MHJU in Mzr budget session uap ding
LAMKA, March 12: Mizoram tour dia Manipur Hills Journalists Union team kuante tuni sunnung dak 1:15 in Aizawl tung ua, nitaklam dak 4 a Mizoram’ DIPR Director, LR Sailo kimuhpih in a tour programme ding teng uh gelfel ngal uhi. Tour programme a gelfel dungzui un MHJU team in zingchiang March 13 sunma dak 10:30 in Mizoram Governor Lt. Gen (Retd) MM Lakhera kimuhpih ding ua, sunnung dak 1:30 in Mizoram’ IPR Minister Dr. R.Lalthangliana kimuhpih ding uhi.
IPR Minister toh a kimuh zoh chiang un chialna a muh dungzui un tuni a kipan Mizoram budget session MHJU team in uap ding ua, huai zoh, nitaklam dak 3:30 in Mizoram Chief Minister Zoramthanga kimuhpih ding uhi.
Express Bus in nupi 2 phuliam
LAMKA, March 12: New Bazar a Bus Parking apat tuni zingkal dak 8:30 vel a Imphal zuan dia kisa bus MN05/C-0003 in Thangjam Road, New Bazar Bus Waiting Shed phukha in huai bul a nupi 2 suaklu zuak leh aktui zuak pasal khat phu kha a, nupi 2-te tu’n Dist Hospital ah ki-enkol uhi.
Nupi 2-te bel Mrs. Ngailam(30) w/o Letmang of Tangmual, a mai, a lu leh a ban veilam liam a, Mrs. Paukhannem (43) w/o Tunjang of Tangmual, a biang veilam na a sak mahmah banah a kong nasa a khawphoklou a om hi’n gen uhi. Aktui zuak pen liam zek mah leh Casualty ah Doctor in dressing a bawl zoh in pai nawn hi.
Bus accident chih thu Police in a zak phet un delh ua, Bus pen Lamka Police station ah pilut in koih uhi. Hiai bus bel Handyman Stephan in a hek hi’n gen ua, hun bangtan hiam a taimang nung a Lamka Police khut a kipekhia hi’n Police te’n gen uhi. Huai banah, biai bus leng kise zek hi.
March kha tan in EPR limlak theih
LAMKA, March 12: Electoral Photo Roll limlakna pai lellel pen March 31 tan a khak a om ding ahihdan S. Naba Singh, SDO/AERO, CCpur apat thutut kingah hi. Thutut kingah dungzui in, Electoral Roll a limlak tuangloute’n assembly leh parliamentary election ah vote khetheilou ding ua, huai banah, Electoral Photo Roll apat a min uh thaimang hiding hi. Hiai limlakna pailel pen SDO in political party leh pawlpi tuamtuamte kiang ah kithuahpih ding in leng ngetna bawl hi.
IPR Minister in hong ding
LAMKA, March 12: Information & Public Relations, Government of Manipur saina in Synod Hall, IB Road ah zingchiang apan 3-Days Multi-Media Information Campaign neih sawm uhi. Hiai campaign a Chief Guest ding TN Haokip Minister (IPR,Tourism & PHED) in honkhiakna nei ding a, Sumant Singh IAS, DC/Churachandpur Functional President in pang ding hi.
Sunnung dak 1:30 in Symposium programme om ding a, AK Sanaton Singh Sr. Journalist Moderator in pang ding hi. S. Mangi Singh,(Retd) CIS in Right to Information Act toh kisai gen ding a, Joyce PO/NREGS in NREGS toh kisai hilhchian ding hi. P. Ibochouba Singh, Chief Editor Kanglapao in Impact of Band & Strike chih thupi pansan in thu gen ding hi. Huai hun ah media lam a lunglut khempeuh tel theih ding hi.
DC/CCpur in Accounts Training hong
LAMKA, March 12: NABARD sensakna leh Zomi Mothers Association (ZMA)/Hq. vaisaina in tuni zingkal dak 10:00 in PTC Conference Hall ah ‘One-Day Accounts Training for Self Helf Group (SHG)’ neih in om hi. Hiai hun ah Sumant Singh IAS DC/Churachandpur Chief Guest a pang in training hong hi. Self Helf Group tuamtuam apan mi 30 val tel uh a, Ms. Nenem, Accountant ZMA leh Ms. Vungi, AG, NABARD/CCpur in sinsakna hun zang uhi.
KKL Gen. Hq. vaipawte kichiam sak
LAMKA, March 12: Kuki Khanglai Lompi(KKL) Gen. Hq. makai ding a telching thakte kichiamsakna tuni sun dak 12:00 in KKL Complex, IB Road ah nei uhi. Hiai hun ah Holkholun Lhungdim, President, Kuki Inpi Manipur in telching thak a om, kum 2008-2011 tan vaipaw dingte, President Khailet Haokip of M. Songgel, Vice President Lampu Doungel of Chiengkonpang leh Vice President mah Seijathang of K. Salbung kichiamsakna nei a, huai zoh in Pastor in thumsakna nei hi. KKL Gen. Hq Executive ding bel tunung zek chiang a President in expansion bawl ding hi.
SPC Assembly lohchingtak in zou
LAMKA, March 12: Suantak Peoples Council (SPC) General Assembly 8 veina tuni sunma dak 10:30 apan in Synod Hall IB Road ah nei uhi. Hiai hun ah Lamka leh Imphal a pan Suantak member mi 800 val ding paikhawm uhi. T. Gouzadou, President SPC, S. Vaiphei IPS (Retd) leh Rev, S. Stephan Chinzathang in thugenna hun zang ua, Cultural Troupe Group 4 in lam lahna nei uhi. Buaina omlou in zou uh a, kikhopna zoh in mipi’n annkuang umkhawm uhi.
DC makaih in meeting
LAMKA, March 12: Mautaam kial toh kisai a Vangai, Tipaimukh bial a anntang puaklut ding dan toh kisai tuni sunnung dak 1:30 in DC/CCpur makaih in meeting om hi. Hiai hun ah Tipaimukh bial a Hausa khenkhat tel uh a, CDSU leh ZEPADA makaite leng tel uhi.
Malta leh zawngtah man kelou
LAMKA, March 12: Lamka khua a bazaar-te ah malta leh zawngtah man a tung apat kibang touden in a man kiam chih omlou a, a tam man mahmah hi. Malta hoihte Ser a Cheng 250/260 bang in zuak uh a, zawngtah gap hoihte leng gap 5/6 bang Cheng 20 in zuak uhi.
CAU ah National Seminar om
IMPHAL, March 12: Department of Agriculture, Govt. of Manipur, Central Agriculture University (CAU) leh Indian Council of Agricultural Research (ICAR) kithuah in, tuni March 12 apat March 14, 2008 tan daih ding ‘National Seminar on Soil Health & Food security with special reference to NE region of India’ kichi, tuni sunnung dak 3 in CAU, Conference Hall, Iroisemba ah patkhiak in om hi.
Hiai hun honkhiakna ah Khuallian in Commissioner Fianace & CEO, Manipur, R.R. Rashmi pang a, Guest of honour in Director Institute of Bio-Resources & Sustainable Development, Takyelpat, Dr. M. Ruhinikumar Singh, leh President in CAU a Dean, Prof. N. Iboton Singh pang hi.
Hiai National Seminar a resource person ding in Manipur pawlam apat mi 9 Imphal hongtung uhi. Tuni a seminar honkhiakna hun ah Manipur nam tuamtuamte Nam Lam lahna leng CAU student te’n nei uhi. Hiai Seminar honkhiakna hun ah welcome address R.K. Noyon Sana Director, Agriculture, Govt. of Manipur in gen a, Agriculture Commissioner Letkhogin Haokip in Khuallian leh Khualzahtakhuaite puanza silhsakna nei hi. Agriculture Officer, (Chemistry) Govt. of Manipur, Ph. Rajendra Singh in key note address genna nei hi. Aman a genna ah, haichi piang a tamsemna dia ‘soil management’ kichiantak neih kul ahihdan gen hi. Hiai hun a Khuallian RR. Rashmi in agenna ah, NE a agricultural product in national level a bangchituk a contribution nei hiam chih theih kul ahihdan leh hiai a dia ‘soil health’ dinmun a hoih ngai hidan in gen hi.
Govt. bill tuamtuam thum passed uh
IMPHAL, March 12: Tuni a Assembly ah Govt. Bill tuamtuam thum Chief Minister in a pulakte sawtkuamtak genkhawm ahihnung in kithutuaktak in Innpi ah pass uhi. Bill pass a omte bel, Manipur Appropriation (No.2) Bill, 2008, Manipur Ceiling on Govt. Guarantees (Amendmend) Bill, 2008 leh Assam Amusement and Betting Tax (Manipur Sixth Amendment) Bill, 2008 ahi.
Hiai bill-te genkhawmna ah, MLA O. Joy Singh, MLA Dr. Ng. Bijoy, MLA N. Mangi, MLA Dr. Khasim Ruivah, MLA RB. Koijam, MLA Morung Makunga leh MLA Dr. I. Ibohanbi chihte kihel uhi. Hiai bill-te toh kisai a bawllem tuak leh genlem ding omte genna ah, Law Minister Th. Debendra Singh, Power Minister Phungzathang Tonsing leh Education Minister L. Jeyantakumar chihte kihel uhi.
Committee report piaklut hun kha 6 hihsau
IMPHAL, March 12: Tuni Assembly ah, Social Welfare Minister N. Loken leh Chairman, Select Committee of the Manipur Compulsory Registration of Marriage Bill, 2008 in Innpi a report piaklut hun ding hihsausak dia a nget dungzui in, hichibang report piaklut hun ding tuni apat sim a kha 6 sung Innpi in hun pebeh ahihdan Speaker in thupuan bawl hi.
MHAADC Bill, 2008 genfel hilou, Assembly hun suksau in om
IMPHAL, March 12: TD Minister DD. Thaisii in tuni’n Assembly ah, Manipur Hill Areas Autonomous District Council Bill, 2008 toh kisai a Hill Areas Committee in report a piak puakkhiakna nei mahleh, hiai tungtang a ‘technical defect’ leh ‘error’ om chih ziak in genfel theihlouh in om hi.
Hiai tungtang ah Assembly Speaker Dr. S. Budhichandra Singh in a thu House a Select committee in ngaihtuah lai ding in pekhia a, hiai thu mah budget session ah Assembly in March 19, 2008 chiang a genkhawmna neinawn ding uh hidan in leng Speaker in thupuan bawl hi. Huai ziak in tuni a Budget session zoh hiding chih himahleh zohtheihlouh suak hi.
Hiai thu genkhawm dia Select Committee member dia guan a omte bel, Law Minister Th. Debendra Singh, TD Minister DD. Thaisii, MLA O. Joy, MLA Radhabinod Koijam leh HAC Chairman Thangminlien Kipgen hi uhi.
Assembly a dotna leh dawnna
## MLA T. Hangkhanpao’ dotna, Industries Minister Y. Erabot in a dawnna ah, CCpur district a IDBI Finance nuai a MANIDCO apat loan la mi 83 om ahihdan gen hi. Aban Minister in a genna ah, loan late’n leng a loan lak dinlou a om uh ahihdan Assembly ah gen hi. Hichibang a loan a lak uh dit ding ngaihsakloute kiang a, demand notice piak leng hita a, loan latu mi 2 tunga legal proceeding leng pat a omta hidan in Minister in genbeh hi.
## MLA Dr. I. Ibohanbi’ dotna Education Minister L. Jeyantakumar in a dawnna ah, Manipur govt. nuai a Part-time Lecturer 357-te Higher Secondary School tuamtuam a sepsak a om ahihdan tuni’n Innpi ah gen hi. Aban a genbehna ah, amaute service hun behlapna ding leng govt. in poimohngaihtak a ngaihtuah lel ahihdan gen hi.
## Committee nih a report luikhiakna nei uh: Tuni’n Assembly ah, Chairman of Public Accounts Committee, MLA O. Joy in ‘Thirtieth report of the Committee’ leh Committee on Welfare and Children a Chairman Bijoy Koijam in, ‘Second report’ Innpi ah pulakna nei uhi.
## MLA V. Hangkhanlian’ dotna, PHED Minister T.N. Haokip in a dawnna ah, CCpur district sung a Water Supply Scheme toh kisai a contractor-te min hiai bang in taklang hi. Scheme omna mun leh contractor-te bel, Damdei – Hmanglien, Sumtuk – T. Kaichinkhup, Mualnuam – Kalanchung, Aibulon – H. Sanglawm, Songtal – T. Pumkhanchin, Suangsang – ngamkhomang, Loibual – Hmanglien leh Phungchongjang – T. Lala ahi. Hiai a Water Supply Scheme tuamtuamte lak ah Damdei a nasep zoh hita a, hiai a payment kibawl leng Rs. 26,100,00 hidan in gen hi. Aban agenna ah, Phungchongjang ah bel ‘intake arrangement’ chauh zoh hipan a, payment leng Rs 41,176,00 hidan in Minister in gen hi. Mun dang, Sumtuk, Mualnuam, Aibulon, Songtal, Suangsang leh Loibual chihte ah nasep ding piak hita mahleh, bangmah pat omnailou hidan in leng Minister in genbeh hi.
## MLA Morung Makunga’ dotna Works Minister K. Ranjit in a dawnna ah, kum 4 paisa sunga Works Department in bitument (alkatara) 22932.229 MT leikhia ahihdan gen hi. Hiaite lak a district leh division tuamtuam a hawmkhiaklouh 1647.179 MT om hidan in leng gen hi.
Division tuamtuam a bitument hawmzak lak ah, CCpur 634.89 MT, NH-I 854.42 MT, NH-II 1100.36 MT, NH-III 459.97 MT, NH-V 75.00 MT NEC-II 172.35 MT chihte telkha hi.
Manipur Contingent tellouh hilhchian
IMPHAL, March 12 NNN : Manipur CM Ibobi Singh in Nilaini a Innpi a theihsakna ah, Delhi a Republic Day lopna ah state contingent in INA HQ 1944 tableau, Maha-Raj leh Sports-India Pride chih lak ding in kisa mahleh Republic Day performance selection committee in a nawlkhin ziak ua Manipur Contingent tellou ahihdan gen hi’n thusuak in taklang hi.
Tuabangkal ah, Ukhrul a Pettigrew College puahna dia department in Rs. 1 crore pekhia ahihdan state Education Minister L Jayentakumar in Innpi theisak hi. State Industries Minister in leng dotna a dawnna ah, Central’ huhna Rs. 218.71 lakh leh state sen Rs. 458.10 lakh toh Deen Dayal Hathargha Protsahan Yojana sepkhiak ahihdan gen hi. Huai banah, Innpi in Manipur Appropriation Bill, 2008, Rs 414, 241, 28, 000 pass hidan in thusuak in taklang hi.
Bomb puak ah mi 2 si
IMPHAL, March 12 NNN : Imphal West district sung, Wangoi PS huamsung a Hiyangthang a Kamakhya Memton College kiang ah Sepnawnni zan in helpawlte hidia muanmoh Heisnam Meghachandra (25) s/o Ibotombi of Samurou Makha Leikai leh Arambam Gunni (40) s/o Sanajaoba of Langthabal Mantrikhong in a tuplouh ua bomb a sukpuak khak ziak ua sihloh uh hidan in thusuak in taklang hi.
Sepnawnni zan dak 8:30 ding vel in khotualte’n bomb puak ding ngaihtak za mahle uh, thil omdan enchian ngam kuamah a omlouh ziak un Police te’n Nilaini zingkal in thil tunna mun delhpah ua, huai ah, bomb puahna mun apat yard 10-20 ding vel a gamla ah siluang nih mukhia uhi. Siluang khat pen khut omlou a, siluang khat pen taklam khe leng bomb puak in kapzak hidia muanmoh thu police in gen uhi.
Police in thilpuak pen IED ahihdan chian ua, Nambol leh Meirijao kal a lampi a bomb thang a kam sawmlai ua a hihpuak khak uh hiding in Police in muangmoh uhi. Siluang nihte ahihleh autopsy bawl dia Regional Institute of Medical Sciences (RIMS) morgue a koih a om ahihdan thusuak in taklang hi.
Innpi apat singtangmi MLA-te pawtkhia
Imphal, March 12 NNN: Manipur Hill Areas Autonomous District Council Bill, 2008-a technical error aom paulam a assembly Speaker, Sapam Buddhichandra in Nilaini a hiai Bill, Law Minister, Th. Debendra, HAC Chairman Thangminlein Kipgen, MLAs O Joy, Radhabinod Koijam leh TD Minister DD Thaisii in amakaih uh, five-member Selection Committee-te’kianga etthak dinga apiakkik ziak in Nilaini a Innpi tutkhawmna apan singtangmi MLA 16 te pawtkhia uhi. Hiai pen singtangmite simmohna dan ahihdan Sepnawnni a hiai Bill pawluttu, HAC Chairman Thangminlen Kipgen in gen hi’n thusuak in taklang hi.
TD Minister TN Haokip, DD Thaisii leh T Phungzathang ahih uh leh Innpi apat singtangmi pawtkhete’lak ah tellou uhi. Selection Committee in ni 7 sung aet zoh chianga March 19 chianga dak 11. 00 a Innpi a pawlut nawn ding in leng Speaker in theisak a, Bill pen genkhawmna om hetlou a, selection committee kianga piakkik ahihpen a athangpaih thu uh MLA pawtkhe te’n gen uh hi’n thusuak in taklang hi.
Helpawlte’ panpihna la kei un: Dr. Fimate
Imphal, March 12 NNN: RIMS-ading vanzat leina toh kisai hi’n staff ding lakna toh kisai hileh hiai institution ahoihna ding deihna a thuneitute’n asiampen leh achinpente golhgukna om hetlou a lak sawm ahihziak un recruitment process toh kisai a adeih uh muhna dinga helpawlte’panpihna zong nawnlou dingin mipite’kiang ah, Nilaini a RIMS Jubilee Hall-a conference neihna ah RIMS Director Dr. L Fimate leh Superindent (MS) Dr. Y Mohen in ngetna nei uh hi’n thusuak in taklang hi.
Candidate khenkhat la dinga Helpawl te’n RIMS thuneitute vau ahihdan uh leh athu uh azuih kei uh leh thah a om ding ahih dan uh leng Dr. Mohen in hiai thu toh kisai agenna ah gen a, hichibang candidate-te genkhiak a leng om maithei ding uh ahihdan leng gen hi. Dr. Mohen in aban agen zelna ah, police-te’kiang leh central govt. kianga leng complaint bawl hi ding ahihdan leng gen a, Gr. IV appointment bawlna ding hi’n staff nurse lakna ding hileh institution in bangmah golhgukna bawllou ahihdan leh, question paper-te leng state pawlam apat puaklut ahihdan leng gen hi. Aban agen zelna uh, exam-te tengteng committee khat in conduct ahihdan leng gen hi. Helpawlte’ vauna toh kisai agenna ah, helpawlte’n candidate adeihte uh minte official-te’kianga pekhia ua, vau toh thuah ahihdan uh leh, Organization khenkhat toh pangkhawm leh nekgukna a kigolh a selection bawl uh hi dan a ngoh in, March 15 ma ngei a akipiakkhiak kei uh leh gawtna nasatak piak hi dinga vau ahihthu uh leng gen hi’n thusuak in taklang hi.
Manipur Contingent tellouh hilhchian
IMPHAL, March 12 NNN : Manipur CM Ibobi Singh in Nilaini a Innpi a theihsakna ah, Delhi a Republic Day lopna ah state contingent in INA HQ 1944 tableau, Maha-Raj leh Sports-India Pride chih lak ding in kisa mahleh Republic Day performance selection committee in a nawlkhin ziak ua Manipur Contingent tellou ahihdan gen hi’n thusuak in taklang hi.
Tuabangkal ah, Ukhrul a Pettigrew College puahna dia department in Rs. 1 crore pekhia ahihdan state Education Minister L Jayentakumar in Innpi theisak hi. State Industries Minister in leng dotna a dawnna ah, Central’ huhna Rs. 218.71 lakh leh state sen Rs. 458.10 lakh toh Deen Dayal Hathargha Protsahan Yojana sepkhiak ahihdan gen hi. Huai banah, Innpi in Manipur Appropriation Bill, 2008, Rs 414, 241, 28, 000 pass hidan in thusuak in taklang hi.
Nagaland CM a 19-na di’n Neiphiu Rio kichiam
KOHIMA, March 12 NNN: Nagaland Governor, K. Sankaranayanan in tuni’n Raj Bhavan, Kohima ah Nagaland Chief Minister a 19-na ding in Democratic Alliance of Nagaland (DAN) Legislature Party makai Neiphiu Rio kichiamsak a hi.
Hiai hun ah Governor in Nagaland People’s Front (NPF) makaih DAN ministry a Minister ding Dr. Shürhozelie, T R Zeliang, G. Kaito Aye, Imkong Imchen, Nyeiwang Konyak, Doshehe Y. Sema, P. Longon, Kuzholuzo, M. C. konyak, Dr. Ngangshi K. Ao leh Dr. Chumben Murry leng kichiamsak hi.
Kichiamna a neih zoh phet un Chief Minister Neiphiu Rio in Nagaland Govt. deptt. a amah panpihtu ding in MLA 13, Yitachu, R. khing, Dr. K C Nihoshe, Pangnyu Phom, Naiba, Wochumo Kithan, Er. T. Saku Aier, Chotisuh Sazo, P. Dako Phom, S. Heno, T. Torechu leh R. Tohanba, Parliamentary Secretary di’n kichiamsak ngal hi.
Rio in NPF MLA 9-te ministerial port-folio pia a, DAN a a partner uh BJP, NCP leh Independent MLA-te ministership khat chiat a piak banah, BJP, NCP leh independent MLA 3-te Parliamentary Secretary dan in guang hi. Rio in portfolio a hawmna ah Minister 12, Parliamentary Secretary 13 banah State Govt. nuai a corporation leh agency tuamtuamte a di’n advisor leh chairman 8 guang a kuamah lungkimlou omlou uh hi’n thusuak in taklang hi.
MLA E E Pangteang ahihleh Cabinet Minister rank ah Advisor Department for Under Developed Areas (DUDA) dinmun piak in om a, MLA dangte ahihleh State Govt. nuai a corporation leh agency tuamtuamte a advisor leh chairman dinmun piak in om uhi. Amaute ahihleh, Dr. Neikiesalie Nicky Kire – Chairman Nagaland Handloom & Handicraft Development Corporation, Dr. Nuklutoshi – Chairman Nagaland Industrial Development Corporation, Er. Vikho-o – Chairman Developmental Authority of Nagaland, Neiba Kronu – Chairman Nagaland Khadi & Village Industries Board, L. Temjen Jamir – Nagaland Bamboo Development Agency, C L John – Chairman Marcofed, Kipili Sangtam – Nagaland Steel and Mineral Development Corporation.
Congress nusia a NPF ana bel leh election lai a NPF in anti-Congress campaigner dia a zat uh Z. Lohe in hih fuh mahmah a, Cabinet Minister rank, Advisor to the Chief Minister (Political) dinmun piak in om hi.
DAN nuai a MLA 35 lak ah Rio in MLA 33-te kiang ah portfolio hawmkhinta a, portfolio tanglou MLA Kiyaneilie Peseyie leh Ralanthung ahihleh 11th Nagaland Legislative Assembly a Speaker leh Deputy Speaker dia telkhiak a a om ding uh lamethuai hi.
Chief Minister’ Office a luah zoh in Rio in press conference sam ngal a, huai ah mipi’n DAN tunga a nihveina dia muanna a ngak uh kipahthu gen kawm in mipi’n NPF’ manifesto leh DAN’ Common Minimum Programme deih uh chihna dan a ngai ahihdan gen hi. Thathak toh mipi a dia nasem ding ahihdan uh leh tu-le-tu a lemna leh muanna mah poimoh masapen ahihdan gen kawm in Rio in Naga sungkuan sung a pankhawmna, kipumkhatna leh lemna leh muanna a om theihna dia DAN Government’ panlakna hihhatna dia a kintheipen a political affairs committee dinsuah ding ahihdan gen hi.
EDITORIAL
Town planning poimoh kin
Khopi i neih sunsun uh leh i kisaktheihpih mahmah uh Lamka khopi a hoihna ding in thu-le-la tampi genkhiak in ana omta a, gari leh mihing i pun deuhdeuh dungzui ua i lamliante uh neu gawpta ahihdan leh kuapeuhmah a khasia omlou a lampi keklet theihna ding toh kisai tuma in leng editorial ah “Lamlian leh maban khualna” chih thupi zang ina gen khinta uhi.
Khua khat a hong thupina’ng in thildang tampite lak ah lampi hoih leh lian a om poimoh hi. Tua Lamka a lampi lianpen a i neih uh Tedim Road bangleng zan sawtnung in lian sim mahleh sun chiang in huchilua a a let lam kitheilou hi. Gari khong a tai vengvung chiang in a lehlamtak ah lianzaw mah bang a, a ziak bel, lam nawl a a hong khawl chiat chiang un lampi neusuaklua hi. Lampi i chih gari lian nih nuamtak a a kipelhtheih ua leh a neu bel hilou hi. Tedim Road ah leng gari lian nih nuamtak a kipelthei ding hinapi a nawl a gari khawlte ziak in nuamtak in kipeltheilou uhi. A nawl a gari khawl i chihte leng, ginatak a khawlsaklou pawl om thou mahleh, a vek un mohsak theih tuanlouh hi. A ziak bel a khawlna ding uh parking gina omlou hi. Huai banah, mihing paina ding footpath gina a omlouh in lampi nawngkaisak tuan mahmah a, khe a paite a ding mahmah in leng nuamlou lua hi. A omdantak ahihleh, Tedim Road pen a neulua hiam hipahlou in, a nawl a gari khawlna ding parking gina a omlouh ziak leh mihing paina ding footpath gina a omlouh ziak ahi.
Town plan hoihtak bawlkhiak a Tedim Road leng keklet ding deihhuai mahmah a, tulel dinmun in ahihleh, gari khawlna ding parking hoihtak leh mihingte paina ding footpath hoihtak om leh bel Tedim Road in sawtpi hon daih lai ding hi. Bazaar kaite leh hih ding poimoh neite’n parking fee piak a gari a koih theihna ding uh mun poimoh hi. Parking fee piak a gari khawlsak kichi, guta-lata leh mikhel mawngmawng a tamtak ziak in, i vaksan kal a honna etkaisak ding om chihna leng hingal a, ‘traffic congestion’ a ding kia a phatuam hilou hi. Parking ahihleh lampi dung teng a bawlsuak ding chihna hilou a, a diak in bazaar naih mahmah mun khat khong a a lom a a khawl theihna ding uh mun bawl ding hizaw hi. Parking hoihtak leh lian huntawk bawlkhiak hileh bel, tulel a Tedim Road i neih chia uh leng keklet ngai tuanlou in mihingte paina ding footpath bawlna ding mun hong kidaih mai ding hi.
Achihleh, tulai dinmun in Lamka a bazaar naih mahmah a parking mun ding gam lian huntawk koi ah bangchih leng hong piang ding hiam? Mipi’n i nget hat ua leh sorkar panlakna toh, tuchiangchiang in chu Lamka ah gam a poimoh chiachia koimun peuh ah muh theih mahmah lai ding hi. A compensation a tamnak leh a gam uh zuak ut mawngmawnglou tawm mahmah ding hi. Hiai pen haksa dia i gintak teitei a leh bel a hoihlam ahi. A ziak bel, Lamka khopi maban ding sautak i ngaihtuah ngai hi. Tua Lamka khopi sung, bazaar kiim a parking mun ding haksa i sak leh bel, maban sawtlou in mun dang ah leng hong haksa ding hi.
Innmun leidek te’n i theih chiat mah bang un, gam khat pouhpouh lei dia i et chiang un a naihna lampi a lian hia? a hoih hia? chihte i et masakte lak ua khat ahi. Huchi ahihna ah, tulai a hun laitak dan a ngaihtuah in, mun tuamtuam a gam hawmte’n footpath leh hawklam omna ding lungsim a koih kawm in lampi a liantheitawp in hon hong le uh chih deihhuai mahmah hi. Huai banah, mun awng a muh baihlam lailai in parking mun ding tu’n mipi’n sorkar noh in, Lamka khopi sung ah gam lian huntawk bangzah hiam leikhe pah mai leh hoih ding hi. A mun ding ana om phot peuhmah leh a puahna ding ngaihtuah bel nuam deuh ding hi. A lehlam a i ngaihtuah chiang in, gam hawmtute’n summet bawlna dia gam a hawm uh ahihziak in kuaman amau mimal supna dia lampi liantak hong ding un gintakhuailou hi. Huai ziak in, maban sautak khualna in, pawlpi zahtakhuai tham mah poimoh ahihna ah, khotang a phatuamngai pawlpi tuamtuamte’n gam hawmtute’ gam hawmdan etkaipih thei leh hoih ding a, nungthuap a ngaihna mun ua nungthuap dia mansa in mipite’n leng kithuahpih leng hoih ding hi. Lamka khopi hoihna dia tua town planning i ngaihsak kei ua leh, maban ah, hun a hong kivei sawt deuhdeuh a leh hong haksa deuhdeuh ding ahihna ah panlak kipatpah hoih ding hi.
www.zogam.com
LAMKA, March 12: Mizoram tour dia Manipur Hills Journalists Union team kuante tuni sunnung dak 1:15 in Aizawl tung ua, nitaklam dak 4 a Mizoram’ DIPR Director, LR Sailo kimuhpih in a tour programme ding teng uh gelfel ngal uhi. Tour programme a gelfel dungzui un MHJU team in zingchiang March 13 sunma dak 10:30 in Mizoram Governor Lt. Gen (Retd) MM Lakhera kimuhpih ding ua, sunnung dak 1:30 in Mizoram’ IPR Minister Dr. R.Lalthangliana kimuhpih ding uhi.
IPR Minister toh a kimuh zoh chiang un chialna a muh dungzui un tuni a kipan Mizoram budget session MHJU team in uap ding ua, huai zoh, nitaklam dak 3:30 in Mizoram Chief Minister Zoramthanga kimuhpih ding uhi.
Express Bus in nupi 2 phuliam
LAMKA, March 12: New Bazar a Bus Parking apat tuni zingkal dak 8:30 vel a Imphal zuan dia kisa bus MN05/C-0003 in Thangjam Road, New Bazar Bus Waiting Shed phukha in huai bul a nupi 2 suaklu zuak leh aktui zuak pasal khat phu kha a, nupi 2-te tu’n Dist Hospital ah ki-enkol uhi.
Nupi 2-te bel Mrs. Ngailam(30) w/o Letmang of Tangmual, a mai, a lu leh a ban veilam liam a, Mrs. Paukhannem (43) w/o Tunjang of Tangmual, a biang veilam na a sak mahmah banah a kong nasa a khawphoklou a om hi’n gen uhi. Aktui zuak pen liam zek mah leh Casualty ah Doctor in dressing a bawl zoh in pai nawn hi.
Bus accident chih thu Police in a zak phet un delh ua, Bus pen Lamka Police station ah pilut in koih uhi. Hiai bus bel Handyman Stephan in a hek hi’n gen ua, hun bangtan hiam a taimang nung a Lamka Police khut a kipekhia hi’n Police te’n gen uhi. Huai banah, biai bus leng kise zek hi.
March kha tan in EPR limlak theih
LAMKA, March 12: Electoral Photo Roll limlakna pai lellel pen March 31 tan a khak a om ding ahihdan S. Naba Singh, SDO/AERO, CCpur apat thutut kingah hi. Thutut kingah dungzui in, Electoral Roll a limlak tuangloute’n assembly leh parliamentary election ah vote khetheilou ding ua, huai banah, Electoral Photo Roll apat a min uh thaimang hiding hi. Hiai limlakna pailel pen SDO in political party leh pawlpi tuamtuamte kiang ah kithuahpih ding in leng ngetna bawl hi.
IPR Minister in hong ding
LAMKA, March 12: Information & Public Relations, Government of Manipur saina in Synod Hall, IB Road ah zingchiang apan 3-Days Multi-Media Information Campaign neih sawm uhi. Hiai campaign a Chief Guest ding TN Haokip Minister (IPR,Tourism & PHED) in honkhiakna nei ding a, Sumant Singh IAS, DC/Churachandpur Functional President in pang ding hi.
Sunnung dak 1:30 in Symposium programme om ding a, AK Sanaton Singh Sr. Journalist Moderator in pang ding hi. S. Mangi Singh,(Retd) CIS in Right to Information Act toh kisai gen ding a, Joyce PO/NREGS in NREGS toh kisai hilhchian ding hi. P. Ibochouba Singh, Chief Editor Kanglapao in Impact of Band & Strike chih thupi pansan in thu gen ding hi. Huai hun ah media lam a lunglut khempeuh tel theih ding hi.
DC/CCpur in Accounts Training hong
LAMKA, March 12: NABARD sensakna leh Zomi Mothers Association (ZMA)/Hq. vaisaina in tuni zingkal dak 10:00 in PTC Conference Hall ah ‘One-Day Accounts Training for Self Helf Group (SHG)’ neih in om hi. Hiai hun ah Sumant Singh IAS DC/Churachandpur Chief Guest a pang in training hong hi. Self Helf Group tuamtuam apan mi 30 val tel uh a, Ms. Nenem, Accountant ZMA leh Ms. Vungi, AG, NABARD/CCpur in sinsakna hun zang uhi.
KKL Gen. Hq. vaipawte kichiam sak
LAMKA, March 12: Kuki Khanglai Lompi(KKL) Gen. Hq. makai ding a telching thakte kichiamsakna tuni sun dak 12:00 in KKL Complex, IB Road ah nei uhi. Hiai hun ah Holkholun Lhungdim, President, Kuki Inpi Manipur in telching thak a om, kum 2008-2011 tan vaipaw dingte, President Khailet Haokip of M. Songgel, Vice President Lampu Doungel of Chiengkonpang leh Vice President mah Seijathang of K. Salbung kichiamsakna nei a, huai zoh in Pastor in thumsakna nei hi. KKL Gen. Hq Executive ding bel tunung zek chiang a President in expansion bawl ding hi.
SPC Assembly lohchingtak in zou
LAMKA, March 12: Suantak Peoples Council (SPC) General Assembly 8 veina tuni sunma dak 10:30 apan in Synod Hall IB Road ah nei uhi. Hiai hun ah Lamka leh Imphal a pan Suantak member mi 800 val ding paikhawm uhi. T. Gouzadou, President SPC, S. Vaiphei IPS (Retd) leh Rev, S. Stephan Chinzathang in thugenna hun zang ua, Cultural Troupe Group 4 in lam lahna nei uhi. Buaina omlou in zou uh a, kikhopna zoh in mipi’n annkuang umkhawm uhi.
DC makaih in meeting
LAMKA, March 12: Mautaam kial toh kisai a Vangai, Tipaimukh bial a anntang puaklut ding dan toh kisai tuni sunnung dak 1:30 in DC/CCpur makaih in meeting om hi. Hiai hun ah Tipaimukh bial a Hausa khenkhat tel uh a, CDSU leh ZEPADA makaite leng tel uhi.
Malta leh zawngtah man kelou
LAMKA, March 12: Lamka khua a bazaar-te ah malta leh zawngtah man a tung apat kibang touden in a man kiam chih omlou a, a tam man mahmah hi. Malta hoihte Ser a Cheng 250/260 bang in zuak uh a, zawngtah gap hoihte leng gap 5/6 bang Cheng 20 in zuak uhi.
CAU ah National Seminar om
IMPHAL, March 12: Department of Agriculture, Govt. of Manipur, Central Agriculture University (CAU) leh Indian Council of Agricultural Research (ICAR) kithuah in, tuni March 12 apat March 14, 2008 tan daih ding ‘National Seminar on Soil Health & Food security with special reference to NE region of India’ kichi, tuni sunnung dak 3 in CAU, Conference Hall, Iroisemba ah patkhiak in om hi.
Hiai hun honkhiakna ah Khuallian in Commissioner Fianace & CEO, Manipur, R.R. Rashmi pang a, Guest of honour in Director Institute of Bio-Resources & Sustainable Development, Takyelpat, Dr. M. Ruhinikumar Singh, leh President in CAU a Dean, Prof. N. Iboton Singh pang hi.
Hiai National Seminar a resource person ding in Manipur pawlam apat mi 9 Imphal hongtung uhi. Tuni a seminar honkhiakna hun ah Manipur nam tuamtuamte Nam Lam lahna leng CAU student te’n nei uhi. Hiai Seminar honkhiakna hun ah welcome address R.K. Noyon Sana Director, Agriculture, Govt. of Manipur in gen a, Agriculture Commissioner Letkhogin Haokip in Khuallian leh Khualzahtakhuaite puanza silhsakna nei hi. Agriculture Officer, (Chemistry) Govt. of Manipur, Ph. Rajendra Singh in key note address genna nei hi. Aman a genna ah, haichi piang a tamsemna dia ‘soil management’ kichiantak neih kul ahihdan gen hi. Hiai hun a Khuallian RR. Rashmi in agenna ah, NE a agricultural product in national level a bangchituk a contribution nei hiam chih theih kul ahihdan leh hiai a dia ‘soil health’ dinmun a hoih ngai hidan in gen hi.
Govt. bill tuamtuam thum passed uh
IMPHAL, March 12: Tuni a Assembly ah Govt. Bill tuamtuam thum Chief Minister in a pulakte sawtkuamtak genkhawm ahihnung in kithutuaktak in Innpi ah pass uhi. Bill pass a omte bel, Manipur Appropriation (No.2) Bill, 2008, Manipur Ceiling on Govt. Guarantees (Amendmend) Bill, 2008 leh Assam Amusement and Betting Tax (Manipur Sixth Amendment) Bill, 2008 ahi.
Hiai bill-te genkhawmna ah, MLA O. Joy Singh, MLA Dr. Ng. Bijoy, MLA N. Mangi, MLA Dr. Khasim Ruivah, MLA RB. Koijam, MLA Morung Makunga leh MLA Dr. I. Ibohanbi chihte kihel uhi. Hiai bill-te toh kisai a bawllem tuak leh genlem ding omte genna ah, Law Minister Th. Debendra Singh, Power Minister Phungzathang Tonsing leh Education Minister L. Jeyantakumar chihte kihel uhi.
Committee report piaklut hun kha 6 hihsau
IMPHAL, March 12: Tuni Assembly ah, Social Welfare Minister N. Loken leh Chairman, Select Committee of the Manipur Compulsory Registration of Marriage Bill, 2008 in Innpi a report piaklut hun ding hihsausak dia a nget dungzui in, hichibang report piaklut hun ding tuni apat sim a kha 6 sung Innpi in hun pebeh ahihdan Speaker in thupuan bawl hi.
MHAADC Bill, 2008 genfel hilou, Assembly hun suksau in om
IMPHAL, March 12: TD Minister DD. Thaisii in tuni’n Assembly ah, Manipur Hill Areas Autonomous District Council Bill, 2008 toh kisai a Hill Areas Committee in report a piak puakkhiakna nei mahleh, hiai tungtang a ‘technical defect’ leh ‘error’ om chih ziak in genfel theihlouh in om hi.
Hiai tungtang ah Assembly Speaker Dr. S. Budhichandra Singh in a thu House a Select committee in ngaihtuah lai ding in pekhia a, hiai thu mah budget session ah Assembly in March 19, 2008 chiang a genkhawmna neinawn ding uh hidan in leng Speaker in thupuan bawl hi. Huai ziak in tuni a Budget session zoh hiding chih himahleh zohtheihlouh suak hi.
Hiai thu genkhawm dia Select Committee member dia guan a omte bel, Law Minister Th. Debendra Singh, TD Minister DD. Thaisii, MLA O. Joy, MLA Radhabinod Koijam leh HAC Chairman Thangminlien Kipgen hi uhi.
Assembly a dotna leh dawnna
## MLA T. Hangkhanpao’ dotna, Industries Minister Y. Erabot in a dawnna ah, CCpur district a IDBI Finance nuai a MANIDCO apat loan la mi 83 om ahihdan gen hi. Aban Minister in a genna ah, loan late’n leng a loan lak dinlou a om uh ahihdan Assembly ah gen hi. Hichibang a loan a lak uh dit ding ngaihsakloute kiang a, demand notice piak leng hita a, loan latu mi 2 tunga legal proceeding leng pat a omta hidan in Minister in genbeh hi.
## MLA Dr. I. Ibohanbi’ dotna Education Minister L. Jeyantakumar in a dawnna ah, Manipur govt. nuai a Part-time Lecturer 357-te Higher Secondary School tuamtuam a sepsak a om ahihdan tuni’n Innpi ah gen hi. Aban a genbehna ah, amaute service hun behlapna ding leng govt. in poimohngaihtak a ngaihtuah lel ahihdan gen hi.
## Committee nih a report luikhiakna nei uh: Tuni’n Assembly ah, Chairman of Public Accounts Committee, MLA O. Joy in ‘Thirtieth report of the Committee’ leh Committee on Welfare and Children a Chairman Bijoy Koijam in, ‘Second report’ Innpi ah pulakna nei uhi.
## MLA V. Hangkhanlian’ dotna, PHED Minister T.N. Haokip in a dawnna ah, CCpur district sung a Water Supply Scheme toh kisai a contractor-te min hiai bang in taklang hi. Scheme omna mun leh contractor-te bel, Damdei – Hmanglien, Sumtuk – T. Kaichinkhup, Mualnuam – Kalanchung, Aibulon – H. Sanglawm, Songtal – T. Pumkhanchin, Suangsang – ngamkhomang, Loibual – Hmanglien leh Phungchongjang – T. Lala ahi. Hiai a Water Supply Scheme tuamtuamte lak ah Damdei a nasep zoh hita a, hiai a payment kibawl leng Rs. 26,100,00 hidan in gen hi. Aban agenna ah, Phungchongjang ah bel ‘intake arrangement’ chauh zoh hipan a, payment leng Rs 41,176,00 hidan in Minister in gen hi. Mun dang, Sumtuk, Mualnuam, Aibulon, Songtal, Suangsang leh Loibual chihte ah nasep ding piak hita mahleh, bangmah pat omnailou hidan in leng Minister in genbeh hi.
## MLA Morung Makunga’ dotna Works Minister K. Ranjit in a dawnna ah, kum 4 paisa sunga Works Department in bitument (alkatara) 22932.229 MT leikhia ahihdan gen hi. Hiaite lak a district leh division tuamtuam a hawmkhiaklouh 1647.179 MT om hidan in leng gen hi.
Division tuamtuam a bitument hawmzak lak ah, CCpur 634.89 MT, NH-I 854.42 MT, NH-II 1100.36 MT, NH-III 459.97 MT, NH-V 75.00 MT NEC-II 172.35 MT chihte telkha hi.
Manipur Contingent tellouh hilhchian
IMPHAL, March 12 NNN : Manipur CM Ibobi Singh in Nilaini a Innpi a theihsakna ah, Delhi a Republic Day lopna ah state contingent in INA HQ 1944 tableau, Maha-Raj leh Sports-India Pride chih lak ding in kisa mahleh Republic Day performance selection committee in a nawlkhin ziak ua Manipur Contingent tellou ahihdan gen hi’n thusuak in taklang hi.
Tuabangkal ah, Ukhrul a Pettigrew College puahna dia department in Rs. 1 crore pekhia ahihdan state Education Minister L Jayentakumar in Innpi theisak hi. State Industries Minister in leng dotna a dawnna ah, Central’ huhna Rs. 218.71 lakh leh state sen Rs. 458.10 lakh toh Deen Dayal Hathargha Protsahan Yojana sepkhiak ahihdan gen hi. Huai banah, Innpi in Manipur Appropriation Bill, 2008, Rs 414, 241, 28, 000 pass hidan in thusuak in taklang hi.
Bomb puak ah mi 2 si
IMPHAL, March 12 NNN : Imphal West district sung, Wangoi PS huamsung a Hiyangthang a Kamakhya Memton College kiang ah Sepnawnni zan in helpawlte hidia muanmoh Heisnam Meghachandra (25) s/o Ibotombi of Samurou Makha Leikai leh Arambam Gunni (40) s/o Sanajaoba of Langthabal Mantrikhong in a tuplouh ua bomb a sukpuak khak ziak ua sihloh uh hidan in thusuak in taklang hi.
Sepnawnni zan dak 8:30 ding vel in khotualte’n bomb puak ding ngaihtak za mahle uh, thil omdan enchian ngam kuamah a omlouh ziak un Police te’n Nilaini zingkal in thil tunna mun delhpah ua, huai ah, bomb puahna mun apat yard 10-20 ding vel a gamla ah siluang nih mukhia uhi. Siluang khat pen khut omlou a, siluang khat pen taklam khe leng bomb puak in kapzak hidia muanmoh thu police in gen uhi.
Police in thilpuak pen IED ahihdan chian ua, Nambol leh Meirijao kal a lampi a bomb thang a kam sawmlai ua a hihpuak khak uh hiding in Police in muangmoh uhi. Siluang nihte ahihleh autopsy bawl dia Regional Institute of Medical Sciences (RIMS) morgue a koih a om ahihdan thusuak in taklang hi.
Innpi apat singtangmi MLA-te pawtkhia
Imphal, March 12 NNN: Manipur Hill Areas Autonomous District Council Bill, 2008-a technical error aom paulam a assembly Speaker, Sapam Buddhichandra in Nilaini a hiai Bill, Law Minister, Th. Debendra, HAC Chairman Thangminlein Kipgen, MLAs O Joy, Radhabinod Koijam leh TD Minister DD Thaisii in amakaih uh, five-member Selection Committee-te’kianga etthak dinga apiakkik ziak in Nilaini a Innpi tutkhawmna apan singtangmi MLA 16 te pawtkhia uhi. Hiai pen singtangmite simmohna dan ahihdan Sepnawnni a hiai Bill pawluttu, HAC Chairman Thangminlen Kipgen in gen hi’n thusuak in taklang hi.
TD Minister TN Haokip, DD Thaisii leh T Phungzathang ahih uh leh Innpi apat singtangmi pawtkhete’lak ah tellou uhi. Selection Committee in ni 7 sung aet zoh chianga March 19 chianga dak 11. 00 a Innpi a pawlut nawn ding in leng Speaker in theisak a, Bill pen genkhawmna om hetlou a, selection committee kianga piakkik ahihpen a athangpaih thu uh MLA pawtkhe te’n gen uh hi’n thusuak in taklang hi.
Helpawlte’ panpihna la kei un: Dr. Fimate
Imphal, March 12 NNN: RIMS-ading vanzat leina toh kisai hi’n staff ding lakna toh kisai hileh hiai institution ahoihna ding deihna a thuneitute’n asiampen leh achinpente golhgukna om hetlou a lak sawm ahihziak un recruitment process toh kisai a adeih uh muhna dinga helpawlte’panpihna zong nawnlou dingin mipite’kiang ah, Nilaini a RIMS Jubilee Hall-a conference neihna ah RIMS Director Dr. L Fimate leh Superindent (MS) Dr. Y Mohen in ngetna nei uh hi’n thusuak in taklang hi.
Candidate khenkhat la dinga Helpawl te’n RIMS thuneitute vau ahihdan uh leh athu uh azuih kei uh leh thah a om ding ahih dan uh leng Dr. Mohen in hiai thu toh kisai agenna ah gen a, hichibang candidate-te genkhiak a leng om maithei ding uh ahihdan leng gen hi. Dr. Mohen in aban agen zelna ah, police-te’kiang leh central govt. kianga leng complaint bawl hi ding ahihdan leng gen a, Gr. IV appointment bawlna ding hi’n staff nurse lakna ding hileh institution in bangmah golhgukna bawllou ahihdan leh, question paper-te leng state pawlam apat puaklut ahihdan leng gen hi. Aban agen zelna uh, exam-te tengteng committee khat in conduct ahihdan leng gen hi. Helpawlte’ vauna toh kisai agenna ah, helpawlte’n candidate adeihte uh minte official-te’kianga pekhia ua, vau toh thuah ahihdan uh leh, Organization khenkhat toh pangkhawm leh nekgukna a kigolh a selection bawl uh hi dan a ngoh in, March 15 ma ngei a akipiakkhiak kei uh leh gawtna nasatak piak hi dinga vau ahihthu uh leng gen hi’n thusuak in taklang hi.
Manipur Contingent tellouh hilhchian
IMPHAL, March 12 NNN : Manipur CM Ibobi Singh in Nilaini a Innpi a theihsakna ah, Delhi a Republic Day lopna ah state contingent in INA HQ 1944 tableau, Maha-Raj leh Sports-India Pride chih lak ding in kisa mahleh Republic Day performance selection committee in a nawlkhin ziak ua Manipur Contingent tellou ahihdan gen hi’n thusuak in taklang hi.
Tuabangkal ah, Ukhrul a Pettigrew College puahna dia department in Rs. 1 crore pekhia ahihdan state Education Minister L Jayentakumar in Innpi theisak hi. State Industries Minister in leng dotna a dawnna ah, Central’ huhna Rs. 218.71 lakh leh state sen Rs. 458.10 lakh toh Deen Dayal Hathargha Protsahan Yojana sepkhiak ahihdan gen hi. Huai banah, Innpi in Manipur Appropriation Bill, 2008, Rs 414, 241, 28, 000 pass hidan in thusuak in taklang hi.
Nagaland CM a 19-na di’n Neiphiu Rio kichiam
KOHIMA, March 12 NNN: Nagaland Governor, K. Sankaranayanan in tuni’n Raj Bhavan, Kohima ah Nagaland Chief Minister a 19-na ding in Democratic Alliance of Nagaland (DAN) Legislature Party makai Neiphiu Rio kichiamsak a hi.
Hiai hun ah Governor in Nagaland People’s Front (NPF) makaih DAN ministry a Minister ding Dr. Shürhozelie, T R Zeliang, G. Kaito Aye, Imkong Imchen, Nyeiwang Konyak, Doshehe Y. Sema, P. Longon, Kuzholuzo, M. C. konyak, Dr. Ngangshi K. Ao leh Dr. Chumben Murry leng kichiamsak hi.
Kichiamna a neih zoh phet un Chief Minister Neiphiu Rio in Nagaland Govt. deptt. a amah panpihtu ding in MLA 13, Yitachu, R. khing, Dr. K C Nihoshe, Pangnyu Phom, Naiba, Wochumo Kithan, Er. T. Saku Aier, Chotisuh Sazo, P. Dako Phom, S. Heno, T. Torechu leh R. Tohanba, Parliamentary Secretary di’n kichiamsak ngal hi.
Rio in NPF MLA 9-te ministerial port-folio pia a, DAN a a partner uh BJP, NCP leh Independent MLA-te ministership khat chiat a piak banah, BJP, NCP leh independent MLA 3-te Parliamentary Secretary dan in guang hi. Rio in portfolio a hawmna ah Minister 12, Parliamentary Secretary 13 banah State Govt. nuai a corporation leh agency tuamtuamte a di’n advisor leh chairman 8 guang a kuamah lungkimlou omlou uh hi’n thusuak in taklang hi.
MLA E E Pangteang ahihleh Cabinet Minister rank ah Advisor Department for Under Developed Areas (DUDA) dinmun piak in om a, MLA dangte ahihleh State Govt. nuai a corporation leh agency tuamtuamte a advisor leh chairman dinmun piak in om uhi. Amaute ahihleh, Dr. Neikiesalie Nicky Kire – Chairman Nagaland Handloom & Handicraft Development Corporation, Dr. Nuklutoshi – Chairman Nagaland Industrial Development Corporation, Er. Vikho-o – Chairman Developmental Authority of Nagaland, Neiba Kronu – Chairman Nagaland Khadi & Village Industries Board, L. Temjen Jamir – Nagaland Bamboo Development Agency, C L John – Chairman Marcofed, Kipili Sangtam – Nagaland Steel and Mineral Development Corporation.
Congress nusia a NPF ana bel leh election lai a NPF in anti-Congress campaigner dia a zat uh Z. Lohe in hih fuh mahmah a, Cabinet Minister rank, Advisor to the Chief Minister (Political) dinmun piak in om hi.
DAN nuai a MLA 35 lak ah Rio in MLA 33-te kiang ah portfolio hawmkhinta a, portfolio tanglou MLA Kiyaneilie Peseyie leh Ralanthung ahihleh 11th Nagaland Legislative Assembly a Speaker leh Deputy Speaker dia telkhiak a a om ding uh lamethuai hi.
Chief Minister’ Office a luah zoh in Rio in press conference sam ngal a, huai ah mipi’n DAN tunga a nihveina dia muanna a ngak uh kipahthu gen kawm in mipi’n NPF’ manifesto leh DAN’ Common Minimum Programme deih uh chihna dan a ngai ahihdan gen hi. Thathak toh mipi a dia nasem ding ahihdan uh leh tu-le-tu a lemna leh muanna mah poimoh masapen ahihdan gen kawm in Rio in Naga sungkuan sung a pankhawmna, kipumkhatna leh lemna leh muanna a om theihna dia DAN Government’ panlakna hihhatna dia a kintheipen a political affairs committee dinsuah ding ahihdan gen hi.
EDITORIAL
Town planning poimoh kin
Khopi i neih sunsun uh leh i kisaktheihpih mahmah uh Lamka khopi a hoihna ding in thu-le-la tampi genkhiak in ana omta a, gari leh mihing i pun deuhdeuh dungzui ua i lamliante uh neu gawpta ahihdan leh kuapeuhmah a khasia omlou a lampi keklet theihna ding toh kisai tuma in leng editorial ah “Lamlian leh maban khualna” chih thupi zang ina gen khinta uhi.
Khua khat a hong thupina’ng in thildang tampite lak ah lampi hoih leh lian a om poimoh hi. Tua Lamka a lampi lianpen a i neih uh Tedim Road bangleng zan sawtnung in lian sim mahleh sun chiang in huchilua a a let lam kitheilou hi. Gari khong a tai vengvung chiang in a lehlamtak ah lianzaw mah bang a, a ziak bel, lam nawl a a hong khawl chiat chiang un lampi neusuaklua hi. Lampi i chih gari lian nih nuamtak a a kipelhtheih ua leh a neu bel hilou hi. Tedim Road ah leng gari lian nih nuamtak a kipelthei ding hinapi a nawl a gari khawlte ziak in nuamtak in kipeltheilou uhi. A nawl a gari khawl i chihte leng, ginatak a khawlsaklou pawl om thou mahleh, a vek un mohsak theih tuanlouh hi. A ziak bel a khawlna ding uh parking gina omlou hi. Huai banah, mihing paina ding footpath gina a omlouh in lampi nawngkaisak tuan mahmah a, khe a paite a ding mahmah in leng nuamlou lua hi. A omdantak ahihleh, Tedim Road pen a neulua hiam hipahlou in, a nawl a gari khawlna ding parking gina a omlouh ziak leh mihing paina ding footpath gina a omlouh ziak ahi.
Town plan hoihtak bawlkhiak a Tedim Road leng keklet ding deihhuai mahmah a, tulel dinmun in ahihleh, gari khawlna ding parking hoihtak leh mihingte paina ding footpath hoihtak om leh bel Tedim Road in sawtpi hon daih lai ding hi. Bazaar kaite leh hih ding poimoh neite’n parking fee piak a gari a koih theihna ding uh mun poimoh hi. Parking fee piak a gari khawlsak kichi, guta-lata leh mikhel mawngmawng a tamtak ziak in, i vaksan kal a honna etkaisak ding om chihna leng hingal a, ‘traffic congestion’ a ding kia a phatuam hilou hi. Parking ahihleh lampi dung teng a bawlsuak ding chihna hilou a, a diak in bazaar naih mahmah mun khat khong a a lom a a khawl theihna ding uh mun bawl ding hizaw hi. Parking hoihtak leh lian huntawk bawlkhiak hileh bel, tulel a Tedim Road i neih chia uh leng keklet ngai tuanlou in mihingte paina ding footpath bawlna ding mun hong kidaih mai ding hi.
Achihleh, tulai dinmun in Lamka a bazaar naih mahmah a parking mun ding gam lian huntawk koi ah bangchih leng hong piang ding hiam? Mipi’n i nget hat ua leh sorkar panlakna toh, tuchiangchiang in chu Lamka ah gam a poimoh chiachia koimun peuh ah muh theih mahmah lai ding hi. A compensation a tamnak leh a gam uh zuak ut mawngmawnglou tawm mahmah ding hi. Hiai pen haksa dia i gintak teitei a leh bel a hoihlam ahi. A ziak bel, Lamka khopi maban ding sautak i ngaihtuah ngai hi. Tua Lamka khopi sung, bazaar kiim a parking mun ding haksa i sak leh bel, maban sawtlou in mun dang ah leng hong haksa ding hi.
Innmun leidek te’n i theih chiat mah bang un, gam khat pouhpouh lei dia i et chiang un a naihna lampi a lian hia? a hoih hia? chihte i et masakte lak ua khat ahi. Huchi ahihna ah, tulai a hun laitak dan a ngaihtuah in, mun tuamtuam a gam hawmte’n footpath leh hawklam omna ding lungsim a koih kawm in lampi a liantheitawp in hon hong le uh chih deihhuai mahmah hi. Huai banah, mun awng a muh baihlam lailai in parking mun ding tu’n mipi’n sorkar noh in, Lamka khopi sung ah gam lian huntawk bangzah hiam leikhe pah mai leh hoih ding hi. A mun ding ana om phot peuhmah leh a puahna ding ngaihtuah bel nuam deuh ding hi. A lehlam a i ngaihtuah chiang in, gam hawmtute’n summet bawlna dia gam a hawm uh ahihziak in kuaman amau mimal supna dia lampi liantak hong ding un gintakhuailou hi. Huai ziak in, maban sautak khualna in, pawlpi zahtakhuai tham mah poimoh ahihna ah, khotang a phatuamngai pawlpi tuamtuamte’n gam hawmtute’ gam hawmdan etkaipih thei leh hoih ding a, nungthuap a ngaihna mun ua nungthuap dia mansa in mipite’n leng kithuahpih leng hoih ding hi. Lamka khopi hoihna dia tua town planning i ngaihsak kei ua leh, maban ah, hun a hong kivei sawt deuhdeuh a leh hong haksa deuhdeuh ding ahihna ah panlak kipatpah hoih ding hi.
www.zogam.com
No comments:
Post a Comment