- Hauzacin
Ama min in LENGTONG HOIH! (LENGTONG HOIH)
Duangheksiam a LENGTONG HOIH.
Make up a cih zong kinuh se lo
Ama min in LENGTONG HOIH
Ngaihsun dih ve LENGTONG HOIH tangthu
Na za ngei maw hihzah-ta a minthanna?
Ama min in LENGTONG HOIH.
Ama min in LENGTONG HOIH! (LENGTONG HOIH)
Tongluan siam ah LENGTONG HOIH.
Eye shadow zong zang se lo
Ama min in LENGTONG HOIH
Na za ngei maw LENGTONG te lasak
Ngaihsun siam ve hihzah-ta a lunggelna?
Ama min in LENGTONG HOIH.
ciin LENGTONG Volume 2 na ah Zomi tangthu ah nungak melhoih a minthang LENGTONG HOIH pahtawina in la hong sa ziahziah uh hi. A tangthu ah Zolia melhoih tungtuang LENGTONG HOIH in vantunga taang Aksi deih hi. Aksi taang a lu tungah bat nuam ahih manin tua Aksi a laksak zo peuhmah tenpih ding ciin a gen ciangin Zotaang Neino (mah hi mate?) vantunga Aksi la dingin pai hi. A pai kikal in Kawlmangpa in LENGTONG HOIH mu a, hoihsa lua mahmah ahih manin a zi dingin pui in, a ut lopi tenpih hi, kici hi.
LENGTONG HOIH hun lai in make up cih zong omlo a, eye shadow cih zong omlo in, kizepna tuamtuam om nailo hi. Ahi zongin Zomi tangthu sungah amah zah a Zolia melhoih om ngeilo a, zong om nawnlo hi. A melhoih dan a kigen ciangin, 'a tul theilo sun nitaang tawh kibang hi' kici hi. Tua zaha hoih Zolia phawkna leh a lasakte uh zong LENGTONG HOIH melhoih a minthan vangvang banga minthang ding cih deihna in LENGTONG LASA PAWL hong piang hih tuak hi. Tua pen kum 1978 pawl hi a, 1980 kiim in minthang mahmah ta in, Stage Show leh Concert thupi tuamtuam bawlta uh hi. Tua pen LENGTONG lasiamte ci a i theihte hong kipatna hih tuak hi. (A kicingzaw in a ki atna laibu, laidal om dingin um ing).
LENGTONG late 2 na ah a om late -
1. Amin LENGTONG HOIH
2. Khua khal vak in ah lei lengthe hong khuang
3. Meitei gun
4. Khut kilen in pai ni, Zomi Nam Ni hong tung
5. Gam leh Nam tawisang ve ni
6. Itna sum leh pai
7. Khattang sawlbang heina ah, sinlai ah va bang phawng den
8. Gam leh Lei leh Nam
9. Kei lungzuan
10. Khenta ding maw
11. Leitung hauhna sum leh pai tawh lei theih hilo Tun leh Zua
12. Sian in siam hen
13. Vaimang siamsil
14. Vang ngaihno aw
15. Lenna vangkhua
16. Zaideih
17. Bil nei khempeuh in za ta hen
Khua khalvak in ah lei lengthe hong khuang... cih la i zak ciang NGAIH ANGLAI AH film i phawk hi. Cingno ihmu theilo, hehpih huai lua hilo hiam? Meitei gun.... la lah LENGTONG te lasak khempeuh pan a minthang pen hi a, "Ngaih nang tawh om leng mun khempeuh nuam e," cih pen a uanggen nuamte bang in, ".... lobuk zong nuam e" ci liang uh hi. Tua bel thei kei mawk hang.
Khut Kilen in Zomi Nam Ni ah pai ni cih la hoih mahmah hi.
Mabang pan ni, i pahtang dawn pan don ni,
Zo heisa no te aw, I kim hiam aw?
Tuang hong tung Zomi Nam Ni,
Ei ading nam cin tuibang gawmna
Hong pai ve vua,
Tuang hong tung Zomi Nam Ni,
Ei ading nam cin tuibang gawmna
Hong pai ve vua,
Khut kilen in pai ve ni,
Khut kilen in pai ve ni,
Zomi Nam Ni
Lungdam khutbeng in lam ni,
Aw, la ngaihte sa ni
Lungdam khutbeng in lam ni,
Aw, la ngaihte sa ni
Lasa den ni, Hong pai ve vua
LENGTONG Pauno in la a sak khempeuh lak pan a za khempeuh in a deih penpen uh ahih leh NU itna late hi. Tun aw, Nu aw, Mimbang pianna, ahih kei leh Leitung Pasian.... cih bangin na gen hi.
1. Khattang sawlbang heina ah, Sinlai ah va bang phawng den,
Mimbang pianna tun nu aw, Na min thei bang lo ing,
Ka lawh hang mel ah mu lo, Koi ah sawlbang na hei hiam?
Zuangtho dih ve tun nu aw, Na tong sang nuam lai ing.
Sakkik:
Simlei mimbang ka pian lim, Sanggah liangvai hi ta'ng,
Aw, aw, aw, lungzuan zatam sial dinga, Mimbang a piang ka hiam?
2. Lungnop va bang i lenlai, Holung i kup khop lai ngai veng,
Sinthu an bang nong mop te, Hai bang na ngak na den ing,
Phung mun muang siang na tun ciang, Simlei i saulim nuai ah,
Na tawi sanggah momno teng, Taang bang dam Sian in siam hen.
3. Simlei lailung dam omlo, Limbelh lumbang sung omlo,
Lung in gel mawng e tun aw, Tu a gibang khen ding,
Taang bang kholpih guallai ah, Sen gual sing bang bat omlo,
Sanggah kei zuan sangsawn e, Sian aw, Lumbang hong sung in.
ZOMI ihihna i tenna, i heina, i nekzonna a kidang zongin mangthanglo a, i minam mah i it ding, i mangthangsak loh ding hi cih zong kilawm takin hong hilh uh hi. Gam leh minam itna pen mihing khempeuh lungtang sungah mihing piangsak pa in a koihsa hi a, a lamdang thu hi ci-in ka ngaihsun hi. Hih la en suk leng -
Lungtuak lia leh taang maciang suan khawm ve ni,
Lungtuak sinthu suut lailung gel khawm ve ni,
Sinthu khat tui bang luang zaideih awi khawm leng,
Ki it kilemna thu thangsak ni,
Kawlgam vaigam i hei zong ZOMI hi hang,
Tuilu tuitawi i hei zong ZOMI hi hang,
Heina peuh i minam mangthangsak lo in,
Pupa lamsa nam lia leh taang hi.
Pi leh pu tun leh zua ciin leh tuai aw,
Lia leh taang te Lengtongte lasak ngai un
Simleitung sakmi khang mi kikhen lo in
Pianna khat ci khat nam khat hi hang,
Gam leh minam adingin pilna siamna,
Neihsa sum leh pai leh tha leh ngal
Lungsim pumkhat suak in khut khat tawikhawm ni,
I gam leh minam tawisang ve ni.
Leitung ah ki itna maan taktak om kei cih a dik mah diam thei khang. Ahi zongin ki itna ahang tampi om a, a mi tawh kizui in a tuamtuam himawk hi. Pawlkhat pen melhoih mana ki it hi a, pawlkhat sum hauh man hi mah a, pawlkhat pen a thudik man, pawlkhat midang a om loh mana ki it hi ding hi. Ka phawk khat pen, sangkah lai in lawmte khat in, "Kei zong ka liangko tungah aksi kisuang leh hong nusia lo mah ding hi ven" ci in a lupna tungah khasia phial hi. Bu, officer hih mana ki it khawng zong om hih tuak hi. Tua manin tua tawh ki it leng ITNA MAAN HI kici theilo mah hi. Ahi zongin ki itna pen Sum leh Pai hang hi khin dingin bel um kei mawk ing.
LENGTONG Pauno in bel ITNA SUM LEH PAI hi na ci ngiat hi. A dik mah diam thei khang, a hau khempeuh in a deih uh ngah khin tuanlo a, a zawng khempeuh zong zi mu zolo cih om tuanlo ahih ciang, "Sian Gawm" leh "Sian Gawm Loh" bek hilo diam, mate? Thei sam khang.... a La en dih ni.
1. Leitungah ki itna taktak, Ka zonzon hang mu zo keng e,
Mihing khat leh khat ki itna, Hauhna sum leh pai bek hi.
Zawng lua bangmah neizo lo in, Ka veng ka pam in hong simmawh e,
Ka ip sungah bangmah omlo a (Huih bel om ngeel ding hi ven maw),
Kholhpih ding lawm muzo keng.
Sakkik:
Leitung mite ki itna in sum leh pai bek hi,
Ki itna maan itna taktak leitungah om kei,
Itna hauhna sum leh pai.
2. Mailam ka nuntak nang omlo, Hong it hong ngai muzo keng e,
Inn leh lo bangmah nei lo in, Nungakten hong simmawh e,
Kei zong mi bangin hau hi leng, Nungakten hong ngai mah ding hi ven,
Hong it hong ngai tammah ding hiven, Min hong simmawh lo mah ding hi ven.
Sum leh pai hanga ki it te ki itna maanlo hi kici khin thei tuan ding hiam? Ki itna maan bang hi ding hiam? Melhoih sak man ki itte hi ding maw, ahih kei leh Christian values te aneih man a ki itte hizaw ding maw? Ahih kei leh nu leh pa in ki it un ci-a a gawmte bek ki itna maan hi ding hiam?
Hah, gim huai ei.... ki itna thu pen mipil penpen Kumpi Solomon nangawn in zong a theih zawhloh hi a, ei theihna neucik tawh suut zawh pak ding hi kenteh. ZOLAI mah zuun toto lai dih ni.
Sangkah lai a lung hong leengsak mahmah la khat pen KHENTA DING MAW cih La hi. Tan 8 leh 9 ka simlai in Hnahlan pan lawmte tawh kikhen ding, Farewell Night ciin moh (maida) khawng peuh sathau a kangin nungakte tawh kikha in, zanhak phial a ciak ngeingai. I sangkahpih nungak hoih i sak simte bang moh kan kipiapia nuam hi lai! Ei lah a zingciang Murlen lam zuana ciah ding hita! Lungleng veve ahi tam maw. A kum thak ciang lah khua dangah sangkah ding hita....... cik ciang hih lawmte tawh ka kimu kik tam maw cih ih lungsim ah lianpen takpi hi....
Vaimang siamsil mubang ngaih manin,
Siambang sinna saumang nunnuam ah,
Khawlpih lungtuak gual ngaih teng tawh,
Gi bang khenta ding,
Tang bang kholh loh lungkup cim man nailo pi,
Gi bang khenta ding maw?
Tung sun ni mualdawn ah hong suak,
Lawm gual ngaih teng tawh khenna ding hi e,
Nun nuam a ngabang i lenlai, Nuihciam i lel lai ni.
Maimit suan ngam lang e sabang i tatna,
Luankhi gial bang kia e.
Taang khuakhal huihkhi hong lang,
Lawkta te hong tau in, Len mui hong kai,
Kholhpih gualngaih tawh gi bang khen a,
Vangkhua zuan ding, Lung in gel mawng e.
Tung sun ni mualdawn ah hong suak,
Lawm gual ngaih teng tawh khenna ding hi e,
Nun nuam a ngabang i lenlai, Nuihciam i lel lai ni.
Maimit suan ngam lang e sabang i tatna,
Luankhi gial bang kia e.
Sian in naubang in hong kem hen,
Zotang bang dam in mel kimu kik ding,
Khen a vangkhua zuan ding khattang,
Sawlbang na vul ning ei,
Cik ciang mel kimu kik ding,
Lung in gel mawng, Gi bang i khen ding aw.
Kap buang lo e. A lungleng thei a Pasian in hong bawl hiven. :-( Tua bek hilo lai, a nuai a la zong na en ve...
Muikhua hong zing kuanta e, Lia leh taang aw kei khattang zuang ing,
Lungzuanna zatam sial ing, Huiva bang laukha zuang ing,
Gual ngaih teng aw mangpha man ni,
Mangpha maw, Lia leh Taang ngaih aw.
Sakkik:
Lenna ngeisok pakna mual gam pan,
Kong ngilh zawhloh kong phawk Lia leh Taang,
Guai aw e, heina peuh ah,
Na heina Sian in hong siam hen aw.
Lia leh Taang khawlkhawm hunte, Tupna tungin Sian in hong siam hen,
Lawmlau te kituak kik dong, Heina ah Sian in hong kem hen
Gual ngaih teng aw, Mangpha man ni,
Mangpha maw, Lia leh Taang ngaih aw.
Love song gum ngeek khat pen By Lengtong Kam Khen
Siamsil nelzun tong kong khak, Naubang na sang maw ngaihno,
Na vang mu bang kong ngaih man, Zan ciang maimit siing mawng e,
Maimit siing leng zalmang in, Ngaih tawh lambang pak khawm ing,
Taang lungzuang khangthei lo, Na e,
Vang ngaihno aw!
Ngaih aw nong sial lai na'm aw, Nang tawh sa bang tatna te,
Sim leitungah nun nuam bel, Nang tawh gi bang khen kei ni,
Nang kaan gual ka ngaih omlo, Tongciam khuam bang khosak aw,
Mel mu kik in Sian in siam hen,
Vang ngaihno aw!
Zomi lak ah Bil nei khempeuh in i zak dinga hoih kasak mahmah khat bel "Pankhawm Hatna Hi (Unity is strength)" cih hi. Kihaza a, pangpalek banga tungnun kituh a thuneu cikcik khawngah iki demdem leh bangmah ciang i tung kei dinga, ahi zongin thudik ah i pankhawm peuhmah leh i khangto dinga, Zogam, Zomi zong hong PAAL ding hi.
LENGTONG te late-2 ah a tawpna penpen ah BIL NEI KHEMPEUH IN ZA TA HEN cih la pen pianthakna, kha lam nuntakna hi.
Ama min in LENGTONG HOIH! (LENGTONG HOIH)
Duangheksiam a LENGTONG HOIH.
Make up a cih zong kinuh se lo
Ama min in LENGTONG HOIH
Ngaihsun dih ve LENGTONG HOIH tangthu
Na za ngei maw hihzah-ta a minthanna?
Ama min in LENGTONG HOIH.
Ama min in LENGTONG HOIH! (LENGTONG HOIH)
Tongluan siam ah LENGTONG HOIH.
Eye shadow zong zang se lo
Ama min in LENGTONG HOIH
Na za ngei maw LENGTONG te lasak
Ngaihsun siam ve hihzah-ta a lunggelna?
Ama min in LENGTONG HOIH.
ciin LENGTONG Volume 2 na ah Zomi tangthu ah nungak melhoih a minthang LENGTONG HOIH pahtawina in la hong sa ziahziah uh hi. A tangthu ah Zolia melhoih tungtuang LENGTONG HOIH in vantunga taang Aksi deih hi. Aksi taang a lu tungah bat nuam ahih manin tua Aksi a laksak zo peuhmah tenpih ding ciin a gen ciangin Zotaang Neino (mah hi mate?) vantunga Aksi la dingin pai hi. A pai kikal in Kawlmangpa in LENGTONG HOIH mu a, hoihsa lua mahmah ahih manin a zi dingin pui in, a ut lopi tenpih hi, kici hi.
LENGTONG HOIH hun lai in make up cih zong omlo a, eye shadow cih zong omlo in, kizepna tuamtuam om nailo hi. Ahi zongin Zomi tangthu sungah amah zah a Zolia melhoih om ngeilo a, zong om nawnlo hi. A melhoih dan a kigen ciangin, 'a tul theilo sun nitaang tawh kibang hi' kici hi. Tua zaha hoih Zolia phawkna leh a lasakte uh zong LENGTONG HOIH melhoih a minthan vangvang banga minthang ding cih deihna in LENGTONG LASA PAWL hong piang hih tuak hi. Tua pen kum 1978 pawl hi a, 1980 kiim in minthang mahmah ta in, Stage Show leh Concert thupi tuamtuam bawlta uh hi. Tua pen LENGTONG lasiamte ci a i theihte hong kipatna hih tuak hi. (A kicingzaw in a ki atna laibu, laidal om dingin um ing).
LENGTONG late 2 na ah a om late -
1. Amin LENGTONG HOIH
2. Khua khal vak in ah lei lengthe hong khuang
3. Meitei gun
4. Khut kilen in pai ni, Zomi Nam Ni hong tung
5. Gam leh Nam tawisang ve ni
6. Itna sum leh pai
7. Khattang sawlbang heina ah, sinlai ah va bang phawng den
8. Gam leh Lei leh Nam
9. Kei lungzuan
10. Khenta ding maw
11. Leitung hauhna sum leh pai tawh lei theih hilo Tun leh Zua
12. Sian in siam hen
13. Vaimang siamsil
14. Vang ngaihno aw
15. Lenna vangkhua
16. Zaideih
17. Bil nei khempeuh in za ta hen
Khua khalvak in ah lei lengthe hong khuang... cih la i zak ciang NGAIH ANGLAI AH film i phawk hi. Cingno ihmu theilo, hehpih huai lua hilo hiam? Meitei gun.... la lah LENGTONG te lasak khempeuh pan a minthang pen hi a, "Ngaih nang tawh om leng mun khempeuh nuam e," cih pen a uanggen nuamte bang in, ".... lobuk zong nuam e" ci liang uh hi. Tua bel thei kei mawk hang.
Khut Kilen in Zomi Nam Ni ah pai ni cih la hoih mahmah hi.
Mabang pan ni, i pahtang dawn pan don ni,
Zo heisa no te aw, I kim hiam aw?
Tuang hong tung Zomi Nam Ni,
Ei ading nam cin tuibang gawmna
Hong pai ve vua,
Tuang hong tung Zomi Nam Ni,
Ei ading nam cin tuibang gawmna
Hong pai ve vua,
Khut kilen in pai ve ni,
Khut kilen in pai ve ni,
Zomi Nam Ni
Lungdam khutbeng in lam ni,
Aw, la ngaihte sa ni
Lungdam khutbeng in lam ni,
Aw, la ngaihte sa ni
Lasa den ni, Hong pai ve vua
LENGTONG Pauno in la a sak khempeuh lak pan a za khempeuh in a deih penpen uh ahih leh NU itna late hi. Tun aw, Nu aw, Mimbang pianna, ahih kei leh Leitung Pasian.... cih bangin na gen hi.
1. Khattang sawlbang heina ah, Sinlai ah va bang phawng den,
Mimbang pianna tun nu aw, Na min thei bang lo ing,
Ka lawh hang mel ah mu lo, Koi ah sawlbang na hei hiam?
Zuangtho dih ve tun nu aw, Na tong sang nuam lai ing.
Sakkik:
Simlei mimbang ka pian lim, Sanggah liangvai hi ta'ng,
Aw, aw, aw, lungzuan zatam sial dinga, Mimbang a piang ka hiam?
2. Lungnop va bang i lenlai, Holung i kup khop lai ngai veng,
Sinthu an bang nong mop te, Hai bang na ngak na den ing,
Phung mun muang siang na tun ciang, Simlei i saulim nuai ah,
Na tawi sanggah momno teng, Taang bang dam Sian in siam hen.
3. Simlei lailung dam omlo, Limbelh lumbang sung omlo,
Lung in gel mawng e tun aw, Tu a gibang khen ding,
Taang bang kholpih guallai ah, Sen gual sing bang bat omlo,
Sanggah kei zuan sangsawn e, Sian aw, Lumbang hong sung in.
ZOMI ihihna i tenna, i heina, i nekzonna a kidang zongin mangthanglo a, i minam mah i it ding, i mangthangsak loh ding hi cih zong kilawm takin hong hilh uh hi. Gam leh minam itna pen mihing khempeuh lungtang sungah mihing piangsak pa in a koihsa hi a, a lamdang thu hi ci-in ka ngaihsun hi. Hih la en suk leng -
Lungtuak lia leh taang maciang suan khawm ve ni,
Lungtuak sinthu suut lailung gel khawm ve ni,
Sinthu khat tui bang luang zaideih awi khawm leng,
Ki it kilemna thu thangsak ni,
Kawlgam vaigam i hei zong ZOMI hi hang,
Tuilu tuitawi i hei zong ZOMI hi hang,
Heina peuh i minam mangthangsak lo in,
Pupa lamsa nam lia leh taang hi.
Pi leh pu tun leh zua ciin leh tuai aw,
Lia leh taang te Lengtongte lasak ngai un
Simleitung sakmi khang mi kikhen lo in
Pianna khat ci khat nam khat hi hang,
Gam leh minam adingin pilna siamna,
Neihsa sum leh pai leh tha leh ngal
Lungsim pumkhat suak in khut khat tawikhawm ni,
I gam leh minam tawisang ve ni.
Leitung ah ki itna maan taktak om kei cih a dik mah diam thei khang. Ahi zongin ki itna ahang tampi om a, a mi tawh kizui in a tuamtuam himawk hi. Pawlkhat pen melhoih mana ki it hi a, pawlkhat sum hauh man hi mah a, pawlkhat pen a thudik man, pawlkhat midang a om loh mana ki it hi ding hi. Ka phawk khat pen, sangkah lai in lawmte khat in, "Kei zong ka liangko tungah aksi kisuang leh hong nusia lo mah ding hi ven" ci in a lupna tungah khasia phial hi. Bu, officer hih mana ki it khawng zong om hih tuak hi. Tua manin tua tawh ki it leng ITNA MAAN HI kici theilo mah hi. Ahi zongin ki itna pen Sum leh Pai hang hi khin dingin bel um kei mawk ing.
LENGTONG Pauno in bel ITNA SUM LEH PAI hi na ci ngiat hi. A dik mah diam thei khang, a hau khempeuh in a deih uh ngah khin tuanlo a, a zawng khempeuh zong zi mu zolo cih om tuanlo ahih ciang, "Sian Gawm" leh "Sian Gawm Loh" bek hilo diam, mate? Thei sam khang.... a La en dih ni.
1. Leitungah ki itna taktak, Ka zonzon hang mu zo keng e,
Mihing khat leh khat ki itna, Hauhna sum leh pai bek hi.
Zawng lua bangmah neizo lo in, Ka veng ka pam in hong simmawh e,
Ka ip sungah bangmah omlo a (Huih bel om ngeel ding hi ven maw),
Kholhpih ding lawm muzo keng.
Sakkik:
Leitung mite ki itna in sum leh pai bek hi,
Ki itna maan itna taktak leitungah om kei,
Itna hauhna sum leh pai.
2. Mailam ka nuntak nang omlo, Hong it hong ngai muzo keng e,
Inn leh lo bangmah nei lo in, Nungakten hong simmawh e,
Kei zong mi bangin hau hi leng, Nungakten hong ngai mah ding hi ven,
Hong it hong ngai tammah ding hiven, Min hong simmawh lo mah ding hi ven.
Sum leh pai hanga ki it te ki itna maanlo hi kici khin thei tuan ding hiam? Ki itna maan bang hi ding hiam? Melhoih sak man ki itte hi ding maw, ahih kei leh Christian values te aneih man a ki itte hizaw ding maw? Ahih kei leh nu leh pa in ki it un ci-a a gawmte bek ki itna maan hi ding hiam?
Hah, gim huai ei.... ki itna thu pen mipil penpen Kumpi Solomon nangawn in zong a theih zawhloh hi a, ei theihna neucik tawh suut zawh pak ding hi kenteh. ZOLAI mah zuun toto lai dih ni.
Sangkah lai a lung hong leengsak mahmah la khat pen KHENTA DING MAW cih La hi. Tan 8 leh 9 ka simlai in Hnahlan pan lawmte tawh kikhen ding, Farewell Night ciin moh (maida) khawng peuh sathau a kangin nungakte tawh kikha in, zanhak phial a ciak ngeingai. I sangkahpih nungak hoih i sak simte bang moh kan kipiapia nuam hi lai! Ei lah a zingciang Murlen lam zuana ciah ding hita! Lungleng veve ahi tam maw. A kum thak ciang lah khua dangah sangkah ding hita....... cik ciang hih lawmte tawh ka kimu kik tam maw cih ih lungsim ah lianpen takpi hi....
Vaimang siamsil mubang ngaih manin,
Siambang sinna saumang nunnuam ah,
Khawlpih lungtuak gual ngaih teng tawh,
Gi bang khenta ding,
Tang bang kholh loh lungkup cim man nailo pi,
Gi bang khenta ding maw?
Tung sun ni mualdawn ah hong suak,
Lawm gual ngaih teng tawh khenna ding hi e,
Nun nuam a ngabang i lenlai, Nuihciam i lel lai ni.
Maimit suan ngam lang e sabang i tatna,
Luankhi gial bang kia e.
Taang khuakhal huihkhi hong lang,
Lawkta te hong tau in, Len mui hong kai,
Kholhpih gualngaih tawh gi bang khen a,
Vangkhua zuan ding, Lung in gel mawng e.
Tung sun ni mualdawn ah hong suak,
Lawm gual ngaih teng tawh khenna ding hi e,
Nun nuam a ngabang i lenlai, Nuihciam i lel lai ni.
Maimit suan ngam lang e sabang i tatna,
Luankhi gial bang kia e.
Sian in naubang in hong kem hen,
Zotang bang dam in mel kimu kik ding,
Khen a vangkhua zuan ding khattang,
Sawlbang na vul ning ei,
Cik ciang mel kimu kik ding,
Lung in gel mawng, Gi bang i khen ding aw.
Kap buang lo e. A lungleng thei a Pasian in hong bawl hiven. :-( Tua bek hilo lai, a nuai a la zong na en ve...
Muikhua hong zing kuanta e, Lia leh taang aw kei khattang zuang ing,
Lungzuanna zatam sial ing, Huiva bang laukha zuang ing,
Gual ngaih teng aw mangpha man ni,
Mangpha maw, Lia leh Taang ngaih aw.
Sakkik:
Lenna ngeisok pakna mual gam pan,
Kong ngilh zawhloh kong phawk Lia leh Taang,
Guai aw e, heina peuh ah,
Na heina Sian in hong siam hen aw.
Lia leh Taang khawlkhawm hunte, Tupna tungin Sian in hong siam hen,
Lawmlau te kituak kik dong, Heina ah Sian in hong kem hen
Gual ngaih teng aw, Mangpha man ni,
Mangpha maw, Lia leh Taang ngaih aw.
Love song gum ngeek khat pen By Lengtong Kam Khen
Siamsil nelzun tong kong khak, Naubang na sang maw ngaihno,
Na vang mu bang kong ngaih man, Zan ciang maimit siing mawng e,
Maimit siing leng zalmang in, Ngaih tawh lambang pak khawm ing,
Taang lungzuang khangthei lo, Na e,
Vang ngaihno aw!
Ngaih aw nong sial lai na'm aw, Nang tawh sa bang tatna te,
Sim leitungah nun nuam bel, Nang tawh gi bang khen kei ni,
Nang kaan gual ka ngaih omlo, Tongciam khuam bang khosak aw,
Mel mu kik in Sian in siam hen,
Vang ngaihno aw!
Zomi lak ah Bil nei khempeuh in i zak dinga hoih kasak mahmah khat bel "Pankhawm Hatna Hi (Unity is strength)" cih hi. Kihaza a, pangpalek banga tungnun kituh a thuneu cikcik khawngah iki demdem leh bangmah ciang i tung kei dinga, ahi zongin thudik ah i pankhawm peuhmah leh i khangto dinga, Zogam, Zomi zong hong PAAL ding hi.
LENGTONG te late-2 ah a tawpna penpen ah BIL NEI KHEMPEUH IN ZA TA HEN cih la pen pianthakna, kha lam nuntakna hi.
No comments:
Post a Comment