Pasal 2 kaplup in om; KNF (MC) kipuang
Lamka Sept 18: Lamka Police apan thukiza dan in tuzing dak 7:00 vel in Lamka Police apan 7 km. vel a gamla Boljol khosak ah meltheihlouh siluang 2 om chih report a ngah dungzui un zing dak 8:00 vel in siluang vala in Lamka Damdawi inn Morgue ah ahihna uh chet ding in koih uhi.
Misite bel Mr. Tongkholun Kipgen (23) S/o.(L) Seikhohen of Boljol leh Mr. Henzapau Guite @ Pauboy (28) s/o. Thangneh of Gangpimual te ahih uh chet nung in a inkuanpihte uh kiangah piakkhiat in om uhi.
Hiai thil tung toh kisai in tuni’n KNF (MC) hiaite amau khutnung ahihdan thusuah bawl uhi.
Thusuak in a taklat dan in, Mr. Paoboy leh Mr. Tongkholun in Tedim Road a tai gari-te apan tax la ua, passenger te sum leh mobile te laksak zel ua, Kaprang leh Koite kikal a dawr bawlte kiang ah sum demand bawl ua, pawl tuamtuam min zang a, a gamtat sek ziak ua a kituahpih bang uh Capital Punishment piak a om hi’n taklang uhi.
Thusuak in a taklat zelna ah, hiai bang thil a tun nawnlouhna ding a mipte’n panla ding in chial ua, hiai toh kisai kuaman sui lou ding in a theisak kawm in, amaute toh kithuah midangte leng Sept. 23, 2007 tan a KNF (MC) khut a kipekhe ding in theisak uhi.
======================================
ZC in TPO loplutna nei
Lamka Sept 18: Zomi Council in tuni sunnung dak 1:30 in SYO Hall Simveng ah Thangkhal Peoples’ Organisation (TPO) Zomi Council a Constituent member ding in loplutna nei hi.
Thangkhal Peoples’ Organisation President Mr. Thangkhanlam in Thangkhal miteng Zomi sung a om ding a kipelut ahihdan puankhiatna aneihzoh in Zomi Council Chairman L.B. Sona in amaute laklutna/vaidawnna thugen in TPO President toh suaikai uhi.
ZC Chairman in a thugenna ah kongbangkim ah kituahna/pankhawmna apoimohdan gen in lohchinna ding in leng kituahna mah poimoh ahihdan gen hi. Pawl tuamtuamte panlakna taklang kawm in thummite thumna Pathian hing in dawng a Zousuante a suahtakna kong kihong ngei ding ahihdan gen in Nam khat-le-nam khat kikaal a kitheihsiamlouhnate mangngilh a maban a kituaktak a pangkhawm ding in chialna nei hi.
=======================================
SHG in Exposure visit nei ding
Lamka Sept 18: Swayamsidhda/CCpur nuai a Self Help Group (SHG) tuamtuam 5 apan in mi 7 in hongtung ding September 23, 2007 apan in kaal 2 sung in Maharastra leh Gujarat state te ah exposure visit nei ding uhi.
Hiai hunsungte in huai state 2 te a NGO leh SHG tuamtuamte thilbawldan etkhiatna nei ding uhi. Hiai visit ah Chandel District leh Imphal west apan inleng mibangzah hiam tel ding uhi.
======================================
Zomi Namni Jub.Celeb Committee ding
Lamka Sept 18: Zomi Namni Diamond Jubilee hongtung ding February 20, 2008 chiang a thupitak a lopna neih sawm in tuni’n Zomi Namni Diamond Jubilee Celebration Committtee in Department tuamtuam a member ding guanna nei uhi.
Finance Department a Chairman ding in Herbert T Sumpu leh Secretary ding in Thangminlun guang uhi. Souvenir Board a Chairman ding in K. Vungzamawi sep ua ZHRF in kithuahpih ding hi. Contest Deptt. a Chairman ding in Goukhomang, Music Deptt. ah Chairman ding in Khamsuanlun te guang uhi. Information & Publicity a Chairman ding in Singlianmang Guite, Secretary ding in L. Ginzamuan leh Asst. Secy.ding in Thangkholun te sep uhi. Hongtung ding September 25, 2007 sunnung dak 2:00in ZYA ah Celebration Committee in meeting nei ding uhi.
=======================================
ZSF in Govt. gari Boycott ding; mohpaihthu puang
Lamka Sept 18: Zomi Students’ Federation (ZSF) in CCpur district sung a exgratia pending a omte kintak a Govt. in pesiang dia ngetna a bawl Government in a ngaihsak louh ziak in hong tung ding Sept. 22, 2007 apan CCpur district sung a Govt. gari tengteng boycott ding in tuni’n thupuan bawl uhi.
Thusuak in a taklatna ah, hiai nuakna Govt. in a ngaihsak kei laileh nuakna huaisetak pan ding uh hi’n taklang uhi.
Tuabangkal ah, ZSF mah in Mrs. Lallawmpuii (33) w/o Vanlalhngaka of Jangngoulen khua in phaijang helpawlte bomb thangkam ziak a a hinna a mansuahna leh a lawmnu Miss Kimte of Jangngoulen in naktak a liamna a tuah uh toh kisai in government in tunitan bomb thang kikamte a hahsiang louhna ah naktak in mohpaih ahihdan un thupuan bawl uhi.
Thusuak in a taklatna ah, hiai bang a vangsiatna tuakte kintak a jangnadopna pe ding in government noh uhi.
==========================================
LCA in Bill pe di’n ngen; Khuga Dam bandh sawm
Lamka Sept 18: Local Contractor Assn. CCpur in IFCD Minister kiang ah Khuga Head works Division a bill pending omteng Sept. 22, 2007 tan a kintak a pe ding in tuni’n ngetna pelut uhi.
Thusuak in a taklatna ah, kum 2 paita in Khuga Head works division a nasep zohsate tunitan bill piaklouh in om a, hiai toh kisai inleng official te toh April kha in bill pending 10 crores omlaite piaksiang ding a kilemna bawl himahleh bill gelh hun in Rs. 3.6 crores lel piak a om uh hi’n taklang uhi.
Thusuak in a taklat zelna ah, hunchiam sung a piak ahihkei ua leh Tedim Road Diversion tel in Khuga Project bandh bawl ding uh hi’n taklang uhi.
Hiai toh kisai in Sept. 20, 2007 zinglam dak 7 in Mr. C. Vanhlir inn, New Lamka ah meeting ding uh hi’n Assn. President Mr. H. Manlun apan thutut kingah hi.
=========================================
KSO GHQ in Manipur bandh puang KSO/CCpur leh ZSF in support na in CCpur Bandh
IMPHAL SEPT 18: Kuki Students Organisation, GHQ in zan a emergency meeting a neihna uah, Manipur govt. in Langol area a NIT bawl a sawm teitei ziak leh Sadar Hills sunga Panchayati Raj puaklut a sawm deihlouhna in September 19, 2007 zingkal dak 5 apat nikhat sung Bandh om dingin thupuan bawl uhi.
KSO GHQ a Secretary Information and Publicity, Paotinthang Lupheng in zan a thusuah a bawl dan in, Govt. in Langol area a NIT bawl a sawmna mun ah, recognised leh non-recognised High school 6 om a, Orphanage home 4, Religious establishment 10 a om ban ah, tenna Inn 317, plot 274 leh mihing 1860 khosa om uhi. Hichibang ahihman in govt. in hiai mun sanga mun dang gam awng a NIT bawl zaw ding inleng ngetna bawl uhi. Govt. in thil poimohtak bawlkhiakna dia bang ziaka phaijang sung chauh mitsuan hiam chih leng dotna KSO GHQ in bawl hi. Hiai NIT bawlna ding toh kisai a, Manipur a district lianpen leh mihing tamdan aleng district nihna hipha CCpur District Students Union in amau district sunga NIT bawl dia angetna uh KSO GHQ in gum ahihdan leng taklang uhi.
Huailou in, District council etkawlna nuai a om, Sadar Hills sunga, Govt. in Panchayati Raj election neih ding a sawm, scheduled area Sadar hills a bangchi dan hiam chih dotna bawl kawm in, hiai sanga District council election kintak a govt. in sai zaw dingin leng ngen uhi. Govt. in a mite sentiment theikawm a gamtang dinga deihthu taklang kawm in, anti-people, anti-tribal toh kisai a govt. panlaknate ahibang banga KSO in maituah ding hidan inleng thusuak in taklang hi.
Tua toh kiton in, KSO GHQ leh ANSAM in Panchayati Raj Election om ding toh kisai in singtanggam huamsak ahihna ah lungkimlou a bandh zingchiang a abawlsawm uhtoh kisai in, KSO CCpur District leh Zomi Students Federation (ZSF) in gupthu puang uh a, hiai bandh in Press/media, medical, Electricity leh water supply chihlouh siah huam vek ding a, Siamsinna innte leng khak hidi’n press ah theisak uhi.
Hiai thu toh kisai mah in CCpur District KSO in HAC Chairman kiang ah lehkha pia in, bangchi dan a CCpur District sung a singtang gam leh phaizang gam kikhenna bul a singtangmite tenna bial Panchayat election a telsak hihiam chih dotna bawl ua, kintak a suizui ding in zasak uhi.
============================================
Sangaiyumpham ah AR te gari zat nih hal in om
IMPHAL SEPT 18: Thoubal district sunga Sangaiyumpham part I Nunglou kichihna mun ah, zan nitak dak 9 ding vel in, zingchia Panchayat election ding toh kisai a, Zilla Parishad candidate Atao Rahman (48) s/o (L) Hajinur Ahmad tenna Inn ah 7 Assam Rilfe leh 34 Assam Rifle te Major khat makaih in vahoh in matsawm ua, himahleh, hiai mun a mipi omte’n phallou in kinawk tuahna om in Assam Rifle te gari zatlai nihte mipi’n mei a hal ua, khat pen a halzoh un lui ah sawnkhe lai uhi.
Hiai toh kisai a thutut kingah dan in, zan nitak dak 9 dingvel in, Gari khat in, Assam Rilfe civil dress silh pasal 8 in AK 47 thau tawikom in, Atao Rahman tenna Inn ah midang helpawl zong dan in vahoh ua, himahleh a mi zon a muhlouh ziakun candidate pa matsawm uh hidan in kigen hi. Hiai mun a kinawk tuahna om ziakin, Assam Rilfe gari dang khat personel 8 mah tua mun vatung nawn hi.
Hiai mun a mipin ahal uh gari te bel, Gypsy ML 05/C-5532 leh Tata Sumo ML0C 8325 hi a, tata sumo pen hal ahih nungin Wangjing lui ah sawnkhia uhi. Hiai thiltunna muh ah Thoubal SP leng va dianglut a, election vai a mipi buailaitak a, Assam Rifle ten tuamun ahohna ding uhtoh kisai Police a theihsakna bangmah piak leng omlou hidan in thutut kingah hi.
Hiai a Assam Rifle team te bel, Major khat in amakaih hidan in leng kigen hi.
=======================================
Panchayat election ding toh kisai in buaina om zekzek
IMPHAL SEPT 18: Manipur phaijang bial a Panchayat election zingchiang September 19, 2007 a om ding toh kisai in mun tuamtuam ah buaina gending om zekzek hi.
Thutut kingah dan in, zan nitak dak 9 vel in, Sadar Hill area a Sapermaina PS huamsung Charhazar kichihna mun a, Pradhan candidate Kedarnao Nepali Saw Mill leh Maruti Van MN 03/A 1650 meltheihlouhten halsak uhi.
Thuchian theih hikei mahleh, hiai thil tung toh kisai bel, Sadar Hill District Demand Committee in dakkal 48 sung bandh a bawl uh pailel lai ahihman in bandh toh kisai a hihsiat a om hidia gintak ahi.
Thudang khat kiza dan in, tuni zinglam dak 11 ding vel in, Keithelmanbi ah Bandh gum pawl hidia gintakte mah in, Pulsar bike MN 01/Q 5719 leng halsak uhi. Tuabanah, Bashikhong Gram Panchayat a Candidate khat Ningthoujam Sunil (36) leng meltheihlouhten apaisa September 15, 2007 a amat uh zan nitak in election tuh lou dinga suai akaih nung un vau kawm in khah uhi.
=======================================
Army recruitment result
IMPHAL SEPT 18: PIB Defence Wing in tuni a thusuah a bawlna ah apaisa June 9 apat July 2, 2007 sung Chandel district sung Pallel a Army recruitment result puan hita a, tua ah a nuai a roll no. te lohching uhi.
Soldier General Duty: RPDX - 0022, 0102, 0148, 0152, 0154, 0158, 0163, 0167, 0169, 0195, 0196, 0200, 0204, 0268, 0270, 0275, 0277, 0280, 0283, 0285, 0294 ahi. Soldier Tradesman: RPTM - 0001 leh 0002 ahi.
Hiai a lohchingte’n HQ 26 Sector Pallel a, September 18 - 20, 2007 sunga Joining letter la dia ki-report ngai ding a, October 1, 2007 in training na mun ding uah sawl hiding uhi. Thuchian thei nuamte’n PIB Defence Wing M-Sector notice board leh DIPR notice board ah ettheih ding hi.
====================================
KSO GHQ in Manipur bandh puang
IMPHAL SEPT 18: Kuki Students Organisation, GHQ in zan a emergency meeting a neihna uah, Manipur govt. in Langol area a NIT bawl a sawm teitei ziak leh Sadar Hills sunga Panchayati Raj puaklut a sawm deihlouhna in September 19, 2007 zingkal dak 5 apat nikhat sung Bandh om dingin thupuan bawl uhi.
KSO GHQ a Secretary Information and Publicity, Paotinthang Lupheng in zan a thusuah a bawl dan in, Govt. in Langol area a NIT bawl a sawmna mun ah, recognised leh non-recognised High school 6 om a, Orphanage home 4, Religious establishment 10 a om ban ah, tenna Inn 317, plot 274 leh mihing 1860 khosa om uhi. Hichibang ahihman in govt. in hiai mun sanga mun dang gam awng a NIT bawl zaw ding inleng ngetna bawl uhi. Govt. in thil poimohtak bawlkhiakna dia bang ziaka phaijang sung chauh mitsuan hiam chih leng dotna KSO GHQ in bawl hi. Hiai NIT bawlna ding toh kisai a, Manipur a district lianpen leh mihing tamdan aleng district nihna hipha CCpur District Students Union in amau district sunga NIT bawl dia angetna uh KSO GHQ in gum ahihdan leng taklang uhi.
Huailou in, District council etkawlna nuai a om, Sadar Hills sunga, Govt. in Panchayati Raj election neih ding a sawm, scheduled area Sadar hills a bangchi dan hiam chih dotna bawl kawm in, hiai sanga District council election kintak a govt. in sai zaw dingin leng ngen uhi. Govt. in a mite sentiment theikawm a gamtang dinga deihthu taklang kawm in, anti-people, anti-tribal toh kisai a govt. panlaknate ahibang banga KSO in maituah ding hidan inleng thusuak in taklang hi.
===================================
Sadu Chiru Water fall mun puah ding
IMPHAL SEPT 18: Tourism Minister T.N.Haokip makaih official tamtak in, zan in Senapati district sunga Sadu Chiru Water fall mun va enkhia ua, hiai mun pen Tourist centre khat dia puah hiding in Minister in gen hi.
Minister gendan in, hiai mun puahna ding toh kisai a govt. in 'Development of Sadu Chiru Waterfall complex' kichi leng bawlkhia ahihdan gen a, hiai project sepsuahna dingin central apat Rs 3 crore lut in, One time SPA fund zat hidi’n gen hi. Department of Tourism etkawlna nuai ah, Detailed Project Report ding Manipur Police Housing Corporation in bawl dinga, tua ah, lampi leh lei, rest house, marketting centre, hotel, parking, gate chihte om ding hi.
Hiai mun puahna dingin Tourism department in gam lakbeh tuakte enkai ding hi. Hiai mun puahna ding toh kisai in zan in Minister leh kho hausaten meeting nei ua, hiai a ding a poimoh gam 550 acre hi a, hiai pen hiai bial a kho hausaten pe ding uh hi’n gen khawm uhi.
================================
World Alzheimer day zat hiding
IMPHAL SEPT 18: Indian Psychiatric Society, Manipur State Branch leh Medical Society, RIMS te saina in, September 21, 2007 nitaklam dak 1.30 in RIMS a Mini auditorium ah 'World Alzheimer's day' zatna om ding hi.
Hiai hun ah Chairperson in, Prof. Y.Iboton leh Prof. N. Heramani te pang ding ua, Neurological aspects of Alzheimer's disease, Psychiatric aspects leh Role of family in the management of Alzheimer's disease toh kisai in expert thum in thugenna hun zang ding uhi.
Thudang khat ah, tuni’n Yaiskul a Manipur Dramatic Union hall ah, Coalition Against Drugs & Alchohol (CADA) ten first foundation day zang uhi. Tulai a Manipur sung abiktak a, Imphal leh aseh vel mun tuamtuam a, khamtheih tuamtuam doudalna dia panla pen a theih bel, AMADA leh CADA ahi.
================================
Contract teacher a sem ten govt. awlmohna deih
IMPHAL SEPT 18: Manipur sung abiktak a, singtang gam a school pu kidaih louh ziaka, mun awng hu dia govt. in alak, Graduate Arts leh Science Contract basis teacher ten, a sepman uh govt. in a hunhun a piak khiak a deih thu uh taklang uhi.
All Manipur Hill Districts Contract Basis Teacher's Association thusuak dan in, singtang gam a siamsinna toh kisai student te career manlouhna dia govt. in ATSUM toh kilemna omsa bangbang September 20, 2007 tan a semkhe dingin ngen uhi. Contract basis a semte hun leng regular appointment omna suksau sak dingin govt. ngen ua, a sepman uhleng September khatan pekhe dingin ngetna bawl uhi.
Hichibang a govt. in singtang gam a siamsinna dinmun angaih khawk kei leh govt. school te khak ding tanpha in leng thusuak ah taklang uhi.
====================================
Voter 6,30,390 in vote khe ding
IMPHAL SEPT 18: Phaijang bial sunga Zilla parishad, Pradhan leh member ding te teelna, tuni September 19, 2007 zinglam dak 8 apat nitaklam dak 4 sung in om ding hi.
Hiai adingin, kisak kholhna bangkim zoh hita a, polling personel dingte leng amau duty na mun ding chiat tungkimta uhi. Hiai election ah bel EVM zat hilou dinga, ballot box zat hiding chih ahi.
Thutut kingahdan in, a kigawm in, polling station 1545 om dinga, tua ah voter 6,30,390 in vote khe ding ua, Pradhan adia seat 165 om lak ah, seat 4 te un contest in om a, Pradhan teel ding 161 suak hi. Member ding 2675 lak ah, 344 un contest hi a, teel ding member 1543 suak hi. Zilla parishad 61 teelna ding ah candidate 251 om hi.
Hiai election dingte bel, party min nei ahihlouh ziakin, mun tuamtuam ah mi kituh tamtak om in, buaina neu chik chik veng tuamtuam ah gen ding om hi. Hiai election ding ziakin, phaijang bial district 4 teng ah govt. in suty leng puang hi.
=============================
IM in amau doutute puankhiakna nei
Dimapur, Sept 18(NNN): NSCN-IM in tuni a thupuan aneihna uah, "Nagalim" sung a IM gamtatna doudaltu ding pawlpi bangzah hiam om ua, huaite lak a panla diak a sakte uh puankhiakna nei ua, NSCN IM maban ding khenkhat leng taklatna nei uhi. NSCN IM thusuak dungzui in, amasapen in Government in tangtak in NSCN IM doungam lou in, NSCN-K kithuahpihna pia ua, Khaplang sepaihte toh India sepaihte’n Nagate zalenna sualna khetdaih sawm uh ahihdan taklang uhi. IM thusuak in agenbehna ah, IB (Intelligence Bureau) in IM daihsakna ding in panla ua, RAW (Research and Analysis Wing) in Politician khenkhat zang in IM khetzaak sawm uh ahi chi uhi. NSCN IM in thupidia Nagalim for Christ chih azat ziak un, hiai tungtawn in leng India in khet taktak sawm in, tulel in Communist gam China pibawl mahmah uh ahi chi’n Ministry of Information and Publicity NSCN IM in thusuah bawl uhi. RAW in mipite zawndan leh buaina thei mahmah uh ahihchiang in, sum le pai leh van zat chi tuamtuam zang in NSCN IM sukbeisawm in panla ua, himahleh, NSCN IM kip semsem ahihdan taklang uhi. NSCN IM in Chaplian dia azat PK Stone sihna toh kisai a kigolhkha teng leng theisuah ta uh ahihdan puang uh a, NSCN IM chiamnuihna a abawltheih ding hita dihlou ahihdan uleng puang uhi.
=====================================
SHDCC bandh sung in buaina om
Imphal, Sept 18(NNN): Sadar Hills District Demand Committee in Manipur state sung pumpi dakkal 48 sung bandh abawl uh tuni in zousiangta uh a, buaina thupilua gending om lou in lohchingtak in bandh zouta uhi. SHDDC in ahihleh, Manipur state Government in kintak a Sadar Hills District piching a koih ding in phutna bawl ua, September 17 zan dak 12 apan bandh abawl uh ahi hi. Sekmai leh Kangpokpi area ah bandh gumtu pawlkhat in Government van khenkhat suksiatna leng nei ua, Panchayat election adia candidate khat gari Maruti Van MN03A-1650 leng suksiat khak in om a, huai ban ah saw Mill khat leng haltum in om hi. Bajaj pulsar bike MN0 Q-57 19 leng Sekmai Police station huamsung a Leikinthabi mun ah halsiat in om hi.
===================================
ANSAM in Government lamdang sa
Imphal, Sept 18(NNN): Nagaland Cabinet in state dang apan NBSE zom ut peuhmah pom uh ahihdan thupuan aneih utoh kiton in Manipur Government tel in pawlpi tamtak in mohpaihna thu puang uh a, hiai thu toh kisai in All Naga Students Association, Manipur (ANSAM) in kuamah patau lou ding in zasak ua, state Government a patauhna pen lamdang asakthu uh genkhum uhi. ANSAM thusuak in ataklatna ah, India gam democracy lianpen ahih dungzui in, Nam khat leh Government khat in Namdangte pau le ham, tawndan, hihna, gamtatdan leh khangthu subuai theilou ding uh ahihdan taklang ua, hamphatna om sunsunte leng thagum a kilaksak mawktheih hilou ding in gen uhi. ANSAM in ataklatna uah Manipur Government in ut le dah in Namniam te talkaihsawm mah le uh thil hithei gige hilou ding in gen ua, thutak omsa pe’n pampaih a, Nagate hihna pe’n a diklou lampi a a paipih sawm ua leh state Government in hih khial mahmah ding uh ahi chi uhi. Abiitak in education system nelhsiah theihlouh ahihdan ANSAM in taklang ua, NBSE in State School Board of West Bengal, Kerala, Tamil Nadu leh adangdang te paidan zui ua, tuamah bang in, CBSE leh ICSE in leng a utna pouh uah exam centre hong ua, admission leng hih ziahziah uh ahihdan taklang uhi. Huaiziak in mimal thuneihna toh kisai ah state Government a kigolh hoihlou ahihdan taklang uh a, a ut te’n NBSE, CBSE, BSEM leh board tuamtuam zalentak a zomthei mah uh ahihdan ANSAM thusuak in taklang hi.
www.zogam.com
Lamka Sept 18: Lamka Police apan thukiza dan in tuzing dak 7:00 vel in Lamka Police apan 7 km. vel a gamla Boljol khosak ah meltheihlouh siluang 2 om chih report a ngah dungzui un zing dak 8:00 vel in siluang vala in Lamka Damdawi inn Morgue ah ahihna uh chet ding in koih uhi.
Misite bel Mr. Tongkholun Kipgen (23) S/o.(L) Seikhohen of Boljol leh Mr. Henzapau Guite @ Pauboy (28) s/o. Thangneh of Gangpimual te ahih uh chet nung in a inkuanpihte uh kiangah piakkhiat in om uhi.
Hiai thil tung toh kisai in tuni’n KNF (MC) hiaite amau khutnung ahihdan thusuah bawl uhi.
Thusuak in a taklat dan in, Mr. Paoboy leh Mr. Tongkholun in Tedim Road a tai gari-te apan tax la ua, passenger te sum leh mobile te laksak zel ua, Kaprang leh Koite kikal a dawr bawlte kiang ah sum demand bawl ua, pawl tuamtuam min zang a, a gamtat sek ziak ua a kituahpih bang uh Capital Punishment piak a om hi’n taklang uhi.
Thusuak in a taklat zelna ah, hiai bang thil a tun nawnlouhna ding a mipte’n panla ding in chial ua, hiai toh kisai kuaman sui lou ding in a theisak kawm in, amaute toh kithuah midangte leng Sept. 23, 2007 tan a KNF (MC) khut a kipekhe ding in theisak uhi.
======================================
ZC in TPO loplutna nei
Lamka Sept 18: Zomi Council in tuni sunnung dak 1:30 in SYO Hall Simveng ah Thangkhal Peoples’ Organisation (TPO) Zomi Council a Constituent member ding in loplutna nei hi.
Thangkhal Peoples’ Organisation President Mr. Thangkhanlam in Thangkhal miteng Zomi sung a om ding a kipelut ahihdan puankhiatna aneihzoh in Zomi Council Chairman L.B. Sona in amaute laklutna/vaidawnna thugen in TPO President toh suaikai uhi.
ZC Chairman in a thugenna ah kongbangkim ah kituahna/pankhawmna apoimohdan gen in lohchinna ding in leng kituahna mah poimoh ahihdan gen hi. Pawl tuamtuamte panlakna taklang kawm in thummite thumna Pathian hing in dawng a Zousuante a suahtakna kong kihong ngei ding ahihdan gen in Nam khat-le-nam khat kikaal a kitheihsiamlouhnate mangngilh a maban a kituaktak a pangkhawm ding in chialna nei hi.
=======================================
SHG in Exposure visit nei ding
Lamka Sept 18: Swayamsidhda/CCpur nuai a Self Help Group (SHG) tuamtuam 5 apan in mi 7 in hongtung ding September 23, 2007 apan in kaal 2 sung in Maharastra leh Gujarat state te ah exposure visit nei ding uhi.
Hiai hunsungte in huai state 2 te a NGO leh SHG tuamtuamte thilbawldan etkhiatna nei ding uhi. Hiai visit ah Chandel District leh Imphal west apan inleng mibangzah hiam tel ding uhi.
======================================
Zomi Namni Jub.Celeb Committee ding
Lamka Sept 18: Zomi Namni Diamond Jubilee hongtung ding February 20, 2008 chiang a thupitak a lopna neih sawm in tuni’n Zomi Namni Diamond Jubilee Celebration Committtee in Department tuamtuam a member ding guanna nei uhi.
Finance Department a Chairman ding in Herbert T Sumpu leh Secretary ding in Thangminlun guang uhi. Souvenir Board a Chairman ding in K. Vungzamawi sep ua ZHRF in kithuahpih ding hi. Contest Deptt. a Chairman ding in Goukhomang, Music Deptt. ah Chairman ding in Khamsuanlun te guang uhi. Information & Publicity a Chairman ding in Singlianmang Guite, Secretary ding in L. Ginzamuan leh Asst. Secy.ding in Thangkholun te sep uhi. Hongtung ding September 25, 2007 sunnung dak 2:00in ZYA ah Celebration Committee in meeting nei ding uhi.
=======================================
ZSF in Govt. gari Boycott ding; mohpaihthu puang
Lamka Sept 18: Zomi Students’ Federation (ZSF) in CCpur district sung a exgratia pending a omte kintak a Govt. in pesiang dia ngetna a bawl Government in a ngaihsak louh ziak in hong tung ding Sept. 22, 2007 apan CCpur district sung a Govt. gari tengteng boycott ding in tuni’n thupuan bawl uhi.
Thusuak in a taklatna ah, hiai nuakna Govt. in a ngaihsak kei laileh nuakna huaisetak pan ding uh hi’n taklang uhi.
Tuabangkal ah, ZSF mah in Mrs. Lallawmpuii (33) w/o Vanlalhngaka of Jangngoulen khua in phaijang helpawlte bomb thangkam ziak a a hinna a mansuahna leh a lawmnu Miss Kimte of Jangngoulen in naktak a liamna a tuah uh toh kisai in government in tunitan bomb thang kikamte a hahsiang louhna ah naktak in mohpaih ahihdan un thupuan bawl uhi.
Thusuak in a taklatna ah, hiai bang a vangsiatna tuakte kintak a jangnadopna pe ding in government noh uhi.
==========================================
LCA in Bill pe di’n ngen; Khuga Dam bandh sawm
Lamka Sept 18: Local Contractor Assn. CCpur in IFCD Minister kiang ah Khuga Head works Division a bill pending omteng Sept. 22, 2007 tan a kintak a pe ding in tuni’n ngetna pelut uhi.
Thusuak in a taklatna ah, kum 2 paita in Khuga Head works division a nasep zohsate tunitan bill piaklouh in om a, hiai toh kisai inleng official te toh April kha in bill pending 10 crores omlaite piaksiang ding a kilemna bawl himahleh bill gelh hun in Rs. 3.6 crores lel piak a om uh hi’n taklang uhi.
Thusuak in a taklat zelna ah, hunchiam sung a piak ahihkei ua leh Tedim Road Diversion tel in Khuga Project bandh bawl ding uh hi’n taklang uhi.
Hiai toh kisai in Sept. 20, 2007 zinglam dak 7 in Mr. C. Vanhlir inn, New Lamka ah meeting ding uh hi’n Assn. President Mr. H. Manlun apan thutut kingah hi.
=========================================
KSO GHQ in Manipur bandh puang KSO/CCpur leh ZSF in support na in CCpur Bandh
IMPHAL SEPT 18: Kuki Students Organisation, GHQ in zan a emergency meeting a neihna uah, Manipur govt. in Langol area a NIT bawl a sawm teitei ziak leh Sadar Hills sunga Panchayati Raj puaklut a sawm deihlouhna in September 19, 2007 zingkal dak 5 apat nikhat sung Bandh om dingin thupuan bawl uhi.
KSO GHQ a Secretary Information and Publicity, Paotinthang Lupheng in zan a thusuah a bawl dan in, Govt. in Langol area a NIT bawl a sawmna mun ah, recognised leh non-recognised High school 6 om a, Orphanage home 4, Religious establishment 10 a om ban ah, tenna Inn 317, plot 274 leh mihing 1860 khosa om uhi. Hichibang ahihman in govt. in hiai mun sanga mun dang gam awng a NIT bawl zaw ding inleng ngetna bawl uhi. Govt. in thil poimohtak bawlkhiakna dia bang ziaka phaijang sung chauh mitsuan hiam chih leng dotna KSO GHQ in bawl hi. Hiai NIT bawlna ding toh kisai a, Manipur a district lianpen leh mihing tamdan aleng district nihna hipha CCpur District Students Union in amau district sunga NIT bawl dia angetna uh KSO GHQ in gum ahihdan leng taklang uhi.
Huailou in, District council etkawlna nuai a om, Sadar Hills sunga, Govt. in Panchayati Raj election neih ding a sawm, scheduled area Sadar hills a bangchi dan hiam chih dotna bawl kawm in, hiai sanga District council election kintak a govt. in sai zaw dingin leng ngen uhi. Govt. in a mite sentiment theikawm a gamtang dinga deihthu taklang kawm in, anti-people, anti-tribal toh kisai a govt. panlaknate ahibang banga KSO in maituah ding hidan inleng thusuak in taklang hi.
Tua toh kiton in, KSO GHQ leh ANSAM in Panchayati Raj Election om ding toh kisai in singtanggam huamsak ahihna ah lungkimlou a bandh zingchiang a abawlsawm uhtoh kisai in, KSO CCpur District leh Zomi Students Federation (ZSF) in gupthu puang uh a, hiai bandh in Press/media, medical, Electricity leh water supply chihlouh siah huam vek ding a, Siamsinna innte leng khak hidi’n press ah theisak uhi.
Hiai thu toh kisai mah in CCpur District KSO in HAC Chairman kiang ah lehkha pia in, bangchi dan a CCpur District sung a singtang gam leh phaizang gam kikhenna bul a singtangmite tenna bial Panchayat election a telsak hihiam chih dotna bawl ua, kintak a suizui ding in zasak uhi.
============================================
Sangaiyumpham ah AR te gari zat nih hal in om
IMPHAL SEPT 18: Thoubal district sunga Sangaiyumpham part I Nunglou kichihna mun ah, zan nitak dak 9 ding vel in, zingchia Panchayat election ding toh kisai a, Zilla Parishad candidate Atao Rahman (48) s/o (L) Hajinur Ahmad tenna Inn ah 7 Assam Rilfe leh 34 Assam Rifle te Major khat makaih in vahoh in matsawm ua, himahleh, hiai mun a mipi omte’n phallou in kinawk tuahna om in Assam Rifle te gari zatlai nihte mipi’n mei a hal ua, khat pen a halzoh un lui ah sawnkhe lai uhi.
Hiai toh kisai a thutut kingah dan in, zan nitak dak 9 dingvel in, Gari khat in, Assam Rilfe civil dress silh pasal 8 in AK 47 thau tawikom in, Atao Rahman tenna Inn ah midang helpawl zong dan in vahoh ua, himahleh a mi zon a muhlouh ziakun candidate pa matsawm uh hidan in kigen hi. Hiai mun a kinawk tuahna om ziakin, Assam Rilfe gari dang khat personel 8 mah tua mun vatung nawn hi.
Hiai mun a mipin ahal uh gari te bel, Gypsy ML 05/C-5532 leh Tata Sumo ML0C 8325 hi a, tata sumo pen hal ahih nungin Wangjing lui ah sawnkhia uhi. Hiai thiltunna muh ah Thoubal SP leng va dianglut a, election vai a mipi buailaitak a, Assam Rifle ten tuamun ahohna ding uhtoh kisai Police a theihsakna bangmah piak leng omlou hidan in thutut kingah hi.
Hiai a Assam Rifle team te bel, Major khat in amakaih hidan in leng kigen hi.
=======================================
Panchayat election ding toh kisai in buaina om zekzek
IMPHAL SEPT 18: Manipur phaijang bial a Panchayat election zingchiang September 19, 2007 a om ding toh kisai in mun tuamtuam ah buaina gending om zekzek hi.
Thutut kingah dan in, zan nitak dak 9 vel in, Sadar Hill area a Sapermaina PS huamsung Charhazar kichihna mun a, Pradhan candidate Kedarnao Nepali Saw Mill leh Maruti Van MN 03/A 1650 meltheihlouhten halsak uhi.
Thuchian theih hikei mahleh, hiai thil tung toh kisai bel, Sadar Hill District Demand Committee in dakkal 48 sung bandh a bawl uh pailel lai ahihman in bandh toh kisai a hihsiat a om hidia gintak ahi.
Thudang khat kiza dan in, tuni zinglam dak 11 ding vel in, Keithelmanbi ah Bandh gum pawl hidia gintakte mah in, Pulsar bike MN 01/Q 5719 leng halsak uhi. Tuabanah, Bashikhong Gram Panchayat a Candidate khat Ningthoujam Sunil (36) leng meltheihlouhten apaisa September 15, 2007 a amat uh zan nitak in election tuh lou dinga suai akaih nung un vau kawm in khah uhi.
=======================================
Army recruitment result
IMPHAL SEPT 18: PIB Defence Wing in tuni a thusuah a bawlna ah apaisa June 9 apat July 2, 2007 sung Chandel district sung Pallel a Army recruitment result puan hita a, tua ah a nuai a roll no. te lohching uhi.
Soldier General Duty: RPDX - 0022, 0102, 0148, 0152, 0154, 0158, 0163, 0167, 0169, 0195, 0196, 0200, 0204, 0268, 0270, 0275, 0277, 0280, 0283, 0285, 0294 ahi. Soldier Tradesman: RPTM - 0001 leh 0002 ahi.
Hiai a lohchingte’n HQ 26 Sector Pallel a, September 18 - 20, 2007 sunga Joining letter la dia ki-report ngai ding a, October 1, 2007 in training na mun ding uah sawl hiding uhi. Thuchian thei nuamte’n PIB Defence Wing M-Sector notice board leh DIPR notice board ah ettheih ding hi.
====================================
KSO GHQ in Manipur bandh puang
IMPHAL SEPT 18: Kuki Students Organisation, GHQ in zan a emergency meeting a neihna uah, Manipur govt. in Langol area a NIT bawl a sawm teitei ziak leh Sadar Hills sunga Panchayati Raj puaklut a sawm deihlouhna in September 19, 2007 zingkal dak 5 apat nikhat sung Bandh om dingin thupuan bawl uhi.
KSO GHQ a Secretary Information and Publicity, Paotinthang Lupheng in zan a thusuah a bawl dan in, Govt. in Langol area a NIT bawl a sawmna mun ah, recognised leh non-recognised High school 6 om a, Orphanage home 4, Religious establishment 10 a om ban ah, tenna Inn 317, plot 274 leh mihing 1860 khosa om uhi. Hichibang ahihman in govt. in hiai mun sanga mun dang gam awng a NIT bawl zaw ding inleng ngetna bawl uhi. Govt. in thil poimohtak bawlkhiakna dia bang ziaka phaijang sung chauh mitsuan hiam chih leng dotna KSO GHQ in bawl hi. Hiai NIT bawlna ding toh kisai a, Manipur a district lianpen leh mihing tamdan aleng district nihna hipha CCpur District Students Union in amau district sunga NIT bawl dia angetna uh KSO GHQ in gum ahihdan leng taklang uhi.
Huailou in, District council etkawlna nuai a om, Sadar Hills sunga, Govt. in Panchayati Raj election neih ding a sawm, scheduled area Sadar hills a bangchi dan hiam chih dotna bawl kawm in, hiai sanga District council election kintak a govt. in sai zaw dingin leng ngen uhi. Govt. in a mite sentiment theikawm a gamtang dinga deihthu taklang kawm in, anti-people, anti-tribal toh kisai a govt. panlaknate ahibang banga KSO in maituah ding hidan inleng thusuak in taklang hi.
===================================
Sadu Chiru Water fall mun puah ding
IMPHAL SEPT 18: Tourism Minister T.N.Haokip makaih official tamtak in, zan in Senapati district sunga Sadu Chiru Water fall mun va enkhia ua, hiai mun pen Tourist centre khat dia puah hiding in Minister in gen hi.
Minister gendan in, hiai mun puahna ding toh kisai a govt. in 'Development of Sadu Chiru Waterfall complex' kichi leng bawlkhia ahihdan gen a, hiai project sepsuahna dingin central apat Rs 3 crore lut in, One time SPA fund zat hidi’n gen hi. Department of Tourism etkawlna nuai ah, Detailed Project Report ding Manipur Police Housing Corporation in bawl dinga, tua ah, lampi leh lei, rest house, marketting centre, hotel, parking, gate chihte om ding hi.
Hiai mun puahna dingin Tourism department in gam lakbeh tuakte enkai ding hi. Hiai mun puahna ding toh kisai in zan in Minister leh kho hausaten meeting nei ua, hiai a ding a poimoh gam 550 acre hi a, hiai pen hiai bial a kho hausaten pe ding uh hi’n gen khawm uhi.
================================
World Alzheimer day zat hiding
IMPHAL SEPT 18: Indian Psychiatric Society, Manipur State Branch leh Medical Society, RIMS te saina in, September 21, 2007 nitaklam dak 1.30 in RIMS a Mini auditorium ah 'World Alzheimer's day' zatna om ding hi.
Hiai hun ah Chairperson in, Prof. Y.Iboton leh Prof. N. Heramani te pang ding ua, Neurological aspects of Alzheimer's disease, Psychiatric aspects leh Role of family in the management of Alzheimer's disease toh kisai in expert thum in thugenna hun zang ding uhi.
Thudang khat ah, tuni’n Yaiskul a Manipur Dramatic Union hall ah, Coalition Against Drugs & Alchohol (CADA) ten first foundation day zang uhi. Tulai a Manipur sung abiktak a, Imphal leh aseh vel mun tuamtuam a, khamtheih tuamtuam doudalna dia panla pen a theih bel, AMADA leh CADA ahi.
================================
Contract teacher a sem ten govt. awlmohna deih
IMPHAL SEPT 18: Manipur sung abiktak a, singtang gam a school pu kidaih louh ziaka, mun awng hu dia govt. in alak, Graduate Arts leh Science Contract basis teacher ten, a sepman uh govt. in a hunhun a piak khiak a deih thu uh taklang uhi.
All Manipur Hill Districts Contract Basis Teacher's Association thusuak dan in, singtang gam a siamsinna toh kisai student te career manlouhna dia govt. in ATSUM toh kilemna omsa bangbang September 20, 2007 tan a semkhe dingin ngen uhi. Contract basis a semte hun leng regular appointment omna suksau sak dingin govt. ngen ua, a sepman uhleng September khatan pekhe dingin ngetna bawl uhi.
Hichibang a govt. in singtang gam a siamsinna dinmun angaih khawk kei leh govt. school te khak ding tanpha in leng thusuak ah taklang uhi.
====================================
Voter 6,30,390 in vote khe ding
IMPHAL SEPT 18: Phaijang bial sunga Zilla parishad, Pradhan leh member ding te teelna, tuni September 19, 2007 zinglam dak 8 apat nitaklam dak 4 sung in om ding hi.
Hiai adingin, kisak kholhna bangkim zoh hita a, polling personel dingte leng amau duty na mun ding chiat tungkimta uhi. Hiai election ah bel EVM zat hilou dinga, ballot box zat hiding chih ahi.
Thutut kingahdan in, a kigawm in, polling station 1545 om dinga, tua ah voter 6,30,390 in vote khe ding ua, Pradhan adia seat 165 om lak ah, seat 4 te un contest in om a, Pradhan teel ding 161 suak hi. Member ding 2675 lak ah, 344 un contest hi a, teel ding member 1543 suak hi. Zilla parishad 61 teelna ding ah candidate 251 om hi.
Hiai election dingte bel, party min nei ahihlouh ziakin, mun tuamtuam ah mi kituh tamtak om in, buaina neu chik chik veng tuamtuam ah gen ding om hi. Hiai election ding ziakin, phaijang bial district 4 teng ah govt. in suty leng puang hi.
=============================
IM in amau doutute puankhiakna nei
Dimapur, Sept 18(NNN): NSCN-IM in tuni a thupuan aneihna uah, "Nagalim" sung a IM gamtatna doudaltu ding pawlpi bangzah hiam om ua, huaite lak a panla diak a sakte uh puankhiakna nei ua, NSCN IM maban ding khenkhat leng taklatna nei uhi. NSCN IM thusuak dungzui in, amasapen in Government in tangtak in NSCN IM doungam lou in, NSCN-K kithuahpihna pia ua, Khaplang sepaihte toh India sepaihte’n Nagate zalenna sualna khetdaih sawm uh ahihdan taklang uhi. IM thusuak in agenbehna ah, IB (Intelligence Bureau) in IM daihsakna ding in panla ua, RAW (Research and Analysis Wing) in Politician khenkhat zang in IM khetzaak sawm uh ahi chi uhi. NSCN IM in thupidia Nagalim for Christ chih azat ziak un, hiai tungtawn in leng India in khet taktak sawm in, tulel in Communist gam China pibawl mahmah uh ahi chi’n Ministry of Information and Publicity NSCN IM in thusuah bawl uhi. RAW in mipite zawndan leh buaina thei mahmah uh ahihchiang in, sum le pai leh van zat chi tuamtuam zang in NSCN IM sukbeisawm in panla ua, himahleh, NSCN IM kip semsem ahihdan taklang uhi. NSCN IM in Chaplian dia azat PK Stone sihna toh kisai a kigolhkha teng leng theisuah ta uh ahihdan puang uh a, NSCN IM chiamnuihna a abawltheih ding hita dihlou ahihdan uleng puang uhi.
=====================================
SHDCC bandh sung in buaina om
Imphal, Sept 18(NNN): Sadar Hills District Demand Committee in Manipur state sung pumpi dakkal 48 sung bandh abawl uh tuni in zousiangta uh a, buaina thupilua gending om lou in lohchingtak in bandh zouta uhi. SHDDC in ahihleh, Manipur state Government in kintak a Sadar Hills District piching a koih ding in phutna bawl ua, September 17 zan dak 12 apan bandh abawl uh ahi hi. Sekmai leh Kangpokpi area ah bandh gumtu pawlkhat in Government van khenkhat suksiatna leng nei ua, Panchayat election adia candidate khat gari Maruti Van MN03A-1650 leng suksiat khak in om a, huai ban ah saw Mill khat leng haltum in om hi. Bajaj pulsar bike MN0 Q-57 19 leng Sekmai Police station huamsung a Leikinthabi mun ah halsiat in om hi.
===================================
ANSAM in Government lamdang sa
Imphal, Sept 18(NNN): Nagaland Cabinet in state dang apan NBSE zom ut peuhmah pom uh ahihdan thupuan aneih utoh kiton in Manipur Government tel in pawlpi tamtak in mohpaihna thu puang uh a, hiai thu toh kisai in All Naga Students Association, Manipur (ANSAM) in kuamah patau lou ding in zasak ua, state Government a patauhna pen lamdang asakthu uh genkhum uhi. ANSAM thusuak in ataklatna ah, India gam democracy lianpen ahih dungzui in, Nam khat leh Government khat in Namdangte pau le ham, tawndan, hihna, gamtatdan leh khangthu subuai theilou ding uh ahihdan taklang ua, hamphatna om sunsunte leng thagum a kilaksak mawktheih hilou ding in gen uhi. ANSAM in ataklatna uah Manipur Government in ut le dah in Namniam te talkaihsawm mah le uh thil hithei gige hilou ding in gen ua, thutak omsa pe’n pampaih a, Nagate hihna pe’n a diklou lampi a a paipih sawm ua leh state Government in hih khial mahmah ding uh ahi chi uhi. Abiitak in education system nelhsiah theihlouh ahihdan ANSAM in taklang ua, NBSE in State School Board of West Bengal, Kerala, Tamil Nadu leh adangdang te paidan zui ua, tuamah bang in, CBSE leh ICSE in leng a utna pouh uah exam centre hong ua, admission leng hih ziahziah uh ahihdan taklang uhi. Huaiziak in mimal thuneihna toh kisai ah state Government a kigolh hoihlou ahihdan taklang uh a, a ut te’n NBSE, CBSE, BSEM leh board tuamtuam zalentak a zomthei mah uh ahihdan ANSAM thusuak in taklang hi.
www.zogam.com
No comments:
Post a Comment