Pasal naupang 2 in mihing luguh hom mu
LAMKA, March 11: Tuni sunnung dak 2:00 vel in pasal naupang 2, Lamthianlal(11) s/o Nengkhanlian of Mualkawi leh Suangelsang(11) s/o Thongkhosiam of Mualkawi te’n STC/BSF leh Mualkawi kikal gamlak a meh ding a zonna uah luiguam sung ah mihing luguh hom mukhia uh a, amau la in kem lel uhi. Huai luguh pen mipiching a hiding in gen uh a, a ha khong leng omlai hi.
W&M Deptt. in deih bang in nnasem theilou
LAMKA, March 12: Lamka khopi a niteng poimoh vanzat tuamtuamte tehna (measure/scale) diktak leh aman ding diktak a kizuak omlou phial toh kisai in Lamka Post palai in tuni’n Weight and Measure Department a Asst. Controller kimuhpihna nei hi. Lamka khopi leh a sehvel a sumsinna dawrte a a van zuakte uh ahidingbangtak a zuak ahihleh hihlou bangtan a W&M Deptt. in enkai zel hiam chih Lamka Post palai dotna Asst. Controller in a dawnna ah kum 5 vel paisa apan in diktatloutak a sumdawngte khutzat a helpawl khenkhat pang in W&M Deptt. a vausek ziak un deihbang a checking neitheilou ahihdan gen hi. Himahleh kumteng in bel dawr teng a sersuangte agikdan etchetna nei a seal tat gige uh ahihdan gen hi. Thil khatpeuh Maximum Retail Price (MRP) kigelh zah sang a tamzaw a van leite’n vanleina cash memo la in cash memo toh complaint gelhtoh tawi in Weight & Measure Deptt. kiangah report piaktheih gige a, huai pansan in W&M Deptt. in vanman khengval a zuaktu tung ah action lathei uh ahihdan leng Asst. Controller in Lamka Post palai theisak hi.
SHG-te’ di’n Account Training om ding
LAMKA, March 12: Zomi Mothers’ Association Headquarter saina in zingchiang zing dak 10:00 apan in PTC Conference Hall, Upper Lamka ah ‘One Day Account Training for Self Help Groups’ neih hiding hi. Hiai Training programme bel sunma dak 11:30-12:00 kikal in Mr. Sumant Singh, IAS, DC/CCpur in honkhiatna nei ding hi. Hiai Training bel NABARD sensakna a neih hiding a, SH Group tuamtuam apan tamtak tel ding uhi.
DC Imphal ah hoh
LAMKA, March 11: Sumant Singh IAS DC/CCpur tuni sun dak 12:30 vel a office kai, sawt omlou in tuni sunnung dak 2:00 vel in Official meeting a tel ding in Imphal zuan hi. Tulai in DC/CCpur Office sun dak 12:00 vel khong in kai sek a, DC/CCpur Office Staff-te bel zingkal dak 9:30 apat nitaklam dak 4:00 tan office kai ding in thusuah bawl hi.
Lenglakot JB School enkhia
LAMKA, March 11: Kaikhanlian Guite DI of School Churachandpur Block leh Kapneithang AI of School in tuni zingkal dak 8:00 vel in Lenglakot JB School enkhia ua, school staff-te toh leng meeting nei in school puah ding dan thu genkhawm uhi.
Suantak Peoples Council Conference om ding
LAMKA, March 11: Suantak Peoples Conference (SPC) Annual General Assembly 8 veina zingchiang zingkal dak11:00 apan in Synod Hall IB Road ah neih sawm uhi. Huai hun ah Suantak sung a lehkhasiam Officer tuamtuam tamtak tel ding ua, Cultural Dance tuamtuam Phailian Youth Cultural Troupe, Sailo Cultural Troupe, Mata YVA Cultural Troupe leh VP Hill Cultural Troupe te’n lahna nei ding uhi. Suantak sung a mi tungtuang deuhte kiang ah Appreciation Certificate piakna leng neih sawm uhi. Kikhop zoh nitaklam in mipi’n annkuang um ding uhi.
Ni 40 tha man anntang in pe ding
LAMKA, March 11: Mautaam kial ziak in NREGS nasepna toh kisai in DC/CCpur in Thanlon, Tipaimukh leh Vangai Block a ding ni 100 sanction bawl a, huai lak ah ni 40 tha man sum pen DSO/FCS account ah koih hiding a, a sum a hawmkhiak hilou in, huai a anntang leikhiak a piak hiding hi.
ASSEMBLY NEWS:
## Manipur Power Minister in T. Phungzathang in Innpi mai ah phalna neilou a electric la a tamluat ziak a department in haksatna nasatak tuak ahihdan leh transformer bangzah hiam in siatloh ahihdan gen hi. Power Minister in, electric gute douna dia Dan bawlthak poimoh ahihdan hahgen mahmah kawm in singtang leh phaizang bial hitaleh, a kibang a mei hoihtak a a pai theihna dia department in naktak a panla ahihdan leng gen hi.
## Tuni a Demand for Grants, 2008-09 dia Rs. 8,20,71,92,000 a passed-te uh ahihleh,
Fishery -Rs. 13,68,09,000
IFCD -Rs. 2,16,03,83,000
Social Welfare -Rs. 95,95,70,000
Relief & Disaster Management -Rs. 6,65,81,000
Agriculture -Rs. 50,52,02,000
PHED -Rs. 1,31,59,04,000
Power -Rs. 3,05,20,67,000
State Academy of Training -Rs. 1,26,76,000
## Hill Areas Committee Chairman Thangminlien Kipgen in Manipur Hill Areas Autonomous District Council Bill, 2008, Committee’ 4th report Innpi ah luikhia.
## Chief Minister O. Ibobi Singh in Innpi ah Bill nih pulakna nei a, huaite ahihleh, Manipur Appropriation (2) Bill, 2008 leh The Assam Amusement & Betting Tax (6th Manipur Amendment) Bill, 2008 hi uhi.
## Finance Committee tuamtuam thum a member dingte puankhiak in om. Committee on Public Accounts a member dingte ahihleh, O. Joy, N. Mangi, V. Hangkhanlian, Haokholet Khongsai, L. Nandakumar, Dr. Hasim Ruivah leh Dr. Ng. Bijoy hi uhi. Committee on Public Undertaking a member dingte ahihleh, I. Hemochandra, M. Thorii, Ngursanglur, Y. Surchandra, Kh. Ratan, Doukhomang Khongsai leh Dr. U. Deben hi uhi. Committee on Estimate a member dingte ahihleh, Radhabinod Koijom, Bijoy Koijom, K. Raina, M. Manindra, R.K. Anand, D. Dwidamani leh Th. Lokeshwor hi uhi.
## Dr. Hasim Ruivah dotna Rural Development Minister Md Allauddin Khan in a dawnna ah, central scheme, Swajal Dhara Scheme kichi Churachandpur leh Ukhrul district ah nnasep pat hita hi. Churachandpur district a dia project cost Rs. 43 lakhs lak ah central in 75%, first installment in Rs. 32.25 lakhs release-ta a, huai lak ah Rs. 32.10 lakhs kho 4, Dumlian, S. Mollien, B.L. Vaphai leh Muallum ah kizang hi. Ukhrul district a dia project cost Rs. 318.62 lakhs hi a, a vek a release ahihnalak ah Rs. 210.065 lakhs kizang hi.
## MLA T. Hangkhanpao dotna IFCD Minister N. Biren in a dawnna ah, Khuga Hydro Electric Project in a sukkhak sungkuante kiang a compensation piak khit ahihdan gen a, compensation ngah sungkuante list a taklatna ah Patta Land a teng sungkuan 178, Hill Land a teng sungkuan 24, canal bawlna a Right Side Main Canal in a sukkhak sungkuan 261, Left Side Main Canal in a sukkhak sungkuan 73 om ahihdan leh a vek ua kigawm a sungkuan 536 om hi’n Minister in Innpi mai ah gen hi.
Secretariat kikhak ding
IMPHAL, March 11: Manipur Budget session February 1 a kipan pen March 12 a zoh ahih ding toh kiton in Speaker in Assembly Secretariat a semte a di’n March 13 khawlni dan in puang a, huai in Secretariat a PWD Cell attached om leng huam ding hi.
Tourism Festival-2008
IMPHAL, March 11: Tourism Department saina in a hongtung ding March 12-16 sung in Hapta Kangjeibung, Palace Compound ah Manipur Tourism Festival-2008 zatna om ding hi.
Hiai festival ahihleh Nilaini sunnung dak 3:30 in hiai hun a Khuallian hihna toh uap ding Manipur Chief Minister O. Ibobi Singh in hongkhe ding hi. Huai banah, hiai hun zatna a Guest of Honour ding in Social Welfare Minister N. Loken pang ding a, President in Tourism Minister TN Haokip pang ding hi.
Hiai festival ah adventure sports leh indigenous sports lam uangbawl in om ding a, huai banah, cultural programme tuamtuam leng kizang ding hi.
HSLC exam mi 4 hawlkhiak in om nawn
IMPHAL, March 11: Tukum Board of Secondary Education Manipur nuai a HSLC examination ah student-te lak a exam dan siangthoulou uangsem in kilang a, hunkhoptak hawlkhiak ahih nung un tuni’n leng centre thum a kipat student 4 hawlkhiak in om nawn uhi.
Kangpokpi centre apat Roll. No. 11928 hawlkhiak in om a, Khundrakpam centre apat Roll. No. 16860 leh 16953 hawlkhiak in om ua, Lamlai centre apat Roll. No. 17074 hawlkhiak in om hi.
Assam bomb puak ah 1 si, 9 liam
GUWAHATI, March 11 NNN: Upper Assam a Tinsukia district sung a Doomduma ah Sepnawnni nitaklam dak 4:20 ding vel in helpawl hidia muanmoh te’n bomb supuak ua, huai ah mi 1 a sih banah midang 9 liam uh hidan in thusuak in taklang hi.
Tinsukia Superintendent of Police PK Bhuyan in a gendan in, Doomduma market a Nathani hotel kong ah bomb puak a, a bomb pen ahihleh rickshaw khat a koih a om ahihdan leh a rickshaw hektu leng helpawlte’n sum loh dia a goih uh hidia a muanmoh thug en hi. Huai banah, hiai bomb puak a sihna tuak mi khat leng hiai rickshaw hektupa mah ahihdan SP in gen hi’n thusuak in taklang hi.
Bhuyan in Tinsukia district a security hihkhauh sem a om ahihdan a genzel banah, hiai bomb puak a liamna tuak mi 9-te Dibrugarh a Assam Medical College a etkol dia puak a om ahihdan uh leh a liam 9-te lak a mi khat dinmun lauhthawnghuai mahmah ahihdan gen hi.
Dibrugarh district sung a Sepnawnni a thiltung dang khat ah, OIL leh ONGC in seismic survey a bawlna uah tuplouh in a suangkapna bomb uh supuakkha uhi. Barbaruah police station huamsung Madhupur a thiltung toh kisai Dibrugarh Superintendent of Police Anurag Agarwala in a genna ah, vangphathuaitak a mihing kuamah a liam omkei mahleh, OIL leh ONGC-te gari zat khat kise dimdem ahihdan ge’n hi’n thusuak in taklang hi.
Huai banah, ULFA helpawlte hidia muanmoh te’n Tengakhat Police Station huamsung a teklei bawlte mi 4 Pathianni zan a a thah ziak un Dibrugarh ah security hihkhauh in om hi. Golaghat district sung, Assam-Nagaland gamgi zul ah Seppatni zan in helpawl hidia muanmoh te’n bomb supuak ua, himahleh, hiai thiltung a si leh liam bel kuamah omlou hi. Hiai district ah Adivasi helpawl AANLA leh ULFA hat mahmah ua, himahleh kuate sulnung hiam chih bel theih hinailou dan in thusuak in taklang hi.
Mi 2 kaplup in om
IMPHAL, March 11 NNN: Bishnupur district sung a Keinoupat Turel Maril ah Sepnawnni zingkal baihtak in meltheihlouh galvan tawi pawl khat in mi nih kaplum uh hidan in thusuak in taklang hi.
Thusuak in a taklatdan in, kaplup a omte leng theihkhiak hinailou ua, himahleh, kum 20 leh 30 kikal mi hidan in gen uhi. Hiai mi nihte lu ah thautang lutna ma muhtheih in om a, Police te’n case a chiamteh banuah siluang nihte Regional Institute of Medical Sciences (RIMS) morgue a koih a om hidan in thusuak in taklang hi.
NPF te’n Cong MLA-te buluh dek
KOHIMA, March 11 NNN: Sorkar din dia Nagaland a assembly election a vualzou Nagaland People's Front (NPF) makaih Democratic Alliance of Nagaland in Governor apat sapna a muh hak ziak in NPF tualaite thangpai te’n Sepnawnni sunma dak 11:30 ding vel in Congress MLA-te omna Kohima khopi a Hotel Japfu luh sawm uh hidan in thusuak in taklang hi.
NPF tuailai 200 velte’n Congress MLA thak teng leh All India Congress Committee apat observer-te omkhawmna Hotel Japfu luh sawm ua, amau singkhuah leh van tuamtuam tawi in Congress member-te vuak sawm uhi. NPF hilou a, Congress a support na’ng ua Congress in helpawlte zang a Independent MLA-te vau uh hidan in hiai NPF tuailaite’n Congress tungah ngohna bawl ua, himahleh, mipi kipunkhawm thu a theihphet un security force te’n Hotel Japfu zuanpah ua, thilsia a tunma a mipi sousangte bengdai thei uh hidan in thusuak in taklang hi.
Tuabanah, sorkar din dia Governor in NPF’ makaih DAN tunitak sung mahmah a a chial kei a leh total bandh puang ding uh hidan a NPF Youth in vauna bawl hi’n thusuak in taklang hi.
IM in Congress tung ah ngohna bawl
DIMAPUR, March 11 NNN: Democratic Alliance of Nagaland (DAN) a zop ding dalna a Independent MLA khat pimang sawm hidan in NSCN-IM in Nagaland a Congress MLA khat tung ah ngohna bawl hidan in thusuak in taklang hi.
NSCN-IM in ngohna a bawl thusuak in a taklatdan in, tutung Nagaland Assembly election a Dimapur-II apat telching a om Congress MLA S.I. Jamir in Mr. Azheto Chophy’ “gang member” 4 zang a 49 A/C Tamlu apat Independent MLA dia telching a om Phom Dako pimang sawm uhi. S.I Jamir ahihleh tulel a Goa Governor S.C. Jamir sanggampa ahi.
NE-TV live telecast leh local newspaper teng a S.I. Jamir pimang sawm mi 40-te kipuanna March 9, 2008 a tuang khinta ahihdan NSCN-IM in gen a, hiai thu a amau min telsak teitei sawm om mahleh thudik mipi’n theithou ahihdan leh amau bel mipi deihtelna mah poimohpen a khoih a zahtak ahihdan uh IM in gen hi. Huai banah, vaihawmna a ngah theihna ding ua Congress in chiindan hoihloutawp leng zang ngam ahihdan uh gen hi’n thusuak in taklang hi.
Congress in MUA pawl phuan
SHILLONG, March 11 NNN: Meghalaya assembly election ah Congress party in seat 25 nei in single majority hihna la in sorkar dinna ding in DD Lapang Meghalaya Chief Minister di’n Governor in ana kichiamsak mahleh, party dangte’n Meghalaya Progressive Alliance (MPA) chih pawl phuan in seat 31 nei uhi. Chief Minister in DD Lapang state CM dia a kichiamsak kawmkawm in ni 10 sung a strength show a neih uh ngai dia a theihsak toh kiton in Sepnawnni in Congress MLA 25 leh independent MLA, A.T. Mondal, Ismail Marak leh Limison Marak te’n DD Lapang inn ah Meghalaya United Alliance (MUA) pawl phuan ua, huai ah Congress MLA Charles Pyngrope heutu ding in guang ua, Congress MLA Ronnie V Lyngdoh leh indpendent MLA A.T. Mondal secretary di’n guang uhi.
Congress in MUA pawl phuan in MLA 28 neita mahleh, MPA in member 31 a neih khit ziak un March 21 a strength show a neihna ua a chinzohlouh ding uh baihlamtak bang a, HSPDP/KHNAM pawl’ MLA 4 leh independent MLA khat zol mahle uh, MPA nuai a kichiamna hoihtak ana neih khit ziak un MUA zolna ana nawlkhin zomah uhi.
MPA spokesman B.M. Lanong in a genna ah, Congress in bangchituk in pan la mahleh a tha sen tengteng uh thawn vek ding ahihdan gen hi. MPA nuai ah HSPDP leh KHNAM in MLA 3 a kigawm in nei ua, amau Congress toh kizopna neilou himhim ding in thuchiam ana bawl khinta uhi.
MUA’ dinmun hiai bang in derdep mahleh Chief Minister D D Lapang in Sepnawnni a thuthaksaite kiang a a genna ah, March 21 a strength show lohchingtak a nei ding ahihdan uh gen lai a, kuamah minloh kei mahleh, MLA bangzah hiam toh kihouna neilel ahihdan uh leh zolzou ding ahihdan uh gen hi.
Tuabangkal ah, preterm speaker Mr. H. S. Lyngdoh in Sepnawnni in MLA 58 kichiamna neisak a, Chief Minister lui leh UDP memebr E.K. Mawlong in ahihleh Nilaini chiang in Speaker' chamber ah kichiamna nei ding hi. Tutung Meghalaya election ah, Bagmara constituency a Congress candidate S. Sangma a sih ziak in huai constituency ah election neih hilou a, huai ziak in constituency 60 omna lak ah constituency 59 ah election neih in om hi. Tuabangkal ah, Congress in seat 25 nei in single majority hihna la mahleh Congress hilou party tuamtuam kigawmkhawm MPA in MLA 31 nei hinapi a Meghalaya Governor S.S. Sidhu in sorkar din dia Congress a chialna a DD Lapang CM dia Seppatni a a kichiamsak thu toh kisai in P.A. Sangma in Sepnawnni in New Delhi ah senior Advocate Soli Sorabjee sawl hi. MPA in hiai thu Supreme Court a tut toh kiton in SC in leng a thu ngaihtuah ding a ana pomsak hidan in thusuak in taklang hi.
Forest dept. in pan alakte Th Debendra in pulak
Imphal, Mar 11 NNN: Tamenglong dist. sunga ganvulh bangzah hiam mangthangthu toh kisai Bhallock khua-a sahang om kichi pen gamtatna nung ahih leh hihlouh theihchet ahihlouh banah, hichibang thil omnawn louh na’nga panlak ahihthu leh, sahangte’ omnate ‘protected area’ a puan pen govt. in sawmnailou ahihthu MLA Awangbow Newmai in dotna abawlna ah, Forest Minister Th. Debendra in dawng hi’n thusuak in taklang hi.
Tamenglong-a Bhallock khua-apat sample kilakhia test bawlna nei ding a Wildlife Institute of India (WII) Dehradun-a kithon result suahzoh chiang leh, National Tiger Conservation Authority (NTCA) leh WII, Dehradun toh kithuah a Tiger census bawl ahihzoh chianga atunga kigen sahang omnate ‘protected area’ dan a puanding ngaihtuahpat hi ding ahihdan leng Th Debendra in gen a, Tamei subdivision nuai a om, Bunning khua-a 115. 8 sq kms leng Wildlife Sanctuary (Wildlife protection Act, 1972) nuai a protected area-a puan ahihdan leng Th. Debendra in gen hi.
Awangbai Newmai’dotna Forest Minister in adawn zelna ah, singtanggam a mautam om ziaka central in ‘Management of prospective gregarious flowering of bamboo in the North East’ kichi a sponsore leng state govt. in ngaihven ahihdan Th Debendra in agenna ah, infrastructure development, regeneration activities, fire control measures, rodent control leh preventive health measures leng hiai scheme nuaia tel ahihdan gen a, Joint Forest Management Committee (JFMC) te apan forest dept. in 40% chiat deduct bawl kichi leng Debendra in nial a, JFMC te’n account payee cheque-te direct-a mu ahihdan uh leng gen hi’n thusuak in taklang hi.
Rickshaw hawlte’n kiphinna nei
Imphal, Mar 11 NNN: Imphal-a Rickshaw hawlte All Manipur Richshaw Drivers’ and Pullers’ Welfare Association (AMRDPWA) makaihna in Sepnawnni a Hatta Kangjeibung, Imphal-a meeting aneihna uah, Sagolband Ingudam Leirak, Imphal West-a meltheihlouh te’n Seppatni a u.nion president Ch Birkumar thau a akap uh mohsakna nei uh hi’n thusuak in taklang hi.
Ninga sunga migiloute chiamteh ding chih leh, adamlou etkolna govt. in a sensak ding chihte demand-na memorandum CM O. Ibobi kiang ah pia uhi. U.nion president ahihleh, Seppatni in motor cycle tuang meltheihlouh galvan tawi 2 in akap ziak un khophawklou phial a RIMS tut hi a, tun ki-enkol lel hi. Ninga sunga kipuangkhe dingin rickshaw hawlte’n ngetna bawl ua, u.nion president kaap ahihthu leng mohsakna sangpen in mohsa uhi.
Rickshaw hawlte’tung ah khut kha kei un, muanna ka deih uh chihte leh rickshaw hawlte kaap a aom uh ka mohpaih uh, chihte laipek a gelh in tawikhia ua, mohna neite ni 5 sunga akipuankei ua, govt. in amaute ni 5 sunga achiamteh kei leh, civil society toh pangkhawm in kiphinna nasatak pankhe ding ahihdan uh leng rickshaw hawlte’n gen uh hi
www.zogam.com
LAMKA, March 11: Tuni sunnung dak 2:00 vel in pasal naupang 2, Lamthianlal(11) s/o Nengkhanlian of Mualkawi leh Suangelsang(11) s/o Thongkhosiam of Mualkawi te’n STC/BSF leh Mualkawi kikal gamlak a meh ding a zonna uah luiguam sung ah mihing luguh hom mukhia uh a, amau la in kem lel uhi. Huai luguh pen mipiching a hiding in gen uh a, a ha khong leng omlai hi.
W&M Deptt. in deih bang in nnasem theilou
LAMKA, March 12: Lamka khopi a niteng poimoh vanzat tuamtuamte tehna (measure/scale) diktak leh aman ding diktak a kizuak omlou phial toh kisai in Lamka Post palai in tuni’n Weight and Measure Department a Asst. Controller kimuhpihna nei hi. Lamka khopi leh a sehvel a sumsinna dawrte a a van zuakte uh ahidingbangtak a zuak ahihleh hihlou bangtan a W&M Deptt. in enkai zel hiam chih Lamka Post palai dotna Asst. Controller in a dawnna ah kum 5 vel paisa apan in diktatloutak a sumdawngte khutzat a helpawl khenkhat pang in W&M Deptt. a vausek ziak un deihbang a checking neitheilou ahihdan gen hi. Himahleh kumteng in bel dawr teng a sersuangte agikdan etchetna nei a seal tat gige uh ahihdan gen hi. Thil khatpeuh Maximum Retail Price (MRP) kigelh zah sang a tamzaw a van leite’n vanleina cash memo la in cash memo toh complaint gelhtoh tawi in Weight & Measure Deptt. kiangah report piaktheih gige a, huai pansan in W&M Deptt. in vanman khengval a zuaktu tung ah action lathei uh ahihdan leng Asst. Controller in Lamka Post palai theisak hi.
SHG-te’ di’n Account Training om ding
LAMKA, March 12: Zomi Mothers’ Association Headquarter saina in zingchiang zing dak 10:00 apan in PTC Conference Hall, Upper Lamka ah ‘One Day Account Training for Self Help Groups’ neih hiding hi. Hiai Training programme bel sunma dak 11:30-12:00 kikal in Mr. Sumant Singh, IAS, DC/CCpur in honkhiatna nei ding hi. Hiai Training bel NABARD sensakna a neih hiding a, SH Group tuamtuam apan tamtak tel ding uhi.
DC Imphal ah hoh
LAMKA, March 11: Sumant Singh IAS DC/CCpur tuni sun dak 12:30 vel a office kai, sawt omlou in tuni sunnung dak 2:00 vel in Official meeting a tel ding in Imphal zuan hi. Tulai in DC/CCpur Office sun dak 12:00 vel khong in kai sek a, DC/CCpur Office Staff-te bel zingkal dak 9:30 apat nitaklam dak 4:00 tan office kai ding in thusuah bawl hi.
Lenglakot JB School enkhia
LAMKA, March 11: Kaikhanlian Guite DI of School Churachandpur Block leh Kapneithang AI of School in tuni zingkal dak 8:00 vel in Lenglakot JB School enkhia ua, school staff-te toh leng meeting nei in school puah ding dan thu genkhawm uhi.
Suantak Peoples Council Conference om ding
LAMKA, March 11: Suantak Peoples Conference (SPC) Annual General Assembly 8 veina zingchiang zingkal dak11:00 apan in Synod Hall IB Road ah neih sawm uhi. Huai hun ah Suantak sung a lehkhasiam Officer tuamtuam tamtak tel ding ua, Cultural Dance tuamtuam Phailian Youth Cultural Troupe, Sailo Cultural Troupe, Mata YVA Cultural Troupe leh VP Hill Cultural Troupe te’n lahna nei ding uhi. Suantak sung a mi tungtuang deuhte kiang ah Appreciation Certificate piakna leng neih sawm uhi. Kikhop zoh nitaklam in mipi’n annkuang um ding uhi.
Ni 40 tha man anntang in pe ding
LAMKA, March 11: Mautaam kial ziak in NREGS nasepna toh kisai in DC/CCpur in Thanlon, Tipaimukh leh Vangai Block a ding ni 100 sanction bawl a, huai lak ah ni 40 tha man sum pen DSO/FCS account ah koih hiding a, a sum a hawmkhiak hilou in, huai a anntang leikhiak a piak hiding hi.
ASSEMBLY NEWS:
## Manipur Power Minister in T. Phungzathang in Innpi mai ah phalna neilou a electric la a tamluat ziak a department in haksatna nasatak tuak ahihdan leh transformer bangzah hiam in siatloh ahihdan gen hi. Power Minister in, electric gute douna dia Dan bawlthak poimoh ahihdan hahgen mahmah kawm in singtang leh phaizang bial hitaleh, a kibang a mei hoihtak a a pai theihna dia department in naktak a panla ahihdan leng gen hi.
## Tuni a Demand for Grants, 2008-09 dia Rs. 8,20,71,92,000 a passed-te uh ahihleh,
Fishery -Rs. 13,68,09,000
IFCD -Rs. 2,16,03,83,000
Social Welfare -Rs. 95,95,70,000
Relief & Disaster Management -Rs. 6,65,81,000
Agriculture -Rs. 50,52,02,000
PHED -Rs. 1,31,59,04,000
Power -Rs. 3,05,20,67,000
State Academy of Training -Rs. 1,26,76,000
## Hill Areas Committee Chairman Thangminlien Kipgen in Manipur Hill Areas Autonomous District Council Bill, 2008, Committee’ 4th report Innpi ah luikhia.
## Chief Minister O. Ibobi Singh in Innpi ah Bill nih pulakna nei a, huaite ahihleh, Manipur Appropriation (2) Bill, 2008 leh The Assam Amusement & Betting Tax (6th Manipur Amendment) Bill, 2008 hi uhi.
## Finance Committee tuamtuam thum a member dingte puankhiak in om. Committee on Public Accounts a member dingte ahihleh, O. Joy, N. Mangi, V. Hangkhanlian, Haokholet Khongsai, L. Nandakumar, Dr. Hasim Ruivah leh Dr. Ng. Bijoy hi uhi. Committee on Public Undertaking a member dingte ahihleh, I. Hemochandra, M. Thorii, Ngursanglur, Y. Surchandra, Kh. Ratan, Doukhomang Khongsai leh Dr. U. Deben hi uhi. Committee on Estimate a member dingte ahihleh, Radhabinod Koijom, Bijoy Koijom, K. Raina, M. Manindra, R.K. Anand, D. Dwidamani leh Th. Lokeshwor hi uhi.
## Dr. Hasim Ruivah dotna Rural Development Minister Md Allauddin Khan in a dawnna ah, central scheme, Swajal Dhara Scheme kichi Churachandpur leh Ukhrul district ah nnasep pat hita hi. Churachandpur district a dia project cost Rs. 43 lakhs lak ah central in 75%, first installment in Rs. 32.25 lakhs release-ta a, huai lak ah Rs. 32.10 lakhs kho 4, Dumlian, S. Mollien, B.L. Vaphai leh Muallum ah kizang hi. Ukhrul district a dia project cost Rs. 318.62 lakhs hi a, a vek a release ahihnalak ah Rs. 210.065 lakhs kizang hi.
## MLA T. Hangkhanpao dotna IFCD Minister N. Biren in a dawnna ah, Khuga Hydro Electric Project in a sukkhak sungkuante kiang a compensation piak khit ahihdan gen a, compensation ngah sungkuante list a taklatna ah Patta Land a teng sungkuan 178, Hill Land a teng sungkuan 24, canal bawlna a Right Side Main Canal in a sukkhak sungkuan 261, Left Side Main Canal in a sukkhak sungkuan 73 om ahihdan leh a vek ua kigawm a sungkuan 536 om hi’n Minister in Innpi mai ah gen hi.
Secretariat kikhak ding
IMPHAL, March 11: Manipur Budget session February 1 a kipan pen March 12 a zoh ahih ding toh kiton in Speaker in Assembly Secretariat a semte a di’n March 13 khawlni dan in puang a, huai in Secretariat a PWD Cell attached om leng huam ding hi.
Tourism Festival-2008
IMPHAL, March 11: Tourism Department saina in a hongtung ding March 12-16 sung in Hapta Kangjeibung, Palace Compound ah Manipur Tourism Festival-2008 zatna om ding hi.
Hiai festival ahihleh Nilaini sunnung dak 3:30 in hiai hun a Khuallian hihna toh uap ding Manipur Chief Minister O. Ibobi Singh in hongkhe ding hi. Huai banah, hiai hun zatna a Guest of Honour ding in Social Welfare Minister N. Loken pang ding a, President in Tourism Minister TN Haokip pang ding hi.
Hiai festival ah adventure sports leh indigenous sports lam uangbawl in om ding a, huai banah, cultural programme tuamtuam leng kizang ding hi.
HSLC exam mi 4 hawlkhiak in om nawn
IMPHAL, March 11: Tukum Board of Secondary Education Manipur nuai a HSLC examination ah student-te lak a exam dan siangthoulou uangsem in kilang a, hunkhoptak hawlkhiak ahih nung un tuni’n leng centre thum a kipat student 4 hawlkhiak in om nawn uhi.
Kangpokpi centre apat Roll. No. 11928 hawlkhiak in om a, Khundrakpam centre apat Roll. No. 16860 leh 16953 hawlkhiak in om ua, Lamlai centre apat Roll. No. 17074 hawlkhiak in om hi.
Assam bomb puak ah 1 si, 9 liam
GUWAHATI, March 11 NNN: Upper Assam a Tinsukia district sung a Doomduma ah Sepnawnni nitaklam dak 4:20 ding vel in helpawl hidia muanmoh te’n bomb supuak ua, huai ah mi 1 a sih banah midang 9 liam uh hidan in thusuak in taklang hi.
Tinsukia Superintendent of Police PK Bhuyan in a gendan in, Doomduma market a Nathani hotel kong ah bomb puak a, a bomb pen ahihleh rickshaw khat a koih a om ahihdan leh a rickshaw hektu leng helpawlte’n sum loh dia a goih uh hidia a muanmoh thug en hi. Huai banah, hiai bomb puak a sihna tuak mi khat leng hiai rickshaw hektupa mah ahihdan SP in gen hi’n thusuak in taklang hi.
Bhuyan in Tinsukia district a security hihkhauh sem a om ahihdan a genzel banah, hiai bomb puak a liamna tuak mi 9-te Dibrugarh a Assam Medical College a etkol dia puak a om ahihdan uh leh a liam 9-te lak a mi khat dinmun lauhthawnghuai mahmah ahihdan gen hi.
Dibrugarh district sung a Sepnawnni a thiltung dang khat ah, OIL leh ONGC in seismic survey a bawlna uah tuplouh in a suangkapna bomb uh supuakkha uhi. Barbaruah police station huamsung Madhupur a thiltung toh kisai Dibrugarh Superintendent of Police Anurag Agarwala in a genna ah, vangphathuaitak a mihing kuamah a liam omkei mahleh, OIL leh ONGC-te gari zat khat kise dimdem ahihdan ge’n hi’n thusuak in taklang hi.
Huai banah, ULFA helpawlte hidia muanmoh te’n Tengakhat Police Station huamsung a teklei bawlte mi 4 Pathianni zan a a thah ziak un Dibrugarh ah security hihkhauh in om hi. Golaghat district sung, Assam-Nagaland gamgi zul ah Seppatni zan in helpawl hidia muanmoh te’n bomb supuak ua, himahleh, hiai thiltung a si leh liam bel kuamah omlou hi. Hiai district ah Adivasi helpawl AANLA leh ULFA hat mahmah ua, himahleh kuate sulnung hiam chih bel theih hinailou dan in thusuak in taklang hi.
Mi 2 kaplup in om
IMPHAL, March 11 NNN: Bishnupur district sung a Keinoupat Turel Maril ah Sepnawnni zingkal baihtak in meltheihlouh galvan tawi pawl khat in mi nih kaplum uh hidan in thusuak in taklang hi.
Thusuak in a taklatdan in, kaplup a omte leng theihkhiak hinailou ua, himahleh, kum 20 leh 30 kikal mi hidan in gen uhi. Hiai mi nihte lu ah thautang lutna ma muhtheih in om a, Police te’n case a chiamteh banuah siluang nihte Regional Institute of Medical Sciences (RIMS) morgue a koih a om hidan in thusuak in taklang hi.
NPF te’n Cong MLA-te buluh dek
KOHIMA, March 11 NNN: Sorkar din dia Nagaland a assembly election a vualzou Nagaland People's Front (NPF) makaih Democratic Alliance of Nagaland in Governor apat sapna a muh hak ziak in NPF tualaite thangpai te’n Sepnawnni sunma dak 11:30 ding vel in Congress MLA-te omna Kohima khopi a Hotel Japfu luh sawm uh hidan in thusuak in taklang hi.
NPF tuailai 200 velte’n Congress MLA thak teng leh All India Congress Committee apat observer-te omkhawmna Hotel Japfu luh sawm ua, amau singkhuah leh van tuamtuam tawi in Congress member-te vuak sawm uhi. NPF hilou a, Congress a support na’ng ua Congress in helpawlte zang a Independent MLA-te vau uh hidan in hiai NPF tuailaite’n Congress tungah ngohna bawl ua, himahleh, mipi kipunkhawm thu a theihphet un security force te’n Hotel Japfu zuanpah ua, thilsia a tunma a mipi sousangte bengdai thei uh hidan in thusuak in taklang hi.
Tuabanah, sorkar din dia Governor in NPF’ makaih DAN tunitak sung mahmah a a chial kei a leh total bandh puang ding uh hidan a NPF Youth in vauna bawl hi’n thusuak in taklang hi.
IM in Congress tung ah ngohna bawl
DIMAPUR, March 11 NNN: Democratic Alliance of Nagaland (DAN) a zop ding dalna a Independent MLA khat pimang sawm hidan in NSCN-IM in Nagaland a Congress MLA khat tung ah ngohna bawl hidan in thusuak in taklang hi.
NSCN-IM in ngohna a bawl thusuak in a taklatdan in, tutung Nagaland Assembly election a Dimapur-II apat telching a om Congress MLA S.I. Jamir in Mr. Azheto Chophy’ “gang member” 4 zang a 49 A/C Tamlu apat Independent MLA dia telching a om Phom Dako pimang sawm uhi. S.I Jamir ahihleh tulel a Goa Governor S.C. Jamir sanggampa ahi.
NE-TV live telecast leh local newspaper teng a S.I. Jamir pimang sawm mi 40-te kipuanna March 9, 2008 a tuang khinta ahihdan NSCN-IM in gen a, hiai thu a amau min telsak teitei sawm om mahleh thudik mipi’n theithou ahihdan leh amau bel mipi deihtelna mah poimohpen a khoih a zahtak ahihdan uh IM in gen hi. Huai banah, vaihawmna a ngah theihna ding ua Congress in chiindan hoihloutawp leng zang ngam ahihdan uh gen hi’n thusuak in taklang hi.
Congress in MUA pawl phuan
SHILLONG, March 11 NNN: Meghalaya assembly election ah Congress party in seat 25 nei in single majority hihna la in sorkar dinna ding in DD Lapang Meghalaya Chief Minister di’n Governor in ana kichiamsak mahleh, party dangte’n Meghalaya Progressive Alliance (MPA) chih pawl phuan in seat 31 nei uhi. Chief Minister in DD Lapang state CM dia a kichiamsak kawmkawm in ni 10 sung a strength show a neih uh ngai dia a theihsak toh kiton in Sepnawnni in Congress MLA 25 leh independent MLA, A.T. Mondal, Ismail Marak leh Limison Marak te’n DD Lapang inn ah Meghalaya United Alliance (MUA) pawl phuan ua, huai ah Congress MLA Charles Pyngrope heutu ding in guang ua, Congress MLA Ronnie V Lyngdoh leh indpendent MLA A.T. Mondal secretary di’n guang uhi.
Congress in MUA pawl phuan in MLA 28 neita mahleh, MPA in member 31 a neih khit ziak un March 21 a strength show a neihna ua a chinzohlouh ding uh baihlamtak bang a, HSPDP/KHNAM pawl’ MLA 4 leh independent MLA khat zol mahle uh, MPA nuai a kichiamna hoihtak ana neih khit ziak un MUA zolna ana nawlkhin zomah uhi.
MPA spokesman B.M. Lanong in a genna ah, Congress in bangchituk in pan la mahleh a tha sen tengteng uh thawn vek ding ahihdan gen hi. MPA nuai ah HSPDP leh KHNAM in MLA 3 a kigawm in nei ua, amau Congress toh kizopna neilou himhim ding in thuchiam ana bawl khinta uhi.
MUA’ dinmun hiai bang in derdep mahleh Chief Minister D D Lapang in Sepnawnni a thuthaksaite kiang a a genna ah, March 21 a strength show lohchingtak a nei ding ahihdan uh gen lai a, kuamah minloh kei mahleh, MLA bangzah hiam toh kihouna neilel ahihdan uh leh zolzou ding ahihdan uh gen hi.
Tuabangkal ah, preterm speaker Mr. H. S. Lyngdoh in Sepnawnni in MLA 58 kichiamna neisak a, Chief Minister lui leh UDP memebr E.K. Mawlong in ahihleh Nilaini chiang in Speaker' chamber ah kichiamna nei ding hi. Tutung Meghalaya election ah, Bagmara constituency a Congress candidate S. Sangma a sih ziak in huai constituency ah election neih hilou a, huai ziak in constituency 60 omna lak ah constituency 59 ah election neih in om hi. Tuabangkal ah, Congress in seat 25 nei in single majority hihna la mahleh Congress hilou party tuamtuam kigawmkhawm MPA in MLA 31 nei hinapi a Meghalaya Governor S.S. Sidhu in sorkar din dia Congress a chialna a DD Lapang CM dia Seppatni a a kichiamsak thu toh kisai in P.A. Sangma in Sepnawnni in New Delhi ah senior Advocate Soli Sorabjee sawl hi. MPA in hiai thu Supreme Court a tut toh kiton in SC in leng a thu ngaihtuah ding a ana pomsak hidan in thusuak in taklang hi.
Forest dept. in pan alakte Th Debendra in pulak
Imphal, Mar 11 NNN: Tamenglong dist. sunga ganvulh bangzah hiam mangthangthu toh kisai Bhallock khua-a sahang om kichi pen gamtatna nung ahih leh hihlouh theihchet ahihlouh banah, hichibang thil omnawn louh na’nga panlak ahihthu leh, sahangte’ omnate ‘protected area’ a puan pen govt. in sawmnailou ahihthu MLA Awangbow Newmai in dotna abawlna ah, Forest Minister Th. Debendra in dawng hi’n thusuak in taklang hi.
Tamenglong-a Bhallock khua-apat sample kilakhia test bawlna nei ding a Wildlife Institute of India (WII) Dehradun-a kithon result suahzoh chiang leh, National Tiger Conservation Authority (NTCA) leh WII, Dehradun toh kithuah a Tiger census bawl ahihzoh chianga atunga kigen sahang omnate ‘protected area’ dan a puanding ngaihtuahpat hi ding ahihdan leng Th Debendra in gen a, Tamei subdivision nuai a om, Bunning khua-a 115. 8 sq kms leng Wildlife Sanctuary (Wildlife protection Act, 1972) nuai a protected area-a puan ahihdan leng Th. Debendra in gen hi.
Awangbai Newmai’dotna Forest Minister in adawn zelna ah, singtanggam a mautam om ziaka central in ‘Management of prospective gregarious flowering of bamboo in the North East’ kichi a sponsore leng state govt. in ngaihven ahihdan Th Debendra in agenna ah, infrastructure development, regeneration activities, fire control measures, rodent control leh preventive health measures leng hiai scheme nuaia tel ahihdan gen a, Joint Forest Management Committee (JFMC) te apan forest dept. in 40% chiat deduct bawl kichi leng Debendra in nial a, JFMC te’n account payee cheque-te direct-a mu ahihdan uh leng gen hi’n thusuak in taklang hi.
Rickshaw hawlte’n kiphinna nei
Imphal, Mar 11 NNN: Imphal-a Rickshaw hawlte All Manipur Richshaw Drivers’ and Pullers’ Welfare Association (AMRDPWA) makaihna in Sepnawnni a Hatta Kangjeibung, Imphal-a meeting aneihna uah, Sagolband Ingudam Leirak, Imphal West-a meltheihlouh te’n Seppatni a u.nion president Ch Birkumar thau a akap uh mohsakna nei uh hi’n thusuak in taklang hi.
Ninga sunga migiloute chiamteh ding chih leh, adamlou etkolna govt. in a sensak ding chihte demand-na memorandum CM O. Ibobi kiang ah pia uhi. U.nion president ahihleh, Seppatni in motor cycle tuang meltheihlouh galvan tawi 2 in akap ziak un khophawklou phial a RIMS tut hi a, tun ki-enkol lel hi. Ninga sunga kipuangkhe dingin rickshaw hawlte’n ngetna bawl ua, u.nion president kaap ahihthu leng mohsakna sangpen in mohsa uhi.
Rickshaw hawlte’tung ah khut kha kei un, muanna ka deih uh chihte leh rickshaw hawlte kaap a aom uh ka mohpaih uh, chihte laipek a gelh in tawikhia ua, mohna neite ni 5 sunga akipuankei ua, govt. in amaute ni 5 sunga achiamteh kei leh, civil society toh pangkhawm in kiphinna nasatak pankhe ding ahihdan uh leng rickshaw hawlte’n gen uh hi
www.zogam.com
No comments:
Post a Comment