HSLC candidate te theih di’n theihsakna bawl
Lamka, Feb 23: Board Of Secondary Examination, Manipur saina a hongtung ding March 3-18, 2008 sung HSLC Examination 2008 neih ding toh kisai in CCpur. Pvt. Centre O/C in Theihsakna bawl hi. Huai theihsakna ah CCpur ah Exam centre ding in Rayburn High School zat hiding a, tukum inleng exam strict tak a neih hiding a huaiziak in Candidate teng in mahni school uniform chiat exam hunsung teng a silh chiat ding leh Exam hall ah laibu, notes, laipuan, bag, mobile phone leh calculator tel in thildang van bangmah examination rules in aphallouhte tawilut phal hilou ding a gate ah body search neih ahihbanah apoimoh dungjui in examna mun ah ut hunhun in body search bawl hiding hidan in taklang hi. Huai banah examna mun ah authorized persons kia lut phal hiding hi.
Power Minister Delhi ah
Lamka, Feb 23: Power Minister Pu T. Phungzathang in official toh kisai hih ding poimoh a neih ziakin tuni zinglam dak 9 in Indigo in Delhi ah hoh a, zingchiang February 24 in Imphal hong tung kik ding hi.
ARO in joined
Lamka, Feb 23: SP/CCpur nuai a Reserve Line a Asst.Reserve Officer ding in ASI Jamkhanpau in joined hi. ASI Jamkhanpau bel Imphal West apan hong kisuan ahi.
DLCC meeting
Lamka, Feb 21: District Level Co-ordinating Committee in hongtung ding March 7, 2007 sunnung dak 12:30 in Mini Secretariat Conference Hall ah meeting ding uhi.
Med.Supdt. leh Dy. Supdt. khakna neiding
Lamka, Feb 23: Lamka Damdawi Inn a Medical Superintedent hihna lenlel Dr. M. Lachinkhai, MS leh Deputy Superintendent hihna lenlel Dr. Thangminlian Shoute hongtung ding February 29, 2008 chiang a asepna uapan khawlta ding uhi. Hiai toh kisai in Medical Superintedent Office staff-te’n hongtung ding February 25, 2008 chiang in khakna hun zang ding uhi.
Vun Doctor kisuan
Lamka, Feb 23: Lamka Damdawi Inn a vun doctor (Dermatologist/Skin Specialist) sem Dr.Lokendro pen JN Hospital, Porompat a sem ding in suan in om hi.
VGB ngetbeh ding
Lamka, Feb 23: District sung a Sub- Division khenkhat a Mautaam ziak in nek-le-tak haksatna lianpi omziak in District Administration in Village Grain Bank (VGB) tamsem omtheihna ding in panla ua, tulel in VGB koihbehna ding mun enkhe lel ua zoh ahihchiang in proposal pelut ding uhi.
Kuki Khanglai Lawmpi GHQ phiat
Lamka, Feb 23: Kuki Khanglai Lawmpi, GHQ a tulel a vaipote term abei toh kiton in hongtung ding March 7, 2008 chiang in KKL Complex, IB Road ah General Election-cum- Meeting nei ding uhi. Tua term abeitoh kiton in tuni nitak dak 5:00 apan in Kuki Inpi Manipur in KKL GHQ phiat/dissolved ta hi. General Election zoh a General Meeting ommatan Mr. Thangjang Haokip, V-President, KIM in KKL GHQ enkol ding hi.
Oil Pumpte khaak in om
Lamka, Feb 23: Tanker Driver-te’n nibangzah hiam paisa apan nuakna aneihziak in Manipur ah thautui/fuel (Disel, Petrol) honglutlou in vaang mahmah hi. Lamka khopi a Oil pump 2 omte leng thautui omlouh ziak in khak in om a, himahleh, vangphathuaitak in kholak ah bel lei senglouh ding thautui om veve hi.
Rev. Dr. Khaizakham in thu gen
Lamka, Feb-23: Candel Dist. Sung Zion Tlang ah zanhal February 21 apan Chothe Nam Pumpi taksa leh khalam a kisuk halhna khawmpi lian nei ua, huai hun ah Lamka apan in Rev. Dr. Khaizakham, Principal ECT thugenpi in pang a, ECT Trio ten leng Pathian phatna la va sa uhi. Hiai khawmpi bel zingchiang Feb.24, 2008 nitak in zou ding uhi.
Khuam in delhkha
Lamka, Feb 23: Mr. Piangkholian (38) S/o. Khamkholal of Phaitong zanhal zing dak 8:00 in a khua uah innkhuam ding singzawl polai kipukkha in a khuam puak in a dek delhkha a Lamka Damdawi inn ah etkol in omlel hi.
Imphal School of Preaching Church Hall hong
Imphal School of Preaching leh Central Church of Christ in kum 20 val a bawl, Chagangei-Uchekon, Air port road, Imphal a om Church Hall, tuni’n zinglam dak 11:30 in Bro. Jerris N. Bullard, USA in hong hi.
BSNL line zat theihta
Lamka, Feb 23: Lamka khopi sung leh mun dang kithuzaktuahna BSNL ni 3 sung vel a siat nung in tunitak lam dak 4:30 apan in mobile leh lane line zat theihta hi. BSNL line hoihlouh ziakin SBI nasepna leh Internet tungtawn a nasepna teng nawngkai mahmah hi.
NIT bawlna ding govt. in gam the; Police ten anang pawl te voliam
IMPHAL FEB 23: Manipur govt. in Langol residential lak leh Lamphelpat lak a NIT bawlna ding tuni zinglam dak 11 in Settlement leh Imphal West DC office a official ten gam vateh uhi.
Hichibang a NIT bawl khiakna dia gam teh a kuante amun a om mi tamtak in ana phallou in, security force te toh naktak in kinawk tuah uhi. Hiai hun ah security force ten numei 12 voliam hidan un thutut kingah hi. Liamte a gim selua omkei mahleh, Shija hospital a first aid piak hidan un leng kigen hi.
MU a reservation tungtang hilhchian; Tribal student-te lakhe lou di’n ngen
IMPHAL FEB 23: Manipur University a singtang mite sepna toh kisai leh lam tuamtuam a nelhsiah chih thu ah, All Tribal Students Union, Manipur (ATSUM) in hongtung ding March 1, 2008 zinglam dak 11 in, MU a singtang mi student te lakkhiak hidingin thupuan bawl hi.
Hiai toh kisai in, tuni nitaklam dak 4 in MU a Vice Chancellor Prof.C.Amuba in thuthak saimite kimuhpihna nei a, tua hun ah Manipur University a sepna toh kisai a reservation tungtang hilhchetna nei in, ATSUM in singtang mi student te lakkhiak asawm leng hihlou dingin ngetna bawl hi.
VC gendan in, MU a ST reservation toh kisai Manipur University Tribal Students Union (MUTSU) toh tamvei tak genkhom hita a, hiai tungtang mah, Union Minister for Human Resources Development Arjun Singh toh leng January 18, 2008 a genkhom hita a, himahleh, akisaipih ministry in Govt. of India reservation zuih dia theisak ahihdan leng gen hi.
Hichibang ahihna ah, MU leng Central University khat ahihman in, Govt. of India reservation norms leh University Grant Commission (UGC) paidan azuih ngai ahihdan gen hi. Hiai dungzui in, MU ah leng teacher toh kisai sepna lakna dia ST ten 7.5% leh SC ten 15% angah ban uah, Group C & D lakna dia bel State govt. reservation mah SC/ST ten ngah hidan un leng VC in gen hi.
SC/ST te a ding bikin, special recruitment drive leng bawl hita a, tua adertisment January 22, 2008 dungzui in, teaching post 13 lakna ding ah, SC- 8 leh ST- 5 leng tel hi. Hiai te ban ah, tuma zek in, Group A officer 6 lakna ding advertisement leng bawl in om a, tua ah leng General 3, ST 2 leh SC 1 lak ding chih om hidan in VC in gen hi. ATSUM in MU Vice Chancellor kianga singtang mi student te lakkhiak ding chih thu a theihsakna uah, Manipur University Act, 2005 leng amendment bawl dingin ngaihdan sung mahle uh, hichibang act bawlthak chih Parliament lou a hitheilou ahihman in, ATSUM in hiai tungtang a Govt. of India tan a asai leng MU in hoihsa dan in leng gen hi. MU a reservation leh act amendment chihte MU thuneihna tunglam a om ahihman in, MU thunei tuten bangmah hihtheih neilou hidan un leng VC in gen hi.
Vice Chancellor in, MU toh kisai agenbehna ah, university a Syndicate tua Executive council kichita, thutanna pen dan banga zuih jel ahi. MU a reservation policy 1989 apat kizang leng hita a, huaihun lai in teaching post, nidang a Assistant Professor kichi tua Lecturer chih hita, lakna dia SC/ST te adia 10% reservation om hi. Himahleh, MU Central university a suah apat reservation leng SC 15% leh ST 7.5% lel hita a, himahleh, group C & D lakna dingin bel, UGC guidelines dungzui in, State govt. reservation SC 2% leh ST 31% MU ah leng zat in omlai hi. Sepna toh kisai lou, Admission ah leng state Norms mah MU in zui hi.
ATSUM te sentiment ding MU in phawk mahleh, dan omsa zuih ngai ahihna ah, bangmah hih theih omlou hidan in leng VC in gen hi.
CM in govt. nasepna mun tuamtuam phakual
IMPHAL FEB 23: Tuni zinglam in Manipur Chief Minister O.Ibobi Singh makaih ministerial team khat in, Sangaipat a Sericulture project, Laxmi bazaar, Khwairamban bazaar kibawl te etkhiakna abanban in nei uhi. Hiai hun ah, Works minister K.Ranjit, Sericulture minister L.Jeyantakumar Singh, PDA Chairman Dr.Kh.Loken, MLA N.Mangi, E.Kunjeshwor leh department official tamtak kihel uhi.
Nasepna mun tuamtuam a etkhiak te lak uah, amasa pen in, Imphal East district sunga Sangaipat a 23.5 acres lian a Japan project chi aleng kithei Sericulture project nasepna mun pi etkhiakna vanei uhi. Hiai nasepna CM in amuh in lungtung mahmah a, khanawn sunga phase masa zoh leh honkhiak theih dingin thuneitute theisak hi.
Hiai zoh in, CM team ten, Laxmi bazaar, Khwairamban bazaar leh Nambul lui tung, Saipi lem gei a Lei kibawl leng etkhiakna nei uhi. Laxmi bazaar kibawl nasep 80% bang zoh hita a, New market (Khwairamban bazaar) leng 75% bang zoh dinmun in om chih ahi. Hiai bazaar mun nih kibawl te leng CM in progress hoih sa mahmah in, tukum April khasung ngei a zoh siang adeihthu leng gen hi.
Hichibang mipi adia govt. in nasep tuamtuam a neihte mimal leh pawl tuamtuamten subuai lou a, kithuahpihna pezaw dingin leng CM in ngetna nei hi.
Teacher Senior scale tungtang ngaihtuah ding
IMPHAL FEB 23: Education (S) Director in zan a thusuah a bawlna ah, Department of Education (S) nuai a semtu School pu, senior scale, trained senior scale, untrained senior scale, trained selection grade leh untrained selection grade chihte a, khenna ding screening committee tunung sawtlou a tukhawm ding hidan in taklang hi.
Hiai toh kisai in, a saipihten bawlthak nop leh complaint te March 10, 2008 tan in hihthei ding ua, a list kibawl leng Education (S) Directorate, Addl. Director (Valley/Hills) office-te ah et theih ding hi.
UNLF 6 kaplum in galvan leng musuah
IMPHAL FEB 23: Thutut kingah dan in, zan nitak sawtnung ding vel in, Chandel district sung Molcham Timeinou Leijang a om, 24th Assam Rifle leh helpawl UNLF te kikaptuahna ah, UNLF 6 kaplup in om uhi.
Thutut kingah in, hiai thiltunna mun a helpawlte om chih AR ten atheih un, tuamun vanaih in, anatang ua, tua a helpawlte toh kikaptuah uh hidan un leng kigen hi. Thutut kingah dan in, AR ten helpawlte vanzat AK 47 – 2 a tang 50, M-16 – 2 leh a tang 36, Lethod gun 1 leh a tang 3, 9mm pistol 2 leh a tang 18, SBBL 1 leh a tang leh radio set 1 muhkhiak a om hi’n thutut kingah hi.
School khuam hoihlouh ziakin nasep khawlsak
IMPHAL FEB 23: Education minister bial sung mahmah Khagempalli Pankha a LP school building extension kibawl a khuam khat poihlong tak a kibawl khat, MSF ten a va muh ziakun hiai school bawlna toh kisai nasep khawlsak uhi. Hichibang a school building room khat extension kibawl pen February 8, 2008 a bawl hi a, tua ah Rs 1.5 lakh lut hi. Hiai school a Headmistress in bel, nasepna toh kisai bangmah theihpihlou in kigen hi.
Students tamtak in rally nei; traffic buai
IMPHAL FEB 23: Manipur a Private school tuamtuamte kigawmna, Commiittee te saina in, tuni zinglam dak 10 in Chingamathak a Sun Rising Club apat THAU ground, Thangmeiband tan, private school tuamtuam 75 vel apat siamsin naupang 5000 vel ten, mass rally nei ua, tuaziakin, Imphal khopi sunga traffic naktak in buaisak in om a, lampi kantan na mun ah mipin’ dakkal khat phial dinkhawl in ngak uhi. Private school association ten’ demand tuamtuam a neihte uh bel, Manipur a bandh, general strike, economic blockade chih tamluat ziakin, siamsinna naktak in buaisak a, hichibangte a education huamsak louh dingin ngen uhi.
Education free zone hihsak ding, society hoih ahihna dia laisiam bawlkhiak ding, lam chi tuamtuam a siamsinna munte buaisak louh leh donke-donpi chihte omsak louh ding chih leng ahi.
NEICC in election guideline suah, thumsak di’n ngetna bawl
SHILLONG, Feb 23 NNN: North East state-te a assembly election om ding toh kisai in North East India Christian Council (NEICC) in Sintawpni in Christian-te zuih ding in ‘guideline’ 4 suah uhi.
Chi-le-kuang, beh-le-phung, amei-apa, pau-le-ham chihte ziak a kideidanna omlou a, siangthou leh galmuangtak a election neihtheih ahihna ding ngimna in Sintawpni in Shillong ah NEICC in thupukna a lak dungzui un election omna ding state-te a Christian-te zuih ding in thusuah bawl uhi.
NEICC guideline in chi-le-kuang pansan a, sum-le-pai deihtakna ziak a vote khelou ding a ngenkawm in (a) kitanauna pansan a vote khiaklouh ding (b) sahkhua leh saptuam pansan a palai tellouh ding (c) lawmta hihna ziak a mahni deihtelna nelhsiahlou ding leh (d) sungkuan leh tanau lainate a dia thilhoih hihsak a ana omkhate’n leng kipahna leh maizahna ziak a palai tellou ding in ngen hi.
Election tungtang a genkhawm banuah, December 2007 a Orissa Christian-te thuakna toh kisai leng genkhawm ua, India a sahkho zalenna humbitna dia panla ding in state leh centre govt. kiang ah ngetna bawl uhi. Huai banah, India a lemna leh muanna a om theihna dia leh a diak a Orissa a soisakna thuak Christian-te a ding a thum ding in NEICC in gintute tengteng kiang ah ngetna bawl hi.
Orissa a Christian-te panpihna di’n lakh 6 val dongkhia
AIZAWL, Feb 23 NNN: Orissa a soisakna tuak Christian-te panpihna kidon hun Ningani’n Aizawl a I&PR Conference Hall ah khak in om a, Mizoram pumpi apat Rs. 6,85,570 donkhiak a om ahihdan thusuak in taklang hi.
Panpihna donkhawm hun khakna a tel Mizoram Education Minister Dr R Lalthangliana in a genna ah Mizoram a mipi sahdan et in sum kidongkhia tawmlua a sak thu gen mahleh soisakna thuak Orissa a Christian-te huhna dia panpihna sungkhawm tengteng kiang ah kipahthu gen veve kawm in state dang a Christian te’n soisakna a tuahlai ua Mizoram a hiai bang thiltung a omlouh hamphathuai a sak thu gen hi’n thusuak in taklang hi.
Hiai panpihna kaihkhawm dan toh kisai Rev Dr F Sangkhuma in a genna ah, mobile concert neihna tungtawn a Rs. 99,806 muhkhiak a om ahihdan leh Aizawl khopi sung mun tuamtuam a donation box kikoihte apat Rs. 5,85,764 muhsuah a om ahihdan gen hi. Rev Dr F Sangkhuma in a genzelna ah, hiai panpihna kaihkhawmna dia mobile concert saina a Rs. 32,425 bei ahihdan leh poimoh kin a zat dia Orissa a Rs. 1,86,000 khak khinta ahihdan uh gen hi’n thusuak in taklang hi.
Sonia Gandhi in Meghalaya pha, Nagaland phalai ding
SHILLONG, Feb 23 NNN: ICC President in Meghalaya a veh ding toh kisai a Hynniewtrep National Liberation Council (HNLC) helpawl te’n Kiginni a dakkal 12 sung Meghalaya bandh a puanna kawmkal uah Meghalaya Assembly election March 3 a om ding toh kisai a state Congress a dia campaign bawl a kuan AICC President Sonia Gandhi in Jaintia Hills district capital ah Kiginni in thugenna nei a, Meghalaya leh Nagaland khong a gen-le-sak ana neithei vettak regional party leh independent candidate kapna deuh in thuse bawl mimal leh pawlpi tuamtuamte banah party neunounoute mipi’n nawlkhin dia ngen hidan in thusuak in taklang hi.
The AICC chief in her brief and indirect attack on the "smaller parties, divisive elements and individuals" said, "You should know that these parties and people will have no answer to any question related to their contributions to development, women empowerment, equality and social justice".
Party dangte’n minautang a dia hihtheih bangmah neilou uh hidan a ngoh kawm in Sonia Gandhi in Congress pen minautangte thuakna leh haksatna theisiam, a aw uh ngaikhe dia kiman gige ahihdan gen in Meghalaya a vaihawmna letsak a a om ua leh paidan kichiantak nei, khantouhna tun ding sorkar dinsuah ding ahihdan uh gen hi’n thusuak in taklang hi.
Jowai a Kiang Nangbah ground kimkhat dim mipite kiang ah Sonia Gandhi in Meghalaya leh North East bial himhim in Indira Gandhi leh Rajiv Gandhi lungtang luah ahihdan gen a, a nasep uh pulakna leng hikawm in super speciality hospital North Eastern Indira Gandhi Regional Institute of Health and Medical Sciences (NEIGRIMS) bawlna ding suangphuh honna thu leh Rajiv Gandhi Indian Institute of Management (RGIIM) honkhiakna thu genlang a, huai banah, India a public health institution 6 bawlkhiak a om dingte lak a 1 Shillong a koih dia proposal om toh kisai genlang hidan in thusuak in taklang hi.
UPA nasep toh kisai Sonia Gandhi in a genna ah, National Highway 42 leh 62 pen 4-lane a bawl ding thu UPA puaksuah ahihdan gen a, Meghalaya a tel lutsak ding sawmlai ahihdan uh leh Meghalaya pansan a gamdang toh sumdawnna leng puahsawm ahihdan uh gen hi. Party manifesto a Congress sorkar in lemna leh muanna tun hidan a kigelh pen kalh hithet in Sonia Gandhi in hiai bang a galmuanna pen state mipite panlakna ziak hidan in pahtawina mipite pia hidan in thusuak in taklang hi.
Sonia Gandhi in maban March 1 chiang in Nagaland Congress a di’n Mokokchung leh Dimapur phalai ding hidan in thusuak in taklang hi.
Manipur Rifles leh Assam Rifles kal ah kitheihsiamlouhna piang
IMPHAL, Feb 23 NNN : Kithuzakkhelh ziak in Imphal apat kilometer 30 vel a gamla National Highway dung a Kotlien khua ah Kiginni’n 16th Assam Rifles (AR) E-Company leh 5th Manipur Rifles (MR) te’n kitheihsiamlouhna nei in kibuai man phial mahle uh a heutuliante uh tuak panlakna ziak in buaina thupitak tung ding pumpelh a om hidan in thusuak in taklang hi.
Hiai thu bel Major Vikranda makaih Assam Rifles pawl leh Jamandar Choaba Singh makaih Manipur Rifles kal a thiltung hi a, Kotlien kho kiang a MR-te omna Circuit House (communication centre) a thiltung toh kisai thuthaksaite’n a theih un kidelhhuan ua, himahleh Manipur Police leh Assam Rifles personnel te’n Circuit House sung a lut ding uh phallou ua, AR leh MR official te’n thil omdan hilh thoh uh hidan in thusuak in taklang hi.
Manipur Rifles official-te gendan in, Assam Rifles te’n Circuit House umkual ahihdan uh a theih phet ua delh hi’n kigen ua, AR te’n Circuit House a MR omte tung a ‘hatna show’ a fall-in nei a, a ID-Card chiat uh lak dia thupiak bawl uh hidan in thusuak in taklang hi.
IG V. Zathang leh DIG of Arm Police II, LK Haokip makaih in Manipur Rifles team in Imphal apat Circuit House kidelhhuan ua, 16th AR Commander TK. Mukherjee in leng Noney post apat thiltunna mun hon delh hi. AR commander Mukherjee in a gendan in bel, Kotlien khomite apat Circuit House kiim a mai kituamsa a pasal thum vialvak uh hidan a thutut a ngah dungzui ua, AR personnel te’n huai kiim a operation bawl dia delh ngal ahihdan uh gen hi. Circuit House ahihleh mualtung a om ahih dungzui a MR te’n a omna uh AR te’n umkual dan a ngai uh hi’n gen hi. Mukherjee in agenzeldan in, AR officer 2 leh personnel 5 in communication centre guard-te kiang a helpawl hidia muanmohte toh kisai dong dia Circuit House lut himahle uh AR personnelte’ barrack leh control room a operation a bawllouh thu uh leh kuamah bangmah a lohlouh thu uh gen hi’n thusuak in taklang hi.
Circuit House a Manipur Rifles personnel omte’n bel huai dan in genlou ua, AR te’n thagum a zoh sawm ahihdan uh leh fall-in neihsak a a ID-Card teng uh ban etsak sawm ahihdan uh gen ua, helpawlte kem hidia AR te’n muangmoh uh hidia a gintak thu uh leng gen uh hi’n thusuak in taklang hi.
GUEST EDITORIAL
Thupi: Toupa Pathian nei nam tuh a hampha uhi; amah gouluah dia a tel mite mah. I hinna in Toupa a ngak nilouh a, Amah hon panpihna leh i phaw uh ahi. Sam 33:12,19
KHRISTIAN MINAMTE KHANTOUHNA LEH BITNA KUA? AHIA?
Pastor Jamkhanpau
Ei Khristian Minamten lei leh van siamtu, thunei sangpen, thilhihtheihna leh hatna, mi tengteng hihthupina leh hauhsakna bul i Pathian kia uh a ahihdan i theihsaim mahmah uh ka gingta hi (I Kron 29:10-30). Huaiziaktakin Americate lohchinna bul Gam leh Nam kipat chil in Pathian minlou in apan ua, dangka, skul leh Gam vaihawmna innpi leh vaihawmtute tan in Pathian min toh panvek ua, naktakin khovel pumpi a khangtoupente hong hi ua, tua thupina hon zatkhelh ua pan niam hiai hiai, gimthuakna thupi hun a khelhna ziak a khopi puksia dingte ahi lai uhi. Tua bangmah in ei Khristian singtang mite tumlam gam apan Missionaryte honglut ma zaw, dawi biak toh innten-louten a chih ngaihna omlou, Gospel i san hun ua pan a khosakna, tawndan, hinkhua kikhek in siamna pilna a naktak a dopsang a om in khovel pumpi ah i kithehzak phata uh ahih i haih kei ding uhi. A diktakin Nam leh Gam vaihawmtu liante leng Gospel ziak a tua dinmun honlen thei hongsuak uh ahizaw hi. Huchi’n nam tawmchikte Pathian ziak mah a humbit leh zalentak a khosa a, i sualluat lai ua leng zahngaihna a lemna-muanna toh i Gam ua khosa theilaite i hih uh i theichiat uh ka gingta hi.
1. Nam leh Gam buaina i tuah un bitna tuntu kuate ahi ua? Sam 33 na a a gen bangin kumpipa leh Nam makai leh mipi, gamte sepaih tamziak, mihat thahat ziak leh sakol/galvan thupi ziakte a humbitna itna uh a hidek kei chih i muh uh leh theih uh ka lamen hi. Tua ziak in, Manipur bangah BJP apan Khristiante sawina thuak dingkhop a dal dia i omlai ua Khristiante lamzui a, i thumkhawmnate un tua dante phelsiat leh dalzoh a om ahi. Huchi’n buainate leng Khristian daikilkal a te tanpha a anngawl a i thumnate uh, khelhna thuphatawi a Pathian a i kituklutnate ziak ua bitna leh lemna-muanna hongpiang in, khantouhna i nei uh a hizaw hi. Nam sepaih i chihte uh, diktak gen in zaw, i khelhnate uh ziak a hon nei i hi ua, nam leh nam kidouna hun nunung a thiltung dingte a Jesun agen thupipente ahi a, buaihunte a thummite ziak a bitna leh lemna vanzat dia Toupan ahon zangsak lel a hizaw hi. A diktak in Nam sepaihte khelhna ziak a doutu nei gige Khristian minam, kitamta ahi aw. Khantouhna leh bitna lam sangin Khristiante mah kigal a, ei leh ei kithat, sum ki demand tuah bitna sangin Khristiante zou khop dia kinegam ding i hizaw uhi. Huaiziakin, Khristian minamten Pathian nei nam tuh nam hampha, gam neitun gouluah dia a tel mite hampha hizaw chih i theih ua, a deihlam leh kipahna i zonnak mahmah uh poimoh penta ahi.
2. Khantouhna leh bitna din Pathian kia i poimoh pen uh: Gam thu ah, Pathian in gouluah dia a tel mite kian luahlel ding, sorkar kumpi vaihawmtu ah, kumpipa suankhia a, tungkhia, a kulhbang a tuilampite bang a kumpite bang a kumpi lungtang kaiheitu Pathian kia ahi (Dan 2:20-23; Pau 32; Pau 21:1,2 ) . Namte melma hazatna leh douna, thah chimih dingtan a a om chiangun, gingtute thumna ziak mahin melma apan hotkhaikna tungsek, hihmanna a humbit thei midik 50-10 tan ahithei (Gen 18,19; cf Matt 5:13-16 :2Thess 2:6-8). Thamlou in Pathian nei namte Pathian tung a khelhnate ziak a ginglou melmate piak leh a khut ua thuak, sihna, khua hihmansakna leh saltanna tan in ahisek hi(Amos 4:12-13 ; 6:14). Huaiziakin, Nam makai, Gam vaihawmtute leh Khristian mipite aw, i thilhih uh leh nasepte uah, gam thu, nam thu ah, sorkar thu ah Pathian laudan siam a, amah neih taktak tum a, Amah lam a i kiik meng kei ua leh a thangpaihna thuak in phelhmit zoulou ding i hi uh.
lamkapost@yahoo.com
Lamka, Feb 23: Board Of Secondary Examination, Manipur saina a hongtung ding March 3-18, 2008 sung HSLC Examination 2008 neih ding toh kisai in CCpur. Pvt. Centre O/C in Theihsakna bawl hi. Huai theihsakna ah CCpur ah Exam centre ding in Rayburn High School zat hiding a, tukum inleng exam strict tak a neih hiding a huaiziak in Candidate teng in mahni school uniform chiat exam hunsung teng a silh chiat ding leh Exam hall ah laibu, notes, laipuan, bag, mobile phone leh calculator tel in thildang van bangmah examination rules in aphallouhte tawilut phal hilou ding a gate ah body search neih ahihbanah apoimoh dungjui in examna mun ah ut hunhun in body search bawl hiding hidan in taklang hi. Huai banah examna mun ah authorized persons kia lut phal hiding hi.
Power Minister Delhi ah
Lamka, Feb 23: Power Minister Pu T. Phungzathang in official toh kisai hih ding poimoh a neih ziakin tuni zinglam dak 9 in Indigo in Delhi ah hoh a, zingchiang February 24 in Imphal hong tung kik ding hi.
ARO in joined
Lamka, Feb 23: SP/CCpur nuai a Reserve Line a Asst.Reserve Officer ding in ASI Jamkhanpau in joined hi. ASI Jamkhanpau bel Imphal West apan hong kisuan ahi.
DLCC meeting
Lamka, Feb 21: District Level Co-ordinating Committee in hongtung ding March 7, 2007 sunnung dak 12:30 in Mini Secretariat Conference Hall ah meeting ding uhi.
Med.Supdt. leh Dy. Supdt. khakna neiding
Lamka, Feb 23: Lamka Damdawi Inn a Medical Superintedent hihna lenlel Dr. M. Lachinkhai, MS leh Deputy Superintendent hihna lenlel Dr. Thangminlian Shoute hongtung ding February 29, 2008 chiang a asepna uapan khawlta ding uhi. Hiai toh kisai in Medical Superintedent Office staff-te’n hongtung ding February 25, 2008 chiang in khakna hun zang ding uhi.
Vun Doctor kisuan
Lamka, Feb 23: Lamka Damdawi Inn a vun doctor (Dermatologist/Skin Specialist) sem Dr.Lokendro pen JN Hospital, Porompat a sem ding in suan in om hi.
VGB ngetbeh ding
Lamka, Feb 23: District sung a Sub- Division khenkhat a Mautaam ziak in nek-le-tak haksatna lianpi omziak in District Administration in Village Grain Bank (VGB) tamsem omtheihna ding in panla ua, tulel in VGB koihbehna ding mun enkhe lel ua zoh ahihchiang in proposal pelut ding uhi.
Kuki Khanglai Lawmpi GHQ phiat
Lamka, Feb 23: Kuki Khanglai Lawmpi, GHQ a tulel a vaipote term abei toh kiton in hongtung ding March 7, 2008 chiang in KKL Complex, IB Road ah General Election-cum- Meeting nei ding uhi. Tua term abeitoh kiton in tuni nitak dak 5:00 apan in Kuki Inpi Manipur in KKL GHQ phiat/dissolved ta hi. General Election zoh a General Meeting ommatan Mr. Thangjang Haokip, V-President, KIM in KKL GHQ enkol ding hi.
Oil Pumpte khaak in om
Lamka, Feb 23: Tanker Driver-te’n nibangzah hiam paisa apan nuakna aneihziak in Manipur ah thautui/fuel (Disel, Petrol) honglutlou in vaang mahmah hi. Lamka khopi a Oil pump 2 omte leng thautui omlouh ziak in khak in om a, himahleh, vangphathuaitak in kholak ah bel lei senglouh ding thautui om veve hi.
Rev. Dr. Khaizakham in thu gen
Lamka, Feb-23: Candel Dist. Sung Zion Tlang ah zanhal February 21 apan Chothe Nam Pumpi taksa leh khalam a kisuk halhna khawmpi lian nei ua, huai hun ah Lamka apan in Rev. Dr. Khaizakham, Principal ECT thugenpi in pang a, ECT Trio ten leng Pathian phatna la va sa uhi. Hiai khawmpi bel zingchiang Feb.24, 2008 nitak in zou ding uhi.
Khuam in delhkha
Lamka, Feb 23: Mr. Piangkholian (38) S/o. Khamkholal of Phaitong zanhal zing dak 8:00 in a khua uah innkhuam ding singzawl polai kipukkha in a khuam puak in a dek delhkha a Lamka Damdawi inn ah etkol in omlel hi.
Imphal School of Preaching Church Hall hong
Imphal School of Preaching leh Central Church of Christ in kum 20 val a bawl, Chagangei-Uchekon, Air port road, Imphal a om Church Hall, tuni’n zinglam dak 11:30 in Bro. Jerris N. Bullard, USA in hong hi.
BSNL line zat theihta
Lamka, Feb 23: Lamka khopi sung leh mun dang kithuzaktuahna BSNL ni 3 sung vel a siat nung in tunitak lam dak 4:30 apan in mobile leh lane line zat theihta hi. BSNL line hoihlouh ziakin SBI nasepna leh Internet tungtawn a nasepna teng nawngkai mahmah hi.
NIT bawlna ding govt. in gam the; Police ten anang pawl te voliam
IMPHAL FEB 23: Manipur govt. in Langol residential lak leh Lamphelpat lak a NIT bawlna ding tuni zinglam dak 11 in Settlement leh Imphal West DC office a official ten gam vateh uhi.
Hichibang a NIT bawl khiakna dia gam teh a kuante amun a om mi tamtak in ana phallou in, security force te toh naktak in kinawk tuah uhi. Hiai hun ah security force ten numei 12 voliam hidan un thutut kingah hi. Liamte a gim selua omkei mahleh, Shija hospital a first aid piak hidan un leng kigen hi.
MU a reservation tungtang hilhchian; Tribal student-te lakhe lou di’n ngen
IMPHAL FEB 23: Manipur University a singtang mite sepna toh kisai leh lam tuamtuam a nelhsiah chih thu ah, All Tribal Students Union, Manipur (ATSUM) in hongtung ding March 1, 2008 zinglam dak 11 in, MU a singtang mi student te lakkhiak hidingin thupuan bawl hi.
Hiai toh kisai in, tuni nitaklam dak 4 in MU a Vice Chancellor Prof.C.Amuba in thuthak saimite kimuhpihna nei a, tua hun ah Manipur University a sepna toh kisai a reservation tungtang hilhchetna nei in, ATSUM in singtang mi student te lakkhiak asawm leng hihlou dingin ngetna bawl hi.
VC gendan in, MU a ST reservation toh kisai Manipur University Tribal Students Union (MUTSU) toh tamvei tak genkhom hita a, hiai tungtang mah, Union Minister for Human Resources Development Arjun Singh toh leng January 18, 2008 a genkhom hita a, himahleh, akisaipih ministry in Govt. of India reservation zuih dia theisak ahihdan leng gen hi.
Hichibang ahihna ah, MU leng Central University khat ahihman in, Govt. of India reservation norms leh University Grant Commission (UGC) paidan azuih ngai ahihdan gen hi. Hiai dungzui in, MU ah leng teacher toh kisai sepna lakna dia ST ten 7.5% leh SC ten 15% angah ban uah, Group C & D lakna dia bel State govt. reservation mah SC/ST ten ngah hidan un leng VC in gen hi.
SC/ST te a ding bikin, special recruitment drive leng bawl hita a, tua adertisment January 22, 2008 dungzui in, teaching post 13 lakna ding ah, SC- 8 leh ST- 5 leng tel hi. Hiai te ban ah, tuma zek in, Group A officer 6 lakna ding advertisement leng bawl in om a, tua ah leng General 3, ST 2 leh SC 1 lak ding chih om hidan in VC in gen hi. ATSUM in MU Vice Chancellor kianga singtang mi student te lakkhiak ding chih thu a theihsakna uah, Manipur University Act, 2005 leng amendment bawl dingin ngaihdan sung mahle uh, hichibang act bawlthak chih Parliament lou a hitheilou ahihman in, ATSUM in hiai tungtang a Govt. of India tan a asai leng MU in hoihsa dan in leng gen hi. MU a reservation leh act amendment chihte MU thuneihna tunglam a om ahihman in, MU thunei tuten bangmah hihtheih neilou hidan un leng VC in gen hi.
Vice Chancellor in, MU toh kisai agenbehna ah, university a Syndicate tua Executive council kichita, thutanna pen dan banga zuih jel ahi. MU a reservation policy 1989 apat kizang leng hita a, huaihun lai in teaching post, nidang a Assistant Professor kichi tua Lecturer chih hita, lakna dia SC/ST te adia 10% reservation om hi. Himahleh, MU Central university a suah apat reservation leng SC 15% leh ST 7.5% lel hita a, himahleh, group C & D lakna dingin bel, UGC guidelines dungzui in, State govt. reservation SC 2% leh ST 31% MU ah leng zat in omlai hi. Sepna toh kisai lou, Admission ah leng state Norms mah MU in zui hi.
ATSUM te sentiment ding MU in phawk mahleh, dan omsa zuih ngai ahihna ah, bangmah hih theih omlou hidan in leng VC in gen hi.
CM in govt. nasepna mun tuamtuam phakual
IMPHAL FEB 23: Tuni zinglam in Manipur Chief Minister O.Ibobi Singh makaih ministerial team khat in, Sangaipat a Sericulture project, Laxmi bazaar, Khwairamban bazaar kibawl te etkhiakna abanban in nei uhi. Hiai hun ah, Works minister K.Ranjit, Sericulture minister L.Jeyantakumar Singh, PDA Chairman Dr.Kh.Loken, MLA N.Mangi, E.Kunjeshwor leh department official tamtak kihel uhi.
Nasepna mun tuamtuam a etkhiak te lak uah, amasa pen in, Imphal East district sunga Sangaipat a 23.5 acres lian a Japan project chi aleng kithei Sericulture project nasepna mun pi etkhiakna vanei uhi. Hiai nasepna CM in amuh in lungtung mahmah a, khanawn sunga phase masa zoh leh honkhiak theih dingin thuneitute theisak hi.
Hiai zoh in, CM team ten, Laxmi bazaar, Khwairamban bazaar leh Nambul lui tung, Saipi lem gei a Lei kibawl leng etkhiakna nei uhi. Laxmi bazaar kibawl nasep 80% bang zoh hita a, New market (Khwairamban bazaar) leng 75% bang zoh dinmun in om chih ahi. Hiai bazaar mun nih kibawl te leng CM in progress hoih sa mahmah in, tukum April khasung ngei a zoh siang adeihthu leng gen hi.
Hichibang mipi adia govt. in nasep tuamtuam a neihte mimal leh pawl tuamtuamten subuai lou a, kithuahpihna pezaw dingin leng CM in ngetna nei hi.
Teacher Senior scale tungtang ngaihtuah ding
IMPHAL FEB 23: Education (S) Director in zan a thusuah a bawlna ah, Department of Education (S) nuai a semtu School pu, senior scale, trained senior scale, untrained senior scale, trained selection grade leh untrained selection grade chihte a, khenna ding screening committee tunung sawtlou a tukhawm ding hidan in taklang hi.
Hiai toh kisai in, a saipihten bawlthak nop leh complaint te March 10, 2008 tan in hihthei ding ua, a list kibawl leng Education (S) Directorate, Addl. Director (Valley/Hills) office-te ah et theih ding hi.
UNLF 6 kaplum in galvan leng musuah
IMPHAL FEB 23: Thutut kingah dan in, zan nitak sawtnung ding vel in, Chandel district sung Molcham Timeinou Leijang a om, 24th Assam Rifle leh helpawl UNLF te kikaptuahna ah, UNLF 6 kaplup in om uhi.
Thutut kingah in, hiai thiltunna mun a helpawlte om chih AR ten atheih un, tuamun vanaih in, anatang ua, tua a helpawlte toh kikaptuah uh hidan un leng kigen hi. Thutut kingah dan in, AR ten helpawlte vanzat AK 47 – 2 a tang 50, M-16 – 2 leh a tang 36, Lethod gun 1 leh a tang 3, 9mm pistol 2 leh a tang 18, SBBL 1 leh a tang leh radio set 1 muhkhiak a om hi’n thutut kingah hi.
School khuam hoihlouh ziakin nasep khawlsak
IMPHAL FEB 23: Education minister bial sung mahmah Khagempalli Pankha a LP school building extension kibawl a khuam khat poihlong tak a kibawl khat, MSF ten a va muh ziakun hiai school bawlna toh kisai nasep khawlsak uhi. Hichibang a school building room khat extension kibawl pen February 8, 2008 a bawl hi a, tua ah Rs 1.5 lakh lut hi. Hiai school a Headmistress in bel, nasepna toh kisai bangmah theihpihlou in kigen hi.
Students tamtak in rally nei; traffic buai
IMPHAL FEB 23: Manipur a Private school tuamtuamte kigawmna, Commiittee te saina in, tuni zinglam dak 10 in Chingamathak a Sun Rising Club apat THAU ground, Thangmeiband tan, private school tuamtuam 75 vel apat siamsin naupang 5000 vel ten, mass rally nei ua, tuaziakin, Imphal khopi sunga traffic naktak in buaisak in om a, lampi kantan na mun ah mipin’ dakkal khat phial dinkhawl in ngak uhi. Private school association ten’ demand tuamtuam a neihte uh bel, Manipur a bandh, general strike, economic blockade chih tamluat ziakin, siamsinna naktak in buaisak a, hichibangte a education huamsak louh dingin ngen uhi.
Education free zone hihsak ding, society hoih ahihna dia laisiam bawlkhiak ding, lam chi tuamtuam a siamsinna munte buaisak louh leh donke-donpi chihte omsak louh ding chih leng ahi.
NEICC in election guideline suah, thumsak di’n ngetna bawl
SHILLONG, Feb 23 NNN: North East state-te a assembly election om ding toh kisai in North East India Christian Council (NEICC) in Sintawpni in Christian-te zuih ding in ‘guideline’ 4 suah uhi.
Chi-le-kuang, beh-le-phung, amei-apa, pau-le-ham chihte ziak a kideidanna omlou a, siangthou leh galmuangtak a election neihtheih ahihna ding ngimna in Sintawpni in Shillong ah NEICC in thupukna a lak dungzui un election omna ding state-te a Christian-te zuih ding in thusuah bawl uhi.
NEICC guideline in chi-le-kuang pansan a, sum-le-pai deihtakna ziak a vote khelou ding a ngenkawm in (a) kitanauna pansan a vote khiaklouh ding (b) sahkhua leh saptuam pansan a palai tellouh ding (c) lawmta hihna ziak a mahni deihtelna nelhsiahlou ding leh (d) sungkuan leh tanau lainate a dia thilhoih hihsak a ana omkhate’n leng kipahna leh maizahna ziak a palai tellou ding in ngen hi.
Election tungtang a genkhawm banuah, December 2007 a Orissa Christian-te thuakna toh kisai leng genkhawm ua, India a sahkho zalenna humbitna dia panla ding in state leh centre govt. kiang ah ngetna bawl uhi. Huai banah, India a lemna leh muanna a om theihna dia leh a diak a Orissa a soisakna thuak Christian-te a ding a thum ding in NEICC in gintute tengteng kiang ah ngetna bawl hi.
Orissa a Christian-te panpihna di’n lakh 6 val dongkhia
AIZAWL, Feb 23 NNN: Orissa a soisakna tuak Christian-te panpihna kidon hun Ningani’n Aizawl a I&PR Conference Hall ah khak in om a, Mizoram pumpi apat Rs. 6,85,570 donkhiak a om ahihdan thusuak in taklang hi.
Panpihna donkhawm hun khakna a tel Mizoram Education Minister Dr R Lalthangliana in a genna ah Mizoram a mipi sahdan et in sum kidongkhia tawmlua a sak thu gen mahleh soisakna thuak Orissa a Christian-te huhna dia panpihna sungkhawm tengteng kiang ah kipahthu gen veve kawm in state dang a Christian te’n soisakna a tuahlai ua Mizoram a hiai bang thiltung a omlouh hamphathuai a sak thu gen hi’n thusuak in taklang hi.
Hiai panpihna kaihkhawm dan toh kisai Rev Dr F Sangkhuma in a genna ah, mobile concert neihna tungtawn a Rs. 99,806 muhkhiak a om ahihdan leh Aizawl khopi sung mun tuamtuam a donation box kikoihte apat Rs. 5,85,764 muhsuah a om ahihdan gen hi. Rev Dr F Sangkhuma in a genzelna ah, hiai panpihna kaihkhawmna dia mobile concert saina a Rs. 32,425 bei ahihdan leh poimoh kin a zat dia Orissa a Rs. 1,86,000 khak khinta ahihdan uh gen hi’n thusuak in taklang hi.
Sonia Gandhi in Meghalaya pha, Nagaland phalai ding
SHILLONG, Feb 23 NNN: ICC President in Meghalaya a veh ding toh kisai a Hynniewtrep National Liberation Council (HNLC) helpawl te’n Kiginni a dakkal 12 sung Meghalaya bandh a puanna kawmkal uah Meghalaya Assembly election March 3 a om ding toh kisai a state Congress a dia campaign bawl a kuan AICC President Sonia Gandhi in Jaintia Hills district capital ah Kiginni in thugenna nei a, Meghalaya leh Nagaland khong a gen-le-sak ana neithei vettak regional party leh independent candidate kapna deuh in thuse bawl mimal leh pawlpi tuamtuamte banah party neunounoute mipi’n nawlkhin dia ngen hidan in thusuak in taklang hi.
The AICC chief in her brief and indirect attack on the "smaller parties, divisive elements and individuals" said, "You should know that these parties and people will have no answer to any question related to their contributions to development, women empowerment, equality and social justice".
Party dangte’n minautang a dia hihtheih bangmah neilou uh hidan a ngoh kawm in Sonia Gandhi in Congress pen minautangte thuakna leh haksatna theisiam, a aw uh ngaikhe dia kiman gige ahihdan gen in Meghalaya a vaihawmna letsak a a om ua leh paidan kichiantak nei, khantouhna tun ding sorkar dinsuah ding ahihdan uh gen hi’n thusuak in taklang hi.
Jowai a Kiang Nangbah ground kimkhat dim mipite kiang ah Sonia Gandhi in Meghalaya leh North East bial himhim in Indira Gandhi leh Rajiv Gandhi lungtang luah ahihdan gen a, a nasep uh pulakna leng hikawm in super speciality hospital North Eastern Indira Gandhi Regional Institute of Health and Medical Sciences (NEIGRIMS) bawlna ding suangphuh honna thu leh Rajiv Gandhi Indian Institute of Management (RGIIM) honkhiakna thu genlang a, huai banah, India a public health institution 6 bawlkhiak a om dingte lak a 1 Shillong a koih dia proposal om toh kisai genlang hidan in thusuak in taklang hi.
UPA nasep toh kisai Sonia Gandhi in a genna ah, National Highway 42 leh 62 pen 4-lane a bawl ding thu UPA puaksuah ahihdan gen a, Meghalaya a tel lutsak ding sawmlai ahihdan uh leh Meghalaya pansan a gamdang toh sumdawnna leng puahsawm ahihdan uh gen hi. Party manifesto a Congress sorkar in lemna leh muanna tun hidan a kigelh pen kalh hithet in Sonia Gandhi in hiai bang a galmuanna pen state mipite panlakna ziak hidan in pahtawina mipite pia hidan in thusuak in taklang hi.
Sonia Gandhi in maban March 1 chiang in Nagaland Congress a di’n Mokokchung leh Dimapur phalai ding hidan in thusuak in taklang hi.
Manipur Rifles leh Assam Rifles kal ah kitheihsiamlouhna piang
IMPHAL, Feb 23 NNN : Kithuzakkhelh ziak in Imphal apat kilometer 30 vel a gamla National Highway dung a Kotlien khua ah Kiginni’n 16th Assam Rifles (AR) E-Company leh 5th Manipur Rifles (MR) te’n kitheihsiamlouhna nei in kibuai man phial mahle uh a heutuliante uh tuak panlakna ziak in buaina thupitak tung ding pumpelh a om hidan in thusuak in taklang hi.
Hiai thu bel Major Vikranda makaih Assam Rifles pawl leh Jamandar Choaba Singh makaih Manipur Rifles kal a thiltung hi a, Kotlien kho kiang a MR-te omna Circuit House (communication centre) a thiltung toh kisai thuthaksaite’n a theih un kidelhhuan ua, himahleh Manipur Police leh Assam Rifles personnel te’n Circuit House sung a lut ding uh phallou ua, AR leh MR official te’n thil omdan hilh thoh uh hidan in thusuak in taklang hi.
Manipur Rifles official-te gendan in, Assam Rifles te’n Circuit House umkual ahihdan uh a theih phet ua delh hi’n kigen ua, AR te’n Circuit House a MR omte tung a ‘hatna show’ a fall-in nei a, a ID-Card chiat uh lak dia thupiak bawl uh hidan in thusuak in taklang hi.
IG V. Zathang leh DIG of Arm Police II, LK Haokip makaih in Manipur Rifles team in Imphal apat Circuit House kidelhhuan ua, 16th AR Commander TK. Mukherjee in leng Noney post apat thiltunna mun hon delh hi. AR commander Mukherjee in a gendan in bel, Kotlien khomite apat Circuit House kiim a mai kituamsa a pasal thum vialvak uh hidan a thutut a ngah dungzui ua, AR personnel te’n huai kiim a operation bawl dia delh ngal ahihdan uh gen hi. Circuit House ahihleh mualtung a om ahih dungzui a MR te’n a omna uh AR te’n umkual dan a ngai uh hi’n gen hi. Mukherjee in agenzeldan in, AR officer 2 leh personnel 5 in communication centre guard-te kiang a helpawl hidia muanmohte toh kisai dong dia Circuit House lut himahle uh AR personnelte’ barrack leh control room a operation a bawllouh thu uh leh kuamah bangmah a lohlouh thu uh gen hi’n thusuak in taklang hi.
Circuit House a Manipur Rifles personnel omte’n bel huai dan in genlou ua, AR te’n thagum a zoh sawm ahihdan uh leh fall-in neihsak a a ID-Card teng uh ban etsak sawm ahihdan uh gen ua, helpawlte kem hidia AR te’n muangmoh uh hidia a gintak thu uh leng gen uh hi’n thusuak in taklang hi.
GUEST EDITORIAL
Thupi: Toupa Pathian nei nam tuh a hampha uhi; amah gouluah dia a tel mite mah. I hinna in Toupa a ngak nilouh a, Amah hon panpihna leh i phaw uh ahi. Sam 33:12,19
KHRISTIAN MINAMTE KHANTOUHNA LEH BITNA KUA? AHIA?
Pastor Jamkhanpau
Ei Khristian Minamten lei leh van siamtu, thunei sangpen, thilhihtheihna leh hatna, mi tengteng hihthupina leh hauhsakna bul i Pathian kia uh a ahihdan i theihsaim mahmah uh ka gingta hi (I Kron 29:10-30). Huaiziaktakin Americate lohchinna bul Gam leh Nam kipat chil in Pathian minlou in apan ua, dangka, skul leh Gam vaihawmna innpi leh vaihawmtute tan in Pathian min toh panvek ua, naktakin khovel pumpi a khangtoupente hong hi ua, tua thupina hon zatkhelh ua pan niam hiai hiai, gimthuakna thupi hun a khelhna ziak a khopi puksia dingte ahi lai uhi. Tua bangmah in ei Khristian singtang mite tumlam gam apan Missionaryte honglut ma zaw, dawi biak toh innten-louten a chih ngaihna omlou, Gospel i san hun ua pan a khosakna, tawndan, hinkhua kikhek in siamna pilna a naktak a dopsang a om in khovel pumpi ah i kithehzak phata uh ahih i haih kei ding uhi. A diktakin Nam leh Gam vaihawmtu liante leng Gospel ziak a tua dinmun honlen thei hongsuak uh ahizaw hi. Huchi’n nam tawmchikte Pathian ziak mah a humbit leh zalentak a khosa a, i sualluat lai ua leng zahngaihna a lemna-muanna toh i Gam ua khosa theilaite i hih uh i theichiat uh ka gingta hi.
1. Nam leh Gam buaina i tuah un bitna tuntu kuate ahi ua? Sam 33 na a a gen bangin kumpipa leh Nam makai leh mipi, gamte sepaih tamziak, mihat thahat ziak leh sakol/galvan thupi ziakte a humbitna itna uh a hidek kei chih i muh uh leh theih uh ka lamen hi. Tua ziak in, Manipur bangah BJP apan Khristiante sawina thuak dingkhop a dal dia i omlai ua Khristiante lamzui a, i thumkhawmnate un tua dante phelsiat leh dalzoh a om ahi. Huchi’n buainate leng Khristian daikilkal a te tanpha a anngawl a i thumnate uh, khelhna thuphatawi a Pathian a i kituklutnate ziak ua bitna leh lemna-muanna hongpiang in, khantouhna i nei uh a hizaw hi. Nam sepaih i chihte uh, diktak gen in zaw, i khelhnate uh ziak a hon nei i hi ua, nam leh nam kidouna hun nunung a thiltung dingte a Jesun agen thupipente ahi a, buaihunte a thummite ziak a bitna leh lemna vanzat dia Toupan ahon zangsak lel a hizaw hi. A diktak in Nam sepaihte khelhna ziak a doutu nei gige Khristian minam, kitamta ahi aw. Khantouhna leh bitna lam sangin Khristiante mah kigal a, ei leh ei kithat, sum ki demand tuah bitna sangin Khristiante zou khop dia kinegam ding i hizaw uhi. Huaiziakin, Khristian minamten Pathian nei nam tuh nam hampha, gam neitun gouluah dia a tel mite hampha hizaw chih i theih ua, a deihlam leh kipahna i zonnak mahmah uh poimoh penta ahi.
2. Khantouhna leh bitna din Pathian kia i poimoh pen uh: Gam thu ah, Pathian in gouluah dia a tel mite kian luahlel ding, sorkar kumpi vaihawmtu ah, kumpipa suankhia a, tungkhia, a kulhbang a tuilampite bang a kumpite bang a kumpi lungtang kaiheitu Pathian kia ahi (Dan 2:20-23; Pau 32; Pau 21:1,2 ) . Namte melma hazatna leh douna, thah chimih dingtan a a om chiangun, gingtute thumna ziak mahin melma apan hotkhaikna tungsek, hihmanna a humbit thei midik 50-10 tan ahithei (Gen 18,19; cf Matt 5:13-16 :2Thess 2:6-8). Thamlou in Pathian nei namte Pathian tung a khelhnate ziak a ginglou melmate piak leh a khut ua thuak, sihna, khua hihmansakna leh saltanna tan in ahisek hi(Amos 4:12-13 ; 6:14). Huaiziakin, Nam makai, Gam vaihawmtute leh Khristian mipite aw, i thilhih uh leh nasepte uah, gam thu, nam thu ah, sorkar thu ah Pathian laudan siam a, amah neih taktak tum a, Amah lam a i kiik meng kei ua leh a thangpaihna thuak in phelhmit zoulou ding i hi uh.
lamkapost@yahoo.com
No comments:
Post a Comment