Contractor in ni 10 sung a bawl zou ding chih ziak in khah kol
Lamka, Feb-27: Dist Hospital New OPD Building sawng tung kibawl lel toh kisai a zan a CDSU leh Press team kithuah a etchetna uah nasep dan (quality) lungtunhuailou a sak ziak ua khawl sak nung uh tuni sun dak 12:00 in huai a Contractor Sana Tomba Singh of Singjamei in Lamka hawng pha in CDSU leh Press team teng toh kisiatna mun tuamtuam en khawm uhi.
Thutut kingah dan in, a tuang (floor) tiles kiphahna munte a nuai Cement tawmluat ziak a kiplou in kok thei a, plaster kibawl leng Leingawi sawp louh ahihziak a kawk thei ahihman in complaint omna mun tengteng ni 10 sung a bawl thak vek ding a chih ziak in nasepna khah kawl nawn uhi. Thutut kingah dan in, hiai hospital bel March 2008 kha tawp a Innauguration sawm uh ahihdan leng gen a, ni 10 zawh nung chiang a etkhiak hinawn ding chi uhi.
Re-Orientation programme zang ding
Lamka, Feb 27: Autonomous District Council, CCpur nuai a school omteng a Headmaster/Headmistress/Head Incharge teng ading in hongtung ding March 4, 2008 zing dak 9:20 apan in Synod Hall, IB Road ah ‘One day Re-orientation Programme’ zat hidng hi.
Hiai programme ah District Council nuai a Headmaster/Headmistress/Head Incharge teng pellou a telchiat ding in Mr. Henlianthang Thanglet, CEO/ADC, CCpur in theihsak hi.
Exam centre kiim ah Sec.144 Cr.P.C.
Lamka, Feb 28: Lamka College, CCpur. Govt. College leh Jawahar Navodaya Vidyalaya, CCpur ah CHSE (Class-XII) Examination leh Rayburn High School leh Jawahar Navodaya Vidyalaya, CCpur ah HSLC (Class-X) Examination hongtung ding February 29, 2008 apat neihpat ding toh kisai in Mr. Sumanr Singh, IAS, District Magistrate, CCpur District in hiai Exam centre kimkot metre 100 huamsung ah Sec.144 Cr.P.C puang hi.
Hiai Sec.144 Cr.P.C bel hongtung ding February 29, 2008 apan in April 2, 2008 tan exam neih niteng zing dak 8:00 apan in nitaklam dak 4:30 tan daih zel ding hi. Hiai hunsung in Exam centre kimkot metre 100 huamsung ah mi 5 sang a tamzaw omkhawm phal hilou a, hiamhei leh galvan tawi phal ahihlouh banah paungaihna zat phal hilou hi. Hiai khamna in Government official-te banah Security personnel duty-te huamkhalou ding hi.
Hanshipte EPIC Lamka ah kila ding
Lamka, Feb 28: Thanlon sub division nuai a om Hanship Polling Station a Electoral Roll a omte Electoral Photo Identity Card (EPIC) ading lemlakna hongtung ding March 1, 2008 zing dak 6:30 in New Lamka Elim Veng a Unity Street a T. Paukhanlian Inn ah neih hiding hi.
Awareness Campaign nei
Lamka, Feb 28: National Bamboo Mission nuai a Forest Development Agency saina in tuni zing dak 10:30 apan in New Lamka YPA Hall ah ‘Oneday Awareness Campaign on Environment & Ecology–cum- Training on Bamboo Nursery Raising for commercial Cultivation’ neih in om hi. Hiai Programme honna Mr. H.D. Gangte, CEO, FDA/CCpur in nei hi.
Electoral Roll buaipih lel
Lamka, Feb 28: Manipur singtanggam a Autonomous District Council nuai a MDC kitelna hongtung ding April 2008 kha sung a neih ding toh kisai in CCpur District sung a MDC Constituency 18 omte a Electoral Roll/Voter list ding Autonomous District Council Office, CCpur in buaipih lel hi. Tulel a District sung a MLA Constituency 6te ah MDC Constituency 3 chiat om hi.
Beam in delhkha
Lamka, Feb 28: Mr. Lamkap (25) s/o. Sehlun of Leijangphai zan sunnung dak 1:00-2:00 kikal in a khua ua pan 10 Km vel gamlak ah a lawmte 2 toh sing-at ding beam khaang lai a palluang uh kitan in sing beam in amah delhkha in gim mahmah a Lamka Damdawi inn tuni dak 1.30 in puaktun himahleh damzoulou in sunnung dak 3:10 in si hi.
Tuabangkal ah, Upa Kaikhanpau (60) s/o (L) Nengzathang of Vengnuam, New Lamka tuni a avenge ua inn bawl lai feet 10 vel a sang ah kia a, Lamka damdawi inn ah etkol in omlel hi.
IG (L & O-III) in Lamka pha
Lamka, Feb-27: V. Zathanga IPS, IG(L&O-III) in tuni sunnung dak 1:00 vel in Lamka hawngpha a, SP/CCpur Office ah hun sawtlou khawl in huai apan SP/CCpur toh kizui in Salem veng leh Khumujamba phak zawh nung uh sawtlou in Imphal ah kik nawn hi.
One Day Awareness Programme nei
Lamka, Feb-27: Forest Department Churachandpur saina in tuni zingkal dak 10:30 apan in New Lamka YPA Hall ah One Day Awareness cum Training on Bamboo Nursery Raising for Commercial Cultivation chih nei ua, tua ah hausa 90 val tel uhi.
Huai hun ah HD Gangte CEO, FDA, Churachandpur in hong a, Kh.Shyam Singh IFS, DFO/Thoubal in Technical toh kisai sinsak hi. Training zoh in Hausate kiang ah Sazu thang (Trap) 600 leh Sazulou (Zing Sulphide) tuun 10,000 val hawm khia uhi.
Dept. tuamtuam apan mi 4 pension ding
Lamka, Feb-27: Churachandpur District Nurse Association (CDNA) in a member uh Nuamzavung, Staff Nurse zingchiang Feb. 29, 2008 a pension ding khakna tuni sunnung dak 1:00 in Dist. Hospital OPD Hall ah nei uhi. Tua toh kiton in, Lamka College Staff ten leng a seppih uh Selection Grade Lecturer 2 Vanlaleng Pudaite leh Beganjam Chaodury Feb 29, 2008, sun dak 12 Lamka college ah khakna programme zang in ankuang umpih uhi. Tuabanah, Dist. Industries Centre (DIC) Office a Account Officer (AO) sem Vanlallhu Feb. 29, 2008 a pension ding khakna tuni sunnung dak 1:00 in DIC Office Tuibuang ah Office staff ten kha uhi.
KLA Finance Chief Aizawl ah kaplup in om
Imphal, Feb-27: Kuki Liberation Army (KLA) a Finance Chief hihna lenlel Mr. Thangcha Kipgen @ Johnu (42) s/o Hempau of Supermaina, Sadar Hills zan in Mizoram khopi Aizawl a, Jarkot mun a Hotel a tunna mun ah kaplup in om a, a luang tunitak dak 6 in a tenna inn Supermaina puaktun in om a, nitak nung in vuiliam a om ngal hi’n Mr. Paoboi Touthang, reporter Moreh apan thutut kingah hi.
Thutut kingah dan in, Mr. Thangcha bel hotel a tunna ua, a lawmte toh kiselbuai kha a amah lawmte mah in a kaplup hi’n kigen hi. Mr. Thangcha in a zi Mrs. Kikim banah, tapa 1 leh tanu 1 nusia hi.
DPO di’n Mrs. Roumawi
Lamka, Feb-27: Social Welfare, CCpur District nuai a District Programme Office ding Mrs. Romawi in tuni’n charge lata hi. Tuabangkal ah, Mrs. R. Khumi in SA road a ateenna inn ah Aganwadi Worker teng sam khawm in suaikai sak a, hiai a suaikaitute’n suaikaihte uh zukkik uh ahihdan press ah thutut bawl uhi.
LCA leh Government kihoulem; Khaga Dam Bandh khawl sak
Lamka, Feb-27: Khuga Dam toh kisai a kibawlkhia Local Contractor Association (LCA) in hun bang tan hiam paita apan Govt. in bills pending tamtak omte a piakkhiak louh ziak a Khuga Dam nasepna a bandh a bawl toh kisai in tuni’n IFCD Minister Pu Biren office Chamber ah Govt. palai leh LCA palaite’n tuni sunnung dak 1 in kihou in kilemna suaikai uhi.
Hiai a kilemnate bel, Khuga Dam a Division 4, Canal 1, Canal 2, Spillway leh Headwork (Diversion) te verification hoihtak a bawl a, tua zoh chiang a April kha sung a instalment 1/2 a piakvek ding; Pending bills tengteng piaksiang ahihma Khuga Dam hon khiak hilou ding; Hiai kilemna toh kiton a LCA in Khuga Dam bandh a bawlpen tuni apan khawlsak phot ding chihte in kilem uhi.
Hiai meeting ah government apan in L. Manihar Singh, Chief Engineer/IFCD, S. D. Gangte, ACE-I/IFCE leh Th. Saratchandra Singh, EE/KSID ten suaikai ua, LCA apan in Haothang, President, LCA, N. Sanga Paite, Secretary, LCA leh Phaipi Lalpu, Representative, LCA ten suaikai uhi. Hiai meeting ah LCA lam apan in member 20 val in uap uhi.
HSE Exam kipan ding
Lamka, Feb-27: Higher Secondary 2008 Examination hong tung ding February 29, 2008 in kipan ding a, tua ah centre ‘B’ ding in Lamka College seh in om hi. Hiai Centre ‘B’ ah Rayburn College, Ebenezer Academy leh Lamka College exam ding uhi. Hiai a exam dingte’n admit card leh mahni college uniform silh chiat ngai ding hi’n thutut kingah hi.
Suunna: ZEO/CCpur Office a LDC semlel Mr. Hau Salem (36) S/o. (L) Ngulpau of S. Kotlian zan nitak 10:30 in sinna in si hi.
‘Open Dialogue on ADC Election, 2008’
IMPHAL, Feb 27 NNN: Movement for Tribal People’s Rights Manipur (MTPRM) saina in Nilaini a "Autonomous District Council (ADC) elections 2008 vis-à-vis issues confronting the tribal people of Manipur", chih pansan a open dialogue Tribal Research Institute (TRI) auditorium, Imphal a neihna ah hill district apat palai paikhawm te’n Manipur govt. in a zattak nawnlou ADC Act, 1971 pansan a ADC election neihpih a sawm thu leh Manipur Gazette a ADC Act, 2000 a guanlouh banah hill district a hiai Act zat ahihlouh kithutuaktak in mohpaih uhi.
Hiai hun a palai paikhawmte’n ADC Act, 1971 pen khen a, ADC Act 2000 a Dan omte toh gawmkhawm a ADC election neih ahihtheihna dia leh, grass root level a mipi kivaihawmna state govt. in kum 20 sung ana sukbei tua hoihtak a a paitheihna dia thuneihna lianzaw tawite naih ding in thupuk uhi.
Palai paikhawmte’n ADC election 2008 toh kisai a singtangmite bitna ding susethei thupukna state govt. in a lak khak a leh leng a thu ngaihtuah leh dou ding in MTPRM tung ah kithutuaktak in thuneihna pekhia uhi. Huai banah, sepna toh kisai a Manipur singtangmite reservation policy enkaitu ding tribal commission bawlkhe dia state government kiang a phut ding in thupuk uhi.
AR leh CRPF-te nna engdot in om
IMPHAL, Feb 27 NNN: Manipur Assembly session pailel ah Nilaini in opposition MLA O Joy leh RK Anand in NH-53 dung a Keithelmanbi a Assam Rifles leh Central Reserve Police Forces personnel-te gamtat khengvalte toh kisai in Home Minister kiang ah Manipur a AR leh CRPF-te nna bang hi hiam chih dotna bawl kawm a action la dia ngiat uh hidan in thusuak in taklang hi.
Home a additional charge len Manipur Chief Minister in hiai dotna a dawnna ah, NH-53 tawn a tai truck-te kiang a sum ana ngensek uh hi a ngoh a om AR leh CRPF-te tung a, a kisaipih police station apat formal complaint a omlouh ziak a action bangmah laktheihlouh a om ahihdan gen hi. Huai banah, hiai thu toh kisai Chief Minister leng a telna unified command in sui ding ahihdan leh a poimoh bangbang a panlak a om ding ahihdan CM in gen hi’n thusuak in taklang hi.
Sum ngetna a sukbuchinlouh ziak un tuma zek in NH-53 dung a Keithelmanbi post a AR personnel te’n truck 12 vel ana hentang ngei ua, media kiang a hiai thu truck driver association te’n a tun ziak un khah in om uhi. Assam toh gamgi zul a Barrack phaizang a Makru a CRPF om te’n leng truck-te apat siah ana khonzel uh hidan in thusuak in taklang hi.
UNC in Naga MLA-te taihilh; Manipur Innpi mohsa
IMPHAL, Feb 27 NNN: Nagaland Paradesh Congress Committee (NPCC) in Assembly election manifesto a Naga mite tenna gam tengteng vaihawmna khat nuai a a omtheihna dia panlak a sawm thu uh a taklat ziak ua thu-le-la leng vengvung toh kisai in ana dai dide mahleh, Manipur Legislative Assembly in hiai thu toh kisai a pan a lak pen uh Naga mipite deihdan kalh sawm gigena hidan a Nilaini a United Naga Council (UNC) in gen hi’n thusuak in taklang hi.
Nagate kigawmkhawm ding dalna Private Member Resolution ana dallouh ziak un UNC in a MLA-te uh tung ua lungkimlouh thu taklang ua, UNC a information and publicity secretary S.Milan in a thusuahna ah NPCC(I) in a manifesto ua 16-Point Agreement a telsak ziak ua Manipur Legislative Assembly in gen-le-sak a neih sese banah February 22 a Private Member’s Resolution Bill ana ki-pass pen ngaikhawk mahmah ahihdan uh taklang hi. UNC’ thusuah in a hilhchetna ah, 16-Point Agreement pen Government of India (GOI) leh Naga People’s Convention (NPC) kal a kitheisiamna, India in a sepsuahnailouh ahihdan taklang hi.
16-Point Agreement pen manifesto a telsak ding NPCC(I) thu ahihdan leh a poina omlou ahihdan taklang kawm in Manipur Legislative Assembly in Naga mipite deihdan a kalh gige uh UNC in mohpaih hidan in thusuak in taklang hi.
UNC’ thusuah in a taklatzeldan in, Assembly sung hi’n pua hitaleh, Naga mipite deihdan leh politics tangkoupih dia UNC in Naga MLA-te a sawl ahihdan taklang kawm in hiai thu toh kisai kuamah gen ding omlou ahihdan leh hiai Naga MLA-te detdoutak a gum leh nungthuap gige uh hidan in thusuak in taklang hi.
A MLA-te uh gum leh nungthuap gige ding ahihdan uh UNC in taklang mahleh Private Member Resolution a dallouh uh toh kisai in bel a lungkimlouh thu uh leng taklang ua, maban a hiai bang thil hihkhelh a om nawnlouhna dia pilvang ding a UNC in a MLA-te uh taihilh hidan in thusuak in taklang hi.
Indo-Naga problem beina di’n naktak a pan Congress kiman: PM
KOHIMA, Feb 27 NNN: Nagaland Assembly election om ding toh kisai a Nilaini a Prime Minister Dr. Manmohan Singh in Nagaland a vehna ah khantouhna a omna dia lemna leh muanna poimoh ahihdan genkawm in North East bial leh a diak a Nagaland a lemna leh muanna omna dia Congress kia chitaktak leh ginom a pang ahihdan gen hi’n thusuak in taklang hi.
Kohima public ground a Prime Minister in a thugenna ah, Nagaland a lemna leh muanna a om theihna dia pawl tuamtuam toh lungsim siangthoutak a kihouna neih a om ahihdan leh a lohchin ngei a lamet thu gen hi. Nagaland mipite’n hiamgamna deih nawnlou leh khamgawpta a khantouhna deih uh ahihdan genkawm in Congress in a deihna uh tangtunsak ding ahihdan PM in gen hi.
Nagaland a Neiphiu Rio makaih Democratic Alliance of Nagaland (DAN) government khengkhe dia Prime Minister in mipite a chialna ah, a paisa kum 5 sung party tuamtuam kigawmkhawm a DAN chih kiminvuahte’n bangmah semkhelou ahihdan uh gen a, hiai coalition party te’n common ideology leh common agenda leng neilou uh ahihdang gen hi. Huai banah, vaihawmna a deih chiat uh bel kibatna a neih sunsun uh hi’n PM in gen hi.
A mipite kiang a bitna leng petheilou government tuh mipite gupna ngahtak hilou ahihdan gen in DAN govt. in beh-le-phung leh chi-le-kuang pansan a mipite khenzak sawm hidan a ngoh in a paisa kum 5 sung a DAN vaihawmna ziak a Nagaland tuantual gawp man hi’n PM in gen hi. PM in a genzelna ah Congress party in Nagaland a lemna leh muanna, khantouhna lohchinna a om ding lunggulhtaktak ahihdan gen kawm in Nagaland’ maban ding hoih leh etlahhuai mahmah ahihdan gen hi. Huai banah, March 5 chiang a Assembly election a om chiang a Nagaland a lemna leh muanna, khantouhna a om theihna dia mipite’n Congress party vote chiat dia ngen hidan in thusuak in taklang hi.
Election ding ziakin Nagaland ah mi 2 si
Kohima, Feb 27(NNN): Nagaland Election March 5, 2008 a neih ding toh kisai a buaina mun tuamtuam ah om paitou zel in tuni’n Mokokchung district ah Ind. Candidate T. Tali panpihtute leh NPC candidate L. Temjen Jamir panpihtute 21-Tuli A/C, Tuli Paper Mill ah kihon sual uhi.
Thusuak in a taklatna ah, hiai kihon sualna ah Ind. Candidate Tali panpihtute lak a mi 2, Yangersenba (35) s/o Imtiyaba leh Talisobu (30) s/o Susangmeren of Kangtsung village si uhi.
Th. Debendra inn beih in om
Imphal, Feb 27(NNN): Law and Revenue Minister Th. Debendra Singh, private inn Lamphal Police station huamsung a Khurai Leirikyengbam kichihna mun a om ah tuni sun dak 12:10 vel ding in meltheihlouh pawl khat in a compound sung ah bomb va paihlut ua, himahleh bomb puaklou a, a khonung in police in lakhia hi. Hiai bomb paihlut ahihlai in inn bawl mi 2 om lel uh hi’n leng thutut kingah hi.
Tuabangkal ah, Imphal East a om Lamlong bazaar a dawr kaite’n helpawlte apan demand tamtak a muh ziak un dawr teng khak uhi. Thutut kingah dan in, kha teng in helpawlte kiang ah sum pe gige ua, himahleh tutung a a piakzoh nonlouh ziak ua dawr khak ahihdan uh gen ua, zingchiang apan Sit-in-protest leng nei ding uh hi’n gen uhi.
KSO in ATSUM agup thu suah
Imphal, Feb. 27 (NNN): Manipur University a singtangmite ngaihkhawk ziak a All Tribal Students’ Union Manipur (ATSUM) in pan a lakna Kuki Students’Organization (General Headquarters) (KSO-GHQ) inleng gum ahih dan gen, hi’n thusuak in taklang hi.
State a university omsun a Admission leh appointment quota hawmdan kilawmlou tamtak om pen thil lungzin huailua ahihziak in nounel tak a et khiak ding ahih dan leh, zanzek a Central University chih minvuah a om a singtangmi student-te’ tandi piaklouh ziak a kiphin ATSUM-te’ demand ngaihtuah sak ding in Information secretary KSO (GHQ), Paotinthang Lupheng in a thusuahna ah govt. hasuan hi’n thusuak in taklang hi.
Hiai institution a reservation policy leh recruitment rule university in zuilou chih ziak in March 1 apan hiai university a kai singtangmi student-te tengteng ATSUM in lakkhiak sawm a, Manipur University Tribal Students’ Union (MUTSU) leh Komrem Students’ Union Manipur (KRSUM) leh student body tuamtuam te’n leng ATSUM agup thu uh suah uhi.
State Govt. in Nam tawmte Right zahtaklou - ANSAM
Imphal, Feb. 27(NNN): National Institute of Technology (NIT) bawlna ding a gam thubuai hi’n issue tuamtuam dang hileh Manipur govt’ thil hihdan in Manipur a singtangmite’ sentiment leh namtawmzawte’ right zahtaklou hi All Naga Students’ Association, Manipur (ANSAM) in ngoh hi.
Manipur a tawndan tuamtuam leh nam tuamtuam a om dungzui a, state thubuaite khotang a muanna a omna dia sukveng ding state solkar mohpuak ahihdan leh, Langol-Lamphelpat lak a tengte’ thu lou a solkar in NIT bawl a sawm ban ah, thagum a nohkhiak pen mipite nelhsiahna ahihdan leng ANSAM president Paul Langhu in NNN tungtawn in thusuah bawl hi. Hichibang a solkar’gamtatna in mipite leh thuneitute kigamla sak a, solkar in mihing hihna zahtak sak ding a anget ban ah, NIT in a sukkhak gamneitute thuakpih ahih dan leng ANSAM in a thusuahna ah taklang hi.
Aban a genzelna ah, Singtangmite’hamphatnate a nelhsiah gige ziak a alungkimlouh thu gen a, National Rural Health Mission Society nuai a Ayush Doctor lakna ding toh kisai a le solkar in aguk-agal a reservation policy a bawl louh ding alauh thu a gen ban ah, tu ma zek a mun awng 40 hukdim ahihlai inle reservation omlou a, hiai toh kisai leng ngaihtuah ding in ANSAM in MLA-te kiang ah ngen hi.
Autonomous District Council nuai a, “Scheduled areas” ahih keileh singtangkhuate a Panchayat election 2007 neih ahih pen singtangmite’gamneihte suhsak tupna ahi chi’n naktak a amohsak thu a gen ban ah, 1980 district re-organization file revenue department, Imphal in akep leng tu tan a dist. headquarter-te piakkik nailouh hi a, hiaite toh kisai Kuki Students’ Organization, GHQ toh pangkhawm a govt kiang tut himahleh mipite’haksatna govt in ngeingaih lou ahihdan leng ANSAM in a thusuakna ah taklang hi.
School Board dang a zopna ding a singtang a private school-te “No Objection Certificate” piak ding chih a nget uh leng bangmah lohlouh in om a, hiai toh kisai Oct. 10, 2007 a laigelh thoh a Manipur solkar kiang tut himahleh, singtang a student-te deihtelna solkar in adal teitei ban ah, hiai bang thiltungte toh kisai a lungkimlouhna kisungkhawmte a kisaipih MLA te’n sukveng sawmlou a adaih dide uh leh mipite’ aw ngaihsaklou dan a ngaih ahih ding thu uh leng ANSAM in taklang hi.
Govt. in singtangmite a siikden pen lamdang a sak thu ANSAM in taklang a, namniamte leh mipite lausak thei ding leh haksatna tunthei ding thilte bawllou ding a thau tawite leh khotang a pawl tuamtuamte a chial ban ah, tu ma deuh a meltheihlouh galvan tawi pawlkhat in thau ava kap ziak ua lau leh buai a om Chingkham Kabui kho mipite leng a thusuah tungtawn in ANSAM in a thuakpih thu taklang hi.
Mihing manphatna leh mihing hihna zahtak kawm a kitheihsiamtuahna kembit di’n social organization tuamtuam leh thau tawi pawl tuamtuamte a hasuanna ban ah, buaina bawl i chih kiim-le-kiang thovenna’ng a thil hoih hilou ahih dan leng ANSAM in gen hi’n thusuak in taklang hi.
Editorial
Thupi: Thadah in kuang sungah a khut a thun; huaituh a kam tun nawn ding in a ngapkei hi. Paunakte 26:15
Sepna ah kipiakzoh poimoh
India’ constitution in ‘dignity of labour’ a pibawl mahmah a, himahleh ei lak ah khut nasep toh kisai in kizumpihna lian mahmah bang hi. ‘Bang sem e?’ chih dotna a om chiang in a tangpi in ‘bang le hih khol khang?’ chih dawnna tam mahmah hi. Sepna chih thumal i gen chiang un a tangpi in sorkar nuai a sepna i gen uhi. Huai kawmkal ah, sepna hoihtak leh kha loh tampi san kua peuh i ut chiat ua, hoihlou hinapi in, sepna hoih i deih un sepna niam leh neu chih piangsak bang hi. Mimal in banghiam sum-le-pai muh theihna dia sep-le-bawl i neihte uh leng ‘sepna’ ahihlam mangngilh hialta houh i hi ding uam chih theih khop in i omta uhi. Mi’n bang i sem zel a chih a hon dot chiang ua leng mimal ‘sepna’ lianlou gen ding zakta in bangmah semlou hih bang leng telzaw i bang uhi. Huai omdantak tuh, bangmah hihlou hih a zumhuai lam phawklou i hi uh chihna ahi. Bible in nasemloute’n nek leng a neklouh ding uh chi khop a nasep a pibawllai a eite’n bangmah hihlou hih i telzawk uh hi gingtu kichite a dia zuau genna mai hilou in sihtheihna thu genkhiakna ahi hi. A ziak bel, semloute’n a nekkei ua leh a maban ding uh bel gilkial a sih ding ahi.
Bible gen tangtung teitei ahihdan lah pom vek tangpi i hihman un, Hehpihna hun a ding i hih lam uh thei kawmkawm in, semlou kichi ngal a nek lah ngawl tuanlou i hihman un bang hiam bek zaw sem chiat bel hiding i hi uh chih ngamhuai hi. Rickshaw hek hiam, khedap bawl hiam ahihkeileh, ‘sepna’ niam deuh a i koihte uh a tangpi in khosakna niam deuhte’n nekzonna dia a zat uh ahi chih bel thudik ahi. Amau leng sepna toh kisai dotna a muh chiang un kiniamkhiaktak in a dawng tangpi ua, bangmah semloute toh teh a nak zumhuailou lua, nak zahtakhuailou lua ahihlam a phawklouh man uh ahi. Hiai bang ngaihdan i neih mawk uh bangziak hiding hiam chih i kidot chiang in a ziak ding chiangtak gen theih omkei mahleh, khotang a mi tamtak, a seplam uh kuaman a theihlouh kal ua ginom leh kuhkaltak a nna ana semte khong i makhelh nakkhem ziak uh ahi diam chih theih hi. Huai in ngaihdan diklou, ‘mi’n semlou a, khuak zang a sum a muhtheih lai ua en kho-ul kaizen a nek i zon pen zumhuai ahi’ chih piangsak ahi diam?
Lehkhasiam, BA vual Lamka zang a tam mahmah a, himahleh, sorkar nuai a sepna muzou tawm mahmah hi. Huai te’n khut nasep pen niamkoih deuh kha a bangmah hihlou hih telzaw kha houh ihi ding uam chih ngaihdan omthei hi. Khaloh tampi muhtheihna ding sepna bel nekzonna leh kingakna taktak ching ahihman in hoih mahmah hi. Himahleh, nekzonna leh kingakna taktak chingkei mahleh, nna khat peuhpeuh hitaleh, a neulua hiam ahihkeileh a niamlua chih omlou hi. Etsakna di’n, inn nung a annkam huan bawl lel bang leng nekzonna ching hial kei mahleh, sepna khat ahi. Hiai annkam huan apat meh ding hong piang a, huaite i zuaklouh tawp a leng mehman a sum i sen hong ngailou hi. Huai omdantak bel, i khut ah sum hong lutkei mahleh sum bawl bel hi veve i hi.
Gam khat hauhsakdan leh gam khat apat sum piang tuatte’n a buaipih hial khat uh leng ahinamah a, inn-nupi (nungak leng hithei) khat in a sep-le-bawl ziak in kum khat in a khut ah sum cheng khat lel leng mukei mahleh, inn-nna a sepkhiakte ziak a nitha piak ding hileh, kum khat in bel a sum a tuat in tam mahmah ding hi. A tamna ding diak bel, inn-nupi nna i chih sepna dangte dan a kholni neilou ahih banah, ni khat a dakkal 8 sung sep hun kibikhiah pen zuih hitheilou a, ni khat a a poimoh leh dakkal 24 phialphial bang a sep ton uh om hi. Huai banah, voluntary pension scheme gentaklouh, pension chihte himhim omlou a, ‘7 days a week, 365 days a year’ a sep ahi. Huai ziak mah in inn-nupi kichi bang leng ana changkang masa Sapte ngial in sepna taktak dan in koih ua, a ngaihsang mahmahte lak ua khat ahi.
Nu-le-pa’ sum zang a om nilouh pen hingallou deuh hiveh aw chih apat kalsuan a, Lamka phaizang a, a diak a tuailai bangmah hihlou kichite’n bangmah hihlouh a zumhuai dan i theih thak uh poimoh mahmah hi. Sep-le-bawl niam leh nei a i koihte uh sem hih a zumhuai sang a bangmah hihlou leh semlou hih a zumhuai lam phawk in kisingsa leng deihhuai mahmah hi.
lamkapost@yahoo.com
Lamka, Feb-27: Dist Hospital New OPD Building sawng tung kibawl lel toh kisai a zan a CDSU leh Press team kithuah a etchetna uah nasep dan (quality) lungtunhuailou a sak ziak ua khawl sak nung uh tuni sun dak 12:00 in huai a Contractor Sana Tomba Singh of Singjamei in Lamka hawng pha in CDSU leh Press team teng toh kisiatna mun tuamtuam en khawm uhi.
Thutut kingah dan in, a tuang (floor) tiles kiphahna munte a nuai Cement tawmluat ziak a kiplou in kok thei a, plaster kibawl leng Leingawi sawp louh ahihziak a kawk thei ahihman in complaint omna mun tengteng ni 10 sung a bawl thak vek ding a chih ziak in nasepna khah kawl nawn uhi. Thutut kingah dan in, hiai hospital bel March 2008 kha tawp a Innauguration sawm uh ahihdan leng gen a, ni 10 zawh nung chiang a etkhiak hinawn ding chi uhi.
Re-Orientation programme zang ding
Lamka, Feb 27: Autonomous District Council, CCpur nuai a school omteng a Headmaster/Headmistress/Head Incharge teng ading in hongtung ding March 4, 2008 zing dak 9:20 apan in Synod Hall, IB Road ah ‘One day Re-orientation Programme’ zat hidng hi.
Hiai programme ah District Council nuai a Headmaster/Headmistress/Head Incharge teng pellou a telchiat ding in Mr. Henlianthang Thanglet, CEO/ADC, CCpur in theihsak hi.
Exam centre kiim ah Sec.144 Cr.P.C.
Lamka, Feb 28: Lamka College, CCpur. Govt. College leh Jawahar Navodaya Vidyalaya, CCpur ah CHSE (Class-XII) Examination leh Rayburn High School leh Jawahar Navodaya Vidyalaya, CCpur ah HSLC (Class-X) Examination hongtung ding February 29, 2008 apat neihpat ding toh kisai in Mr. Sumanr Singh, IAS, District Magistrate, CCpur District in hiai Exam centre kimkot metre 100 huamsung ah Sec.144 Cr.P.C puang hi.
Hiai Sec.144 Cr.P.C bel hongtung ding February 29, 2008 apan in April 2, 2008 tan exam neih niteng zing dak 8:00 apan in nitaklam dak 4:30 tan daih zel ding hi. Hiai hunsung in Exam centre kimkot metre 100 huamsung ah mi 5 sang a tamzaw omkhawm phal hilou a, hiamhei leh galvan tawi phal ahihlouh banah paungaihna zat phal hilou hi. Hiai khamna in Government official-te banah Security personnel duty-te huamkhalou ding hi.
Hanshipte EPIC Lamka ah kila ding
Lamka, Feb 28: Thanlon sub division nuai a om Hanship Polling Station a Electoral Roll a omte Electoral Photo Identity Card (EPIC) ading lemlakna hongtung ding March 1, 2008 zing dak 6:30 in New Lamka Elim Veng a Unity Street a T. Paukhanlian Inn ah neih hiding hi.
Awareness Campaign nei
Lamka, Feb 28: National Bamboo Mission nuai a Forest Development Agency saina in tuni zing dak 10:30 apan in New Lamka YPA Hall ah ‘Oneday Awareness Campaign on Environment & Ecology–cum- Training on Bamboo Nursery Raising for commercial Cultivation’ neih in om hi. Hiai Programme honna Mr. H.D. Gangte, CEO, FDA/CCpur in nei hi.
Electoral Roll buaipih lel
Lamka, Feb 28: Manipur singtanggam a Autonomous District Council nuai a MDC kitelna hongtung ding April 2008 kha sung a neih ding toh kisai in CCpur District sung a MDC Constituency 18 omte a Electoral Roll/Voter list ding Autonomous District Council Office, CCpur in buaipih lel hi. Tulel a District sung a MLA Constituency 6te ah MDC Constituency 3 chiat om hi.
Beam in delhkha
Lamka, Feb 28: Mr. Lamkap (25) s/o. Sehlun of Leijangphai zan sunnung dak 1:00-2:00 kikal in a khua ua pan 10 Km vel gamlak ah a lawmte 2 toh sing-at ding beam khaang lai a palluang uh kitan in sing beam in amah delhkha in gim mahmah a Lamka Damdawi inn tuni dak 1.30 in puaktun himahleh damzoulou in sunnung dak 3:10 in si hi.
Tuabangkal ah, Upa Kaikhanpau (60) s/o (L) Nengzathang of Vengnuam, New Lamka tuni a avenge ua inn bawl lai feet 10 vel a sang ah kia a, Lamka damdawi inn ah etkol in omlel hi.
IG (L & O-III) in Lamka pha
Lamka, Feb-27: V. Zathanga IPS, IG(L&O-III) in tuni sunnung dak 1:00 vel in Lamka hawngpha a, SP/CCpur Office ah hun sawtlou khawl in huai apan SP/CCpur toh kizui in Salem veng leh Khumujamba phak zawh nung uh sawtlou in Imphal ah kik nawn hi.
One Day Awareness Programme nei
Lamka, Feb-27: Forest Department Churachandpur saina in tuni zingkal dak 10:30 apan in New Lamka YPA Hall ah One Day Awareness cum Training on Bamboo Nursery Raising for Commercial Cultivation chih nei ua, tua ah hausa 90 val tel uhi.
Huai hun ah HD Gangte CEO, FDA, Churachandpur in hong a, Kh.Shyam Singh IFS, DFO/Thoubal in Technical toh kisai sinsak hi. Training zoh in Hausate kiang ah Sazu thang (Trap) 600 leh Sazulou (Zing Sulphide) tuun 10,000 val hawm khia uhi.
Dept. tuamtuam apan mi 4 pension ding
Lamka, Feb-27: Churachandpur District Nurse Association (CDNA) in a member uh Nuamzavung, Staff Nurse zingchiang Feb. 29, 2008 a pension ding khakna tuni sunnung dak 1:00 in Dist. Hospital OPD Hall ah nei uhi. Tua toh kiton in, Lamka College Staff ten leng a seppih uh Selection Grade Lecturer 2 Vanlaleng Pudaite leh Beganjam Chaodury Feb 29, 2008, sun dak 12 Lamka college ah khakna programme zang in ankuang umpih uhi. Tuabanah, Dist. Industries Centre (DIC) Office a Account Officer (AO) sem Vanlallhu Feb. 29, 2008 a pension ding khakna tuni sunnung dak 1:00 in DIC Office Tuibuang ah Office staff ten kha uhi.
KLA Finance Chief Aizawl ah kaplup in om
Imphal, Feb-27: Kuki Liberation Army (KLA) a Finance Chief hihna lenlel Mr. Thangcha Kipgen @ Johnu (42) s/o Hempau of Supermaina, Sadar Hills zan in Mizoram khopi Aizawl a, Jarkot mun a Hotel a tunna mun ah kaplup in om a, a luang tunitak dak 6 in a tenna inn Supermaina puaktun in om a, nitak nung in vuiliam a om ngal hi’n Mr. Paoboi Touthang, reporter Moreh apan thutut kingah hi.
Thutut kingah dan in, Mr. Thangcha bel hotel a tunna ua, a lawmte toh kiselbuai kha a amah lawmte mah in a kaplup hi’n kigen hi. Mr. Thangcha in a zi Mrs. Kikim banah, tapa 1 leh tanu 1 nusia hi.
DPO di’n Mrs. Roumawi
Lamka, Feb-27: Social Welfare, CCpur District nuai a District Programme Office ding Mrs. Romawi in tuni’n charge lata hi. Tuabangkal ah, Mrs. R. Khumi in SA road a ateenna inn ah Aganwadi Worker teng sam khawm in suaikai sak a, hiai a suaikaitute’n suaikaihte uh zukkik uh ahihdan press ah thutut bawl uhi.
LCA leh Government kihoulem; Khaga Dam Bandh khawl sak
Lamka, Feb-27: Khuga Dam toh kisai a kibawlkhia Local Contractor Association (LCA) in hun bang tan hiam paita apan Govt. in bills pending tamtak omte a piakkhiak louh ziak a Khuga Dam nasepna a bandh a bawl toh kisai in tuni’n IFCD Minister Pu Biren office Chamber ah Govt. palai leh LCA palaite’n tuni sunnung dak 1 in kihou in kilemna suaikai uhi.
Hiai a kilemnate bel, Khuga Dam a Division 4, Canal 1, Canal 2, Spillway leh Headwork (Diversion) te verification hoihtak a bawl a, tua zoh chiang a April kha sung a instalment 1/2 a piakvek ding; Pending bills tengteng piaksiang ahihma Khuga Dam hon khiak hilou ding; Hiai kilemna toh kiton a LCA in Khuga Dam bandh a bawlpen tuni apan khawlsak phot ding chihte in kilem uhi.
Hiai meeting ah government apan in L. Manihar Singh, Chief Engineer/IFCD, S. D. Gangte, ACE-I/IFCE leh Th. Saratchandra Singh, EE/KSID ten suaikai ua, LCA apan in Haothang, President, LCA, N. Sanga Paite, Secretary, LCA leh Phaipi Lalpu, Representative, LCA ten suaikai uhi. Hiai meeting ah LCA lam apan in member 20 val in uap uhi.
HSE Exam kipan ding
Lamka, Feb-27: Higher Secondary 2008 Examination hong tung ding February 29, 2008 in kipan ding a, tua ah centre ‘B’ ding in Lamka College seh in om hi. Hiai Centre ‘B’ ah Rayburn College, Ebenezer Academy leh Lamka College exam ding uhi. Hiai a exam dingte’n admit card leh mahni college uniform silh chiat ngai ding hi’n thutut kingah hi.
Suunna: ZEO/CCpur Office a LDC semlel Mr. Hau Salem (36) S/o. (L) Ngulpau of S. Kotlian zan nitak 10:30 in sinna in si hi.
‘Open Dialogue on ADC Election, 2008’
IMPHAL, Feb 27 NNN: Movement for Tribal People’s Rights Manipur (MTPRM) saina in Nilaini a "Autonomous District Council (ADC) elections 2008 vis-à-vis issues confronting the tribal people of Manipur", chih pansan a open dialogue Tribal Research Institute (TRI) auditorium, Imphal a neihna ah hill district apat palai paikhawm te’n Manipur govt. in a zattak nawnlou ADC Act, 1971 pansan a ADC election neihpih a sawm thu leh Manipur Gazette a ADC Act, 2000 a guanlouh banah hill district a hiai Act zat ahihlouh kithutuaktak in mohpaih uhi.
Hiai hun a palai paikhawmte’n ADC Act, 1971 pen khen a, ADC Act 2000 a Dan omte toh gawmkhawm a ADC election neih ahihtheihna dia leh, grass root level a mipi kivaihawmna state govt. in kum 20 sung ana sukbei tua hoihtak a a paitheihna dia thuneihna lianzaw tawite naih ding in thupuk uhi.
Palai paikhawmte’n ADC election 2008 toh kisai a singtangmite bitna ding susethei thupukna state govt. in a lak khak a leh leng a thu ngaihtuah leh dou ding in MTPRM tung ah kithutuaktak in thuneihna pekhia uhi. Huai banah, sepna toh kisai a Manipur singtangmite reservation policy enkaitu ding tribal commission bawlkhe dia state government kiang a phut ding in thupuk uhi.
AR leh CRPF-te nna engdot in om
IMPHAL, Feb 27 NNN: Manipur Assembly session pailel ah Nilaini in opposition MLA O Joy leh RK Anand in NH-53 dung a Keithelmanbi a Assam Rifles leh Central Reserve Police Forces personnel-te gamtat khengvalte toh kisai in Home Minister kiang ah Manipur a AR leh CRPF-te nna bang hi hiam chih dotna bawl kawm a action la dia ngiat uh hidan in thusuak in taklang hi.
Home a additional charge len Manipur Chief Minister in hiai dotna a dawnna ah, NH-53 tawn a tai truck-te kiang a sum ana ngensek uh hi a ngoh a om AR leh CRPF-te tung a, a kisaipih police station apat formal complaint a omlouh ziak a action bangmah laktheihlouh a om ahihdan gen hi. Huai banah, hiai thu toh kisai Chief Minister leng a telna unified command in sui ding ahihdan leh a poimoh bangbang a panlak a om ding ahihdan CM in gen hi’n thusuak in taklang hi.
Sum ngetna a sukbuchinlouh ziak un tuma zek in NH-53 dung a Keithelmanbi post a AR personnel te’n truck 12 vel ana hentang ngei ua, media kiang a hiai thu truck driver association te’n a tun ziak un khah in om uhi. Assam toh gamgi zul a Barrack phaizang a Makru a CRPF om te’n leng truck-te apat siah ana khonzel uh hidan in thusuak in taklang hi.
UNC in Naga MLA-te taihilh; Manipur Innpi mohsa
IMPHAL, Feb 27 NNN: Nagaland Paradesh Congress Committee (NPCC) in Assembly election manifesto a Naga mite tenna gam tengteng vaihawmna khat nuai a a omtheihna dia panlak a sawm thu uh a taklat ziak ua thu-le-la leng vengvung toh kisai in ana dai dide mahleh, Manipur Legislative Assembly in hiai thu toh kisai a pan a lak pen uh Naga mipite deihdan kalh sawm gigena hidan a Nilaini a United Naga Council (UNC) in gen hi’n thusuak in taklang hi.
Nagate kigawmkhawm ding dalna Private Member Resolution ana dallouh ziak un UNC in a MLA-te uh tung ua lungkimlouh thu taklang ua, UNC a information and publicity secretary S.Milan in a thusuahna ah NPCC(I) in a manifesto ua 16-Point Agreement a telsak ziak ua Manipur Legislative Assembly in gen-le-sak a neih sese banah February 22 a Private Member’s Resolution Bill ana ki-pass pen ngaikhawk mahmah ahihdan uh taklang hi. UNC’ thusuah in a hilhchetna ah, 16-Point Agreement pen Government of India (GOI) leh Naga People’s Convention (NPC) kal a kitheisiamna, India in a sepsuahnailouh ahihdan taklang hi.
16-Point Agreement pen manifesto a telsak ding NPCC(I) thu ahihdan leh a poina omlou ahihdan taklang kawm in Manipur Legislative Assembly in Naga mipite deihdan a kalh gige uh UNC in mohpaih hidan in thusuak in taklang hi.
UNC’ thusuah in a taklatzeldan in, Assembly sung hi’n pua hitaleh, Naga mipite deihdan leh politics tangkoupih dia UNC in Naga MLA-te a sawl ahihdan taklang kawm in hiai thu toh kisai kuamah gen ding omlou ahihdan leh hiai Naga MLA-te detdoutak a gum leh nungthuap gige uh hidan in thusuak in taklang hi.
A MLA-te uh gum leh nungthuap gige ding ahihdan uh UNC in taklang mahleh Private Member Resolution a dallouh uh toh kisai in bel a lungkimlouh thu uh leng taklang ua, maban a hiai bang thil hihkhelh a om nawnlouhna dia pilvang ding a UNC in a MLA-te uh taihilh hidan in thusuak in taklang hi.
Indo-Naga problem beina di’n naktak a pan Congress kiman: PM
KOHIMA, Feb 27 NNN: Nagaland Assembly election om ding toh kisai a Nilaini a Prime Minister Dr. Manmohan Singh in Nagaland a vehna ah khantouhna a omna dia lemna leh muanna poimoh ahihdan genkawm in North East bial leh a diak a Nagaland a lemna leh muanna omna dia Congress kia chitaktak leh ginom a pang ahihdan gen hi’n thusuak in taklang hi.
Kohima public ground a Prime Minister in a thugenna ah, Nagaland a lemna leh muanna a om theihna dia pawl tuamtuam toh lungsim siangthoutak a kihouna neih a om ahihdan leh a lohchin ngei a lamet thu gen hi. Nagaland mipite’n hiamgamna deih nawnlou leh khamgawpta a khantouhna deih uh ahihdan genkawm in Congress in a deihna uh tangtunsak ding ahihdan PM in gen hi.
Nagaland a Neiphiu Rio makaih Democratic Alliance of Nagaland (DAN) government khengkhe dia Prime Minister in mipite a chialna ah, a paisa kum 5 sung party tuamtuam kigawmkhawm a DAN chih kiminvuahte’n bangmah semkhelou ahihdan uh gen a, hiai coalition party te’n common ideology leh common agenda leng neilou uh ahihdang gen hi. Huai banah, vaihawmna a deih chiat uh bel kibatna a neih sunsun uh hi’n PM in gen hi.
A mipite kiang a bitna leng petheilou government tuh mipite gupna ngahtak hilou ahihdan gen in DAN govt. in beh-le-phung leh chi-le-kuang pansan a mipite khenzak sawm hidan a ngoh in a paisa kum 5 sung a DAN vaihawmna ziak a Nagaland tuantual gawp man hi’n PM in gen hi. PM in a genzelna ah Congress party in Nagaland a lemna leh muanna, khantouhna lohchinna a om ding lunggulhtaktak ahihdan gen kawm in Nagaland’ maban ding hoih leh etlahhuai mahmah ahihdan gen hi. Huai banah, March 5 chiang a Assembly election a om chiang a Nagaland a lemna leh muanna, khantouhna a om theihna dia mipite’n Congress party vote chiat dia ngen hidan in thusuak in taklang hi.
Election ding ziakin Nagaland ah mi 2 si
Kohima, Feb 27(NNN): Nagaland Election March 5, 2008 a neih ding toh kisai a buaina mun tuamtuam ah om paitou zel in tuni’n Mokokchung district ah Ind. Candidate T. Tali panpihtute leh NPC candidate L. Temjen Jamir panpihtute 21-Tuli A/C, Tuli Paper Mill ah kihon sual uhi.
Thusuak in a taklatna ah, hiai kihon sualna ah Ind. Candidate Tali panpihtute lak a mi 2, Yangersenba (35) s/o Imtiyaba leh Talisobu (30) s/o Susangmeren of Kangtsung village si uhi.
Th. Debendra inn beih in om
Imphal, Feb 27(NNN): Law and Revenue Minister Th. Debendra Singh, private inn Lamphal Police station huamsung a Khurai Leirikyengbam kichihna mun a om ah tuni sun dak 12:10 vel ding in meltheihlouh pawl khat in a compound sung ah bomb va paihlut ua, himahleh bomb puaklou a, a khonung in police in lakhia hi. Hiai bomb paihlut ahihlai in inn bawl mi 2 om lel uh hi’n leng thutut kingah hi.
Tuabangkal ah, Imphal East a om Lamlong bazaar a dawr kaite’n helpawlte apan demand tamtak a muh ziak un dawr teng khak uhi. Thutut kingah dan in, kha teng in helpawlte kiang ah sum pe gige ua, himahleh tutung a a piakzoh nonlouh ziak ua dawr khak ahihdan uh gen ua, zingchiang apan Sit-in-protest leng nei ding uh hi’n gen uhi.
KSO in ATSUM agup thu suah
Imphal, Feb. 27 (NNN): Manipur University a singtangmite ngaihkhawk ziak a All Tribal Students’ Union Manipur (ATSUM) in pan a lakna Kuki Students’Organization (General Headquarters) (KSO-GHQ) inleng gum ahih dan gen, hi’n thusuak in taklang hi.
State a university omsun a Admission leh appointment quota hawmdan kilawmlou tamtak om pen thil lungzin huailua ahihziak in nounel tak a et khiak ding ahih dan leh, zanzek a Central University chih minvuah a om a singtangmi student-te’ tandi piaklouh ziak a kiphin ATSUM-te’ demand ngaihtuah sak ding in Information secretary KSO (GHQ), Paotinthang Lupheng in a thusuahna ah govt. hasuan hi’n thusuak in taklang hi.
Hiai institution a reservation policy leh recruitment rule university in zuilou chih ziak in March 1 apan hiai university a kai singtangmi student-te tengteng ATSUM in lakkhiak sawm a, Manipur University Tribal Students’ Union (MUTSU) leh Komrem Students’ Union Manipur (KRSUM) leh student body tuamtuam te’n leng ATSUM agup thu uh suah uhi.
State Govt. in Nam tawmte Right zahtaklou - ANSAM
Imphal, Feb. 27(NNN): National Institute of Technology (NIT) bawlna ding a gam thubuai hi’n issue tuamtuam dang hileh Manipur govt’ thil hihdan in Manipur a singtangmite’ sentiment leh namtawmzawte’ right zahtaklou hi All Naga Students’ Association, Manipur (ANSAM) in ngoh hi.
Manipur a tawndan tuamtuam leh nam tuamtuam a om dungzui a, state thubuaite khotang a muanna a omna dia sukveng ding state solkar mohpuak ahihdan leh, Langol-Lamphelpat lak a tengte’ thu lou a solkar in NIT bawl a sawm ban ah, thagum a nohkhiak pen mipite nelhsiahna ahihdan leng ANSAM president Paul Langhu in NNN tungtawn in thusuah bawl hi. Hichibang a solkar’gamtatna in mipite leh thuneitute kigamla sak a, solkar in mihing hihna zahtak sak ding a anget ban ah, NIT in a sukkhak gamneitute thuakpih ahih dan leng ANSAM in a thusuahna ah taklang hi.
Aban a genzelna ah, Singtangmite’hamphatnate a nelhsiah gige ziak a alungkimlouh thu gen a, National Rural Health Mission Society nuai a Ayush Doctor lakna ding toh kisai a le solkar in aguk-agal a reservation policy a bawl louh ding alauh thu a gen ban ah, tu ma zek a mun awng 40 hukdim ahihlai inle reservation omlou a, hiai toh kisai leng ngaihtuah ding in ANSAM in MLA-te kiang ah ngen hi.
Autonomous District Council nuai a, “Scheduled areas” ahih keileh singtangkhuate a Panchayat election 2007 neih ahih pen singtangmite’gamneihte suhsak tupna ahi chi’n naktak a amohsak thu a gen ban ah, 1980 district re-organization file revenue department, Imphal in akep leng tu tan a dist. headquarter-te piakkik nailouh hi a, hiaite toh kisai Kuki Students’ Organization, GHQ toh pangkhawm a govt kiang tut himahleh mipite’haksatna govt in ngeingaih lou ahihdan leng ANSAM in a thusuakna ah taklang hi.
School Board dang a zopna ding a singtang a private school-te “No Objection Certificate” piak ding chih a nget uh leng bangmah lohlouh in om a, hiai toh kisai Oct. 10, 2007 a laigelh thoh a Manipur solkar kiang tut himahleh, singtang a student-te deihtelna solkar in adal teitei ban ah, hiai bang thiltungte toh kisai a lungkimlouhna kisungkhawmte a kisaipih MLA te’n sukveng sawmlou a adaih dide uh leh mipite’ aw ngaihsaklou dan a ngaih ahih ding thu uh leng ANSAM in taklang hi.
Govt. in singtangmite a siikden pen lamdang a sak thu ANSAM in taklang a, namniamte leh mipite lausak thei ding leh haksatna tunthei ding thilte bawllou ding a thau tawite leh khotang a pawl tuamtuamte a chial ban ah, tu ma deuh a meltheihlouh galvan tawi pawlkhat in thau ava kap ziak ua lau leh buai a om Chingkham Kabui kho mipite leng a thusuah tungtawn in ANSAM in a thuakpih thu taklang hi.
Mihing manphatna leh mihing hihna zahtak kawm a kitheihsiamtuahna kembit di’n social organization tuamtuam leh thau tawi pawl tuamtuamte a hasuanna ban ah, buaina bawl i chih kiim-le-kiang thovenna’ng a thil hoih hilou ahih dan leng ANSAM in gen hi’n thusuak in taklang hi.
Editorial
Thupi: Thadah in kuang sungah a khut a thun; huaituh a kam tun nawn ding in a ngapkei hi. Paunakte 26:15
Sepna ah kipiakzoh poimoh
India’ constitution in ‘dignity of labour’ a pibawl mahmah a, himahleh ei lak ah khut nasep toh kisai in kizumpihna lian mahmah bang hi. ‘Bang sem e?’ chih dotna a om chiang in a tangpi in ‘bang le hih khol khang?’ chih dawnna tam mahmah hi. Sepna chih thumal i gen chiang un a tangpi in sorkar nuai a sepna i gen uhi. Huai kawmkal ah, sepna hoihtak leh kha loh tampi san kua peuh i ut chiat ua, hoihlou hinapi in, sepna hoih i deih un sepna niam leh neu chih piangsak bang hi. Mimal in banghiam sum-le-pai muh theihna dia sep-le-bawl i neihte uh leng ‘sepna’ ahihlam mangngilh hialta houh i hi ding uam chih theih khop in i omta uhi. Mi’n bang i sem zel a chih a hon dot chiang ua leng mimal ‘sepna’ lianlou gen ding zakta in bangmah semlou hih bang leng telzaw i bang uhi. Huai omdantak tuh, bangmah hihlou hih a zumhuai lam phawklou i hi uh chihna ahi. Bible in nasemloute’n nek leng a neklouh ding uh chi khop a nasep a pibawllai a eite’n bangmah hihlou hih i telzawk uh hi gingtu kichite a dia zuau genna mai hilou in sihtheihna thu genkhiakna ahi hi. A ziak bel, semloute’n a nekkei ua leh a maban ding uh bel gilkial a sih ding ahi.
Bible gen tangtung teitei ahihdan lah pom vek tangpi i hihman un, Hehpihna hun a ding i hih lam uh thei kawmkawm in, semlou kichi ngal a nek lah ngawl tuanlou i hihman un bang hiam bek zaw sem chiat bel hiding i hi uh chih ngamhuai hi. Rickshaw hek hiam, khedap bawl hiam ahihkeileh, ‘sepna’ niam deuh a i koihte uh a tangpi in khosakna niam deuhte’n nekzonna dia a zat uh ahi chih bel thudik ahi. Amau leng sepna toh kisai dotna a muh chiang un kiniamkhiaktak in a dawng tangpi ua, bangmah semloute toh teh a nak zumhuailou lua, nak zahtakhuailou lua ahihlam a phawklouh man uh ahi. Hiai bang ngaihdan i neih mawk uh bangziak hiding hiam chih i kidot chiang in a ziak ding chiangtak gen theih omkei mahleh, khotang a mi tamtak, a seplam uh kuaman a theihlouh kal ua ginom leh kuhkaltak a nna ana semte khong i makhelh nakkhem ziak uh ahi diam chih theih hi. Huai in ngaihdan diklou, ‘mi’n semlou a, khuak zang a sum a muhtheih lai ua en kho-ul kaizen a nek i zon pen zumhuai ahi’ chih piangsak ahi diam?
Lehkhasiam, BA vual Lamka zang a tam mahmah a, himahleh, sorkar nuai a sepna muzou tawm mahmah hi. Huai te’n khut nasep pen niamkoih deuh kha a bangmah hihlou hih telzaw kha houh ihi ding uam chih ngaihdan omthei hi. Khaloh tampi muhtheihna ding sepna bel nekzonna leh kingakna taktak ching ahihman in hoih mahmah hi. Himahleh, nekzonna leh kingakna taktak chingkei mahleh, nna khat peuhpeuh hitaleh, a neulua hiam ahihkeileh a niamlua chih omlou hi. Etsakna di’n, inn nung a annkam huan bawl lel bang leng nekzonna ching hial kei mahleh, sepna khat ahi. Hiai annkam huan apat meh ding hong piang a, huaite i zuaklouh tawp a leng mehman a sum i sen hong ngailou hi. Huai omdantak bel, i khut ah sum hong lutkei mahleh sum bawl bel hi veve i hi.
Gam khat hauhsakdan leh gam khat apat sum piang tuatte’n a buaipih hial khat uh leng ahinamah a, inn-nupi (nungak leng hithei) khat in a sep-le-bawl ziak in kum khat in a khut ah sum cheng khat lel leng mukei mahleh, inn-nna a sepkhiakte ziak a nitha piak ding hileh, kum khat in bel a sum a tuat in tam mahmah ding hi. A tamna ding diak bel, inn-nupi nna i chih sepna dangte dan a kholni neilou ahih banah, ni khat a dakkal 8 sung sep hun kibikhiah pen zuih hitheilou a, ni khat a a poimoh leh dakkal 24 phialphial bang a sep ton uh om hi. Huai banah, voluntary pension scheme gentaklouh, pension chihte himhim omlou a, ‘7 days a week, 365 days a year’ a sep ahi. Huai ziak mah in inn-nupi kichi bang leng ana changkang masa Sapte ngial in sepna taktak dan in koih ua, a ngaihsang mahmahte lak ua khat ahi.
Nu-le-pa’ sum zang a om nilouh pen hingallou deuh hiveh aw chih apat kalsuan a, Lamka phaizang a, a diak a tuailai bangmah hihlou kichite’n bangmah hihlouh a zumhuai dan i theih thak uh poimoh mahmah hi. Sep-le-bawl niam leh nei a i koihte uh sem hih a zumhuai sang a bangmah hihlou leh semlou hih a zumhuai lam phawk in kisingsa leng deihhuai mahmah hi.
lamkapost@yahoo.com
No comments:
Post a Comment