Lamka, Feb.7: Singngat- Behiang Road a om mi tamtak in hinna ana taan na mun uh Ngasuan Lei (bridge) kibawl thak (repair) zawh siang hita a, tuni’ n K.Ranjit Singh Minister (Works) in khuallian apang in hiai lei hongkhia a, Rev T.Lalzagin, EBCC/ Singngat in Pathian min in latna nei hi. Huai ah Functional President in T.Hangkhanpau, MLA, Singngat A/C pang a, Guest of Honour in G.S Haupu, Special Contractor pang hi.

Minister team te tuni zing dak 8:30 in Lamka hong tung uh a, Minister leh a team te’n NEC fund a Lanva Lei (bridge) kibawl lel enkhia in Singngat khua zuan uh a, Singngat khua ah Singngat Youth Club te’n Minister ana vaaidawn ua, Works Minister in Mike Project ading in Rs.15,000/- pia a, Tangpizawl Youth Club te’n Minister team te ana vaidawn nawn in Minister in Rs.10,000/- in kithuah pih a, Likhai Youth Club te’ kiangah K Ranjit Minister in Rs.10,000/- pia hi. (See Pics Below)



Minister team te’n Likhai leh Hiangtam khua kikal a lampi kibawl lel enkhiatna nei in lungtun huai salou (sub standard) sa uh ahihdan gen uhi. Huai zawh in Hiangtam Youth Club leh Hiangtam (V) Y/C te’n Minister team te vaidawn in Minister in Rs10,000/- tuak in khaw 2 te kithuahpih hi. Sunnung in Works Minister K.Ranjit Singh in Ngasuan Lei (bridge) kibawl thak hongkhia a, huai hun a, a aman gendan in Lamka – Behiang lampi hoihtak a bawl hiding in gen a, huai ding a contractor 10 te’n nasep nang works order leh sum leng lazou ta uh ahihdan leh nasepna portion 10 zoh nailouh te Dec.31, 2009 tana zawhsiang ahihkei leh contractor te’ blacklist ah koih ngal ding hi’n Minister in gen hi. Minister in Hausa 21 te’ kiang ah Hausa puansan (red blanket) pia hi.

Jan.17, 2008 a Ngasuan Lei a truck accident ziak in mi 20 site suunna hun om in mi site theih gige na Mualsuang kibawl ah Minister team te’n pakkhi piakna nei uhi. Programme zawh in Indo-yanmar border tan Minister K Ranjit leh nungzuiten vehna va nei ua, tuazawh in Imphal ah kiiknawn


Source: ZOGAM.COM

==========================================

Works Minister K. Ranjit Singh in Ngasuan lei hong
Tuahsiat ziak a si innkuante panpihna paizel - T. Hangkhanpau

LAMKA, Feb. 7: Singngat sub-division sung a Ngasuan lui tung a lei kibawl thak zoh ahihtoh kiton in tuni sunma dak 11 in Works Minister K. Ranjit Singh in Chief Guest hihna toh uap in hongkhia a, EBC Singngat Divisional Supdt Rev. T. Lalzagin in Pathian kiang ah thumna in lan hi.

Works Minister K. Ranjit Singh in a thugenna ah, Chief Minister O. Ibobi Singh makaih SPF sorkar in nna tamtak semkhe khin ahihdan gen hi. Lamka leh Singngat kal kikawmtuahna di’n nidang in dakkal 3 & 4 lut a, tuuklam chiang ngial a lampi siat ziak a gari apat kumkhiak bang ngai ahihna ah buaihuai thei mahmah ahihdan Works Minister in gen hi. Himahleh, SPF sorkar panlakna a Lamka leh Singngat kal kawmtuahna dia dakkal 1½ ahihkei leh dakkal 2 lel lutta hi’n gen hi.

Kikawmtuahna puahna toh kisai a nakzawsem a panlak ding Works Minister in mipite a chiam banah hoihtak a nasem di’n contractor-te theisak hi. Tua banah amaute’n tukum March khasung a amau bial chiat a zohkei ua leh a min uh “BLACK LIST” ding hi’n leng Works Minister in gen hi. Hiai a contractor-te bel, Chinzakhup, H.Muan in portion 2, Y. Yaiskul, T. Ibohal, Abun portion 2, Lunsat Kipgen, Ks. Baite leh Ks. Joy Kishore Singh te hi uhi.

Tua banah, T. Hangkhanpau, MLA in tuni’n Works Minister K. Ranjit Singh tungtawn in Hausa 20-te kiang ah Hausa Puansan hawmkhia hi. T. Hangkhanpau, MLA in a thugenna ah hiai lei kibawl thak pen Chief Minister O.. Ibobi Singh makaihna nuai a Works Minister tungtawn a SPA fund zang a kibawl hi’n gen hi.

Aban a genzelna ah, January 17, 2008 ni a Ngasuan lei a gari a accident lai a mi 20 in a sihlohna uh toh kisai in Chief Minister in lusuun innkuante sepna piak ding hi’n ana chiam ngei hi’n gen hi. Hiai a thuchiamte pichingsak phialta hi’n gen a, CM in tunitan in lusuunna tuak sungkuante a lemtang bang zel in Police leh IRB personnel lakna ah viva voce tan a koihta hi’n gen hi.

Aban a genzelna ah, Singngat leh Behiang kikal a mi 300 omte kiang ah NREGS tungtawn a lamlian bawlna sepsak hiding in gen a, amaute kha 1 a Rs. 2,500/- lohsak hiding uh hi’n leng bialtu MLA Hangkhanpau in gen hi.

Hiai ngasuan lei pen 2008 January 17 in a tung a truck van leh mihing pua a, a tai laitak a kisia in mihing hinna 20 bei a, mi 30 val naktak in liam uhi.

Hiai hun zatna Imphal apan Ksh. Biren Singh, SE-1 leh SE 3 ban ah Lamka a pan in EE/PWD, AE/PWD leh Govt. official tamtak in hong uap uhi


Source: ZOGAM.COM

.::. All my articles can be view here: MELTED HEARTS .::.

No comments:

Post a Comment