CDSU in state government vau
Lamka, Mar 10: Churachandpur dist. sunga, khua tamzawte 2005 apat mautaam kial ziaka nek-le-tak ding neilou a aom thu uh CCpur pansan civil society-te’n tamveitak taklangta uh phetlou in, gamsung mun tuamtuam apan leh, CCpur-mi gamdanga omte’n akhawkngaihthu uh leh panpihna piak thasial lou ahihdan uh tamveitak genkhe ua, mautaam panpihna toh kisai in States Annual budget, 2006-07 ah Rs. 9.9 ki-bikhiah mahleh, State Govt. apat bangmah panpihna a om nailouh pen lamdangsa ahihdan CDSU in Mar 10-a CM Ibobi Singh kianga laigelh apiakna ah taklang hi.
CDSU in aban agen zel na ah, Dist.Administration in kialpanpihna thuapna dia NREGS a sehkhiak lai a tutana, anntang, Imphal apat puakkhiak hinailou ahihdan gen in,gamsung koimun peuha, govt. te’n ami vangsiatnatuakte panpihna apiak zel pen thil kihih tangpi himhim ahihlai in, Manipur-a mautam pen vangsiatna tawpkhawk hi a, himahleh, State Govt. in anntang poimohzah aman niamzawa leng omsak theilou hi’n taklang hi. NREGS sum zanga govt. in anntang open market rate a azuak dek pen kial thuakte thahsawmna ahihdan leh, amaute state govt. in mivantangtunga akoihtup pen thilhitheilou ahihdan leng CDSU in taklang a, kialtuakte state govt.in anntang athawna apiak keileh, kiphinna nasatak pankhe ding ahihdan leng CDSU in a laigeilhna ah taklang hi.
Health Camp/Mela sai ding
Lamka, Mar-10: National Rural Health Mission nuai a District Health Society saina in hongtung ding March 13-16, 2008 sung Thanlon Primary Health Centre ah Health Camp/Mela neih hiding hi. Hiai camp a ding in CMO/CCpur Dr. S. Gouzalam makaih in Doctor 10 vel kuan ding uhi.
KNO in hilchetna thu suah
Lamka, Mar-10: Kuki National Organization (KNO) thusuah a bawl, tuni a press a kimu in a taklat dan in, apaita March 7 a Police Commando ten Mr. Seikholun Haokip, Promoter of KNA leh a Maruti Van driver Mr. Deven Meitei Toubal district a, a kaplupna ua, galvan muhkhiak a om a chihpen uh, amaute galvan bangmah tawilou uh hi’n taklang hi.
Thusuak in a taklatna ah, Maruti Van Driver Mr. Deven Meitei pen Van service a nek zong, a zii pen Kuki mi hi a, a mitdel hilai a, KNA toh kizopna bangmah neilou hi’n leng taklang hi.
Media Information Campaign
Lamka, Mar-10: District Information Officer, CCpur saina in hong tung ding March 13-15 sung Synod Hall, IB road ah Multi Media Information Campaign om ding a, hiai toh kisai in zingchiang March 11 in sunma dak 11.30 in DC/CCpur makaih in DC office ah meeting om ding hi.
Parbung area veh
Lamka, Mar 10: District Malaria Officer Dr. F. Thienkhogin leh Parbung PHC a MO i/c Dr. Ginthianlal in tuni’n Lamka nusia in Parbung area a khotuamtuam a damloute en ding in kuankhia uhi.
Tuabangkalah, District Malaria Office, CCpur ah hongtung ding March 14, 2008 sunma dak 11:00 apan in District sung a Male Health Superviser leh Male Health Worker banah Spraymen teng a ding in DDT kap dan kisinsakna omding hi. Hiai hun ah Dr. F. Thienkhogin, DMO/CCpur leh Mr. HL Khai, Male Health Superviser in sinsak ding uhi.
MDC Constituency ding chiangkuanglou
Lamka, Mar 10: Autonomous Dist Council election neih ding husa ompat toh kiton in ADC/Ccpur office in constituency etthakna neipanta uhi.
Tulel in District sungah MDC Constituency 18 omlel a huaite bel: Vangai Range, Senvon, Tinsuong, Ngajam Area, Thanlon, Tuivai Area, Lungthul, Singngat, Haopi Range, Tuining, Lanva Area, Lamka, Khuga Area, Sagang, Torbung, Khousabung, Henglep leh Leimatak Area ahi.
District Council election nanungpen 1984 kum in neih hi a huai lai in District pumpi ah khua 412 lel om a, himahleh tuchiang in District pumpi ah khua 600 val omta hi. Khothak khenkhat District Council constituency border om khate koi constituency a telsak hiding hiam chih chiangkuanglou lai hi. Ngajam Area Constituency ah voter tawmpen in voter 3000 valzek om a Lamka Constituency ah Voter tampen a Voter 30,000 val om hi.
IATA in accreditation pia
Lamka, Mar-10: International Association for Theological Accreditation in Bachelor of Theology tan ziltheihna ding in Lamka a Bible college masapen kum 1985 aphuhkhiat Nazareth Bible College apaisa February 8, 2008 apan in accreditation pia a, tuni sunnung dak 2:30 in IATA National Representative Rev. Dr. S. Gangte in Nazareth Bible College a Principal Rev. J. Khuma kiangah ‘Certificate of Accreditation’ piakkhiatna nei hi. Hiai IATA accreditation ngahte bel IATA in laibu tamtak pesek hi.
Dist. Magistrate in Lanva luinaak a suang lak khaam
Lamka, Mar 10: Lamka khopi sung a tui dawnding lakna mun Tipaimukh Road a Lanva luinaak a quarry a suangpua truck a lutsek ziak in hun bangtan hiam paisa apan in Lamka khopi tuidawnding teng niin hi.
Hiai toh kisai in vantaang damtheihna a dia natna tun thei nasep ahi chi’n District Magistrate Sumant Singh, IAS in tuni’n Code of Crimal Procedure 1973 a Section 133(1)(a) leh 133(1)(b) pansan in Lanva luinaak Lamka khopi apan Km 4-6 kikal sung a suang lak ding khaamna order suah hi. Truck neitu banah suang a sumdawngte hiai khaamna object utte’n hongtung ding March 12, 2008 sun dak 12:00- 3:00 pm tan in District Magistrate a Office Chamber ah kimuhpih theih ding hi.
Tuni’n mi 20 absent; Maths answer paper kidaihta
Lamka, Mar 10: High School Leaving Certificate (HSLC) Examination 2008 Churachandpur Private Centre A&B Rayburn High School ah March 3, 2008 a pan a neih uh pai zom zel a, tuni zingkal lam in Mathematics Paper exam ua, Maths la candidate 1583 lak ah mi 20 absent ua, candidate 1563 exam uhi. Tutung in bel Maths answer paper kidaih hi.
Thutut kingah dan in, kum paita 2007 in Maths exam hun in Don bosco centre a exam te a ding answer paper kidaihlouh ziakin student tamtak in a deih bang un dawng theilou in khitui toh inn lam zuan maimah uhi. Private school khenkhat in bel, hiai toh kisai 2007 vuak a om ahikei, kum teng a kidaihlou ahi chi’n gen uhi.
Free Eye Camp nasa tak in phat tuampih
Lamka, March-10: District Blindness Control Society (DBCS)/CMO toh pang khawm a apaisa February 13, 2008 ni a Free Eye Camp om a Mualvaiphei Rural Health Hospital OT a operation bawl a om Miss Manvung (12) d/o Tualzathang of Khuanggin a pian tung apan amit vei lam mittang laizang tak a kang (white) om ziak a khua mu thei lou hi. a om ban ah Laisim chiang a mittui pawt a, nisa lak khawng a hah haksa sa a om operation bawl zoh ua pan in a mit in khua kichiantak in mu theita a, tuni’n hiai camp saitu District Aids Officer, Dr. V.C. Pau kiang ah kilak in kipahthu va gen uhi.
Hospital Ambulance Gari kisia
Lama, March-10: District Hospital a Ambulance Gari a poimohna mun a Doctor Called na a kizang zel pen tunai zek apan kisiat ziakin zat theihlouh in om a, Medical Superintendent in bawlhoih sawm mahleh sum tamtak a lut ding ziakin bawlhoih thei nailou uhi.
Dept. 35 val pay bill passed
Lamka, March-10: District Treasury Office Churachandpur in tuni tan in Govt. dept. tuamtuam 35 val pay bill passed ta in advised leng Bank ah thon ua, kha lawh la leng hun khop omta hi. Tuabangkalah, Govt. dept lian Education leh Medical dept te a tuni tan treasury office lut lou in amau kha loh la lou lai uhi.
EPIC lakna om lel
Lamka, March-10: CCpur Dist sung a Assembly Constituency tuamtuam ah Elector Photo Identity Card (EPIC) lakna pailel a, khopi sung mun tuamtuam a Polling station ah EPIC team ten pass port la lel uhi.
Sing tang lam bel tuma zek a helpawl khenkhat in digital camera a laksak uh tuni tan piak kik louh ziak un mason taktak theilou in khente Lamka area ah arrangement bawl sak uh hi’n thutut kingah hi.
Visitor te’n Nurse te gamtatna buaisak
Lamka, March-10: District Hospital Lamka ah tulai in damlou tam mahmah a, damlou veh leng damlou omte sang a tamzaw tham in Hospital a duty Nurse te gamtatna buaisak mahmah hi’n thutut kingah hi.
Damdawi in apan thutut kingah dan in, damlou veh khenkhat in zan sawtnung tanpha in Mobile phone ngaih taktak a sound hih ban ah lasa sak ua, damloute a ding a tawlhuai mahmah hi’n leng thutut kingah hi.
Catholic Pioneer Missionary si
Lamka, March-10: Catholic Pioneer Missionary Rev. FDR. Peter Bianchi S.D.B (86) Kiginni paita in lungphuhat in Catholic Medical Centre, Koirengei ah si a, a luang tuni’n St. Mary’s Church Compound, Punanamei, Mao ah vui in om hi.
Tua toh kiton in Manipur a Catholic School leh College teng in amah sunna in tuni’n khak vek uhi.
KCA in theisak
Lamka, March-10: Khuga Dam Contractor Assn. in zan in YPA Hall, upper Lamka ah meeting ua, tua ah March 11-14, 2008 sung a contractor-te’n liabilities Mr. N. Sanga, Secy, KCA kiang a pelut chiat ding in thupuk uhi. Hiai hun sung mah in a pelutsate’n leng mahni a atel leh tellouh velchian chiat ding inleng theisak ngal uhi.
MHJU team in Aizawl zuan ding
Lamka, Mar 10: Manipur Hills Journalist U.nion (MHJU) a member 11te’n zingchiang March 11 in Manipur Govt. sensakna in Aizawl ah Press Tour in kuan ding uhi.
Class X exam 3 nohkhiak in om
Imphal, Mar 10: High School Leaving Certificate exam pailel ah tuni’n mun tuamtuam ah candidates chindan kilawmlou a chiin ziakun nohkhiak in om uhi. Amaute nohkhiakna mun centre te bel, Thanga centre ah Roll No. 2485, Moreh centre ah 18452 leh 18459 te hi uhi.
Bomb puak Innpi in mohpaih; sunnung in business omlou
IMPHAL MAR 10: Manipur Assembly Complex a apaisa Kiginni March 8, 2008 zinglam dak 11.45 a bomb puak toh kisai tuni assembly a genkhom ahihnung in naktak in mohpaih ahih thu puang uhi. Hiai toh kiton in sunnung a business tuamtuam ngaihtuah dingte khawlsak in om hi.
Tuni assembly sitting ngeina bangin zinglam dak 11 in kipan a, tua a dotna leh dawnna zoh ahih in, Speaker Dr. S. Budhichandra in business tuamtuam ngaihtuah hi dingin thupuan bawl mahleh, MPP leader O. Joy MLA in business genkhom ding sanga apaisa Kiginni a Assembly huangsunga bomb puak tungtang ngaihtuah kin dia poimohzaw hidan a agenziakin, hiai tungtang genkhomna om hi.
O. Joy in hichibang Assembly huangsunga bomb puak kichi Manipur khangthu adia amasapen ahihban ah, India Parliament a thiltung khatvei omta toh India adia leng vaihawmna Inpi a bomb puak chih tutung Manipur a toh sim a anihvei na hidan in gen hi. O. Joy in aban agenna ah, thiltung toh kisai a Police personel te ngoh a suspend chih in solution bangmah hituanlou ahihdan leh Police te sanga Politician te mohpuak hizaw dan in leng gen hi.
NCP President Radhabinod Koijam MLA in leng Assembly a bomb puaksak chih in Manipur mipi attack chihna toh kibang ahihdan leng gen hi. Hichibang a Assembly a bomb puak toh kisai in, N. Biren Minister IFCD, MLA tuamtuam E. Kunjeshwor, V. Hangkhanlian, Dr. I. Ibohanbi, Manindra leh Dr. Kh.Ratan ten leng ngaihdan gen uhi.
Leader of the house leh Manipur Chief Minister O. Ibobi Singh in hichibang bomb puak toh kisai agenna ah, Manipur a helpawlte toh kilemthu genkhomna dia, kihouna dia chial himahleh chial zoh hilou dan un gen hi.
Bomb puak toh kisai suizui dia Inspector General of Police (Intelligence) mohpuakna piak ahihdan genkawm in, kal khat sunga report IG (Intel) in govt. a hon piak dungzui a Police personel mohpotute tunga action lak hidingin leng CM in Inpi ah gen hi. Aban agenna ah,
Hichibang thil deih huailou tunung a atun louhna dia pan lak hidingin leng gen hi.
Hiai toh kiton in abiktak in Greater Imphal area sung Green zone chih min vuahna nuai a dakkal 24 sung Police ten nasep nei ding un leng gen hi. Hichibang toh kisai a mipin lemchan louhna atuah leleng mipin’ kithuahpihna pezaw dingin leng ngetna nei hi. MLA leh Minister ten leng mahni gari a tinted glass (glass vom) te zangnawn lou dingin leng theihsakna bawl ngal hi. Tuate ban ah, MLA leh minister ten mahni thautawi licence neite leng Assembly hun sunga tawilou dingin ngetna nei hi.
Assembly a dotna leh dawnna:
## V. Hangkhanlian MLA dotna Chief Minister O. Ibobi Singh in a dawnna ah, Churachandpur district sunga kial thuak khate adia, BPL te kianga, a thawn a antang leh relief materials piak ding chih provision omlou ahihdan gen hi. Himahleh, NREGS nuai a BPL rate a nasep man sumtanga a van dan a piak ding chih bel ngaihtuah ahihdan gen hi. Hiai tungtanga state govt. in relief measures, govt. of India approval dungzui a sepsuah sawm ahihdan leng gen hi. Aban agenna ah, State govt. in kial thuakte adia relief measure ding provision, Govt. of India pelut khinta hidan in gen hi. Hiai ban ah, State govt. in Govt. of India kianga antang BPL/APL rate a ngahsakna dia, additional monthly allocation 8015 qrls. leng ngen hidan in gen hi.
## D. Shaiza MLA dotna Planning minister incharge CM in adawnna ah, Ukhrul district sunga Phungreithang Govt. High School hostel ding, BADP 2006-07 nuai a bawl ahihdan leh hiai nasepna DC Ukhrul tungawn a sepsuah lel hidan in leng gen hi.
Hiai High School hostel bawlna dia Rs 12.60 lakhs lut ahihdan leh, Ukhrul Headman kianga DC Ukhrul tungtawn a nihvei, Rs 7,60 lakhs leh Rs. 5 lakhs piakkhiak hidan in CM in gen hi. Hiai nasepna hoihtak a paitou leh ground level tan zoh hita dan inleng genbeh hi.
## Th. Nandakishore, MLA dotna Social Welfare minister N. Loken in adawnna ah, Tamil Nadu a Vellore a Manipur apat damloute hamphatpih dia Manipur govt. in Guest House hongkhia ahihdan gen in, tua a O.S.D. khat koih hidan inleng gen hi.
## Dr.Usham Deban MLA dotna Home minister incharge CM in adawnna ah, 2006 a Sikkim a 55th D. N. Mullik Memorial All India Police Football Championship a winner hihna vala, Manipur Police Football team te adia promotion na ding toh kisai, Police department nuai a sepna awng kidaih ding a om chia amau tungtang ngaihtuah hidingin leng CM in gen hi. Aban agenna ah, tulel a R.R. omsa dungzui a promotion quota 15% kimawl mite a dia bikhiah om ahihdan leng gen hi.
Bomb puah ziakin Traffic Police officer nih tel in mi 6 suspend
IMPHAL MAR 10: Apaisa Kiginni March 8, 2008 zinglam dak 11.45 a Manipur Assembly huangsunga bomb puak toh kisai in, a nitak in cabinet meeting CM in sam ngal hi. Hiai bomb puak cabinet meeting amohpaih nungun, thiltun dan toh kisai nouneltak a genkhomna aneih nungun, Assembly kim lak a huai ni a duty hikha, L. Birababu Singh MPS, DSP (Traffic), L. Deven Singh Inspector, OC (Traffic), Police personel dang thum leh Home guard khat a sepna ua pat suspend dingin cabinet in lemsakna pengal uhi.
Hichibang a cabinet lemsakna dungzui in March 8, 2008 nitak mah in Chief Secretary in suspend order suahkhe ngal hi.
Assembly a bomb puah nungin Imphal khopi sung ah security venbitna khauhsak in om a, mun tamtak ah frisking leh checking Police ten bawl uhi. Assembly kim leh kiang lak ah leng security force tamtak koihbeh in om hi. Assembly session bel March 12, 2008 in beita ding hi.
Transfer & Posting of IPS/MPS
1. Clay Khongsai IPS, SP Imphal West as SP Thoubal
2. L. Kailun IPS, SP Imphal East as SP Imphal West
3. Th. Radheshyam MPS, SP Thoubal as SP Imphal East
4. P. Dhannakumar MPS, SP CID (SB) as SP CMTW
5. Achin Haokip MPS, Additional SP CID(SB) as Incharge SP CID(SB)
CM di’n Lapang kichiam; MPA kiphin
SHILLONG, March 10 NNN
Meghalaya assembly election ah Congress in seat 60 lak a 25 nei in single majority hihna ngah a, party lianpen ahihna dungzui un Care-Taker Govrnor Dr. SS Sidhu in sorkar din ding in Congress chial a, Seppatni in Meghalaya Chief Minister ding in D D Lapang kichiamsak in om hi.
Care-Taker Governor Dr SS Sidhu in Lapang kiang ah majority seat nei uh ahihdan Innpi a lahkhiakna ding in ni 10 sung hun pia hi. Tua bang dinmun ah, Congress party lou siahsiah in pawl a dinsuah thak uh Meghalaya Progressive Alliance (MPA) in MLA 31 nei ua, tuni a Lapang in CM dinmun len dia kichiamna a neih lai in Governor SS. Sidhu kiang a strength show bawl ding in independent MLA nih toh Raj Bhavan khe in zuan uhi. MPA in Congress sang a MLA hauzaw uh ahihdan Governor theihsakna leh sorkar din dia amau chial ding a ngetna phutna in MPA leh independent MLA 2 in CM dia Lapang kichiamna hunseh boycott uhi.
Tuabangkal ah, Lapang in majority a ngahna ding ua sum-le-pang zang a kuamah zollou ding ahihdan uh gen kawm in a zol theih dan uh om sunsun ahihleh masawnna leh khantouhna dia Meghalaya in amaute poimoh ahihdan gen hi. Zan nitak mah in leng Congress in regional party nih, HSPDP leh KHNAM kiang a cabinet leh post dangdang chiam in zol ua, himahleh hiai party nihte’n tangtak a nial uh hidan in thusuak in taklang hi.
Bus tuahsia ah mi 2 si, 20 liam
IMPHAL, March 10 NNN
Imphal East district a Irilbung PS apat kilometer 9 ding vel a gamla Keirao Lamdong Leikai ah Seppatni nitaklam dak 4:30 ding vel in Imphal apat Thoubal district a Nongpok Keithelmanbi (Thoubal district) zuan a tai passenger bus (MN 04-1001) a tuahsiat ziak in mi 2 si ua midang tamtak liam uh hi’n thusuak in taklang hi.
Hiai bus tuahsia a site ahihleh Thoubal district sung a Yairipok Top a P. Kesho’ tapa P. Naoba (25) leh Nongpok Keithelmanbi a N. Gopal’ tapa N Khatombi hi ua, a luang uh Regional Institute of Medical Sciences (RIMS) morgue a post-mortem bawl dia koih a om uh hidan in thusuak in taklang hi.
Huai banah, hiai bus tuahsiat ziak in passenger 20 liam ua, RIMS emergery casualty a puaklut ahih banuah, JN Hospital, Shija Hospital leh Research Institute, Langol a leng puak a om pawl om ua, huaite lak a khat gim mahmah hidan in thusuak in taklang hi.
Bangladesh palaite Shillong ah, SHILLONG, March 10 NNN
Border Security Force (BSF) toh high level co-ordination meeting nei ding in Deputy Director General (DDG) Brig. General M A Bari makaih Bangladesh Rifles (BDR) official 11 toh Bangladesh Foreign Minister official 2 Seppatni a Shillong tung uh hidan in thusuak in taklang hi.
Bangladesh palaite ahihleh Rangamati, Mymensingh, Sylhet, Khagrachari leh Comilla a Sector Commander-te, BDR a staff officer 3 banah Bangladesh Ministry of Home Affairs leh Ministry of Foreign Affairs palaite hi ua, Seppatni sunma dak 10:25 in DIG BSG Shillong heu in ICP Dawki ah 121 Bn BSF in Guard of Honour pia in ana vaidawn uhi.
BSF in a mikhualte Umpling, Shillong a Frontier HQ BSF ah tonpih ua, huai ah BSF delegation makai P K Mishra, Inspector General, Border Security Force, Assam, Meghalaya and Nagaland leh Mizoram and Cachar Frontiers banah, Assam, Meghalaya, Nagaland, Mizoram, Cachar, Tripura Frontiers a DIG tengteng, New Delhi leh Kolkata a BSF’ staff officer-te, Ministry of Home Affairs (MHA) palaite’n sunnung dak 1:30 in vaidawnna hun zang uhi. Bangladesh apat palai hong kuante’n ahihleh Tamabil outpost apat India hong lut ua, amau March 10 apat March 13 sung meeting a tel ding hi uhi.
lamkapost@yahoo.com
zogamonline.com
Lamka, Mar 10: Churachandpur dist. sunga, khua tamzawte 2005 apat mautaam kial ziaka nek-le-tak ding neilou a aom thu uh CCpur pansan civil society-te’n tamveitak taklangta uh phetlou in, gamsung mun tuamtuam apan leh, CCpur-mi gamdanga omte’n akhawkngaihthu uh leh panpihna piak thasial lou ahihdan uh tamveitak genkhe ua, mautaam panpihna toh kisai in States Annual budget, 2006-07 ah Rs. 9.9 ki-bikhiah mahleh, State Govt. apat bangmah panpihna a om nailouh pen lamdangsa ahihdan CDSU in Mar 10-a CM Ibobi Singh kianga laigelh apiakna ah taklang hi.
CDSU in aban agen zel na ah, Dist.Administration in kialpanpihna thuapna dia NREGS a sehkhiak lai a tutana, anntang, Imphal apat puakkhiak hinailou ahihdan gen in,gamsung koimun peuha, govt. te’n ami vangsiatnatuakte panpihna apiak zel pen thil kihih tangpi himhim ahihlai in, Manipur-a mautam pen vangsiatna tawpkhawk hi a, himahleh, State Govt. in anntang poimohzah aman niamzawa leng omsak theilou hi’n taklang hi. NREGS sum zanga govt. in anntang open market rate a azuak dek pen kial thuakte thahsawmna ahihdan leh, amaute state govt. in mivantangtunga akoihtup pen thilhitheilou ahihdan leng CDSU in taklang a, kialtuakte state govt.in anntang athawna apiak keileh, kiphinna nasatak pankhe ding ahihdan leng CDSU in a laigeilhna ah taklang hi.
Health Camp/Mela sai ding
Lamka, Mar-10: National Rural Health Mission nuai a District Health Society saina in hongtung ding March 13-16, 2008 sung Thanlon Primary Health Centre ah Health Camp/Mela neih hiding hi. Hiai camp a ding in CMO/CCpur Dr. S. Gouzalam makaih in Doctor 10 vel kuan ding uhi.
KNO in hilchetna thu suah
Lamka, Mar-10: Kuki National Organization (KNO) thusuah a bawl, tuni a press a kimu in a taklat dan in, apaita March 7 a Police Commando ten Mr. Seikholun Haokip, Promoter of KNA leh a Maruti Van driver Mr. Deven Meitei Toubal district a, a kaplupna ua, galvan muhkhiak a om a chihpen uh, amaute galvan bangmah tawilou uh hi’n taklang hi.
Thusuak in a taklatna ah, Maruti Van Driver Mr. Deven Meitei pen Van service a nek zong, a zii pen Kuki mi hi a, a mitdel hilai a, KNA toh kizopna bangmah neilou hi’n leng taklang hi.
Media Information Campaign
Lamka, Mar-10: District Information Officer, CCpur saina in hong tung ding March 13-15 sung Synod Hall, IB road ah Multi Media Information Campaign om ding a, hiai toh kisai in zingchiang March 11 in sunma dak 11.30 in DC/CCpur makaih in DC office ah meeting om ding hi.
Parbung area veh
Lamka, Mar 10: District Malaria Officer Dr. F. Thienkhogin leh Parbung PHC a MO i/c Dr. Ginthianlal in tuni’n Lamka nusia in Parbung area a khotuamtuam a damloute en ding in kuankhia uhi.
Tuabangkalah, District Malaria Office, CCpur ah hongtung ding March 14, 2008 sunma dak 11:00 apan in District sung a Male Health Superviser leh Male Health Worker banah Spraymen teng a ding in DDT kap dan kisinsakna omding hi. Hiai hun ah Dr. F. Thienkhogin, DMO/CCpur leh Mr. HL Khai, Male Health Superviser in sinsak ding uhi.
MDC Constituency ding chiangkuanglou
Lamka, Mar 10: Autonomous Dist Council election neih ding husa ompat toh kiton in ADC/Ccpur office in constituency etthakna neipanta uhi.
Tulel in District sungah MDC Constituency 18 omlel a huaite bel: Vangai Range, Senvon, Tinsuong, Ngajam Area, Thanlon, Tuivai Area, Lungthul, Singngat, Haopi Range, Tuining, Lanva Area, Lamka, Khuga Area, Sagang, Torbung, Khousabung, Henglep leh Leimatak Area ahi.
District Council election nanungpen 1984 kum in neih hi a huai lai in District pumpi ah khua 412 lel om a, himahleh tuchiang in District pumpi ah khua 600 val omta hi. Khothak khenkhat District Council constituency border om khate koi constituency a telsak hiding hiam chih chiangkuanglou lai hi. Ngajam Area Constituency ah voter tawmpen in voter 3000 valzek om a Lamka Constituency ah Voter tampen a Voter 30,000 val om hi.
IATA in accreditation pia
Lamka, Mar-10: International Association for Theological Accreditation in Bachelor of Theology tan ziltheihna ding in Lamka a Bible college masapen kum 1985 aphuhkhiat Nazareth Bible College apaisa February 8, 2008 apan in accreditation pia a, tuni sunnung dak 2:30 in IATA National Representative Rev. Dr. S. Gangte in Nazareth Bible College a Principal Rev. J. Khuma kiangah ‘Certificate of Accreditation’ piakkhiatna nei hi. Hiai IATA accreditation ngahte bel IATA in laibu tamtak pesek hi.
Dist. Magistrate in Lanva luinaak a suang lak khaam
Lamka, Mar 10: Lamka khopi sung a tui dawnding lakna mun Tipaimukh Road a Lanva luinaak a quarry a suangpua truck a lutsek ziak in hun bangtan hiam paisa apan in Lamka khopi tuidawnding teng niin hi.
Hiai toh kisai in vantaang damtheihna a dia natna tun thei nasep ahi chi’n District Magistrate Sumant Singh, IAS in tuni’n Code of Crimal Procedure 1973 a Section 133(1)(a) leh 133(1)(b) pansan in Lanva luinaak Lamka khopi apan Km 4-6 kikal sung a suang lak ding khaamna order suah hi. Truck neitu banah suang a sumdawngte hiai khaamna object utte’n hongtung ding March 12, 2008 sun dak 12:00- 3:00 pm tan in District Magistrate a Office Chamber ah kimuhpih theih ding hi.
Tuni’n mi 20 absent; Maths answer paper kidaihta
Lamka, Mar 10: High School Leaving Certificate (HSLC) Examination 2008 Churachandpur Private Centre A&B Rayburn High School ah March 3, 2008 a pan a neih uh pai zom zel a, tuni zingkal lam in Mathematics Paper exam ua, Maths la candidate 1583 lak ah mi 20 absent ua, candidate 1563 exam uhi. Tutung in bel Maths answer paper kidaih hi.
Thutut kingah dan in, kum paita 2007 in Maths exam hun in Don bosco centre a exam te a ding answer paper kidaihlouh ziakin student tamtak in a deih bang un dawng theilou in khitui toh inn lam zuan maimah uhi. Private school khenkhat in bel, hiai toh kisai 2007 vuak a om ahikei, kum teng a kidaihlou ahi chi’n gen uhi.
Free Eye Camp nasa tak in phat tuampih
Lamka, March-10: District Blindness Control Society (DBCS)/CMO toh pang khawm a apaisa February 13, 2008 ni a Free Eye Camp om a Mualvaiphei Rural Health Hospital OT a operation bawl a om Miss Manvung (12) d/o Tualzathang of Khuanggin a pian tung apan amit vei lam mittang laizang tak a kang (white) om ziak a khua mu thei lou hi. a om ban ah Laisim chiang a mittui pawt a, nisa lak khawng a hah haksa sa a om operation bawl zoh ua pan in a mit in khua kichiantak in mu theita a, tuni’n hiai camp saitu District Aids Officer, Dr. V.C. Pau kiang ah kilak in kipahthu va gen uhi.
Hospital Ambulance Gari kisia
Lama, March-10: District Hospital a Ambulance Gari a poimohna mun a Doctor Called na a kizang zel pen tunai zek apan kisiat ziakin zat theihlouh in om a, Medical Superintendent in bawlhoih sawm mahleh sum tamtak a lut ding ziakin bawlhoih thei nailou uhi.
Dept. 35 val pay bill passed
Lamka, March-10: District Treasury Office Churachandpur in tuni tan in Govt. dept. tuamtuam 35 val pay bill passed ta in advised leng Bank ah thon ua, kha lawh la leng hun khop omta hi. Tuabangkalah, Govt. dept lian Education leh Medical dept te a tuni tan treasury office lut lou in amau kha loh la lou lai uhi.
EPIC lakna om lel
Lamka, March-10: CCpur Dist sung a Assembly Constituency tuamtuam ah Elector Photo Identity Card (EPIC) lakna pailel a, khopi sung mun tuamtuam a Polling station ah EPIC team ten pass port la lel uhi.
Sing tang lam bel tuma zek a helpawl khenkhat in digital camera a laksak uh tuni tan piak kik louh ziak un mason taktak theilou in khente Lamka area ah arrangement bawl sak uh hi’n thutut kingah hi.
Visitor te’n Nurse te gamtatna buaisak
Lamka, March-10: District Hospital Lamka ah tulai in damlou tam mahmah a, damlou veh leng damlou omte sang a tamzaw tham in Hospital a duty Nurse te gamtatna buaisak mahmah hi’n thutut kingah hi.
Damdawi in apan thutut kingah dan in, damlou veh khenkhat in zan sawtnung tanpha in Mobile phone ngaih taktak a sound hih ban ah lasa sak ua, damloute a ding a tawlhuai mahmah hi’n leng thutut kingah hi.
Catholic Pioneer Missionary si
Lamka, March-10: Catholic Pioneer Missionary Rev. FDR. Peter Bianchi S.D.B (86) Kiginni paita in lungphuhat in Catholic Medical Centre, Koirengei ah si a, a luang tuni’n St. Mary’s Church Compound, Punanamei, Mao ah vui in om hi.
Tua toh kiton in Manipur a Catholic School leh College teng in amah sunna in tuni’n khak vek uhi.
KCA in theisak
Lamka, March-10: Khuga Dam Contractor Assn. in zan in YPA Hall, upper Lamka ah meeting ua, tua ah March 11-14, 2008 sung a contractor-te’n liabilities Mr. N. Sanga, Secy, KCA kiang a pelut chiat ding in thupuk uhi. Hiai hun sung mah in a pelutsate’n leng mahni a atel leh tellouh velchian chiat ding inleng theisak ngal uhi.
MHJU team in Aizawl zuan ding
Lamka, Mar 10: Manipur Hills Journalist U.nion (MHJU) a member 11te’n zingchiang March 11 in Manipur Govt. sensakna in Aizawl ah Press Tour in kuan ding uhi.
Class X exam 3 nohkhiak in om
Imphal, Mar 10: High School Leaving Certificate exam pailel ah tuni’n mun tuamtuam ah candidates chindan kilawmlou a chiin ziakun nohkhiak in om uhi. Amaute nohkhiakna mun centre te bel, Thanga centre ah Roll No. 2485, Moreh centre ah 18452 leh 18459 te hi uhi.
Bomb puak Innpi in mohpaih; sunnung in business omlou
IMPHAL MAR 10: Manipur Assembly Complex a apaisa Kiginni March 8, 2008 zinglam dak 11.45 a bomb puak toh kisai tuni assembly a genkhom ahihnung in naktak in mohpaih ahih thu puang uhi. Hiai toh kiton in sunnung a business tuamtuam ngaihtuah dingte khawlsak in om hi.
Tuni assembly sitting ngeina bangin zinglam dak 11 in kipan a, tua a dotna leh dawnna zoh ahih in, Speaker Dr. S. Budhichandra in business tuamtuam ngaihtuah hi dingin thupuan bawl mahleh, MPP leader O. Joy MLA in business genkhom ding sanga apaisa Kiginni a Assembly huangsunga bomb puak tungtang ngaihtuah kin dia poimohzaw hidan a agenziakin, hiai tungtang genkhomna om hi.
O. Joy in hichibang Assembly huangsunga bomb puak kichi Manipur khangthu adia amasapen ahihban ah, India Parliament a thiltung khatvei omta toh India adia leng vaihawmna Inpi a bomb puak chih tutung Manipur a toh sim a anihvei na hidan in gen hi. O. Joy in aban agenna ah, thiltung toh kisai a Police personel te ngoh a suspend chih in solution bangmah hituanlou ahihdan leh Police te sanga Politician te mohpuak hizaw dan in leng gen hi.
NCP President Radhabinod Koijam MLA in leng Assembly a bomb puaksak chih in Manipur mipi attack chihna toh kibang ahihdan leng gen hi. Hichibang a Assembly a bomb puak toh kisai in, N. Biren Minister IFCD, MLA tuamtuam E. Kunjeshwor, V. Hangkhanlian, Dr. I. Ibohanbi, Manindra leh Dr. Kh.Ratan ten leng ngaihdan gen uhi.
Leader of the house leh Manipur Chief Minister O. Ibobi Singh in hichibang bomb puak toh kisai agenna ah, Manipur a helpawlte toh kilemthu genkhomna dia, kihouna dia chial himahleh chial zoh hilou dan un gen hi.
Bomb puak toh kisai suizui dia Inspector General of Police (Intelligence) mohpuakna piak ahihdan genkawm in, kal khat sunga report IG (Intel) in govt. a hon piak dungzui a Police personel mohpotute tunga action lak hidingin leng CM in Inpi ah gen hi. Aban agenna ah,
Hichibang thil deih huailou tunung a atun louhna dia pan lak hidingin leng gen hi.
Hiai toh kiton in abiktak in Greater Imphal area sung Green zone chih min vuahna nuai a dakkal 24 sung Police ten nasep nei ding un leng gen hi. Hichibang toh kisai a mipin lemchan louhna atuah leleng mipin’ kithuahpihna pezaw dingin leng ngetna nei hi. MLA leh Minister ten leng mahni gari a tinted glass (glass vom) te zangnawn lou dingin leng theihsakna bawl ngal hi. Tuate ban ah, MLA leh minister ten mahni thautawi licence neite leng Assembly hun sunga tawilou dingin ngetna nei hi.
Assembly a dotna leh dawnna:
## V. Hangkhanlian MLA dotna Chief Minister O. Ibobi Singh in a dawnna ah, Churachandpur district sunga kial thuak khate adia, BPL te kianga, a thawn a antang leh relief materials piak ding chih provision omlou ahihdan gen hi. Himahleh, NREGS nuai a BPL rate a nasep man sumtanga a van dan a piak ding chih bel ngaihtuah ahihdan gen hi. Hiai tungtanga state govt. in relief measures, govt. of India approval dungzui a sepsuah sawm ahihdan leng gen hi. Aban agenna ah, State govt. in kial thuakte adia relief measure ding provision, Govt. of India pelut khinta hidan in gen hi. Hiai ban ah, State govt. in Govt. of India kianga antang BPL/APL rate a ngahsakna dia, additional monthly allocation 8015 qrls. leng ngen hidan in gen hi.
## D. Shaiza MLA dotna Planning minister incharge CM in adawnna ah, Ukhrul district sunga Phungreithang Govt. High School hostel ding, BADP 2006-07 nuai a bawl ahihdan leh hiai nasepna DC Ukhrul tungawn a sepsuah lel hidan in leng gen hi.
Hiai High School hostel bawlna dia Rs 12.60 lakhs lut ahihdan leh, Ukhrul Headman kianga DC Ukhrul tungtawn a nihvei, Rs 7,60 lakhs leh Rs. 5 lakhs piakkhiak hidan in CM in gen hi. Hiai nasepna hoihtak a paitou leh ground level tan zoh hita dan inleng genbeh hi.
## Th. Nandakishore, MLA dotna Social Welfare minister N. Loken in adawnna ah, Tamil Nadu a Vellore a Manipur apat damloute hamphatpih dia Manipur govt. in Guest House hongkhia ahihdan gen in, tua a O.S.D. khat koih hidan inleng gen hi.
## Dr.Usham Deban MLA dotna Home minister incharge CM in adawnna ah, 2006 a Sikkim a 55th D. N. Mullik Memorial All India Police Football Championship a winner hihna vala, Manipur Police Football team te adia promotion na ding toh kisai, Police department nuai a sepna awng kidaih ding a om chia amau tungtang ngaihtuah hidingin leng CM in gen hi. Aban agenna ah, tulel a R.R. omsa dungzui a promotion quota 15% kimawl mite a dia bikhiah om ahihdan leng gen hi.
Bomb puah ziakin Traffic Police officer nih tel in mi 6 suspend
IMPHAL MAR 10: Apaisa Kiginni March 8, 2008 zinglam dak 11.45 a Manipur Assembly huangsunga bomb puak toh kisai in, a nitak in cabinet meeting CM in sam ngal hi. Hiai bomb puak cabinet meeting amohpaih nungun, thiltun dan toh kisai nouneltak a genkhomna aneih nungun, Assembly kim lak a huai ni a duty hikha, L. Birababu Singh MPS, DSP (Traffic), L. Deven Singh Inspector, OC (Traffic), Police personel dang thum leh Home guard khat a sepna ua pat suspend dingin cabinet in lemsakna pengal uhi.
Hichibang a cabinet lemsakna dungzui in March 8, 2008 nitak mah in Chief Secretary in suspend order suahkhe ngal hi.
Assembly a bomb puah nungin Imphal khopi sung ah security venbitna khauhsak in om a, mun tamtak ah frisking leh checking Police ten bawl uhi. Assembly kim leh kiang lak ah leng security force tamtak koihbeh in om hi. Assembly session bel March 12, 2008 in beita ding hi.
Transfer & Posting of IPS/MPS
1. Clay Khongsai IPS, SP Imphal West as SP Thoubal
2. L. Kailun IPS, SP Imphal East as SP Imphal West
3. Th. Radheshyam MPS, SP Thoubal as SP Imphal East
4. P. Dhannakumar MPS, SP CID (SB) as SP CMTW
5. Achin Haokip MPS, Additional SP CID(SB) as Incharge SP CID(SB)
CM di’n Lapang kichiam; MPA kiphin
SHILLONG, March 10 NNN
Meghalaya assembly election ah Congress in seat 60 lak a 25 nei in single majority hihna ngah a, party lianpen ahihna dungzui un Care-Taker Govrnor Dr. SS Sidhu in sorkar din ding in Congress chial a, Seppatni in Meghalaya Chief Minister ding in D D Lapang kichiamsak in om hi.
Care-Taker Governor Dr SS Sidhu in Lapang kiang ah majority seat nei uh ahihdan Innpi a lahkhiakna ding in ni 10 sung hun pia hi. Tua bang dinmun ah, Congress party lou siahsiah in pawl a dinsuah thak uh Meghalaya Progressive Alliance (MPA) in MLA 31 nei ua, tuni a Lapang in CM dinmun len dia kichiamna a neih lai in Governor SS. Sidhu kiang a strength show bawl ding in independent MLA nih toh Raj Bhavan khe in zuan uhi. MPA in Congress sang a MLA hauzaw uh ahihdan Governor theihsakna leh sorkar din dia amau chial ding a ngetna phutna in MPA leh independent MLA 2 in CM dia Lapang kichiamna hunseh boycott uhi.
Tuabangkal ah, Lapang in majority a ngahna ding ua sum-le-pang zang a kuamah zollou ding ahihdan uh gen kawm in a zol theih dan uh om sunsun ahihleh masawnna leh khantouhna dia Meghalaya in amaute poimoh ahihdan gen hi. Zan nitak mah in leng Congress in regional party nih, HSPDP leh KHNAM kiang a cabinet leh post dangdang chiam in zol ua, himahleh hiai party nihte’n tangtak a nial uh hidan in thusuak in taklang hi.
Bus tuahsia ah mi 2 si, 20 liam
IMPHAL, March 10 NNN
Imphal East district a Irilbung PS apat kilometer 9 ding vel a gamla Keirao Lamdong Leikai ah Seppatni nitaklam dak 4:30 ding vel in Imphal apat Thoubal district a Nongpok Keithelmanbi (Thoubal district) zuan a tai passenger bus (MN 04-1001) a tuahsiat ziak in mi 2 si ua midang tamtak liam uh hi’n thusuak in taklang hi.
Hiai bus tuahsia a site ahihleh Thoubal district sung a Yairipok Top a P. Kesho’ tapa P. Naoba (25) leh Nongpok Keithelmanbi a N. Gopal’ tapa N Khatombi hi ua, a luang uh Regional Institute of Medical Sciences (RIMS) morgue a post-mortem bawl dia koih a om uh hidan in thusuak in taklang hi.
Huai banah, hiai bus tuahsiat ziak in passenger 20 liam ua, RIMS emergery casualty a puaklut ahih banuah, JN Hospital, Shija Hospital leh Research Institute, Langol a leng puak a om pawl om ua, huaite lak a khat gim mahmah hidan in thusuak in taklang hi.
Bangladesh palaite Shillong ah, SHILLONG, March 10 NNN
Border Security Force (BSF) toh high level co-ordination meeting nei ding in Deputy Director General (DDG) Brig. General M A Bari makaih Bangladesh Rifles (BDR) official 11 toh Bangladesh Foreign Minister official 2 Seppatni a Shillong tung uh hidan in thusuak in taklang hi.
Bangladesh palaite ahihleh Rangamati, Mymensingh, Sylhet, Khagrachari leh Comilla a Sector Commander-te, BDR a staff officer 3 banah Bangladesh Ministry of Home Affairs leh Ministry of Foreign Affairs palaite hi ua, Seppatni sunma dak 10:25 in DIG BSG Shillong heu in ICP Dawki ah 121 Bn BSF in Guard of Honour pia in ana vaidawn uhi.
BSF in a mikhualte Umpling, Shillong a Frontier HQ BSF ah tonpih ua, huai ah BSF delegation makai P K Mishra, Inspector General, Border Security Force, Assam, Meghalaya and Nagaland leh Mizoram and Cachar Frontiers banah, Assam, Meghalaya, Nagaland, Mizoram, Cachar, Tripura Frontiers a DIG tengteng, New Delhi leh Kolkata a BSF’ staff officer-te, Ministry of Home Affairs (MHA) palaite’n sunnung dak 1:30 in vaidawnna hun zang uhi. Bangladesh apat palai hong kuante’n ahihleh Tamabil outpost apat India hong lut ua, amau March 10 apat March 13 sung meeting a tel ding hi uhi.
lamkapost@yahoo.com
zogamonline.com
No comments:
Post a Comment