Pasal 2 tuikul sung ah buaisia
LAMKA, March 13: Tuni sunnung dak 2:30 vel in New Lamka, Gouchinkhp Veng a (L) Chinta’ tuikul (Ring Well) sung hahsiang dia kisa Thangkhochin @ Chinpu (33) s/o Ginzathang of New Lamka (G) oxygen omlouh ziak a buaisia in a sung ah kia a, huai phet in Suanthuam (26) s/o Ginkhotuan of New Lamka (G) in hut khiak sawm mahleh, amah leng tuikul sung a lut in buaise ngal hi. Hiai thu a kiim leh kiang a omte’n a theih phet un khauhual in kaikhia ua, kintak a Dist hospital puak tung a om in tu’n hospital ah etkol in om uhi. Hiai tuikul bel fit 30 vel a thuk hi’n gen uhi.
Medical team zinkhia
LAMKA, March 13: Thanlon Sub. Divn. Hq. a Medical Camp (Health Mela) March 13-16, 2008 sung om ding ah tuni zingkal dak 10:00 in Lamka apan Chief Medical Officer (CMO) Churachandpur makaih in Doctor 5 leh Nurse hunkhop zinkhia uhi. Tuni a Medical team kuankhete bel Dr. S. Gouzalam CMO/CCpur, Dr. T. Hartlang DFWO/CCpur, Dr. L. Guite MO Patpuimun, Dr. G. Khenzamung Samte MO Singngat, Dr. Md. Salim Khan MO Singngat, D. Khuala Vaiphei DPM, Seiboi Mate DCS banah Nurse tamtak in zui ua, damdawi leng tamtak pua uhi.
DIPR Minister MMIC hongkhia
LAMKA, March 13: District Information Office,CCpur saina in ‘Three Days Multi Media Information Campaign’ tuni’n Synod Hall, IB Road ah kipan hi. Information & Public Relations Minister TN Haokip in Chief Guest hihna toh hiai hun uap in sunma dak 11:30 in honkhiatna nei hi. Chief Guest in a thugenna ah Government scheme tuamtuamte ahihnatak leh a tuptak theih a, mahni a bang a ngaihtuah a sepsuah ahihchiang a lohchingpan ding ahihdan gen hi. Function President hihna toh uap Mr. Sumant Singh, IAS, Dy. Commr./CCpur in a thugenna ah hichibang information campaign pen mipilak a Government Scheme tuamtuamte pilvan kholhna leh theihna tuttu dia poimoh mahmah ahihdan gen hi.
Hiai Inaugural Function ah Mr. Ngursanglur, MLA, leh Director, IPR banah DLO tamtak in uap uhi. Sunnung dak 1:30 apan in Symposium neih in om a, huai ah Right to Information Act toh kisai Mr. S. Mangi Singh, (Retd.) CIS in sinsakna nei a, National Rural Employment Guarantee Scheme toh kisai Ms. Joyce, P.O., NREGS in sinsakna nei in Impact of Bandh, Blockade & Strike toh kisai Mr. P. Ibochouba, Chief Editor, Kanglapao in sinsakna nei hi. Hiai Information Campaign bel hongtung ding March 15, 2008 tan neih hiding hi. Zingchiang in leng sunnung dak 12:30 pan in Symposium neih hinawn ding hi.
Gari in hetliam
LAMKA, March 13: Zan nitak dak 6:30 vel in Tedim Road, Torbung Bangla kiang ah gari (Public Carrier) Lamka apan Imphal zuan a tai in lamlian a pailai Seiminthang (22) s/o Jangkholun of Changpikot hetkha in taisan hi. Seiminthang in a tung in khua phawklou a, Dist Hospital Lamka puak tung a om in tu’n hospital ah etkol in om hi.
KKL Gen. Hq. President in damloute veh
LAMKA, March 13: Khailet Haokip, President, Kuki Khanglai Lompi (KKL) Gen. Hq. leh KKL Sr. Adviser DT Haokip of K. Salbung in tuni zingkal dak 8:00 vel in zan a New Bazar a bus in a hetliam mi 3 Dist Hospital Lamka a ki-enkol lelte veh ua, amau KKL min in Rs.100/- chiat pia uhi.
CDSU in PHED Minister kimuhpih
LAMKA, March 13: Churachandpur District Students’ Union in tuni sunnung dak 12:30 in KKL Complex, IB Road ah PHED Minister TN Haokip kimuhpih in Lamka khopi tuinek toh kisai a haksatna tuamtuamte genpih uhi. PHED Minister in leng a hitheitan a panla ding ahihdan gen hi.
MPP in Rajya Sabha MP candidate neilou ding
IMPHAL, March 13: Rajya Sabha MP Rishang Keishing’ term March 9, 2008 a abei toh kiton in, a thak a Rajya Sabha MP ding telna Biennial Election hongtung ding March 26, 2008 chiang in om ding hi. Hiai ding toh kisai in Manipura Regional Party upapen, Manipur Peoples Party (MPP) in candidate guanglouh ding in lemsa uhi.
Thutut kingah dan in tuni zinglam dak 8 in, Langthabal a MPP Legislature leader MLA O. Joy tenna inn ah, MPP President Dr. L. Chandramani Singh makaih in MPP meeting poimohtak om a, tua hun ah MPP a MLA teng, senior member Ex-MP Th. Chaoba tel in tutung Rajya Sabha MP election ding toh kisai nouneltak in genkhawmna nei uhi. Hiai meeting ah tutung Rajya Sabha MP ding telna dia MPP in candidate guanlouh ding in thupuk uhi. Hiai MPP meeting ah, Manipur khangthu a kum 56 bang, Lok Sabha leh Rajya Sabha a Member of Parliament ana neinailou Minority Muslim MPP MLA te’n vote piak ding in leng thukim uhi.
Thudang khat ah, hichibang Rajya Sabha MP telna ding toh kisai a Congress ticket ngente min list, MPCC President Gaikhangam in zan in Delhi zinpih hi. Manipur a Rajya Sabha MP ding telna dia Congress candidate ding AICC approval a lak zohchia Congress candidate ding theih hipan ding in leng kigen hi. Tuabangkal ah, Congress ticket Rajya Sabha MP lui Rishang Keishing mah in tang nawn dan in leng muanhuai tak apat thutut kingah hi.
Tribal Land toh kisai kikupkhawmna
IMPHAL, March 13: Chandel Naga Peoples’ Organisation (CNPO) saina leh Fraternal Green Cross Volunteers for Village Development senna nuai ah, ‘One Day Consultation on Tribal Land, Forest & Natural Resources’ kichi March 15, 2008 chiang in Indoor Stadium, District HQ Chandel ah om ding hi.
Huailou in, CNPO Chandel a 2008 Speaker ding a S T. Nunghlung Anal s/o (L) ST.Thungno Anal of Panchai Village, Chandel guan a om hi.
State level Child Labour campaign
IMPHAL, March 13: Deputy Labour Commissioner, Govt. of Manipur saina in, March 15, 2008 zinglam dak 11 in State Guest House, Sanjenthong Imphal ah, ‘State Level Campaign Against Child Labour’ hun zatna om ding hi.
Hiai campaign honkhiakna hun ah Khuallian in Ph. Parijat Singh, Minister (Health & FW/Labour & Employment) pang ding a, President leh Guest of Honour ding in, A.R. Khan Commissioner, Labour & Employment, R.K. Sukumar Singh, Project Director, SSA, State Mission Authority, Miss Anne Mangshatabam, Chairperson, Child Welfare Committee, Manipur leh L. Sotinkumar Singh General Secretary, AITUC, Manipur State Committee pang ding uhi.
Tipaimukh Project toh kisai in Public meeting
IMPHAL, March 13: Manipur govt. in Churachandpur district sung a Tipaimukh Dam Project bawlkhiak a sawm, pawl tuamtuam in naktak in a deihlouh thu uh tangkoupih mahle uh, hichibang Mega Dam bawl ding thu Manipur govt. in khawlsan ding chih thu omlou hi. Hichibang kal ah, Dam bawl ding deihlou pawl khat, Action Committee Against Tipaimukh Project (ACTIP) saina in, March 14, 2008 chiang in Imphal a Kuki In ah, ‘International Day of Action Against Dams for Rivers, Water & Life’ toh kizawiton in, Tipaimukh Project bawl ding deihlouhna toh kisai Public meeting om ding hi.
Hiai meeting ah civil organization tuamtuam United Peoples’ Front (UPF) President Th. Mangi, Kabui Mothers’ Assocation (KAMA) President Kakomlunglu Kamei leh Manipur University apat Prof. R.K. Ranjan leh Associate Prof. S. Ibotomba te’n Presidium member dan a uap in thugenna hun zang ding uhi.
Library toh kisai in National seminar
IMPHAL, March 13: RAS, NE Chapter leh State Central Library, Imphal kithuah in March 12 – 15, 2008 sung Keishampat a State Central Library ah ‘National Seminar on Development & Challenges of Library & Information Services’ nei lel uhi.
Hiai hun ah Library leh Information Science a min lar mahmah, Padmashri pahtawina sang Prof. P.N. Kaula in sinsakna tuamtuam nei hi. Hiai seminar toh kisai in, March 15, 2008 chiang in Moirang a INA Memorial Library etna leng om ding hi.
KSO Chandel in Education Reformation policy nei
IMPHAL, March 13: Chandel district a Kuki Students’ Organisation’ Education Secretary Thanglet Mate in apaisa March 11, 2008 a thusuah a bawlna ah, KSO CEC meeting Kangpokpi a 13/2/08 a neih dungzui in, Chandel district KSO executive meeting tuni’n neih in om a, tua ah Chandel district sung a ‘quality education promote’ nadia, KSO Education Reformation Policy kichi ‘Come, and let us rebuild education’ chih paipih ding in thupuan bawl uhi.
Hiai policy tup leh ngim bel, 2008-09 academic session apat Chandel district sung a govt. school, district council, grant-in-aid, leh SSA nuai a EGS/AIE te’n regular class neih chiat ding. School a headmaster a sepna mun ua omloute amun a a omtak ding uh. EGS/AIE toh kisai a guideline hoihtak a zuih ding. KSO Chandel district nuai a Block level te’n hiai a tung a kipete hoihtak a sepsuahna dia panlak ding hidan in leng thusuak in taklang hi.
HSA in govt. ah ngetna nanung bawl
IMPHAL, March 13: Hmar Students’ Association, General Headquarters a Vice-President Joseph R. Hmar in March 11, 2008 a thusuah a bawlna ah, HAS GHQ in Manipur govt. a CCpur district sung a biktak a Tipaimukh a Mautaam kial thuakte panpihna pe dia tamveitak ngetna bawl mahleh tunitan ngaihsaklou hidan in taklang hi.
HAS GHQ in hiaite banah, 2006 a Parbung leh Lungthulien a numei tamtak rape toh kisai a relief piak ding chih leng Rajkhowa Commission in report final a bawlma pichinlouh ding suak hidan in taklang hi. Hiaite lou leng Tipaimukh Hydro Multipurpose Dam project bawlna dia suangphum honkhiakna leh dam toh kisai a Public hearing neih ding kiphinna omkei mahleh, Hiai tungtang a sepsuah ding omte govt. in tukha beima a semsuah ding in HAS GHQ in ngetna bawl a, sepsuah ahihkei leh, HSA GHQ in Tipaimukh Dam toh kisai a Public hearing a neih ding dal leh nan hiding in leng thusuak in taklang hi.
ADC Bill, 2008 ATSUM in gum
IMPHAL, March 13 NNN: Hill Areas Committee in Innpi a Nilaini a Manipur Hill Areas Autonomous District Council Bill 2008 a puaklut Manipur Assembly Speaker S. Budhichandra in select committee kiang a ana refer toh kisai ‘undemocratic’ hidan a gen in Speaker’ thupukna All Tribal Students’ Union Manipur (ATSUM) in mohpaih hi.
ATSUM General Secretary Thomas Taishya in a genna ah, hiai ADC Bill, 2008 pen Dan siamte rawnkawm a bawl ahihdan leh Innpi a leng luikhiak a om ngeita ahihdan gen kawm in Speaker in committee khut a a piaksawn pen poimohlou leh ngailou ahihdan gen hi. Hiai thu toh kisai a ATSUM dinmun Taishya in a hilhchetna ah, Speaker in Innpi tutkhawmnawn ni dia a seh March 19 chiang a genfel ahihkeileh ATSUM in dai dide a ana en maimailou ding ahihdan gen hi.
Manipur Hill Areas Autonomous Bill, 2008 ahihleh Hill Areas Committee Chairman, Thangminlien Kipgen in March 11 in Innpi ah ana pawlut a, himahleh Speaker in March 12 chiang a ngaihsut ding in ana nawlkhinsak hi. March 12 a hiai ADC Bill, 2008 puaklut nawn ahih in Speaker in ‘technical error’ om hidan in 5-member select committee in a et masak ding in ana refer nawn hi. Speaker thupukna toh kisai in HAC chairman Thangminlien Kipgen in genna ah, singtangmite simmohna leh HAC thusimlouhna ahihdan gen a, Speaker thupukna ziak in Nilaini’n singtangmi MLA 16 te’n Innpi ana pawtsan uhi.
Hill district-te a ADC election neihhak ahih a leh singtangmite leh phaizangmite kal a kitheihsiamlouhna puangsak thei ahihdan leh ‘hidden agenda’ a om ziak a Innpi in hiai Bill pass ding ki-ngenkhaisak hihiam chih dotna tuni’n ATSUM in bawl hi.
Huai banah, Regional Institute of Medical Sciences (RIMS) a Group B leh C post a dia recruitment pailel a Schedule Tribe-te a dia 31 % quota zang ding in a kisaipih thuneitute kiang ah ATSUM in ngetna a bawl kawm in hiai quota a zuihkei ding ua leh recruitment process leng khawlzaw ding in naktak in noh uhi.
Tuabangkal ah, the Kuki Students’ Organization (KSO-GHQ) General Secretary Thangzamang Haokip in thusuah a tuam a bawlna ah, RIMS a Group B leh C post recruitment toh kisai in, ST quota 31% piak ahihkei dia leh recruitment result leng puanglou ding in a kisaipih thuneitute kiang ah theihsakna bawl hi.
NSCN-K cadre 1 kaplup in om
KOHIMA, March 13 NNN: Hun bangtan hiam thawm bangmah zak ding a om nawnlouh nung in, Naga helte kal a kitheihsiamlouhna ziak in Ningani sunnung dak 1 ding vel in Kohima a Electrical Colony ah meltheihlouh galvan tawi pawlkhat in mi khat kaplum uhi.
Thusuak in a taklatdan in, kaplup a ompen ahihleh Zunheboto district a Satakha sub-division sung a Zekiye khomi, Kitoyi Zhimo (26) hi a, a taksa tung ah thautang lutna ma mun 6 ah, a tal ah khat, a naakguh langtuak ah khat tuak banah a nunglam ah mun 3 muhtheih ding in om hi. Kaplup a ompa ahihleh NSCNN-K cadre hidan in thusuak in taklang a, Kohima police in thiltunna mun ah 7.56mm pistol tang 1 leh a tanghawm 3 mukhia uhi.
Protem Speaker di’ Dr. Kire kichiam
KOHIMA, March 13 NNN: Governor of Nagaland, K. Sankaranarayanan in Ningani’n 11th Nagaland Legistive Assembly a protem Speaker ding a Dr. Neikiesalie Nicky Kire kichiamsak hidan in thusuak in taklang hi.
Nagaland Assembly protem Speaker ding a Kohima a Raj Bhavan a Dr. Neikiesalie Nicky Kire a kichiamna hun ah Chief Minister, Neiphiu Rio leh a kaizatamte banah state Chief Secretary leh Government official tamtak in uap uhi.
Tuabangkal ah, Chief Minister, Neiphiu Rio chairman-na nuai ah tuni’n cabinet meeting a masakna pen ding in neih in om a, tua ah, March 18, 2008 apat 11th Nagaland Legislative Assembly first session pat ding in thupuk uhi.
Nagaland Assembly first session ahihleh Protem Speaker, Dr. Nicky Kire chairman-na nuai ah neih hiding a, huai ah Speaker leh Deputy Speaker ding tel a a om ding banah Innpi a member thakte kichiamsakna hun a zat dia lamet hidan in thusuak in taklang hi.
Innpi a member thakte mai ah March 20 chiang in Governor in thugenna nei ding a, Finance Minister Neiphiu Rio in March 24 chiang in budget ‘vote on account’ pulakna nei ding hidan in thusuak in taklang hi.
Tuabangkal ah, Nagaland a President’s Rule lakkhiak ahih toh kiton in Advisor to State Governor R. S. Pandey leh S. C. Tripathi a mohpuakna uapat ki-awngsut ua, PR sung a mipite a ding leh sorkar a dia a nasep hoihna uh pahtawina in Governor K. Sankaranarayanan in Raj Bhavan ah a khakkhiakna hun seh zatpih hi.
RJD in ADC candidate 90 guan sawm
IMPHAL, March 13 NNN: Manipur Innpi Speaker in Manipur Hill Areas Autonomous District Council Bill, 2008 ‘technical error’ ziak a 5-member select committee in a velchet masak zoh chiang a March 19 a Innpi a ngaihtuah ding chi a thupukna a lak ziak a buaina a kawmkal ah state Rastriya Janata Dal (RJD) pawl in ADC election chiang a candidate 90 guang ding ahihdan uh puang uhi.
RDJ’ state working committee Vice-President T Chungsei Haokip in Ningani a thuthaksaite kiang a a genna ah, Rajya Sabha election a om chiang a singtang leh phaizang bial a candidate khat tuak guang ding ahihdan uh gen hi. Aman a genzelna ah, Manipur assembly in ADC Bill, 2008 a pass a leh singtang bial a ADC election a candidate 90 guang ding ahihdan uh leng gen hi.
Chungsei in a genzelna ah, a party uh Manipur a dia thak mahmah himahleh MLA 3 neizou ahihdan un gen kawm in, a lohchinna uh mipite ziak hi’n gen hi.
Tuabangkal, Chungsei in Chandel district sung a 42-Tengnoupal A/C a Communist Party of India (CPI) card holder 4 leh party worker 700, RJD party President leh Chief Minister lui W Nipamacha Singh om lalut ahihdan leh Manipur assembly speaker in select committee kiang a ADC Bill a piak sawn pen poi mahmah ahihdan gen kawm in hiai Bill pen mipi khualna lungsim neikawm a ngaihtuah di’n ngetna bawl hi.
Meghalaya Congress buai
SHILLONG, March 13 NNN: MLA tawmzaw nei Congress makaih Meghalaya United Alliance (MUA) in Meghalaya a Chief Minister D.D. Lapang heu a sorkar a din uh toh kisai in, tunitan a member a kaihlut beh zohlouh ziak un Congress sung ah lungkimlouhna nasatak piang a, party sung a heutulian leh MLA khenkhat in a langtang in Lapang dem ua, a nna zoulou ahihleh a kitawp zawk ding hidan a kampau nei in vauna bawl uhi.
Congress sung a hiai bang a lungkimlouh kampau toh kisai ahihleh party sung a heutulian khenkhat in bel lungsimneuna maimai hidan a ngai thupiloutak in koihdap uhi. Congress makaih MUA in sorkar din mahle uh tulel in MLA 28 banah independent MLA 3 nei ua, opposition a pang Meghalaya Progressive Alliance (MPA) in MLA 31 nei uhi.
DD Lapang in sorkar dinzou taktak ahihdan chetna March 20 a strength show nei di’n Governor in theisak mahleh, MUA maban in March 18 a Speaker ding kitelna ah chiang ding hi. Hiai bang dinmun ah, Lapang in member kaihlut ding naktak in zongsan lel a, MPA’ MLA 31-te lak a independent MLA-te banah KHNAM leh HSPDP’ MLA-te naktak a zol hidan in thusuak in taklang hi.
Kiphinna di’n underpant takkhia
IMPHAL, March 13 NNN: Manipur University keklet na’nga gam khenkhiak ding phallouh ziak in Imphal West-a om Langthabal numeihon in thuneitute’n gam akekletna ding mun lutna ah a puannuaisilhte uh leh a underpant-te uh takkhia ua, govt. official-te lutsak louh in om uhi. MU-a VC’kiang ah MU kekletna’nga loumunte khenkhiak phalloh ziak a JAC pawlte’n MU geia loumun omte lalou dingin memorandum leng a submit ban auh, March 10 in leng Canchipur-a MU gate bul ah C M Ibobi’lem hal uh hi’n thusuak in taklang hi.
MU campus keklet ding ziak in khua 8 te buai ua, MU bawlna dinga hiai mua gamte 285 lak khit ahih nunga tua gam 200 acres laksak dek a aom nawn uh mohsakhuai lua ahihdan JAC te’n gen uhi. Tuabangkal ah, Imphal West-a om Ningombam leh Malom apat Ningani in numei lomkhat pawtkhia ua, Imphal airport keklet na’nga gam govt. in laksak asawm mohsa kawm in hiai muna gam khenkhiak sawm govt. official-te ana nantang sawm lai police-te’n hawldalh uh hi’n thusuak in taklang hi. Imphal airport telin non-metro airport 35 modernization leh puahhoih Airport Authority of India in sawma hiai pen March 2010 tana zoh sawm hi
Tuni Thupi: Bangmahlou lei tunga hiha om a oma; mi diktat omta bang hile zong, amah tungah migilou nasep dungjuiin a hongom nak hi; huailouin mi giloute omta bang hile zong, mi diktatte nasep dungjuiin a tung uah a hongom nak hi: hiai leng bangmanlou a hi ka chi hi. Eklijiasti-8:14
Editorial
Town planning poimoh kin-II
Lamka khopi maban ding khualna a town plan neih a poimoh dan zan a ina kikupna uah gari khawlna ding parking leh lampi nawl a mihingte paina ding foothpath a poimoh dan ina gen uhi. Mihing leh gari mahmah leng pung hatlua ahihna ah hiaite poimoh kin mahmah a, kintak a gam sehkhiaksa neih ding a poimoh mah bang in ‘recreational park’ ahihkeileh sing-le-loute omna ding mun sehkhiak poimoh kin hi.
Tua bang lel a a paitouh nilouh leh, Lamka khopi maban ding bel ‘slum/concrete jungle’ lianpi suah ding himai hi. I innten-louten uh i et chiang in, innte kineh in kizingthei mahmah a, kangmei-patau bang om leh leng khozang a katmang theih ding dinmun in om hi. Drainage system a omlouh zawkmah toh, huih suniin thei ding gari leh kawl tuamtuam pung deuhdeuh zomah hi. Tu’n leng innsung a van kikoihte i theihlouh kal in niin/leivui in ana tuam man sek a, sawtlou sung in mipite’n i diik ding uh huih mahmah bang leng leivui tellou in leng hong niin pahta ding hi.
Khopi i chih hinna nei bangdeuh ahihman in leh tua i gente i tuahlouhna ding un sing-le-loute pouna ding khopi sung mun bangzah hiam a sehtuam poimoh kin hi. Sing-le-loute pouna ding mun sehtuam neih theih hileh bel, khopi a dia tuap(lungs) bang in pang ding a, i huih niinte uh ana khisiang zel ding hi. Kinhuailou isa ahimaithei, himahleh, tua leng khopi liantaktakte toh teh a leng khovel kilkawm a om Lamka in sing-le-lou neitawmzaw thamta hi. A kinhuai nawnna khat ahihleh, a gam ding toh kisai mahmah in, tunung chiang a mi’n innmun ding hiam, ahihkeileh, dawr mun ding hiam a gam a hon leikhiak nung un sing-le-lou suanna ding in bel kuaman phal nawnlou ding uhi. Parking mun ding leikhiak meng a poimoh dan i gen toh kibang geih ahi.
Sing-le-loute pouna ding mun sehtuam neih ding i chihpen khopi a dia a tuap/lungs ding kia hilou in poimohna lianpi dang leng nei hi. I gensa mah bang in, tua i innten-louten uh kinehlua leh kikawkchiklua ahihna ah, tu’n leng zingkal a exercise la nuamte banah naupangte kimawlna ding nangawn mun awng om nawnlou hi. Lamlian dung a leivui khu diik a zingkal exercise lak kichi a lunglute a di’n bel uthuailou tawpkhawk khat ahi. Huih siang diik kawm a exercise lak mah nuam in phatuamzaw ding hi. Sun nisatlaitak a singliim tawldamna ding nangawn a omlouh tel bel khopi khat a di’n thupina lam hihetlou hi.
Sing-le-loute pouna ding mun a poimoh mahmah nawnna ahihleh, naupangte kimawlna ding mun a om nawnlouh ziak in Vaigampur mah bang in naupangte tulai in lampi khong ah kimawl panta uhi. Nu-le-pate’n leng i tate uh lamlian dung a a kimawl ding uh bel i khamzohlouh ahihkeingal leh phal ding un gintakhuailou hi. Lamlian gari tai vengvungna a kimawl in gari taina, lamlian zatdan a sukbuai kia hilou in, a kimawlte a ding mahmah in leng lauhhuai hi. Tua ahihman in, i naupangte uh maban ding i gel chiang in, kimawlna a kisukkhak theih gige ahih kawmkal a, gari leh taithei tuamtuamte’ sukkhak theih dia kimawl touh nilouh ding ahihkeileh kimawllou mawngmawng a mahni inn chiat a a kibukhum ding uh chihna suak hi. Kimawllou in naupang om mawkta leh, a thukhel deuh ding ua, a khuak ngaihtuahna uh leh a lehkhasimna lam uah bah ding ua, huai banah, a taksa uh leh a damtheihna ua ding mahmah in leng hoihlou ding hi. Lamlian zul a kimawl sang in tuh naupang hile uh leng, loupa hing dipdip tung, ahihkeileh, singliim nuai khong a huih siang leh vot diik kawm a kimawl a utzaw tham ding uhi.
Huai banah, Lamka mipite’n khawlni khong a sungkuan hun nuam zatkhawmna ding leh pawpawtna ding, sing-le-loute leh pak tuamtuam nalhtaktak pouna, ‘recreational park’ dia zat ding kipoimoh mahmah hi. Tua i gente ahihleh a ngaihtuah hun laitak hi a, mipi'n sorkar i phut siam a leh bel nuamtak in i neipah thei ding ua, huchilou in leng, hiai pen mimal phatuamngaihna a leng piang thei ahihban khotang a phatuamngai pawlpi tuamtuam te’n leng haksa lawmlawmlou in bawlkhiak theih ding hi. Parking khong ina gen dan deuh in, tulai a i ngaihtuah pah kei ua leh maban a amun-amual ding mahmah leng hong haksa deuhdeuh ding hi
LAMKA, March 13: Tuni sunnung dak 2:30 vel in New Lamka, Gouchinkhp Veng a (L) Chinta’ tuikul (Ring Well) sung hahsiang dia kisa Thangkhochin @ Chinpu (33) s/o Ginzathang of New Lamka (G) oxygen omlouh ziak a buaisia in a sung ah kia a, huai phet in Suanthuam (26) s/o Ginkhotuan of New Lamka (G) in hut khiak sawm mahleh, amah leng tuikul sung a lut in buaise ngal hi. Hiai thu a kiim leh kiang a omte’n a theih phet un khauhual in kaikhia ua, kintak a Dist hospital puak tung a om in tu’n hospital ah etkol in om uhi. Hiai tuikul bel fit 30 vel a thuk hi’n gen uhi.
Medical team zinkhia
LAMKA, March 13: Thanlon Sub. Divn. Hq. a Medical Camp (Health Mela) March 13-16, 2008 sung om ding ah tuni zingkal dak 10:00 in Lamka apan Chief Medical Officer (CMO) Churachandpur makaih in Doctor 5 leh Nurse hunkhop zinkhia uhi. Tuni a Medical team kuankhete bel Dr. S. Gouzalam CMO/CCpur, Dr. T. Hartlang DFWO/CCpur, Dr. L. Guite MO Patpuimun, Dr. G. Khenzamung Samte MO Singngat, Dr. Md. Salim Khan MO Singngat, D. Khuala Vaiphei DPM, Seiboi Mate DCS banah Nurse tamtak in zui ua, damdawi leng tamtak pua uhi.
DIPR Minister MMIC hongkhia
LAMKA, March 13: District Information Office,CCpur saina in ‘Three Days Multi Media Information Campaign’ tuni’n Synod Hall, IB Road ah kipan hi. Information & Public Relations Minister TN Haokip in Chief Guest hihna toh hiai hun uap in sunma dak 11:30 in honkhiatna nei hi. Chief Guest in a thugenna ah Government scheme tuamtuamte ahihnatak leh a tuptak theih a, mahni a bang a ngaihtuah a sepsuah ahihchiang a lohchingpan ding ahihdan gen hi. Function President hihna toh uap Mr. Sumant Singh, IAS, Dy. Commr./CCpur in a thugenna ah hichibang information campaign pen mipilak a Government Scheme tuamtuamte pilvan kholhna leh theihna tuttu dia poimoh mahmah ahihdan gen hi.
Hiai Inaugural Function ah Mr. Ngursanglur, MLA, leh Director, IPR banah DLO tamtak in uap uhi. Sunnung dak 1:30 apan in Symposium neih in om a, huai ah Right to Information Act toh kisai Mr. S. Mangi Singh, (Retd.) CIS in sinsakna nei a, National Rural Employment Guarantee Scheme toh kisai Ms. Joyce, P.O., NREGS in sinsakna nei in Impact of Bandh, Blockade & Strike toh kisai Mr. P. Ibochouba, Chief Editor, Kanglapao in sinsakna nei hi. Hiai Information Campaign bel hongtung ding March 15, 2008 tan neih hiding hi. Zingchiang in leng sunnung dak 12:30 pan in Symposium neih hinawn ding hi.
Gari in hetliam
LAMKA, March 13: Zan nitak dak 6:30 vel in Tedim Road, Torbung Bangla kiang ah gari (Public Carrier) Lamka apan Imphal zuan a tai in lamlian a pailai Seiminthang (22) s/o Jangkholun of Changpikot hetkha in taisan hi. Seiminthang in a tung in khua phawklou a, Dist Hospital Lamka puak tung a om in tu’n hospital ah etkol in om hi.
KKL Gen. Hq. President in damloute veh
LAMKA, March 13: Khailet Haokip, President, Kuki Khanglai Lompi (KKL) Gen. Hq. leh KKL Sr. Adviser DT Haokip of K. Salbung in tuni zingkal dak 8:00 vel in zan a New Bazar a bus in a hetliam mi 3 Dist Hospital Lamka a ki-enkol lelte veh ua, amau KKL min in Rs.100/- chiat pia uhi.
CDSU in PHED Minister kimuhpih
LAMKA, March 13: Churachandpur District Students’ Union in tuni sunnung dak 12:30 in KKL Complex, IB Road ah PHED Minister TN Haokip kimuhpih in Lamka khopi tuinek toh kisai a haksatna tuamtuamte genpih uhi. PHED Minister in leng a hitheitan a panla ding ahihdan gen hi.
MPP in Rajya Sabha MP candidate neilou ding
IMPHAL, March 13: Rajya Sabha MP Rishang Keishing’ term March 9, 2008 a abei toh kiton in, a thak a Rajya Sabha MP ding telna Biennial Election hongtung ding March 26, 2008 chiang in om ding hi. Hiai ding toh kisai in Manipura Regional Party upapen, Manipur Peoples Party (MPP) in candidate guanglouh ding in lemsa uhi.
Thutut kingah dan in tuni zinglam dak 8 in, Langthabal a MPP Legislature leader MLA O. Joy tenna inn ah, MPP President Dr. L. Chandramani Singh makaih in MPP meeting poimohtak om a, tua hun ah MPP a MLA teng, senior member Ex-MP Th. Chaoba tel in tutung Rajya Sabha MP election ding toh kisai nouneltak in genkhawmna nei uhi. Hiai meeting ah tutung Rajya Sabha MP ding telna dia MPP in candidate guanlouh ding in thupuk uhi. Hiai MPP meeting ah, Manipur khangthu a kum 56 bang, Lok Sabha leh Rajya Sabha a Member of Parliament ana neinailou Minority Muslim MPP MLA te’n vote piak ding in leng thukim uhi.
Thudang khat ah, hichibang Rajya Sabha MP telna ding toh kisai a Congress ticket ngente min list, MPCC President Gaikhangam in zan in Delhi zinpih hi. Manipur a Rajya Sabha MP ding telna dia Congress candidate ding AICC approval a lak zohchia Congress candidate ding theih hipan ding in leng kigen hi. Tuabangkal ah, Congress ticket Rajya Sabha MP lui Rishang Keishing mah in tang nawn dan in leng muanhuai tak apat thutut kingah hi.
Tribal Land toh kisai kikupkhawmna
IMPHAL, March 13: Chandel Naga Peoples’ Organisation (CNPO) saina leh Fraternal Green Cross Volunteers for Village Development senna nuai ah, ‘One Day Consultation on Tribal Land, Forest & Natural Resources’ kichi March 15, 2008 chiang in Indoor Stadium, District HQ Chandel ah om ding hi.
Huailou in, CNPO Chandel a 2008 Speaker ding a S T. Nunghlung Anal s/o (L) ST.Thungno Anal of Panchai Village, Chandel guan a om hi.
State level Child Labour campaign
IMPHAL, March 13: Deputy Labour Commissioner, Govt. of Manipur saina in, March 15, 2008 zinglam dak 11 in State Guest House, Sanjenthong Imphal ah, ‘State Level Campaign Against Child Labour’ hun zatna om ding hi.
Hiai campaign honkhiakna hun ah Khuallian in Ph. Parijat Singh, Minister (Health & FW/Labour & Employment) pang ding a, President leh Guest of Honour ding in, A.R. Khan Commissioner, Labour & Employment, R.K. Sukumar Singh, Project Director, SSA, State Mission Authority, Miss Anne Mangshatabam, Chairperson, Child Welfare Committee, Manipur leh L. Sotinkumar Singh General Secretary, AITUC, Manipur State Committee pang ding uhi.
Tipaimukh Project toh kisai in Public meeting
IMPHAL, March 13: Manipur govt. in Churachandpur district sung a Tipaimukh Dam Project bawlkhiak a sawm, pawl tuamtuam in naktak in a deihlouh thu uh tangkoupih mahle uh, hichibang Mega Dam bawl ding thu Manipur govt. in khawlsan ding chih thu omlou hi. Hichibang kal ah, Dam bawl ding deihlou pawl khat, Action Committee Against Tipaimukh Project (ACTIP) saina in, March 14, 2008 chiang in Imphal a Kuki In ah, ‘International Day of Action Against Dams for Rivers, Water & Life’ toh kizawiton in, Tipaimukh Project bawl ding deihlouhna toh kisai Public meeting om ding hi.
Hiai meeting ah civil organization tuamtuam United Peoples’ Front (UPF) President Th. Mangi, Kabui Mothers’ Assocation (KAMA) President Kakomlunglu Kamei leh Manipur University apat Prof. R.K. Ranjan leh Associate Prof. S. Ibotomba te’n Presidium member dan a uap in thugenna hun zang ding uhi.
Library toh kisai in National seminar
IMPHAL, March 13: RAS, NE Chapter leh State Central Library, Imphal kithuah in March 12 – 15, 2008 sung Keishampat a State Central Library ah ‘National Seminar on Development & Challenges of Library & Information Services’ nei lel uhi.
Hiai hun ah Library leh Information Science a min lar mahmah, Padmashri pahtawina sang Prof. P.N. Kaula in sinsakna tuamtuam nei hi. Hiai seminar toh kisai in, March 15, 2008 chiang in Moirang a INA Memorial Library etna leng om ding hi.
KSO Chandel in Education Reformation policy nei
IMPHAL, March 13: Chandel district a Kuki Students’ Organisation’ Education Secretary Thanglet Mate in apaisa March 11, 2008 a thusuah a bawlna ah, KSO CEC meeting Kangpokpi a 13/2/08 a neih dungzui in, Chandel district KSO executive meeting tuni’n neih in om a, tua ah Chandel district sung a ‘quality education promote’ nadia, KSO Education Reformation Policy kichi ‘Come, and let us rebuild education’ chih paipih ding in thupuan bawl uhi.
Hiai policy tup leh ngim bel, 2008-09 academic session apat Chandel district sung a govt. school, district council, grant-in-aid, leh SSA nuai a EGS/AIE te’n regular class neih chiat ding. School a headmaster a sepna mun ua omloute amun a a omtak ding uh. EGS/AIE toh kisai a guideline hoihtak a zuih ding. KSO Chandel district nuai a Block level te’n hiai a tung a kipete hoihtak a sepsuahna dia panlak ding hidan in leng thusuak in taklang hi.
HSA in govt. ah ngetna nanung bawl
IMPHAL, March 13: Hmar Students’ Association, General Headquarters a Vice-President Joseph R. Hmar in March 11, 2008 a thusuah a bawlna ah, HAS GHQ in Manipur govt. a CCpur district sung a biktak a Tipaimukh a Mautaam kial thuakte panpihna pe dia tamveitak ngetna bawl mahleh tunitan ngaihsaklou hidan in taklang hi.
HAS GHQ in hiaite banah, 2006 a Parbung leh Lungthulien a numei tamtak rape toh kisai a relief piak ding chih leng Rajkhowa Commission in report final a bawlma pichinlouh ding suak hidan in taklang hi. Hiaite lou leng Tipaimukh Hydro Multipurpose Dam project bawlna dia suangphum honkhiakna leh dam toh kisai a Public hearing neih ding kiphinna omkei mahleh, Hiai tungtang a sepsuah ding omte govt. in tukha beima a semsuah ding in HAS GHQ in ngetna bawl a, sepsuah ahihkei leh, HSA GHQ in Tipaimukh Dam toh kisai a Public hearing a neih ding dal leh nan hiding in leng thusuak in taklang hi.
ADC Bill, 2008 ATSUM in gum
IMPHAL, March 13 NNN: Hill Areas Committee in Innpi a Nilaini a Manipur Hill Areas Autonomous District Council Bill 2008 a puaklut Manipur Assembly Speaker S. Budhichandra in select committee kiang a ana refer toh kisai ‘undemocratic’ hidan a gen in Speaker’ thupukna All Tribal Students’ Union Manipur (ATSUM) in mohpaih hi.
ATSUM General Secretary Thomas Taishya in a genna ah, hiai ADC Bill, 2008 pen Dan siamte rawnkawm a bawl ahihdan leh Innpi a leng luikhiak a om ngeita ahihdan gen kawm in Speaker in committee khut a a piaksawn pen poimohlou leh ngailou ahihdan gen hi. Hiai thu toh kisai a ATSUM dinmun Taishya in a hilhchetna ah, Speaker in Innpi tutkhawmnawn ni dia a seh March 19 chiang a genfel ahihkeileh ATSUM in dai dide a ana en maimailou ding ahihdan gen hi.
Manipur Hill Areas Autonomous Bill, 2008 ahihleh Hill Areas Committee Chairman, Thangminlien Kipgen in March 11 in Innpi ah ana pawlut a, himahleh Speaker in March 12 chiang a ngaihsut ding in ana nawlkhinsak hi. March 12 a hiai ADC Bill, 2008 puaklut nawn ahih in Speaker in ‘technical error’ om hidan in 5-member select committee in a et masak ding in ana refer nawn hi. Speaker thupukna toh kisai in HAC chairman Thangminlien Kipgen in genna ah, singtangmite simmohna leh HAC thusimlouhna ahihdan gen a, Speaker thupukna ziak in Nilaini’n singtangmi MLA 16 te’n Innpi ana pawtsan uhi.
Hill district-te a ADC election neihhak ahih a leh singtangmite leh phaizangmite kal a kitheihsiamlouhna puangsak thei ahihdan leh ‘hidden agenda’ a om ziak a Innpi in hiai Bill pass ding ki-ngenkhaisak hihiam chih dotna tuni’n ATSUM in bawl hi.
Huai banah, Regional Institute of Medical Sciences (RIMS) a Group B leh C post a dia recruitment pailel a Schedule Tribe-te a dia 31 % quota zang ding in a kisaipih thuneitute kiang ah ATSUM in ngetna a bawl kawm in hiai quota a zuihkei ding ua leh recruitment process leng khawlzaw ding in naktak in noh uhi.
Tuabangkal ah, the Kuki Students’ Organization (KSO-GHQ) General Secretary Thangzamang Haokip in thusuah a tuam a bawlna ah, RIMS a Group B leh C post recruitment toh kisai in, ST quota 31% piak ahihkei dia leh recruitment result leng puanglou ding in a kisaipih thuneitute kiang ah theihsakna bawl hi.
NSCN-K cadre 1 kaplup in om
KOHIMA, March 13 NNN: Hun bangtan hiam thawm bangmah zak ding a om nawnlouh nung in, Naga helte kal a kitheihsiamlouhna ziak in Ningani sunnung dak 1 ding vel in Kohima a Electrical Colony ah meltheihlouh galvan tawi pawlkhat in mi khat kaplum uhi.
Thusuak in a taklatdan in, kaplup a ompen ahihleh Zunheboto district a Satakha sub-division sung a Zekiye khomi, Kitoyi Zhimo (26) hi a, a taksa tung ah thautang lutna ma mun 6 ah, a tal ah khat, a naakguh langtuak ah khat tuak banah a nunglam ah mun 3 muhtheih ding in om hi. Kaplup a ompa ahihleh NSCNN-K cadre hidan in thusuak in taklang a, Kohima police in thiltunna mun ah 7.56mm pistol tang 1 leh a tanghawm 3 mukhia uhi.
Protem Speaker di’ Dr. Kire kichiam
KOHIMA, March 13 NNN: Governor of Nagaland, K. Sankaranarayanan in Ningani’n 11th Nagaland Legistive Assembly a protem Speaker ding a Dr. Neikiesalie Nicky Kire kichiamsak hidan in thusuak in taklang hi.
Nagaland Assembly protem Speaker ding a Kohima a Raj Bhavan a Dr. Neikiesalie Nicky Kire a kichiamna hun ah Chief Minister, Neiphiu Rio leh a kaizatamte banah state Chief Secretary leh Government official tamtak in uap uhi.
Tuabangkal ah, Chief Minister, Neiphiu Rio chairman-na nuai ah tuni’n cabinet meeting a masakna pen ding in neih in om a, tua ah, March 18, 2008 apat 11th Nagaland Legislative Assembly first session pat ding in thupuk uhi.
Nagaland Assembly first session ahihleh Protem Speaker, Dr. Nicky Kire chairman-na nuai ah neih hiding a, huai ah Speaker leh Deputy Speaker ding tel a a om ding banah Innpi a member thakte kichiamsakna hun a zat dia lamet hidan in thusuak in taklang hi.
Innpi a member thakte mai ah March 20 chiang in Governor in thugenna nei ding a, Finance Minister Neiphiu Rio in March 24 chiang in budget ‘vote on account’ pulakna nei ding hidan in thusuak in taklang hi.
Tuabangkal ah, Nagaland a President’s Rule lakkhiak ahih toh kiton in Advisor to State Governor R. S. Pandey leh S. C. Tripathi a mohpuakna uapat ki-awngsut ua, PR sung a mipite a ding leh sorkar a dia a nasep hoihna uh pahtawina in Governor K. Sankaranarayanan in Raj Bhavan ah a khakkhiakna hun seh zatpih hi.
RJD in ADC candidate 90 guan sawm
IMPHAL, March 13 NNN: Manipur Innpi Speaker in Manipur Hill Areas Autonomous District Council Bill, 2008 ‘technical error’ ziak a 5-member select committee in a velchet masak zoh chiang a March 19 a Innpi a ngaihtuah ding chi a thupukna a lak ziak a buaina a kawmkal ah state Rastriya Janata Dal (RJD) pawl in ADC election chiang a candidate 90 guang ding ahihdan uh puang uhi.
RDJ’ state working committee Vice-President T Chungsei Haokip in Ningani a thuthaksaite kiang a a genna ah, Rajya Sabha election a om chiang a singtang leh phaizang bial a candidate khat tuak guang ding ahihdan uh gen hi. Aman a genzelna ah, Manipur assembly in ADC Bill, 2008 a pass a leh singtang bial a ADC election a candidate 90 guang ding ahihdan uh leng gen hi.
Chungsei in a genzelna ah, a party uh Manipur a dia thak mahmah himahleh MLA 3 neizou ahihdan un gen kawm in, a lohchinna uh mipite ziak hi’n gen hi.
Tuabangkal, Chungsei in Chandel district sung a 42-Tengnoupal A/C a Communist Party of India (CPI) card holder 4 leh party worker 700, RJD party President leh Chief Minister lui W Nipamacha Singh om lalut ahihdan leh Manipur assembly speaker in select committee kiang a ADC Bill a piak sawn pen poi mahmah ahihdan gen kawm in hiai Bill pen mipi khualna lungsim neikawm a ngaihtuah di’n ngetna bawl hi.
Meghalaya Congress buai
SHILLONG, March 13 NNN: MLA tawmzaw nei Congress makaih Meghalaya United Alliance (MUA) in Meghalaya a Chief Minister D.D. Lapang heu a sorkar a din uh toh kisai in, tunitan a member a kaihlut beh zohlouh ziak un Congress sung ah lungkimlouhna nasatak piang a, party sung a heutulian leh MLA khenkhat in a langtang in Lapang dem ua, a nna zoulou ahihleh a kitawp zawk ding hidan a kampau nei in vauna bawl uhi.
Congress sung a hiai bang a lungkimlouh kampau toh kisai ahihleh party sung a heutulian khenkhat in bel lungsimneuna maimai hidan a ngai thupiloutak in koihdap uhi. Congress makaih MUA in sorkar din mahle uh tulel in MLA 28 banah independent MLA 3 nei ua, opposition a pang Meghalaya Progressive Alliance (MPA) in MLA 31 nei uhi.
DD Lapang in sorkar dinzou taktak ahihdan chetna March 20 a strength show nei di’n Governor in theisak mahleh, MUA maban in March 18 a Speaker ding kitelna ah chiang ding hi. Hiai bang dinmun ah, Lapang in member kaihlut ding naktak in zongsan lel a, MPA’ MLA 31-te lak a independent MLA-te banah KHNAM leh HSPDP’ MLA-te naktak a zol hidan in thusuak in taklang hi.
Kiphinna di’n underpant takkhia
IMPHAL, March 13 NNN: Manipur University keklet na’nga gam khenkhiak ding phallouh ziak in Imphal West-a om Langthabal numeihon in thuneitute’n gam akekletna ding mun lutna ah a puannuaisilhte uh leh a underpant-te uh takkhia ua, govt. official-te lutsak louh in om uhi. MU-a VC’kiang ah MU kekletna’nga loumunte khenkhiak phalloh ziak a JAC pawlte’n MU geia loumun omte lalou dingin memorandum leng a submit ban auh, March 10 in leng Canchipur-a MU gate bul ah C M Ibobi’lem hal uh hi’n thusuak in taklang hi.
MU campus keklet ding ziak in khua 8 te buai ua, MU bawlna dinga hiai mua gamte 285 lak khit ahih nunga tua gam 200 acres laksak dek a aom nawn uh mohsakhuai lua ahihdan JAC te’n gen uhi. Tuabangkal ah, Imphal West-a om Ningombam leh Malom apat Ningani in numei lomkhat pawtkhia ua, Imphal airport keklet na’nga gam govt. in laksak asawm mohsa kawm in hiai muna gam khenkhiak sawm govt. official-te ana nantang sawm lai police-te’n hawldalh uh hi’n thusuak in taklang hi. Imphal airport telin non-metro airport 35 modernization leh puahhoih Airport Authority of India in sawma hiai pen March 2010 tana zoh sawm hi
Tuni Thupi: Bangmahlou lei tunga hiha om a oma; mi diktat omta bang hile zong, amah tungah migilou nasep dungjuiin a hongom nak hi; huailouin mi giloute omta bang hile zong, mi diktatte nasep dungjuiin a tung uah a hongom nak hi: hiai leng bangmanlou a hi ka chi hi. Eklijiasti-8:14
Editorial
Town planning poimoh kin-II
Lamka khopi maban ding khualna a town plan neih a poimoh dan zan a ina kikupna uah gari khawlna ding parking leh lampi nawl a mihingte paina ding foothpath a poimoh dan ina gen uhi. Mihing leh gari mahmah leng pung hatlua ahihna ah hiaite poimoh kin mahmah a, kintak a gam sehkhiaksa neih ding a poimoh mah bang in ‘recreational park’ ahihkeileh sing-le-loute omna ding mun sehkhiak poimoh kin hi.
Tua bang lel a a paitouh nilouh leh, Lamka khopi maban ding bel ‘slum/concrete jungle’ lianpi suah ding himai hi. I innten-louten uh i et chiang in, innte kineh in kizingthei mahmah a, kangmei-patau bang om leh leng khozang a katmang theih ding dinmun in om hi. Drainage system a omlouh zawkmah toh, huih suniin thei ding gari leh kawl tuamtuam pung deuhdeuh zomah hi. Tu’n leng innsung a van kikoihte i theihlouh kal in niin/leivui in ana tuam man sek a, sawtlou sung in mipite’n i diik ding uh huih mahmah bang leng leivui tellou in leng hong niin pahta ding hi.
Khopi i chih hinna nei bangdeuh ahihman in leh tua i gente i tuahlouhna ding un sing-le-loute pouna ding khopi sung mun bangzah hiam a sehtuam poimoh kin hi. Sing-le-loute pouna ding mun sehtuam neih theih hileh bel, khopi a dia tuap(lungs) bang in pang ding a, i huih niinte uh ana khisiang zel ding hi. Kinhuailou isa ahimaithei, himahleh, tua leng khopi liantaktakte toh teh a leng khovel kilkawm a om Lamka in sing-le-lou neitawmzaw thamta hi. A kinhuai nawnna khat ahihleh, a gam ding toh kisai mahmah in, tunung chiang a mi’n innmun ding hiam, ahihkeileh, dawr mun ding hiam a gam a hon leikhiak nung un sing-le-lou suanna ding in bel kuaman phal nawnlou ding uhi. Parking mun ding leikhiak meng a poimoh dan i gen toh kibang geih ahi.
Sing-le-loute pouna ding mun sehtuam neih ding i chihpen khopi a dia a tuap/lungs ding kia hilou in poimohna lianpi dang leng nei hi. I gensa mah bang in, tua i innten-louten uh kinehlua leh kikawkchiklua ahihna ah, tu’n leng zingkal a exercise la nuamte banah naupangte kimawlna ding nangawn mun awng om nawnlou hi. Lamlian dung a leivui khu diik a zingkal exercise lak kichi a lunglute a di’n bel uthuailou tawpkhawk khat ahi. Huih siang diik kawm a exercise lak mah nuam in phatuamzaw ding hi. Sun nisatlaitak a singliim tawldamna ding nangawn a omlouh tel bel khopi khat a di’n thupina lam hihetlou hi.
Sing-le-loute pouna ding mun a poimoh mahmah nawnna ahihleh, naupangte kimawlna ding mun a om nawnlouh ziak in Vaigampur mah bang in naupangte tulai in lampi khong ah kimawl panta uhi. Nu-le-pate’n leng i tate uh lamlian dung a a kimawl ding uh bel i khamzohlouh ahihkeingal leh phal ding un gintakhuailou hi. Lamlian gari tai vengvungna a kimawl in gari taina, lamlian zatdan a sukbuai kia hilou in, a kimawlte a ding mahmah in leng lauhhuai hi. Tua ahihman in, i naupangte uh maban ding i gel chiang in, kimawlna a kisukkhak theih gige ahih kawmkal a, gari leh taithei tuamtuamte’ sukkhak theih dia kimawl touh nilouh ding ahihkeileh kimawllou mawngmawng a mahni inn chiat a a kibukhum ding uh chihna suak hi. Kimawllou in naupang om mawkta leh, a thukhel deuh ding ua, a khuak ngaihtuahna uh leh a lehkhasimna lam uah bah ding ua, huai banah, a taksa uh leh a damtheihna ua ding mahmah in leng hoihlou ding hi. Lamlian zul a kimawl sang in tuh naupang hile uh leng, loupa hing dipdip tung, ahihkeileh, singliim nuai khong a huih siang leh vot diik kawm a kimawl a utzaw tham ding uhi.
Huai banah, Lamka mipite’n khawlni khong a sungkuan hun nuam zatkhawmna ding leh pawpawtna ding, sing-le-loute leh pak tuamtuam nalhtaktak pouna, ‘recreational park’ dia zat ding kipoimoh mahmah hi. Tua i gente ahihleh a ngaihtuah hun laitak hi a, mipi'n sorkar i phut siam a leh bel nuamtak in i neipah thei ding ua, huchilou in leng, hiai pen mimal phatuamngaihna a leng piang thei ahihban khotang a phatuamngai pawlpi tuamtuam te’n leng haksa lawmlawmlou in bawlkhiak theih ding hi. Parking khong ina gen dan deuh in, tulai a i ngaihtuah pah kei ua leh maban a amun-amual ding mahmah leng hong haksa deuhdeuh ding hi
No comments:
Post a Comment