Manipur University pen state sorkar nuai a a omlai in Manipur milip lak a scheduled tribe, scheduled caste, other backward class leh general category omzah pansan in MU a student admission leh teaching & non-teaching staff lakna di’n reservation bawl in om ana om hi. Himahleh, MU pen Central University dia dopsang ahihnung in hiai bang reservation policy zattheih nawnlouh a, Central reservation system zat a hong ngai hi.
MU pen state sorkar nuai a a omlai a ST reservation 31% hisek pen tua Central reservation system dungzui a 7.5% hita ahihna ah, Manipur singtangmite a dia hiai bang supna tungtang ah ATSUM leh MUTSU in singtangmite a dia MU a 34.2% reservation ahihkeileh singtangmite a dia Hill Univerisity piching ngen in kiphinna nasaktak pan hi. A panlaknate uh phatuam ahingei ding a, Amarkantak, Madhya Pradesh a om Indira Gandhi National Tribal University’ regional centre khat Manipur hill district khat a hong ding in sorkar kisa lel hi. IGNTU regional centre bawlkhiak ding thu a hong pian tak in lohching a kingai i hingei ding ua, kiphinna khawlsan in lohchinma lut nawnlou dia apaisa Oct. 6, 2008 a MU nusia singtangmi sinlaite leng Nov. 6, 2008 in ana lutnawnta uhi. Himahleh, IGNTU regional centre pen ei toh kituak, ei a dia hoih ahihkeileh i ngetna hiai centre in subuchingzou taktak hina hiam chih teltak a velchet masakna omlou ahingei ding a, lohching dandeuh a om nung in zan in MUTSU president Somthang Haokip in MU a 34.2% ST reservation ahihkeileh singtangmite a dia Hill University piching mah hon chitinten phing hi.
Indira Gandhi National Tribal University ahihleh Madhya Pradesh, Chhattisgarh, Jharkhand, Orissa, Andhra Pradesh, Maharashtra, Rajasthan leh Gujarat leh a biktak a North East bial a singtangmite sinlaite khualna leh “promoting studies and research in tribal art, culture, tradition, language, custom, medicinal systems, forest based economic activities, including special studies in the flora and fauna, and advancements in technologies relating to natural resources of the tribal areas” chih tup-le-ngim a nei a kibawlkhia ahihman in hoih petmah hi. A hoih sawnsawnna ahihleh, IGNTU pen Central university hithou mahleh singtangmi sinlaite a ding bik a kibawl ahihna ah, leh Union Secretary (Higher Education) Shri R.P. Agrawal gendan mahbang in, hiai university a student admission toh kisai in Central reservation policy hilou in state (region) milip lak a scheduled tribe milip omzah pansan in reservation policy guan hiding hi. MU a student admission toh kisai a ST reservation 7.5% khengzoukei mahlehang IGNTU regional centre nei ding i hihleh bel, student admission toh kisai a reservation i nget uh lohching khat a suak hi.
Alehlam ah, IGNTU pen singtangmite tengteng a dia kibawlkhia ahikei a, singtangmi sinlaite a dia kibawlkhia ahi. Huai ziak leh IGNTU pen Central university ahihziak in IGNTU regional centre a faculty staff lakna ding ‘student reservation’ hinawnlou a ‘job reservation’ toh kisai ahihna ah, state (region) milip lak a scheduled tribe milip omzah pansan a reservation policy guan hithei tuanlou ding ahi. Huai mah, IGNTU regional centre a faculty staff lakna dia ‘all-India norm’ zat hiding ahihdan Union Secretary (Higher Education) in leng gen hi. All-India norm i chih chiang in Central reservation system chihna ahi a, IGNTU regional centre a faculty staff lakna dia ST reservation ding 7.5% mah hiding chihna ahi. Huchi hileh, MU a teaching leh non-teaching staff lakna dia state reservation policy zat ding ATSUM leh MUTSU in a phut lah tunitan lohching naitadihlou ahihna, sorkar in IGNTU regional centre a hon dek ziak a ST student reservation lam a lohching khat suak i kichihtheih bang in ST job reservation lam ah IGNTU ziak in lohching khat suak i kichithei diam? ST student reservation lam ah lohching khat suak mahlehang ST job reservation lam ah bel chiangtak a lohsam ihi uhi. Himahleh, lohching dan a kingai a kiphinna tawpsan nung a tua kipat nawn phing ding pen singtangmi tengteng a dia zahlakna ahi. Huai ziak in, mi khat-le-nih pilna bukim zoulou ahihdan heutute’n a theihsiam ua, upa-taltakte leh (a thu zil in) amau sang a theizawte dotna dan ahihkeileh mahni’n ‘homework’ bek hih masak dan a zil uh poimoh mahmah hi.
Editorial, The Lamka Post | December 13, 2008 @ zogam.com![Reblog this post [with Zemanta]](http://img.zemanta.com/reblog_b.png?x-id=7c347e26-3b4e-4fb8-a790-f257ae2e97e1)
MU pen state sorkar nuai a a omlai a ST reservation 31% hisek pen tua Central reservation system dungzui a 7.5% hita ahihna ah, Manipur singtangmite a dia hiai bang supna tungtang ah ATSUM leh MUTSU in singtangmite a dia MU a 34.2% reservation ahihkeileh singtangmite a dia Hill Univerisity piching ngen in kiphinna nasaktak pan hi. A panlaknate uh phatuam ahingei ding a, Amarkantak, Madhya Pradesh a om Indira Gandhi National Tribal University’ regional centre khat Manipur hill district khat a hong ding in sorkar kisa lel hi. IGNTU regional centre bawlkhiak ding thu a hong pian tak in lohching a kingai i hingei ding ua, kiphinna khawlsan in lohchinma lut nawnlou dia apaisa Oct. 6, 2008 a MU nusia singtangmi sinlaite leng Nov. 6, 2008 in ana lutnawnta uhi. Himahleh, IGNTU regional centre pen ei toh kituak, ei a dia hoih ahihkeileh i ngetna hiai centre in subuchingzou taktak hina hiam chih teltak a velchet masakna omlou ahingei ding a, lohching dandeuh a om nung in zan in MUTSU president Somthang Haokip in MU a 34.2% ST reservation ahihkeileh singtangmite a dia Hill University piching mah hon chitinten phing hi.
Indira Gandhi National Tribal University ahihleh Madhya Pradesh, Chhattisgarh, Jharkhand, Orissa, Andhra Pradesh, Maharashtra, Rajasthan leh Gujarat leh a biktak a North East bial a singtangmite sinlaite khualna leh “promoting studies and research in tribal art, culture, tradition, language, custom, medicinal systems, forest based economic activities, including special studies in the flora and fauna, and advancements in technologies relating to natural resources of the tribal areas” chih tup-le-ngim a nei a kibawlkhia ahihman in hoih petmah hi. A hoih sawnsawnna ahihleh, IGNTU pen Central university hithou mahleh singtangmi sinlaite a ding bik a kibawl ahihna ah, leh Union Secretary (Higher Education) Shri R.P. Agrawal gendan mahbang in, hiai university a student admission toh kisai in Central reservation policy hilou in state (region) milip lak a scheduled tribe milip omzah pansan in reservation policy guan hiding hi. MU a student admission toh kisai a ST reservation 7.5% khengzoukei mahlehang IGNTU regional centre nei ding i hihleh bel, student admission toh kisai a reservation i nget uh lohching khat a suak hi.
Alehlam ah, IGNTU pen singtangmite tengteng a dia kibawlkhia ahikei a, singtangmi sinlaite a dia kibawlkhia ahi. Huai ziak leh IGNTU pen Central university ahihziak in IGNTU regional centre a faculty staff lakna ding ‘student reservation’ hinawnlou a ‘job reservation’ toh kisai ahihna ah, state (region) milip lak a scheduled tribe milip omzah pansan a reservation policy guan hithei tuanlou ding ahi. Huai mah, IGNTU regional centre a faculty staff lakna dia ‘all-India norm’ zat hiding ahihdan Union Secretary (Higher Education) in leng gen hi. All-India norm i chih chiang in Central reservation system chihna ahi a, IGNTU regional centre a faculty staff lakna dia ST reservation ding 7.5% mah hiding chihna ahi. Huchi hileh, MU a teaching leh non-teaching staff lakna dia state reservation policy zat ding ATSUM leh MUTSU in a phut lah tunitan lohching naitadihlou ahihna, sorkar in IGNTU regional centre a hon dek ziak a ST student reservation lam a lohching khat suak i kichihtheih bang in ST job reservation lam ah IGNTU ziak in lohching khat suak i kichithei diam? ST student reservation lam ah lohching khat suak mahlehang ST job reservation lam ah bel chiangtak a lohsam ihi uhi. Himahleh, lohching dan a kingai a kiphinna tawpsan nung a tua kipat nawn phing ding pen singtangmi tengteng a dia zahlakna ahi. Huai ziak in, mi khat-le-nih pilna bukim zoulou ahihdan heutute’n a theihsiam ua, upa-taltakte leh (a thu zil in) amau sang a theizawte dotna dan ahihkeileh mahni’n ‘homework’ bek hih masak dan a zil uh poimoh mahmah hi.
Editorial, The Lamka Post | December 13, 2008 @ zogam.com
No comments:
Post a Comment