Ka Zuo It: My Beloved Father

Composed by: Tungnung Zamlunmang Zou

Senpa’n momnou zuo mel mu lou,
Tunnu’n anglai nau bang hing pom e;
Lai ah na sa’ng sangga zuo pomkha lou,
Zal mang laukha’n ka sieng hing kawm ve aw;
Sangga momnou in lung zuon man in,
Vaimang siemsil tung a tutkhawl,
tong kup theilou na sahmel vel vel veng e.

Zuo aw tuong nung na’ng sia apa’n,
Na min thei bang lou lou veng e;
Lou chim la’ng e, pienna ka zuo aw,
Tuong nung na’ng sie apa’n;
Vangkhuo limlien sausuon dai in damta e,
Mim bang pienna ka it tuunnu toh;
Tuonglam sa bang vaimaw ung e.

Pienna tuun-le-laizom teng toh,
Sangga genlieng siel siel ding a;
Zuo aw tuong nung na’ng sie a hiei?
Zuo aw tuong nung na’ng sieh apa’n,
Sen puseite’n sen momnou paibang pom vang;
Sien ni-nu toh sawn momnou sangga paibang pom vang chi e.

Sen puseite’n sawn momnou pai bang pom e,
Pai bang pom in, sawn momnou siel bang sangga kile in;
Tuun lungzuong leh laizom teng nun in nuom e.

Tuun lungzuong mu bang ka ngai ma’n,
Von momnou in mal bang kou kou ing e;
Tuun lungzuong simlei-le-thangvan kal ah mubang laam in,
Tuonglam zawtlou, India khopi Delhi tuol ah nga bang leng ta e.

Sangga momnou kiil bang khang in,
Tuun lungzuong leh deizawn angkawi lianu toh;
Saunuom sungah hou lung kum e,
Kum chimlou e, nuichiem leel in;
Nunnuom laituol leeng leeng ung e.