YMA Manipur Silver Jubilee lawm
Lamka Sept 19: Young Mizo Association Manipur Group in YMA Manipur phuhkhiat ahihnung kum 25 chinna/Silver Jubilee, YMA Hall, Hmuia Veng ah tuni’n lawm uhi.
Hiai Jubilee lopna hunzat ah Mr. Vanlalzawma, M.P. (Lok Shabha) in Chief Guest hihna toh uap a, Mr. J.H. Zoremthanga, President, CYMA in Jubilee Pa hihna toh uap a President, ZYA., President, HYA., leh President, KKL. te’n Guest of Honours hihna toh uap uhi. Chief Guest Mr.Vanlalzawma, M.P. (Lok Shabha) in Jubilee Building honna aneih banah YMA Manipur a makai masate pahtawina thilpiak piakkhiatna nei hi.
Chief Guest in a thugenna hun ahYMA pen Phatuamngai pawlpi mai hilou in society kingakna ahihdan leh social institution hoihtak ahihdan gen hi.
==========================
HAC Chairman makaih in MLA 11 in Lamka pha
Lamka Sept 19: Manipur Hill Areas Committee a Chairman Pu Thangminlien Kipgen makaih in HAC Member MLA 11 in tuni zing dak 10:30 vel in Lamka hongpha ua Tuibuang a ADC building kibawllel etkhiatna nei ua huaizoh in IB Road a Synod Hall ah District Council nuai a semtu khenkhatte toh kimu uhi.
Tuni a MLa honghohte bel HAC Chairman Thangminlien Kipgen, Vice- Chairman Mr. Khangthuanang Pamei, Mr. V. Hangkhanlian, Mr.T. Manga Vaiphei, Mr. Ngursanglur, Mr. Wungnaoshang Keishing, Dr. Khasim Ruivah, Mr. W. Marung Makunga, Mr. Haokholet Kipgen, Mr. Doukhomang leh Mr. Awangou Newmai te hi uhi.
HAC member-te’n Manipur a singtanggam puahphat leh kepbitna ding a panla a singtang district tuamtuamte amun mahmah a vapha mipite haksatna enkhia hi uhi. Amau zanlam zek in Chandel District vapha ua zinghal chiang in Ukhrul District vapha nawn ding uhi.
HAC Vice-Chairman in a thugenna hun ah singtang gam District Council huamsung/jurisdiction a khua bangzah gram panchayat leh Zilla Parishad nuai a om hiam chih zonkhiat hiding hidi’n gen hi. Singtang gam a Autonomous District Council bangchi puahphat ding hiam chih buaipihlel uh ahihdan gen in District teng in amau district sung a council school omzah, Teaching staff omzah, sanctioned post omzah leh Plan leh Non-Plan a fund amuhzah uh tel in data tuamtuam kimtak a pekhawm ding in ngen uhi. Maban ah District Council election neih pah hiding ahihdan gen in Phaijang a Primary teacher-te’n pension amuhtheih uhleh bangding a District Council a teacher-te’n pension mulou ding hiam chih dotna dongkawm in singtanggam a haksatna tuamtuamte hihvaivenna ding a pangkhawm ding in ngen hi.
Dr. Khasim Ruivah in a thugenna hun ah singtangmite laisiam tampi omta ahihdan gen in pilna siamna i neihte ei honsuakta sak ding thutak zonkhiatna dia zat ding ahihdan gen in Constitution in kong tamtak ah hon khiang/protect himahleh huaite zatdan i theihkeileh vokpi mai a suangmantam koih toh kibanglel ding ahihdan gen in MLA te mipite zat ding a om uh ahihdan gen in mipite kipumkhat ding amau (MLA) te zang leh kithuahpih ding in ngetna nei hi. Israelte a saltanna ua pan apaikhiatna ding ua amaute pitu Mosi in Herod bangzahvei hiamtak amaituah ngai banga singtanggamte puahphatna ding a bangkim maituah ngap ngai ahihdan gen hi. Mr.V. Hangkhanlian,MLA in athugenna hunah mipite’n ahaksatnate uh mipi palaite kiang tun ding in theisak a huaidungjui a mipi palaite’n mipi taksap banga nnasem ding uh ahihdan gen in District council hihhatna ding a mipi palaite malakna kithuahpih ding in ngen hi. Mr. Ngursanglur, MLA in a thugenna hun ah District council tungtawn a singtangmite panpih ut ahihdan gen in HAC te Government hilou a MLA maimai ahihziak ua Government tungtawn a mipite panpih khatheilou ahihziak ua District council tungtawn a mipi panpih ut ahihdan leh mipite haksatna theilou a panpih chih omtheilou ahihdan gen in khangthakte maban ding khualna a District council puahphat kul ahihdan gen hi. Central Government in mautam kialpi hongtung ding theikhawl in kialdouna ding in sumtamtak sanction bawlmahleh a zangtu ding takte’n tangphalou uh ahihdan gen in khua khat ngialhouh Government in Rs.16 Lakhs sanction mahleh khomipi’n Rs. 50, 000/- kia tangpha uh ahihdan gen hi. Tuni a kikhopna ah CEO/CCpur damlouhna ziak in teltheilou a Addl. Dy. Commissioner/Ccpur leng a naupa sih ziakin tellou hi.
=====================================
Gospel Camp neilel
Lamka Sept 19: Lamka Rehabilitation & Research Centre (LRRC) saina in Bungmual a Lam-etna mun ah apaisa September 7, 2007 apan in honghtung ding September 30, 2007 tan daih ding Free Detox & Gospel Camp nei lel uhi.
Hiai camp ah damdawi khamtheih zongsang leh zungolvei banah guihtheih zongsat ziak a inn-le-lou bel theilou a vakvai bangzah hiam tel in mi 20 vel tel uhi. Hiai camp ah ‘Mihai sih a si ding na hia ?’ (2 Sam 3:33) chih thupi a zang in Rev. M. Gousuan, DS South Lamka EBC, Rev. L. Ramlian, Spiritual Co-ordinator, LRRC, Pastor Jamkhanpau leh Evan. Timothy Tuolor te’n thugenna lel uhi.
==================================
SDPO/CCpur kikheng
Lamka Sep 19: Manipur Home Department in apaisa August 17, 2007 a order a suah dungzui in Lamka a Sub Divisional Police Officer (SDPO) tuni’n kikheng hi. SDPO/CCpur hihna lenlel Mr. W.Orjit Singh, MPS pen CID/Crime Branch a sem ding in suan in om a Mr.K. Kabib, IPS pen SDPO/CCpur ding in tuni’n hongpai in join ngal hi.
=======================================
Rice mill ah kihihliam kha
Lamka Sep 19: Mrs. Lalzami (28) W/o. Lalhmangaiha of Kangvai tuzing dak 7:00 vel in a a buhhekna Rice mill ua sik kipei in a puanten peikhawmkha in amah kipuk a a veilam mittung liam in Lamka Damdawi inn ah etkol in omlel hi.
===========================================
Smile Concert om ding
Lamka Sep 19: Pakai a Phai Worship Team kichi lasa pawlpite’n hong tung ding Sept. 25, 2007 nitak dak 5 in District Transport Office Campus, Bijang ah Sound System project a nei in “Smile Concert of Peace” kichi Concert thupitak nei ding uhi.
=========================================
Manipur Bandh beita
Lamka Sep 19: Kuki Students Organization, GHQ leh ANSAM daltu tamtak om mahleh Langol a NIT koih a sawm teitei ziak uh leh Singtang bial mun khenkhat a Panchayat election neih a sawm uh dalna a tuni a bandh a bawl uh ZSF leh KSO/CCpur in kithuahpihna a piak uh tuni’n beita hi.
Thutut kingah dan in, hiai bandh toh kisai in Churachandpur district sung ah thil tung gen ding bangmah omlou a, kholak ah gari tai muh ding om mahleh Govt. office leh Institution teng banaha, Lamka khopi sung a dawr teng kikhak vek hi.
====================================
PCI in Revival Crusade nei ding
Lamka Sep 19: Presbyterian Church of India, Revical Centenary Committee saina in hong tung ding Sept. 21, 2007 apan in Revival Crusade nei ding ua, Sept. 23, 2007 in zou ding uhi.
Hiai hun sung in Billy Graham Evangelistic Associates apan Rev. Dr. Robert Cunville leh Rev. Dr. J.T. Jyrwa ten Tanchinhoih gen ding uhi.
========================================
PMRY back-log ten nget theih
Lamka Sept 19: District Level Task Force Committee (PMRY) in thusuah a bawlna uah DIC/CCpur centre pansan a 1998-99 kikal a PMRY ngah ding a telkhiak himahleh tunitan ngah nailoute’n ngah ding a telkhiak ahihna uh chetna ding document tawi in Member Secretary, District Level Task Force Committee (PMRY) kiang ah ngetna piaklut theih ding hi.
======================================
Lamka South Div. EBC Mission khawmpi
Lamka, Sept-19: Evangelical Baptist Convention, Lamka South Division saina in hong tung ding Sept. 21-23, 2007 sung Hebron Church EBCC Biakinn ah “Gal khat lam I kai ding uh” Mission khawmpi om ding hi.
Hiai hun ah Rev. Dr. Luaichinthang, Director of Ministries, EBC leh Rev. M. Gousuan, Divisional Supdt., EBC/Lamka South Div. ten tanchinhoih gen ding ua, Rev. Dr. S. Langzakham, Pricipal GBC in Seminar ah sinsak ding ai, ECT Trio ten Pathian phatna la awi ding uhi.
=================================
Lamka North BCD khawmpi
Lamka, Sept-19: Evangelical Baptist Convention, Lamka North Division, Baptist Children Department saina in hong tung ding Sept. 29-30, 2007 sung Bungmual EBCC Biakinn ah khawmpi nei ding uhi.
Hiai hun ah Rev. Khamkholun, Executive Secretary, EBC in tanchinhoih gen ding a, phatna lapawl leh laisiangthou thu a kitaitehna thupitak leng nei ding uhi.
==========================================
Panchayat election ah mun tamtak ah buaina om;
Mun tamtak a re-poll om dia gintak ahi
IMPHAL SEPT 19: Manipur phaijang bial, Imphal East, Imphal West, Thoubal
leh Bishnupur district sunga Zilla Parisad, Pradhan leh member ding teelna, Panchayat election tuni zinglam dak 8 apat nitaklam dak 4 tan neih in om a, mun tamtak a buaina piang hi’n thutut kingah hi.Tuni zinglam vote khiak kipat nung sawt kihal lou in, Sadar Hills area sunga Charhazar Junior High school kichihna polling station mun ah, vote bangzah hiam khiat ahihnung in, numei tamtak vahoh in, ballot box leh paper te laksak in haltum uhi. Hiai mun a mipi tamtakte hawlzakna dingin, security ten blank fire tanpha kap ua, himahleh hiai polling station ah vote khiak hinawn lou dan in thutut kingah hi. Theihtuak bel, Sadar hills district demand committee in, September 17 zankim apat tuzan kim tan daih ding Sadar Hills sunga bandh apuan ban uah, Panchayat election neih hitheilou ding chih thupuan a bawl sa uh hi a, hiai toh kisai mah in zanhal nitak in leng Charhazar a Pradhan candidate Dedarnath kichi Saw mill leh Maruti van leng halsak in omta hi.
Tuni sunnung in leng hiai mipa inn halsawm om mahleh lohsam uh hidan in thutut kingah hi. Huailou in Wangoi PS huamsung Ishok maning leikai Govt. aided LP school ah leng zinglam in candidate nih te worker kal a kitheih siamlouhna piangin kisual zak uhi. Imphal East district sunga polling station 490 vel om lak ah buaina om mahleh thupilua bel omlou hi’n thutut kingah hi. Uchekon mun a polling station khat ah leng, a nunglam apat mithum valut in vote khiakna vasubuai ua, ballot paper bangzah hiam alak khiak nungun, amau deih candidate adingin vote bangzah hiam vakhia uhi. Hiai mun a Presiding Officer gendan in amau vote khiakte invalid hidinga chiamteh ahihdan gen hi. Naorem leikai a polling station khat mah ah, pawl khat in vote list valaksak uh chih ahi.Andro mun ah booth capture sawm pawl om ziak in kisualna thupitak piangin Maruti Car khat leng hihsiat in om hi.
================================================
Pasal khat electric post in manlum
IMPHAL SEPT 19: Tuni zingkal in Lamphel PS huamsung Cheirao ching mun ah pasal khat electric in manlum hi. Hiai toh kisai a thutut kingah dan in, Tente Siksel Koireng(55) leh azi of Sadu Koireng village, tulel a Lamphel Sana Keithel a om tuni zingkal baihtak a a zi toh walking pai hi uhi.
Thutut kingah dan in, walking a paina uh Cheirao ching tang apat kum kiklam kikhen kha ua, a pasal inn a tun hakluat tak a ava zonna uah electric post gei a sisa a vamu khia uh hi’n thutut kingah hi.
Hiai mun a electric post bel high tension gui kizan hi a, tua a insulator kisiat ziaka current paitheih ziak a man lum kha ahihdan theikhia uhi. Misi inkuanpihte’n bel, govt. in zangna dopna pe ding in ngen uhi. Hiai mun a electric post ziak in, hun paisa inleng bawng khat sita a, numei khat leng mankha ngeita hi’n thutut kingah hi.
=========================================
Bandh in hindan ngeina subuai
IMPHAL SEPT 19: Langol tangbul a Manipur govt. in National Institute of Technology (NIT) bawl khiak a sawm deihlouhna leh, tuni a Panchayat election in Sadar Hills area sunga mun bangzah hiam ahuam khak lungkimlouh ziakin, tuni zinglam dak 5 apat nitaklam dak 6 tan KSO GHQ in bandh puang uhi.
Hiai ziakin Imphal khopi sung hindan ngeina nawngkai mahah a, District kawmtuah passenger gari te atai muh ding omlou a, Imphal bazar ah leng dawr bukte a tamzaw kikhak hi.
Hichibang kal ah, Bandh gumpawl hidia gintakte’n Langol lampi a mun bangzah hiam ah gari tyre hal in lampi khak ua, IRB leh MR ten mi 11 man in, Lamphel PS tun mahle uh, numei pawl tamtak tuamun a vahoh in va lakhia uhi.
======================================
Jeep khat hal in om
IMPHAL SEPT 19: Tuni zinglam dak 9.30 vel dingin, Kanglatongbi lak ah bandh bawl pawl hidia gintakten, Imphal lam a kipan Jeep MN 1K/5978 khat hal uhi. NH 39 tawn a gari paite leng army te atanpha paisuak sak hilou dan in leng kigen hi.
======================================
T.N. Haokip in thugenna vanei
IMPHAL SEPT 19: New Delhi Vigyan Bhawan a om 26th Conference of The Ministers of Information & Cinematography State Govt. and UT Administrations hun ah, Manipur a IPR Minister T.N.Haokip in leng tuni’n thugenna vanei hi. Aman Manipur a broadcasting sector, Film sector leh Information sector toh kisai a state dinmun leh maban a govt. in pan alak dia poimoh a sakte taklang hi.
====================================
Manipur ah Seri project bawlhoih kul
IMPHAL SEPT 19: Sericulture department saina nuai a Kangla mun a Exhibition cum Cocoon mela zan nitak in zoh in omta hi.
Hiai hunkhakna a khuallian Chief Minister O. Ibobi Singh in agenna ah, Manipur a Sericulture leh Industry hoihtak a puah in state sum dinmun domkang ding ahihdan gen hi. Sericulture industry hoihtak a bawl theih ding chih Central govt. nuai a Ministry of Textiles, Central Silk board leh Japan govt. in thei mahmah hidan in leng CM in taklang hi. Technology hoih taktak zanga tulel a kingah silk product kumkhat sunga tuasanga seh guk tan a punsak hithei ding leh, kum thum paisa sunga raw silk product leng metric ton 300 vel pha ahihdan gen hi. Hichibang teng ahihman in Sericulture project phase masa 2008 tan a zoh ding kichi kuapeuh in kithuah pihna peding inleng CM in ngen hi.
===========================================
NEWMAI NEWS:
===================================
ZORO in Zosuante chialna bawl
Aizawl, Sept 19(NNN): Zo Reunification Organization in zingchiang Sept. 20 in Co-operation Hall, Aizawl ah United Nations in Declaration of Rights of Indigenous People a neih uh lopna neih sawm uh hidan in thutut in kingah hi.
ZORO in thusuah a bawlna ah UNO General Assembly in Sept. 13 in Rights of Indigenous People chih Dan ana bawlkhia uh a, huai nuai ah Article 46 te’n indigenous people chi a chiamteh a omte humbit nang a bawlkhiak a om ahihdan taklang hi.
ZORO thusuak in a genbelzelna ah, nuaisiah a om Namte a ding a kum 20 val pan analata uh ahihdan taklang kawm in UN General Assembly in nuaisiah leh nelhsiah a om Namte humbit nang a hiai bang Dan ahon bawlkhiak uh kipahna etsakna ding a hiai bang function sai dek uh ahihdan leng taklang hi.
Hiai function zatna hun ah ZORO in NGO leh political party teng a President teng leh Media-te banah Mizo mipi tengteng tel ding in chialna leng bawl ngal uh a, hiai hun a Mizo mipi min a resolution leng pass a e-mail tungtawn a UNO a khak sawm uh ahihdan leng thusuah in taklang hi.
===========================================
Manipur Naga pawlpite’n Nagaland Govt. thupukna kipahpih
Senapati, Sept 19 (NNN): United Naga Council (UNC), Naga Women Union, Manipur (NWUM), Naga People Movement for Human Rights (NPMHR) leh All Naga Students Association, Manipur (ANSAM) te’n Nagaland Assembly in School Board thu a buaina toh kisai a Dan (legislation) a bawl uh kipahpih mahmah kawm in “khangthu a Nagaland Govt. nnasep chiamteh tham” ahi chi uhi.
Nagate a dia pawlpi lian teng kigawm khawm in Nagaland State Cabinet in open door policy adopt a Nagaland Board of School Education (NBSE) nuai a a ut peuhmah, muntuam apat hileleng affiliation bawl thei ding chi a 10th Nagaland Legislative Assembly, Sept. 18, 2007 a thu pass uh Nagate khangthu a chiamteh in a om ngei ding chi kawm in hiai Universal Education policy pen National Education Policy toh kituak ahihman in Govt. of India in leng Nagaland state pakta mahmah ding ahihdan taklang uhi.
Manipur a dia Nagate pawlpi lian teng UNC,NWUM,NPMHR leh ANSAM in thusuah a bawl khawmna uah hichibang Dan bawlkhiak ahihtheihna dia panlate, Mr. Neiphui Rio, Hon'ble Chief Minister, Nagaland, CM’ Council of Ministers, Mr. I. Imkong, opposition leader leh party teng a MLA-te tung ah kipahthu gen uhi. Huai teng banah, Naga Hoho, Naga Student Federation (NSF), Naga Mother’s Association (NMA), NPMHR, leh Naga mipite tung ah leng kipahthu gen uhi.
Kipahthu a gen kawm un, Naga pawlpi te’n ethnic minority in syllabus hoihzaw leh a kituahpih zawk uh a zon pen uh nelhsiah a omte’n siamsianna hoihzaw a deihna ziak uh ahihman in kuapeuhmah kiang ah school affiliation thu toh kisai himhim politicize lou ding in UNC,NWUM,NPMHR leh ANSAM in ngetna bawl uhi.
=================================
Mizoram session kipan: Bangpi genlou uh
Aizawl, Aug 19(NNN): Mizoram Assembly Session pat in om a, huaiah Shri Chandra Shekhar Prime Minister lui leh Shri L. Piandenga, MLA lui sunna hun zang ua, bangpi genlou in Innpi khak in om maimah hi. R. Lalchhuana, General Secretary Zoram Nationalist Front in agenna ah, bangziak a Speaker in Innpi a khak pah hiam? chih dotna bawlkawm in, Mizo National Front in a zahlak ding uh alauh ziak ua, house ah hunsawt zang ngamlou uh ahi chi hi.
www.zogam.com
Lamka Sept 19: Young Mizo Association Manipur Group in YMA Manipur phuhkhiat ahihnung kum 25 chinna/Silver Jubilee, YMA Hall, Hmuia Veng ah tuni’n lawm uhi.
Hiai Jubilee lopna hunzat ah Mr. Vanlalzawma, M.P. (Lok Shabha) in Chief Guest hihna toh uap a, Mr. J.H. Zoremthanga, President, CYMA in Jubilee Pa hihna toh uap a President, ZYA., President, HYA., leh President, KKL. te’n Guest of Honours hihna toh uap uhi. Chief Guest Mr.Vanlalzawma, M.P. (Lok Shabha) in Jubilee Building honna aneih banah YMA Manipur a makai masate pahtawina thilpiak piakkhiatna nei hi.
Chief Guest in a thugenna hun ahYMA pen Phatuamngai pawlpi mai hilou in society kingakna ahihdan leh social institution hoihtak ahihdan gen hi.
==========================
HAC Chairman makaih in MLA 11 in Lamka pha
Lamka Sept 19: Manipur Hill Areas Committee a Chairman Pu Thangminlien Kipgen makaih in HAC Member MLA 11 in tuni zing dak 10:30 vel in Lamka hongpha ua Tuibuang a ADC building kibawllel etkhiatna nei ua huaizoh in IB Road a Synod Hall ah District Council nuai a semtu khenkhatte toh kimu uhi.
Tuni a MLa honghohte bel HAC Chairman Thangminlien Kipgen, Vice- Chairman Mr. Khangthuanang Pamei, Mr. V. Hangkhanlian, Mr.T. Manga Vaiphei, Mr. Ngursanglur, Mr. Wungnaoshang Keishing, Dr. Khasim Ruivah, Mr. W. Marung Makunga, Mr. Haokholet Kipgen, Mr. Doukhomang leh Mr. Awangou Newmai te hi uhi.
HAC member-te’n Manipur a singtanggam puahphat leh kepbitna ding a panla a singtang district tuamtuamte amun mahmah a vapha mipite haksatna enkhia hi uhi. Amau zanlam zek in Chandel District vapha ua zinghal chiang in Ukhrul District vapha nawn ding uhi.
HAC Vice-Chairman in a thugenna hun ah singtang gam District Council huamsung/jurisdiction a khua bangzah gram panchayat leh Zilla Parishad nuai a om hiam chih zonkhiat hiding hidi’n gen hi. Singtang gam a Autonomous District Council bangchi puahphat ding hiam chih buaipihlel uh ahihdan gen in District teng in amau district sung a council school omzah, Teaching staff omzah, sanctioned post omzah leh Plan leh Non-Plan a fund amuhzah uh tel in data tuamtuam kimtak a pekhawm ding in ngen uhi. Maban ah District Council election neih pah hiding ahihdan gen in Phaijang a Primary teacher-te’n pension amuhtheih uhleh bangding a District Council a teacher-te’n pension mulou ding hiam chih dotna dongkawm in singtanggam a haksatna tuamtuamte hihvaivenna ding a pangkhawm ding in ngen hi.
Dr. Khasim Ruivah in a thugenna hun ah singtangmite laisiam tampi omta ahihdan gen in pilna siamna i neihte ei honsuakta sak ding thutak zonkhiatna dia zat ding ahihdan gen in Constitution in kong tamtak ah hon khiang/protect himahleh huaite zatdan i theihkeileh vokpi mai a suangmantam koih toh kibanglel ding ahihdan gen in MLA te mipite zat ding a om uh ahihdan gen in mipite kipumkhat ding amau (MLA) te zang leh kithuahpih ding in ngetna nei hi. Israelte a saltanna ua pan apaikhiatna ding ua amaute pitu Mosi in Herod bangzahvei hiamtak amaituah ngai banga singtanggamte puahphatna ding a bangkim maituah ngap ngai ahihdan gen hi. Mr.V. Hangkhanlian,MLA in athugenna hunah mipite’n ahaksatnate uh mipi palaite kiang tun ding in theisak a huaidungjui a mipi palaite’n mipi taksap banga nnasem ding uh ahihdan gen in District council hihhatna ding a mipi palaite malakna kithuahpih ding in ngen hi. Mr. Ngursanglur, MLA in a thugenna hun ah District council tungtawn a singtangmite panpih ut ahihdan gen in HAC te Government hilou a MLA maimai ahihziak ua Government tungtawn a mipite panpih khatheilou ahihziak ua District council tungtawn a mipi panpih ut ahihdan leh mipite haksatna theilou a panpih chih omtheilou ahihdan gen in khangthakte maban ding khualna a District council puahphat kul ahihdan gen hi. Central Government in mautam kialpi hongtung ding theikhawl in kialdouna ding in sumtamtak sanction bawlmahleh a zangtu ding takte’n tangphalou uh ahihdan gen in khua khat ngialhouh Government in Rs.16 Lakhs sanction mahleh khomipi’n Rs. 50, 000/- kia tangpha uh ahihdan gen hi. Tuni a kikhopna ah CEO/CCpur damlouhna ziak in teltheilou a Addl. Dy. Commissioner/Ccpur leng a naupa sih ziakin tellou hi.
=====================================
Gospel Camp neilel
Lamka Sept 19: Lamka Rehabilitation & Research Centre (LRRC) saina in Bungmual a Lam-etna mun ah apaisa September 7, 2007 apan in honghtung ding September 30, 2007 tan daih ding Free Detox & Gospel Camp nei lel uhi.
Hiai camp ah damdawi khamtheih zongsang leh zungolvei banah guihtheih zongsat ziak a inn-le-lou bel theilou a vakvai bangzah hiam tel in mi 20 vel tel uhi. Hiai camp ah ‘Mihai sih a si ding na hia ?’ (2 Sam 3:33) chih thupi a zang in Rev. M. Gousuan, DS South Lamka EBC, Rev. L. Ramlian, Spiritual Co-ordinator, LRRC, Pastor Jamkhanpau leh Evan. Timothy Tuolor te’n thugenna lel uhi.
==================================
SDPO/CCpur kikheng
Lamka Sep 19: Manipur Home Department in apaisa August 17, 2007 a order a suah dungzui in Lamka a Sub Divisional Police Officer (SDPO) tuni’n kikheng hi. SDPO/CCpur hihna lenlel Mr. W.Orjit Singh, MPS pen CID/Crime Branch a sem ding in suan in om a Mr.K. Kabib, IPS pen SDPO/CCpur ding in tuni’n hongpai in join ngal hi.
=======================================
Rice mill ah kihihliam kha
Lamka Sep 19: Mrs. Lalzami (28) W/o. Lalhmangaiha of Kangvai tuzing dak 7:00 vel in a a buhhekna Rice mill ua sik kipei in a puanten peikhawmkha in amah kipuk a a veilam mittung liam in Lamka Damdawi inn ah etkol in omlel hi.
===========================================
Smile Concert om ding
Lamka Sep 19: Pakai a Phai Worship Team kichi lasa pawlpite’n hong tung ding Sept. 25, 2007 nitak dak 5 in District Transport Office Campus, Bijang ah Sound System project a nei in “Smile Concert of Peace” kichi Concert thupitak nei ding uhi.
=========================================
Manipur Bandh beita
Lamka Sep 19: Kuki Students Organization, GHQ leh ANSAM daltu tamtak om mahleh Langol a NIT koih a sawm teitei ziak uh leh Singtang bial mun khenkhat a Panchayat election neih a sawm uh dalna a tuni a bandh a bawl uh ZSF leh KSO/CCpur in kithuahpihna a piak uh tuni’n beita hi.
Thutut kingah dan in, hiai bandh toh kisai in Churachandpur district sung ah thil tung gen ding bangmah omlou a, kholak ah gari tai muh ding om mahleh Govt. office leh Institution teng banaha, Lamka khopi sung a dawr teng kikhak vek hi.
====================================
PCI in Revival Crusade nei ding
Lamka Sep 19: Presbyterian Church of India, Revical Centenary Committee saina in hong tung ding Sept. 21, 2007 apan in Revival Crusade nei ding ua, Sept. 23, 2007 in zou ding uhi.
Hiai hun sung in Billy Graham Evangelistic Associates apan Rev. Dr. Robert Cunville leh Rev. Dr. J.T. Jyrwa ten Tanchinhoih gen ding uhi.
========================================
PMRY back-log ten nget theih
Lamka Sept 19: District Level Task Force Committee (PMRY) in thusuah a bawlna uah DIC/CCpur centre pansan a 1998-99 kikal a PMRY ngah ding a telkhiak himahleh tunitan ngah nailoute’n ngah ding a telkhiak ahihna uh chetna ding document tawi in Member Secretary, District Level Task Force Committee (PMRY) kiang ah ngetna piaklut theih ding hi.
======================================
Lamka South Div. EBC Mission khawmpi
Lamka, Sept-19: Evangelical Baptist Convention, Lamka South Division saina in hong tung ding Sept. 21-23, 2007 sung Hebron Church EBCC Biakinn ah “Gal khat lam I kai ding uh” Mission khawmpi om ding hi.
Hiai hun ah Rev. Dr. Luaichinthang, Director of Ministries, EBC leh Rev. M. Gousuan, Divisional Supdt., EBC/Lamka South Div. ten tanchinhoih gen ding ua, Rev. Dr. S. Langzakham, Pricipal GBC in Seminar ah sinsak ding ai, ECT Trio ten Pathian phatna la awi ding uhi.
=================================
Lamka North BCD khawmpi
Lamka, Sept-19: Evangelical Baptist Convention, Lamka North Division, Baptist Children Department saina in hong tung ding Sept. 29-30, 2007 sung Bungmual EBCC Biakinn ah khawmpi nei ding uhi.
Hiai hun ah Rev. Khamkholun, Executive Secretary, EBC in tanchinhoih gen ding a, phatna lapawl leh laisiangthou thu a kitaitehna thupitak leng nei ding uhi.
==========================================
Panchayat election ah mun tamtak ah buaina om;
Mun tamtak a re-poll om dia gintak ahi
IMPHAL SEPT 19: Manipur phaijang bial, Imphal East, Imphal West, Thoubal
leh Bishnupur district sunga Zilla Parisad, Pradhan leh member ding teelna, Panchayat election tuni zinglam dak 8 apat nitaklam dak 4 tan neih in om a, mun tamtak a buaina piang hi’n thutut kingah hi.Tuni zinglam vote khiak kipat nung sawt kihal lou in, Sadar Hills area sunga Charhazar Junior High school kichihna polling station mun ah, vote bangzah hiam khiat ahihnung in, numei tamtak vahoh in, ballot box leh paper te laksak in haltum uhi. Hiai mun a mipi tamtakte hawlzakna dingin, security ten blank fire tanpha kap ua, himahleh hiai polling station ah vote khiak hinawn lou dan in thutut kingah hi. Theihtuak bel, Sadar hills district demand committee in, September 17 zankim apat tuzan kim tan daih ding Sadar Hills sunga bandh apuan ban uah, Panchayat election neih hitheilou ding chih thupuan a bawl sa uh hi a, hiai toh kisai mah in zanhal nitak in leng Charhazar a Pradhan candidate Dedarnath kichi Saw mill leh Maruti van leng halsak in omta hi.
Tuni sunnung in leng hiai mipa inn halsawm om mahleh lohsam uh hidan in thutut kingah hi. Huailou in Wangoi PS huamsung Ishok maning leikai Govt. aided LP school ah leng zinglam in candidate nih te worker kal a kitheih siamlouhna piangin kisual zak uhi. Imphal East district sunga polling station 490 vel om lak ah buaina om mahleh thupilua bel omlou hi’n thutut kingah hi. Uchekon mun a polling station khat ah leng, a nunglam apat mithum valut in vote khiakna vasubuai ua, ballot paper bangzah hiam alak khiak nungun, amau deih candidate adingin vote bangzah hiam vakhia uhi. Hiai mun a Presiding Officer gendan in amau vote khiakte invalid hidinga chiamteh ahihdan gen hi. Naorem leikai a polling station khat mah ah, pawl khat in vote list valaksak uh chih ahi.Andro mun ah booth capture sawm pawl om ziak in kisualna thupitak piangin Maruti Car khat leng hihsiat in om hi.
================================================
Pasal khat electric post in manlum
IMPHAL SEPT 19: Tuni zingkal in Lamphel PS huamsung Cheirao ching mun ah pasal khat electric in manlum hi. Hiai toh kisai a thutut kingah dan in, Tente Siksel Koireng(55) leh azi of Sadu Koireng village, tulel a Lamphel Sana Keithel a om tuni zingkal baihtak a a zi toh walking pai hi uhi.
Thutut kingah dan in, walking a paina uh Cheirao ching tang apat kum kiklam kikhen kha ua, a pasal inn a tun hakluat tak a ava zonna uah electric post gei a sisa a vamu khia uh hi’n thutut kingah hi.
Hiai mun a electric post bel high tension gui kizan hi a, tua a insulator kisiat ziaka current paitheih ziak a man lum kha ahihdan theikhia uhi. Misi inkuanpihte’n bel, govt. in zangna dopna pe ding in ngen uhi. Hiai mun a electric post ziak in, hun paisa inleng bawng khat sita a, numei khat leng mankha ngeita hi’n thutut kingah hi.
=========================================
Bandh in hindan ngeina subuai
IMPHAL SEPT 19: Langol tangbul a Manipur govt. in National Institute of Technology (NIT) bawl khiak a sawm deihlouhna leh, tuni a Panchayat election in Sadar Hills area sunga mun bangzah hiam ahuam khak lungkimlouh ziakin, tuni zinglam dak 5 apat nitaklam dak 6 tan KSO GHQ in bandh puang uhi.
Hiai ziakin Imphal khopi sung hindan ngeina nawngkai mahah a, District kawmtuah passenger gari te atai muh ding omlou a, Imphal bazar ah leng dawr bukte a tamzaw kikhak hi.
Hichibang kal ah, Bandh gumpawl hidia gintakte’n Langol lampi a mun bangzah hiam ah gari tyre hal in lampi khak ua, IRB leh MR ten mi 11 man in, Lamphel PS tun mahle uh, numei pawl tamtak tuamun a vahoh in va lakhia uhi.
======================================
Jeep khat hal in om
IMPHAL SEPT 19: Tuni zinglam dak 9.30 vel dingin, Kanglatongbi lak ah bandh bawl pawl hidia gintakten, Imphal lam a kipan Jeep MN 1K/5978 khat hal uhi. NH 39 tawn a gari paite leng army te atanpha paisuak sak hilou dan in leng kigen hi.
======================================
T.N. Haokip in thugenna vanei
IMPHAL SEPT 19: New Delhi Vigyan Bhawan a om 26th Conference of The Ministers of Information & Cinematography State Govt. and UT Administrations hun ah, Manipur a IPR Minister T.N.Haokip in leng tuni’n thugenna vanei hi. Aman Manipur a broadcasting sector, Film sector leh Information sector toh kisai a state dinmun leh maban a govt. in pan alak dia poimoh a sakte taklang hi.
====================================
Manipur ah Seri project bawlhoih kul
IMPHAL SEPT 19: Sericulture department saina nuai a Kangla mun a Exhibition cum Cocoon mela zan nitak in zoh in omta hi.
Hiai hunkhakna a khuallian Chief Minister O. Ibobi Singh in agenna ah, Manipur a Sericulture leh Industry hoihtak a puah in state sum dinmun domkang ding ahihdan gen hi. Sericulture industry hoihtak a bawl theih ding chih Central govt. nuai a Ministry of Textiles, Central Silk board leh Japan govt. in thei mahmah hidan in leng CM in taklang hi. Technology hoih taktak zanga tulel a kingah silk product kumkhat sunga tuasanga seh guk tan a punsak hithei ding leh, kum thum paisa sunga raw silk product leng metric ton 300 vel pha ahihdan gen hi. Hichibang teng ahihman in Sericulture project phase masa 2008 tan a zoh ding kichi kuapeuh in kithuah pihna peding inleng CM in ngen hi.
===========================================
NEWMAI NEWS:
===================================
ZORO in Zosuante chialna bawl
Aizawl, Sept 19(NNN): Zo Reunification Organization in zingchiang Sept. 20 in Co-operation Hall, Aizawl ah United Nations in Declaration of Rights of Indigenous People a neih uh lopna neih sawm uh hidan in thutut in kingah hi.
ZORO in thusuah a bawlna ah UNO General Assembly in Sept. 13 in Rights of Indigenous People chih Dan ana bawlkhia uh a, huai nuai ah Article 46 te’n indigenous people chi a chiamteh a omte humbit nang a bawlkhiak a om ahihdan taklang hi.
ZORO thusuak in a genbelzelna ah, nuaisiah a om Namte a ding a kum 20 val pan analata uh ahihdan taklang kawm in UN General Assembly in nuaisiah leh nelhsiah a om Namte humbit nang a hiai bang Dan ahon bawlkhiak uh kipahna etsakna ding a hiai bang function sai dek uh ahihdan leng taklang hi.
Hiai function zatna hun ah ZORO in NGO leh political party teng a President teng leh Media-te banah Mizo mipi tengteng tel ding in chialna leng bawl ngal uh a, hiai hun a Mizo mipi min a resolution leng pass a e-mail tungtawn a UNO a khak sawm uh ahihdan leng thusuah in taklang hi.
===========================================
Manipur Naga pawlpite’n Nagaland Govt. thupukna kipahpih
Senapati, Sept 19 (NNN): United Naga Council (UNC), Naga Women Union, Manipur (NWUM), Naga People Movement for Human Rights (NPMHR) leh All Naga Students Association, Manipur (ANSAM) te’n Nagaland Assembly in School Board thu a buaina toh kisai a Dan (legislation) a bawl uh kipahpih mahmah kawm in “khangthu a Nagaland Govt. nnasep chiamteh tham” ahi chi uhi.
Nagate a dia pawlpi lian teng kigawm khawm in Nagaland State Cabinet in open door policy adopt a Nagaland Board of School Education (NBSE) nuai a a ut peuhmah, muntuam apat hileleng affiliation bawl thei ding chi a 10th Nagaland Legislative Assembly, Sept. 18, 2007 a thu pass uh Nagate khangthu a chiamteh in a om ngei ding chi kawm in hiai Universal Education policy pen National Education Policy toh kituak ahihman in Govt. of India in leng Nagaland state pakta mahmah ding ahihdan taklang uhi.
Manipur a dia Nagate pawlpi lian teng UNC,NWUM,NPMHR leh ANSAM in thusuah a bawl khawmna uah hichibang Dan bawlkhiak ahihtheihna dia panlate, Mr. Neiphui Rio, Hon'ble Chief Minister, Nagaland, CM’ Council of Ministers, Mr. I. Imkong, opposition leader leh party teng a MLA-te tung ah kipahthu gen uhi. Huai teng banah, Naga Hoho, Naga Student Federation (NSF), Naga Mother’s Association (NMA), NPMHR, leh Naga mipite tung ah leng kipahthu gen uhi.
Kipahthu a gen kawm un, Naga pawlpi te’n ethnic minority in syllabus hoihzaw leh a kituahpih zawk uh a zon pen uh nelhsiah a omte’n siamsianna hoihzaw a deihna ziak uh ahihman in kuapeuhmah kiang ah school affiliation thu toh kisai himhim politicize lou ding in UNC,NWUM,NPMHR leh ANSAM in ngetna bawl uhi.
=================================
Mizoram session kipan: Bangpi genlou uh
Aizawl, Aug 19(NNN): Mizoram Assembly Session pat in om a, huaiah Shri Chandra Shekhar Prime Minister lui leh Shri L. Piandenga, MLA lui sunna hun zang ua, bangpi genlou in Innpi khak in om maimah hi. R. Lalchhuana, General Secretary Zoram Nationalist Front in agenna ah, bangziak a Speaker in Innpi a khak pah hiam? chih dotna bawlkawm in, Mizo National Front in a zahlak ding uh alauh ziak ua, house ah hunsawt zang ngamlou uh ahi chi hi.
www.zogam.com
No comments:
Post a Comment