Photo I-Card ah Complaint tam
Lamka Sep 20: Election Commission thusuak dungzui a vote nei theite’n Photo Identity Card neih chiat ding toh kisai in tu lai in CCpur district sung ah neih hilel a, himahleh veng tamtak ah hiai thu thei khalou mipitamtak omlai uh hi’n press ah thutut kingah hi.
A kisaipih department in publicity in mite theih dia publicity bawl zoulou hi’n leng complaint tamtak press ah kingah hi.
K. Suanthang in Award ngah
Lamka Sep 20: K Suanthang, Branch Manager, State Bank of India, Lunglei Branch in tukum sung in nasep hoih ziakin pahtakna nihvei dongta hi. May 2007 in North East Circle a Scale- III Branch Manager-te lak a Best Performer hihna la in pahtakna lai sang a, March- June 2007 sung in Triple D Campaign ah 'Double Gold' ngah in Rs 10,000/- sang in All India a State Bank Branch 1047 tel khiak lak ah 41na in pang hi. Hiai ziakin a sepna Branch a staff member-ten leng Rs 2000/- chiat ngah uhi.
DHL Company ah semding
Lamka, Sept 20: Mr T Ginvanglian S/o Rev T Lalzagin,DS Singngat Division, EBC in campus recruitment tungtawn in DHL Company Bangalore, ah Sept 1st in sepna ding placement mu hi. Mr Vanglian ahihleh, National Institute of Tecnology (NIT) Surathkal a Bachelor of Technology (BTech) Final Year sinlel hi’n kigen a, lehkha sim kuhkal leh siamthei mahmah hi’n kigen hi.
SDPO/CCpur office kaipan
Lamka Sep 20: Lamka a Sub Divisional Police Officer (SDPO)/CCpur hihna len ding a hongpai Mr. K. Kabib, IPS in zan in joining report pia in tuni apan in office kai ngal hi. Mr. K. Kabib bel Tamil Nadu a Virudhunagar District apan hi a IPS 2005 Batch ahi. Amah December 2006 in Manipur hongtung in Imphal West & East te ah DPT nei hi.(pictute)
ZMA maikaih in thumna
Lamka Sep 20: Zomi Mothers Association Headquarter makaih in hongtung ding September 22, 2007 zing dak 7:00 apan sun dak 12:00 tan New Lamka YPA Hall ah Gam leh Nam a dia lemna leh muanna omtheihna ding in annngal thuumna neih sawm uhi. Hiai hun ah Zomi numei teng paikhawm a thuumkhawmna a telchiat ding in ZMA Hq in ngen hi.
Division Mission khawmpi
Lamka Sep 20: EBC Lamka South Division in hongtung ding September 21-23, 2007 sung EBCC Hebron, New Lamka ah ‘Gal khatlam i kai ding uh’ (Marka 4:35) chih thupi a zang in Division Mission Khawmpi Khatveina nei ding uhi. Hiai Mission Khawmpi ah Rev. Dr. Luaichinthang, Dir. of Ministries, EBC leh Rev.M.Gousuan, DS/LSD te’n thugenna neiding ua, Rev.Dr. S. Langzakham, Principal GBC in Seminar nei ding hi.
New Lamka (J) PS ading EPIC
Lamka Sep 20: 58/24-New Lamka (J) Polling Station huamsung (College Veng & Elim Veng) a Voter te ading in hongtung ding September 21&22, 2007 in zinglam dak 8:00 apat in Jamsuan Road a Kaithang Tawmbing inn ah Electoral Photo Identity Card ading lemlakna neih hiding hi.
Polling station 49 ah re-poll om ding
IMPHAL SEPT 20: Manipur phaijang district li sunga zan Zilla Parisad, Pradhan leh member ding ki-teelna om ah, mun tuamtuam a booth capturing, ballot box laksak a tui a khia, ballot paper halsia, mipi buaina leh paidan diklou chihte jiak a vote khiak zohlouhna mun, polling station 49 ah September 21, 2007 zinglam dak 8 apat nitaklam dak 4 sungin re-poll om ding hi’n tuni’n State Election Commission thuh bawl hi.
Re-poll neihna mun dingte lak ah, Imphal East district sung ah mun 25, Imphal West ah 9, Thoubal ah 13 leh Bishnupur district sung ah mun 2 hiding a, a tamna pen Imphal East district sunga mun 25 te lak ah, Sawombung Sub-division ah 1, Porompat sub-division ah 7 leh Keirao Bitra sub-division sung ah mun 17 ahi. Imphal West district sunga,
Lamshang sub-division ah 5, Patsoi sub-division ah 3 leh Wangoi sub-division ah 1 ahi. Thoubal district sunga mun 13 te lak ah, Lilong sub-division ah 3, Thoubal sub-division ah 5, Kakching su-division ah 5 ahi. Bishnupur district sunga mun nih te bel, Nambol sub-division leh Moirang sub-division sunga mun khat tuak ding ahi.
Hiai panchayat election toh kisai a vote simna bel, September 23, 2007 in om ding hi. Tutung Panchayat election ah buaina mun tamtak a chiamteh theih ahihban ah, candidate tamtakten leng sum hunkhop chiat seng pha ding ua gintak ahi.
BJP President Delhi ah
IMPHAL SEPT 20: BJP National Executive meeting, September 21 - 23, 2007 sung Bhopal, Madya Pradesh mun a om dinga vakihel dingin, BJP Manipur State Pradesh a President Dr. H. Borobabu in tuni'n Imphal nusia hi.
BJP thusuak dan in, aman hiai national executive meeting ah, Manipur a 2001 census report pansan a, Manipur a assembly segment bawlthakna dia Delimitation toh kisai meeting ah posuah dinga, tuaban ah hiai toh kisai mah a Manipur Outer MP Manicharanamei leh singtangmi MLA 6 ten Central a memorandum apiak tungtang uleng posuah ding chih ahi. President in Manipur a dan leh thupiak dinmun leng BJP meeting ah taklang ding hidan in kigen hi.
Building thak honkhiakna om ding
IMPHAL SEPT 20: Manipur govt. in Langol Hills, Luwangsangbam mun a Forest Training school building thak abawl, honkhiakna September 21, 2007 nitaklam dak 3 in, Forest & Envt. Minister Th.Debendra Singh in nei ding a, hiai hun ah President in, Addl.Chief Secy. Forest & Envt. Saichhuana pang ding hi.
Huailou in, Imphal Municipal Council thusuak dan in, Ayangpalli lampi, Kongba-Singjamei lampi leh Yairipok lampi chihte lam nawl tuak kekletna ding toh kisai in, preliminary survey tuni apat LEA Associates Pvt. Ltd. te neipanta uhi.
Amah leh amah kikaplum
IMPHAL SEPT 20: Police apat thu khonung kizadan in, apaisa September 18, 2007 zinglam dak 6.40 vel dingin, Hengbung post a om 22 Assam Rifle a Rifleman Sandeer Kumar of Chakroi, R.S. Pura district, Jammu amau guard room sung ah amah leh amah kikaplum hi. Thudang khat ah, zan nitak dak 10.30 vel dingin, Kyamgei Muslim leikai a om Md.Kitab Ali (18) s/o Mamtaz kichi a mau tenna inn gei ah, meltheihlouhten kaplum ua, a luang tuni a RIMS morgue a post mortem bawl zoh in, a sungkuante’n la uhi.
Aganwandi workers leh helper te lungkim lou ICDS Directorate tuam khat nuai a om kin deih
IMPHAL SEPT 20: Tukum bul February 25 leh March 3 a, Social welfare department in, Aganwadi workers apat Supervisor promotion na ding leh, fresh a Supervisor leh post tuamtuam lakna dia written test a neih result puan omlou a, tutung September 16, 2007 a written exam, BSEM saina nuai a neih thak ahihna toh kisai in All Manipur Aganwadi Workers and Helpers Union, Manipur ten lungkimhuai a saklouh dan uh tuni nitaklam dak 2.30 in Irawat bhavan ah thuthak saimite kiang ah gen uhi.
Union a Secretary N.Bino Devi in agendan in, Social welfare department sung, 1st October 2004 apat division nih in kikhen a, tuate Social Welfare division leh Women and Child Development (WCD) division ahihdan gen hi. Hiai dungzui in WCD nuai ah ICDS om a, tua ading a post tuamtuam lak dek ahihdan leng gen hi.
Hichibang kal ah, Social Welfare nuai a division nih omte Govt. order June 5, 2007 in cancelled a, tua toh kiton in Feb 25 leh March 3, 2007 a recruitment exam om leng phiat ahihdan thusuah bawl hi. Hiai tungtang ah, Union in Gauhati high court, Imphal bench a govt. order challeged leng bawl uh hidan in N.Bino in gen hi.
Huailou in, Union in, June 13, 2007 in Manipur Chief Minister kiang ah June 5, 2007 a govt. order enkai thak dingin memorandum pia ua, tua zoh June 22, 2007 in leng reminder leh Union Social Minister kiang ah laipe nawn uhi. July 10, 2007India nuai apat ahihdan leng theisak hi. in Central govt. nuai a Joint Secy. Ministry of Women and Child Dev. Mr. Chaman Kumar in Manipur govt. nuai a Secretary Social Welfare kiang ah laipia a, tua ah, Social welfare department nuai a division nih omte hihhing hinawn ahihziakin, ICDS a sen leh pante Grant in aid Govt. of
Hichibang kal ah, Manipur govt. order 5/6/2007 leng Govt. of India instructions dated 25/10/2006 toh kikalh hidan in taklang a, tuate ban ah, ministry thupiak dungzui a, Manipur a leng ICDS scheme toh kisai a cadre tuam bawl dingin leng theisak chih ahi.
Union in, Gauhati High Court, Imphal bench ah, a writ petition a khiak dungzui un, GHC in leng 19/7/2007 in Manipur govt. order 5/6/2007 stayed sak a, hiai ban ah, September 16, 2007 in Social welfare department in BSEM tungtawn in recruitment thak sai mahleh, GHC a theihsakna ah, recruitment pending process hihfel ahihma result puan hitheilou dingin thusuah bawl chih ahi.
Bangteng hileh, tutung a Supervisor lakna ding toh kisai in bel, Supreme Court thupiak dungzui a recruitment process teng September 30, 2007 tan a zoh vek ding chih hi a, pawl tuamtuam in case leh hihtheih teng hihmah leh Manipur govt. in bel, Supreme court thupiak dungzui a nasem dia gintak ahihdan gen hi.
Tuni a Press meet a All India Trade Union Congress Manipur a President, Dr. M. Nara Ex-Minister in agenna ah, bangteng hileh, govt. in transparency neilou ahihdan thil paidan apat muhtheih om ahihdan gen in, govt. in akinlam a hiai thubuai saifel ding leh, Supreme court thupiak dungzui a sepsuah louh ziaka, manna ding ahihle bel, State manna dia govt. in nasem lou dingin ngetna nei hi.
Manipur a, ICDS nuai a Aganwadi workers te nasep leh haksatna tuamtuam toh kisai in tunung in Convention liantak khat Imphal ah sai hiding a, tua hun ah National leader tuamtuam leng hong kihel ding uh hi’n N.Bino Devi in gen a, tuaban ah, Manipur govt. sum sen leng hilou ICDS in a kinlam a, Directorate tuam a neih kul hidan in leng gen hi.
NPCC makaite’n Guv kimuhpih
Kohima, Sept 20(NNN): Nagaland State sung a politics bouruak sousang tak a a omlai in tuni in Nagaland Pradesh Congress Committee makaite’n Governor kimuhpihna nei ua, huai ah dakkal 1 leh akim sung houlimna nei uhi. NPCC leh Governor in bang genkhawm uhiam chih puankhiak hikei mahleh, tulai a Nagaland state sung a Politics sousang tak a a om ziak hiding in gintakthu kigen a, NPF Party apan MLA 4 taikhiak thuleh, DAN Ministry apan MLA 14 in kitawp asawmna thu utoh kisai hiding in muanmoh thu kigen hi.
Nagaland Pradesh Congress Committee (NPCC) President , Hokheto Sumi leh Vice President Khriedi Theünuo banah Congress leader tamtak leh Speaker lui Z. Lohe te’n State Governor, K. Sankaranarayanan Raj Bhavan mun ah kimuhpihna nei ua, huai ah thu gil pipi gending un gintakna liantak om hi’n thusuak in gen a, himahleh, NPCC President Khriedi in a kihouna uh bangmah mipi theihding in puangkhe ut nailou hi. Kumnawn February kha in Nagaland state sung ah Assembly election om ding a, huai ah NSCN IM deihsakna leh vualzawlna dong tum in tulai Political party tuamtuam naktak in kisa bemten uhi. NSCN IM in ahihleh, Nagaland state sung ah thuneihna liantak nei ban uah, amaute’n deihsakna leh vualzawlna a piakpiak un election ah vualtung tuanna leh Ministry thak bawlkhe theiding un kilang hi.
Assam Govt in VDP kithuahpih ding
Guwahati, Sept 20(NNN): Assam state sung ah Law and Order kise deuhdeuh abat ziak in, Government in panlak ding dan ngaihtuah lel ua, huai ah tulel a Upper Assam a kizang lel Village Defence Party (VDP) puah hoihthak ding in gen ua, Tinsukia, Dibrugarh, Jorhat leh Sibsagar District te Police leh Home Ministry in tangtak in enkol ding uh hi’n kigen hi. VDP te’n tulel in thau license nei tawi in himahleh, single barrel ngen ahihziak in helpawlte nanna vual om lou a, Government in hiai te a theihvek ziak in, VDP ading in leng Automatic Rifles issue pah hiding in DGP in thuthaksaite kiang ah gen hi.
ULFA leh helpawl tuamtuam te’n hunpaisa te in VDP thulak lou in, a ut na munmun uah, giak in ann huanua, huangvulh ganta te kaplup sak in, VDP member te peuh soisa in, bangmah in ana simlou uhi. Tulel in Assam state sung ah VDP registration et in khua 19,881 ah VDP om a, VDP Unit tamtak in nasem hoih in, a khosung uah helpawl nasan ana lutsak lou ua, himahleh, VDP khenkhat in bel helpawlte zalentak in ana gamtang sak uhi.
DoNER Minister in MNF Govt dem
Aizawl, Sept 20(NNN): Union Minister for DONER and Sports Mani Shankar Aiyar in tuni in Aizawl khopi vehna nei in huai ah Mizo National Front Government in lamteng ah minsiatna tang a, Government hausa deuhdeuh ding mipite zawng deuhdeuh ding chihna toh kibang ahi chi hi. MNF President leh CM hihna leen Zoramthanga in khantouhna sang in mimal hauhsakna ngai poimoh zaw a, tuamah bang in mipi hoihna sang in helpawl toh kizopna bawl hoih lunggulh zaw ahihdan Aiyar in hangsantak in gen hi. Tuni in Vanapa Hall, Aizawl ah, MPCC Workers Meet neih in om a, huai ah Union DoNER Minister in khuallian hihna toh uap in, thugenna nei hi.
Hiai hun ah, Mizoram Pradesh Congress Committee Chief Lal Thanhawla in leng thugenna nei a, MNF in policy dandeuh bawl neknak mah le uh sepsuah bangmah om lou in, Policy chauh bawlthei lel uh ahi chi a, nasepkhiak (excution) ah lohsapna ngah ua, tuamah bang in, nekgukna in amaute vualzawl ahi chi hi. Mizo National Front (MNF) party in kamsiam chauh in kitatkhiak ding gel in, mipite ngaihsak mahmah lou ua, 2003 Assembly election a Champhai bial a thiltung te ah mipi khanloh hunlawta ahihdan chiang chi’n Zoramthanga in gen hi.
Election bouruak ziak in 1 in sihlohta
Kohima, Sept 20(NNN): Nagaland Assembly Election 2008 a om ding toh kisai in thawmging kipanta a, 2008 Election ding toh kisai a sihna tuak masapen ding in Mokokchung District sung a Tuli Town ah mi khat in sihna tuak a, midang bangzah hiam tak in liamna tuak uhi. Nagaland Peoples Front (NPF) leh Congress kikal ah tulai in ki ngiiktuahna nasatak pailel a, tuni’n NPF MLA T. Talinungsang leh Congress candidate dan a 21 Tuli Assembly Constituency a dinsawm Imti Jamir gumtute kal ah nitaklam dak 5 in buaina liantak piang in, kisat tuahna om hi. Volunteer 300 vel kinawktuah in, suang in kiden khum ua, mi tamtak in thaubawl tawm tamtak atawikhiak ban uah, grenade tawikhe pawl leng om hi’n kigen hi.
Hiai hun ah mikhat Chuba Kumjuk kichi in sihna tuak a, amah ahihleh, Congress gumtu hidanin kigen a, Kangtsung village te hi’n leng thusuak in gen hi. Mipi ki honsualna ah NPF gumtu mi 8 in liamna tuak ua, kintak in Mokokchung damdawi inn ah tut in om uhi. Kangtsang Village Council in ahihleh, kalpaita Pathianni in thupukna khat bawl ua, huai ah NPF in Talinungsang MLA a nohkhiak ziak in Congress candidate Imti Jamir gupna piaksawm uh hidanin kigen hi. Tuli town leh Kangtsang bial ah IRB leh Army company 8 sawllut in om ngal uhi. Nagaland in kumnawn a Assembly Election aneih ding uh sousang mahmah ding in kilang hi.
www.zogam.com
Lamka Sep 20: Election Commission thusuak dungzui a vote nei theite’n Photo Identity Card neih chiat ding toh kisai in tu lai in CCpur district sung ah neih hilel a, himahleh veng tamtak ah hiai thu thei khalou mipitamtak omlai uh hi’n press ah thutut kingah hi.
A kisaipih department in publicity in mite theih dia publicity bawl zoulou hi’n leng complaint tamtak press ah kingah hi.
K. Suanthang in Award ngah
Lamka Sep 20: K Suanthang, Branch Manager, State Bank of India, Lunglei Branch in tukum sung in nasep hoih ziakin pahtakna nihvei dongta hi. May 2007 in North East Circle a Scale- III Branch Manager-te lak a Best Performer hihna la in pahtakna lai sang a, March- June 2007 sung in Triple D Campaign ah 'Double Gold' ngah in Rs 10,000/- sang in All India a State Bank Branch 1047 tel khiak lak ah 41na in pang hi. Hiai ziakin a sepna Branch a staff member-ten leng Rs 2000/- chiat ngah uhi.
DHL Company ah semding
Lamka, Sept 20: Mr T Ginvanglian S/o Rev T Lalzagin,DS Singngat Division, EBC in campus recruitment tungtawn in DHL Company Bangalore, ah Sept 1st in sepna ding placement mu hi. Mr Vanglian ahihleh, National Institute of Tecnology (NIT) Surathkal a Bachelor of Technology (BTech) Final Year sinlel hi’n kigen a, lehkha sim kuhkal leh siamthei mahmah hi’n kigen hi.
SDPO/CCpur office kaipan
Lamka Sep 20: Lamka a Sub Divisional Police Officer (SDPO)/CCpur hihna len ding a hongpai Mr. K. Kabib, IPS in zan in joining report pia in tuni apan in office kai ngal hi. Mr. K. Kabib bel Tamil Nadu a Virudhunagar District apan hi a IPS 2005 Batch ahi. Amah December 2006 in Manipur hongtung in Imphal West & East te ah DPT nei hi.(pictute)
ZMA maikaih in thumna
Lamka Sep 20: Zomi Mothers Association Headquarter makaih in hongtung ding September 22, 2007 zing dak 7:00 apan sun dak 12:00 tan New Lamka YPA Hall ah Gam leh Nam a dia lemna leh muanna omtheihna ding in annngal thuumna neih sawm uhi. Hiai hun ah Zomi numei teng paikhawm a thuumkhawmna a telchiat ding in ZMA Hq in ngen hi.
Division Mission khawmpi
Lamka Sep 20: EBC Lamka South Division in hongtung ding September 21-23, 2007 sung EBCC Hebron, New Lamka ah ‘Gal khatlam i kai ding uh’ (Marka 4:35) chih thupi a zang in Division Mission Khawmpi Khatveina nei ding uhi. Hiai Mission Khawmpi ah Rev. Dr. Luaichinthang, Dir. of Ministries, EBC leh Rev.M.Gousuan, DS/LSD te’n thugenna neiding ua, Rev.Dr. S. Langzakham, Principal GBC in Seminar nei ding hi.
New Lamka (J) PS ading EPIC
Lamka Sep 20: 58/24-New Lamka (J) Polling Station huamsung (College Veng & Elim Veng) a Voter te ading in hongtung ding September 21&22, 2007 in zinglam dak 8:00 apat in Jamsuan Road a Kaithang Tawmbing inn ah Electoral Photo Identity Card ading lemlakna neih hiding hi.
Polling station 49 ah re-poll om ding
IMPHAL SEPT 20: Manipur phaijang district li sunga zan Zilla Parisad, Pradhan leh member ding ki-teelna om ah, mun tuamtuam a booth capturing, ballot box laksak a tui a khia, ballot paper halsia, mipi buaina leh paidan diklou chihte jiak a vote khiak zohlouhna mun, polling station 49 ah September 21, 2007 zinglam dak 8 apat nitaklam dak 4 sungin re-poll om ding hi’n tuni’n State Election Commission thuh bawl hi.
Re-poll neihna mun dingte lak ah, Imphal East district sung ah mun 25, Imphal West ah 9, Thoubal ah 13 leh Bishnupur district sung ah mun 2 hiding a, a tamna pen Imphal East district sunga mun 25 te lak ah, Sawombung Sub-division ah 1, Porompat sub-division ah 7 leh Keirao Bitra sub-division sung ah mun 17 ahi. Imphal West district sunga,
Lamshang sub-division ah 5, Patsoi sub-division ah 3 leh Wangoi sub-division ah 1 ahi. Thoubal district sunga mun 13 te lak ah, Lilong sub-division ah 3, Thoubal sub-division ah 5, Kakching su-division ah 5 ahi. Bishnupur district sunga mun nih te bel, Nambol sub-division leh Moirang sub-division sunga mun khat tuak ding ahi.
Hiai panchayat election toh kisai a vote simna bel, September 23, 2007 in om ding hi. Tutung Panchayat election ah buaina mun tamtak a chiamteh theih ahihban ah, candidate tamtakten leng sum hunkhop chiat seng pha ding ua gintak ahi.
BJP President Delhi ah
IMPHAL SEPT 20: BJP National Executive meeting, September 21 - 23, 2007 sung Bhopal, Madya Pradesh mun a om dinga vakihel dingin, BJP Manipur State Pradesh a President Dr. H. Borobabu in tuni'n Imphal nusia hi.
BJP thusuak dan in, aman hiai national executive meeting ah, Manipur a 2001 census report pansan a, Manipur a assembly segment bawlthakna dia Delimitation toh kisai meeting ah posuah dinga, tuaban ah hiai toh kisai mah a Manipur Outer MP Manicharanamei leh singtangmi MLA 6 ten Central a memorandum apiak tungtang uleng posuah ding chih ahi. President in Manipur a dan leh thupiak dinmun leng BJP meeting ah taklang ding hidan in kigen hi.
Building thak honkhiakna om ding
IMPHAL SEPT 20: Manipur govt. in Langol Hills, Luwangsangbam mun a Forest Training school building thak abawl, honkhiakna September 21, 2007 nitaklam dak 3 in, Forest & Envt. Minister Th.Debendra Singh in nei ding a, hiai hun ah President in, Addl.Chief Secy. Forest & Envt. Saichhuana pang ding hi.
Huailou in, Imphal Municipal Council thusuak dan in, Ayangpalli lampi, Kongba-Singjamei lampi leh Yairipok lampi chihte lam nawl tuak kekletna ding toh kisai in, preliminary survey tuni apat LEA Associates Pvt. Ltd. te neipanta uhi.
Amah leh amah kikaplum
IMPHAL SEPT 20: Police apat thu khonung kizadan in, apaisa September 18, 2007 zinglam dak 6.40 vel dingin, Hengbung post a om 22 Assam Rifle a Rifleman Sandeer Kumar of Chakroi, R.S. Pura district, Jammu amau guard room sung ah amah leh amah kikaplum hi. Thudang khat ah, zan nitak dak 10.30 vel dingin, Kyamgei Muslim leikai a om Md.Kitab Ali (18) s/o Mamtaz kichi a mau tenna inn gei ah, meltheihlouhten kaplum ua, a luang tuni a RIMS morgue a post mortem bawl zoh in, a sungkuante’n la uhi.
Aganwandi workers leh helper te lungkim lou ICDS Directorate tuam khat nuai a om kin deih
IMPHAL SEPT 20: Tukum bul February 25 leh March 3 a, Social welfare department in, Aganwadi workers apat Supervisor promotion na ding leh, fresh a Supervisor leh post tuamtuam lakna dia written test a neih result puan omlou a, tutung September 16, 2007 a written exam, BSEM saina nuai a neih thak ahihna toh kisai in All Manipur Aganwadi Workers and Helpers Union, Manipur ten lungkimhuai a saklouh dan uh tuni nitaklam dak 2.30 in Irawat bhavan ah thuthak saimite kiang ah gen uhi.
Union a Secretary N.Bino Devi in agendan in, Social welfare department sung, 1st October 2004 apat division nih in kikhen a, tuate Social Welfare division leh Women and Child Development (WCD) division ahihdan gen hi. Hiai dungzui in WCD nuai ah ICDS om a, tua ading a post tuamtuam lak dek ahihdan leng gen hi.
Hichibang kal ah, Social Welfare nuai a division nih omte Govt. order June 5, 2007 in cancelled a, tua toh kiton in Feb 25 leh March 3, 2007 a recruitment exam om leng phiat ahihdan thusuah bawl hi. Hiai tungtang ah, Union in Gauhati high court, Imphal bench a govt. order challeged leng bawl uh hidan in N.Bino in gen hi.
Huailou in, Union in, June 13, 2007 in Manipur Chief Minister kiang ah June 5, 2007 a govt. order enkai thak dingin memorandum pia ua, tua zoh June 22, 2007 in leng reminder leh Union Social Minister kiang ah laipe nawn uhi. July 10, 2007India nuai apat ahihdan leng theisak hi. in Central govt. nuai a Joint Secy. Ministry of Women and Child Dev. Mr. Chaman Kumar in Manipur govt. nuai a Secretary Social Welfare kiang ah laipia a, tua ah, Social welfare department nuai a division nih omte hihhing hinawn ahihziakin, ICDS a sen leh pante Grant in aid Govt. of
Hichibang kal ah, Manipur govt. order 5/6/2007 leng Govt. of India instructions dated 25/10/2006 toh kikalh hidan in taklang a, tuate ban ah, ministry thupiak dungzui a, Manipur a leng ICDS scheme toh kisai a cadre tuam bawl dingin leng theisak chih ahi.
Union in, Gauhati High Court, Imphal bench ah, a writ petition a khiak dungzui un, GHC in leng 19/7/2007 in Manipur govt. order 5/6/2007 stayed sak a, hiai ban ah, September 16, 2007 in Social welfare department in BSEM tungtawn in recruitment thak sai mahleh, GHC a theihsakna ah, recruitment pending process hihfel ahihma result puan hitheilou dingin thusuah bawl chih ahi.
Bangteng hileh, tutung a Supervisor lakna ding toh kisai in bel, Supreme Court thupiak dungzui a recruitment process teng September 30, 2007 tan a zoh vek ding chih hi a, pawl tuamtuam in case leh hihtheih teng hihmah leh Manipur govt. in bel, Supreme court thupiak dungzui a nasem dia gintak ahihdan gen hi.
Tuni a Press meet a All India Trade Union Congress Manipur a President, Dr. M. Nara Ex-Minister in agenna ah, bangteng hileh, govt. in transparency neilou ahihdan thil paidan apat muhtheih om ahihdan gen in, govt. in akinlam a hiai thubuai saifel ding leh, Supreme court thupiak dungzui a sepsuah louh ziaka, manna ding ahihle bel, State manna dia govt. in nasem lou dingin ngetna nei hi.
Manipur a, ICDS nuai a Aganwadi workers te nasep leh haksatna tuamtuam toh kisai in tunung in Convention liantak khat Imphal ah sai hiding a, tua hun ah National leader tuamtuam leng hong kihel ding uh hi’n N.Bino Devi in gen a, tuaban ah, Manipur govt. sum sen leng hilou ICDS in a kinlam a, Directorate tuam a neih kul hidan in leng gen hi.
NPCC makaite’n Guv kimuhpih
Kohima, Sept 20(NNN): Nagaland State sung a politics bouruak sousang tak a a omlai in tuni in Nagaland Pradesh Congress Committee makaite’n Governor kimuhpihna nei ua, huai ah dakkal 1 leh akim sung houlimna nei uhi. NPCC leh Governor in bang genkhawm uhiam chih puankhiak hikei mahleh, tulai a Nagaland state sung a Politics sousang tak a a om ziak hiding in gintakthu kigen a, NPF Party apan MLA 4 taikhiak thuleh, DAN Ministry apan MLA 14 in kitawp asawmna thu utoh kisai hiding in muanmoh thu kigen hi.
Nagaland Pradesh Congress Committee (NPCC) President , Hokheto Sumi leh Vice President Khriedi Theünuo banah Congress leader tamtak leh Speaker lui Z. Lohe te’n State Governor, K. Sankaranarayanan Raj Bhavan mun ah kimuhpihna nei ua, huai ah thu gil pipi gending un gintakna liantak om hi’n thusuak in gen a, himahleh, NPCC President Khriedi in a kihouna uh bangmah mipi theihding in puangkhe ut nailou hi. Kumnawn February kha in Nagaland state sung ah Assembly election om ding a, huai ah NSCN IM deihsakna leh vualzawlna dong tum in tulai Political party tuamtuam naktak in kisa bemten uhi. NSCN IM in ahihleh, Nagaland state sung ah thuneihna liantak nei ban uah, amaute’n deihsakna leh vualzawlna a piakpiak un election ah vualtung tuanna leh Ministry thak bawlkhe theiding un kilang hi.
Assam Govt in VDP kithuahpih ding
Guwahati, Sept 20(NNN): Assam state sung ah Law and Order kise deuhdeuh abat ziak in, Government in panlak ding dan ngaihtuah lel ua, huai ah tulel a Upper Assam a kizang lel Village Defence Party (VDP) puah hoihthak ding in gen ua, Tinsukia, Dibrugarh, Jorhat leh Sibsagar District te Police leh Home Ministry in tangtak in enkol ding uh hi’n kigen hi. VDP te’n tulel in thau license nei tawi in himahleh, single barrel ngen ahihziak in helpawlte nanna vual om lou a, Government in hiai te a theihvek ziak in, VDP ading in leng Automatic Rifles issue pah hiding in DGP in thuthaksaite kiang ah gen hi.
ULFA leh helpawl tuamtuam te’n hunpaisa te in VDP thulak lou in, a ut na munmun uah, giak in ann huanua, huangvulh ganta te kaplup sak in, VDP member te peuh soisa in, bangmah in ana simlou uhi. Tulel in Assam state sung ah VDP registration et in khua 19,881 ah VDP om a, VDP Unit tamtak in nasem hoih in, a khosung uah helpawl nasan ana lutsak lou ua, himahleh, VDP khenkhat in bel helpawlte zalentak in ana gamtang sak uhi.
DoNER Minister in MNF Govt dem
Aizawl, Sept 20(NNN): Union Minister for DONER and Sports Mani Shankar Aiyar in tuni in Aizawl khopi vehna nei in huai ah Mizo National Front Government in lamteng ah minsiatna tang a, Government hausa deuhdeuh ding mipite zawng deuhdeuh ding chihna toh kibang ahi chi hi. MNF President leh CM hihna leen Zoramthanga in khantouhna sang in mimal hauhsakna ngai poimoh zaw a, tuamah bang in mipi hoihna sang in helpawl toh kizopna bawl hoih lunggulh zaw ahihdan Aiyar in hangsantak in gen hi. Tuni in Vanapa Hall, Aizawl ah, MPCC Workers Meet neih in om a, huai ah Union DoNER Minister in khuallian hihna toh uap in, thugenna nei hi.
Hiai hun ah, Mizoram Pradesh Congress Committee Chief Lal Thanhawla in leng thugenna nei a, MNF in policy dandeuh bawl neknak mah le uh sepsuah bangmah om lou in, Policy chauh bawlthei lel uh ahi chi a, nasepkhiak (excution) ah lohsapna ngah ua, tuamah bang in, nekgukna in amaute vualzawl ahi chi hi. Mizo National Front (MNF) party in kamsiam chauh in kitatkhiak ding gel in, mipite ngaihsak mahmah lou ua, 2003 Assembly election a Champhai bial a thiltung te ah mipi khanloh hunlawta ahihdan chiang chi’n Zoramthanga in gen hi.
Election bouruak ziak in 1 in sihlohta
Kohima, Sept 20(NNN): Nagaland Assembly Election 2008 a om ding toh kisai in thawmging kipanta a, 2008 Election ding toh kisai a sihna tuak masapen ding in Mokokchung District sung a Tuli Town ah mi khat in sihna tuak a, midang bangzah hiam tak in liamna tuak uhi. Nagaland Peoples Front (NPF) leh Congress kikal ah tulai in ki ngiiktuahna nasatak pailel a, tuni’n NPF MLA T. Talinungsang leh Congress candidate dan a 21 Tuli Assembly Constituency a dinsawm Imti Jamir gumtute kal ah nitaklam dak 5 in buaina liantak piang in, kisat tuahna om hi. Volunteer 300 vel kinawktuah in, suang in kiden khum ua, mi tamtak in thaubawl tawm tamtak atawikhiak ban uah, grenade tawikhe pawl leng om hi’n kigen hi.
Hiai hun ah mikhat Chuba Kumjuk kichi in sihna tuak a, amah ahihleh, Congress gumtu hidanin kigen a, Kangtsung village te hi’n leng thusuak in gen hi. Mipi ki honsualna ah NPF gumtu mi 8 in liamna tuak ua, kintak in Mokokchung damdawi inn ah tut in om uhi. Kangtsang Village Council in ahihleh, kalpaita Pathianni in thupukna khat bawl ua, huai ah NPF in Talinungsang MLA a nohkhiak ziak in Congress candidate Imti Jamir gupna piaksawm uh hidanin kigen hi. Tuli town leh Kangtsang bial ah IRB leh Army company 8 sawllut in om ngal uhi. Nagaland in kumnawn a Assembly Election aneih ding uh sousang mahmah ding in kilang hi.
www.zogam.com
No comments:
Post a Comment