Diesel omlouh ziak in Phone pailou: Bank in nasem theilou
Lamka, Feb 23: Chiengkonpang a om Bharat Sangam Nigam Limited (BSNL) Telephone Exchange in, thautui diesel aneih louh ziak un, February 20 2008 apan machine teng khawlsak vek ua, huai ziak in, telephone landline, BSNL Mobile leh BSNL tungtawn a Internet connection om teng sevek hi. Diesel om louh ziak in, ni 3 phial bang communication network zattheih louhin om a, tu nitaklam in diesel a muh zenzen ziak un, ngeina bang in hong painawn ta hi.
Junior Telecom Officer Ibomcha in agenna ah, electric ginatlouh ziak in, a battery teng uh down vekta in, minute 30 lel leng daihzou lou ding in om a, tua ziak in, machine katsiat ding venna tawh line om teng a off vek uh ahihdan gen hi. Tulel in Lamka a telephone exchange in khakhat in diesel litre 1300/1400 bang poimawh gige a, himahleh, diesel man a piak zekai theih luat ziak un oil pump te’n leng nikhat in Litre 55 lel khawng pekhe sek uh hi’n kigen hi.
JTO in agenbehna ah, BSNL Singngat tower, Hmar veng tower leh Telephone exchange ading in thautui tamtak poimawh gige uh ahihdan gen hi. Jaso Banta SDO/SDE kiang ah thautui poimawh dan tamvei tak tut himahleh, sum ginatak a apiak louh ziak in telephone exchange in haksatna tamtak tuaksek hi’n leng kigen a, SDO/SDE in kal khat in nih vei khawng lel a office hongpha sek hi’n leng thusuak kingah hi. BSNL Microwave a staff te gendan in, SDE Herojit in Lamka, Moreh leh mun tuamtuam pawkhawm a, microwave a siat hun in hong bawl zel ahihdan gen ua, amau generator nih zang in, thautui leng nei ua, himahleh, telephone exchange in a off chiang in mobile function lou ahihdan gen ua, BTS Problem ziak in leng BSNL mobile buaizel ahi chi uhi.
Churachandpur telephone exchange a thautui omlouh ziak in, State Bank of India Churachandpur branch nasepna leng buai in, February 22 leh 23 in transaction himhim pailou hi. Bungmual leh mun tuamtuam ah telephone gui a ki guuk mang ziak in, kha 3 val bang telephone pailou hi ta a, Department in leng a guithak khungtuan lou in, telephone zat theih louh in om a, a bill (khateng rental) bel khateng in pai veve hi’n kigen hi.
KIM in KKL GHQ phiat
Lamka, Feb 23: Kuki Inpi Manpur (KIM) thusuak kingah dan in, Kuki Khanglai Lawmpi General Headquarter te’ term a bei tawh kiton in, tuni Feb 23 nitaklam dak 5 in KKL GHQ ki vaipuakna phiat (dissolved) ahihdan puang uhi. KKL Daanbupi dungzui in, KIM in March 7, 2008 in KKL Complex, IB Road, ah General Election cum Meeting nei ding ua, huai ma teng Thangjang Haokip, Vice President (I/c Adm & Election) in mawhpuakna bangkim la ding a, office bearer hilel te’n Feb 27 tan a ama khut ah van aneih teng uh a piaklut uh ngai ding hi’n KIM thusuak in taklang hi.
Doctor 4 pension ding uh
Lamka, Feb-23: District Hospital a Medical Superintendent office Staff te’n Feb. 25, 2008 sunnung dak 2 in Dist.Hospital OPD ah Dr.M.Lachinkhai, Medical Supt, Dr.T.Shoute, Deputy Supt.Dist Hospital leh Dr Dhananjoy, Child Specialist a sepna ua pan pension ding kha ding uhi. February 29, 2008 mah in Dr.Letkhogin Tombing, Medical Officer, Sinjawl PHC leng a sepna apan in retire ding hi.
Lamka a Oil Pump 2 kikhak
Lamka, Feb-23: All Manipur Petroleum Tanker Drivers’ Union pawlin a strike ziakun Manipur ah petrol, diesel leh SK Oil tanpha ni tamkuamtak paisa apan hong pawlut lou uh a, CCpur district ah leng thautui kitasam panta hi. Lamka khawpi a Oil Pump 2te ah leng thautui bangmah a omlouh ziakin tulai in khak uhi.
Mizo Upa pawlin Rs. 4,500 pia uh
Lamka, Feb-23: Singngat-Behiang lamlian a Ngasuan-lei ah Jan 17, 2008 a Gari accident ziaka si mi 23 leh aliamte panpihna ding in Mizo Upa Pawl, Manipur te’n Feb 18, 2008 in Sumant Singh,IAS, DC/CCpur kimuhpih in DC Relief Fund ading in Rs. 4500 pia uh a, DC/CCpur in leng Mizo Upa pawl a panpih theihna om phot ah panpih chiam a, kipak petmah uh ahihdan thutut kingah hi.
Village Health & Sanitation sum
Lamka, Feb-23 :District Health Society nuaia Parbung, Senvon, Patpuihmun, Thanlon, Sinzawl, Singngat, Behiang, Saikot, Sagang leh Henglep nuai a khaw tuamtuam 325 a Village Health & Sanitation Committee-te ading in cheque in aveka kigawm Rs.3,25,000 kihawmkhia a,kalnawn sung in Town Area ate kihawm nawn ding hi.
DC in VGB tamtak proposal bawl
Lamka, Feb-23: Sumant Singh, IAS, DC/CCpur in Village Grain Bank(VGB) omsate kidaihlou ding hi a thei in state govt ah VGB tamkhop hon behlapna ding in additional proposal tamtak bawl sawm a, tulai in M.Ginzasuan, DSO(FCS) in a list ding bawl lel hi. Huai bawl zawh ahih hunhun in DC/Ccpur in Imphal ah thon ding hi.
Rengkai H/S ah Workshop om
Lamka, Feb-23: Social Welfare Dept/CCpur leh S.Vanlalruala, Headmaster, Rengkai Govt High School-te saina in tuni’n Rengkai Govt High School ah Balkendra/CCpur ten Workshop nei uhi.Huai ah creative Arts, Awareness in Environment & Ecology leh Scientific Innovation thupi anei in students 140 vel sinsak uhi.
DLCC Meeting om ding
Lamka, Feb-23: DC/Ccpur office a Conference Hall ah March 7, 2008 sun dak 12:30 in DC/Ccpur makaihna in District Level Co-ordination Committee(DLCC) meeting om ding a, huai ah SDO/BDO leh district level officer teng kimtaka tel ding in DC/Ccpur office a Branch Officer in theisak hi.
YVA Kangvai Unit adia election
Lamka, Feb-23: Kangvai innpi ah tuni zinglam dak 7.00 akipan in dak 9.00 AM sung YVA Kangvai Unit election om a, member paikhawmte’n kum 2008 apan 2010 sung YVA Kangvai Unit a President ding in Khaiminlun leh Vice President ding in Soineilam telching uh ahihdan Election Committee in thusuah bawl uhi.
Dr N. Samte in suti la
Lamka, Feb-23:Dr.N.Samte in taksa hatlouhziak in Feb 25, 2008 apan in ni 30 sung leave la ding a, amah leave hunsung in Dr.Manisana Sing, MO in Dr.N.Samte duty ana enkolkhawm ding hi.
SUUNNA
#V.Kaigou(74)s/o (late) Lang-en of Vengnuam,New Lamka tuni zingsang in zeng natna ziakin si a, tuni mahin New Lamka hanmual ah kivui hi.
IMPHAL NEWS:
Ni 2 sung Bank Strike om ding
Imphal, Feb 23: All India Bank Strike in Feb 25 leh 26 a strike a sawm uh, United Forum of Bank Union in leng gupthu puang in, strike zom ding uh ahihdan gen uhi. Bank te’n ahihleh, Government kiang ah, Public sector Bank te laklutna a tawpsan ding uh, bank a post tuamtuam awngte hukdim mengmeng ding leh Staff te lawh tawh kisai sukfel meng ding chih te ban ah point tuamtuam demand pelut uhi.
Assam Rifles te’n UNLF cadre 6 kaplum
Imphal, Feb 23: 24th Assam Rifles te’n Indo-Myanmar border ah helpawlte om uh chih thu a zaak utawh kiton in delhzui ua, huai ah kikaptuahna thupitak piang in, UNLF cadre 6 kaplup in om a, galvan tamtak leng muhkhiak in om hi. Police thusuak in agendan in, Tuni zingkal dak 4:30 vel ding in Moreh apan Km 10 a gamla T Menou apan gamla lou gammang lak ah UNLF leh AR te kikaptuah ua, UNLF 6 in sihna tuak in, misite apan in AK 56-1, Magazine leh tang 50, M-16 Rifle 2, Mag leh tang 36, Bomb kapna Universal propel Grenade Launcher (UPGL) 1, Lethod bomb 1 leh empty case 3, 9 mm khat leh tang 9, Mag 1, 7.62 pistol 1, tang 8 leh Mag 1 ban ah Radio set 1 mukhia uhi.
NIT thubuai ah nupi 12 in liamna tuak
Imphal, Feb 23: Manipur Government in Lamphel leh Langgol kikal a Langol Tarung mun a National Institute of Technology, Manipur centre a tun khiak teitei sawm ziak in, kinawk tuahna thupitak om a, tuni in mi 12 in liam khawlawh uhi. Thusuak kingah dan in, tuni zinglam dak 11 vel ding in, Settlement Department nuai a Land eviction team in NIT gam ding tehkhiak sawm in kisa uh a, hiai thu Joint Action Committee pawl in azak un delhzui ngal ua, kinawk tuahna thupitak piang hi.
JAC in ahihleh, hiai mun a building tunkhiak ding phallou in deihkhawp in nang uhi. Hiai thubuai zaak ahih in, IRB, Police leh Police numei tamtak in buaina mun delh ngal uh a, security te’n JAC member te tuilou lak khawng a nawhzaak in chiangpum in sat ua, huai ah numei 12 in liamna tuak in, Shija Hospital ah etkol in om lel uhi. Liamna tuakte ahihleh, Kimboi (40), Lalam (30), Anieng (37), Ahat (38), Lhingboi (22), Anei (33), Hekim Chongloi (48), Thiemboi (24), Titing (30), Nemboi (35), Akim (40) leh Mrs Haokip (39) hi’n kigen hi. Security te’ venbitna nuai ah Land eviction team in gam the thouthou uhi.
Khadi Exhibition ni 10 sung om ding
Imphal, Feb 23: Manipur Khadi and Village Industry Board, Lamphelpat saina in, Feb 25 apan March 5 tan GM Hall, Imphal ah state level Khadi & Village Exhibition neih sawm uhi. Feb 25 nitaklam dak 1 in Y Irabot Minister Commerce and Industry in honkhiakna neiding a, Madhu Mangol, Sr Journalist leh Bharat Yumnam Director Commerce and Industry in khuallian leh khualzahtak huai hihna tawh uap ding uhi.
Vice Chanchellor in ATSUM kiang ah ngetna nei
Imphal, Feb 23: All Tribal Students’ Union, Manipur in MU a singtangmi om teng in March 1 2008 apan University nuseta ding ahihdan a puan utawh kisai in tuni in University Vice Chancellor in Press te kimuhpihna nei in, huai ah ATSUM kiang ah a thusawm uh zukkik ding in ngen hi. Vice Chancellor in agenna ah, Reservation tawh kisai ATSUM makaite tawh bangzah vei hiamtak kikumkhawmta uh ahihdan gen in, University in ATSUM demand te bawhzui in, Union HRD Minister Arjun Singh, University Grant Commission leh MHRD Official tuamtuam te kimuhpihna neita ahihdan gen hi. ATSUM te demand Centre Government tanpha ah tunkhin in, a process pailel ahi chi’n VC in gen hi.
Vice Chancellor in agenbehna ah, Indian Reservation Law dungzui a nasem ahihdan gen in, maban ah leng huai law mah pansan a neih poimawh ahihthu genbeh a, reservation guidelines norms leh UGC rule dungzui in, sepna ah SC te adia bikhiah 15%, ST 7.5% te hoihtak a zuih hiding in gen a, SC/ST te adia special recruitment bawl lai ding ahihdan puang hi. Goup A Officer post lakthak na ding tawh kisai in, ST 2 leh SC 1 piak hiding in leng VC in puang hi.Vice Chancellor in amah level a nna naktak a sem ahihna ah, ATSUM in thupuan aneih pen a zukkik ngetna leng VC in nei hi.
Ex MLA 1 leh a driver pimang sawm lawhsam
Imphal, Feb 23: Konsam Tomba (64) of Tongkham Mayai Leikai, Imphal leh a driver Nandaybam Ito (31) te United Kuki Liberation Front pawl in Pallel apan pimang sawm mah le uh lawhsam uhi. Police thusuak in agendan in, apaisa Feb 20 zinglam dak 11 in Imphal apan Chandel zuan in Tomba leh a driver Gypsy MN IA 3180 in kipankhia ua, nitaklam dak 1 in Pallel tung in hotel ah ann ne uhi. Huai hun in Motor Cycle a tuang pasal 3 in 9 mm pistol tawi kawm in Tomba leh a driver ban ah, a Gypsy uh pikhia uhi. Amaute Molnom khua zuan in paipih uh a, nitak khawmial in gamlak ah om pih uhi.
Ex MLA Tomba sungte kiang ah Rs 30 Lakh a tankhe ding in leng theihsakna piak in om uhi. Nitak khawmial nuai ah Driver in pistol tawi pa kisual pih in, a pistol laksak a, Pallel Police station ah tailut hi. UKLF in Driver sungkuante kiang ah pistol man Rs 2 Lakh kintak a peding in theisak ua, huai dungzui in, Driver Ito sungkuante’n Rs 2 Lakh pia uhi. Zan nitak in lamdang tak mai in, gamlak apan mah in Tomba taikhe theinawn a, a mobile a laksak louh ziak un, aman leng Additional SP Radheshyam kihou pih in, tuni tak in Chandel SP makaih in Imphal puaktung in om hi. Hiai thiltung tawh kisai in tu nitak in Ex MLA Tomba leh a driver in press conference sam ua, a thiltuahte uh genkhevek uhi.
HQ Veng ah Village Authority vaipaw ding kibawl uh
HQ Veng,Lamka West a Community Hall ah Nov 29, 2007 in Village Authority member ding telna om a, Gauhati High Court thupukna dungzuiin kal 4 chinma a result puankhiak theihlouh chih hi a, hunchiam beinung Feb 11,2008 in SDO/CCpur in result puang in anuai ate HQ Veng Village Authority member telchingte hi uhi.
1. Thiaukhanthang 2. G. Thangzalian
3. Tongkhodou 4. S. Benjoy
5. Doupau 6. Khamminthang
7. Khaikhothang 8. Khualkhothang
9. Khamkholam 10. Satkhojang
11.Suontinthang 12. Thangtinkhup
SDO/CCpur in Order a suah No. SDO/Ch/VA/99-2 Dt 11-2-2008 dungzui in Feb 14, 2008 in Md Sirajur Rahman,SDC/CCpur taksa tela theihpihna nuai ah Office Bearer ding anuai abangin ki-formed uhi.
Chairman: Thiaukhanthang
Vice Chairman: Tongkhodou
Secretary: Khamkholam
Asst Secy-cum-Finance: Suontinthang
Treasurer: S. Benjoy
Information Secretary: G. Thangzalian
Members:
1. Satkhojang 2. Doupau
3. Khamminthang 4. Khualkhothang
5. Thangtinkhup 5. Khaikhothang
EDITORIAL:
Tuni Thupi: TOUPA ka tantuan ahi, ka kha in a chi; huaiziak in amah lametna ka nei ding. Kahlate 3: 24
Lawhsapna ziak a kipiaksiatna
Laisiangthou a gensa leh gelhsa bang in, mihingte’n leitung ah bang damsan I nei a, bangziak a bawl I hia chih te leh, hinkhua I zat sung in siatni-le-phat ni om ding te ban ah I tuah dingte gelkhawlhsa ngen in om hi.
Itna, pilna-le-siamna, khantouhna, kituahna, lawhsapnate ziakin lungngaihni, khasiatni, lamdangsak hun thil theih siam het louh hun leh heh hun ban ah kipah hun ahong om a, maban ah leng hiai thilte ahong om touzel dia, I phut ding ngen mah hong hi hi. Tua hun haksa leh nawpna I tuahte I bangchi zat a, bangchi’n I lunggel a chih te ei leh ei I etding ahi hi.
Mi siam leh pilte’n agenchiang un, mihing organ poimawh penpen lungtang ahi a chi uhi. Lungtang (heart) I chih I taksa ading in alianpen hikei mah leh nasemthei pen khat ahi hi. Na lungtang a gim a, na ngaihtuahna leh na puak gik a thupi mahmah leh, na taksa teng zoi gai di chih theihsa ahi hi. Khutna, khena chih te om mah leh, lungtang na tuk a gimhuai omlou ahi a chih uh adikna tan a om diam I chi ut hi. Lungtang poimawhna I gen tawh kiton kiton in thil khat peuh neuchik hi’n lianpi hitaleh kipaktu leh thuaktu a om nak khem hi. Midang tawh kizopna genle hang, Laisiangthou ah, kipakte kipahpih un, dahte dah pih un ana chi a, tua mah bang in, kipaktu a i pang leh a thuaktu om ahih dan mangngilh louh ahoih ding. Thuaktu a i pangleh eiziak a kipak om ahi chih I mangngilh lou a, miteng theih dia khase vungvung tuamlua a I om louh ding ahi.
Ei lak ah, kipiaksiatna ziak in mahni hinna kilaak chih te a tawmlua ahi kei a, a biiktak in Vaigamte ah tamthei mahmah hi. A nungak/tangval tawh kikhenziak, khawsak haksat ziak in, exam a felh ziak leh a dangdang ziak in, awklum, poison ne chih te adim in om sek hi. Christian I hih ziak in, haksatna leh lunggimna I tuah chiang in, i Laisiangthou leh thumna tungtawn in hotdam in i om zel uh chih i gindan leh i paipih dan ahi a, dik leng adik him hi. Christian himahle hang, ki piaksiatna leh lungkiatna (depression) ziak in tuailai bangzah i sita ua, mi bangzah in i manthat lawhta ua chih te ngaihsut tham ahi hi.
Christian ginna neiloute lak ah bel Psychiatrist / councellor kichi a tam mahmah hi. Tuni in ei lak ah awklum bang a hong om chiang in, khawvel chou ngam lou mi dawilok i chi sek uhi. Hiai pe’n Chrisitian te kampau ding in a kilawm na diam? A hitak gen in, gulang zeen in chita le hang, Pastor leh Upa a diim in I nei ua, khawpi sung ah Biakinn a za a sim om phengphung hi. Saptuam makaite leng materialistic gawp in, business chauh sai bawl maimah uhia chih theih in om a, sum le pai neite thupi ngaihna uang hiaihiai in, mizawng leh khalam a genthei kisa te ading in saptuam makaite’n hun nei nawn manglou uh suak hi. Mihing te I kipiak siat taktak chiang in ngam louh i neikei hi. Huai ziak in, thilsia ngaihtuah phut a baihlam mahmah a, hiai tungtang ah khalam ana piching zaw Pastor leh Saptuam makai Upate’n I belam ching te i etkai seem ki sam hilou hiam chih muhtheih in om hi.
Vualzawl hinkhua chih te Biakinn a i sermon tangpi tea hi. Vualzou hinkhua a om leh, Vuallel hinkhua leng a om chih theihsa ahi hi. Vualzou hinkhua a ana leeng khinta te’n vuallel hinkhua a lengte a hawtkhiak zawh kei leh, bangchi’n vualzou hinkhua ah a leng biiktuan ding ua chih te ngaihsut tham ching hi.
Mihing te mel leh puam a chi tuam dungzui in, ngaihtuahna leng kibang lou vek in om a, school kaina a kibat louh dungzui in theihsiamna leng kibang lou in i om uhi. Ei adia thupi mahmah mite adia ana hou, mite adia thupi ei adia ana hou chih leng om thei ahih man in, hon lungkesak, honhehsak leh hon su lung nuamlou om theisek a, khenkhat in lah hon tokphur, lametna honpia, honkhamuan ding a na om thei leuleu zel hi. Huaiziak in, bangteng gen mah le hang leng, mahni ah kinga veve hi.
I lak ah NGO tuamtuam a dim in a om ta, NGO om te ah councellor leng om vek tang pi hi. HIV/AIDS councellor chauh ahih meel uh I theikei hi. Kipiaksiatna ziak a a tawptan tung a sihna leh manna tuak I tam mahmah taak ziak un, hiai lam tawh kisai councellor i neih uh hunta a, hinna bawl thei om lou i hih ziak in, mihingte hinna pam maihthei lua hi. Bangteng hileh, Phamsa Rev T Jam khothang in a gendik ngial hi. “Bangziak a mi sisi hiam chilou in, bangziak a kei hing tuam ka hia?” i chi ding uh a chi hi.
Sunday message:
Mihingte’n i buaipih thilte
-Dennis
“Ahihtheih liai leh noumau lam bek ah mi teng tawh kituak in om un”. -Rome 12:18
Ka innveng nupi uh a omdan leh mel latdan akipan in kei tungah banghiam lungkim hetlouhna nei ahihdan kilang hi. Amah adia kipah huailou hiam lungkim huailou banghiam sep-le-bawl neikha ka hi maithei chih ngaihdan ka nei hi. Huchi’n khatvei a kianga vapai in a thangpaihna ding leh lungkimlouhna ding bang hiam hihkhak nei ka hi hiam chih ka dot aleh aman huchi omlou hi’n tomchik in gen hi. Huaitak in ke’n leng, “Ka tung ah banghiam lungkimlouhna leh thangpaihna na neih ding ka ut het kei. Na thangphaihna ding bang hiam ka hihkhak zenzen a om leh hon ngaidam in” ka chi a, huainung in thil omdan kilamdang hi’n ka thei hi.
Mi khat in a thugen ka thei gige a, huai bel “Mihingte omdan ka theihchet semsem aleh ka ui ka itna alian deuhdeuh” chi’n gen hi. Atangpi in ganvulh laka ui himhim a chitak in muanhuaizaw uh a, kipah leng a kipah baih ban uah ngaihdamna leh thil hoihlou banghiam omte leng mangngilh baihzaw uhi. Mihingte leng huchibang a om ding in deihhuai nasa hiam ? Hileleng, khat veivei midang tawh kituahna hoihtak bawlsawm in hahtakin panla mahlehang huchibang thil a hihtheih tuanlouh hun om sek hi.
Sawltak Paul in Rome 12:18 ah “ahihtheih liai leh noulam beek ah” a chih chiamtehtham thil hi. Aman mi khenkhatte buaina(problems) veng maimai lou pawl om ahihdan thei hi. Akhen chiang in mi 2 kal ah kinakna om thei a,akhen chiang in mi 2 kal ah kilemna omthei hi. Nanglam a hih dia om pen na sep nunga nawngkaina leh buaina a om lailai aleh banghiam zuih ding omlai ahi chih theih ngai hi. Lungkimlouhna latsakna ding leh huai thukna ding in dai dide a om tawpsan in. Hoihna a thil hoihloute zouzaw ding in nasep theih om teng semzaw inla, huchi’n nawngkaina pen Pathian in a hihfel ding in amah khut ah ngazaw in.
Buaina leh haksatnate a ven masiah Rome 12 a kitaklang kalbi tuamtuam abanban a zuih ngai hi. Lainatna nei a om ding(Rome 12:10), kuhkalna tawh thumna lam hahpan ding(Rome 12:12), hong bawlsiate hamsiatkhum lou in vualzawl ding(Rome 18:14), kingaihniam ding(Rome 12:16), phuba laklouh ding(Rome 18:19) banah hoihna a gilou zawh zawk ding(Rome 18:21) ahi.
www.manipurexpress.com
Lamka, Feb 23: Chiengkonpang a om Bharat Sangam Nigam Limited (BSNL) Telephone Exchange in, thautui diesel aneih louh ziak un, February 20 2008 apan machine teng khawlsak vek ua, huai ziak in, telephone landline, BSNL Mobile leh BSNL tungtawn a Internet connection om teng sevek hi. Diesel om louh ziak in, ni 3 phial bang communication network zattheih louhin om a, tu nitaklam in diesel a muh zenzen ziak un, ngeina bang in hong painawn ta hi.
Junior Telecom Officer Ibomcha in agenna ah, electric ginatlouh ziak in, a battery teng uh down vekta in, minute 30 lel leng daihzou lou ding in om a, tua ziak in, machine katsiat ding venna tawh line om teng a off vek uh ahihdan gen hi. Tulel in Lamka a telephone exchange in khakhat in diesel litre 1300/1400 bang poimawh gige a, himahleh, diesel man a piak zekai theih luat ziak un oil pump te’n leng nikhat in Litre 55 lel khawng pekhe sek uh hi’n kigen hi.
JTO in agenbehna ah, BSNL Singngat tower, Hmar veng tower leh Telephone exchange ading in thautui tamtak poimawh gige uh ahihdan gen hi. Jaso Banta SDO/SDE kiang ah thautui poimawh dan tamvei tak tut himahleh, sum ginatak a apiak louh ziak in telephone exchange in haksatna tamtak tuaksek hi’n leng kigen a, SDO/SDE in kal khat in nih vei khawng lel a office hongpha sek hi’n leng thusuak kingah hi. BSNL Microwave a staff te gendan in, SDE Herojit in Lamka, Moreh leh mun tuamtuam pawkhawm a, microwave a siat hun in hong bawl zel ahihdan gen ua, amau generator nih zang in, thautui leng nei ua, himahleh, telephone exchange in a off chiang in mobile function lou ahihdan gen ua, BTS Problem ziak in leng BSNL mobile buaizel ahi chi uhi.
Churachandpur telephone exchange a thautui omlouh ziak in, State Bank of India Churachandpur branch nasepna leng buai in, February 22 leh 23 in transaction himhim pailou hi. Bungmual leh mun tuamtuam ah telephone gui a ki guuk mang ziak in, kha 3 val bang telephone pailou hi ta a, Department in leng a guithak khungtuan lou in, telephone zat theih louh in om a, a bill (khateng rental) bel khateng in pai veve hi’n kigen hi.
KIM in KKL GHQ phiat
Lamka, Feb 23: Kuki Inpi Manpur (KIM) thusuak kingah dan in, Kuki Khanglai Lawmpi General Headquarter te’ term a bei tawh kiton in, tuni Feb 23 nitaklam dak 5 in KKL GHQ ki vaipuakna phiat (dissolved) ahihdan puang uhi. KKL Daanbupi dungzui in, KIM in March 7, 2008 in KKL Complex, IB Road, ah General Election cum Meeting nei ding ua, huai ma teng Thangjang Haokip, Vice President (I/c Adm & Election) in mawhpuakna bangkim la ding a, office bearer hilel te’n Feb 27 tan a ama khut ah van aneih teng uh a piaklut uh ngai ding hi’n KIM thusuak in taklang hi.
Doctor 4 pension ding uh
Lamka, Feb-23: District Hospital a Medical Superintendent office Staff te’n Feb. 25, 2008 sunnung dak 2 in Dist.Hospital OPD ah Dr.M.Lachinkhai, Medical Supt, Dr.T.Shoute, Deputy Supt.Dist Hospital leh Dr Dhananjoy, Child Specialist a sepna ua pan pension ding kha ding uhi. February 29, 2008 mah in Dr.Letkhogin Tombing, Medical Officer, Sinjawl PHC leng a sepna apan in retire ding hi.
Lamka a Oil Pump 2 kikhak
Lamka, Feb-23: All Manipur Petroleum Tanker Drivers’ Union pawlin a strike ziakun Manipur ah petrol, diesel leh SK Oil tanpha ni tamkuamtak paisa apan hong pawlut lou uh a, CCpur district ah leng thautui kitasam panta hi. Lamka khawpi a Oil Pump 2te ah leng thautui bangmah a omlouh ziakin tulai in khak uhi.
Mizo Upa pawlin Rs. 4,500 pia uh
Lamka, Feb-23: Singngat-Behiang lamlian a Ngasuan-lei ah Jan 17, 2008 a Gari accident ziaka si mi 23 leh aliamte panpihna ding in Mizo Upa Pawl, Manipur te’n Feb 18, 2008 in Sumant Singh,IAS, DC/CCpur kimuhpih in DC Relief Fund ading in Rs. 4500 pia uh a, DC/CCpur in leng Mizo Upa pawl a panpih theihna om phot ah panpih chiam a, kipak petmah uh ahihdan thutut kingah hi.
Village Health & Sanitation sum
Lamka, Feb-23 :District Health Society nuaia Parbung, Senvon, Patpuihmun, Thanlon, Sinzawl, Singngat, Behiang, Saikot, Sagang leh Henglep nuai a khaw tuamtuam 325 a Village Health & Sanitation Committee-te ading in cheque in aveka kigawm Rs.3,25,000 kihawmkhia a,kalnawn sung in Town Area ate kihawm nawn ding hi.
DC in VGB tamtak proposal bawl
Lamka, Feb-23: Sumant Singh, IAS, DC/CCpur in Village Grain Bank(VGB) omsate kidaihlou ding hi a thei in state govt ah VGB tamkhop hon behlapna ding in additional proposal tamtak bawl sawm a, tulai in M.Ginzasuan, DSO(FCS) in a list ding bawl lel hi. Huai bawl zawh ahih hunhun in DC/Ccpur in Imphal ah thon ding hi.
Rengkai H/S ah Workshop om
Lamka, Feb-23: Social Welfare Dept/CCpur leh S.Vanlalruala, Headmaster, Rengkai Govt High School-te saina in tuni’n Rengkai Govt High School ah Balkendra/CCpur ten Workshop nei uhi.Huai ah creative Arts, Awareness in Environment & Ecology leh Scientific Innovation thupi anei in students 140 vel sinsak uhi.
DLCC Meeting om ding
Lamka, Feb-23: DC/Ccpur office a Conference Hall ah March 7, 2008 sun dak 12:30 in DC/Ccpur makaihna in District Level Co-ordination Committee(DLCC) meeting om ding a, huai ah SDO/BDO leh district level officer teng kimtaka tel ding in DC/Ccpur office a Branch Officer in theisak hi.
YVA Kangvai Unit adia election
Lamka, Feb-23: Kangvai innpi ah tuni zinglam dak 7.00 akipan in dak 9.00 AM sung YVA Kangvai Unit election om a, member paikhawmte’n kum 2008 apan 2010 sung YVA Kangvai Unit a President ding in Khaiminlun leh Vice President ding in Soineilam telching uh ahihdan Election Committee in thusuah bawl uhi.
Dr N. Samte in suti la
Lamka, Feb-23:Dr.N.Samte in taksa hatlouhziak in Feb 25, 2008 apan in ni 30 sung leave la ding a, amah leave hunsung in Dr.Manisana Sing, MO in Dr.N.Samte duty ana enkolkhawm ding hi.
SUUNNA
#V.Kaigou(74)s/o (late) Lang-en of Vengnuam,New Lamka tuni zingsang in zeng natna ziakin si a, tuni mahin New Lamka hanmual ah kivui hi.
IMPHAL NEWS:
Ni 2 sung Bank Strike om ding
Imphal, Feb 23: All India Bank Strike in Feb 25 leh 26 a strike a sawm uh, United Forum of Bank Union in leng gupthu puang in, strike zom ding uh ahihdan gen uhi. Bank te’n ahihleh, Government kiang ah, Public sector Bank te laklutna a tawpsan ding uh, bank a post tuamtuam awngte hukdim mengmeng ding leh Staff te lawh tawh kisai sukfel meng ding chih te ban ah point tuamtuam demand pelut uhi.
Assam Rifles te’n UNLF cadre 6 kaplum
Imphal, Feb 23: 24th Assam Rifles te’n Indo-Myanmar border ah helpawlte om uh chih thu a zaak utawh kiton in delhzui ua, huai ah kikaptuahna thupitak piang in, UNLF cadre 6 kaplup in om a, galvan tamtak leng muhkhiak in om hi. Police thusuak in agendan in, Tuni zingkal dak 4:30 vel ding in Moreh apan Km 10 a gamla T Menou apan gamla lou gammang lak ah UNLF leh AR te kikaptuah ua, UNLF 6 in sihna tuak in, misite apan in AK 56-1, Magazine leh tang 50, M-16 Rifle 2, Mag leh tang 36, Bomb kapna Universal propel Grenade Launcher (UPGL) 1, Lethod bomb 1 leh empty case 3, 9 mm khat leh tang 9, Mag 1, 7.62 pistol 1, tang 8 leh Mag 1 ban ah Radio set 1 mukhia uhi.
NIT thubuai ah nupi 12 in liamna tuak
Imphal, Feb 23: Manipur Government in Lamphel leh Langgol kikal a Langol Tarung mun a National Institute of Technology, Manipur centre a tun khiak teitei sawm ziak in, kinawk tuahna thupitak om a, tuni in mi 12 in liam khawlawh uhi. Thusuak kingah dan in, tuni zinglam dak 11 vel ding in, Settlement Department nuai a Land eviction team in NIT gam ding tehkhiak sawm in kisa uh a, hiai thu Joint Action Committee pawl in azak un delhzui ngal ua, kinawk tuahna thupitak piang hi.
JAC in ahihleh, hiai mun a building tunkhiak ding phallou in deihkhawp in nang uhi. Hiai thubuai zaak ahih in, IRB, Police leh Police numei tamtak in buaina mun delh ngal uh a, security te’n JAC member te tuilou lak khawng a nawhzaak in chiangpum in sat ua, huai ah numei 12 in liamna tuak in, Shija Hospital ah etkol in om lel uhi. Liamna tuakte ahihleh, Kimboi (40), Lalam (30), Anieng (37), Ahat (38), Lhingboi (22), Anei (33), Hekim Chongloi (48), Thiemboi (24), Titing (30), Nemboi (35), Akim (40) leh Mrs Haokip (39) hi’n kigen hi. Security te’ venbitna nuai ah Land eviction team in gam the thouthou uhi.
Khadi Exhibition ni 10 sung om ding
Imphal, Feb 23: Manipur Khadi and Village Industry Board, Lamphelpat saina in, Feb 25 apan March 5 tan GM Hall, Imphal ah state level Khadi & Village Exhibition neih sawm uhi. Feb 25 nitaklam dak 1 in Y Irabot Minister Commerce and Industry in honkhiakna neiding a, Madhu Mangol, Sr Journalist leh Bharat Yumnam Director Commerce and Industry in khuallian leh khualzahtak huai hihna tawh uap ding uhi.
Vice Chanchellor in ATSUM kiang ah ngetna nei
Imphal, Feb 23: All Tribal Students’ Union, Manipur in MU a singtangmi om teng in March 1 2008 apan University nuseta ding ahihdan a puan utawh kisai in tuni in University Vice Chancellor in Press te kimuhpihna nei in, huai ah ATSUM kiang ah a thusawm uh zukkik ding in ngen hi. Vice Chancellor in agenna ah, Reservation tawh kisai ATSUM makaite tawh bangzah vei hiamtak kikumkhawmta uh ahihdan gen in, University in ATSUM demand te bawhzui in, Union HRD Minister Arjun Singh, University Grant Commission leh MHRD Official tuamtuam te kimuhpihna neita ahihdan gen hi. ATSUM te demand Centre Government tanpha ah tunkhin in, a process pailel ahi chi’n VC in gen hi.
Vice Chancellor in agenbehna ah, Indian Reservation Law dungzui a nasem ahihdan gen in, maban ah leng huai law mah pansan a neih poimawh ahihthu genbeh a, reservation guidelines norms leh UGC rule dungzui in, sepna ah SC te adia bikhiah 15%, ST 7.5% te hoihtak a zuih hiding in gen a, SC/ST te adia special recruitment bawl lai ding ahihdan puang hi. Goup A Officer post lakthak na ding tawh kisai in, ST 2 leh SC 1 piak hiding in leng VC in puang hi.Vice Chancellor in amah level a nna naktak a sem ahihna ah, ATSUM in thupuan aneih pen a zukkik ngetna leng VC in nei hi.
Ex MLA 1 leh a driver pimang sawm lawhsam
Imphal, Feb 23: Konsam Tomba (64) of Tongkham Mayai Leikai, Imphal leh a driver Nandaybam Ito (31) te United Kuki Liberation Front pawl in Pallel apan pimang sawm mah le uh lawhsam uhi. Police thusuak in agendan in, apaisa Feb 20 zinglam dak 11 in Imphal apan Chandel zuan in Tomba leh a driver Gypsy MN IA 3180 in kipankhia ua, nitaklam dak 1 in Pallel tung in hotel ah ann ne uhi. Huai hun in Motor Cycle a tuang pasal 3 in 9 mm pistol tawi kawm in Tomba leh a driver ban ah, a Gypsy uh pikhia uhi. Amaute Molnom khua zuan in paipih uh a, nitak khawmial in gamlak ah om pih uhi.
Ex MLA Tomba sungte kiang ah Rs 30 Lakh a tankhe ding in leng theihsakna piak in om uhi. Nitak khawmial nuai ah Driver in pistol tawi pa kisual pih in, a pistol laksak a, Pallel Police station ah tailut hi. UKLF in Driver sungkuante kiang ah pistol man Rs 2 Lakh kintak a peding in theisak ua, huai dungzui in, Driver Ito sungkuante’n Rs 2 Lakh pia uhi. Zan nitak in lamdang tak mai in, gamlak apan mah in Tomba taikhe theinawn a, a mobile a laksak louh ziak un, aman leng Additional SP Radheshyam kihou pih in, tuni tak in Chandel SP makaih in Imphal puaktung in om hi. Hiai thiltung tawh kisai in tu nitak in Ex MLA Tomba leh a driver in press conference sam ua, a thiltuahte uh genkhevek uhi.
HQ Veng ah Village Authority vaipaw ding kibawl uh
HQ Veng,Lamka West a Community Hall ah Nov 29, 2007 in Village Authority member ding telna om a, Gauhati High Court thupukna dungzuiin kal 4 chinma a result puankhiak theihlouh chih hi a, hunchiam beinung Feb 11,2008 in SDO/CCpur in result puang in anuai ate HQ Veng Village Authority member telchingte hi uhi.
1. Thiaukhanthang 2. G. Thangzalian
3. Tongkhodou 4. S. Benjoy
5. Doupau 6. Khamminthang
7. Khaikhothang 8. Khualkhothang
9. Khamkholam 10. Satkhojang
11.Suontinthang 12. Thangtinkhup
SDO/CCpur in Order a suah No. SDO/Ch/VA/99-2 Dt 11-2-2008 dungzui in Feb 14, 2008 in Md Sirajur Rahman,SDC/CCpur taksa tela theihpihna nuai ah Office Bearer ding anuai abangin ki-formed uhi.
Chairman: Thiaukhanthang
Vice Chairman: Tongkhodou
Secretary: Khamkholam
Asst Secy-cum-Finance: Suontinthang
Treasurer: S. Benjoy
Information Secretary: G. Thangzalian
Members:
1. Satkhojang 2. Doupau
3. Khamminthang 4. Khualkhothang
5. Thangtinkhup 5. Khaikhothang
EDITORIAL:
Tuni Thupi: TOUPA ka tantuan ahi, ka kha in a chi; huaiziak in amah lametna ka nei ding. Kahlate 3: 24
Lawhsapna ziak a kipiaksiatna
Laisiangthou a gensa leh gelhsa bang in, mihingte’n leitung ah bang damsan I nei a, bangziak a bawl I hia chih te leh, hinkhua I zat sung in siatni-le-phat ni om ding te ban ah I tuah dingte gelkhawlhsa ngen in om hi.
Itna, pilna-le-siamna, khantouhna, kituahna, lawhsapnate ziakin lungngaihni, khasiatni, lamdangsak hun thil theih siam het louh hun leh heh hun ban ah kipah hun ahong om a, maban ah leng hiai thilte ahong om touzel dia, I phut ding ngen mah hong hi hi. Tua hun haksa leh nawpna I tuahte I bangchi zat a, bangchi’n I lunggel a chih te ei leh ei I etding ahi hi.
Mi siam leh pilte’n agenchiang un, mihing organ poimawh penpen lungtang ahi a chi uhi. Lungtang (heart) I chih I taksa ading in alianpen hikei mah leh nasemthei pen khat ahi hi. Na lungtang a gim a, na ngaihtuahna leh na puak gik a thupi mahmah leh, na taksa teng zoi gai di chih theihsa ahi hi. Khutna, khena chih te om mah leh, lungtang na tuk a gimhuai omlou ahi a chih uh adikna tan a om diam I chi ut hi. Lungtang poimawhna I gen tawh kiton kiton in thil khat peuh neuchik hi’n lianpi hitaleh kipaktu leh thuaktu a om nak khem hi. Midang tawh kizopna genle hang, Laisiangthou ah, kipakte kipahpih un, dahte dah pih un ana chi a, tua mah bang in, kipaktu a i pang leh a thuaktu om ahih dan mangngilh louh ahoih ding. Thuaktu a i pangleh eiziak a kipak om ahi chih I mangngilh lou a, miteng theih dia khase vungvung tuamlua a I om louh ding ahi.
Ei lak ah, kipiaksiatna ziak in mahni hinna kilaak chih te a tawmlua ahi kei a, a biiktak in Vaigamte ah tamthei mahmah hi. A nungak/tangval tawh kikhenziak, khawsak haksat ziak in, exam a felh ziak leh a dangdang ziak in, awklum, poison ne chih te adim in om sek hi. Christian I hih ziak in, haksatna leh lunggimna I tuah chiang in, i Laisiangthou leh thumna tungtawn in hotdam in i om zel uh chih i gindan leh i paipih dan ahi a, dik leng adik him hi. Christian himahle hang, ki piaksiatna leh lungkiatna (depression) ziak in tuailai bangzah i sita ua, mi bangzah in i manthat lawhta ua chih te ngaihsut tham ahi hi.
Christian ginna neiloute lak ah bel Psychiatrist / councellor kichi a tam mahmah hi. Tuni in ei lak ah awklum bang a hong om chiang in, khawvel chou ngam lou mi dawilok i chi sek uhi. Hiai pe’n Chrisitian te kampau ding in a kilawm na diam? A hitak gen in, gulang zeen in chita le hang, Pastor leh Upa a diim in I nei ua, khawpi sung ah Biakinn a za a sim om phengphung hi. Saptuam makaite leng materialistic gawp in, business chauh sai bawl maimah uhia chih theih in om a, sum le pai neite thupi ngaihna uang hiaihiai in, mizawng leh khalam a genthei kisa te ading in saptuam makaite’n hun nei nawn manglou uh suak hi. Mihing te I kipiak siat taktak chiang in ngam louh i neikei hi. Huai ziak in, thilsia ngaihtuah phut a baihlam mahmah a, hiai tungtang ah khalam ana piching zaw Pastor leh Saptuam makai Upate’n I belam ching te i etkai seem ki sam hilou hiam chih muhtheih in om hi.
Vualzawl hinkhua chih te Biakinn a i sermon tangpi tea hi. Vualzou hinkhua a om leh, Vuallel hinkhua leng a om chih theihsa ahi hi. Vualzou hinkhua a ana leeng khinta te’n vuallel hinkhua a lengte a hawtkhiak zawh kei leh, bangchi’n vualzou hinkhua ah a leng biiktuan ding ua chih te ngaihsut tham ching hi.
Mihing te mel leh puam a chi tuam dungzui in, ngaihtuahna leng kibang lou vek in om a, school kaina a kibat louh dungzui in theihsiamna leng kibang lou in i om uhi. Ei adia thupi mahmah mite adia ana hou, mite adia thupi ei adia ana hou chih leng om thei ahih man in, hon lungkesak, honhehsak leh hon su lung nuamlou om theisek a, khenkhat in lah hon tokphur, lametna honpia, honkhamuan ding a na om thei leuleu zel hi. Huaiziak in, bangteng gen mah le hang leng, mahni ah kinga veve hi.
I lak ah NGO tuamtuam a dim in a om ta, NGO om te ah councellor leng om vek tang pi hi. HIV/AIDS councellor chauh ahih meel uh I theikei hi. Kipiaksiatna ziak a a tawptan tung a sihna leh manna tuak I tam mahmah taak ziak un, hiai lam tawh kisai councellor i neih uh hunta a, hinna bawl thei om lou i hih ziak in, mihingte hinna pam maihthei lua hi. Bangteng hileh, Phamsa Rev T Jam khothang in a gendik ngial hi. “Bangziak a mi sisi hiam chilou in, bangziak a kei hing tuam ka hia?” i chi ding uh a chi hi.
Sunday message:
Mihingte’n i buaipih thilte
-Dennis
“Ahihtheih liai leh noumau lam bek ah mi teng tawh kituak in om un”. -Rome 12:18
Ka innveng nupi uh a omdan leh mel latdan akipan in kei tungah banghiam lungkim hetlouhna nei ahihdan kilang hi. Amah adia kipah huailou hiam lungkim huailou banghiam sep-le-bawl neikha ka hi maithei chih ngaihdan ka nei hi. Huchi’n khatvei a kianga vapai in a thangpaihna ding leh lungkimlouhna ding bang hiam hihkhak nei ka hi hiam chih ka dot aleh aman huchi omlou hi’n tomchik in gen hi. Huaitak in ke’n leng, “Ka tung ah banghiam lungkimlouhna leh thangpaihna na neih ding ka ut het kei. Na thangphaihna ding bang hiam ka hihkhak zenzen a om leh hon ngaidam in” ka chi a, huainung in thil omdan kilamdang hi’n ka thei hi.
Mi khat in a thugen ka thei gige a, huai bel “Mihingte omdan ka theihchet semsem aleh ka ui ka itna alian deuhdeuh” chi’n gen hi. Atangpi in ganvulh laka ui himhim a chitak in muanhuaizaw uh a, kipah leng a kipah baih ban uah ngaihdamna leh thil hoihlou banghiam omte leng mangngilh baihzaw uhi. Mihingte leng huchibang a om ding in deihhuai nasa hiam ? Hileleng, khat veivei midang tawh kituahna hoihtak bawlsawm in hahtakin panla mahlehang huchibang thil a hihtheih tuanlouh hun om sek hi.
Sawltak Paul in Rome 12:18 ah “ahihtheih liai leh noulam beek ah” a chih chiamtehtham thil hi. Aman mi khenkhatte buaina(problems) veng maimai lou pawl om ahihdan thei hi. Akhen chiang in mi 2 kal ah kinakna om thei a,akhen chiang in mi 2 kal ah kilemna omthei hi. Nanglam a hih dia om pen na sep nunga nawngkaina leh buaina a om lailai aleh banghiam zuih ding omlai ahi chih theih ngai hi. Lungkimlouhna latsakna ding leh huai thukna ding in dai dide a om tawpsan in. Hoihna a thil hoihloute zouzaw ding in nasep theih om teng semzaw inla, huchi’n nawngkaina pen Pathian in a hihfel ding in amah khut ah ngazaw in.
Buaina leh haksatnate a ven masiah Rome 12 a kitaklang kalbi tuamtuam abanban a zuih ngai hi. Lainatna nei a om ding(Rome 12:10), kuhkalna tawh thumna lam hahpan ding(Rome 12:12), hong bawlsiate hamsiatkhum lou in vualzawl ding(Rome 18:14), kingaihniam ding(Rome 12:16), phuba laklouh ding(Rome 18:19) banah hoihna a gilou zawh zawk ding(Rome 18:21) ahi.
www.manipurexpress.com
No comments:
Post a Comment