SHDDC Bandh KSO in gupthu puang CDSU in NIT toh kisai in thusuah bawlnawn
Lamka, Sept 17: Sadar Hills District Demand Committee in Sadar Hills District piching a koihding a a phutna uh kum tamtak lohchinglou a a om nung un, tu in Government kiang ah phut thaknawn na bawl in, kiphinna sangtak nei ua, 17th September 2007 apan bandh abawl sawm uh Kuki Students Organisation, CCPur District in gupthu puang uhi.
KSO CCpur thusuak in agendan in, Haokholet Guite Chairman SHDDC in Government kiang ah thupiak aneihte ngaihtuah tham ching ahihdan pulak kawm in, kum 30 val Sadar Hills mite haksatna KSO CCpur in ngaikhawk ahihdan taklang ua, huai ban ah, Sadar Hills bial a bangchi dan a Secular Progressive Front Ministry in Panchayati Raj election neihsawm uhiam chih dotna bawl uhi. Autonomous District Council in Singtanggam teng huap ahihman in, phaizang bial vaihawmna singtangbial ah kigolhsak lou ding in leng KSO CCpur in ngen ua, SPF Government a ban uh sauzan lua ahihdan leng taklang uhi.
KSO CCpur in mipi kuapeuh kiang ah ngetna bawl in, SPF Government in Singtang bial a Panchayat election aneihsawm na uh a om leh kuaman kithuahpih lou ding in ngen ua, hiai bandh kuapueh in zahtak leh zui siausiau chiat ding in ngetna leng bawl uhi.
Tuabangkalah, Churachandpur District Students’ Union in Manipur Government theihding in thusuah bawlnawn ua, National Institute of Technology dinkhiakna ding toh kisai a CDSU in Government ah proposal nihvei hial sunglutta uh ahihdan taklang uhi. CDSU thusuak in agenna ah, Manipur Government in Kiyamgei leh Langol area enlah teitei in NIT koihsawm mah le uh a veng mite’n a deihlouh ziak un thubuai huai tak piang ahihdan taklang ua, Manipur a teng mipite lung kirual leh tan kibang a hawm ding ahihleh, CCpur District ah NIT koih ding in athak in Government ah ngetna abawl uhi. CDSU in ahihleh, Manipur Government kiang ah NIT campus ding in gam lian tak nih tahkhinta ua, CCpur District mipite’n nanna neilou in, NIT enlah petmah uhi.
======================================
T Gwite thupitak in vuiliam in om
Lamka, Sept 17: Zosuante lak a mi poimoh mahmah Pu Thangzamang Gwite@ T Gwite IPS (Rtd) tuni zinglam dak 11 in Imphal apan aluang Lamka hongtung a, nitaklam in Evangelical Baptist Convention, Upper Lamka leh YPA Inntekna toh Lamka Hanmual ah vuiliam in om hi. Pu T Gwite ahihleh, gari 100 val in Imphal apan va pii in, thupitak in khakkhiakna program neihpih in om hi. Amah sunna hun ah pawlpi tuamtuam in mangpha khakna nei ua, Siamsinpawlpi Joint Headquarters, Delhi, Shillong, SSPP Aizawl Headquarters tel in mun tuam leh gam tuam tamtak apan suunthu tung zungzung in condolence message simkhiatna om ziahziah hi. Pu Gwite in a damlai in phamsa mi tamtak tung ah condolence message ana khakkhia a, Zosuante ading in a kilang leh lang lou ah nasepkhiat genseng vuallouh ana nei hi. Tuabangkalah, Kuki Students Organisation, Churachandpur District in leng Pu T Gwite sihna toh kisai suun mahmah uh ahihdan puang in, a sungkuante ading in khamuanna ngetsak uhi.
==================================
DBCS member thak ding puankhiak in om
Lamka, Sept 17: District Blindness Control Society 2007-08 member thak ding tuni in puankhiak in om a, hiai anuai ate’n dinmun poimohtak lending uhi. Dr HL Liensang CMO & Member Secy thusuak dungzui in, Sumant Singh IAS DC/CCpur in Chairman hihna lending a, SPO(O) Imphal, Advisor in pangding a, member 11 om ding uhi. Tuaban ah, Governing Council ah DC CCpur in Chairman hihna lendinga, member 6 om ding uhi.
===================================
Badge vom belh leh Sit in protest nei ding
Lamka Sept 17: Treasury Employess Association Manipur (TEAM) in Government ah thil tuamtuam nget a neihte uh pichin ding phutna in hongtung ding September 24-28, 2007 kikal sung Badge Vom (Black badge) belh kawm in nasem ding ua, huaibanah hongtung September 29, 2007 apan October 4, 2007 kikal sung in nasemlou in Sit-in-Protest nei ding uhi.
TEAM in Government a athilngette uh bel Grade-III&IV te promotion ding dallouh ding, Treasury Cadre a tuam a om ding, Manipur Finance Cadres teng a paikik vek ding uh, ATO/STO te kintak a regularized ding, DPC kintak a neih ding chihleh Outside Treasury apan re-deployment omlouh ding chihte ahi.
Thutut kingah dan in, hiai nuakna neih hun in Lamka a Treasury Office Staff-te’n leng zom ding uhi.
=====================================
TPO ZC ah lut ding
Lamka Sept 17: Zomi Council in zingchiang in SYO Hall, Simveng ah Thangkhal People Organization (TPO) laklutna nei in sasin-salung nekna nei ding uh hi’n ZC President Mr. LB Sona apan thutut kingah hi.
====================================
TSP in election nei
Lamka Sept 17: Thangkhal Sinlai Pawlpi (TSP) in zan Sept. 16, 2007 sunnung dak 2 in Gouchinkhup Veng, New Lamka ah TSP election nei ua tua ah, President ding in Mr. T. Pauminlian, Vice President - Kamkhanmang, Secretary Hansuantung, Fin Secetratry Khailianlal, MA M.Phil, Treasurer ding in Chiinching, BA te telching uhi.
===================================
ASHA te Training ding
Lamka Sept 17: District Vector Borne Diseases Control Society/CCpur saina hongtung ding September 20, 2007 zing dak 10:00 apan in Singngat PHC ah Singngat PHC leh Behiang PHC nuai a ASHA (Accredited Social Health Activist) omteng ading in Rapid Diagnostic Kit leh ACT+SP damdawi toh kisai kisinsakna neih hiding hi. Hiai kisinsakna bel ni 2 sung neih hiding hi.
=====================================
CMO in Vangai Area pha
Lamka Sept 17: Chief Medical Officer/CCpur Dr. H. L. Liensang in apaisa September 12, 2007 apan Vangai Area a Health institution te veh ding a zinkhia hongtung nawnta in tuni apan in ngeina bang in Office kainawnta hi. Aman Vangai Area kho tuamtuam 6 va pha in health institution omte etkhiatna vanei a huaite ah Staff attendance ginalouh luat ziakin mi 3 kiangah explanation call ngal hi.
================================
Police Personnel 50 kuan
Lamka Sept 17: Manipur phaijang bial a hongtung ding September 19 chiang a Panchayat election neih ding toh kisai a Bishupur District sunga duty ding a seh a om Lamka Police Station a apan in SI 1, ASI 2 leh Head Constable 4 tel in Police personnel 50 te SP/CCpur in tuni’n released hi.
======================================
Transformer kalnawn sung in
Lamka Sept 17: CCpur Govt. College huangsunga 400KV Transformer kha lui a Overload ziak a kangsia pen bawl hilel a kalnawn sung in zattheih nawnta ding hidan in Electric Department apan in thukiza hi.
Hiai transformer apan in unauthorized connection tamlua a transformer in zoulou hidan in Department apan in thukiza hi. Hiai transformer kisiatziak in Lamka Damdawi inn inleng thuakkha in damdawi inn a zat machine/khawl tamtak zattheihlouh in om a damlou tamtak in buailoh uhi. Lamka Damdawi inn a ding a tuam liauliau in Transformer khat piak hileh chih deihthusam tamtak apan in kiza hi.
========================================
SBI/CCpur customer-te buai
Lamka Sept 17: State Bank of India (SBI)/CCpur nuai a nasepna dan toh kisai in customer-ten haksatna tuamtuam tuak uh hi’n thutut kingah hi.
Thutut kingah dan in, Rs.200/- lel Bank Draft bawlna ding in nitum phial in din ngai a, account statement khat print khiakna ding lel inleng ni 1 ngai phial hi’n kigen hi.
================================
Suangphuh hong ding
Lamka Sept 17: Mr. Chinsuanthang Guite of Lailam veng in zingchiang Sept. 18, 2007 sunma dak 11 in a teenna inn ah zi ittak theihgigena suangphuh honna nei ding hi.
================================
Congress in Meeting nei
Lamka Sept 17: District Youth Congress Committee, CCpur President Mr. Tongthang Zou makaih in tuni’n ama teenna inn, Zellang veng ah DYCC officer bearer teng leh Block President/Secretary teng in meeting poimohtak nei uhi.
Thutut kingah dan in tuni a meeting na ah, Polling booth dungzui in Congress Unit bawl ding, District Youth Congress Convention-2007 Oct. 11, 2007 a Lamka a neih ding, District Youth Congress Bhawan Lamka a bawl ding chihte thupukna la ua, tuabanah ah, National Level Unit President Convention, Delhi a om ding toh kisai a unit te kisakkholhna ding leh Primary member toh kisai gen khawm uhi.
==================================
LIC scheme thak pankhia
IMPHAL SEPT 17: Confederation of NGOs of Rural India Manipur Chapter te saina in, tuni zinglam dak 10.30 in Imphal a Kuki Inn ah, launching of 'Jeevan Madhur'(Micro Insurance) scheme of the LIC of India for the State of Manipur kichi om hi.
Hiai scheme thak patkhiakna hun ah khuallian in, Lok Sabha MP Dr. T. Meinya panga, President leh Guest of Honour in, Dr. I. Ibohanbi Singh leh L.V. Saptharishi IAS, Co-Chairman CNRI, New Delhi te pang uhi. Scheme thak toh kisai in, LICI Division Office, Silchar a Senior Divisional Manager in thugenna hun zang ngal hi.
=======================================
Thautang hunkhop mukhia
IMPHAL SEPT 17: Police apat kizadan in, tuni sunnung dak 12.30 vel dingin, Moreh apat Imphal zuan NH 39 a Khudengthabi mun ah, 24 Assam Rifle ten, gari paituahte
check abawlna uah, Maruti van MN 1A/6328 spare tyre sunga, AK 47 rifle thautang hunkhop kikoih mukhia in drver MD. Nurkhan of Kairang Khumidok toh mankhawm uhi.
Hiai thautang bel aneitu kua hihiam chih bel theih hitadihlou. Huailou in, tuni zinglam dak 8 ding vel in, Minuthong Hatta a om Orient Hotel kong ah, meltheihlouhten, Hand granade vakoih ua, Police Bomb expert ten valakhia in, zinglam dak 8.15 dingvel in, Hatta a Imphal luipang munkhat ah puakzak sak uhi.
=======================================
Assam Rifle te attack in om
IMPHAL SEPT 17: Tuni zinglam dak 9.20 vel dingin, Tamenglong apat Imphal zuan a tai 11th Assam Rifle te gari bangzah hiam kizuite, NH 53 Patsoi part IV Lamkhai kichihna mun ah, meltheihlouh galvan tawi Tata Sumo (angou) a tuangten ana kap ua, tuazoh in tua lampi mah ah helpawl te kihemkhia uh chih thu Police apat kiza hi. Himahleh, hiai hun ah Assam Rifle lamte liamna tuak omlam bel zak hilou.
Thudang khat kizadan in, tuni zinglam baihtak in, Ukhrul district leh Myanmar gamgi zul lak ah, Assam Rifle leh helpawl khat naktak in kikap tuah uh hi’n thutut kingah a, himahleh hiai thu sut ahihtan in thuchian bangmah zakbeh omlou.
========================================
Ni 10 sung National level trade fair
IMPHAL SEPT 17: MANICO leh NEFFA kigawmte saina nuai ah, tuni apat September 27 tan daihding, 1st national Level Imphal Trade Fair, 2007 kichi tuni sunnung in, Imphal a Mapal Kangjeibung, Mela ground kichihna mun ah honkhiak in om hi. Hiai trade fair bel, India a exhibition lianpen khat dan hi a, hiai hun ah, gam tuamtuam Pakistan, Nepal, China leh Bangladesh apat palai hongpai khom ua, stall tuamtuam 100 velom hi.
=======================================
Numei khat kihal lum
IMPHAL SEPT 17: Police apat kizadan in, Thoubal district sung Salungpham a om, Bijen Singh zi, Smt. Nungsitombi (25) kichi amah leh amah zan nitaklam dak 2 ding velin, SK oil kibuak in kihal a, RIMS puaktung himahleh, nitaklam dak 5 vel in si a, a luang post mortem bawl dingin Lilong PHC ah koih in om hi.
Thutut kingah in, hiai a Nungsitombi kihal lupna na ziak bel, apasal pianna Pa' toh kitheih siamlouhna om ziak hidan in leng kigen hi.
===================================
Gam teh dia kuante lutsak lou
IMPHAL SEPT 17: Manipur govt. in Porompat Imphal East a om, JN hospital huangsung ah JN Institute of Medical Science College kichi honkhiak dingin thupukna bawlta hi.
Hiai thupukna sepzuina in, hichibang college bawl theihna dia gam poimoh lak beh ding tehna, tuni zinglam in Revenue department a official ten vanei dek mahleh uh, tualak a mipi'n phallou in gam teh sawm te lutsak lou uh hidan in thutut kingah hi.
Hiai toh kisai mah in, tuni nitaklam dak 4 vel in leng Porompat ah mipin kikhopna nei uhi.
Medical Science college omtheihna dia gam letdan poimoh bel, acre 50 himahleh, tulel a JN hospital huangsung letdan bel acre 30 hi a, tua ziak a a kimlak a gam acre 20 a lian lakbeh ngai ding hi.
=================================
Loh piak ahihkei leh govt. school te khak sawm uh
IMPHAL SEPT 17: All Manipur Hill District Contract Basis Teacher's Association a, Secretary General Leivon in tuni a thusuah a bawlna ah, SPF sorkal O.Ibobi Singh makaih in, Contract basis a semtute kha thum loh September, 2007 tan pekhe dingin ngetna nei uhi.
Thusuak in a taklatna ah, Contract basis a semtu ding merit basis a lakte’n hoihtak a sem ahihdan uhleh, amun ua semtu ding regular teacher dang sawl ahihma, contract a sem teacher ten semtou thei dia govt. leh ATSUM kilemna omsa ahihman in, contract a semtute lohte a huntak a govt.in apiakkhiak ding chih leng taklang uhi. Govt. in singtang gam a education poimoh dan theikawm a, sepsuah tuak omte September 20, 2007 tan a, a sepsuah kei leh singtang gam a contract basis teacher a semtute’n govt. school om teng khak ding ahihdan uhleng thusuak in taklang hi.
======================================
Newmai News Network
=======================================
Khaplang Group member nih mankhia
Kohima, Sept 17(NNN): Nagaland police pawl in dakkal 48 paisa in Kohima kimlak apan NSCN-K cadre 2 mankhia in amau apan country made pistol 2 leh a tang 14 mukhia uhi. Police thusuak kingah dan in, Kohima a Jail Colony ah Khaplang sepaih khat kiphasak tak in gamtang a, mipi’n a theih phet in kidelh huan in pummat uh a, Police ah pekhia uh hi’n kigen hi. Mat a om NSCN Khaplang member ahihleh, Kitoho Zhimomi @ Kito hi a, helpawl ah SS corporal hidanin kigen a, huai area ah thagum a sum khonsek hi’n kigen hi. South Police station ah Kitoho piak khiak in m a, Police in a maban suitou zel ding hi’n kigen hi. Tuabangkalah, Phoolbari area lak ah helpawlte om chih thu zaak ahih in, Police nuai a om Quick Reaction Team in Bike ngen zang in kidelh huan uh a, huai ah NSCN K a SS sgt Maj’ Akabo Sema (25) mankhia in a tung ah case khat chiamteh in om hi.
=========================================
Zu ziak in gari khat matkhiak in om
Kohima, Sept 1(NNN): North Police Station a om Police bangzah hiam zan nitak in Petrolling pai uh a, huai ah lampi kiang a khawl gari khat a enkhiak na uah a sung a kikoih zu tamtak musuah uh hi’n kigen hi. Thusuak kingah dan in, Police pawl khat in National highway 39 in a totkhak Kohima Orphanage om na bul a, Scorpio khat khawl muanmoh ziak in checked phut uh a, a sung ah Indian Made Foreign Liquor (IMFL) cage 25 a muhkhiak ban uah, a gari zat uleng hentang sak ua, gari neitute bel mankhe zounailou uhi. Police thusuak in agenna ah, hiai Scorpio gari ahihleh, NL03-1087 hi a, a sung ah zu tamtak om ahihdan gen uhi.
======================================
Pawl X exam thu in state 2 te tok thou
Imphal, Sept 17(NNN): Nagaland Government in Nagaland state pua a school om te’n a ut ualeh Nagaland Board of Secondary Education (NBSE) zom thei ding uh chi a thupuan aneih un, Manipur Government su liing mahmah a, Indian Express tel in India a Newspaper tuamtuam ah hiai thu puanzaak in om hi. Nagaland Education Minister Imkong Imchen in agenna ah, hiai thu cabinet in lemsakna pia a, September 18 chiang in Innpi ah genkhop hilai ding ahihdan gen a, adiak in Manipur ading in patauhna liantak tung hi. Hiai thu in Nagaland kim a state om te su patau mahmah in, Manipur chief minister O.Ibobi Singh in tuni in Centre Government ah thil omdan zasak ding in zinkhia hi. All Manipur Students Union (AMSU) in Nagaland Education minister thugen mohpaih thu puankhum a, Ethno Heritage Council (HERICOUN) in leng Nagaland Cabinet thupukna pen sisan naisan toh kihelkhawm ahi chi uhi. Nagaland Government in bel, mihing kuapeuh in deihtelna neithei ahihna ah, state khatpeuh in Board a deih pen pen zom thei ahihdan puang ua, huai dungzui in, Manipur a om Naga sinlai te’n a deihdeih uh Board zom thei ahi uh chi uhi.
============================================
Assam Police in ULFA leader 1 mankhia
Guwahati, Sept 17(NNN): Assam Police in ULFA helpawlte a bet uh paizel in, tuni in lohching tak in ULFA leader muanhuai mahmah khat mankhia uhi. Assam Police thusuak in ataklatna ah, ULFA 28th battalion a heutu lianpen Commander In Chief Prabal Neog leh a zi banah a ta naungek uh Upper Assam a Sonitpur district sung munkhat ah mankhia uh ahihdan taklang uhi. Sonitpur Superintendent of Police MP Gupta in agendan in, Prabal Neog leh a zi in Tezpur town phadek uh ahihdan Intelligence thusuak ngah uh hi’n gen hi. Vaipau zang Dibrugarh, Tinsukia leh Sivsagar mun a that tute ahihleh, 28 Bn te gamtatna ngen hi’n kigen hi. Assam Police a Intelligence Chief Khagen Sarma in agendan in, tulai in ULFA nuai a 27 Bn te pukse dek in om mahle uh Karbi Anglong ah tunding thak in om nawn ua, 28 Bn te matkhiak vek hileh, 27 BN leh anuai lam a Bn tuamtuam omte pukse maiding uh ahi chi’n hangsan tak in Press te mai ah gen miat miat hi.
==========================================
Assam Hospital ah suang lamdang 1 musuah
Guwahati, Sept 17(NNN): Assam Archaeological Department in Mahendra Mohan Choudhury (MMC) Hospital, Pan Bazar Guwahati a om suang lamdang khat suichian ding in tuni in kipan uhi. Hiai suang ahihleh, hun sawt tak om ta hi a, suang lian mahmah hi’n kigen hi. Deputy Superintendent MMC hospital Ashok Borkotokey in agenna ah, hiai suang om na ahihleh, hospital a staff quarter om na kimlak ahihdan gen a, hiai mun ah National Rural Health Mission (NRHM) te nuai a Regional Diagnostic Centre khat dinkhiak sak sawm ahihdan gen hi. Borkotokey in agenzelna ah, NRHM panlakna toh hiai suang om na tel in mun liantak ah Regional Diagnostic Centre foundation tohsawm a om ahihdan leng gen hi.
Hiai foundation toh na mun ding ah suang lianpet mah khat om a, 256 cm radius ahih ban ah, 173 cm in saang hi. Dy Suptd in agenzelna ah, zan hal in nasemtu mi 3 in hiai suang lakkhiak sawm in, khetkhap sawm uh a, thakhat thu in a thum un puuk ua, damlou vek uh ahi chi hi. Deputy Superintendent in a zingchiang in Imtiazul Ali nasemtu ding in sawl nawn mahleh amah leng damlou in puuk phut nawn hidanin kigen zel hi. Ali in ahalh khiaktak in “ka mang in guul tamtak leh ka meltheih ngeilouh pasal khat in a hon um ua, hiai suang bangziak a na laakkhiak sawm uhiam? A lakhetu in hamsiatna a tuak ding” chi hi.
A zingchiang in nasemtu tamtak in hiai suang lakkhiak sawm thouthou in nasem uh a, huai suang feet 4 a sang ah kalkhia in, a nuai ah guul 7 kikual lai mukhe ngal uhi. Huai tak in MMC staff te’n nuam sa nawnlou in, State archaeological department kiang ah thil omdan zasak ngal ua, tuni in Archaelogical Department te kipan ngal uhi. State archaeology department a Director HN Dutta in agenna ah, hiai suang lakkhiak leh lakkhiak louh ding tungtang buaipih uh ahihlouhdan gen in, a suang upat dan ahihleh, 10/11 Century AD a om ata ahihdan bel kichian ahi chi hi. Director in agenbehna ah, tu nitaklam in Deputy Commissioner leh Health Department a Joint Director ka kimuh pih ding a, suang peen lakkhiak sang a kepbit zawk a hoihdiam suang kumlui penpen te lak a khat ahih ding ziak in chi hi.
www.zogam.com
Lamka, Sept 17: Sadar Hills District Demand Committee in Sadar Hills District piching a koihding a a phutna uh kum tamtak lohchinglou a a om nung un, tu in Government kiang ah phut thaknawn na bawl in, kiphinna sangtak nei ua, 17th September 2007 apan bandh abawl sawm uh Kuki Students Organisation, CCPur District in gupthu puang uhi.
KSO CCpur thusuak in agendan in, Haokholet Guite Chairman SHDDC in Government kiang ah thupiak aneihte ngaihtuah tham ching ahihdan pulak kawm in, kum 30 val Sadar Hills mite haksatna KSO CCpur in ngaikhawk ahihdan taklang ua, huai ban ah, Sadar Hills bial a bangchi dan a Secular Progressive Front Ministry in Panchayati Raj election neihsawm uhiam chih dotna bawl uhi. Autonomous District Council in Singtanggam teng huap ahihman in, phaizang bial vaihawmna singtangbial ah kigolhsak lou ding in leng KSO CCpur in ngen ua, SPF Government a ban uh sauzan lua ahihdan leng taklang uhi.
KSO CCpur in mipi kuapeuh kiang ah ngetna bawl in, SPF Government in Singtang bial a Panchayat election aneihsawm na uh a om leh kuaman kithuahpih lou ding in ngen ua, hiai bandh kuapueh in zahtak leh zui siausiau chiat ding in ngetna leng bawl uhi.
Tuabangkalah, Churachandpur District Students’ Union in Manipur Government theihding in thusuah bawlnawn ua, National Institute of Technology dinkhiakna ding toh kisai a CDSU in Government ah proposal nihvei hial sunglutta uh ahihdan taklang uhi. CDSU thusuak in agenna ah, Manipur Government in Kiyamgei leh Langol area enlah teitei in NIT koihsawm mah le uh a veng mite’n a deihlouh ziak un thubuai huai tak piang ahihdan taklang ua, Manipur a teng mipite lung kirual leh tan kibang a hawm ding ahihleh, CCpur District ah NIT koih ding in athak in Government ah ngetna abawl uhi. CDSU in ahihleh, Manipur Government kiang ah NIT campus ding in gam lian tak nih tahkhinta ua, CCpur District mipite’n nanna neilou in, NIT enlah petmah uhi.
======================================
T Gwite thupitak in vuiliam in om
Lamka, Sept 17: Zosuante lak a mi poimoh mahmah Pu Thangzamang Gwite@ T Gwite IPS (Rtd) tuni zinglam dak 11 in Imphal apan aluang Lamka hongtung a, nitaklam in Evangelical Baptist Convention, Upper Lamka leh YPA Inntekna toh Lamka Hanmual ah vuiliam in om hi. Pu T Gwite ahihleh, gari 100 val in Imphal apan va pii in, thupitak in khakkhiakna program neihpih in om hi. Amah sunna hun ah pawlpi tuamtuam in mangpha khakna nei ua, Siamsinpawlpi Joint Headquarters, Delhi, Shillong, SSPP Aizawl Headquarters tel in mun tuam leh gam tuam tamtak apan suunthu tung zungzung in condolence message simkhiatna om ziahziah hi. Pu Gwite in a damlai in phamsa mi tamtak tung ah condolence message ana khakkhia a, Zosuante ading in a kilang leh lang lou ah nasepkhiat genseng vuallouh ana nei hi. Tuabangkalah, Kuki Students Organisation, Churachandpur District in leng Pu T Gwite sihna toh kisai suun mahmah uh ahihdan puang in, a sungkuante ading in khamuanna ngetsak uhi.
==================================
DBCS member thak ding puankhiak in om
Lamka, Sept 17: District Blindness Control Society 2007-08 member thak ding tuni in puankhiak in om a, hiai anuai ate’n dinmun poimohtak lending uhi. Dr HL Liensang CMO & Member Secy thusuak dungzui in, Sumant Singh IAS DC/CCpur in Chairman hihna lending a, SPO(O) Imphal, Advisor in pangding a, member 11 om ding uhi. Tuaban ah, Governing Council ah DC CCpur in Chairman hihna lendinga, member 6 om ding uhi.
===================================
Badge vom belh leh Sit in protest nei ding
Lamka Sept 17: Treasury Employess Association Manipur (TEAM) in Government ah thil tuamtuam nget a neihte uh pichin ding phutna in hongtung ding September 24-28, 2007 kikal sung Badge Vom (Black badge) belh kawm in nasem ding ua, huaibanah hongtung September 29, 2007 apan October 4, 2007 kikal sung in nasemlou in Sit-in-Protest nei ding uhi.
TEAM in Government a athilngette uh bel Grade-III&IV te promotion ding dallouh ding, Treasury Cadre a tuam a om ding, Manipur Finance Cadres teng a paikik vek ding uh, ATO/STO te kintak a regularized ding, DPC kintak a neih ding chihleh Outside Treasury apan re-deployment omlouh ding chihte ahi.
Thutut kingah dan in, hiai nuakna neih hun in Lamka a Treasury Office Staff-te’n leng zom ding uhi.
=====================================
TPO ZC ah lut ding
Lamka Sept 17: Zomi Council in zingchiang in SYO Hall, Simveng ah Thangkhal People Organization (TPO) laklutna nei in sasin-salung nekna nei ding uh hi’n ZC President Mr. LB Sona apan thutut kingah hi.
====================================
TSP in election nei
Lamka Sept 17: Thangkhal Sinlai Pawlpi (TSP) in zan Sept. 16, 2007 sunnung dak 2 in Gouchinkhup Veng, New Lamka ah TSP election nei ua tua ah, President ding in Mr. T. Pauminlian, Vice President - Kamkhanmang, Secretary Hansuantung, Fin Secetratry Khailianlal, MA M.Phil, Treasurer ding in Chiinching, BA te telching uhi.
===================================
ASHA te Training ding
Lamka Sept 17: District Vector Borne Diseases Control Society/CCpur saina hongtung ding September 20, 2007 zing dak 10:00 apan in Singngat PHC ah Singngat PHC leh Behiang PHC nuai a ASHA (Accredited Social Health Activist) omteng ading in Rapid Diagnostic Kit leh ACT+SP damdawi toh kisai kisinsakna neih hiding hi. Hiai kisinsakna bel ni 2 sung neih hiding hi.
=====================================
CMO in Vangai Area pha
Lamka Sept 17: Chief Medical Officer/CCpur Dr. H. L. Liensang in apaisa September 12, 2007 apan Vangai Area a Health institution te veh ding a zinkhia hongtung nawnta in tuni apan in ngeina bang in Office kainawnta hi. Aman Vangai Area kho tuamtuam 6 va pha in health institution omte etkhiatna vanei a huaite ah Staff attendance ginalouh luat ziakin mi 3 kiangah explanation call ngal hi.
================================
Police Personnel 50 kuan
Lamka Sept 17: Manipur phaijang bial a hongtung ding September 19 chiang a Panchayat election neih ding toh kisai a Bishupur District sunga duty ding a seh a om Lamka Police Station a apan in SI 1, ASI 2 leh Head Constable 4 tel in Police personnel 50 te SP/CCpur in tuni’n released hi.
======================================
Transformer kalnawn sung in
Lamka Sept 17: CCpur Govt. College huangsunga 400KV Transformer kha lui a Overload ziak a kangsia pen bawl hilel a kalnawn sung in zattheih nawnta ding hidan in Electric Department apan in thukiza hi.
Hiai transformer apan in unauthorized connection tamlua a transformer in zoulou hidan in Department apan in thukiza hi. Hiai transformer kisiatziak in Lamka Damdawi inn inleng thuakkha in damdawi inn a zat machine/khawl tamtak zattheihlouh in om a damlou tamtak in buailoh uhi. Lamka Damdawi inn a ding a tuam liauliau in Transformer khat piak hileh chih deihthusam tamtak apan in kiza hi.
========================================
SBI/CCpur customer-te buai
Lamka Sept 17: State Bank of India (SBI)/CCpur nuai a nasepna dan toh kisai in customer-ten haksatna tuamtuam tuak uh hi’n thutut kingah hi.
Thutut kingah dan in, Rs.200/- lel Bank Draft bawlna ding in nitum phial in din ngai a, account statement khat print khiakna ding lel inleng ni 1 ngai phial hi’n kigen hi.
================================
Suangphuh hong ding
Lamka Sept 17: Mr. Chinsuanthang Guite of Lailam veng in zingchiang Sept. 18, 2007 sunma dak 11 in a teenna inn ah zi ittak theihgigena suangphuh honna nei ding hi.
================================
Congress in Meeting nei
Lamka Sept 17: District Youth Congress Committee, CCpur President Mr. Tongthang Zou makaih in tuni’n ama teenna inn, Zellang veng ah DYCC officer bearer teng leh Block President/Secretary teng in meeting poimohtak nei uhi.
Thutut kingah dan in tuni a meeting na ah, Polling booth dungzui in Congress Unit bawl ding, District Youth Congress Convention-2007 Oct. 11, 2007 a Lamka a neih ding, District Youth Congress Bhawan Lamka a bawl ding chihte thupukna la ua, tuabanah ah, National Level Unit President Convention, Delhi a om ding toh kisai a unit te kisakkholhna ding leh Primary member toh kisai gen khawm uhi.
==================================
LIC scheme thak pankhia
IMPHAL SEPT 17: Confederation of NGOs of Rural India Manipur Chapter te saina in, tuni zinglam dak 10.30 in Imphal a Kuki Inn ah, launching of 'Jeevan Madhur'(Micro Insurance) scheme of the LIC of India for the State of Manipur kichi om hi.
Hiai scheme thak patkhiakna hun ah khuallian in, Lok Sabha MP Dr. T. Meinya panga, President leh Guest of Honour in, Dr. I. Ibohanbi Singh leh L.V. Saptharishi IAS, Co-Chairman CNRI, New Delhi te pang uhi. Scheme thak toh kisai in, LICI Division Office, Silchar a Senior Divisional Manager in thugenna hun zang ngal hi.
=======================================
Thautang hunkhop mukhia
IMPHAL SEPT 17: Police apat kizadan in, tuni sunnung dak 12.30 vel dingin, Moreh apat Imphal zuan NH 39 a Khudengthabi mun ah, 24 Assam Rifle ten, gari paituahte
check abawlna uah, Maruti van MN 1A/6328 spare tyre sunga, AK 47 rifle thautang hunkhop kikoih mukhia in drver MD. Nurkhan of Kairang Khumidok toh mankhawm uhi.
Hiai thautang bel aneitu kua hihiam chih bel theih hitadihlou. Huailou in, tuni zinglam dak 8 ding vel in, Minuthong Hatta a om Orient Hotel kong ah, meltheihlouhten, Hand granade vakoih ua, Police Bomb expert ten valakhia in, zinglam dak 8.15 dingvel in, Hatta a Imphal luipang munkhat ah puakzak sak uhi.
=======================================
Assam Rifle te attack in om
IMPHAL SEPT 17: Tuni zinglam dak 9.20 vel dingin, Tamenglong apat Imphal zuan a tai 11th Assam Rifle te gari bangzah hiam kizuite, NH 53 Patsoi part IV Lamkhai kichihna mun ah, meltheihlouh galvan tawi Tata Sumo (angou) a tuangten ana kap ua, tuazoh in tua lampi mah ah helpawl te kihemkhia uh chih thu Police apat kiza hi. Himahleh, hiai hun ah Assam Rifle lamte liamna tuak omlam bel zak hilou.
Thudang khat kizadan in, tuni zinglam baihtak in, Ukhrul district leh Myanmar gamgi zul lak ah, Assam Rifle leh helpawl khat naktak in kikap tuah uh hi’n thutut kingah a, himahleh hiai thu sut ahihtan in thuchian bangmah zakbeh omlou.
========================================
Ni 10 sung National level trade fair
IMPHAL SEPT 17: MANICO leh NEFFA kigawmte saina nuai ah, tuni apat September 27 tan daihding, 1st national Level Imphal Trade Fair, 2007 kichi tuni sunnung in, Imphal a Mapal Kangjeibung, Mela ground kichihna mun ah honkhiak in om hi. Hiai trade fair bel, India a exhibition lianpen khat dan hi a, hiai hun ah, gam tuamtuam Pakistan, Nepal, China leh Bangladesh apat palai hongpai khom ua, stall tuamtuam 100 velom hi.
=======================================
Numei khat kihal lum
IMPHAL SEPT 17: Police apat kizadan in, Thoubal district sung Salungpham a om, Bijen Singh zi, Smt. Nungsitombi (25) kichi amah leh amah zan nitaklam dak 2 ding velin, SK oil kibuak in kihal a, RIMS puaktung himahleh, nitaklam dak 5 vel in si a, a luang post mortem bawl dingin Lilong PHC ah koih in om hi.
Thutut kingah in, hiai a Nungsitombi kihal lupna na ziak bel, apasal pianna Pa' toh kitheih siamlouhna om ziak hidan in leng kigen hi.
===================================
Gam teh dia kuante lutsak lou
IMPHAL SEPT 17: Manipur govt. in Porompat Imphal East a om, JN hospital huangsung ah JN Institute of Medical Science College kichi honkhiak dingin thupukna bawlta hi.
Hiai thupukna sepzuina in, hichibang college bawl theihna dia gam poimoh lak beh ding tehna, tuni zinglam in Revenue department a official ten vanei dek mahleh uh, tualak a mipi'n phallou in gam teh sawm te lutsak lou uh hidan in thutut kingah hi.
Hiai toh kisai mah in, tuni nitaklam dak 4 vel in leng Porompat ah mipin kikhopna nei uhi.
Medical Science college omtheihna dia gam letdan poimoh bel, acre 50 himahleh, tulel a JN hospital huangsung letdan bel acre 30 hi a, tua ziak a a kimlak a gam acre 20 a lian lakbeh ngai ding hi.
=================================
Loh piak ahihkei leh govt. school te khak sawm uh
IMPHAL SEPT 17: All Manipur Hill District Contract Basis Teacher's Association a, Secretary General Leivon in tuni a thusuah a bawlna ah, SPF sorkal O.Ibobi Singh makaih in, Contract basis a semtute kha thum loh September, 2007 tan pekhe dingin ngetna nei uhi.
Thusuak in a taklatna ah, Contract basis a semtu ding merit basis a lakte’n hoihtak a sem ahihdan uhleh, amun ua semtu ding regular teacher dang sawl ahihma, contract a sem teacher ten semtou thei dia govt. leh ATSUM kilemna omsa ahihman in, contract a semtute lohte a huntak a govt.in apiakkhiak ding chih leng taklang uhi. Govt. in singtang gam a education poimoh dan theikawm a, sepsuah tuak omte September 20, 2007 tan a, a sepsuah kei leh singtang gam a contract basis teacher a semtute’n govt. school om teng khak ding ahihdan uhleng thusuak in taklang hi.
======================================
Newmai News Network
=======================================
Khaplang Group member nih mankhia
Kohima, Sept 17(NNN): Nagaland police pawl in dakkal 48 paisa in Kohima kimlak apan NSCN-K cadre 2 mankhia in amau apan country made pistol 2 leh a tang 14 mukhia uhi. Police thusuak kingah dan in, Kohima a Jail Colony ah Khaplang sepaih khat kiphasak tak in gamtang a, mipi’n a theih phet in kidelh huan in pummat uh a, Police ah pekhia uh hi’n kigen hi. Mat a om NSCN Khaplang member ahihleh, Kitoho Zhimomi @ Kito hi a, helpawl ah SS corporal hidanin kigen a, huai area ah thagum a sum khonsek hi’n kigen hi. South Police station ah Kitoho piak khiak in m a, Police in a maban suitou zel ding hi’n kigen hi. Tuabangkalah, Phoolbari area lak ah helpawlte om chih thu zaak ahih in, Police nuai a om Quick Reaction Team in Bike ngen zang in kidelh huan uh a, huai ah NSCN K a SS sgt Maj’ Akabo Sema (25) mankhia in a tung ah case khat chiamteh in om hi.
=========================================
Zu ziak in gari khat matkhiak in om
Kohima, Sept 1(NNN): North Police Station a om Police bangzah hiam zan nitak in Petrolling pai uh a, huai ah lampi kiang a khawl gari khat a enkhiak na uah a sung a kikoih zu tamtak musuah uh hi’n kigen hi. Thusuak kingah dan in, Police pawl khat in National highway 39 in a totkhak Kohima Orphanage om na bul a, Scorpio khat khawl muanmoh ziak in checked phut uh a, a sung ah Indian Made Foreign Liquor (IMFL) cage 25 a muhkhiak ban uah, a gari zat uleng hentang sak ua, gari neitute bel mankhe zounailou uhi. Police thusuak in agenna ah, hiai Scorpio gari ahihleh, NL03-1087 hi a, a sung ah zu tamtak om ahihdan gen uhi.
======================================
Pawl X exam thu in state 2 te tok thou
Imphal, Sept 17(NNN): Nagaland Government in Nagaland state pua a school om te’n a ut ualeh Nagaland Board of Secondary Education (NBSE) zom thei ding uh chi a thupuan aneih un, Manipur Government su liing mahmah a, Indian Express tel in India a Newspaper tuamtuam ah hiai thu puanzaak in om hi. Nagaland Education Minister Imkong Imchen in agenna ah, hiai thu cabinet in lemsakna pia a, September 18 chiang in Innpi ah genkhop hilai ding ahihdan gen a, adiak in Manipur ading in patauhna liantak tung hi. Hiai thu in Nagaland kim a state om te su patau mahmah in, Manipur chief minister O.Ibobi Singh in tuni in Centre Government ah thil omdan zasak ding in zinkhia hi. All Manipur Students Union (AMSU) in Nagaland Education minister thugen mohpaih thu puankhum a, Ethno Heritage Council (HERICOUN) in leng Nagaland Cabinet thupukna pen sisan naisan toh kihelkhawm ahi chi uhi. Nagaland Government in bel, mihing kuapeuh in deihtelna neithei ahihna ah, state khatpeuh in Board a deih pen pen zom thei ahihdan puang ua, huai dungzui in, Manipur a om Naga sinlai te’n a deihdeih uh Board zom thei ahi uh chi uhi.
============================================
Assam Police in ULFA leader 1 mankhia
Guwahati, Sept 17(NNN): Assam Police in ULFA helpawlte a bet uh paizel in, tuni in lohching tak in ULFA leader muanhuai mahmah khat mankhia uhi. Assam Police thusuak in ataklatna ah, ULFA 28th battalion a heutu lianpen Commander In Chief Prabal Neog leh a zi banah a ta naungek uh Upper Assam a Sonitpur district sung munkhat ah mankhia uh ahihdan taklang uhi. Sonitpur Superintendent of Police MP Gupta in agendan in, Prabal Neog leh a zi in Tezpur town phadek uh ahihdan Intelligence thusuak ngah uh hi’n gen hi. Vaipau zang Dibrugarh, Tinsukia leh Sivsagar mun a that tute ahihleh, 28 Bn te gamtatna ngen hi’n kigen hi. Assam Police a Intelligence Chief Khagen Sarma in agendan in, tulai in ULFA nuai a 27 Bn te pukse dek in om mahle uh Karbi Anglong ah tunding thak in om nawn ua, 28 Bn te matkhiak vek hileh, 27 BN leh anuai lam a Bn tuamtuam omte pukse maiding uh ahi chi’n hangsan tak in Press te mai ah gen miat miat hi.
==========================================
Assam Hospital ah suang lamdang 1 musuah
Guwahati, Sept 17(NNN): Assam Archaeological Department in Mahendra Mohan Choudhury (MMC) Hospital, Pan Bazar Guwahati a om suang lamdang khat suichian ding in tuni in kipan uhi. Hiai suang ahihleh, hun sawt tak om ta hi a, suang lian mahmah hi’n kigen hi. Deputy Superintendent MMC hospital Ashok Borkotokey in agenna ah, hiai suang om na ahihleh, hospital a staff quarter om na kimlak ahihdan gen a, hiai mun ah National Rural Health Mission (NRHM) te nuai a Regional Diagnostic Centre khat dinkhiak sak sawm ahihdan gen hi. Borkotokey in agenzelna ah, NRHM panlakna toh hiai suang om na tel in mun liantak ah Regional Diagnostic Centre foundation tohsawm a om ahihdan leng gen hi.
Hiai foundation toh na mun ding ah suang lianpet mah khat om a, 256 cm radius ahih ban ah, 173 cm in saang hi. Dy Suptd in agenzelna ah, zan hal in nasemtu mi 3 in hiai suang lakkhiak sawm in, khetkhap sawm uh a, thakhat thu in a thum un puuk ua, damlou vek uh ahi chi hi. Deputy Superintendent in a zingchiang in Imtiazul Ali nasemtu ding in sawl nawn mahleh amah leng damlou in puuk phut nawn hidanin kigen zel hi. Ali in ahalh khiaktak in “ka mang in guul tamtak leh ka meltheih ngeilouh pasal khat in a hon um ua, hiai suang bangziak a na laakkhiak sawm uhiam? A lakhetu in hamsiatna a tuak ding” chi hi.
A zingchiang in nasemtu tamtak in hiai suang lakkhiak sawm thouthou in nasem uh a, huai suang feet 4 a sang ah kalkhia in, a nuai ah guul 7 kikual lai mukhe ngal uhi. Huai tak in MMC staff te’n nuam sa nawnlou in, State archaeological department kiang ah thil omdan zasak ngal ua, tuni in Archaelogical Department te kipan ngal uhi. State archaeology department a Director HN Dutta in agenna ah, hiai suang lakkhiak leh lakkhiak louh ding tungtang buaipih uh ahihlouhdan gen in, a suang upat dan ahihleh, 10/11 Century AD a om ata ahihdan bel kichian ahi chi hi. Director in agenbehna ah, tu nitaklam in Deputy Commissioner leh Health Department a Joint Director ka kimuh pih ding a, suang peen lakkhiak sang a kepbit zawk a hoihdiam suang kumlui penpen te lak a khat ahih ding ziak in chi hi.
www.zogam.com
No comments:
Post a Comment