Laisiangthou ah bel a haute piakbehlap ahi ding a, a neilou-te aneihsun uleng laksak hiding chih tanpha in kigelh mah leh, Laisiangthou kalhna hituanlou in, tua-te bangziak a hong om thei hiam chih te enkawm in ‘azawng-te zawng gige lou ding’ chih thu kikum khawm zekleng chi ihi.
Thupil in ‘ahausa sa a piang kuamah omlou’ chi’n ana gen a, a hausa sa a piang omkei mah leh, nulepa hausa taktak te sung apan piang chih bel dik ding hi. A hausa sa a piang omlou chih pen singtangmite’ ading in dik diak leh kilawm in kilang hi. Hauhsakna i chih chiang in gendan tamtak om ding a, alangtang a hausa bang, aguuk a hausa bang hunkhop om ding a, ahihziak in, bangchi bang a hausa chih pen poimawh mahmah ding in kilang hi.
Mi damtheite’n damloute’ haksatna atheikei ding ua, mihausa gige te’n leng mi zawngte’ haksatna theihpih ding un uphuailou hi. I district sung bang enle hang, 80% te mi zawng hiding hi. Ahangbel, Job card nasepna ban ah kilawh theihna tuamtuam a kingate ihi ua, sum le pai tawm chik nasan-le enlah vungvung theite ihi uhi.
Ei lawi in bel sum neilou i chih chiang in, i sakhau ah omlou petmah, naute’ lunggulh leh nektheih mandi tanpha-te i neihlouh vanglak chia neilou petmah, kang petmah te ihi uhi. Himahleh, Lamka khawpi sung mahmah aleng, mi tamtak in neilou kichi mah le uh a taw phah ding beek hunkhop a nei om veve uhi
Kum tamlua painailou in CCpur district bangleng niamchik a om himahleh, zanzek mahmah apan hong khangtou hulhul in, tuk thei/taithei gari ban ah, dawr chi tuamtuam leh hotel standard pipi kibehlapna mun ahi. Tuilou zangteng building in dimta a, inn chih ah gari leh mobile neilou om nawnta lou in, khamtheih hihleng nasatak in kibehlap hi. Thakhat thu a hauhsakna kichi pen hauhsakna khan’ tou adiam chih mimal kingaihtuahna thampha hi. Sum dawn theihna tuamtuam i hau ua, ahoih a sumpung muhsang in a selam a sumpung mu mi tamzaw ding in gintakhuai mahmah a, sum dawnna hoih in hoihlou hita leh, Pathian vualzawlna i chisuk vek maita uhi. Pastor/Upa-te bang leng sa miit leh khawvel thil in zougawpta in dawilok deuhdeuh bang un kilang a, mi khat in a summuhna le theih hi ngel khollou lah hausa hulhul mai khawng in vanthak/ thilthak khawng hon neihchiang in, Pathian min in va latsak ngeingai ua, Pathian mitmuh in a namtui na diam chih te theih hak mahmah a, hiai bangthil-te Lamka ah adim in om hi.
Laisiangthou mah ah, sum le pai deihtaak tuh gilou chiteng bul ahi ana chi a, a dik mahmah hi. Tuni in Pathian vualzawlna i chih te A vualzawlna taktak in i sim na maw? Pathian min pawng lawh chih bangleng thil lauhuai mahmah ahi hi. Pathian in mi a ut leh zankhat thu in leng hausa sak theitham hi. Himahleh, eilawi hauhsakna pen Pathian apan ahi taktak diam? Setan in leng mi hausa sak thei thou hilou maw chih ut huai vungvung a tam. I sum duhna uleh, i neekguk hatna man uh Pathian in a paap hon pawsak thouthou ding bang a, khang 10/20 tan a phu latheipa Pathian in bangtan hon vualzawlna diam maw? Hauhsak dan leng i siamkei ua, iki chaphou sak ua, zu le sa ban ah, nungak ah iki hah bualluat ziak un, kum 50 le phaman lou in i si zungzung ua, i inn gam dek phialphial ta uh hilou hiam?
Zawnna kichi leng thil poitak hi a, zawndan leng i siamtuan kei uhi. Mihausa te i hazat bawl mawk uleng diklou a, mite le ahauhsak theih leh en leng i hauhsak sawm ke chi’n diktatna tawh panla le hang, Pathian in ahon vualzawl lou tuandia hia? Mi’n ahauhsakna ding un, tha-le-zung, khaw-ul bangzah ana seeng uhiam chih te bangleng ngaihsut ngaisam hi. Bangteng hileh, ahausa-te hausa gige lou ding a, azawngte leng zawng gige lou ding hi. Pathian phawkkawm a, diktat tak leh society leh mipite adia kiphal mi hausa-te tuk a hampha bel omlou hi. Job in hauhdan leng ka siam a, zawndan leng ka siam a chih pian deuh in, hausa ikisak leh kiphatsak pih kei ni, i zawn leleng, kingaise pong mawk nei hi. Mihausa tamtak-te mi zawng innkuan apan khangkhia hi ua, vongkuang leh nahtang teh a ann ne khangkhia ngen ihi uhi.
Source: Editorial, Manipur Express | May 14, 2009 | Zogam.Com
Thupil in ‘ahausa sa a piang kuamah omlou’ chi’n ana gen a, a hausa sa a piang omkei mah leh, nulepa hausa taktak te sung apan piang chih bel dik ding hi. A hausa sa a piang omlou chih pen singtangmite’ ading in dik diak leh kilawm in kilang hi. Hauhsakna i chih chiang in gendan tamtak om ding a, alangtang a hausa bang, aguuk a hausa bang hunkhop om ding a, ahihziak in, bangchi bang a hausa chih pen poimawh mahmah ding in kilang hi.
Mi damtheite’n damloute’ haksatna atheikei ding ua, mihausa gige te’n leng mi zawngte’ haksatna theihpih ding un uphuailou hi. I district sung bang enle hang, 80% te mi zawng hiding hi. Ahangbel, Job card nasepna ban ah kilawh theihna tuamtuam a kingate ihi ua, sum le pai tawm chik nasan-le enlah vungvung theite ihi uhi.
Ei lawi in bel sum neilou i chih chiang in, i sakhau ah omlou petmah, naute’ lunggulh leh nektheih mandi tanpha-te i neihlouh vanglak chia neilou petmah, kang petmah te ihi uhi. Himahleh, Lamka khawpi sung mahmah aleng, mi tamtak in neilou kichi mah le uh a taw phah ding beek hunkhop a nei om veve uhi
Kum tamlua painailou in CCpur district bangleng niamchik a om himahleh, zanzek mahmah apan hong khangtou hulhul in, tuk thei/taithei gari ban ah, dawr chi tuamtuam leh hotel standard pipi kibehlapna mun ahi. Tuilou zangteng building in dimta a, inn chih ah gari leh mobile neilou om nawnta lou in, khamtheih hihleng nasatak in kibehlap hi. Thakhat thu a hauhsakna kichi pen hauhsakna khan’ tou adiam chih mimal kingaihtuahna thampha hi. Sum dawn theihna tuamtuam i hau ua, ahoih a sumpung muhsang in a selam a sumpung mu mi tamzaw ding in gintakhuai mahmah a, sum dawnna hoih in hoihlou hita leh, Pathian vualzawlna i chisuk vek maita uhi. Pastor/Upa-te bang leng sa miit leh khawvel thil in zougawpta in dawilok deuhdeuh bang un kilang a, mi khat in a summuhna le theih hi ngel khollou lah hausa hulhul mai khawng in vanthak/ thilthak khawng hon neihchiang in, Pathian min in va latsak ngeingai ua, Pathian mitmuh in a namtui na diam chih te theih hak mahmah a, hiai bangthil-te Lamka ah adim in om hi.
Laisiangthou mah ah, sum le pai deihtaak tuh gilou chiteng bul ahi ana chi a, a dik mahmah hi. Tuni in Pathian vualzawlna i chih te A vualzawlna taktak in i sim na maw? Pathian min pawng lawh chih bangleng thil lauhuai mahmah ahi hi. Pathian in mi a ut leh zankhat thu in leng hausa sak theitham hi. Himahleh, eilawi hauhsakna pen Pathian apan ahi taktak diam? Setan in leng mi hausa sak thei thou hilou maw chih ut huai vungvung a tam. I sum duhna uleh, i neekguk hatna man uh Pathian in a paap hon pawsak thouthou ding bang a, khang 10/20 tan a phu latheipa Pathian in bangtan hon vualzawlna diam maw? Hauhsak dan leng i siamkei ua, iki chaphou sak ua, zu le sa ban ah, nungak ah iki hah bualluat ziak un, kum 50 le phaman lou in i si zungzung ua, i inn gam dek phialphial ta uh hilou hiam?
Zawnna kichi leng thil poitak hi a, zawndan leng i siamtuan kei uhi. Mihausa te i hazat bawl mawk uleng diklou a, mite le ahauhsak theih leh en leng i hauhsak sawm ke chi’n diktatna tawh panla le hang, Pathian in ahon vualzawl lou tuandia hia? Mi’n ahauhsakna ding un, tha-le-zung, khaw-ul bangzah ana seeng uhiam chih te bangleng ngaihsut ngaisam hi. Bangteng hileh, ahausa-te hausa gige lou ding a, azawngte leng zawng gige lou ding hi. Pathian phawkkawm a, diktat tak leh society leh mipite adia kiphal mi hausa-te tuk a hampha bel omlou hi. Job in hauhdan leng ka siam a, zawndan leng ka siam a chih pian deuh in, hausa ikisak leh kiphatsak pih kei ni, i zawn leleng, kingaise pong mawk nei hi. Mihausa tamtak-te mi zawng innkuan apan khangkhia hi ua, vongkuang leh nahtang teh a ann ne khangkhia ngen ihi uhi.
Source: Editorial, Manipur Express | May 14, 2009 | Zogam.Com
No comments:
Post a Comment