Lealyan Thawmte Copenhagen
The truest characters of ignorance are vanity, pride and arrogance' - Samuel Buttler, 1835-1902
Kar paita, September 11 in James T. Guite in a omna, Ontario, Canada pan in, SSPPNet (Internet tungtawn a SSPP ahihkeh a diaka a Paite kampau zang kichi te kithukup leh kihoulim tuah nadia kum 6 vaal paita a ana ki phutkhia) tungtawn in Lamka khua a lekhasin/laisinna/school thu leh meivaak dinmun a muh leh theih dante apan, lungtun huai a sak louh dan thu tamlou hon kum hi.
SSSPnet a member te hi, tamtak te Lamka pan hi 'n ka koih a. A thu kum tamzawte le Lamka ahihlouh zong, Churachandpur District, Manipur, India a hong kipan te hi in kathei hi. Delhi a sepna liantaktak nei, lehkhasin/siam taktak te, Korea a Pathian nna semte, Mumbai, Bangalore, Guwahati, Kolkatta a laisin leh khosate, Shillong miite, London/UK a sepna neite, USA a khosa te, Holland a siamna sang zaw delhzuite, Tokyo a 'posting' te, Singapore a khosa te, i gamgi mal lam a Myanmar sung leh Yangon tanpha kialou a, Taiwan tan bang ale Paite ahihkeh Zomi kichite kimuh khom leh thu kikup khom namun ahi.
Huaijiakin, James hon thugelh kasim in hoih kana sa pah mawk hi. Hichibang mun gamla pipi a omten, Lamka adia poimoh asak uhleh, a muh leh ngaihdan te uh sim nuam kasa in - Lamka khua ngaina leh iit i tam daan hon thei sak thak hi. Kenle bangchin ngaihdan kum thei tei di kahiam chih ki ngaihtuah kom in, ka lungsim a hong kilang masa pen - meivaak thu leh a ginnat louh luat daan, tu kum bul a va thuak kha ek kahih manin - ka kum tei hi. Kum kia louin, tulel a i Minister Pu in ana simdi in OPEN LETTER bang ka gelh zawzen hi.
Ka thu kup leh OPEN LETTER kachih i Minister pu in a sim hia/lou chih thei kei mahleng, SSPPnet member hi leh simtu tamtak te pan, hoih a sak daan te bang uh leh gelhdia kilawmlua hi a, a theih daante uh kup na bang hong om hi. A ziing zan a, ka e-mail ka et laiin, Pink (America a lasa siam numei) in sawtlou lai a, President George Bush leh a policy sawisel na daan a a lasak 'Dear Mr. President' chih MTV pan hong kisa ging kaza hi. A thu ka ngaihkhiak chet chet leh - 'EH!..koi hia', chi in, kenle, a 'copy' hichiah lou lah huaidan deuh sim in 'Dear Mr. Minister' in kathu kup ka belhsah hi.
James in SSPPnet a a gelhna ah: "Lamka a Govt. school omna zenpi a, huaite puah phat leh sukdik tumlou a, a neizou ten ita/naute Private School a kaisak in, a nei zoulou Govt. School, fee omlou a kaaite bang niamsiah. I gam a hichituk a zawnna a omlai a, tagah/meithai taate laisin/zir theihna di mun om sun Govt. School te a hoih zawk nadia, a khomi ngei leh i heututen panla lou uh hiam? Lamka sung ngei a, beh leh namteng a pawlpi hiaizah omten hiai thu leh tampi te haksatna theihpih lou ihi hiam" chihte khong hi.
Lamka khua meivaak dinmun ua - James in hichin sunzawm hi:" Meivaak man lah a kim -100%- a ki pe gige, lah i meivaak muh uh lah 20% - 100 a 20 le hilou. Hichi bang a sorkar kiang athon a sum i piak gige uh thil dik hiding hiam? A mawhpawtu te hek leh sel theihna di mun i gam, mipiite deihtelna - Democracy - ah, i muh leh tandi te, i muh a i tan keh, Court bang a heek theih hilou ahiam?" chihte bang hi in. A daan thei, heutu, makaai leh pawlpi te kialou - Lamka mi nautaang te theihdia poimoh asak luat te ahi.
Himahleh, James in hiathu te - veei lua zaw hikha dingin, 'LAMKA MIPIITE HAILUM DEK' chih thupi dia hon zang hial ahi chih bang le ka theih nawnlouh kar in, September 13 in SSPPnet apan thukup te kasim leh, Lamka a kipan mi khenkhat chu hai taktak ki omkha hinna ahidi maw chih nachiang kanei hi. Khenkhat ten, James in Lamka te musit leh haisa nahi chi in leh, Lamka a vei luat ziaka a kupte, theidah mawk uh. A thugelh le sim mang lou ahidi uam, a thupi zat pan James dem mawkin, USA/Europe leh India sung ngei Vaigam a omte ngaihdan hi thupi a sak louh dan khong uh gelh toihtoih uh hi.
Siam-lou a, Sin-tumlou Pawl te ahih khak ding uh ka lau peetmah hi.
Huchi a, Lamka a kipan ahihkeh, James in a vei luatziak a, HAILUM a chih khak a ana kingai pil kisa taktak leh, ngaihdan tamtak SSPPnet a ahong luut zungzung leh, kei le Lamka a kipan hisam veng chi in, tarik 15, September in thu ka kum tei hi :-
(SSPPnet a ka thu gelh teikhiak(excerpts) leh Kupbeh):
"Tu a, James thugelh ngaithei/lou pawl khenkhat bang ina omkha uh abanga a. Kei sim daan inchu - James in Lamka a hon muhsit jiaka a a gelh hilouin - Lamka a eite 'khanglou' le achihna hi in kathei a. Hon musiit leh hai ahon chihna hilou in, a vei luat - a gen/gelh didaan a theihlouh jiak hikha ding in ka um hi. Kuahiam in ana muh/leh daan banga, heutu ahih uut jiak ahihkeileh - Sapgam a a omjiak a kipil leh theisak le hilou in - Sapgam a a omjiak a heutu/makaai ahihkeh 'politician' ahih uut jiak le hituanlou hi. Heutu te sawisel na le hilou in, heutu hih uutna a neih inle ka ging kei. I gam din mun uh leh a muh daan ahon kup hi zaw hi'n kathei hi.
Mr........ in nahon kup hi kana sim a. Khovel pumpii enle chin, ei din mun kialou, ei dinmun saang a hoihzaw/sezaw tham gamte - a gam uapan taikhia ahih keh, mun dang a khosa te thugelh/pilna/veiina leh thukup a poimoh daan leh a gam ua miite adia -theihna a piak/thawhdan te uh nathei din ka ging. History ahihkeh hunlui lua a luut louin, a mi nautaang theih theih di pen in, a naaipen ah- Naga te. Ken, India pua a Naga omten a 'issue' adia a sepdan uh kana theikha zek hi. Ka gen tam khol kei di, NSCN a makai te leh a sangaam te nasep bang kialou, kithuahpih khak kana nei hi...
Huaimah bangin, tulel a ZRO kichi te bang le Geneva khong bangah va tangkou pih mahle uh - lawhsam uh hi. Indonesia a Aztec gam a omte 'autonomous' nadi thu a a 'policy' leh buaina leh remna thu saite hi - Indonesia a omte hilou un - sapgam - Europe a om nachih te hih uh ahi. Huchi mah bang in Sri Lanka a LTTE adia 'think-tank' te, Jaffna a tu lou un, Australia leh UK khong a tu uh ahi. Burma(Yangon) a 'military' deih louten ten pan lanasa ua, la lel lel uh. Karen te bangin 'lobbying' hih nasa ta mahmah uh hi. A gam uh pawlam panin,
Punjab a 'Khalistan' te haat lai in - Bhindranwale in bangtan hiam a makai hihna nei bangmah leh - India pawlam a Sikh omte panpih jiaka a - Khalistan taangkoupih thei ahi. Khovel mun taampi a thiltung te gen ngailou a, kei sang mah banga a natheih zawk uh kahon ging...
...Bangteng hileh, tu in eite, a tung a kahon gelh te bang a nget leh ngiim ahihkeh sual taktak nei hilou ihi. Etsaknadi lel hizaw.
I gam leh i tenna mun te uah, bangchin kivaihawm daan hoihzaw a hong om thei in, i mii, i saa ten i muhdi leh tandi kialou - huaite pan bangchin i 'sorkar' pan i tan leh muhdi te i mu in i tang theidi uh hiam chihna hizaw hi'n kathei hi. Lawmte...na theih di ua kahon deihsak peetmah chu, a mun leh gam, a buuk sung a omte theih leh mun neuh chik sung a ngaihtuahna piangkhia te saang a - a gaal apan hon na en khe chetchet thei, lungluut leh veite theih leh muhna hi zau zaw khasek kialou in - a lemlaak lianzaw mu sek uh ahi.
Huaijiakin, hiai SSPPNET a thu/thil kisuah te hi, kipiak zawhna, i nam, i mi leh saate veina jiaka a hong kikum leh kisuah ahi chih i theih ua - mihingte i mel a kibat louh bang un, i pau daan, i kihou daan leh i laigelh daan te le kibang sek lou ahi chih i theih uh ngai ahi. A gelh siam pawl a omkha ding. Kei bang a ngaihdan teng mawk gelh pawl bang, ahihkeh, vei mahmah, pil mahmah, lah kum leh gelh theilou ahihkeh uutlou, le tampi ki om ahi chih i theih uh poimoh ahi.
A 'topic/subject' a luut leh mimal ngaihdan te dem lou in. A 'issue' a luut in,hiai thu kikup nate pan, panlak leh nasep tangtak leh - lawhchin na thut muhtheih mai a omlouh zawng - i kikup hehu/thithe te jiak ua, theihna khat, midang te muhdan apan hiam, ahihkeh a thu omdaan chiangzaw deuh a i na muh/theih theih na bang a hihthei leh; a kua kua adia khantouhna hi ding ahi chih i theih uh uut huai in leh- ka lamen peetmah hi.."
Himahleh, hiai a tung a ka thu kupte - SSPPnet ten suah lou un; a ziak le theihsak kahi samkei.
God save Lamka!
www.zogam.com
The truest characters of ignorance are vanity, pride and arrogance' - Samuel Buttler, 1835-1902
Kar paita, September 11 in James T. Guite in a omna, Ontario, Canada pan in, SSPPNet (Internet tungtawn a SSPP ahihkeh a diaka a Paite kampau zang kichi te kithukup leh kihoulim tuah nadia kum 6 vaal paita a ana ki phutkhia) tungtawn in Lamka khua a lekhasin/laisinna/school thu leh meivaak dinmun a muh leh theih dante apan, lungtun huai a sak louh dan thu tamlou hon kum hi.
SSSPnet a member te hi, tamtak te Lamka pan hi 'n ka koih a. A thu kum tamzawte le Lamka ahihlouh zong, Churachandpur District, Manipur, India a hong kipan te hi in kathei hi. Delhi a sepna liantaktak nei, lehkhasin/siam taktak te, Korea a Pathian nna semte, Mumbai, Bangalore, Guwahati, Kolkatta a laisin leh khosate, Shillong miite, London/UK a sepna neite, USA a khosa te, Holland a siamna sang zaw delhzuite, Tokyo a 'posting' te, Singapore a khosa te, i gamgi mal lam a Myanmar sung leh Yangon tanpha kialou a, Taiwan tan bang ale Paite ahihkeh Zomi kichite kimuh khom leh thu kikup khom namun ahi.
Huaijiakin, James hon thugelh kasim in hoih kana sa pah mawk hi. Hichibang mun gamla pipi a omten, Lamka adia poimoh asak uhleh, a muh leh ngaihdan te uh sim nuam kasa in - Lamka khua ngaina leh iit i tam daan hon thei sak thak hi. Kenle bangchin ngaihdan kum thei tei di kahiam chih ki ngaihtuah kom in, ka lungsim a hong kilang masa pen - meivaak thu leh a ginnat louh luat daan, tu kum bul a va thuak kha ek kahih manin - ka kum tei hi. Kum kia louin, tulel a i Minister Pu in ana simdi in OPEN LETTER bang ka gelh zawzen hi.
Ka thu kup leh OPEN LETTER kachih i Minister pu in a sim hia/lou chih thei kei mahleng, SSPPnet member hi leh simtu tamtak te pan, hoih a sak daan te bang uh leh gelhdia kilawmlua hi a, a theih daante uh kup na bang hong om hi. A ziing zan a, ka e-mail ka et laiin, Pink (America a lasa siam numei) in sawtlou lai a, President George Bush leh a policy sawisel na daan a a lasak 'Dear Mr. President' chih MTV pan hong kisa ging kaza hi. A thu ka ngaihkhiak chet chet leh - 'EH!..koi hia', chi in, kenle, a 'copy' hichiah lou lah huaidan deuh sim in 'Dear Mr. Minister' in kathu kup ka belhsah hi.
James in SSPPnet a a gelhna ah: "Lamka a Govt. school omna zenpi a, huaite puah phat leh sukdik tumlou a, a neizou ten ita/naute Private School a kaisak in, a nei zoulou Govt. School, fee omlou a kaaite bang niamsiah. I gam a hichituk a zawnna a omlai a, tagah/meithai taate laisin/zir theihna di mun om sun Govt. School te a hoih zawk nadia, a khomi ngei leh i heututen panla lou uh hiam? Lamka sung ngei a, beh leh namteng a pawlpi hiaizah omten hiai thu leh tampi te haksatna theihpih lou ihi hiam" chihte khong hi.
Lamka khua meivaak dinmun ua - James in hichin sunzawm hi:" Meivaak man lah a kim -100%- a ki pe gige, lah i meivaak muh uh lah 20% - 100 a 20 le hilou. Hichi bang a sorkar kiang athon a sum i piak gige uh thil dik hiding hiam? A mawhpawtu te hek leh sel theihna di mun i gam, mipiite deihtelna - Democracy - ah, i muh leh tandi te, i muh a i tan keh, Court bang a heek theih hilou ahiam?" chihte bang hi in. A daan thei, heutu, makaai leh pawlpi te kialou - Lamka mi nautaang te theihdia poimoh asak luat te ahi.
Himahleh, James in hiathu te - veei lua zaw hikha dingin, 'LAMKA MIPIITE HAILUM DEK' chih thupi dia hon zang hial ahi chih bang le ka theih nawnlouh kar in, September 13 in SSPPnet apan thukup te kasim leh, Lamka a kipan mi khenkhat chu hai taktak ki omkha hinna ahidi maw chih nachiang kanei hi. Khenkhat ten, James in Lamka te musit leh haisa nahi chi in leh, Lamka a vei luat ziaka a kupte, theidah mawk uh. A thugelh le sim mang lou ahidi uam, a thupi zat pan James dem mawkin, USA/Europe leh India sung ngei Vaigam a omte ngaihdan hi thupi a sak louh dan khong uh gelh toihtoih uh hi.
Siam-lou a, Sin-tumlou Pawl te ahih khak ding uh ka lau peetmah hi.
Huchi a, Lamka a kipan ahihkeh, James in a vei luatziak a, HAILUM a chih khak a ana kingai pil kisa taktak leh, ngaihdan tamtak SSPPnet a ahong luut zungzung leh, kei le Lamka a kipan hisam veng chi in, tarik 15, September in thu ka kum tei hi :-
(SSPPnet a ka thu gelh teikhiak(excerpts) leh Kupbeh):
"Tu a, James thugelh ngaithei/lou pawl khenkhat bang ina omkha uh abanga a. Kei sim daan inchu - James in Lamka a hon muhsit jiaka a a gelh hilouin - Lamka a eite 'khanglou' le achihna hi in kathei a. Hon musiit leh hai ahon chihna hilou in, a vei luat - a gen/gelh didaan a theihlouh jiak hikha ding in ka um hi. Kuahiam in ana muh/leh daan banga, heutu ahih uut jiak ahihkeileh - Sapgam a a omjiak a kipil leh theisak le hilou in - Sapgam a a omjiak a heutu/makaai ahihkeh 'politician' ahih uut jiak le hituanlou hi. Heutu te sawisel na le hilou in, heutu hih uutna a neih inle ka ging kei. I gam din mun uh leh a muh daan ahon kup hi zaw hi'n kathei hi.
Mr........ in nahon kup hi kana sim a. Khovel pumpii enle chin, ei din mun kialou, ei dinmun saang a hoihzaw/sezaw tham gamte - a gam uapan taikhia ahih keh, mun dang a khosa te thugelh/pilna/veiina leh thukup a poimoh daan leh a gam ua miite adia -theihna a piak/thawhdan te uh nathei din ka ging. History ahihkeh hunlui lua a luut louin, a mi nautaang theih theih di pen in, a naaipen ah- Naga te. Ken, India pua a Naga omten a 'issue' adia a sepdan uh kana theikha zek hi. Ka gen tam khol kei di, NSCN a makai te leh a sangaam te nasep bang kialou, kithuahpih khak kana nei hi...
Huaimah bangin, tulel a ZRO kichi te bang le Geneva khong bangah va tangkou pih mahle uh - lawhsam uh hi. Indonesia a Aztec gam a omte 'autonomous' nadi thu a a 'policy' leh buaina leh remna thu saite hi - Indonesia a omte hilou un - sapgam - Europe a om nachih te hih uh ahi. Huchi mah bang in Sri Lanka a LTTE adia 'think-tank' te, Jaffna a tu lou un, Australia leh UK khong a tu uh ahi. Burma(Yangon) a 'military' deih louten ten pan lanasa ua, la lel lel uh. Karen te bangin 'lobbying' hih nasa ta mahmah uh hi. A gam uh pawlam panin,
Punjab a 'Khalistan' te haat lai in - Bhindranwale in bangtan hiam a makai hihna nei bangmah leh - India pawlam a Sikh omte panpih jiaka a - Khalistan taangkoupih thei ahi. Khovel mun taampi a thiltung te gen ngailou a, kei sang mah banga a natheih zawk uh kahon ging...
...Bangteng hileh, tu in eite, a tung a kahon gelh te bang a nget leh ngiim ahihkeh sual taktak nei hilou ihi. Etsaknadi lel hizaw.
I gam leh i tenna mun te uah, bangchin kivaihawm daan hoihzaw a hong om thei in, i mii, i saa ten i muhdi leh tandi kialou - huaite pan bangchin i 'sorkar' pan i tan leh muhdi te i mu in i tang theidi uh hiam chihna hizaw hi'n kathei hi. Lawmte...na theih di ua kahon deihsak peetmah chu, a mun leh gam, a buuk sung a omte theih leh mun neuh chik sung a ngaihtuahna piangkhia te saang a - a gaal apan hon na en khe chetchet thei, lungluut leh veite theih leh muhna hi zau zaw khasek kialou in - a lemlaak lianzaw mu sek uh ahi.
Huaijiakin, hiai SSPPNET a thu/thil kisuah te hi, kipiak zawhna, i nam, i mi leh saate veina jiaka a hong kikum leh kisuah ahi chih i theih ua - mihingte i mel a kibat louh bang un, i pau daan, i kihou daan leh i laigelh daan te le kibang sek lou ahi chih i theih uh ngai ahi. A gelh siam pawl a omkha ding. Kei bang a ngaihdan teng mawk gelh pawl bang, ahihkeh, vei mahmah, pil mahmah, lah kum leh gelh theilou ahihkeh uutlou, le tampi ki om ahi chih i theih uh poimoh ahi.
A 'topic/subject' a luut leh mimal ngaihdan te dem lou in. A 'issue' a luut in,hiai thu kikup nate pan, panlak leh nasep tangtak leh - lawhchin na thut muhtheih mai a omlouh zawng - i kikup hehu/thithe te jiak ua, theihna khat, midang te muhdan apan hiam, ahihkeh a thu omdaan chiangzaw deuh a i na muh/theih theih na bang a hihthei leh; a kua kua adia khantouhna hi ding ahi chih i theih uh uut huai in leh- ka lamen peetmah hi.."
Himahleh, hiai a tung a ka thu kupte - SSPPnet ten suah lou un; a ziak le theihsak kahi samkei.
God save Lamka!
www.zogam.com
No comments:
Post a Comment