Tualthat pawlpi SoO apat lakhe di’n ZSF in sorkar ngen
LAMKA, Dec.8, 2008: P. Zamlianpau (28) s/o P. Tutzagou of Sawmthang Colony, New Lamka thahna tungtang a Zou Defence Volunteer (ZDV) in zan Pathianni a theihsakna a suahna ah “Mr. Zamlianpao @ Filex Zou s/o Tutzagou of Ahlusingtam in ZDV Zone I chai seal bawl tam leh Samuel Kuki collection chi min jang in demand a bawl a sum a dong gige pen warning nua a top lou a azop zieh a kiman ahi. Tua leh thu doh akinei in tam anuai a bang teng gen tawh tai athuo jieh a Capital punishment pie ahi.” chi’n taklang hi.
Jamlianpau kipuanna hidan a C-in-C KNO/ZDV thusuak in a taklatdan in Mr. Lalpu @ Ronald, Singheu leh Mr. Thangboi @ Gideon, Beulahlane toh kituah a (sum dong) ahih uh hi’n gen hi. Hiai sum ngetna lai gelhtu leh seal tattu Mr. Lalpu hidan in leh a sawltu a nuphalpa Mr. Thangboi hidan a Zamlianpau kipuang hi’n KNO/ZDV thusuak in taklang hi. Zamlianpau apat sum ngetna lehkha leh AK rifle tang 1 banah mobile khat leng mankhawm uh hi’n KNO/ZDV thusuak in taklang hi.
Thusuak in a taklatzelna ah, tuban KNO/ZDV min a sum dong leh pawlpi minsesakte ngaidamlou ding ahihdan leng General Headquarter KNO Arms Wing ZDV in thusuah ah taklang hi.
Huai banah, Zamlianpau thahna tungtang a tuni a Zomi Students’ Federation (ZSF) in thusuah a bawlna ah mohna neilou minautang thahna pen mohpaihna sangpen in mohpaih hi. Kuki National Organisation (KNO) armed wing ZDV in Zamlianpau tung a ngohna a bawlte thu bulbal neilou, phuahtawm hidan a taklang kawm in, Zamlianpau in mohna nei hita himhim lehleng Suspension of Operation (SoO) ground rules in a gakte’n hichibang gamtatna a neih uh ZSF in mohpaih hi.
Hiai bang dinmun ah, hiai tualthatte tung a a kituahpih action a lak ding hi’n leh lusuunna tuak innkuante kiang a zangnadopna a piak ding hi’n ZSF in sorkar phut hi. Huai banah, hiai tualthahna a KNO/ZDV kigolhna Army in a chet a leh SoO apat kintak a hiai pawlpi lakhe ding in leng ZSF in phut hi.
Tuni a ZSF thusuak in a taklatzelna ah, hiai tualthahna tungtang a a lungkimlouhna uh lahna ding leh maban a hichibang tualthahna a om nawnlouhna dia tuni a bandh a puan uh nungthuap mipite tung ah kipah thu leh nawngkaina a tun poi a sak thu gen hi. Huai banah, bouruak sousing betdaihna dia khotang pawlpite leh sepaihte panlakna leng kipahpih mahmah ahihdan ZSF in taklang hi.
=========================
P. Zamlianpau thah ziakin ZSF in total bandh puang, Zomi Council leh Kuki Innpi kihou ding
LAMKA, Dec. 8, 2008: Police a pan kiza dan in zan (Pathianni) zingkal dak 7:30 vel in Lamka Police in Kamdou Veng khotaw a Tuitha lui kiang ah thau a kaplupsa P. Zamlianpau (28) s/o P. Tutzagou of Sawmthang Colony, New Lamka siluang vala in hospital morgue tun uhi. Police gendan in a mit veilam tung ah thautang lutna ma om a, a pumlak soisakna ma om hi. Post mortem bawl zoh zan mah in siluang pen a innkuante khut ah police in pekhia hi.
Zamlianpau’ innkuante apan kiza dan in amah inn apat Dec. 6, 2008 nitak dak 6:00 vel a pawtkhia, nitak dak 7:00 tan in leng mobile tungtawn in a sungte houpih hi. Himaleh, nitak dak 8:00 nunglam apan ama mobile zang in kuate hiam chih theihlouhte’n Zamlianpau pen Dec. 7, 2008 sunma dak 10:00 tan a Rs. 50,000/ a a tatkhiak kei ua leh dam a mu nawnlou ding uh hi’n a Zamlianpau’ sungte hilh ua, huai nung mobile off in houpih theih nawnlouh uh hi’n gen uhi.
Zomi Students Federation (ZSF) in hiai tualthahna lungkimlou in thattute’n pu-pa ngeina dan a ngaihdam a nget ding uh phutna in zan nitak apan Churachandpur district sung total bandh puang uhi. Lamka khopi sung Light House tan dawr kikhak mahleh huai apan a khanglam (mallam) Tuibuang area bel ngeina bang in om hi. Line Bus teng leng Tuibuang Peace Ground ah kinga in huai apat ngeina bang in Imphal toh kikawmtuah uhi.
Tualthahna thu toh kisai in tuni’n Zomi Council Chairman N. Songchinkhup’ inn Bethel Veng, New Lamka ah Zomi Council member-te leh Kuki Inpi, CCpur makaite kihou ua, Kuki Inpi in misi thu toh kisai a bangchidan hiam thukan khia dan a hong kuan ka hi uh chi ua, huai phet in Zomi council in Tualthahna pen tupmawng ahihziakin Custom dung zui a misi nampuan a tuam ding kosahna dia gan goh ding chih leh zangna dopna Rs. 1,50,000/- toh nong lut ua, kihouna pat ding ban ah a thu fel chiang a misi vui hipan ding chih gen uhi. Kuki innpi in leng hiai thu hoihtak in genkhawm ua, hoihtak a kihoulemna om theih ding ziakin tunitak dak 5 vel in Mr. Jamlianpau luang Simveng hanmual ah vui in om hi.
Hiai thu toh kisai in KNO sik-le-tang in Kuki Inpi CCpur palai in pang a, zingchiang sunnung dak 1 in ZC President thak Pu N. Songchinkhup inn, New Lamka ah kihouna nei nawn ding uhi. Tua toh kiton in ZSF in CCpur district total bandh a bawl leng khawlsak ngal uhi.
-ZOGAM.COM
LAMKA, Dec.8, 2008: P. Zamlianpau (28) s/o P. Tutzagou of Sawmthang Colony, New Lamka thahna tungtang a Zou Defence Volunteer (ZDV) in zan Pathianni a theihsakna a suahna ah “Mr. Zamlianpao @ Filex Zou s/o Tutzagou of Ahlusingtam in ZDV Zone I chai seal bawl tam leh Samuel Kuki collection chi min jang in demand a bawl a sum a dong gige pen warning nua a top lou a azop zieh a kiman ahi. Tua leh thu doh akinei in tam anuai a bang teng gen tawh tai athuo jieh a Capital punishment pie ahi.” chi’n taklang hi.
Jamlianpau kipuanna hidan a C-in-C KNO/ZDV thusuak in a taklatdan in Mr. Lalpu @ Ronald, Singheu leh Mr. Thangboi @ Gideon, Beulahlane toh kituah a (sum dong) ahih uh hi’n gen hi. Hiai sum ngetna lai gelhtu leh seal tattu Mr. Lalpu hidan in leh a sawltu a nuphalpa Mr. Thangboi hidan a Zamlianpau kipuang hi’n KNO/ZDV thusuak in taklang hi. Zamlianpau apat sum ngetna lehkha leh AK rifle tang 1 banah mobile khat leng mankhawm uh hi’n KNO/ZDV thusuak in taklang hi.
Thusuak in a taklatzelna ah, tuban KNO/ZDV min a sum dong leh pawlpi minsesakte ngaidamlou ding ahihdan leng General Headquarter KNO Arms Wing ZDV in thusuah ah taklang hi.
Huai banah, Zamlianpau thahna tungtang a tuni a Zomi Students’ Federation (ZSF) in thusuah a bawlna ah mohna neilou minautang thahna pen mohpaihna sangpen in mohpaih hi. Kuki National Organisation (KNO) armed wing ZDV in Zamlianpau tung a ngohna a bawlte thu bulbal neilou, phuahtawm hidan a taklang kawm in, Zamlianpau in mohna nei hita himhim lehleng Suspension of Operation (SoO) ground rules in a gakte’n hichibang gamtatna a neih uh ZSF in mohpaih hi.
Hiai bang dinmun ah, hiai tualthatte tung a a kituahpih action a lak ding hi’n leh lusuunna tuak innkuante kiang a zangnadopna a piak ding hi’n ZSF in sorkar phut hi. Huai banah, hiai tualthahna a KNO/ZDV kigolhna Army in a chet a leh SoO apat kintak a hiai pawlpi lakhe ding in leng ZSF in phut hi.
Tuni a ZSF thusuak in a taklatzelna ah, hiai tualthahna tungtang a a lungkimlouhna uh lahna ding leh maban a hichibang tualthahna a om nawnlouhna dia tuni a bandh a puan uh nungthuap mipite tung ah kipah thu leh nawngkaina a tun poi a sak thu gen hi. Huai banah, bouruak sousing betdaihna dia khotang pawlpite leh sepaihte panlakna leng kipahpih mahmah ahihdan ZSF in taklang hi.
=========================
P. Zamlianpau thah ziakin ZSF in total bandh puang, Zomi Council leh Kuki Innpi kihou ding
LAMKA, Dec. 8, 2008: Police a pan kiza dan in zan (Pathianni) zingkal dak 7:30 vel in Lamka Police in Kamdou Veng khotaw a Tuitha lui kiang ah thau a kaplupsa P. Zamlianpau (28) s/o P. Tutzagou of Sawmthang Colony, New Lamka siluang vala in hospital morgue tun uhi. Police gendan in a mit veilam tung ah thautang lutna ma om a, a pumlak soisakna ma om hi. Post mortem bawl zoh zan mah in siluang pen a innkuante khut ah police in pekhia hi.
Zamlianpau’ innkuante apan kiza dan in amah inn apat Dec. 6, 2008 nitak dak 6:00 vel a pawtkhia, nitak dak 7:00 tan in leng mobile tungtawn in a sungte houpih hi. Himaleh, nitak dak 8:00 nunglam apan ama mobile zang in kuate hiam chih theihlouhte’n Zamlianpau pen Dec. 7, 2008 sunma dak 10:00 tan a Rs. 50,000/ a a tatkhiak kei ua leh dam a mu nawnlou ding uh hi’n a Zamlianpau’ sungte hilh ua, huai nung mobile off in houpih theih nawnlouh uh hi’n gen uhi.
Zomi Students Federation (ZSF) in hiai tualthahna lungkimlou in thattute’n pu-pa ngeina dan a ngaihdam a nget ding uh phutna in zan nitak apan Churachandpur district sung total bandh puang uhi. Lamka khopi sung Light House tan dawr kikhak mahleh huai apan a khanglam (mallam) Tuibuang area bel ngeina bang in om hi. Line Bus teng leng Tuibuang Peace Ground ah kinga in huai apat ngeina bang in Imphal toh kikawmtuah uhi.
Tualthahna thu toh kisai in tuni’n Zomi Council Chairman N. Songchinkhup’ inn Bethel Veng, New Lamka ah Zomi Council member-te leh Kuki Inpi, CCpur makaite kihou ua, Kuki Inpi in misi thu toh kisai a bangchidan hiam thukan khia dan a hong kuan ka hi uh chi ua, huai phet in Zomi council in Tualthahna pen tupmawng ahihziakin Custom dung zui a misi nampuan a tuam ding kosahna dia gan goh ding chih leh zangna dopna Rs. 1,50,000/- toh nong lut ua, kihouna pat ding ban ah a thu fel chiang a misi vui hipan ding chih gen uhi. Kuki innpi in leng hiai thu hoihtak in genkhawm ua, hoihtak a kihoulemna om theih ding ziakin tunitak dak 5 vel in Mr. Jamlianpau luang Simveng hanmual ah vui in om hi.
Hiai thu toh kisai in KNO sik-le-tang in Kuki Inpi CCpur palai in pang a, zingchiang sunnung dak 1 in ZC President thak Pu N. Songchinkhup inn, New Lamka ah kihouna nei nawn ding uhi. Tua toh kiton in ZSF in CCpur district total bandh a bawl leng khawlsak ngal uhi.
-ZOGAM.COM
No comments:
Post a Comment