MHJU team in Mizoram Governor leh CM kimuhpih
Aizawl, March 13: Mizoram tour a pailel Manipur Hill Journalist Union team in tuni March 13 zinglam dak 10:30 in DIPR, Mizoram hunseh dungzui in Governor Lt Gen L M Lakher kimuhpihna nei ua, tua zawh in, Mizoram Assembly budget session pailel va uap ua, nitaklam dak 1 in IPR Minister kimuhpih ua, dak 2 in Chief Secretary leh Chief Minister kimuhpihna nei uhi.
MHJU team apan thutut kingah dan in, Mizoram Governor Lieutenant General LM Lakher kimuhpih ua, huai hun ah Governor in Manipur ah posting ngei ahihdan gen in, Manipur mipite angaihnat thu gen hi. Aman agendan in, Manipur ah neekguukna uang law mahmah ahihdan gen in, contractor tamtak in bangmah semkhe lou in, a seplouhna sa uh bill ¾ vei la mawk uh ahihdan gen hi. Mipite sum tamtak neekmang a om tawh kisai mipite’n bangmah thudik puang khe ngam lou ahi chi’n Governor in gen hi. AFSPA tawh kisai Governor in agenna ah, Manipur ah lemna leh muanna om na ding in mipite mawhpuakna lian mahmah ahihdan gen a, Army te leng amau ut thu a, NE hiam, ahih kei leh Manipur ah om mawk uh hilou ahihdan gen in, Dan leh thupiak in a zirlouh ziak a om kha zaw uh ahihdan te gen hi. Army te civil administration ah ahithei tan in kigolh utlou ahihthu leng Governor in gen hi. NREGS leng central scheme ahihdan gen a, diktat tak a zat hileh, mipite’n phattuamna thupitak ngah ding ahihthu gen hi.
Assembly budget session ah Governor Lakher in thugenna nei a, a nung in Governor speech tawh kisai motion of thanks genna om hi. MPC President lui Lalduhoma MLA in agenna ah, Governor thugen kipahpih huai asakdan gen in, himahleh, Power tawh kisai MNF Government in enkai zoulou asakthugen a, khaw tuamtuam ah health sub centre 130 bawlkhiak ding bel kipahpih mahmah ahihthugen hi. DIET tungtawn a teacher 1600 in training a neihtheihna ding capacity bawlkhiak dek a omleng kipahpih huai asakthu Lalduhoma in gen beh hi.
Chief Minister lui Lalthanhawl a in agenna ah, MNF Government nuai ah mipite bit kisa hiam chih tawh kisai uangtak in gen a, lemna leh muanna mipite’n ngah hileh, Mizoram hichi maimai lou ding ahihthugen hi.
MHJU team in Chief Minister Zoramthang a nitaklam dak 3:30 in kimuhpihna nei ua, huai ah CM in thu poimawh tuamtuam gen hi. CM in agenna ah, Zosuante kipumkhatna ding a MNF Government in naktak a nasem ahihdan gen in, MNF tup le ngimte awlawl a tangtung hiaihiai ding ahihthu gen hi. IPR Minister Lalthanglian a leh MHJU team te kimu in Press te facility om tuamtuam te kikupkhawmna nei uhi. Nitaklam in Chief Secretary Haukhum Hauzel IAS kimuhpihna MHJU team te’n nei ua, huai ah CS in agendan in, Mizoram in mautaam ziak in, Centre Government apan Rs 125 crore ngahta ahihthu gen a, Joseph a Buhzeen tungtawn in leng sum tamtak kaihlut a om ahihthu gen hi.
Tutung a MHJU tour program ah Mizoram DIPR Director LR Sailo in naktak in kithuahpih a, MHJU team te pawtvelna ding in gari nih a thawn in zangsak a, Tourist home nuamtak ah tungsak in, program bangkim buatsaih pih hi. Zingchiang dak 12:30 in Mizoram Journalist Association leh MHJU in get together program Aizawl Press club ah nei ding uhi.
YPA GHQ Vice Prez lending
Thangkhochin Ngaihte, President Young Paite Association General Headquarters thusuak kingah dan in, Mr V Vumkhanthang s/o (L) Kaikhojam of Downtown, Zenhang Lamka in March 12 2008 apan YPA GHQ ah Vice President dinmun lending ahihdan thusuah a bawlna ah taklang hi.
NCYCF in nasep panding
Lamka, March 13: Northern Churachandpur Youth Clubs’ Federation (NCYCF) kichi te’n Churachandpur District sung ah Green operation kichi panding uhi. NCYCF thupukna dungzui in, Anti Drugs Campaign, Over Charge leh Cock tailing kichi semsuah ding uh hidanin gen uhi.
NCYCF thusuak dungzui in, kuaman Heroine himhim zuak thei nawn lou ding ua, talab, Raja, Khaini chih te a zuak ut te’n rate diktak a zuak ding in theihsakna bawl uhi. Damdawi zuakte’n rate diktak a zuak ding in theihsakna bawl ua, kuaman damdawi hun beisa (expiry date) zuak lou ding in leng theihsakna pia ua, van zuakna dukan himhim in leng a man dia bikhiah tung ah zuaklou ding in theisak uhi. NCYCF bialsung ah kuaman petrol, diesel leh khawnvaktui te mixed in zuakthei lou ding ua, tua ban ah, oil pump dealer nih om te’n leng bangmah tawh mixed lou ding in zasak uhi. March 15 2008 apan NCYCF in hoihtak in enkai ding a, thupiak zuiloute tung ah action la ding uh ahihdan NCYCF thusuak in taklang hi.
Multi-Media Information Campaign kipan
Lamka, March 13: Department of Information & Public Relations / Churachandpur te’ saina in tuni zinglam dak 11 in Synod Hall IB Road ah Three Days Multi-Media Information Campaign kipan hi. T.N.Haokip Hon’ble Minister IPR/Tsm/PHED in Chief Guest hihna tawh hongkhia hi. Sumant Singh IAS,Deputy Commissioner,Churachandpur in Functional President hihna tawh uap a, Ngursanglur MLA/Tipaimukh in leng uap hi. T.N Haokip in athu genna ah Government in Programme & Policy tamtak guanga, huai te sepsuah nang in Multi-Media Information Campaign poimawh tak bawl khiak a om ahihdan genna nei hi.
DC/CCpur in athugen na ah, kum khat vel paisa apat in vangsiat huai tak in Mautaam kialpi in Thanlon,Tipaimukh ,Vangai Range naktak in nuai gawpa, Singngat, Henglep area leng Mautaam Kialpi’n nawk ahihdan leng gen hi. Kialpi in anawk na khua bangzah hiam te antang neihdan hoihtak a, a etzawh nung in Chief Secretaty,Chief Minister leh Government of India ah report bawl ahihdan gen hi. Goverment in gilkiala kuamah sisak lou dinga panla ahihdan leng genna nei hi. Central Government kiang ah antang Additional proposal thon zouta mahleh tuni tan in a dawnna bangmah omnai lou ahihdan leng genna nei hi. NREGS nasep na toh kisai hoihtak a mipi te theihsiam sak atup gige ahihdan DC in paikhawm mipite mai ah gen hi.
Sunnung dak 1:30 in S.Mangi Singh in Right to Information Act sinsak na nei hi. Huaiban ah Miss Joycee, PO(NREGS) in NREGS tawh kisai sinsak na pia a, P.Ibochouba, Chief Editor, Kangla pao in Impact of Bandh&Strike chih thupi a nei in sinsak na nei uhi. March 14, 2008 sunnung dak 12:30 in kipan nawn ding a, Mrs.Boboi Gangte,DI/CCpur HQ in SSA toh kisai sinsak na nei ding a, Mrs.Lalromawi in ICDS Scheme sinsak na peding a, Ngurkaplien,DO/TP CCpur in Tribal Welfare Schemes chih thupi anei in sinsak na nei ding uhi.
MLA nih leh CDSU kihou
Tuni sun dak 12 in KKL Complex, IB Road ah Lamka mipi tuinek haksat na tawh kisai in T.N Haokip PHED Minister, Ngursanglur MLA leh CDSU makai te’n kihouna nei uhi. Huai ah Mr.Khaipao Haokip President ITLC in leng uap hi. Lanva lui Tuilakna tawh kisai in Govt.in a kim leh kiang gam teng lei khiak ding in tamveipi CM kiang leh Cabinet ah pawlut mah leh lawhsam ahihdan T.N Haokip in gen hi. CDSU panlak na nuai ah a gamneitu hausate, public leader teng tawh meeting nei khawma, Lanva luidung ah Gari lutsak louh dingdan kihou khawm ding in thupuk uhi.
District Level Competition om ding
Joseph Lalrothang ZEO/CCpur leh Community Mobilisation te saina in March 17, 2008 in Synod Hall IB Road ah District Level Competition tuamtuam om ding hi. Block Level Competition a select tengin Essay,Quiz,Drawing&painting,Cultural Dance leh Exhibition te ah kidemna nei ding uhi.
Gari in phukha
Mr.Seiminthang (21) s/o Jangkholun of Changpikot March 12,nitak dak 6:30 vel in alawmte tawh lampi apailai, Torbung ah Truck in phu kha in, alu liama, a awm nasa in District Hospital ah etkawl in om hi.
Huihhoihlou ziak in mi 2 Ringwell sung ah buai
Mr.Thangkhochin @Chinpu (33) s/o Mr.Ginzathang of New Lamka, Gouchinkhup Veng, tuni sunnung dak 2:30 vel in a veng uah Ringwell hahsiang a awmlai, Huih hoihlou (poisonous gas) om ziak in buaisia a, pataua akikou za kha te’n vadelh uhi.
Mr.Suanthuam (26) s/o Ginkhotuan of Bungmual, khawlai pawt, a geia paikha in atheih in va delha, Khau(rope)a kikhai khesuk in vapan pih in, Chinpu kawng ah Khau khih in midangte’n ana kaikhetou uhi. Suanthuam leng buaise nawn ngal a.,midang te’n Ringwell sung ah singteh/singnah atam theilam khia in, Fan in Well sung amutsak ban uah,Lawhpi bangzah hiam in ki zaap huan mai uhi. Panpihtu ding in Mr.Pauzabiak Ringwell sung ah va lut in Suan thuam kawng ah Khau va khih in hun khethei uhi. Chinpu leh Suanthuam te kintak in District Hospital tut hingal ua, a nih un gimtuak mahmah ua, Suanthuam pen Doctor te’n Oxygen bulh kawm in enkol lel uhi.
Ex-gratia meeting om ding
Sumant Singh IAS, Deputy Commissioner / Churachanpur makaih na in March 18,2008 sunnung dak 1 in DC office Conference Hall ah Ex-gratia toh kisai in District Level Screening-cum-Co-ordination Committee meeting om ding hi. Huai hun ah case 9 angaihtuah ding ban uah, January 17,2008 ni a, Ngasuanlei a Truck accident asi mi 20 te leh liamna tuak mi 37 te tungtang leng gen khawmna nei ding uhi.
IMPHAL NEWS:
Class X exam ah mi 3 nawhkhia
Imphal, March 13: Board of Secondary Examination Manipur saina nuai ah Pawl X exam pailel a, tuni in Centre 3 apan in mi 2 nawhkhia uhi. Thusuak in agendan in, Salam Khumbong Centre apan in Roll no 9445 in chiindan hoihlou zang in matkhiak hi a, tua tawh kibang in Senapti centre apan in Roll no 12645 leh Sugnu private centre apan in Roll no 18625 te nawhkhiak a om ahihdan puang uhi.
AICC in Rishang Keishing telkhia
Imphal, March 13: Maban a Rajya Sabha Election om ding ah, tuni in AICC High command Sonia Gandhi in choose and pick kichi bawl in, state tuamtuam ah Rajya Sabha member candidate ding puankhiakna nei hi. Manipur Information Centre/Delhi apan fax message kimu in ataklat dan in, AICC Chief Sonia Gandhi in a teltuamte AICC CWC permanent Invitee Oscar Fernandez, Union Minister in puankhiakna nei a, tua dungzui in, state tuamtuam ah candidate list sukfel in om ta hi.
Oscar Fernandez thusuak dungzui in, Congress President Sonia Gandhi in hiai anuai ate Rajya Sabha candidate ding in guang a, lemsakpihna leng pe ngal hi.
Andhra Pradesh ah, T Subrarami Reddy leh Nandy
Arunachal Pradesh ah, Mukuk Mithi
Assam ah, Bhubaneshware Kalita
Chattisgarh ah, Motilal Vohra
Haryana ah Dr Ram Prakash
Maharashtra ah Chavan Pritiviraj Gaji Sahid leh Murli Sitaram
Manipur ah Rishang Keishing
Orissa ah RC Khungtia leh Tamil Nadu apan in GK Vashan te hi’n kigen hi.
NNP in CM Rio kipahpih
Imphal, March 13: Naga National Party thusuak in tuni a ataklat dan in, Nagaland Assembly election 8 veina ah, Chief Minister Rio makaih Naga Peoples’ Front in single largest party hihna tang in, Democratic Alliance of Nagaland in Nagaland Ministry bawl uh a, mipite apan vualzawlna thupitak ngah uh ahihdan gen uhi. NNP thusuak in agendan in, CM Rio in kichiamna la khin a, amah tungtawn a Naga mipite’n khanlawhna thak amuh ua, khantouhna thupisem a om ding deihsak thu puang uhi.
RADIO Program
Hmar: Listenor Choice ( Devotional)
Paite: Listener Choice (Devotional)
Thadou- Khupminlen Tuboi & Hechin Haokip (Deveotional)
National Talent Search ah Singtangmi 2 telkha
Imphal, March 13: Directorate of Education (S) in tuni a thusuah abawlna uah, Department of Education nuai a Measurement and Evaluation NCERT, New Delhi in February 19 a selection abawl dungzui un, National Talent Search examination 2008 ah telthei ding in student 51 telkhia ua, huai lak ah Manipur singtangmi 2 telkha hi. Thusuak kingah dan in, May 11 2008 in IInd Phase examna om ding ah, Manipiur apan in Class VIII ah mi 26, Clas X ah 25 te exam thei ding ua, Qualify candidate te ading in March last week leh April kal masapen in registered post in admission card tung ding hi. Manipur singtangmite lak ah H Lalchamdama, Mount Jion School, Deulahlane, Imphal (Class VIII) leh ML Paocha Haokip, Sainik Schook, Imphal (class X) te’n IInd phase exam peding uhi.
Secretariat staff te nasep hunding taklang
Imphal, March 13: DS Poonia, Principal Secretary / GAD in tuni a thusuah abawlna ah, Manipur Secretariat a semtute office kaihun ding taklang a, huai dungzui in, nipilai, March apan October kha sung in zinglam dak 9:30 apan nitaklam dak 5 tan ding ahihdan taklang a, tuaban ah, phalbi hun (November apan February) kha sung in zinglam dak 9:30 apan nitaklam dak 4:30 tan hiding ahihdan gen hi. Poonia in agenna ah, tulai in office employee tamtak in office kaidaan thei zeen pi kitheilou sak in, ut hunhun in kuan ua, ut hunhun in pai uh ahihdan taklang a, maban ah office attendance te surprise checking bawl hizel ding in gen hi. Thupiak zahtak loute tung ah a kituah pih action lak hiding in leng DS Poonia in athusuahna ah gen hi.
Transfer and Posting:
Director General of Police thusuak dungzui in, Police Officer bangzah hiamte sepna heikolh in om hi.
T Pachhuau IPS Central Deputation, Director NEFA Shillong as IG (Adm)
N Herojit MPS/SDPO Sugnu as SDPO Lamphel
N Sanajaoba MPS / SDPO Senapati as SDPO/ Sugnu
N Manimohan SDPO/Jiribam as DSP (Traffic Police)
Th Shyam Sunder MPS/ DSP (MPTS/Pangei) as SDPO/Jiribam
HEADLINES:
CM team in RS Candidate te min Delhi zotpih
MUTSU leh ATSUM makai te’n Delhi zuan: CM makaih in HRD Minister mu ding
Imphal, March 13: Chief Minister O Ibobi Singh makaih in tuni in Delhi ah CM team lawi khat zin uh a, nitaklam in Student pawl leng zinsuk ngal uh hi’n kigen hi. Thusuak kingah dan in, Chief Minister in Delhi a phakna hun ah, a zi Landhoni Devi MLA, Education Minister L Jayeenta, OBC Minister Md Allaudin, Hill Areas Committee Chairman Thangminlien Kipgen, Doukhomang Khongsai, Danny Saiza, Khathungnang Pamei, TD Minister DD Thaisii, Chief Secretary Jarnail Singh leh Principal Secretary (GAD) DS Poonia IAS in leng Chief Minister zui uhi.
Thusuak kingah dan in, Chief Minister in Delhi a phaksawm guihna ziak ahihleh, Manipur University tungtang a singtangmi sinlaite’ demand ziak hidan in kigen mah leh, ataktak in Rajya Sabha election a candidate list thubuai hiding in leng kigen a, aman’ tutung Rajya Sabha Election om ding ah, MPCC in aguan, MK Nirabha, Chungkhokai Doungel, Md Manirudin Sheikh leh Md Abdul Salam te min tawi hidan in kigen hi. AICC Chief Sonia Gandhi tawh CM team in kimuhna neihsawm uh chih thu leng om hi.
Thudang khat kiza dan in, All India Congress Committee President Smt Sonia Gandhi in Banniel Rajya Sabha Election 2008 candidate list kichi apuan tawh kiton in Manipur apan in Chief Minister lui leh Rajya Sabha MP hilel, Rishang Keishing min leng telkha nawn a, huai thu ziak in, tuni in New Delhi apan in Rishang Keishing Imphal hongtung hi. Thusuak kingah dan in, MPCC leh Manipur SPF Ministry in tutung in Rishang Keishing telkhiak sawmnawn lou uh hi’n ki gen a, alehlam ah, Rishang Keishing in leng Rajya Sabha election om ding ah paukam bangmah zanglou in, MPCC kiang ah leng panpihna leh ticket leng ngen vetlou hi’n gen uhi. Himahleh, AICC High command in last hour a Rishing Keishing RS Candidate dia aguan nawn mawk pe’n uh a sungthu ah bang hiam om ding in muanmawh thu kigen a, huai in SPF Ministry khawng zou hial chih thu om hi.
Tuabangkalah, Manipur University Tribal Students’ Union (MUTSU) leh All Tribal Students’ Union Manipur (ATSUM) apan palai tamkhawp in tuni in New Delhi zuan ua, amau’ Chief Minister O Ibobi Singh team te tawh zinghal in Union Human Resource Development Minister Arjun tel in University Grant Commission official te kimuhpihna nei ding uh hi’n kigen hi. MUTSU leh ATSUM in ahihleh, Manipur Government ah demand tuamtuam nei in, MU leng Central University level a dopsang ahih ngal leh, singtangmite’ adia hamphatna leh quota sehsa om te zuih hihen chi in phutna nei ua, March 1 2008 apan MU campus pawtsan sawm mah le uh Chief Minister ngetna ziak in, campus pawtsan lou in kilemna om a, huai dungzui in tuni in Delhi zuan uh hidan in thutut kingah hi.
EDITORIAL:
Tuni Thupi: TOUPA laudan siam mi kua ahia? Huai mi tuh a lampi telding a musak ding hi.” Sam 25: 12
Guta te’ cheet dan suizui poimawh
Lamka khawpi buaipih mahmah bang hiam chi’n kikan le hang, tamtak in gutate I chi ding uhi. Guta i chihbang hihiam, bang ziak a guta om hiam? Koi apan guta hong kipan hiam, gutate’n bang bang gu ut deuh uhiam, mi bangzah ki pawl hi uhiam, kuateng tawh kizom hiam, hiamhei bang tawi uhiam, dak bang zah vela chesek uhiam chih leh, avan gukte uh koi a zuak sawn zel uhiam chih te kansui a, matkhiak hun mahmah ta hi.
Lamka zaang ah guta chik kum apan hong kipan ahi di chih thei geih keimah lehang, khawpi sung ah khamtheih (drugs) hong luut tung apan kipan hideuh ding in I ngaihsun hi. Atung lam in Inn kiluh chih leh, khawlak vaakte sumbawm a guuk a suhsak chih te thang mahmah a, khang a kikhen dungzui in gutate cheetdan sang mahmah ta hi.
Nidang hun in bus sung leh cinema hall peuh ah guta tam thei mahmah a, himahleh, tuni chiang in public place te ah guta om vang mahmah a, himahleh, a guuk in mun tuamtuam ah naktak in che uhi. Technology a saan hiaihiai dungzui in, gutate’ technique leng sang mahmah ta in, gukzawh louh leh guuk theihlouh chih himhim neinawnlou ua, paih ding leh deihhuai lou bangmah om zou nawnta lou in, amuh peuh uh guukdia en bangleng om ta uhi.
Guta i chih chiang in, definition tam mahmah ding a, zi leh pasal a guuk a gaal a kineite leng guta hive ve a, tuaban ah, Government, NGO leh saptuam sung a dikloutak a sum nemang leh su thelthangte leng guta in sim theih veve uhi. Gamsung a siat deuhdeuh ziak mah leng ahi ding, khangthak te’n Dan a zi neih/pasal neih chih leng poimawh sa nawn vetlou in, ut hunhun a zi gusuk, khengeih, neinawn geih chi a nuamtaal pawl bang leng om tham hi. Tuateng ban ah, Government official tamtak in dikloutak in mi zawng leh gentheite adia sum hong pai tamtak te nemang ua, guta a sim theih ahi uhi. Government official gentaak louh, sisan hangtak a Saptuam leh NGO sum tanpha ana negu thei zel pawl khat om veve hi. Hiai lam thu thutuam hiphot leh.
Van neihsa guukmang na tawh kisai en zek lai le hang, tuni chiang in guta te’n deih louh mahmah neinawn ta lou in, vok ann bel, underpant leh puansia nasan gu mang telta uhi. Puansia te ahihleh, zuak theih geih kei mah leh, Dendrite huupna ding in manphatak in zangthei veve uhi. Veng sung te ah guta mat ahih chiang in, soisak leh vuak in om sek a, himahleh, tuni chiang in kivuak, ki saat i chih te’n leng om zia neinawn taktak lou in, soisak khelh ahih chiang un leng Inn dongta level a kihouna in zui zel hi. Gutate’n bangziak a thil guuk ding zong uhiam i chihleh, a poimawh ziak ua zong uh ahi chih pen i dawnna ding ahi. Himahleh, bangziak apoimawh uhiam i chih nawn chiang in, i lak ah khamtheih drugs hih pung deuhdeuh, khamtheih zuak tu tam deuhdeuh, i economic niam deuhdeuh chihna ahi hi.
Gutate guktaak dan leng siam mahmah ta ua, nidang hun a gutate leh tulai gutate’n kibat louhna liantak nei in, ngam louh himhim neinawn lou uhi. Nidang lai ate’n bel mite muhkhak ding lauh petmah in lau ua, himahleh, tuchiang in gutate’n mite’ muh ding leng launawn lou in zalentak in gu miahmiah uhi. Gutate’n thil a guuk dek chiang un banghiam khamsa in gu masa ua, a tuahtuah uh kisualpih ngam ding leh that ngam ding tanpha in mansa in om uhi. A sisan uh hang mahmah ahi ngei ding, Saptuam Biakinn/ Patihan Biakinn sung a van kikoih, Inverter, Battery, Sound system, Biakinn dak leh a dangdang gukhe ngam tamtak om ta hi.
Mipite’ poimawh mahmah telephone gui Lamka zang ah muh ding a vang mahmah ta. Gutate’n hun tomchik sung in thil man tamtak telephone gui meter sau taktak gumang in, tuni chiang in telephone ngawl lawh a sang a sim om in, a rentel pe’n apiakpiak uh ngai maimah hi. Kuamah hontheih dia gintaklouh dawr kongkhak (shutter) bang baihlam tak in hon in om a, gari leng baihlam in guuk in om sek hi.
Tuma zek in, Teddim Road a om Bit world kichi technology dawr a kiluh hun in, guta te’n ava tuakkha mi khat bang, naktak in vawliam ua, sisa bang a ataisan nung un, vangphat huaitak in hong damkhe zenzen hi. Mun tamtak ah gutate’n hiamhei tanpha tawi in, network liantak nei uhi. Thil khat a guukkhiak uh, mun khat ah va koih uh a, huai apan midang in ana pawkhia in, a va zuakkhe ding leng midang om sawn lai hi. Lamka khawpi sung ah bangzah vei hiam tak numei guta bang matkhiak in om ta hi.
Khawpi sung ah nidang in Citizens Welfare Association kichi ana om in, naktak in nasem uh a, guta lata leh khamtheih hihte naktak in bengdai zou uhi. Himahleh, tuni chiang in, guta lata mankhetu ding kuamah om nawnlou adiam chih theih in om a, telephone gui hiai zahvei aman nung in leng a gutu suikhiak hilou a, tua ban ah, Biakinn sung a van gu leh dawr tuamtuam a van neen gute matkhiak leh soisak chih thu zaak ding om vang mahmah ta hi. Hiai in agennop ahihleh, gutate chance pe zelzel lai ni chihna himai a, maban ah gutate hong hangsan semsem ding bang ua, building hoih nei leh dai (fencing) hoih neite bit deuhdeuh ding ua, a zawngte guta apan bitlou hiaihiai ding chihna bang hi. Huai ziak in, Dan leh thupiak enkoltute ban ah Civil organization tuamtuam in pan alak kin uh poimawh mahmah hi.
www.manipurexpress.com
(Tuni Manipur Express 2nd page dim zeen in Zogam.com kum 5 chinna a lemlak om teng leh a thu vantang ka na suah uhi - KKValte/Jt Editor, ME)
Aizawl, March 13: Mizoram tour a pailel Manipur Hill Journalist Union team in tuni March 13 zinglam dak 10:30 in DIPR, Mizoram hunseh dungzui in Governor Lt Gen L M Lakher kimuhpihna nei ua, tua zawh in, Mizoram Assembly budget session pailel va uap ua, nitaklam dak 1 in IPR Minister kimuhpih ua, dak 2 in Chief Secretary leh Chief Minister kimuhpihna nei uhi.
MHJU team apan thutut kingah dan in, Mizoram Governor Lieutenant General LM Lakher kimuhpih ua, huai hun ah Governor in Manipur ah posting ngei ahihdan gen in, Manipur mipite angaihnat thu gen hi. Aman agendan in, Manipur ah neekguukna uang law mahmah ahihdan gen in, contractor tamtak in bangmah semkhe lou in, a seplouhna sa uh bill ¾ vei la mawk uh ahihdan gen hi. Mipite sum tamtak neekmang a om tawh kisai mipite’n bangmah thudik puang khe ngam lou ahi chi’n Governor in gen hi. AFSPA tawh kisai Governor in agenna ah, Manipur ah lemna leh muanna om na ding in mipite mawhpuakna lian mahmah ahihdan gen a, Army te leng amau ut thu a, NE hiam, ahih kei leh Manipur ah om mawk uh hilou ahihdan gen in, Dan leh thupiak in a zirlouh ziak a om kha zaw uh ahihdan te gen hi. Army te civil administration ah ahithei tan in kigolh utlou ahihthu leng Governor in gen hi. NREGS leng central scheme ahihdan gen a, diktat tak a zat hileh, mipite’n phattuamna thupitak ngah ding ahihthu gen hi.
Assembly budget session ah Governor Lakher in thugenna nei a, a nung in Governor speech tawh kisai motion of thanks genna om hi. MPC President lui Lalduhoma MLA in agenna ah, Governor thugen kipahpih huai asakdan gen in, himahleh, Power tawh kisai MNF Government in enkai zoulou asakthugen a, khaw tuamtuam ah health sub centre 130 bawlkhiak ding bel kipahpih mahmah ahihthugen hi. DIET tungtawn a teacher 1600 in training a neihtheihna ding capacity bawlkhiak dek a omleng kipahpih huai asakthu Lalduhoma in gen beh hi.
Chief Minister lui Lalthanhawl a in agenna ah, MNF Government nuai ah mipite bit kisa hiam chih tawh kisai uangtak in gen a, lemna leh muanna mipite’n ngah hileh, Mizoram hichi maimai lou ding ahihthugen hi.
MHJU team in Chief Minister Zoramthang a nitaklam dak 3:30 in kimuhpihna nei ua, huai ah CM in thu poimawh tuamtuam gen hi. CM in agenna ah, Zosuante kipumkhatna ding a MNF Government in naktak a nasem ahihdan gen in, MNF tup le ngimte awlawl a tangtung hiaihiai ding ahihthu gen hi. IPR Minister Lalthanglian a leh MHJU team te kimu in Press te facility om tuamtuam te kikupkhawmna nei uhi. Nitaklam in Chief Secretary Haukhum Hauzel IAS kimuhpihna MHJU team te’n nei ua, huai ah CS in agendan in, Mizoram in mautaam ziak in, Centre Government apan Rs 125 crore ngahta ahihthu gen a, Joseph a Buhzeen tungtawn in leng sum tamtak kaihlut a om ahihthu gen hi.
Tutung a MHJU tour program ah Mizoram DIPR Director LR Sailo in naktak in kithuahpih a, MHJU team te pawtvelna ding in gari nih a thawn in zangsak a, Tourist home nuamtak ah tungsak in, program bangkim buatsaih pih hi. Zingchiang dak 12:30 in Mizoram Journalist Association leh MHJU in get together program Aizawl Press club ah nei ding uhi.
YPA GHQ Vice Prez lending
Thangkhochin Ngaihte, President Young Paite Association General Headquarters thusuak kingah dan in, Mr V Vumkhanthang s/o (L) Kaikhojam of Downtown, Zenhang Lamka in March 12 2008 apan YPA GHQ ah Vice President dinmun lending ahihdan thusuah a bawlna ah taklang hi.
NCYCF in nasep panding
Lamka, March 13: Northern Churachandpur Youth Clubs’ Federation (NCYCF) kichi te’n Churachandpur District sung ah Green operation kichi panding uhi. NCYCF thupukna dungzui in, Anti Drugs Campaign, Over Charge leh Cock tailing kichi semsuah ding uh hidanin gen uhi.
NCYCF thusuak dungzui in, kuaman Heroine himhim zuak thei nawn lou ding ua, talab, Raja, Khaini chih te a zuak ut te’n rate diktak a zuak ding in theihsakna bawl uhi. Damdawi zuakte’n rate diktak a zuak ding in theihsakna bawl ua, kuaman damdawi hun beisa (expiry date) zuak lou ding in leng theihsakna pia ua, van zuakna dukan himhim in leng a man dia bikhiah tung ah zuaklou ding in theisak uhi. NCYCF bialsung ah kuaman petrol, diesel leh khawnvaktui te mixed in zuakthei lou ding ua, tua ban ah, oil pump dealer nih om te’n leng bangmah tawh mixed lou ding in zasak uhi. March 15 2008 apan NCYCF in hoihtak in enkai ding a, thupiak zuiloute tung ah action la ding uh ahihdan NCYCF thusuak in taklang hi.
Multi-Media Information Campaign kipan
Lamka, March 13: Department of Information & Public Relations / Churachandpur te’ saina in tuni zinglam dak 11 in Synod Hall IB Road ah Three Days Multi-Media Information Campaign kipan hi. T.N.Haokip Hon’ble Minister IPR/Tsm/PHED in Chief Guest hihna tawh hongkhia hi. Sumant Singh IAS,Deputy Commissioner,Churachandpur in Functional President hihna tawh uap a, Ngursanglur MLA/Tipaimukh in leng uap hi. T.N Haokip in athu genna ah Government in Programme & Policy tamtak guanga, huai te sepsuah nang in Multi-Media Information Campaign poimawh tak bawl khiak a om ahihdan genna nei hi.
DC/CCpur in athugen na ah, kum khat vel paisa apat in vangsiat huai tak in Mautaam kialpi in Thanlon,Tipaimukh ,Vangai Range naktak in nuai gawpa, Singngat, Henglep area leng Mautaam Kialpi’n nawk ahihdan leng gen hi. Kialpi in anawk na khua bangzah hiam te antang neihdan hoihtak a, a etzawh nung in Chief Secretaty,Chief Minister leh Government of India ah report bawl ahihdan gen hi. Goverment in gilkiala kuamah sisak lou dinga panla ahihdan leng genna nei hi. Central Government kiang ah antang Additional proposal thon zouta mahleh tuni tan in a dawnna bangmah omnai lou ahihdan leng genna nei hi. NREGS nasep na toh kisai hoihtak a mipi te theihsiam sak atup gige ahihdan DC in paikhawm mipite mai ah gen hi.
Sunnung dak 1:30 in S.Mangi Singh in Right to Information Act sinsak na nei hi. Huaiban ah Miss Joycee, PO(NREGS) in NREGS tawh kisai sinsak na pia a, P.Ibochouba, Chief Editor, Kangla pao in Impact of Bandh&Strike chih thupi a nei in sinsak na nei uhi. March 14, 2008 sunnung dak 12:30 in kipan nawn ding a, Mrs.Boboi Gangte,DI/CCpur HQ in SSA toh kisai sinsak na nei ding a, Mrs.Lalromawi in ICDS Scheme sinsak na peding a, Ngurkaplien,DO/TP CCpur in Tribal Welfare Schemes chih thupi anei in sinsak na nei ding uhi.
MLA nih leh CDSU kihou
Tuni sun dak 12 in KKL Complex, IB Road ah Lamka mipi tuinek haksat na tawh kisai in T.N Haokip PHED Minister, Ngursanglur MLA leh CDSU makai te’n kihouna nei uhi. Huai ah Mr.Khaipao Haokip President ITLC in leng uap hi. Lanva lui Tuilakna tawh kisai in Govt.in a kim leh kiang gam teng lei khiak ding in tamveipi CM kiang leh Cabinet ah pawlut mah leh lawhsam ahihdan T.N Haokip in gen hi. CDSU panlak na nuai ah a gamneitu hausate, public leader teng tawh meeting nei khawma, Lanva luidung ah Gari lutsak louh dingdan kihou khawm ding in thupuk uhi.
District Level Competition om ding
Joseph Lalrothang ZEO/CCpur leh Community Mobilisation te saina in March 17, 2008 in Synod Hall IB Road ah District Level Competition tuamtuam om ding hi. Block Level Competition a select tengin Essay,Quiz,Drawing&painting,Cultural Dance leh Exhibition te ah kidemna nei ding uhi.
Gari in phukha
Mr.Seiminthang (21) s/o Jangkholun of Changpikot March 12,nitak dak 6:30 vel in alawmte tawh lampi apailai, Torbung ah Truck in phu kha in, alu liama, a awm nasa in District Hospital ah etkawl in om hi.
Huihhoihlou ziak in mi 2 Ringwell sung ah buai
Mr.Thangkhochin @Chinpu (33) s/o Mr.Ginzathang of New Lamka, Gouchinkhup Veng, tuni sunnung dak 2:30 vel in a veng uah Ringwell hahsiang a awmlai, Huih hoihlou (poisonous gas) om ziak in buaisia a, pataua akikou za kha te’n vadelh uhi.
Mr.Suanthuam (26) s/o Ginkhotuan of Bungmual, khawlai pawt, a geia paikha in atheih in va delha, Khau(rope)a kikhai khesuk in vapan pih in, Chinpu kawng ah Khau khih in midangte’n ana kaikhetou uhi. Suanthuam leng buaise nawn ngal a.,midang te’n Ringwell sung ah singteh/singnah atam theilam khia in, Fan in Well sung amutsak ban uah,Lawhpi bangzah hiam in ki zaap huan mai uhi. Panpihtu ding in Mr.Pauzabiak Ringwell sung ah va lut in Suan thuam kawng ah Khau va khih in hun khethei uhi. Chinpu leh Suanthuam te kintak in District Hospital tut hingal ua, a nih un gimtuak mahmah ua, Suanthuam pen Doctor te’n Oxygen bulh kawm in enkol lel uhi.
Ex-gratia meeting om ding
Sumant Singh IAS, Deputy Commissioner / Churachanpur makaih na in March 18,2008 sunnung dak 1 in DC office Conference Hall ah Ex-gratia toh kisai in District Level Screening-cum-Co-ordination Committee meeting om ding hi. Huai hun ah case 9 angaihtuah ding ban uah, January 17,2008 ni a, Ngasuanlei a Truck accident asi mi 20 te leh liamna tuak mi 37 te tungtang leng gen khawmna nei ding uhi.
IMPHAL NEWS:
Class X exam ah mi 3 nawhkhia
Imphal, March 13: Board of Secondary Examination Manipur saina nuai ah Pawl X exam pailel a, tuni in Centre 3 apan in mi 2 nawhkhia uhi. Thusuak in agendan in, Salam Khumbong Centre apan in Roll no 9445 in chiindan hoihlou zang in matkhiak hi a, tua tawh kibang in Senapti centre apan in Roll no 12645 leh Sugnu private centre apan in Roll no 18625 te nawhkhiak a om ahihdan puang uhi.
AICC in Rishang Keishing telkhia
Imphal, March 13: Maban a Rajya Sabha Election om ding ah, tuni in AICC High command Sonia Gandhi in choose and pick kichi bawl in, state tuamtuam ah Rajya Sabha member candidate ding puankhiakna nei hi. Manipur Information Centre/Delhi apan fax message kimu in ataklat dan in, AICC Chief Sonia Gandhi in a teltuamte AICC CWC permanent Invitee Oscar Fernandez, Union Minister in puankhiakna nei a, tua dungzui in, state tuamtuam ah candidate list sukfel in om ta hi.
Oscar Fernandez thusuak dungzui in, Congress President Sonia Gandhi in hiai anuai ate Rajya Sabha candidate ding in guang a, lemsakpihna leng pe ngal hi.
Andhra Pradesh ah, T Subrarami Reddy leh Nandy
Arunachal Pradesh ah, Mukuk Mithi
Assam ah, Bhubaneshware Kalita
Chattisgarh ah, Motilal Vohra
Haryana ah Dr Ram Prakash
Maharashtra ah Chavan Pritiviraj Gaji Sahid leh Murli Sitaram
Manipur ah Rishang Keishing
Orissa ah RC Khungtia leh Tamil Nadu apan in GK Vashan te hi’n kigen hi.
NNP in CM Rio kipahpih
Imphal, March 13: Naga National Party thusuak in tuni a ataklat dan in, Nagaland Assembly election 8 veina ah, Chief Minister Rio makaih Naga Peoples’ Front in single largest party hihna tang in, Democratic Alliance of Nagaland in Nagaland Ministry bawl uh a, mipite apan vualzawlna thupitak ngah uh ahihdan gen uhi. NNP thusuak in agendan in, CM Rio in kichiamna la khin a, amah tungtawn a Naga mipite’n khanlawhna thak amuh ua, khantouhna thupisem a om ding deihsak thu puang uhi.
RADIO Program
Hmar: Listenor Choice ( Devotional)
Paite: Listener Choice (Devotional)
Thadou- Khupminlen Tuboi & Hechin Haokip (Deveotional)
National Talent Search ah Singtangmi 2 telkha
Imphal, March 13: Directorate of Education (S) in tuni a thusuah abawlna uah, Department of Education nuai a Measurement and Evaluation NCERT, New Delhi in February 19 a selection abawl dungzui un, National Talent Search examination 2008 ah telthei ding in student 51 telkhia ua, huai lak ah Manipur singtangmi 2 telkha hi. Thusuak kingah dan in, May 11 2008 in IInd Phase examna om ding ah, Manipiur apan in Class VIII ah mi 26, Clas X ah 25 te exam thei ding ua, Qualify candidate te ading in March last week leh April kal masapen in registered post in admission card tung ding hi. Manipur singtangmite lak ah H Lalchamdama, Mount Jion School, Deulahlane, Imphal (Class VIII) leh ML Paocha Haokip, Sainik Schook, Imphal (class X) te’n IInd phase exam peding uhi.
Secretariat staff te nasep hunding taklang
Imphal, March 13: DS Poonia, Principal Secretary / GAD in tuni a thusuah abawlna ah, Manipur Secretariat a semtute office kaihun ding taklang a, huai dungzui in, nipilai, March apan October kha sung in zinglam dak 9:30 apan nitaklam dak 5 tan ding ahihdan taklang a, tuaban ah, phalbi hun (November apan February) kha sung in zinglam dak 9:30 apan nitaklam dak 4:30 tan hiding ahihdan gen hi. Poonia in agenna ah, tulai in office employee tamtak in office kaidaan thei zeen pi kitheilou sak in, ut hunhun in kuan ua, ut hunhun in pai uh ahihdan taklang a, maban ah office attendance te surprise checking bawl hizel ding in gen hi. Thupiak zahtak loute tung ah a kituah pih action lak hiding in leng DS Poonia in athusuahna ah gen hi.
Transfer and Posting:
Director General of Police thusuak dungzui in, Police Officer bangzah hiamte sepna heikolh in om hi.
T Pachhuau IPS Central Deputation, Director NEFA Shillong as IG (Adm)
N Herojit MPS/SDPO Sugnu as SDPO Lamphel
N Sanajaoba MPS / SDPO Senapati as SDPO/ Sugnu
N Manimohan SDPO/Jiribam as DSP (Traffic Police)
Th Shyam Sunder MPS/ DSP (MPTS/Pangei) as SDPO/Jiribam
HEADLINES:
CM team in RS Candidate te min Delhi zotpih
MUTSU leh ATSUM makai te’n Delhi zuan: CM makaih in HRD Minister mu ding
Imphal, March 13: Chief Minister O Ibobi Singh makaih in tuni in Delhi ah CM team lawi khat zin uh a, nitaklam in Student pawl leng zinsuk ngal uh hi’n kigen hi. Thusuak kingah dan in, Chief Minister in Delhi a phakna hun ah, a zi Landhoni Devi MLA, Education Minister L Jayeenta, OBC Minister Md Allaudin, Hill Areas Committee Chairman Thangminlien Kipgen, Doukhomang Khongsai, Danny Saiza, Khathungnang Pamei, TD Minister DD Thaisii, Chief Secretary Jarnail Singh leh Principal Secretary (GAD) DS Poonia IAS in leng Chief Minister zui uhi.
Thusuak kingah dan in, Chief Minister in Delhi a phaksawm guihna ziak ahihleh, Manipur University tungtang a singtangmi sinlaite’ demand ziak hidan in kigen mah leh, ataktak in Rajya Sabha election a candidate list thubuai hiding in leng kigen a, aman’ tutung Rajya Sabha Election om ding ah, MPCC in aguan, MK Nirabha, Chungkhokai Doungel, Md Manirudin Sheikh leh Md Abdul Salam te min tawi hidan in kigen hi. AICC Chief Sonia Gandhi tawh CM team in kimuhna neihsawm uh chih thu leng om hi.
Thudang khat kiza dan in, All India Congress Committee President Smt Sonia Gandhi in Banniel Rajya Sabha Election 2008 candidate list kichi apuan tawh kiton in Manipur apan in Chief Minister lui leh Rajya Sabha MP hilel, Rishang Keishing min leng telkha nawn a, huai thu ziak in, tuni in New Delhi apan in Rishang Keishing Imphal hongtung hi. Thusuak kingah dan in, MPCC leh Manipur SPF Ministry in tutung in Rishang Keishing telkhiak sawmnawn lou uh hi’n ki gen a, alehlam ah, Rishang Keishing in leng Rajya Sabha election om ding ah paukam bangmah zanglou in, MPCC kiang ah leng panpihna leh ticket leng ngen vetlou hi’n gen uhi. Himahleh, AICC High command in last hour a Rishing Keishing RS Candidate dia aguan nawn mawk pe’n uh a sungthu ah bang hiam om ding in muanmawh thu kigen a, huai in SPF Ministry khawng zou hial chih thu om hi.
Tuabangkalah, Manipur University Tribal Students’ Union (MUTSU) leh All Tribal Students’ Union Manipur (ATSUM) apan palai tamkhawp in tuni in New Delhi zuan ua, amau’ Chief Minister O Ibobi Singh team te tawh zinghal in Union Human Resource Development Minister Arjun tel in University Grant Commission official te kimuhpihna nei ding uh hi’n kigen hi. MUTSU leh ATSUM in ahihleh, Manipur Government ah demand tuamtuam nei in, MU leng Central University level a dopsang ahih ngal leh, singtangmite’ adia hamphatna leh quota sehsa om te zuih hihen chi in phutna nei ua, March 1 2008 apan MU campus pawtsan sawm mah le uh Chief Minister ngetna ziak in, campus pawtsan lou in kilemna om a, huai dungzui in tuni in Delhi zuan uh hidan in thutut kingah hi.
EDITORIAL:
Tuni Thupi: TOUPA laudan siam mi kua ahia? Huai mi tuh a lampi telding a musak ding hi.” Sam 25: 12
Guta te’ cheet dan suizui poimawh
Lamka khawpi buaipih mahmah bang hiam chi’n kikan le hang, tamtak in gutate I chi ding uhi. Guta i chihbang hihiam, bang ziak a guta om hiam? Koi apan guta hong kipan hiam, gutate’n bang bang gu ut deuh uhiam, mi bangzah ki pawl hi uhiam, kuateng tawh kizom hiam, hiamhei bang tawi uhiam, dak bang zah vela chesek uhiam chih leh, avan gukte uh koi a zuak sawn zel uhiam chih te kansui a, matkhiak hun mahmah ta hi.
Lamka zaang ah guta chik kum apan hong kipan ahi di chih thei geih keimah lehang, khawpi sung ah khamtheih (drugs) hong luut tung apan kipan hideuh ding in I ngaihsun hi. Atung lam in Inn kiluh chih leh, khawlak vaakte sumbawm a guuk a suhsak chih te thang mahmah a, khang a kikhen dungzui in gutate cheetdan sang mahmah ta hi.
Nidang hun in bus sung leh cinema hall peuh ah guta tam thei mahmah a, himahleh, tuni chiang in public place te ah guta om vang mahmah a, himahleh, a guuk in mun tuamtuam ah naktak in che uhi. Technology a saan hiaihiai dungzui in, gutate’ technique leng sang mahmah ta in, gukzawh louh leh guuk theihlouh chih himhim neinawnlou ua, paih ding leh deihhuai lou bangmah om zou nawnta lou in, amuh peuh uh guukdia en bangleng om ta uhi.
Guta i chih chiang in, definition tam mahmah ding a, zi leh pasal a guuk a gaal a kineite leng guta hive ve a, tuaban ah, Government, NGO leh saptuam sung a dikloutak a sum nemang leh su thelthangte leng guta in sim theih veve uhi. Gamsung a siat deuhdeuh ziak mah leng ahi ding, khangthak te’n Dan a zi neih/pasal neih chih leng poimawh sa nawn vetlou in, ut hunhun a zi gusuk, khengeih, neinawn geih chi a nuamtaal pawl bang leng om tham hi. Tuateng ban ah, Government official tamtak in dikloutak in mi zawng leh gentheite adia sum hong pai tamtak te nemang ua, guta a sim theih ahi uhi. Government official gentaak louh, sisan hangtak a Saptuam leh NGO sum tanpha ana negu thei zel pawl khat om veve hi. Hiai lam thu thutuam hiphot leh.
Van neihsa guukmang na tawh kisai en zek lai le hang, tuni chiang in guta te’n deih louh mahmah neinawn ta lou in, vok ann bel, underpant leh puansia nasan gu mang telta uhi. Puansia te ahihleh, zuak theih geih kei mah leh, Dendrite huupna ding in manphatak in zangthei veve uhi. Veng sung te ah guta mat ahih chiang in, soisak leh vuak in om sek a, himahleh, tuni chiang in kivuak, ki saat i chih te’n leng om zia neinawn taktak lou in, soisak khelh ahih chiang un leng Inn dongta level a kihouna in zui zel hi. Gutate’n bangziak a thil guuk ding zong uhiam i chihleh, a poimawh ziak ua zong uh ahi chih pen i dawnna ding ahi. Himahleh, bangziak apoimawh uhiam i chih nawn chiang in, i lak ah khamtheih drugs hih pung deuhdeuh, khamtheih zuak tu tam deuhdeuh, i economic niam deuhdeuh chihna ahi hi.
Gutate guktaak dan leng siam mahmah ta ua, nidang hun a gutate leh tulai gutate’n kibat louhna liantak nei in, ngam louh himhim neinawn lou uhi. Nidang lai ate’n bel mite muhkhak ding lauh petmah in lau ua, himahleh, tuchiang in gutate’n mite’ muh ding leng launawn lou in zalentak in gu miahmiah uhi. Gutate’n thil a guuk dek chiang un banghiam khamsa in gu masa ua, a tuahtuah uh kisualpih ngam ding leh that ngam ding tanpha in mansa in om uhi. A sisan uh hang mahmah ahi ngei ding, Saptuam Biakinn/ Patihan Biakinn sung a van kikoih, Inverter, Battery, Sound system, Biakinn dak leh a dangdang gukhe ngam tamtak om ta hi.
Mipite’ poimawh mahmah telephone gui Lamka zang ah muh ding a vang mahmah ta. Gutate’n hun tomchik sung in thil man tamtak telephone gui meter sau taktak gumang in, tuni chiang in telephone ngawl lawh a sang a sim om in, a rentel pe’n apiakpiak uh ngai maimah hi. Kuamah hontheih dia gintaklouh dawr kongkhak (shutter) bang baihlam tak in hon in om a, gari leng baihlam in guuk in om sek hi.
Tuma zek in, Teddim Road a om Bit world kichi technology dawr a kiluh hun in, guta te’n ava tuakkha mi khat bang, naktak in vawliam ua, sisa bang a ataisan nung un, vangphat huaitak in hong damkhe zenzen hi. Mun tamtak ah gutate’n hiamhei tanpha tawi in, network liantak nei uhi. Thil khat a guukkhiak uh, mun khat ah va koih uh a, huai apan midang in ana pawkhia in, a va zuakkhe ding leng midang om sawn lai hi. Lamka khawpi sung ah bangzah vei hiam tak numei guta bang matkhiak in om ta hi.
Khawpi sung ah nidang in Citizens Welfare Association kichi ana om in, naktak in nasem uh a, guta lata leh khamtheih hihte naktak in bengdai zou uhi. Himahleh, tuni chiang in, guta lata mankhetu ding kuamah om nawnlou adiam chih theih in om a, telephone gui hiai zahvei aman nung in leng a gutu suikhiak hilou a, tua ban ah, Biakinn sung a van gu leh dawr tuamtuam a van neen gute matkhiak leh soisak chih thu zaak ding om vang mahmah ta hi. Hiai in agennop ahihleh, gutate chance pe zelzel lai ni chihna himai a, maban ah gutate hong hangsan semsem ding bang ua, building hoih nei leh dai (fencing) hoih neite bit deuhdeuh ding ua, a zawngte guta apan bitlou hiaihiai ding chihna bang hi. Huai ziak in, Dan leh thupiak enkoltute ban ah Civil organization tuamtuam in pan alak kin uh poimawh mahmah hi.
www.manipurexpress.com
(Tuni Manipur Express 2nd page dim zeen in Zogam.com kum 5 chinna a lemlak om teng leh a thu vantang ka na suah uhi - KKValte/Jt Editor, ME)
No comments:
Post a Comment