Mangpa Deilam Bang Ahiei?

John Paunou Zo
Zo Synod
Kaleymyo (PCM)

Tuozieh in mimaw bang hilou in, mipilte dan in nahindan uah pilvang ta un, Tulai nite ahoilou jieh in nahun lemtang neisunte nou kiman hoi ta un. Tuozieh in mawlawm sih unlen Mangpa’n nabawl ding ua, adei bang ahei suizaw un. - Ephesa 5:15

Ephesa pawlpite pen sawltahte bung 19 a I mu bang un, Paul zintun in, Mangpa Jesu min in baptisma a’ngtang a, Hagau zong ahingtang pai hi chipen imu a, Tuote kungah tambang thu ahing giel tahi. Baptish thu leh Hagau siengthou thugen akulta sih a, Baptisma tangsate leh Hagau tangsate kung ah atan ding akul leh pawimaw pen ahileh tu a, italang pen uh ahita, Mimawte bang a umlou ding leh Nite ahoilou zieh a, ahunlem tang nei sunte kimanhoi ding in a’ngen a, tuo a italang nuom khu , anichin hinna ding vua, pawimawkhat khu ahi a, Mangpa deilam bang ahei? Chi ngaituo ngaiding in athum ta ahi. Mihing dan in zong tate akinei a, tate’n abawl ding bangkim uah, ka pa leh kanu deilam ahi dieimah i zawh? Chi ngaituo mitepen tagilou ahi ngaisih ding a, migilou in zong akikoi ngaisih ding hi. Nu leh Pa deilam bang ahei chi a ngaituo lou a, ama deina lam lam a gamtate khu tapa/nu hoi leh lawching koima aum ngaisih hi.

Tuoma bang in Nupi te’n zong apasalte deilam ngaituo a, na asep leh nupi gilou atang ngaisih ding uhi. apasal deilam ngaituo lou leh ama son a kigamtat vamuolte pen Nu hoi chi’n akitel ngai sih ding hi. Khuo khat ah ahileh a Pastorpa un zi anei lou pen Nupi khat in atanu ading in adeisah a, ahileh a pasal zong dong lou in kathu in kanei sah thei hi achita maw hi. Kakithu kim zawh chieng leh ama te inn lam ah, palai sawl vai in, apa in anu ham lah athei nalai sih a, kihou limding chieng uh leh kava kihal zong in anu in atanu pen ahathei mama ahi achileh apapen ahileh ahamnuom nawm tasih a, achidan dinglah aumnawm thei tasih a, ka kihou lemtang thei ta nawm sih uh hi.Numei lupen pasal a hi a, adeih nalam a ngaituo ding angai mabang in khrista pen hattuom pawlpi lu ahia, khrista deilam ngaituo pen kabawl ding mawng ahi achibang in, Tuochi in ki chien tah in paul in tam thu ahing giel hi.

Nasemte hoh bangding a, khiel na a, lut kha leng zel e? Amai ah lhem na a hingpei a, Nungah melhoih tah te, Dangka sumtam tahte, deihna leh khielna thupi tah mai a hingpei te hoh ahing om lel a, amate lam iet chieng leh vabawl pah ahei mah ahisihleh vakikhiel pah mai thei silte ahing um thei a, Hinanaleh tuote khu Mangpa deih lam ahi eimah? Tam bangah Nungah melhoi nutawh lah kaki nai ta mama a, Dangka sumtamtah ten lah eikhuolkhum kei ta a, chie a Mangpa deihlam hingngaituo henlei hilei khielding ahivot sih a, Mangpa diehlam ngaituo khalou tenvang gilouna, khielna ah alut lengzel uhi.Gingtute adinga, kul leh thupipen khielna pumpel nading a hoihpen khu katung a silhing tung tengteng hi. Mangpa deilam bang ahei ? Chih ngaituo ahi hi. Gingtute ading a, sil kul leh pawimaw pen khu ahi hi. Thu gen mitam te peikhiel na zong ahileh a nasep na ah, Mangpa deihlam ngaituoh tum lou va, mipite deihlam leh amate igensiem ding leh phatding kisah na taahsa ngaituona in; tuo sermon a thugen pen ahing den sih ding hi.agensiem mihing hiziehin Nal tah leh kilawm tah in agen maithei hi. Hinanaleh mite lungsim a khoingai sih hi,Thugen te tam tah ten Pasien deihlam thu agen tang in, mite ngainuom deihlam leh mihing tha nuom na sermon thugen a peipiden ziehin, Mangpan athuphanga nading thupha tawh akipel sahden hi. Athupha pie ding zah khu guolzawl na a kimtah in a dong zousah sih hi.

Thugen pakhat munkhat ah a zinna ah ahileh (95) vei thu agen a, pasien pakhat thu ngen abul apan in atawp dong in a sermon a,tuathu ngen pasien pakhat chi in agen a, a Pastorpa khat in Pastor lera mipite ngaihding deihlam jesu hingpei kia na thute hing gen phot in, mipi tamtah hing peikhom ding ahi, chi-in angen a, Hinanaleh a dinkhiet chiengin pasien pakhat thu behgen ding kul leh pawimawi in hagau in ahingphutzel hi, Hianleh pasien in a kipahpi chi athei khiel na in, tuomi pasien pakhat ahina thu ngai khietute ahi leh mi(167) in jesu min a baptishma ahing tang khieta a, mipite ngaidan deihlam in thugen tahen hileh tuoteng zousie in baptishma atang ding gingtat ahisih a, Hagau siengtho nasepna ah, ahileh thunget nasep nate, lam Dance nasep nate, a pawimawh mama a, hinanaleh pasien deilam a thunget nasep na min a, peilou ten, sil kilawm lou in apeing sah thei mwah hi, lam nasep zog ahileh eima kilawm chiah I bawl a mite etlawm deih kilawm a ibalwl kha ten pasien akipah sah thei sih uh hi. khuokhat ah Nuthawi, khat in Pastor lera keipen kamel a hoimaw na lai a,lamding chieng kakikhut tu piding mikamu zou sih a, kalam vang in kikhutu piding misui sui in; kalam thabei hi. chi in vagen a, alam mawhgim maimai denkhat ana hi hi, tuomabang in maw au au a, nasep chite zong tuo mabang ahi a, miten eigenpha leh chi kinep na nei a, min lasa au au nasepna apeipi chieng mite patawi a lawh a, hinanleh pasien patawi na alawh ngaisih hi.

Isareal kumpite zong vaihawmna ah Mangpa deilam amanghil chieng uh leh akalsuon uh a puo leng uh hi. Pasien deilam ngaituo lou a, eima deihlam zawh a pasien thu min a, ipeipi hun khu ikalsuan khiel na ahiden hi. khuokhat ah a upa pan jesu si ding nizan thu agen a, jesu khu aman a, pilat inn ah azawh pi vuo, anua zuite tengteng thu ahilnuo in, peter peipai in azui a, tuomi zankhu thumvei a phat thei a, kouten zong khatvei ve kangphat thei ta lawm sih ding uh amah? Ava chia pasien lungva suhang sih va chipen koi-in e agenthei daih leh? Jacob giel in, Mangpan lem asah leh tuomi, tammi ken bawl vang ichi zawh ding ahi hi chi a, ama zieh a, hing lehdam kahi bou a, kapei ding a, kabawl ding hi chi pen mihinglam pan bawl lawm ahi sie tuojiehin Mangpan lem achi leh kapei dinga, kabawl ding ahi chi in Jacob in ei guolzawl hi.

Tua a nasepna a pei a thu din munte in, nasetah a iki theisem mama uh angai a, thu gen pa khat in, khuokhat ah nasep na anei a, lem chet va e chie, eiten programme isem thei ahi sih a, Mangpan lem achi leh a lem chiet ding ahi chia ki ngai ding hizawh hi, gamgikuolsung khat ah ahi leh thu gen ding in agen ngen vua, Mangpan thu pha angpienleh batisma tang ding in zong aki lamen vua, hinalehj pakhat in hitheisih vang thuomi ni in ka tun nading munkhat omhi chi in lai ka lha ta a, chin ahithei hon sih a, Pawlpi tu dong in ahizou loudan in kangaituo hi.tuovangin nasepna pei dan leh Hagau nasep dan enden in, lem leh lem lou dan Mangpa deilam bang ahei leh ? Chi in iki lan ding uh ahi hi.

Mangpa deidan ngaituo lou a, Nasem pawlkhat in mite genphat maimai ngaituo hun lemsa den a, umte’n vang agakhu gahhoi sang in, Gah hoilou a suo zawh hi. Nasempakhat in, anasep na ah apan piding leh apawl ding bangzat aheikhat neia, ahoi lou mun ah zong ahoi agen den a, atawp ah kelna gilou na ah ahig lut ta hi. thugen a, nasep pawlkhat in zong Mangpa deilam ngaituo lou in, ama uh deina lambeh zieh in, nasep na atawp san tum lou ten in, Nasetah in akikhen den uh hi, Tuhun lai a, bang ahei leh nasep na a khul leh pawimaw hi zong in, Mangpan deilam bang nge chi in nichin in aki ngaituo ding uh hi. I zin khiet na ding ah zong Mangpa deilam thei akul mama ahi hi. Paul leh sila zong hagau phut a nasem a pusuoh hinanleh amate deidan in Galati gamlam zuot ding a tup lai in, I kilat na in, Mekadonia gam a,pei ding in hat ahia, Jesu hagau in a thu hil a kham ta, chi in kimu a, Tuojiehin Mangpa min kohmulou nalam ah khu nasem in kapei kha maitheia, Mangpa deilou lam a pei kha a, ahile Guolzawlna I dawng thei kah khel-lou ding hi, tuo vangin I puosuoh ding chieng lungsim tawngngeh tawh thumna nei a,Mangpa deilam a, ikal suon thei na ding thu nget na a ngai ahi hi.

Deuteronomy 11 sung imu bang in, Mangpa suikhiet sagam ngei khu I suikheit a kul ahi bangchidan a, Nasem pawlkat loching thei a, pawlkhat locing thei lou ahei leh? Mangpa deilam ngaituo te zousien lochin na a atang vua, Mangpa deilam ngaituo lou a, eima deilam leh mite genphat deilam veh ngaituo ten vang Guolzawlna adong theilou uh ahi hi.tuojiehin inasepna gam ding zong eima deilam tel khu zau huoi mama hi. Mun-nuom peina nuom hidan nopna veh ngaituo te vangkhu Mangpa nasem dihtah ahichipen kichi thei ngaingai lou hi.

Na thu thu a, om kanuom hi, na thu bou kahinna ahi,tuovangin eitheiden na vateh namite kahi ichi ngam chieng leh chiemnui na thu apangnon sih hi.tuojieh in silzou sie ah Mangpa deidei chi ahei mah? Mangpa deibang ahei chi pen ihinsung ikisiem kul ding uh ahi. ama deih nalam ah izang uh hi, Mangpa deilam izui thei chiet na ding un Mangpa’n tam tah in Guolhingzawl chiet ta hen.