Helpawl nih kikaptuah
Lamka, March-8: Police apan kizadan in tuni zingsang dak 5:00 vel in Police station apan km 5 vel a gamla Saidan khua ah meltheihlouh galvan tawi helpawl group 2 kikaptuah uh a, Army te’n leng a theih phet un vadelh uh chihthu om hi. Kikapna mun ah Satkhohen Kipgen(50) s/o (late) Zamkhokai of Tuibuang Kipgen Veng thau a kaplupsa in mukhia uh a, Police te’n tuni zinglam dak 8:30 in siluang va la uh a, District Hospital morgue a postmortem bawlzawh in a innkuante kiang ah pekhia uh chihthu om hi.
Rev Dr Vanlalnghaka hong zin
Lamka, March-8: Billy Graham Evangelistic Assn a mi poimawh leh Pathian thugen minthang Rev Dr Vanlalnghaka in Shillong akipan in Lamka hongpha a, tuni in Pastor Th Mangthianlal leh Miss Senni kitenna uap in thugen hi. Aman March 9, 2008(Pathianni) in Chiengkonpang a Evangelical Synod Church, HQ Church ah zing leh nitak in Pathian thugen ding hi.
PHED Minister in Lamka pha
Lamka, March-8: TN Haokip, Minister (PHED, IPR, Tourism) in tuni zinglam in Imphal apan Lamka hongpha in Lamnka khawpi leh akim laka water supply dinmun hong enkhia chihthu om hi. PHED Minister leh a team te’n water reservoir bawlna mun ding mun tuamtuam enkhia uh a, nitaklam in Imphal ah kiknawn uhi.
Music Video thak hon hiding
Lamka, March-8: EBC Zion, New Lamka a Baptist Youth Fellowship(BYF) pawlin ‘Hon domsang’ chih Pathian pahtawina Music Video thak a bawl uh March 9, 2008(Pathianni) sunnung dak 1.00 in Rev L. Kham Kholun, General Secretary, EBC in Pathian kianga latna leh honna nei ding hi. BYF Zion te’n huai Music Video a kikhum laphuak mi 8te pahtawina leng pe ding uh chihthu kiza hi.
Cardiologist in Lamka hongpha
Lamka, March-8: Dr Thokchom Sachin Deba, Cardiologist(Heart specialist) in tuni sunnung in Lamka hongpha in Zenhang Lamka a om Dr V. Jamthianlal tenna inn ah damlou mi 50 val en chihthu kiza hi. Dr Thokchom bel Regional Insitute of Medical Sciences (RIMS) ah Assistant Professor semlel hi’n kigen hi.
Closing Ceremony zang ding uh
Lamka, March-8: Zomi Nam Ni Diamond Jubilee Celebration Committee,2008 pawl in March 9, 2008 sunnung dak 1.30 in Simveng a SYO Hall ah closing ceremony zang ding uhi. Closing ceremony programme tuamtuam a zat zawh un ankuang luina leng om ding chih thu kiza hi.
Phone- gui sautak kigu mang
Lamka, March-8: Guta pawlkhat in zan nitak in Rengkai khawgei a Khuga lei (bridge) ah BSNL telephone gui kikhung thak metre tamtak gumang uh hi’n kigen hi. Huai phone-gui(fibre cable ) bel sik pipe lawng sung a kithun hi a, a sik pipe lawng tawh kigumang hi’n kigen hi.
Sawmpau Memorial Tourney om ding
Lamka, March-8: Sahara leh Nghathal Youth Club kigawmte saina in March 22 apan April 12 2008 sung Nghathal Play ground ah Sawmpau Memorial Football Tournament 5- veina leh Community Awareness programme kithuah om ding hi. Football a Winner team in Trophy+ Rs 20,000 + Certificate ngah ding uh a, Runners-up team in cash prize Rs 10,000 ngah ding uhi. Best Player, Top Scorer leh Man of the Match leng telkhiak hiding hi.
Cycle in Lhingcha phukha
Lamka, March-8: Ms Lhingcha(60) w/o Genkhopau of Koite village tuni zingsang dak 8:30 vel ding in a khua uah cycle ka taite tawh kimaituah in kiphukha uh a, amah kipuk in a dek tatkha a, hospital ah etkol in om hi.
Accident a si Dawmsang tuni’n kivui
Lamka, March-8: Laldomsang(25) s/o Thuomte of Khawmoi zanhal in Pherjawl leh Taithu kikal ah Truck in a phutlup khak zan nitak in Pherjawl apan Khomawi hong kipawtung a, tuni in kivui hi. Mr Domsang ahihleh Pherjawl a PCI (R) School a teacher sem hi a, alawmpa tawh Parbung ah interview dia kuan tuahsia tuak hi’n kigen hi. Tuni in truck neite leh misi innkuante kihouna om hi’n thutut kingah hi.
Suunna
Mrs Nemzavung (67) w/o T Kamkhotuan of Pearsonmun tuni sunnung dak 1:30 velin in Delhi ah cancer ziakin si a, Delhi a om a tapa T Goukhangin tenna inn pansan in March 9 in kivui ding hi. March 9 zinglam dak 11 in Bungmual Siloam Veng a T Chinsum tenna innah suunna program zang ding uhi.
IMPHAL NEWS:
Manipur ah MP (Rajya Sabha) telna March 26 in om ding
Imphal, March 8: Rajya Sabha a Parliament Member Rishang Keishing hun a bei ding tawh kiton in, tuni in Manipur Chief Electoral Officer R R Rashmi IAS in tuni in thusuah bawl a, huai ah Rajya Sabha member telna ding tawh kisai in theihtuak khenkhat puanna nei hi.
CEO RR Rashmi in a taklat dan in, tulel a Rajya Sabha Member Rishang Keishing hun April 9, 2008 a bei ding ahihdan gen in, Election Commission of India in theihsakna apiak dungzui in, tuni a notification suahkhia ahihdan gen hi. RR Rashmi thusuak dungzui in, nomination paper March 15 tan in file theih ding a, Secrutiny March 17 in om ding a, March 19 tan in a ki zukkik ut te ki zukkik theih hidan in thusuah a bawlna ah taklang hi.
RR Rashmi IAS in agenbehna ah, March 26 2008 zinglam dak 10 apan in nitaklam dak 4 kikal vote khiak hiding in gen a, election process himim March 29 2008 a zawhfel vek hiding in taklang hi. Rajya Sabha election ah Returning Officer ding n Manipur Assembly Secretary T Joute seh in om a, Assistant Returning Officer hihna Joint Secretary, Assembly Secretariat in lending hi. Polling station ding in Assembly Secretariat a Room ‘A’ zat hiding a, Godrej type Ballot Box zat hiding hi.
Candidate ut hiam, proposal pe ut te’n tuni apan March 15 tan zinglam dak 11-3 pm kikal in min piak lut theih ding a, General te ading in security deposit Rs 5,000 ngaiding a, SC/ST Candidate te ading in Rs 2,500 ngaiding hi. Tuni in Assembly Secretary T Joute in leng hiai tawh kisai mah in thusuah dang khat bawl hi.
Manipur Assembly Complex ah bomb puak
Imphal, March 8: Manipur Assembly budget session pailel tuni kiginni ahih tawh kiton in khawlsak in om a, himahleh, huai in Manipur Dan leh thupiak ginatlouh dan taklangin, State Government ading in zahlakna liantak tun hi. Police thusuak kingah dan in, tuni zinglam dak 11:45 vel ding in Assembly Secretariat complex gate no 1 (VVIP) gate, complex sung lam a, lampi kiang a paak om na lak vel ah, hand grenade khat puak zaak hi. Vangphat huaitak in suty ni a ahihziak in security duty kuamah om lou in a ki sukha leng om lou hi.
Assembly complex ah bomb puak om chih thu zaak phet in, MPP leader O Joy MLA, V Hangkhanlian NPP President, Bijoy Koijam MLA leh Speaker in delhpah uhi. Speaker in thiltung naktak in mawhpaih a, India Democracy gam a hiai bang thil a tun pen lamdangtak ahihdan gen in, kuamah hiai bang a gamtang nawnlou ding in ngen hi. MLA O Joy in thiltung pe’n mak sa mahmah ahihdan gen in, Government adia zahlakna liantak ahihthu gen hi. Manipur DGP Joy Kumar Singh in leng kintak in bomb puahna mun delh ngal hi. Police commando te makaih in Assembly kiimlak, Polo ground, BT Road, Paona Bazar leh Thanggal Bazar lak operation bawl ngal himah leh, muanmawh matkhiak kuamah om lou hi.
Manipur Assembly budget session pailel vengbit tu ding in Commander N Manglem Singh makaih in Ist IRB personnel 13 lel koih ahihziak in, Commander in man power kidaih lou ahihthu Home Department ah ana tunsek mah leh Government in tuni tanpha ngaihsak lou uh hi’n kigen hi.
Hiai thiltung tawh kisai in tuni in PREPAK nuai a Cobra Task Force in amau thilhih ahihdan puang ua, Lt Bobby makaih a anasep uh ahihdan taklang uhi. Manipur Chief Minister O Ibobi Singh in kuate hiam tungtawn a helpawlte vauna a bawl sek ziak a tuabang thiltung ahihdan taklang ua, maban ah kuapeuh pilvang ding in leng zasak uhi. Tuaban ah, Assembly session ah helpawlte douna dia thu passed khenkhat om ziak in, helpawlte ading in na mahmah a, MLA/Minister te adi’n maban ah apilvan uh ngaiding a, a sungkuante uh tanpha a ding in thil lauhuai khenkhat om ahihdan taklang uhi. Hiai thusuak ah PREPAK Cobra Task Force makai Bobby Mangang in suaikai hi.
Sugnu bial ah mi khat kaplup in om
Imphal, March 8: Zan nitak in meltheihlouh helpawl dia gintak lawi khat in Sugnu apan Km 12 a gamla Wangoo Nong yaikhong mapal leikai ah T Kunja (49) s/o E Umal of Wangoo Chaoren Mayang Leikai kichi kaplum uhi. Police thusuak in agendan in, T Kunja tal ah thautang lutna ma muh ding om a, RIMS Morgue ah post mortem bawl ding in koih hilel chi uhi.
JAC in Imphal – Ngarian lampi khak
Imphal, March 8: Thoubal Police Commando te’n zan nitaklam dak 2 in Khongjom lak Frisking abawl na uah, MN OI K 7946 (Maruti Van ngou) khat a Kakching zuanlai Khongjom Slop School kong mai ah mi 2 kaplum uh a, kaplup a om mi 2 te lak ah khat theih khiak in om ta hi. Thusuak in ataklatna ah, Police Commando te’n a kaplup uh Tongkham Deben (30) s/o (late) K Tomba of Bamon Kampu Mayai Leikai hi a, amah Van hektu hi a, Drivers Association ah leng dinmun poimawh tak leen ahi chi uhi. Thusuak in agenbehna ah, aman tulel in ta nih nei a, Association ah member poimawh tak ahihdan taklang kawm in, khawsak haksa mahmah hi ua, a zi leng a mit del ahihdan chian tak in taklang uhi. Hiai sihna ah Joint Action Committee khat dinkhiak in om a, lungkimlouh lahna in tuni in JAC pawl in Imphal to Ngarian lampi khakna nei uhi.
Tuabangkal ah, Imphal East Police Commando te’n helpawlte om na mun dia a gintak tak na uh operation nei zom zel ua, zan nitak mah in, Hatta AR kong lak Frisking bawl ua, huai ah Th Opendra @ Changba @ Rex (28) of Khurai Thoudam Leikai leh L Rijan @ Boijao Meitei (28) of Changnung Manung Leikai te mankhia ua, amau KCP member poimawh mahmah hi un kigen hi.
Sharmila JN Hospital tut hinawn
Imphal, March 8: Manipur numei hangsan chi a chiamteh a om Irom Sharmila zan in Court in khahkhe mah leh, amah AFSPA ziaka nuakna aneih khawlsan tuanlou in, a nasep mah sunzom nawn a, tu nitaklam dak 2:30 in Police te’n mankhe nawn in, CJM Residential Court ah dinsak ahih nung in, a om na lui mah JN Hospital Security Ward ah khum in om nawn hi.
NAC ading Job Fair om ding
NAC(Nasscom Assesment of Competence) adingin Manipur, Tripura leh Mizoram apan candidate kigawm mi 1,000 vel ading in March 13, 2008 zinglam dak 9.00 akipan in nitak dak 7.00 tan GP Women’s College, Imphal ah Job Fair om ding hi. Huai Job Fair bel NASSCOM team leh event management team kigawm in huaini in sai ding uh a, NAC candidate teng in huaini in HSLC exam akipan atunglam original certificate teng, scrore card leh a poimawh dangdangte tawikawm in ahun lap chiat ding in Addl Director of University & Hr Education, Govt of Manipur in theisak hi.
National Tribal Award apply theih ding
Ministry of Tribal Affairs, Govt of India in kum 2008-09 a 11th Plan hunsung in National Tribal Award kichi anuai abang scheme thak patkhiak sawm a, mimal leh group huai dia lunglut kuapeuh in July 31, 2008 tan Director of Tribal Research Institute,Imphal tawn in apply theih ding a, thu omdan kimzaw leng huai Directorate ah kanchet theih ding hi.
1. Best Janjatiya Award: Hiai award ngahte’n Rs. 2 lakhs, citation leh trophy mu ding uhi. Sports, Education,Culture, Science & Technology, Entrepreurship & Biodiversity conservation leh field dangdang ate’n hiai Award muthei ding uhi. ST pasal 1 leh ST mah numei 1 in ngahthei ding hi.
2. National Award for Exemplary Community Service: Hiai Award ah Rs. 3 lakhs, citation leh trophy kithuahkhawm ding hi. NGOs, voluntary organizations leh community based group khatpeuh community service thila semhoih tungtuante piak hiding uhi.
3. National Award for best performing Integrated Tribal Development Project(ITDP)/Integrated Tribal Development Agency(ITDA): Hiai Award mute Rs. 5 lakhs, citation leh trophy in zui ding hi.
Zunheboto DC suankhiak in om: Polling station tamtak re-poll ding
NPF leh Congress in Government thak bawlsawm in kisa lel uh
Kohima, Marcg 8: Nagaland Assembly Election March 5 2008 in neih in om a, seat 60 ading in palai telna om hi. Himahleh, Polling station 45 ah buaina tuamtuam om in, Electronic voting machine tamtak suksiat ahih ziak in, tuni in re poll neih in om hi. Tuni a repoll neihna hun ah, buaina liantak tungnawn in repoll om na mun mun tamtak repoll thak ngai ding in kigen hi. Hiai thiltung ah ECI thang pai mahmah in Zunheboto DC suankhiak lawh uh chih thu leng om hi.
Tuni zinglam dak 11 a vote sim pat ding chih himahleh, buaina tuamtuam om ziak in, sunnung dak 12 vel in vote sim kipan thei phet hi’n kigen a, vote simna mun khenkhat ah thil nuamlou pi tunna leng om hi’n thusuak in taklang hi. Nagaland state Assembly seat 60 om na lak ah seat 55 te ah vote simna zawh siang hita a, huai lak ah Nagaland People's Front (NPF) in seat 24 ah vualtung tuanna ngah ua, Indian National Congress in seat 22 tang in, BJP in seat 2, Nationalist Congress party in seat 2 leh Independent in seat 5 tangzou hi.
Nagaland People's Front makaih Democratic Alliance of Nagaland nujai ah NCP, JDU leh BJP pawl kipumkhat in Common Minimum Programme tanpha nei ua, NPF in single largest party a ngahna tawh Government bawlkhiak nawn sawm in pan naktak in la lel uhi. Alehlam ah, Congress pawl leng kisa lah mahmah in, seat 5 result theih nailouh ahih na tawh tua a tansa uh seat 22 kibulphuhna a zang in, party nou neuneu tawh kizop a, Government bawlkhiak ding chih tup pipen a nei uh hi’n kigen hi.
NPF makaih DAN in vaihawmna a let ngeingei leh Chief Minister lui Neiphiu Rio in Chief Minister hihna leen nawn ding in kilang a, Congress makaih a Government a dinkhiak ngeingei leh, K L Chishi, I Imkong leh Finance Minister lui K Therie khat penpen in Chief Minister hihna lending in kigen hi. Nagaland state assembly ah vote 85 per cent in vote khia uh a, Congress, BJP, NPF, RJD, NCP leh party tuamtuam 10 in tutung election ah tuh ua, Independent candidate 33 phazou hial hi. Candiate tengteng 218 phazou a, Congress in seat om zah 60 ah candidate koih vek ua, NPF in seat 56 ah candidate sawl hi.
Vote sim nailouh seat 5 om te zingchiang in sim gaihvek hiding in Chief Electoral Officer thusuak in taklang hi. Zunheboto District sung a Polling station khenkhat ah tuni in gari a lut theih nailouh ziak in polling official te tung theilou ua zingchiang March 9 in vote khiakthak hiding in kigen hi. Hiai thiltun ziak in, Election Commission of India thupiak dungzui in Zunheboto Deputy Commissioner Daniel Longchar suankhiak in om a, Director of Wasteland Development Norman Putsure in Zunheboto DC lending in order khauhtak suak chih thu om hi.
EDITORIAL:
Tuni Thupi:
“Valnou in, bang chi’n ahia a om dan a hih siangthou ding? na thu bang jel a a om dan veng hoih in.” Sam 119:9
Green Lamka leh Industrial site pichin poimawh
Phungkhothang Guite leh Zenhang Valte in Lamka ana saat tung lai un, bang tan mu a khawpi ana bawlkhiak uh ahi dia chih ki dong le hang, a tamzaw in, i dawnna ding chuh hiai tantan tung ding in a ngaihsun kei ding uh i chi ding hi. Dik leng a dik ding, huai hun lai in, Lamka khawp i chih mun dawp lak leh thoukaang tamna hiding in i gingta a, phaizang mun lianlou leh gammang lak ngen hiding in i lungsim mitkha in i mu thei hi.
Hun te hong paitou zel in, mipi kibehlap hiaihiai in, neek zonna nuam zaw ding a gintakna ziak in singtang apan Lamka khawpi in zuan sauhsauh ua, vongkuang a ann i neekna apan in kuangpi ah i ki suan a, kuangpi apan in steel plate ah, huai apan in standard zawseem chihna tawh buffet type chih i gen ziahziah ta uhi.
Lamka khawpi ah siamsinna, neih le lam, gari leh adangdang te ah kitaitehna sang mahmah in, dress competition niteng a om gige mah bang in, lam tuamtuam ah k idem souhsouh uhi. Khantouhna thupitak ah i chilou theikei hi. Technology thil ah leng khang mahmah in, nidang in naupang te kangtalai taai uh a, himahleh, tuni chiang in cycle nasan a leng tai peih nawn lou in, a ngaihtuahna tengteng uh seeng in, video game tungtawn in taai zel uhi. Nidang in Lamka khawpi ah hotel nih le thum lel om mah leh, tuni chian gin hotel standard mahmah, Fat James kichibang, ahih kei leh, Sauliim kichi bang hawnkhiak in om ta a, gamdang mite zintun ding in leng ki sit huai nawnlou bang hi.
Huchi kawmkawm in, Commercial site, Industrial site chih te i khen theih nailouh chiang un, i changkangna uh bukim nailou hi. Commercial site leh residential area kikop in, educational establishment hawnkhiak in om zawmah a, green Lamka kichi gamla deuh lai ding in kilang hi. Mipi om khawpna ah noise pollution tam mahmah a, bouruak su gik mahmah a theih ahi. Nidang in i khawpi Green Lamka ana hi a, tu in Dry Lamka ahita.
Manipur in Pollution control ngai poimawh mahmah in, Pollution Control Board a Chairman bang Cabinet rank pe zawmah uhi. A chihleh, Manipur Pollution Control Board in bang seem hiam chih ki dot tham ching hi. Dam bawl dek chiang chauh a, MPCB min dawk lel adiam chih theih in om hi. Churachandpur District in Dam lian mahman project nih, Khuga Multi purose project leh Tipaimukh Dam project te i nei lel uhi. Hiai bang leng, Pollution Control Board in amun mahmah ah a enkhe ta ding uam chih theih hilou a, a etkhiak khit ua leh kipahhuai mahmah ding hi. A ziak bel, Dam ki chinna himhim ah, pollution hat mahmah a, mipi ading in lauhthawng huai thei mahmah hi. Ministry of Forest and Environment in leng clearance certificate a issue louh in Dam kichi a mawk mai a pawng bawl theih mawk hilou hi. Flora and Fauna tawh kisai chauh leng case piching suak thei hi. Huai ziak in, i District sung a om Dam nihte Manipur Pollution Board in clearance certificate a piak tuaktuak uh poimawh ding hi.
I lak ah small scale industry pian deuh tam mahmah a, tua ban ah, kikawm tuahna kong zing poimawh deuh teng ah gari workshop om zengzung mawk hi. Huih niin mit a muh theih hileh, i tung a bouruak bangzah ta in i niin dia chih te theih but huai lou hi. Teddim Road ah i pai a, dakkal khat khawng i om maimai le leng, i luna in, ki hi taang ngal a, pollution a saan ziak hivek mai hi.
Pu Phungkhothang leh Pu Zenhang te’n Lamka Khawpi hichi lawmlawm a khang dingin a gingta kei ding uh chi le hang, sau genkhial lua i hi khol kei maithei. Himahleh, amau mengmuhna tan va thei pha bel i hi kei hi. I lak ah mi upa hon dam pih om sunsun laite’n Lamka khawpi mit muh a khangthei ahi a chih uh thudik hiding in i pom hi. Himahleh, sianthouna thil ah taaksapna liantak i nei lai hi. Siamsinpawlpi Lamka Block in kumlui in Green Lamka chih paulam in, nna thupitak hon seem ua, mike a kikou in, a tha le zung utawh na hon seem ua, mipi pahtaak lawh mahmah uhi. Tuni chiang in a seem zomlai un, a enkai lai uhiam chih bel theih hilou hi.
I khawpi Green Lamka i suah nop taktak leh, et kai ding tam mahmah a, singnou suan ding, tuilakna sianthousak ding, pollution control na dia industrial site mun tuam deuh a koih ding, residential area leh commericial area mun tuam biik a neih ding chih te poimawh mahmah a theih in om hi. Huai ziak in, Lamka khawpi’n Master Plan kichian tak i neih uh hun mahmah ta hi.
Mipi palai dia i telching te’n Lamka khawpi hon puah pih le uh chih deih huai mahmah a, Planning and Development Agency (PDA) tungtawn a puahtheih nang hon ngaihtuah uhenla, khawpi nuam leh etlawm, khawpi siangthou leh hing diidiaii ding in pan hon la le uh chih deih huai mahmah hi. A phat huai mahmah bel, Hmuia veng ah mi phatuam ngai pawlkhat in, zingkal leh nitaak teng in lamlian (Teddim Road) phiat siangna nei gige ua, veng tuamtuam te’n leng amau’ nasepdan enton a, i veng sung lamlian te uh i puah uh poimawh mahmah hi. Green Lamka hihna ding in tu-le-tu in 100% lawhching pah kei mah le hang, damlou ding lai mi tamtak hunkhia i hi ding in i gingta hi.
Pathianni Sermon:
Na thilhih leh paukam ah gin-om in
-Bayliss
“Na thugen uah ‘ahi” na chih uh hiam ‘hilou’ na chih phot uh chitakna telin lenkip un.” -Mathai 5:37
Duke of Brundy in a sihma deuh in France gam pumpi a Cabinet Council meeting makaih hi. Minister tamtak in thusun bawl uh a, huai zang hile uh gamdang tawh kilemna a bawl uh bawhse ding himahleh France gam ading in lbel phattuamna thupitak om ding hi. Huaiziakin Minister tamtak in huai thusun pom hoihzaw ding ahihdan suanlam tuamtuam tamtak leng genkhia uhi. Duke of Brundy in bel pau hetlou in Minister tamtakte thugen ngaikhia a, a tawpin huchibang thusun hoih leh manphatakte lemsak thug en tuanlou in khawmpi khak hi. Hileleng aman kilemna suai kaihna lehkha omsa lakhia in huai tung ah a khut koih a, chihtakna mel khauhtak pawkam in “heutu leh makai muanhuaite aw, gamdang tawh kilemna i bawlsa uh ahi.” chih kia gen hi.
Huchi bangin ei Christiante’n leng i trhilhih leh paukam ah chihtakna tel in i Hondamtu(Savior) i pahtawi thei uhi. Gin-omna leh chihtakna ding a thupuan na bawl aleh huai lenkip in. Banghiam sep ding hiam bawl dia na thutanna omte bawhse lou in pichin in. Nang a kinga hih ding a om leh huai leng tangtung sak in. Jesu in leng Mathai 5:37 ah “ahi’ na chih uh hiam ‘hilou’ na chih phot uh n lenkip un” chi hi.
I chihtakna leh muanhuaina i kithuahpih leh kituahkhakpihte khempeuh in leng a theihpah theih ding khop uh chihtakna i neih ding ahi. “A thugen kei ading in ginlelhna ding omlou khop a mi muanhuai ahi” chi a midang in hong koih uh Christian hih bangzahta a manpha hidiam? Christian hilou mite’n leng business thil a muantak leh kingakna tak a hong ngaihtuah theih ua lebel amau kianga tanchinhoih (gospel) i gen pih hun ah leng amau ading in gintak baihlam zawsem ding hi.
Huaiziakin na thuchiam phelkik ding leh pichinlou dia khem a na om chiang in Duke of Brundy in a thugen leh paukam ngaihtuah khe zel in.
Lamka, March-8: Police apan kizadan in tuni zingsang dak 5:00 vel in Police station apan km 5 vel a gamla Saidan khua ah meltheihlouh galvan tawi helpawl group 2 kikaptuah uh a, Army te’n leng a theih phet un vadelh uh chihthu om hi. Kikapna mun ah Satkhohen Kipgen(50) s/o (late) Zamkhokai of Tuibuang Kipgen Veng thau a kaplupsa in mukhia uh a, Police te’n tuni zinglam dak 8:30 in siluang va la uh a, District Hospital morgue a postmortem bawlzawh in a innkuante kiang ah pekhia uh chihthu om hi.
Rev Dr Vanlalnghaka hong zin
Lamka, March-8: Billy Graham Evangelistic Assn a mi poimawh leh Pathian thugen minthang Rev Dr Vanlalnghaka in Shillong akipan in Lamka hongpha a, tuni in Pastor Th Mangthianlal leh Miss Senni kitenna uap in thugen hi. Aman March 9, 2008(Pathianni) in Chiengkonpang a Evangelical Synod Church, HQ Church ah zing leh nitak in Pathian thugen ding hi.
PHED Minister in Lamka pha
Lamka, March-8: TN Haokip, Minister (PHED, IPR, Tourism) in tuni zinglam in Imphal apan Lamka hongpha in Lamnka khawpi leh akim laka water supply dinmun hong enkhia chihthu om hi. PHED Minister leh a team te’n water reservoir bawlna mun ding mun tuamtuam enkhia uh a, nitaklam in Imphal ah kiknawn uhi.
Music Video thak hon hiding
Lamka, March-8: EBC Zion, New Lamka a Baptist Youth Fellowship(BYF) pawlin ‘Hon domsang’ chih Pathian pahtawina Music Video thak a bawl uh March 9, 2008(Pathianni) sunnung dak 1.00 in Rev L. Kham Kholun, General Secretary, EBC in Pathian kianga latna leh honna nei ding hi. BYF Zion te’n huai Music Video a kikhum laphuak mi 8te pahtawina leng pe ding uh chihthu kiza hi.
Cardiologist in Lamka hongpha
Lamka, March-8: Dr Thokchom Sachin Deba, Cardiologist(Heart specialist) in tuni sunnung in Lamka hongpha in Zenhang Lamka a om Dr V. Jamthianlal tenna inn ah damlou mi 50 val en chihthu kiza hi. Dr Thokchom bel Regional Insitute of Medical Sciences (RIMS) ah Assistant Professor semlel hi’n kigen hi.
Closing Ceremony zang ding uh
Lamka, March-8: Zomi Nam Ni Diamond Jubilee Celebration Committee,2008 pawl in March 9, 2008 sunnung dak 1.30 in Simveng a SYO Hall ah closing ceremony zang ding uhi. Closing ceremony programme tuamtuam a zat zawh un ankuang luina leng om ding chih thu kiza hi.
Phone- gui sautak kigu mang
Lamka, March-8: Guta pawlkhat in zan nitak in Rengkai khawgei a Khuga lei (bridge) ah BSNL telephone gui kikhung thak metre tamtak gumang uh hi’n kigen hi. Huai phone-gui(fibre cable ) bel sik pipe lawng sung a kithun hi a, a sik pipe lawng tawh kigumang hi’n kigen hi.
Sawmpau Memorial Tourney om ding
Lamka, March-8: Sahara leh Nghathal Youth Club kigawmte saina in March 22 apan April 12 2008 sung Nghathal Play ground ah Sawmpau Memorial Football Tournament 5- veina leh Community Awareness programme kithuah om ding hi. Football a Winner team in Trophy+ Rs 20,000 + Certificate ngah ding uh a, Runners-up team in cash prize Rs 10,000 ngah ding uhi. Best Player, Top Scorer leh Man of the Match leng telkhiak hiding hi.
Cycle in Lhingcha phukha
Lamka, March-8: Ms Lhingcha(60) w/o Genkhopau of Koite village tuni zingsang dak 8:30 vel ding in a khua uah cycle ka taite tawh kimaituah in kiphukha uh a, amah kipuk in a dek tatkha a, hospital ah etkol in om hi.
Accident a si Dawmsang tuni’n kivui
Lamka, March-8: Laldomsang(25) s/o Thuomte of Khawmoi zanhal in Pherjawl leh Taithu kikal ah Truck in a phutlup khak zan nitak in Pherjawl apan Khomawi hong kipawtung a, tuni in kivui hi. Mr Domsang ahihleh Pherjawl a PCI (R) School a teacher sem hi a, alawmpa tawh Parbung ah interview dia kuan tuahsia tuak hi’n kigen hi. Tuni in truck neite leh misi innkuante kihouna om hi’n thutut kingah hi.
Suunna
Mrs Nemzavung (67) w/o T Kamkhotuan of Pearsonmun tuni sunnung dak 1:30 velin in Delhi ah cancer ziakin si a, Delhi a om a tapa T Goukhangin tenna inn pansan in March 9 in kivui ding hi. March 9 zinglam dak 11 in Bungmual Siloam Veng a T Chinsum tenna innah suunna program zang ding uhi.
IMPHAL NEWS:
Manipur ah MP (Rajya Sabha) telna March 26 in om ding
Imphal, March 8: Rajya Sabha a Parliament Member Rishang Keishing hun a bei ding tawh kiton in, tuni in Manipur Chief Electoral Officer R R Rashmi IAS in tuni in thusuah bawl a, huai ah Rajya Sabha member telna ding tawh kisai in theihtuak khenkhat puanna nei hi.
CEO RR Rashmi in a taklat dan in, tulel a Rajya Sabha Member Rishang Keishing hun April 9, 2008 a bei ding ahihdan gen in, Election Commission of India in theihsakna apiak dungzui in, tuni a notification suahkhia ahihdan gen hi. RR Rashmi thusuak dungzui in, nomination paper March 15 tan in file theih ding a, Secrutiny March 17 in om ding a, March 19 tan in a ki zukkik ut te ki zukkik theih hidan in thusuah a bawlna ah taklang hi.
RR Rashmi IAS in agenbehna ah, March 26 2008 zinglam dak 10 apan in nitaklam dak 4 kikal vote khiak hiding in gen a, election process himim March 29 2008 a zawhfel vek hiding in taklang hi. Rajya Sabha election ah Returning Officer ding n Manipur Assembly Secretary T Joute seh in om a, Assistant Returning Officer hihna Joint Secretary, Assembly Secretariat in lending hi. Polling station ding in Assembly Secretariat a Room ‘A’ zat hiding a, Godrej type Ballot Box zat hiding hi.
Candidate ut hiam, proposal pe ut te’n tuni apan March 15 tan zinglam dak 11-3 pm kikal in min piak lut theih ding a, General te ading in security deposit Rs 5,000 ngaiding a, SC/ST Candidate te ading in Rs 2,500 ngaiding hi. Tuni in Assembly Secretary T Joute in leng hiai tawh kisai mah in thusuah dang khat bawl hi.
Manipur Assembly Complex ah bomb puak
Imphal, March 8: Manipur Assembly budget session pailel tuni kiginni ahih tawh kiton in khawlsak in om a, himahleh, huai in Manipur Dan leh thupiak ginatlouh dan taklangin, State Government ading in zahlakna liantak tun hi. Police thusuak kingah dan in, tuni zinglam dak 11:45 vel ding in Assembly Secretariat complex gate no 1 (VVIP) gate, complex sung lam a, lampi kiang a paak om na lak vel ah, hand grenade khat puak zaak hi. Vangphat huaitak in suty ni a ahihziak in security duty kuamah om lou in a ki sukha leng om lou hi.
Assembly complex ah bomb puak om chih thu zaak phet in, MPP leader O Joy MLA, V Hangkhanlian NPP President, Bijoy Koijam MLA leh Speaker in delhpah uhi. Speaker in thiltung naktak in mawhpaih a, India Democracy gam a hiai bang thil a tun pen lamdangtak ahihdan gen in, kuamah hiai bang a gamtang nawnlou ding in ngen hi. MLA O Joy in thiltung pe’n mak sa mahmah ahihdan gen in, Government adia zahlakna liantak ahihthu gen hi. Manipur DGP Joy Kumar Singh in leng kintak in bomb puahna mun delh ngal hi. Police commando te makaih in Assembly kiimlak, Polo ground, BT Road, Paona Bazar leh Thanggal Bazar lak operation bawl ngal himah leh, muanmawh matkhiak kuamah om lou hi.
Manipur Assembly budget session pailel vengbit tu ding in Commander N Manglem Singh makaih in Ist IRB personnel 13 lel koih ahihziak in, Commander in man power kidaih lou ahihthu Home Department ah ana tunsek mah leh Government in tuni tanpha ngaihsak lou uh hi’n kigen hi.
Hiai thiltung tawh kisai in tuni in PREPAK nuai a Cobra Task Force in amau thilhih ahihdan puang ua, Lt Bobby makaih a anasep uh ahihdan taklang uhi. Manipur Chief Minister O Ibobi Singh in kuate hiam tungtawn a helpawlte vauna a bawl sek ziak a tuabang thiltung ahihdan taklang ua, maban ah kuapeuh pilvang ding in leng zasak uhi. Tuaban ah, Assembly session ah helpawlte douna dia thu passed khenkhat om ziak in, helpawlte ading in na mahmah a, MLA/Minister te adi’n maban ah apilvan uh ngaiding a, a sungkuante uh tanpha a ding in thil lauhuai khenkhat om ahihdan taklang uhi. Hiai thusuak ah PREPAK Cobra Task Force makai Bobby Mangang in suaikai hi.
Sugnu bial ah mi khat kaplup in om
Imphal, March 8: Zan nitak in meltheihlouh helpawl dia gintak lawi khat in Sugnu apan Km 12 a gamla Wangoo Nong yaikhong mapal leikai ah T Kunja (49) s/o E Umal of Wangoo Chaoren Mayang Leikai kichi kaplum uhi. Police thusuak in agendan in, T Kunja tal ah thautang lutna ma muh ding om a, RIMS Morgue ah post mortem bawl ding in koih hilel chi uhi.
JAC in Imphal – Ngarian lampi khak
Imphal, March 8: Thoubal Police Commando te’n zan nitaklam dak 2 in Khongjom lak Frisking abawl na uah, MN OI K 7946 (Maruti Van ngou) khat a Kakching zuanlai Khongjom Slop School kong mai ah mi 2 kaplum uh a, kaplup a om mi 2 te lak ah khat theih khiak in om ta hi. Thusuak in ataklatna ah, Police Commando te’n a kaplup uh Tongkham Deben (30) s/o (late) K Tomba of Bamon Kampu Mayai Leikai hi a, amah Van hektu hi a, Drivers Association ah leng dinmun poimawh tak leen ahi chi uhi. Thusuak in agenbehna ah, aman tulel in ta nih nei a, Association ah member poimawh tak ahihdan taklang kawm in, khawsak haksa mahmah hi ua, a zi leng a mit del ahihdan chian tak in taklang uhi. Hiai sihna ah Joint Action Committee khat dinkhiak in om a, lungkimlouh lahna in tuni in JAC pawl in Imphal to Ngarian lampi khakna nei uhi.
Tuabangkal ah, Imphal East Police Commando te’n helpawlte om na mun dia a gintak tak na uh operation nei zom zel ua, zan nitak mah in, Hatta AR kong lak Frisking bawl ua, huai ah Th Opendra @ Changba @ Rex (28) of Khurai Thoudam Leikai leh L Rijan @ Boijao Meitei (28) of Changnung Manung Leikai te mankhia ua, amau KCP member poimawh mahmah hi un kigen hi.
Sharmila JN Hospital tut hinawn
Imphal, March 8: Manipur numei hangsan chi a chiamteh a om Irom Sharmila zan in Court in khahkhe mah leh, amah AFSPA ziaka nuakna aneih khawlsan tuanlou in, a nasep mah sunzom nawn a, tu nitaklam dak 2:30 in Police te’n mankhe nawn in, CJM Residential Court ah dinsak ahih nung in, a om na lui mah JN Hospital Security Ward ah khum in om nawn hi.
NAC ading Job Fair om ding
NAC(Nasscom Assesment of Competence) adingin Manipur, Tripura leh Mizoram apan candidate kigawm mi 1,000 vel ading in March 13, 2008 zinglam dak 9.00 akipan in nitak dak 7.00 tan GP Women’s College, Imphal ah Job Fair om ding hi. Huai Job Fair bel NASSCOM team leh event management team kigawm in huaini in sai ding uh a, NAC candidate teng in huaini in HSLC exam akipan atunglam original certificate teng, scrore card leh a poimawh dangdangte tawikawm in ahun lap chiat ding in Addl Director of University & Hr Education, Govt of Manipur in theisak hi.
National Tribal Award apply theih ding
Ministry of Tribal Affairs, Govt of India in kum 2008-09 a 11th Plan hunsung in National Tribal Award kichi anuai abang scheme thak patkhiak sawm a, mimal leh group huai dia lunglut kuapeuh in July 31, 2008 tan Director of Tribal Research Institute,Imphal tawn in apply theih ding a, thu omdan kimzaw leng huai Directorate ah kanchet theih ding hi.
1. Best Janjatiya Award: Hiai award ngahte’n Rs. 2 lakhs, citation leh trophy mu ding uhi. Sports, Education,Culture, Science & Technology, Entrepreurship & Biodiversity conservation leh field dangdang ate’n hiai Award muthei ding uhi. ST pasal 1 leh ST mah numei 1 in ngahthei ding hi.
2. National Award for Exemplary Community Service: Hiai Award ah Rs. 3 lakhs, citation leh trophy kithuahkhawm ding hi. NGOs, voluntary organizations leh community based group khatpeuh community service thila semhoih tungtuante piak hiding uhi.
3. National Award for best performing Integrated Tribal Development Project(ITDP)/Integrated Tribal Development Agency(ITDA): Hiai Award mute Rs. 5 lakhs, citation leh trophy in zui ding hi.
Zunheboto DC suankhiak in om: Polling station tamtak re-poll ding
NPF leh Congress in Government thak bawlsawm in kisa lel uh
Kohima, Marcg 8: Nagaland Assembly Election March 5 2008 in neih in om a, seat 60 ading in palai telna om hi. Himahleh, Polling station 45 ah buaina tuamtuam om in, Electronic voting machine tamtak suksiat ahih ziak in, tuni in re poll neih in om hi. Tuni a repoll neihna hun ah, buaina liantak tungnawn in repoll om na mun mun tamtak repoll thak ngai ding in kigen hi. Hiai thiltung ah ECI thang pai mahmah in Zunheboto DC suankhiak lawh uh chih thu leng om hi.
Tuni zinglam dak 11 a vote sim pat ding chih himahleh, buaina tuamtuam om ziak in, sunnung dak 12 vel in vote sim kipan thei phet hi’n kigen a, vote simna mun khenkhat ah thil nuamlou pi tunna leng om hi’n thusuak in taklang hi. Nagaland state Assembly seat 60 om na lak ah seat 55 te ah vote simna zawh siang hita a, huai lak ah Nagaland People's Front (NPF) in seat 24 ah vualtung tuanna ngah ua, Indian National Congress in seat 22 tang in, BJP in seat 2, Nationalist Congress party in seat 2 leh Independent in seat 5 tangzou hi.
Nagaland People's Front makaih Democratic Alliance of Nagaland nujai ah NCP, JDU leh BJP pawl kipumkhat in Common Minimum Programme tanpha nei ua, NPF in single largest party a ngahna tawh Government bawlkhiak nawn sawm in pan naktak in la lel uhi. Alehlam ah, Congress pawl leng kisa lah mahmah in, seat 5 result theih nailouh ahih na tawh tua a tansa uh seat 22 kibulphuhna a zang in, party nou neuneu tawh kizop a, Government bawlkhiak ding chih tup pipen a nei uh hi’n kigen hi.
NPF makaih DAN in vaihawmna a let ngeingei leh Chief Minister lui Neiphiu Rio in Chief Minister hihna leen nawn ding in kilang a, Congress makaih a Government a dinkhiak ngeingei leh, K L Chishi, I Imkong leh Finance Minister lui K Therie khat penpen in Chief Minister hihna lending in kigen hi. Nagaland state assembly ah vote 85 per cent in vote khia uh a, Congress, BJP, NPF, RJD, NCP leh party tuamtuam 10 in tutung election ah tuh ua, Independent candidate 33 phazou hial hi. Candiate tengteng 218 phazou a, Congress in seat om zah 60 ah candidate koih vek ua, NPF in seat 56 ah candidate sawl hi.
Vote sim nailouh seat 5 om te zingchiang in sim gaihvek hiding in Chief Electoral Officer thusuak in taklang hi. Zunheboto District sung a Polling station khenkhat ah tuni in gari a lut theih nailouh ziak in polling official te tung theilou ua zingchiang March 9 in vote khiakthak hiding in kigen hi. Hiai thiltun ziak in, Election Commission of India thupiak dungzui in Zunheboto Deputy Commissioner Daniel Longchar suankhiak in om a, Director of Wasteland Development Norman Putsure in Zunheboto DC lending in order khauhtak suak chih thu om hi.
EDITORIAL:
Tuni Thupi:
“Valnou in, bang chi’n ahia a om dan a hih siangthou ding? na thu bang jel a a om dan veng hoih in.” Sam 119:9
Green Lamka leh Industrial site pichin poimawh
Phungkhothang Guite leh Zenhang Valte in Lamka ana saat tung lai un, bang tan mu a khawpi ana bawlkhiak uh ahi dia chih ki dong le hang, a tamzaw in, i dawnna ding chuh hiai tantan tung ding in a ngaihsun kei ding uh i chi ding hi. Dik leng a dik ding, huai hun lai in, Lamka khawp i chih mun dawp lak leh thoukaang tamna hiding in i gingta a, phaizang mun lianlou leh gammang lak ngen hiding in i lungsim mitkha in i mu thei hi.
Hun te hong paitou zel in, mipi kibehlap hiaihiai in, neek zonna nuam zaw ding a gintakna ziak in singtang apan Lamka khawpi in zuan sauhsauh ua, vongkuang a ann i neekna apan in kuangpi ah i ki suan a, kuangpi apan in steel plate ah, huai apan in standard zawseem chihna tawh buffet type chih i gen ziahziah ta uhi.
Lamka khawpi ah siamsinna, neih le lam, gari leh adangdang te ah kitaitehna sang mahmah in, dress competition niteng a om gige mah bang in, lam tuamtuam ah k idem souhsouh uhi. Khantouhna thupitak ah i chilou theikei hi. Technology thil ah leng khang mahmah in, nidang in naupang te kangtalai taai uh a, himahleh, tuni chiang in cycle nasan a leng tai peih nawn lou in, a ngaihtuahna tengteng uh seeng in, video game tungtawn in taai zel uhi. Nidang in Lamka khawpi ah hotel nih le thum lel om mah leh, tuni chian gin hotel standard mahmah, Fat James kichibang, ahih kei leh, Sauliim kichi bang hawnkhiak in om ta a, gamdang mite zintun ding in leng ki sit huai nawnlou bang hi.
Huchi kawmkawm in, Commercial site, Industrial site chih te i khen theih nailouh chiang un, i changkangna uh bukim nailou hi. Commercial site leh residential area kikop in, educational establishment hawnkhiak in om zawmah a, green Lamka kichi gamla deuh lai ding in kilang hi. Mipi om khawpna ah noise pollution tam mahmah a, bouruak su gik mahmah a theih ahi. Nidang in i khawpi Green Lamka ana hi a, tu in Dry Lamka ahita.
Manipur in Pollution control ngai poimawh mahmah in, Pollution Control Board a Chairman bang Cabinet rank pe zawmah uhi. A chihleh, Manipur Pollution Control Board in bang seem hiam chih ki dot tham ching hi. Dam bawl dek chiang chauh a, MPCB min dawk lel adiam chih theih in om hi. Churachandpur District in Dam lian mahman project nih, Khuga Multi purose project leh Tipaimukh Dam project te i nei lel uhi. Hiai bang leng, Pollution Control Board in amun mahmah ah a enkhe ta ding uam chih theih hilou a, a etkhiak khit ua leh kipahhuai mahmah ding hi. A ziak bel, Dam ki chinna himhim ah, pollution hat mahmah a, mipi ading in lauhthawng huai thei mahmah hi. Ministry of Forest and Environment in leng clearance certificate a issue louh in Dam kichi a mawk mai a pawng bawl theih mawk hilou hi. Flora and Fauna tawh kisai chauh leng case piching suak thei hi. Huai ziak in, i District sung a om Dam nihte Manipur Pollution Board in clearance certificate a piak tuaktuak uh poimawh ding hi.
I lak ah small scale industry pian deuh tam mahmah a, tua ban ah, kikawm tuahna kong zing poimawh deuh teng ah gari workshop om zengzung mawk hi. Huih niin mit a muh theih hileh, i tung a bouruak bangzah ta in i niin dia chih te theih but huai lou hi. Teddim Road ah i pai a, dakkal khat khawng i om maimai le leng, i luna in, ki hi taang ngal a, pollution a saan ziak hivek mai hi.
Pu Phungkhothang leh Pu Zenhang te’n Lamka Khawpi hichi lawmlawm a khang dingin a gingta kei ding uh chi le hang, sau genkhial lua i hi khol kei maithei. Himahleh, amau mengmuhna tan va thei pha bel i hi kei hi. I lak ah mi upa hon dam pih om sunsun laite’n Lamka khawpi mit muh a khangthei ahi a chih uh thudik hiding in i pom hi. Himahleh, sianthouna thil ah taaksapna liantak i nei lai hi. Siamsinpawlpi Lamka Block in kumlui in Green Lamka chih paulam in, nna thupitak hon seem ua, mike a kikou in, a tha le zung utawh na hon seem ua, mipi pahtaak lawh mahmah uhi. Tuni chiang in a seem zomlai un, a enkai lai uhiam chih bel theih hilou hi.
I khawpi Green Lamka i suah nop taktak leh, et kai ding tam mahmah a, singnou suan ding, tuilakna sianthousak ding, pollution control na dia industrial site mun tuam deuh a koih ding, residential area leh commericial area mun tuam biik a neih ding chih te poimawh mahmah a theih in om hi. Huai ziak in, Lamka khawpi’n Master Plan kichian tak i neih uh hun mahmah ta hi.
Mipi palai dia i telching te’n Lamka khawpi hon puah pih le uh chih deih huai mahmah a, Planning and Development Agency (PDA) tungtawn a puahtheih nang hon ngaihtuah uhenla, khawpi nuam leh etlawm, khawpi siangthou leh hing diidiaii ding in pan hon la le uh chih deih huai mahmah hi. A phat huai mahmah bel, Hmuia veng ah mi phatuam ngai pawlkhat in, zingkal leh nitaak teng in lamlian (Teddim Road) phiat siangna nei gige ua, veng tuamtuam te’n leng amau’ nasepdan enton a, i veng sung lamlian te uh i puah uh poimawh mahmah hi. Green Lamka hihna ding in tu-le-tu in 100% lawhching pah kei mah le hang, damlou ding lai mi tamtak hunkhia i hi ding in i gingta hi.
Pathianni Sermon:
Na thilhih leh paukam ah gin-om in
-Bayliss
“Na thugen uah ‘ahi” na chih uh hiam ‘hilou’ na chih phot uh chitakna telin lenkip un.” -Mathai 5:37
Duke of Brundy in a sihma deuh in France gam pumpi a Cabinet Council meeting makaih hi. Minister tamtak in thusun bawl uh a, huai zang hile uh gamdang tawh kilemna a bawl uh bawhse ding himahleh France gam ading in lbel phattuamna thupitak om ding hi. Huaiziakin Minister tamtak in huai thusun pom hoihzaw ding ahihdan suanlam tuamtuam tamtak leng genkhia uhi. Duke of Brundy in bel pau hetlou in Minister tamtakte thugen ngaikhia a, a tawpin huchibang thusun hoih leh manphatakte lemsak thug en tuanlou in khawmpi khak hi. Hileleng aman kilemna suai kaihna lehkha omsa lakhia in huai tung ah a khut koih a, chihtakna mel khauhtak pawkam in “heutu leh makai muanhuaite aw, gamdang tawh kilemna i bawlsa uh ahi.” chih kia gen hi.
Huchi bangin ei Christiante’n leng i trhilhih leh paukam ah chihtakna tel in i Hondamtu(Savior) i pahtawi thei uhi. Gin-omna leh chihtakna ding a thupuan na bawl aleh huai lenkip in. Banghiam sep ding hiam bawl dia na thutanna omte bawhse lou in pichin in. Nang a kinga hih ding a om leh huai leng tangtung sak in. Jesu in leng Mathai 5:37 ah “ahi’ na chih uh hiam ‘hilou’ na chih phot uh n lenkip un” chi hi.
I chihtakna leh muanhuaina i kithuahpih leh kituahkhakpihte khempeuh in leng a theihpah theih ding khop uh chihtakna i neih ding ahi. “A thugen kei ading in ginlelhna ding omlou khop a mi muanhuai ahi” chi a midang in hong koih uh Christian hih bangzahta a manpha hidiam? Christian hilou mite’n leng business thil a muantak leh kingakna tak a hong ngaihtuah theih ua lebel amau kianga tanchinhoih (gospel) i gen pih hun ah leng amau ading in gintak baihlam zawsem ding hi.
Huaiziakin na thuchiam phelkik ding leh pichinlou dia khem a na om chiang in Duke of Brundy in a thugen leh paukam ngaihtuah khe zel in.
No comments:
Post a Comment