Thursday, September 20, 2007

Careeer Awareness Nei tomdeuh I Hi Di Uam?

Career awareness i cih in hih maban a bang tum i hia leh bang option om ahia cih lam kok deuh in ka thei a banah i qualification toh kituak a bang ahia ihih theih cih ahi deuh hi.Tulai Lamka khopi hi in singtang lam hita leh hiai lam a kita sam hi in ka ki thei hi.Ten passed zoh chia science lak a hjoih i chi ua i la souh souh mai mah ua hilehle 12 zoh a bang bang ahia option om i hih theih om cih lam thei khollou in ka ki koih hi. Miteng in science la hiven chi in mahni ale lunglut na om khollou pi in i la souh souh ua lunglut lou cih mah tuh results hong suah chiah a tam zaw in i fail ek ua i maban di uh ki khak mai mah uh hi.

Tua sang in hoih tak in naupang te loi 10th hon passed chiang un a schooll kaina te uh hiam ahih keh i student organization te un hih hoih tak in awareness neih pih na nei in ni nih ahih keh nithum khong huchi in neih pih thei leng ut huai di ahi.Huai a din i officer te uh leh zilna na neisa te khong chial in a mau experience khong share sak thei leng hoih mah mah din ka gingta hi.

Huai banah 12th zoh chia hih theih a tam dan te leh exam tuam tuam gelh theih te ki kokmuh thei leng hoih din gintak huai mahmah hi.Ka theih dan in hih lamka a college kai a 12th a sceince la ten hih a tamzaw in hih CBSE PMT, IIT,AIEEE,AIIIMS,BHU etc entrance exam cih hih thei kha khollou uh hi iin ka thei a poimah mah cih louh ngal gen di omlou hi.Manipur a medical extrance leh engineeer dia entrance tuh i thei kha ua hoih mah mah hi hilehle huai tuh hun lou ahi.Hiai central lamte a hih tamlou chik in i hih sek ua huai tele Imphal lak a omte leh Khopi a omte chauh khong ahi sek uh hi. Seat lah tam ngal hoih deuh a guide di om henla hileh eiloi inle hih zoh louh dia gintak huai lou ahi.Bihar ah le hichi bang in student a siam deuh a telkhia ua coaching a thawn a pia ua a tamzaw in hiai examte a lohching sek uh hi. Eilam ahle a thei deuh te selection hiam bawl in nu leh pa te kiang le a hoih dan gen pih in hiai exam te adin ki sa khol sak thei leng ut haui hi. Ka theih dan in eilam mite le IIT leh NIT khong ah le ana ching tam sim i omta ua amau loi a pan a experience uh leh ana ki prepare dan uh khong dong in panthei leng hoih din ka gingta hi.

Engineer leh MBBS khong adia i chin zoh kei leh le central gov. institute tampi om ahi thil tuam2 zil theih na eg,Fashion Technology.B.Pharm, Hotel Management,GNM, Physiotherapy,etc cih khong nak tam lua mai mah hi.Hiai te lak a le ei singtang mite dia seat omvek hilai zomah hoih deuh a guidance thei omleng eilam mite i ching lou tuan kei di uh ka chi ngam ahi.

Huai banah BA I hon zoh chia i buai non na uh tuh bang hih ta di cih ahi non hi hiai lam ah le hih theeih nak tamlo mai mah ahi. khenkhat ten solkar na tomdeuh deuh i chi ua ken tuh tamm deuh deuh ahi ka chi hi. Solkar na a ki ngak non louh di cih khong i gensek ua dik tuh dik mah e hilehle solkar in hichi tuk a hon deih sak a bangdia solkar na delh lou di cih ahi ka ngaih dan. Private ale tuh hoih lona a hilehle huai pena last option in koih in exam gelh theih teng gelh suk leng hoih di hi, khatvei lohsap ahle lung ke pah kei leng mo.

Thil khat ka mangilh ngei hetlouh khat tuh Kerela te gov. office ah tampi na mudi uh chin ka teacher khat in hon gen a huai le officer lamdeuh ah ahi di uh hon chi a. A lohchin na ziak uh hon gen tuha mau loi hih sepna na neisa gov. a ten post a awng tak chiang amau loi kihilh pah un huai dia a lom alom a pangkhom un hucih ziak a hichi lohchin ahi uh hon chi a dik kholkei maithei hilehle eilam ate a tamzaw i hih theih di uh i theih louh ziak uh ahi diam khat vei2 honchi sak hi.Tulai daik bang houh PO cih bang post a lom a lom ahong hong suak in hoih deuh in training ahih keh ki zil sakna neithei leng kha nih kha thum khong special class la thei leng eilam a i graduate om seuh souh te uh hih ching lou tuan lou di uh hi.Mundang le va naih ngai lou a innlam ah start thei leng hoih di hi.

Hiai ka thil gente i MLA i neih te un hon ngaih ven le uh ut haui mah2 hi a ziak tuh mimal a hih zoh di ahi kei a gam leh nam ittak ahih uh leh hon panle uh a kam ua a gam it dan uh leh mi a awlmohdan uh a gen2 sang un.

By: Suan


www.zogam.com

No comments:

Post a Comment