CDSU in EE/PHED Office khaksak: Damdawi Inn etkhiakna nei uh
Lamka, Feb 26: Churachandpur District Students’ Union (CDSU) in tuni in Bungmual Tanky ZoneII apat tuikai te mihing ading in nektak loua, Department bangziak a tuni tan daidide a om uhiam chih etzuina nei ua, tua ban ah, Churachandpur District Hospital building kibawl lel leng etkhiakna neiding in, huai ah building ki bawl lel sub standard ahihdan musuah uhi.
CCPur mipite tuineek, Zone I, II leh III kichi in khen in om a, Zone I ahihleh, soisel bei ta dihlai a, Zone III Khuga hi a, Zone II pe’n tudin mun in a buaihuai pe’n hi’n kigen hi. Public Health and Engineering Department, Churachandpur Division te’n a mawhpuakna uh a etkai ginatlouh ziak un tuni sunnung dak 12:30 in CDSU makaite’n PHED/CCPur Division office etkhiakna va nei in, duhdaklou sakna ziak in chabi in office vakalhsak ua, mipi tui dawn ding tuisiang apiak ma uh office hunchiam omlou a kalh ding uh ahihdan kigen hi.
PHED/CCPur Division a Executive Engineer ahihleh, Bipin Singh hi a, ama Office kawngkhak a CDSU in lehkha taak in huai ah mipite tung damtheih huai tuisiang peding in ngen ua, CDSU ngetna tantun ahihma a office khak ding uh ahihdan leng taklang uh chih ahi. Bipin Singh ahihleh, tukum 2008 sung in office nihvei, thumvei lel kai hidanin a seppihte’n gen ua, Imphal ah Chief Enginer inn gei ah PHED/CCpur Division office hawngkhia in huai mun ah office kai in nasema hidan in gen ua, tulel in PHED Staff ¾ khawng lel office kai uhi.
Tuabanah, CDSU te’n Churachandpur District Hospital OPD main building kilam thak paitou lel etkhiakna nitaklam dak 1 in nei uh a, a khuam (pillar) kibawl lel leng zattak louh ahihdan musuah uhi. Building thak a pillar kibawlte khe a i suih maimai le leng, sengal a, suanghum kizanglou in balu single kizanga, cement leh Khuga leingawi kisawplou 1: 6 ratio kizang hi’n musuah uhi. Hiai building contractor tu ahih leh Sanatomba of Imphal hia, Headmistry ahihleh Manikanta of Khoyathong Imphal te hi uhi. Building baang (wall) plaster nang ah Khuga leingawi sawplouh mah zang uh a, cement bucket 1 leh leingawi bucket 6 (1:6) zang in plaster bawl uhi. Tunung sawtlou a achip zaak a mipi a delh lup ding le lauhthawng huai hial hi’n kigen hi. Inntung khuhna dia kizang langva bangzah hiam te Aartisuraksha kigelh in pan petmah a, gial (storm) in a deng vang ding leng lauh thawng huai hial hi’n kigen hi. Tuma zek in hiai building thak lamna bul a pillar kichim ah mi khat delhlup khak in om ngeita hi.
Exam Centre kim ah 144 Cr PC koih
Lamka, Feb-25: CHSEM saina in February 29, 2008 akipan in March March 19, 2008 sung Class XI/XII (Arts/Sc /Com) exam,2008 om ding in a, Lamka ah CCpur College, Lamka College leh JNV/Tuinom ah student-te exam ding uhi. BSEM saina in March 3- 18, 2008 sung High School Leaving Certificate Exam-2008) om ding a, Rayburn H/S leh JNV/Tuinom ah candidate-te exam ding uhi. Examna buailou leh siangthou taka sai deihna in Dist Magistrate/CCpur in Feb 29 apan April 2,2008 sung zingsang dak 8.00 pan nitaklam dak 4.30 kikal exam centre kimkot metre 100 huamsung ah 144 Cr PC koih thu puang hi.
Taxi/Jeep Service Assn Annual Meet
Lamka, Feb-25: Monglenphai to New Bazar Taxi/Jeep Service Wefare Assn pawlin Janglenphai CC Hall ah Feb 28, 2008 in Election-cum-Annual Meet nei ding uh a, Chief Guest in H. Haopu Khongsai,Chairman,KACA pang ding hi. Huai ah Guest of Honour in T. Haokip, Social Worker pang ding a, Functional President in Haopu Haokip,Social Worker pang ding hi.
Survey Officer in singtang phading
Mr.Anjan Roy Survey Officer, Survey of India in Thanlon leh Tipaimukh area ah State Boundary survey va bawl deka, 27th Feb 2008 in Lamka nusia in Singtanglam zuan in zinkhe ding hi.
FCS Godown ah antang hawmkhia
Headquarter Veng a om FCS Godown ah tuni zinglam dak 10:30 apat in 58 A/C nuai a Agent te ading antang Feb 2008 quota kihawm khia hi. Akihawm ma in M.Ginzasuan DSO/CCpur in hawnkhiakna nei masa hi.Abeimatan kihawm zawm jel ding hi’n thutut kingah hi.
Rickshaw in Memcha phukha
Memcha (50) w/o Mangonganbi of Ngathal tuni zing dak 7:30 vel in AG School gei ah rickshaw in phukha a, alu, akawng guh nasa in Dist.Hospital ah etkawl in om hi.
Rs 90,000 cheque hawmkhiak hinawn
District Health Society, Town Area nuai Village Health & Sanitation Committee 9 te ading in Rs.90,000 cheque tuni in hawmkhiak hinawn hi.
PTC Lamka Block election zou
Paite Tribe Council Headquarter Office, Lamka tung ah tuni zinglam dak 10:30 in PTC Lamka Block Election 2008-2011 neih in awm hi. Huai ah mi 9 in nomination file ua, tuhtu omlou in ching vek uhi. Amau 2nd March 2008 sun nung in PTC HQ Office ah charge kipiakna leh portfolio kilep na nei ding uhi. Tuabangkalah, 29th Feb.2008 zinglam dak 11 apat in PTC HQ Office ah PTC HQ CWC meeting poimawhtak nei ding uhi. Huai ah 53th Annual Assembly-cum-Election 2008 neih ding thu tel in thu poimawh tamtak kikum khawm ding uhi.
Street Light 44 hawngpai thak ding
Saikot A/C leh CCpur A/C azat ding Street light Post 44 hawng pai dinga, tu’n post 12 Lamka hawngtung ta hi. Koimun azat ding chihbel Minister te thu hiding hi’n kigen hi. Huaiban ah COHSEM leh HSLC exam kipan dekta a, Electrict ginalou deuhdeuh a, exam peding student te hehpih huaitak in om lel uhi. CCpur District in 20 MW val apoimawh lai in tulel in 10 MW leng kitang zoulou hi. Electrict Dept.CCpur te’n leng ahihtheih uh bangmah awmloua, Electrict sawtdeuh i ngahtheih nang un, heutu, makai te’n Power Minister kiang ah ngetna kinei leh phatuam pen ding ahihdan Khampu Hatzaw AE/Electricity Dept apat in kiza hi.
Competition tuamtuam neih hiding
Kaikhanlian Guite DI/CCpur makaih in CCpur Block sung a Govt.School awmte ading in hongtung ding 6th March 2008 apat in Vimala Raina Govt.High School ah competition tuamtuam saiding uhi. Essay writing & Quiz class VI-VIII te a ding hi dinga, Drawing & painting ah group A ah class I & II, group B ah class III –V, group C ah class VI-VIII, Inter School level Cultural dance ah class I –VIII te hi ding uhi. 7th March 2008 in Games & Sports, Exhibition awm ding a, 8th March 2008 in Lamka Public Ground ah pasal te ading in football kimawl na om ding hi.
James Imphal tut in om
Police apat kizadan in 140 Bn BSF ten 24th Feb 2008 nitak dak 9:30 in Mr. Haobijam James Singh (42) s/o H.Leibakamacha Singh of Zenhang Lamka UNLF outfit a Fin.Secy hiding a a muanmawh ziak un man uh a, tuni’n police Remand in Imphal ah koihsuk ua, March 1, 2008 tan police custody ah om ding hi.
DC/CCPur in Tahiti lei hawnkhia
Rengkai mipi te’n NREGS 2007-2008 a, abawl uh Tahiti Bridge Rs.1,10,000 beia kibawl DC/CCpur in hawng khia hi. DC in athugen na ah Lei kihawng khia in NREGS nasep alawhchin dan en saka, Rengkai mipi’n nahoihtaka sem, hun tawmchik sunga nathupi tak azawh uh pahtak huai asakthu leng gen hi. Dr.N.K Sinha Asst.Commissioner NREGA in ahong visit lai in Rengkai khua a NREGS nasema kuana naudawn tute awmnang kilam en in a Mobile in la a, Centre Government ah athawt ban ah National Calendar ah photo select ahihdan gen hi. DC CCPur Sumant Singh IAS in Nov.2007 apat nasep kipana, March 2008 tansunga ni 100 sepding haksa ahihdan gena, himahleh, March khatawp tan a ni 60/70 thaman piak hiding leh April 2008 khatawp tan ah ni 100 thaman piak hi ding in gen hi. Mautaam Kialpi ziak in Thanlon,Tipaimukh,Vangai Range area, ading in Special case in ni 100 thaman ding sum cheque pekhe zouta ahihdan leng gen DC in gen hi. DC in Muster roll leng hoihtak in enkhia a, mi 3 te kiang ah ni 2 nasep man sum leng pekhe ngal hi.
IMPHAL NEWS:
TD in Medical Board sitting hun suan
Imphal, Feb 26: Directorate of Tribal Development thusuak in tuni a ataklat dan in, National High way 39 Moreh Road a bandh om ziak in Medical board sitting hun ding hunchiam omlou a suan ahihdan taklang ua, ST financial Assistance ngente’n sitting om nawn hun ding a ngaihven uh ngaithak ding chihna suak hi.
B. Ed Final Exam form fill up theihta
Imphal, Feb 26: DM College of Teacher Education nuai a Bachelor of Education (B Ed) final year examination 2008 (Private & casual) pedekte’n tuni apan form fill up theihta a, March ni 5 tan in a submit kik uh ngai ding a, fine tel in March 15 2008 tan in submit kik thei ding uh hi’n kigen hi.
MSSA in Press te kimuhpih
Imphal, Feb 26: Hunchiam omlou a nuakna nei Manipur Secretariat Service Association a General Secretary makaih in tuni in MSSA makaite’n Press te tawh kimuhna nei ua, huai ah MSSA te’n haksatna atuah te uh genkhiakna nei uhi. MSSA General Secretary in agenna ah, Secretariat sung a nasem LDC apan a tunglamte minimum qualification Graduate ngen ahihdan gen in, IAS/IPS/IFS/MCS/MPS te tawh equivalent qualification ahihdan taklang ua, promotion basis a thil pailai pe’n State Government in a talkaih dek theihsiam lou uh ahihdan taklang uhi. Secretariat nuai a nasem himhim DPC tungtawn a ching ahihdan uleh, MPSC saina nuai a exam pete hi ua, RR Rule dungzui a sepna piak ahih ziak un, State Government in sawksau lua asakdan uh MSSA makaite’n taklang uhi.
Shyamjai Inn kong ah Grenade kikoih
Imphal, Feb 26: Tuni zingkal dak 5:30 vel ding in Manipur University a Finance Officer Shyamjai tenna Inn kong (Thongju Part II) ah meltheih louh pawlkhat in hand grenade khat va koih ua, a zi zingthou in va musuah hi. Police bomb expert te theihsak ahih dungzui in lakkhiak in om ngal hi.
Truck khat halsiat in om
Imphal, Feb 26: Zan nitak dak 10:30 vel ding in meltheihlouh pawlkhat in Tomato pua truck MN 01/7364 khat pikawi in, Nongpoik Sanjengbam Awang Leikai ah haltum sak uhi. Bangziak a haltum sak a om hiam chih bel theih hilou hi.
State level 2 days workshop om ding
Imphal, Feb 26: All Tribal Lawyers Association, Manipur leh Naga Peoples Movement for Human Rights te saina in Feb 28 & 29 2008 chiang in 2 Days State Level Consultation on Tribal’s land, Forest and Natural Resources kichi Tribal Research Institute, Adimjati, Chingmeirong, Imphal ah om ding a, huai hun ah telchiat ding in Manipur singtangmi a lunglut te leh leader tuamtuam te asaitute’n chialna bawl uhi.
Assembly in Demand tuamtuam 5 pass
Imphal, Feb-26: Manipur Assembly Budget Session ah tuni’n Department tuamtuam 5 in March 31, 2009 tana a zat ding uh Demand tuamtuam kigawm Rs. 67,70,467,000 pass uhi. Huaite bel
Demand No. 1-State Legislature Rs. 16,86,17,000
Demand No. 2-Council of Ministers Rs. 2,90,78,000
Demand No. 3-Secretariat Rs. 27,94,48,000
Demand No. 27-Election Rs. 9,06,01,000
Demand No. 30-General Economic Services & Planning Rs. 620,27,23,000
Exam sungin power regular din ngen
Imphal, Feb-26: MPP leader O. Joy,MLA in tuni’n Manipur Assembly Sessiuon ah “0” hour hun ah tulai in Manipur a electric (power) ginalou tungtang ah Govt in panlak poimawh hi a gen in panla ding in leng ngen hi. World Cup hunlai in leng govt in pan alak ziakin electric meivak hoihtak in pai a, tu’n leng maban ni tamlou chik sungin Class X & Class XII examna om ding ahihman in student-te khualna in exam hunsung beek govt in electric meivak hoihtaka paisak theihna dinga panla ding in govt ngen hi.
Commando te’n KCP(MC) 3 mankhia uh
Imphal, Feb-26: Imphal West Commando te’n tuni sunnung dak 2.30 velin Kwakeithel Heinoukhongnembi Lamdong akipan in KCP(MC) Finance Section asem M. Bhubon Sing(25) s/o M. Dhaneshwor Singh of Mongsangei Maning Leikai mankhia uh a, amah kipuanna apan in Mongsangei Boroimakhong akipan in KCP(MC) a Finance asem mah M. Tombi Meetei @ Atombi @ Baljit Singh(32) s/o M. Bokul Meetei of Mongsangei Mayai Leikai mankhia uhi.Huainung in KCP(MC) a Finance Section atel S. Bonyson Singh(25) s/o S. Hemba Singh of Mongsangei Mayai Leikai tuni’n a tenna inn apan mankhia uh chih Police thusuak om hi.
Manipur in Calamity fund Rs 5.89 cr ngah ding
New Delhi, Feb 26: Union Minister of State for Home Affairs V Radhika Selvi in Calamity Relief Fund (CRF) 2007-’08 akipan in Manipur in Rs 5.89 crore tang ding hi’n gen hi. Huai din Central Govt akipan contribution Rs 4.42 crore hiding a, State govt in a puakkhiak(contribute) ding Rs 1.47 crore hiding chi hi.
Union Minister in agenbehna ah Manipur a vuahzuk dan mumal lou leh tuilet ziak in Central in panpih ngai sa ahihdan leng gen hi. Theihkhawlh louh haksatna tuamtuam mipite’n athuak chiang un, state Govt in hutkhiakna na semngal ding ua, tuazawh in Central Govt kigolh pan ding hi’n gen hi. Calamity Relief Fund paidan in Central Govt leh state Govt in funding ratio 3:1 hiding chi’n Minister in gen hi.
March 26 in Rajya Sabha election om ding
New Delhi, Feb 26: Election Commission of India in North Eastern States tuamtuam Assam, Meghalaya, Manipur leh Arunachal Pradesh a Rajya Sabha(RS) election om hun ding puang hi. Huai state 4 apan RS member mi 6 tel hiding hi. EC thusuak in agendan in India a state 17 ah Rajya Sabha member ding tel hiding a, seat 56 ading telthak hiding hi. Assam ah RS member hilel Dwijendranath Sarma, Karnendu Bhattacharjee leh UG Brahma te hun (term) April 9 in beiding a, Arunachal Pradesh, Manipur leh Meghalaya apan RS member 1 chiat om a, amau hun leng beita ding ahihdan taklang uhi.
Manipur RS member Chief Minister lui Rishang Keshing hi a, Meghalaya RS member Robert Kharsing hi. Arunachal Pradesh RS member ahihleh Nabam Rebia ahi hi. EC Official notification dungzui in hiai state 17 te ah, March 26 in election om ding a, huai ding in March 15 tan nomination file theih ding a, March 19 tan in ki withdraw theih ding hi. Scrutiny bel March 20,2008 in om ding hi.
EDITORIAL:
Tuni Thupi: “A nak a kipanin meikhu a jamtou lunglunga, a kama pawt mei in a kang juajua a, huai in meihol leng a hih kuang phomphom hi: Sam 18: 8
Thubuai 2 apan Manipur Govt. a suakta diam?
India state teng lak a thiltung tuamtuam leh buaina om tamna pen Manipur mah hiding in gintak huai a, State Government ading in lung ap huai leh lu nat huai thei mahmah ding in kilang hi. Manipur ah hun bangtan hiam paisa in Armed Forces Special Power Act, Manorama, Dam, NIT leh issue tamtak ah state Government phil in om sek a, himahleh, Manipur Chief Minister te himhim buaina khetdaih leh makaite khemkhiak siam aihh dungzui un, buaina tamtak Manipur a kek zaak taktak ta de aw i chih chiang in leng, a hon beeng dai thei zel uhi.
Ahi a, tutung a Manipur a buaina issue thupi taktak om te apan Manipur Government a bang chi tawmkai dia chih theih haksa mahmah ding in kilang hi. NPCC Election Manifesto en zual le hang, Nagaland ah March 5 in Assembly election om ding hi. Nagaland Pradesh Congress Committee in chik mah a Manifesto dia a zat ngeilouh uh 1960 kum a Naga Peoples Convention leh Central Government in kilemna point 16 a bawlte uh hon pholhthak mawk in, Manifesto ding in honzang ua, AICC in leng pompih mawk hi. Hiai thil bangchidan a hong om thei hiam chih chiangtak in thei kei mah le hang, NSCN IM demand tawh kibang ahih ziak in, NSCN IM te mitmei etna a, NPCC in manifesto dia a koih uh hidingin gintak huai hi.
Hiai in Manipur Government leh Civil society tuamtuam te su thang pai mahmah in, bangziak a AICC in hiai Manifesto pompih uhiam chih dotna bawl kawm in, a thangpaih thu uh AICC high command tanpha tunkhinta uhi. Manipur in deihkhawp in nang mah leh, AICC in Manifesto zukkik lou ding uh ahihdan AICC makai Margaret Alva in gen hi. Manipur in koilam a ngata dia?. Manipur Naga bial a UNC tungtawn a telching a om Danny Shaiza, Dr Khashim Ruivah, K Raina, Wungnaoshang Keishing leh Awangbou Newmai in NPCC Manifesto pe’n gum uh ahihdan gen in, Opposition MLA O Joy in private member resolution bill apuaklut maimai bang dia House in pom mawk thei ahia chih dotna bawl uhi. Huaiziak in, Naga MLA 5 te hangsantak a pang uh ahihman in, Chief Minister ading in leng lungnat huai zou hial ding bang hi. Mipi sousang tak a om lel ahihna ah, hiai buaina apan State Government bangchi paisuak ding hiam chih buaihuai mahmah ding in kilang hi. Nagaland ah NPCC in Government bang hon bawl zouta le uh, a Manifesto dungzui a apai uh ngai ding ahih man in, Manipur gam leh leitang a keek nang nai hiaihiai a hi diam? chih theih in om hi. 16 Points Agreement Clause 13 dungzui in, Assam leh Manipur a keek ding chih chiang mahmah hi.
Congress MLA E Kunjeshore in Naga MLA 5 te tung ah legal action la ding in Speaker kiang ah ngen a, Assembly in thupukna alak amau a kalhna ding uh omlou ahi chi hi. Hiai buaina i et vengveng chiang in, Congress sungthu ngen hi a, AICC/NPCC leh MPCC hi masapen a, tu’n State Assembly budget session pailel in buaipih mahmah a, ni bangzah nung chiang in, Manipur mipi’n kongzing ah a ki tom pih nawn dia chih theih hilou lai hi. Tuateng ban ah, Naga MLA 5 te thugen khauh mahmah ahih ziak in, Chief Minister in atung uah action ala ngam diam chih leng theih haksa mahmah hi.
Manipur ah buaina kichi in ven ni nei ngeilou ding mah bang in, a neu pen apan alianpen tan issue om vek mah bang in kilang hi. Manipur University leng a na duai tuanlou in, All Tribal Students’ Union, Manipur (ATSUM) leh Manipur University Tribal Students’ Union (MUTSU) in March 1 apan tribal student teng lakhe ding uh ahihdan Government ah vauna pekhin ta uhi.
Singtangmite’n a hamphatna ding zah uh ngah lou uh chih ziak in, singtangmi sinlaite kiphin dek uh ahi hi. ATSUM leh MUTSU in Manipur University tungthu ah bangzah vei kiphinna anei kha ta di ua? Amaute kiphinna in State Government leh Central Government dengpha lou ahihleh, March 1 2008 apan Singtangmi student om teng in i pawtkhiak san ua, Phaizang mi ngen in University a opkhum uh hoih zaw mailou ding hia chih ngaihdan om thei mah hi. Huaiziak in, hiai thiltung te’n Government bil a sik khak bat kei leh, mitnauta tanpha ah leng hon en nawnlou uh chih a chiang na hilel mailou ding hia chih theih in om hi. Siamsinna Inn beek a ki tuamkhen louh hamham State Government in a sawm deih huai hi.
Hiai issue nih NPCC Manifesto leh Manipur University case lou leng buaina tamtak a om. Bangziak a Manipur ah kiphinna hichi zahta a tam lawmlawm adi? Imphal iva hoh chiang in, lampi nawl ah nuakna nei a a tu muh ding om gige mai, vaihawmtu kikheng in, Government sangkhat vei ki lumlet in, ki kheng mah le leng, Manipur zaw a ngeingei mah in om tawn tung ding in kilang ta hi.
www.manipurexpress.com
Lamka, Feb 26: Churachandpur District Students’ Union (CDSU) in tuni in Bungmual Tanky ZoneII apat tuikai te mihing ading in nektak loua, Department bangziak a tuni tan daidide a om uhiam chih etzuina nei ua, tua ban ah, Churachandpur District Hospital building kibawl lel leng etkhiakna neiding in, huai ah building ki bawl lel sub standard ahihdan musuah uhi.
CCPur mipite tuineek, Zone I, II leh III kichi in khen in om a, Zone I ahihleh, soisel bei ta dihlai a, Zone III Khuga hi a, Zone II pe’n tudin mun in a buaihuai pe’n hi’n kigen hi. Public Health and Engineering Department, Churachandpur Division te’n a mawhpuakna uh a etkai ginatlouh ziak un tuni sunnung dak 12:30 in CDSU makaite’n PHED/CCPur Division office etkhiakna va nei in, duhdaklou sakna ziak in chabi in office vakalhsak ua, mipi tui dawn ding tuisiang apiak ma uh office hunchiam omlou a kalh ding uh ahihdan kigen hi.
PHED/CCPur Division a Executive Engineer ahihleh, Bipin Singh hi a, ama Office kawngkhak a CDSU in lehkha taak in huai ah mipite tung damtheih huai tuisiang peding in ngen ua, CDSU ngetna tantun ahihma a office khak ding uh ahihdan leng taklang uh chih ahi. Bipin Singh ahihleh, tukum 2008 sung in office nihvei, thumvei lel kai hidanin a seppihte’n gen ua, Imphal ah Chief Enginer inn gei ah PHED/CCpur Division office hawngkhia in huai mun ah office kai in nasema hidan in gen ua, tulel in PHED Staff ¾ khawng lel office kai uhi.
Tuabanah, CDSU te’n Churachandpur District Hospital OPD main building kilam thak paitou lel etkhiakna nitaklam dak 1 in nei uh a, a khuam (pillar) kibawl lel leng zattak louh ahihdan musuah uhi. Building thak a pillar kibawlte khe a i suih maimai le leng, sengal a, suanghum kizanglou in balu single kizanga, cement leh Khuga leingawi kisawplou 1: 6 ratio kizang hi’n musuah uhi. Hiai building contractor tu ahih leh Sanatomba of Imphal hia, Headmistry ahihleh Manikanta of Khoyathong Imphal te hi uhi. Building baang (wall) plaster nang ah Khuga leingawi sawplouh mah zang uh a, cement bucket 1 leh leingawi bucket 6 (1:6) zang in plaster bawl uhi. Tunung sawtlou a achip zaak a mipi a delh lup ding le lauhthawng huai hial hi’n kigen hi. Inntung khuhna dia kizang langva bangzah hiam te Aartisuraksha kigelh in pan petmah a, gial (storm) in a deng vang ding leng lauh thawng huai hial hi’n kigen hi. Tuma zek in hiai building thak lamna bul a pillar kichim ah mi khat delhlup khak in om ngeita hi.
Exam Centre kim ah 144 Cr PC koih
Lamka, Feb-25: CHSEM saina in February 29, 2008 akipan in March March 19, 2008 sung Class XI/XII (Arts/Sc /Com) exam,2008 om ding in a, Lamka ah CCpur College, Lamka College leh JNV/Tuinom ah student-te exam ding uhi. BSEM saina in March 3- 18, 2008 sung High School Leaving Certificate Exam-2008) om ding a, Rayburn H/S leh JNV/Tuinom ah candidate-te exam ding uhi. Examna buailou leh siangthou taka sai deihna in Dist Magistrate/CCpur in Feb 29 apan April 2,2008 sung zingsang dak 8.00 pan nitaklam dak 4.30 kikal exam centre kimkot metre 100 huamsung ah 144 Cr PC koih thu puang hi.
Taxi/Jeep Service Assn Annual Meet
Lamka, Feb-25: Monglenphai to New Bazar Taxi/Jeep Service Wefare Assn pawlin Janglenphai CC Hall ah Feb 28, 2008 in Election-cum-Annual Meet nei ding uh a, Chief Guest in H. Haopu Khongsai,Chairman,KACA pang ding hi. Huai ah Guest of Honour in T. Haokip, Social Worker pang ding a, Functional President in Haopu Haokip,Social Worker pang ding hi.
Survey Officer in singtang phading
Mr.Anjan Roy Survey Officer, Survey of India in Thanlon leh Tipaimukh area ah State Boundary survey va bawl deka, 27th Feb 2008 in Lamka nusia in Singtanglam zuan in zinkhe ding hi.
FCS Godown ah antang hawmkhia
Headquarter Veng a om FCS Godown ah tuni zinglam dak 10:30 apat in 58 A/C nuai a Agent te ading antang Feb 2008 quota kihawm khia hi. Akihawm ma in M.Ginzasuan DSO/CCpur in hawnkhiakna nei masa hi.Abeimatan kihawm zawm jel ding hi’n thutut kingah hi.
Rickshaw in Memcha phukha
Memcha (50) w/o Mangonganbi of Ngathal tuni zing dak 7:30 vel in AG School gei ah rickshaw in phukha a, alu, akawng guh nasa in Dist.Hospital ah etkawl in om hi.
Rs 90,000 cheque hawmkhiak hinawn
District Health Society, Town Area nuai Village Health & Sanitation Committee 9 te ading in Rs.90,000 cheque tuni in hawmkhiak hinawn hi.
PTC Lamka Block election zou
Paite Tribe Council Headquarter Office, Lamka tung ah tuni zinglam dak 10:30 in PTC Lamka Block Election 2008-2011 neih in awm hi. Huai ah mi 9 in nomination file ua, tuhtu omlou in ching vek uhi. Amau 2nd March 2008 sun nung in PTC HQ Office ah charge kipiakna leh portfolio kilep na nei ding uhi. Tuabangkalah, 29th Feb.2008 zinglam dak 11 apat in PTC HQ Office ah PTC HQ CWC meeting poimawhtak nei ding uhi. Huai ah 53th Annual Assembly-cum-Election 2008 neih ding thu tel in thu poimawh tamtak kikum khawm ding uhi.
Street Light 44 hawngpai thak ding
Saikot A/C leh CCpur A/C azat ding Street light Post 44 hawng pai dinga, tu’n post 12 Lamka hawngtung ta hi. Koimun azat ding chihbel Minister te thu hiding hi’n kigen hi. Huaiban ah COHSEM leh HSLC exam kipan dekta a, Electrict ginalou deuhdeuh a, exam peding student te hehpih huaitak in om lel uhi. CCpur District in 20 MW val apoimawh lai in tulel in 10 MW leng kitang zoulou hi. Electrict Dept.CCpur te’n leng ahihtheih uh bangmah awmloua, Electrict sawtdeuh i ngahtheih nang un, heutu, makai te’n Power Minister kiang ah ngetna kinei leh phatuam pen ding ahihdan Khampu Hatzaw AE/Electricity Dept apat in kiza hi.
Competition tuamtuam neih hiding
Kaikhanlian Guite DI/CCpur makaih in CCpur Block sung a Govt.School awmte ading in hongtung ding 6th March 2008 apat in Vimala Raina Govt.High School ah competition tuamtuam saiding uhi. Essay writing & Quiz class VI-VIII te a ding hi dinga, Drawing & painting ah group A ah class I & II, group B ah class III –V, group C ah class VI-VIII, Inter School level Cultural dance ah class I –VIII te hi ding uhi. 7th March 2008 in Games & Sports, Exhibition awm ding a, 8th March 2008 in Lamka Public Ground ah pasal te ading in football kimawl na om ding hi.
James Imphal tut in om
Police apat kizadan in 140 Bn BSF ten 24th Feb 2008 nitak dak 9:30 in Mr. Haobijam James Singh (42) s/o H.Leibakamacha Singh of Zenhang Lamka UNLF outfit a Fin.Secy hiding a a muanmawh ziak un man uh a, tuni’n police Remand in Imphal ah koihsuk ua, March 1, 2008 tan police custody ah om ding hi.
DC/CCPur in Tahiti lei hawnkhia
Rengkai mipi te’n NREGS 2007-2008 a, abawl uh Tahiti Bridge Rs.1,10,000 beia kibawl DC/CCpur in hawng khia hi. DC in athugen na ah Lei kihawng khia in NREGS nasep alawhchin dan en saka, Rengkai mipi’n nahoihtaka sem, hun tawmchik sunga nathupi tak azawh uh pahtak huai asakthu leng gen hi. Dr.N.K Sinha Asst.Commissioner NREGA in ahong visit lai in Rengkai khua a NREGS nasema kuana naudawn tute awmnang kilam en in a Mobile in la a, Centre Government ah athawt ban ah National Calendar ah photo select ahihdan gen hi. DC CCPur Sumant Singh IAS in Nov.2007 apat nasep kipana, March 2008 tansunga ni 100 sepding haksa ahihdan gena, himahleh, March khatawp tan a ni 60/70 thaman piak hiding leh April 2008 khatawp tan ah ni 100 thaman piak hi ding in gen hi. Mautaam Kialpi ziak in Thanlon,Tipaimukh,Vangai Range area, ading in Special case in ni 100 thaman ding sum cheque pekhe zouta ahihdan leng gen DC in gen hi. DC in Muster roll leng hoihtak in enkhia a, mi 3 te kiang ah ni 2 nasep man sum leng pekhe ngal hi.
IMPHAL NEWS:
TD in Medical Board sitting hun suan
Imphal, Feb 26: Directorate of Tribal Development thusuak in tuni a ataklat dan in, National High way 39 Moreh Road a bandh om ziak in Medical board sitting hun ding hunchiam omlou a suan ahihdan taklang ua, ST financial Assistance ngente’n sitting om nawn hun ding a ngaihven uh ngaithak ding chihna suak hi.
B. Ed Final Exam form fill up theihta
Imphal, Feb 26: DM College of Teacher Education nuai a Bachelor of Education (B Ed) final year examination 2008 (Private & casual) pedekte’n tuni apan form fill up theihta a, March ni 5 tan in a submit kik uh ngai ding a, fine tel in March 15 2008 tan in submit kik thei ding uh hi’n kigen hi.
MSSA in Press te kimuhpih
Imphal, Feb 26: Hunchiam omlou a nuakna nei Manipur Secretariat Service Association a General Secretary makaih in tuni in MSSA makaite’n Press te tawh kimuhna nei ua, huai ah MSSA te’n haksatna atuah te uh genkhiakna nei uhi. MSSA General Secretary in agenna ah, Secretariat sung a nasem LDC apan a tunglamte minimum qualification Graduate ngen ahihdan gen in, IAS/IPS/IFS/MCS/MPS te tawh equivalent qualification ahihdan taklang ua, promotion basis a thil pailai pe’n State Government in a talkaih dek theihsiam lou uh ahihdan taklang uhi. Secretariat nuai a nasem himhim DPC tungtawn a ching ahihdan uleh, MPSC saina nuai a exam pete hi ua, RR Rule dungzui a sepna piak ahih ziak un, State Government in sawksau lua asakdan uh MSSA makaite’n taklang uhi.
Shyamjai Inn kong ah Grenade kikoih
Imphal, Feb 26: Tuni zingkal dak 5:30 vel ding in Manipur University a Finance Officer Shyamjai tenna Inn kong (Thongju Part II) ah meltheih louh pawlkhat in hand grenade khat va koih ua, a zi zingthou in va musuah hi. Police bomb expert te theihsak ahih dungzui in lakkhiak in om ngal hi.
Truck khat halsiat in om
Imphal, Feb 26: Zan nitak dak 10:30 vel ding in meltheihlouh pawlkhat in Tomato pua truck MN 01/7364 khat pikawi in, Nongpoik Sanjengbam Awang Leikai ah haltum sak uhi. Bangziak a haltum sak a om hiam chih bel theih hilou hi.
State level 2 days workshop om ding
Imphal, Feb 26: All Tribal Lawyers Association, Manipur leh Naga Peoples Movement for Human Rights te saina in Feb 28 & 29 2008 chiang in 2 Days State Level Consultation on Tribal’s land, Forest and Natural Resources kichi Tribal Research Institute, Adimjati, Chingmeirong, Imphal ah om ding a, huai hun ah telchiat ding in Manipur singtangmi a lunglut te leh leader tuamtuam te asaitute’n chialna bawl uhi.
Assembly in Demand tuamtuam 5 pass
Imphal, Feb-26: Manipur Assembly Budget Session ah tuni’n Department tuamtuam 5 in March 31, 2009 tana a zat ding uh Demand tuamtuam kigawm Rs. 67,70,467,000 pass uhi. Huaite bel
Demand No. 1-State Legislature Rs. 16,86,17,000
Demand No. 2-Council of Ministers Rs. 2,90,78,000
Demand No. 3-Secretariat Rs. 27,94,48,000
Demand No. 27-Election Rs. 9,06,01,000
Demand No. 30-General Economic Services & Planning Rs. 620,27,23,000
Exam sungin power regular din ngen
Imphal, Feb-26: MPP leader O. Joy,MLA in tuni’n Manipur Assembly Sessiuon ah “0” hour hun ah tulai in Manipur a electric (power) ginalou tungtang ah Govt in panlak poimawh hi a gen in panla ding in leng ngen hi. World Cup hunlai in leng govt in pan alak ziakin electric meivak hoihtak in pai a, tu’n leng maban ni tamlou chik sungin Class X & Class XII examna om ding ahihman in student-te khualna in exam hunsung beek govt in electric meivak hoihtaka paisak theihna dinga panla ding in govt ngen hi.
Commando te’n KCP(MC) 3 mankhia uh
Imphal, Feb-26: Imphal West Commando te’n tuni sunnung dak 2.30 velin Kwakeithel Heinoukhongnembi Lamdong akipan in KCP(MC) Finance Section asem M. Bhubon Sing(25) s/o M. Dhaneshwor Singh of Mongsangei Maning Leikai mankhia uh a, amah kipuanna apan in Mongsangei Boroimakhong akipan in KCP(MC) a Finance asem mah M. Tombi Meetei @ Atombi @ Baljit Singh(32) s/o M. Bokul Meetei of Mongsangei Mayai Leikai mankhia uhi.Huainung in KCP(MC) a Finance Section atel S. Bonyson Singh(25) s/o S. Hemba Singh of Mongsangei Mayai Leikai tuni’n a tenna inn apan mankhia uh chih Police thusuak om hi.
Manipur in Calamity fund Rs 5.89 cr ngah ding
New Delhi, Feb 26: Union Minister of State for Home Affairs V Radhika Selvi in Calamity Relief Fund (CRF) 2007-’08 akipan in Manipur in Rs 5.89 crore tang ding hi’n gen hi. Huai din Central Govt akipan contribution Rs 4.42 crore hiding a, State govt in a puakkhiak(contribute) ding Rs 1.47 crore hiding chi hi.
Union Minister in agenbehna ah Manipur a vuahzuk dan mumal lou leh tuilet ziak in Central in panpih ngai sa ahihdan leng gen hi. Theihkhawlh louh haksatna tuamtuam mipite’n athuak chiang un, state Govt in hutkhiakna na semngal ding ua, tuazawh in Central Govt kigolh pan ding hi’n gen hi. Calamity Relief Fund paidan in Central Govt leh state Govt in funding ratio 3:1 hiding chi’n Minister in gen hi.
March 26 in Rajya Sabha election om ding
New Delhi, Feb 26: Election Commission of India in North Eastern States tuamtuam Assam, Meghalaya, Manipur leh Arunachal Pradesh a Rajya Sabha(RS) election om hun ding puang hi. Huai state 4 apan RS member mi 6 tel hiding hi. EC thusuak in agendan in India a state 17 ah Rajya Sabha member ding tel hiding a, seat 56 ading telthak hiding hi. Assam ah RS member hilel Dwijendranath Sarma, Karnendu Bhattacharjee leh UG Brahma te hun (term) April 9 in beiding a, Arunachal Pradesh, Manipur leh Meghalaya apan RS member 1 chiat om a, amau hun leng beita ding ahihdan taklang uhi.
Manipur RS member Chief Minister lui Rishang Keshing hi a, Meghalaya RS member Robert Kharsing hi. Arunachal Pradesh RS member ahihleh Nabam Rebia ahi hi. EC Official notification dungzui in hiai state 17 te ah, March 26 in election om ding a, huai ding in March 15 tan nomination file theih ding a, March 19 tan in ki withdraw theih ding hi. Scrutiny bel March 20,2008 in om ding hi.
EDITORIAL:
Tuni Thupi: “A nak a kipanin meikhu a jamtou lunglunga, a kama pawt mei in a kang juajua a, huai in meihol leng a hih kuang phomphom hi: Sam 18: 8
Thubuai 2 apan Manipur Govt. a suakta diam?
India state teng lak a thiltung tuamtuam leh buaina om tamna pen Manipur mah hiding in gintak huai a, State Government ading in lung ap huai leh lu nat huai thei mahmah ding in kilang hi. Manipur ah hun bangtan hiam paisa in Armed Forces Special Power Act, Manorama, Dam, NIT leh issue tamtak ah state Government phil in om sek a, himahleh, Manipur Chief Minister te himhim buaina khetdaih leh makaite khemkhiak siam aihh dungzui un, buaina tamtak Manipur a kek zaak taktak ta de aw i chih chiang in leng, a hon beeng dai thei zel uhi.
Ahi a, tutung a Manipur a buaina issue thupi taktak om te apan Manipur Government a bang chi tawmkai dia chih theih haksa mahmah ding in kilang hi. NPCC Election Manifesto en zual le hang, Nagaland ah March 5 in Assembly election om ding hi. Nagaland Pradesh Congress Committee in chik mah a Manifesto dia a zat ngeilouh uh 1960 kum a Naga Peoples Convention leh Central Government in kilemna point 16 a bawlte uh hon pholhthak mawk in, Manifesto ding in honzang ua, AICC in leng pompih mawk hi. Hiai thil bangchidan a hong om thei hiam chih chiangtak in thei kei mah le hang, NSCN IM demand tawh kibang ahih ziak in, NSCN IM te mitmei etna a, NPCC in manifesto dia a koih uh hidingin gintak huai hi.
Hiai in Manipur Government leh Civil society tuamtuam te su thang pai mahmah in, bangziak a AICC in hiai Manifesto pompih uhiam chih dotna bawl kawm in, a thangpaih thu uh AICC high command tanpha tunkhinta uhi. Manipur in deihkhawp in nang mah leh, AICC in Manifesto zukkik lou ding uh ahihdan AICC makai Margaret Alva in gen hi. Manipur in koilam a ngata dia?. Manipur Naga bial a UNC tungtawn a telching a om Danny Shaiza, Dr Khashim Ruivah, K Raina, Wungnaoshang Keishing leh Awangbou Newmai in NPCC Manifesto pe’n gum uh ahihdan gen in, Opposition MLA O Joy in private member resolution bill apuaklut maimai bang dia House in pom mawk thei ahia chih dotna bawl uhi. Huaiziak in, Naga MLA 5 te hangsantak a pang uh ahihman in, Chief Minister ading in leng lungnat huai zou hial ding bang hi. Mipi sousang tak a om lel ahihna ah, hiai buaina apan State Government bangchi paisuak ding hiam chih buaihuai mahmah ding in kilang hi. Nagaland ah NPCC in Government bang hon bawl zouta le uh, a Manifesto dungzui a apai uh ngai ding ahih man in, Manipur gam leh leitang a keek nang nai hiaihiai a hi diam? chih theih in om hi. 16 Points Agreement Clause 13 dungzui in, Assam leh Manipur a keek ding chih chiang mahmah hi.
Congress MLA E Kunjeshore in Naga MLA 5 te tung ah legal action la ding in Speaker kiang ah ngen a, Assembly in thupukna alak amau a kalhna ding uh omlou ahi chi hi. Hiai buaina i et vengveng chiang in, Congress sungthu ngen hi a, AICC/NPCC leh MPCC hi masapen a, tu’n State Assembly budget session pailel in buaipih mahmah a, ni bangzah nung chiang in, Manipur mipi’n kongzing ah a ki tom pih nawn dia chih theih hilou lai hi. Tuateng ban ah, Naga MLA 5 te thugen khauh mahmah ahih ziak in, Chief Minister in atung uah action ala ngam diam chih leng theih haksa mahmah hi.
Manipur ah buaina kichi in ven ni nei ngeilou ding mah bang in, a neu pen apan alianpen tan issue om vek mah bang in kilang hi. Manipur University leng a na duai tuanlou in, All Tribal Students’ Union, Manipur (ATSUM) leh Manipur University Tribal Students’ Union (MUTSU) in March 1 apan tribal student teng lakhe ding uh ahihdan Government ah vauna pekhin ta uhi.
Singtangmite’n a hamphatna ding zah uh ngah lou uh chih ziak in, singtangmi sinlaite kiphin dek uh ahi hi. ATSUM leh MUTSU in Manipur University tungthu ah bangzah vei kiphinna anei kha ta di ua? Amaute kiphinna in State Government leh Central Government dengpha lou ahihleh, March 1 2008 apan Singtangmi student om teng in i pawtkhiak san ua, Phaizang mi ngen in University a opkhum uh hoih zaw mailou ding hia chih ngaihdan om thei mah hi. Huaiziak in, hiai thiltung te’n Government bil a sik khak bat kei leh, mitnauta tanpha ah leng hon en nawnlou uh chih a chiang na hilel mailou ding hia chih theih in om hi. Siamsinna Inn beek a ki tuamkhen louh hamham State Government in a sawm deih huai hi.
Hiai issue nih NPCC Manifesto leh Manipur University case lou leng buaina tamtak a om. Bangziak a Manipur ah kiphinna hichi zahta a tam lawmlawm adi? Imphal iva hoh chiang in, lampi nawl ah nuakna nei a a tu muh ding om gige mai, vaihawmtu kikheng in, Government sangkhat vei ki lumlet in, ki kheng mah le leng, Manipur zaw a ngeingei mah in om tawn tung ding in kilang ta hi.
www.manipurexpress.com
No comments:
Post a Comment