VANLENG MANG GALKAP IHI

Composed by Late Rev. T. Kamzakhup Zou

Vanleeng Mang galkap I hi,
Zawna namsau tawi unlen;
Siet dougal patbang sai di’n,
Ma suon un ziinmang gam la di’n.

Zawna diellap khaisang un,
Pei un vannei mun chin ah;
Gospel thupha genkawi un;
Khrista gamlei hing lian va.

Van leeng Mang galkap I hi,
Miel thuneina dou diing in;
Ziinmang kulpi luh unlen,
Jesu Khrista gam di’n la un.

I gam genthei miel nei ah,
Mang Khrista’n Mun hing siemta;
A gam letna diing ngai tuo’n,
A sisan a hundam tangte.

Miel nei a toute diing in,
Vahna thupha hing tungta;
Kipa un paahbang tawi vai;
Khrista gam lien deudeu diing.