Thursday, May 03, 2007

A Hoihzaw Gam Zuan a Zin


Upa N Chinsum

“A hoihzaw gam zuan a zin, Gamdai nisatna ka pai;
Pa, Na khut in honlen in, Honpii honhuai zel in.”
- Ira D Sankey.

Ahoihzaw gam, Vangam zuana zin lam I pailai in I biak Pasien in A khut hat-a honglen in hong tonpih a… Delhi Zomi Christian Fellowship (DZCF) in kum 25 mel mu ahita. Thupi mahmah maw. Hun nuam hun haksa-a hong taisan/ ensan ngeilou I biak Pasien minthangta hen! Ama’n Delhi Zomite hichieng hong tunpih lai in, DZCF’ hun paisa, tuhun leh mailam hun ngaihsut louh theihlouh thu ahi. Tua’man in tawm kikum dih ni.

HUN PAISA: A’ khawvak mu masalam mi bangzahhiamte’n 21 January 1972 in, I Silver Magazine uh Editor, T. Zamlunmang Zou pianna khua, Daijang khawta, Manipur CCpur district ah Zomi National Congress (ZNC) ana phutkhia ua, tua pen ei Manipur Zodawn suakte laka Zomi (Zo suan) nationalism hong kipatna hidan in chiamteh theih hi. ZNC president leh secretary masa Pu T Gougin, leh Pu Semkhopau Samte @ Pu SK Samte te ahi uh.

ZNC piannung kum 10 pai manlou in Jawaharlal Nehru University (JNU), New Delhi akipan Pu S Thangkhangin Ngaihte leh Pu LS Gangte te’n M Phil hon zoukhia uhi (1979 in). Nuam. Pu Ngaihte dissertation, History of the Zomi of Mizoram and the surrounding Areas: Aspects of pre-colonial society chih hia; Pu Gangte aa, Zomi polity in transition: A case study in Manipur chih ahi hi.

JNU akipan graduate khethei I om tawh kiton chih theih phial in Pu N Gouzagin s/o Pu Enpum Naulak (RIP), Outer Manipur Parliamentary constituency apan MP hongching viahviah – 7 Canning Lane, New Delhi ah solkar-inn luahsak in om hi. 7 Canning Lane pen India khawpite laka Zomite Hq. masa; ALZOSA (All Zomi Students’ Association) bang, DZCF bang pianna mun, mun poimawhtak ahong hita.

DZCF a Secretary masa Pu H Thangzamuan in Annual Report, 1982-83 a gelhna ah hibang in taklang (vide, ZCF Delhi Secretary’s Annual Report 1982-83 dated 4.9.1983):

The Worship Service at 7 Canning Lane was started by Zomi believers in Delhi on the 27th February, 1982. The main objective of the Fellowship service being a common sharing of believers in the Lord and group prayers and praises to God, it is believed that this Fellowship will enable the believers to strengthen one another in the Lord. Apart from aiming at glorification of God’s name and the extension of Christ’s kingdom, this Fellowship, it is believed, will bring the believers closer to each other.

TU HUN: DZCF kum 25 chingta. Ebenezer! Hiai santak ah, “Kum tenga Delhi Zomi kibehlap zungzung napi, DZCF a minkhum member bel kibehlap huthut hetlou…!” chih mi pawl khatte ngaihsutna ah om thei. A om diing mah zong ahi. Tua bang awlmawhna apailai in, DZCF Pawlpi leh a’ kakhia, inntuan Fellowship/ church te tungtang (muh theih kizopna) sang mah in I omkhakna tek ua mimal khat chiat leh siemtu Pasien kaal (muh theihlouh kizopna) feltak poimawh zaw hilou hiam, chi ut I hih chu. Mihing lampite’n TOUPA a suklungkim chienga TOUPA’N a melmate na-ngawn amah tawh kilem dia bawl hive’n! (Pau 16: 7). DZCF ah min khum mi khat I hithei (registered member), I hikei maithei (non-registered member). Ahihi hitaleh – think ‘Indian’ vis-à-vis ‘NRI’ - laizom Zomi, Zomi Khristian I hihna kidang theikei e.

Mihing’ lampi, a sep-le-bawl leh ngaihsutnate’n TOUPA lungkimsak zou vuallou hi (Rm 3: 9-18). Pa Pasien lungkimsak leh A lungkimna omsun Jesu Khrist ahi (Matt 3: 17). Tua Jesu Khrist, nang leh kei hinna naak (Kalvari tuihing lui), Pa Pasien in I pilna bang, I diktatna bang, I sianthouna bang, I tatna bang hiding in a bawlta (1 Kor 1: 30). Huai TOUPA vuak sidup leh dahsak Jesu Khrist’ sihna leh thawhkiikna na khelhna thoihna ‘thillat’ dia na zat/ hamphatpih peuhpeuh chieng in Pa Pasien in Tapa Jesu a A chisuan muta hi diing; Tapa Jesu tunga a lungdamna nang tunga a lungdamna hi diing ahi (Is 53: 10, Jak 1: 18). Toupa thupha maw! Van-inn paina lampi Khros; upna tawna, tua Khros a, Jesu tawh kikilhkhawm (crucified with Christ) mite in khentuam neilou uh, Khentuam neilou uh chichih-pauchihte, Fellowship chihte.

Rev Dr Hawlngam Haokip in IN SEARCH OF IDENTITY booklet Introduction, “The coming of Christ and the influence of Christianity has brought reconciliation and harmony between heaven and earth, Jews and Gentiles, and among people of different races, tribes, colour and creed,” chi’n pana, gen kha I sa hi. Dr Haokip in a gelhzom zelna ah, “It is sad to say that the Kuki-Chin, even though they claimed that they have accepted Jesus Christ as their Lord and Saviour and have been reconciled with God and love for Him, they have forgotten to reconcile with and love their own brothers which is an inseparable part of their life (Mark 12: 30-31). For a Christian, love should not only be vertical but also be horizontal,” chitou lai hi.

Hamsia banna sing Khros a Tapa Pasien in tatna naa a sepkhit nungsang, Pa Pasien lungsim ah, vanmi leh leimi kilem khinzou hi. Aw, hiai Thu, upna a san diing ngei! Khros atungzawng (vertical) in vantung mite leh leimite kilemna gen, apheizawng (horizontal) pen in leimi leh leimi - innsak-innkhang/ u-le-nau - kilemna gen/ ensak ahi, zong a kichi. Tua Khros laitaka kikhai Hondampa lamdang in ‘mihing’ a kichi khempeuh tatna (once and for all) semkhinzou hinapi, hih Tangthupha zata leh za nailou, huan, za napi-a a ummi (gingta mi) leh umlou mi ki-om chitchiat ahihman in, leitung mi nam (group) 2 phakiik chih thu ahi. ZCF leitung maikaih a omte leh Zomi sunga biakna pawlpi tuamtuam a member-te bel, Tangthupha za a um/ gingta/ zom vive hidan a ngaihsun I thahah ve, unau. I hikimna uh hiam?

MAILAM HUN: Jesu Khrist a-um Delhi Zomite, khat leh khat kinaiseem kawma TOUPA a kihihhat diing, Pasien min liansak/ thupisak diing, Khrist Lalgam keklian diing chia kum 25 paita-a patkhiak Fellowship, tuchia’n (singkung bang in ngaihsun tale’ng) zai/ ka pha simta; biakinn khat a kikhawm khawm theivual I hita kei. Leivui pana hong laamtou, Jesu hong itna hang bek ahi. Halleluijah! I kipatna Zogam lama pawlpi omsate mah DELHI a hongdin tiltil khawng, lemtang kibawlna, “I khangtou a ahi” chih phot tuak bang hi. I biakkhawmna pawlpi masa (DZCF a) tel zom lemtang I hithei, a.k.l. a kakhia pawlpi khat ah/ namdang Khristiante lakah biakna ah I tel ahithei. Bangleh-bangleh, “Zomi I hih mah nuam tei ei maw guai” chi’n, thil tengteng kituak taka gakkhawmtu ‘itna’ kisilhthuah in, I omna tek uah i Makaipa hong vaikhah - ‘The Great Commission’ (Matt 28; 18-20) eite lunglai luahtu 1na hi teitei leh maw! ‘Jesu’n hong vaksak…Nang na mun ah vak in, Kei ka mun ah’ chi I hih ngalsi leh. Selah.

Hichi’n ngaihsun le’ng. Nungzui masa Peter, Johan, Philip leh adg.dg.te’n zong Jerusalem biakinn tekteka a biakkhawm det louhpi uh! Ahilel gen in, Khrist leh muhtheih saptuam kizopna theichiente aa di’n gingtute sung ah “nou pawl, kou pawl” chia buai na’ng/ kidou na’ng om mahmah lou hi. Muhtheihlouh Saptuam (Abulpi) Jesu Khrist hia, muhtheih saptuam (Khrist a lamtouh) te ahihleh tuni a ‘saptuam’ chia lemtang kiguan a denomination min I kipiak tuamtuamte bang ahi. Hichi’n genteh le’ng: NE Express train tawnpi ah compartment tuamtuam om hi. Tua train compartment tuamtuam ah passenger-te enzuitu TT leh staff fel taktak duty uh. NE Express train tawnpi leh Jesu Khrist, huan, a compartment tuamtuam leh saptuam, hiai leitunga om zingzengte. I pastor-te uh leh TT-te, committee tuamtuama panmun lente leh train a staff-te…

Awle, ‘Nou/ Kou’ vachih khak baihlam mahleh, hiai thumal nihte zatdan I pilvan diing ahi. Khrist khen (divide)a a omlouh ziak in. “DZCF ‘te’ Pastor” chih sang bang in, “DZCF a ‘I’ pastor-pa” chidan bang in gen thei le’ng, bangzahta a neem in gawm simthu a kawk khazaw ale! “KWS ‘te’ chaplain” chih sang in, “KWS a ‘I’ chaplain,” etc. Khrist a innkuon khat, omna pawlpi tuam zekzek ziak khawnga tuampi banga kimuh & kidouna omthei zel pen setan lungtup tangtunna khat ahi, unau. ‘Diabol/ Setan mun awn kei un,’ chih gelh ahi. NE Express a tuangte kimidang etlou, Vangam zuan ‘Khrist Jesu’ um pawlpi mite kimidang et thei zelzel – setan pil sa ing! Setan lutang bel khet sidupsa ahive, unau; mun awt ahihchia’n a che-kin sim chih thu! Sanggam it, a hoihzaw gam zuan I zinlai in, anu’a Toupa Jesu kammal I ngaihsun phathak tek di ua’m –

“Guta zaw gu diing leh hihlum diing,
leh hihse diing lou in a hongpai kei.
Kei zaw hinna a neihna diing ua, tampitak a neihna diing ua hong Ka hi.
” (Jn 10: 10).

Food for thought: 1995 kum a WCBS, Portland, Oregan (USA) apan “When the World of Zomi changed” chih thulu tawh Doctor of Missiology na zoukhia, Rev Dr J M Ngul Khan Pau in, “The Church today needs to be aroused from sleeping, each member should thirst and hunger for the filling of the Holy Spirit. If not, we cannot live victorious and will not experience abundant Christian living. If we are true salt of the earth our life will create thirst in the lives of others with whom we encounter everyday. With our best efforts, planning and strategizing for church growth, working more than ever and exhausting ourselves in service, we fail to see the anticipated results. We don’t understand why and what more should be done?” chi (Baptist News, April-June 2004 issue, editorial).

Sia Paupu in tua editorial sung mah ah, “‘Even after rapture when the Spirit will be taken up into heaven,’ someone said, ‘some churches will still be having their services and not feel the difference.’ If this is true, then we are trying to accomplish the works of the Lord by our own strength without the help of the Spirit. It is no wonder then, why we are failing in gaining grounds. Without the anointing and the empowerment from the Holy Spirit all our efforts will end up only in failure. The Holy Spirit is no respecter of persons or churches, He will work in and through those who are willing to surrender themselves under His directions…A basic mark of true spirituality is the deep awareness of sin…it is the daily abiding in His holy presence; denying of self but lifting up Jesus and walking in the power of the Spirit. Let us pray to the Lord for deeper experience of His empowerment from above,” chilai hi. Blessings!

About the Author: Pu (L) Tualluai tapa; August 1995 in BA zou, Delhi tung; October 13, 1997 in Asstt. Grade, Ministry of Finance (Exp) nuai ah mu, sem ngal; December 28, 1998 in Ms. Chingliankim toh Pastor Chinkhotuan khut zang in EBCC Bungmual ah nupa suak zou. December 2005 in EBC Annual Assembly ah Rev Luaichinthang khut ah Hattuom upa hi diingin thau nilhna tang. June 23, 2006 in UPSC ah Section Officer in tou panta. Tate: Justin Luaithang (k 7), Mary Luanthianching (k 3).

No comments:

Post a Comment