Hausienmuan Munluo, Delhi
----------------------------------------------
Harrisburg, Pennsylvania gam a high school khat a naupangte text book ding tungthu court a abuoi nuo un evolution ngaidan nei te’n intelligence design [lei-le-van leh asung a um jousie Pasien siem chi gindan] neite thu pansan khu science in apom thei sih, gindan mumal lou [baseless] chi in naupangte saang laibu apatsa’n tam Pasien siem chi thu lahkhiet in aum hi. Tulai khovel pil na asang dung zuui in, leitung a khantouna thupitah science in ahing tut hi. Science khantou dungjui in science kahieng evolution gindan evolutionist [Pu. Darwin private firm] ten leitung a ahing the thang uhi. Singngat a khatvei khanglai Fellowship na khat ah “Science leh Bible kikal [contradict] ahi’ chi thupi azang in debate akinei kha hi. Tami’n leitung khanglai tampite genlou ei lah khanglaite zong evolution or creation a lungbuai tampi um chi ahingthei sah hi. Evolution gindan in leitung khanglai laicism tampi longsome ‘thiljousia ama-le-ama hing kisiem ahi, Pasien um sih chi ngai dan a pieng sah hi. Nang zong tami alungbuoi nahi’a na zukham na lungthah ni, vangsie na ki sah ni’a Pasien umsih chi’a naham kha leh tam anuoi ate nasim mawng mawng in.
Science sanga Laisiengthou tungnun zawtna tam anei abang in en vai.
Leitung luum/beem [Roundity of the earth] ahi na;
Kum 2200 val peisa in Pasien in Isaiah kunga leitung beem/luum ahidan ana hil tahi. Isaiah 40: 22 “It is He who sits above the circle of the earth” leitung kuol khum na atou pa ahi’ chi’n ana gen hi. Hinanleh science in kum 1522 A. D. lai pu Magellan in khovel pumpi tuitung a ahing vel jou in, leitung luum/beem ahina theichien panhi. Tua ahi leh [2200B.C. +1522A.D. =3722] Laisiengthou in science khu kum 3722 val in akhupkhel china ahi.
Leitung bangma lou akhai ahina [suspension of the earth gravity]
Ka neulai in zilliing [earthquakes] chieng in ka pi in, sumkuong [tortoise] leitung ki ngatna pen atawn chienga zilling ahi ahing chia kou zong ka gingta uhi. Nidanglai mipilten tam I teena leitung bange khat in apua dingdan in ana gingta uhi. Greek leh Rome te’n a Pasien uh Atlas liengkoua leitung kinga chi’n agen uhi. Hinanleh kum 3500 val peisa lai in Pasien in Job kunga bangmalou a leitung khai ahi dan ana theisah jouta hi. Job 26:7, “He hanged the world without nothing” chi’n aki gelhi. Science in vang kum 500 pei nailou Pu. Isaace Newton apple in alu a law of gravitation [leihipna] akheet nua in leitung khu bangma lou akhai ahidan leh kihiptuana [magnetic field] jia adetdou ahi dan theikhe panhi. Bible khu advance jo him him mo?
Vana Ahsi Umza [Number Of Star]
Hipparchus leh Ptolemy min na jakhatai? Nidanglai B.C 150 lai a mipil a Haumang thang aki thang vawt ahi uh.Amau’n vana ahsi 3000 val um din ana gingta sih uhi.Nangzong vanlam entou inlen ahsi sim voi 2000, 3000 val simthei sih va teh. Hinanleh Pasien in Abraham kunga, ahsi sim senglou ahidan anahil tahi. Genesis 15:5, “Ahsite khu na simsieng jou ei” chi’n ana dong hi. Pu. Galileo in 15 century telescope ahing mu khiat apat in science leh leitung mihing ten vana ahsi simseng lou ahidan ahing thei khe pan hi.
Mihing Sisan Kibang [Same] Ahi Na:
Kol vom pheuphau,namse dil del,melse nalai khat in na kunga khut ahing daw leh kidah lou in na pia thei dan dan in na panpi in, ama toh nang sisan khat na hi sisan khat a bawl na hi chi thei in. Mi melsia, melhoi, neu, lian san, vom, kang nanleh sisan kibang sieng Pasien in sisan khat a ahingsiem chi kumjabi 20 nabul lam electron microscope kibawl khiat a theipan ahi. Tam masangpen scientistte’n zong Zoute a sisan u tuam jia ‘Zou naptol’ ki chi hi va ana chi uh ahi.Hinanleh Pasien in kum1900 val pei sa lai in mihing sisan khat [kibang abawl ahidan ana gen jouta hi. Acts 17:26, “And He has made from one blood every nation of man to dwell on all the face of the earth.” chi’n akigelhi. Tua ahileh evolutionistste gindan in mihing jawnga hingkipan chi ahia, tua lamgeia jawngkupite toh sisan kibang ding na ut ei? kahaseh!!!! maw.
Mallang Mun Awng [Empty Space In The North]
Tunai sawtnailou telescope ki bawl khiat joulang in vantunglang sui [Astronomer] te’n tam mallam [north] lampanga munawng liantah um amukhia uhi. Sim [south], sua [east] leh tum [west] lang ah ahsi, sol [planet] tampi amu uhi. Mallam ah vang ahsi leh sol zong mulou dan u ahi.Hinanleh Laisiengthou in kum 3400 peita ah tami thudih ana gel [write] tahi. Job 26:7 “He stretch the north over empty space”chi’n akigelhi.Tua ahileh koi in job kung a ana hil e? Job mit lah telesope bang sam lou ding hia, thiljousia siemtu Pasien in ana hil ahi. Mallam en mawng mawng voi ahsi tam na mu ei?
Leitung Upat Dan {Age Of The Earth]
Science in leitung upatdan khu kum 4,550,000,000 in agena, Bible ah Adam-Noah kum 2000, Noah- Jesu Christ kum 2000, Jesu Christ - Tunitan kum 2005 ahi ta a tam teng gawm le chin kum 6005 lah ahi panhi. Ahileh science leh Bible ki kal ahi di uai? Teuhlou kikal thaha lou.
Genesis bung khat na in, “Pasien in ani khat ni in lei le van asiem a” na chi lou khel khel in, achiil in [in the beginning] Pasien in lei le van asiem hi na chi hi. Genesis 1:3-5 na ah va (light) asiem in, va khu mial lah ah ahawm khen in, tua mial khu jaan achi in va khu suun achi hi. Tami abawl jou khuamiel a ahing va kia khu ni khat ahi pan hi. Anikhat ni khu leitung sesa ana bawltha [made] kia genna hi din aging tat huai hi. Tua hi taleh achiil in [in the beginning] apatsa leitung ahing siem tha kia tan [anikhatni] tan khu bangtan asawt kihal ding e? Ngaituabatlou ahi. Sam 104:30 na in “Leitung khu na bawltha kia hi [renew the earth] ana chi hi.Ahi leh bangchi dan, bang jia a leitung khu bawl phat kia ngai e? Bang jia a leitung umsa sia e? Tam anuoi a gaal [war] in ahing hil chien ding hi.
Mikael-Lucifer War:
Isaiah 14:12, “Aw zingsol ahsi, phalvah tapa, bangchidana van apat a hingkesuh na tai? Namchin puasahpa bangchidana leia satkhiata um natai?” Lucifer, Pasien in ana deisah in vansawltah teng lah ah zong amel hoi tung tuang in amin din Pasien in anou hat na in (Boipu) zingsol ahsi, zinglam tapa chi’n ana han hi. Vangalkap laha deisahpen khu thuneine liantah zong pia ahia, misi hinsah chilou bawl thei lou bangma neilou ahi.Lucifer leh vansawltah tampi leitung akhosa dia bawl ahi dung jui un lei tung ah ana khosa uhi. Hinanleh Lucifer hing du-aam in, “vana Pasien laltou na la ding in ahing ngai sut tahi [Isaiah 14:13 “na lungsim in na gela, vana katou vangin, Pasien ahsite tung ah ka mangtouna domsang vang in, malgam tawp-a kikhopna muala ka tou ding hi”]. Pasien bangkim theipa theilou dia dou ding chu bangtana sawt hun ala diai? Tualeh Lucifer leh a regimentte bangtana sawt leitunga akhosah nua vua gal ahing bawl sawm uh e? Akum ding sim seng gual ahisih. Lucifer zong vana Pasien laltouna la din akuon ngei dinga vana Pasien um na mallam heilang e ahsi te pel lang apat in ahing ki dou ngei ding vua, ahatpen Pasien in ama um na ahsi heng lam apat in ahing nawsuh dinga, Luciferte zong Pasien mai a sawt ding joulou in ahing nua tai ding vua vana ahsi lah leh sol [planet] lah ah ahing ki dou ngei din agintat huai hi. Asitheilou leh asitheilou ki dou chu bang tana galvan thupi jang a, bangtana thahatna [energy/force] pieng ding e? Science gen dan in bang e khat thahatmama in anawkhum jia a planette phol bel bol ahi achi uhi. Tua ahileh tua tha hat pen khu bang dang hi lou in Lucifer leh Mikael ki dou na hi din agingtat huai hi. Sol lah [planet] ahsi lah ahing ki dou suh suh un luciferte munpi leitung tan mikael leh aheuten luciferte ahing naw suh uhi din agingtat huai a, leitunga ha kapa hing ki kap u hi din agingtat huai hi, atawp in Lucifer lei tung apat apai khiat a um hi. Asi thei lou bawl theilou nei lou ki dou khu leitung pen lim le mel nei lou ase dim dem mawng ding ahi[Isaiah 14:14,15,17 na ah “leitungkhu gamgaw suasahpa”chi’n akigel hi]
Lucifer leh a regimentte leitung ah bang tan vei anakhosa ding vuai? Bangtan akhosah nua vua Pasien dou ding ahing kisa uh ahi diai? Bangtan asawt ki sing sah u adiai? Kum bang jat mawng mawng ki dou ahi ding vuai? Ngaitua le chin kum million, billion te nepte ahi. Leitung siatdan I theita vua, tun leitung asiemtha kia ahi chi itahlang ding. Isaiah 45:18 “For thus says the Lord, who created heaven, who is God, who formed the earth and MADE it, who did not create in vain, who formed it to be inhabited.” Tamnah leitung pen bangma lou dinga asiem ahilou dan, tengthei na dinga abawl tha ahi dan alang hi. Tun Genesis 1:1 en lei “in the beginning God created” achi’a, tua ahileh created leh made in ki bah lou na aneihi. Created khu thil bangma umnailou apatsa ki bawl genna ahi. Made khu thil umsa apat thil ki bawl khia genna ahi. Tua hitaleh leitung asiem [created] apat in asiem hoi [made] kia tan bang tan in hun asawt diai? Ingai tua tua leh leitung khu science gensang in Bible a ana upa jaw leh ki lawm hi. Science in leitung kum bang jat a upa in gen nan leh Genesis a ‘in the beginning’ toh ana ki tua jing hi. [Leitung upat dan mihing theijo gual ahisiha,asiemtu Pasien in thugu a asel {hidden secret} ahi.]
Dinosaur
Jurassic park film na et chiengin tua ganhing lian bembom lingneite pi tam itenna leitunga na kholai leng din na gingta thei ei? Leitung ana tualleng ma uhi ding ahi. Job 40:15 na ah “Behomoth” kichi tuisai bang ganghing khat gen in aum. [40:16] akawng leh agilpi ah ahat na aum. [40:17] amei khojang in cidar singkung zangjitjet abang saha, amalpi a atel zong ahual hual in aum hi. [40:23] Luidung tuilet in ama vua khum nanleh, kho asa sih a,akam tan gei in Jordan luipi khang nanleh along hi maw sih chi’n aki gel. Job 41:1 na ah “Leviathan” kichi ganhing khat aki gena, Dictionary in “thing of enormous size achia, Bible in “tui ganhing lian”chi’n agenhi. Job bung 40 leh 41 simsua inlen ngaitua mawng mawng in tulai dinosaur ki chi te tohkibang na sa ei? Bible siemten agen uleh Behomoth ganhing tulai tuisai toh kinai deupen ahi jia a behomoth [Egypt tuisai min] chi ki gel achi vua Dinosaur ahileh 18th century laia amin hing umpan ahi. Na ginta na ei na Bible la in len na sim mawng mawng in.
Thukhupsitna
Leitung pilna tusang in ale sawm in khangnanleh science in Bible akhupkhel jou ngei sih dinghi. Science khu Bible nua apei ahi. Maban ah thiltuam tuam science in ahing mukhe dinga nanleh Bible a kum 1000 peisa thu ngen ahi ding hi. Bible a Genesis khu atom kim hilchetna um lou ki gel ahi jia a thilsiem tung tang thu khu bukim tah aki gel lou ahi. Bible theisiem na leh science theisiem na khu kikal ngeilou ahi [Biblical facts and scientific facts doesn’t contradicts each other] Tualeh Bible dihtah leh science dihtah khu kituatah [parallel] in apeikhawm uhi.
Bibliography
1. The Holy Bible [New King James Version]
2. Bible Versus Science [S. Soikholien]
3. Khrist Palai Feb. 2001 [Vol. 4] No. 02
4. General Knowledge 2005 March5. Ruth Messenger March 2001
Harrisburg, Pennsylvania gam a high school khat a naupangte text book ding tungthu court a abuoi nuo un evolution ngaidan nei te’n intelligence design [lei-le-van leh asung a um jousie Pasien siem chi gindan] neite thu pansan khu science in apom thei sih, gindan mumal lou [baseless] chi in naupangte saang laibu apatsa’n tam Pasien siem chi thu lahkhiet in aum hi. Tulai khovel pil na asang dung zuui in, leitung a khantouna thupitah science in ahing tut hi. Science khantou dungjui in science kahieng evolution gindan evolutionist [Pu. Darwin private firm] ten leitung a ahing the thang uhi. Singngat a khatvei khanglai Fellowship na khat ah “Science leh Bible kikal [contradict] ahi’ chi thupi azang in debate akinei kha hi. Tami’n leitung khanglai tampite genlou ei lah khanglaite zong evolution or creation a lungbuai tampi um chi ahingthei sah hi. Evolution gindan in leitung khanglai laicism tampi longsome ‘thiljousia ama-le-ama hing kisiem ahi, Pasien um sih chi ngai dan a pieng sah hi. Nang zong tami alungbuoi nahi’a na zukham na lungthah ni, vangsie na ki sah ni’a Pasien umsih chi’a naham kha leh tam anuoi ate nasim mawng mawng in.
Science sanga Laisiengthou tungnun zawtna tam anei abang in en vai.
Leitung luum/beem [Roundity of the earth] ahi na;
Kum 2200 val peisa in Pasien in Isaiah kunga leitung beem/luum ahidan ana hil tahi. Isaiah 40: 22 “It is He who sits above the circle of the earth” leitung kuol khum na atou pa ahi’ chi’n ana gen hi. Hinanleh science in kum 1522 A. D. lai pu Magellan in khovel pumpi tuitung a ahing vel jou in, leitung luum/beem ahina theichien panhi. Tua ahi leh [2200B.C. +1522A.D. =3722] Laisiengthou in science khu kum 3722 val in akhupkhel china ahi.
Leitung bangma lou akhai ahina [suspension of the earth gravity]
Ka neulai in zilliing [earthquakes] chieng in ka pi in, sumkuong [tortoise] leitung ki ngatna pen atawn chienga zilling ahi ahing chia kou zong ka gingta uhi. Nidanglai mipilten tam I teena leitung bange khat in apua dingdan in ana gingta uhi. Greek leh Rome te’n a Pasien uh Atlas liengkoua leitung kinga chi’n agen uhi. Hinanleh kum 3500 val peisa lai in Pasien in Job kunga bangmalou a leitung khai ahi dan ana theisah jouta hi. Job 26:7, “He hanged the world without nothing” chi’n aki gelhi. Science in vang kum 500 pei nailou Pu. Isaace Newton apple in alu a law of gravitation [leihipna] akheet nua in leitung khu bangma lou akhai ahidan leh kihiptuana [magnetic field] jia adetdou ahi dan theikhe panhi. Bible khu advance jo him him mo?
Vana Ahsi Umza [Number Of Star]
Hipparchus leh Ptolemy min na jakhatai? Nidanglai B.C 150 lai a mipil a Haumang thang aki thang vawt ahi uh.Amau’n vana ahsi 3000 val um din ana gingta sih uhi.Nangzong vanlam entou inlen ahsi sim voi 2000, 3000 val simthei sih va teh. Hinanleh Pasien in Abraham kunga, ahsi sim senglou ahidan anahil tahi. Genesis 15:5, “Ahsite khu na simsieng jou ei” chi’n ana dong hi. Pu. Galileo in 15 century telescope ahing mu khiat apat in science leh leitung mihing ten vana ahsi simseng lou ahidan ahing thei khe pan hi.
Mihing Sisan Kibang [Same] Ahi Na:
Kol vom pheuphau,namse dil del,melse nalai khat in na kunga khut ahing daw leh kidah lou in na pia thei dan dan in na panpi in, ama toh nang sisan khat na hi sisan khat a bawl na hi chi thei in. Mi melsia, melhoi, neu, lian san, vom, kang nanleh sisan kibang sieng Pasien in sisan khat a ahingsiem chi kumjabi 20 nabul lam electron microscope kibawl khiat a theipan ahi. Tam masangpen scientistte’n zong Zoute a sisan u tuam jia ‘Zou naptol’ ki chi hi va ana chi uh ahi.Hinanleh Pasien in kum1900 val pei sa lai in mihing sisan khat [kibang abawl ahidan ana gen jouta hi. Acts 17:26, “And He has made from one blood every nation of man to dwell on all the face of the earth.” chi’n akigelhi. Tua ahileh evolutionistste gindan in mihing jawnga hingkipan chi ahia, tua lamgeia jawngkupite toh sisan kibang ding na ut ei? kahaseh!!!! maw.
Mallang Mun Awng [Empty Space In The North]
Tunai sawtnailou telescope ki bawl khiat joulang in vantunglang sui [Astronomer] te’n tam mallam [north] lampanga munawng liantah um amukhia uhi. Sim [south], sua [east] leh tum [west] lang ah ahsi, sol [planet] tampi amu uhi. Mallam ah vang ahsi leh sol zong mulou dan u ahi.Hinanleh Laisiengthou in kum 3400 peita ah tami thudih ana gel [write] tahi. Job 26:7 “He stretch the north over empty space”chi’n akigelhi.Tua ahileh koi in job kung a ana hil e? Job mit lah telesope bang sam lou ding hia, thiljousia siemtu Pasien in ana hil ahi. Mallam en mawng mawng voi ahsi tam na mu ei?
Leitung Upat Dan {Age Of The Earth]
Science in leitung upatdan khu kum 4,550,000,000 in agena, Bible ah Adam-Noah kum 2000, Noah- Jesu Christ kum 2000, Jesu Christ - Tunitan kum 2005 ahi ta a tam teng gawm le chin kum 6005 lah ahi panhi. Ahileh science leh Bible ki kal ahi di uai? Teuhlou kikal thaha lou.
Genesis bung khat na in, “Pasien in ani khat ni in lei le van asiem a” na chi lou khel khel in, achiil in [in the beginning] Pasien in lei le van asiem hi na chi hi. Genesis 1:3-5 na ah va (light) asiem in, va khu mial lah ah ahawm khen in, tua mial khu jaan achi in va khu suun achi hi. Tami abawl jou khuamiel a ahing va kia khu ni khat ahi pan hi. Anikhat ni khu leitung sesa ana bawltha [made] kia genna hi din aging tat huai hi. Tua hi taleh achiil in [in the beginning] apatsa leitung ahing siem tha kia tan [anikhatni] tan khu bangtan asawt kihal ding e? Ngaituabatlou ahi. Sam 104:30 na in “Leitung khu na bawltha kia hi [renew the earth] ana chi hi.Ahi leh bangchi dan, bang jia a leitung khu bawl phat kia ngai e? Bang jia a leitung umsa sia e? Tam anuoi a gaal [war] in ahing hil chien ding hi.
Mikael-Lucifer War:
Isaiah 14:12, “Aw zingsol ahsi, phalvah tapa, bangchidana van apat a hingkesuh na tai? Namchin puasahpa bangchidana leia satkhiata um natai?” Lucifer, Pasien in ana deisah in vansawltah teng lah ah zong amel hoi tung tuang in amin din Pasien in anou hat na in (Boipu) zingsol ahsi, zinglam tapa chi’n ana han hi. Vangalkap laha deisahpen khu thuneine liantah zong pia ahia, misi hinsah chilou bawl thei lou bangma neilou ahi.Lucifer leh vansawltah tampi leitung akhosa dia bawl ahi dung jui un lei tung ah ana khosa uhi. Hinanleh Lucifer hing du-aam in, “vana Pasien laltou na la ding in ahing ngai sut tahi [Isaiah 14:13 “na lungsim in na gela, vana katou vangin, Pasien ahsite tung ah ka mangtouna domsang vang in, malgam tawp-a kikhopna muala ka tou ding hi”]. Pasien bangkim theipa theilou dia dou ding chu bangtana sawt hun ala diai? Tualeh Lucifer leh a regimentte bangtana sawt leitunga akhosah nua vua gal ahing bawl sawm uh e? Akum ding sim seng gual ahisih. Lucifer zong vana Pasien laltouna la din akuon ngei dinga vana Pasien um na mallam heilang e ahsi te pel lang apat in ahing ki dou ngei ding vua, ahatpen Pasien in ama um na ahsi heng lam apat in ahing nawsuh dinga, Luciferte zong Pasien mai a sawt ding joulou in ahing nua tai ding vua vana ahsi lah leh sol [planet] lah ah ahing ki dou ngei din agintat huai hi. Asitheilou leh asitheilou ki dou chu bang tana galvan thupi jang a, bangtana thahatna [energy/force] pieng ding e? Science gen dan in bang e khat thahatmama in anawkhum jia a planette phol bel bol ahi achi uhi. Tua ahileh tua tha hat pen khu bang dang hi lou in Lucifer leh Mikael ki dou na hi din agingtat huai hi. Sol lah [planet] ahsi lah ahing ki dou suh suh un luciferte munpi leitung tan mikael leh aheuten luciferte ahing naw suh uhi din agingtat huai a, leitunga ha kapa hing ki kap u hi din agingtat huai hi, atawp in Lucifer lei tung apat apai khiat a um hi. Asi thei lou bawl theilou nei lou ki dou khu leitung pen lim le mel nei lou ase dim dem mawng ding ahi[Isaiah 14:14,15,17 na ah “leitungkhu gamgaw suasahpa”chi’n akigel hi]
Lucifer leh a regimentte leitung ah bang tan vei anakhosa ding vuai? Bangtan akhosah nua vua Pasien dou ding ahing kisa uh ahi diai? Bangtan asawt ki sing sah u adiai? Kum bang jat mawng mawng ki dou ahi ding vuai? Ngaitua le chin kum million, billion te nepte ahi. Leitung siatdan I theita vua, tun leitung asiemtha kia ahi chi itahlang ding. Isaiah 45:18 “For thus says the Lord, who created heaven, who is God, who formed the earth and MADE it, who did not create in vain, who formed it to be inhabited.” Tamnah leitung pen bangma lou dinga asiem ahilou dan, tengthei na dinga abawl tha ahi dan alang hi. Tun Genesis 1:1 en lei “in the beginning God created” achi’a, tua ahileh created leh made in ki bah lou na aneihi. Created khu thil bangma umnailou apatsa ki bawl genna ahi. Made khu thil umsa apat thil ki bawl khia genna ahi. Tua hitaleh leitung asiem [created] apat in asiem hoi [made] kia tan bang tan in hun asawt diai? Ingai tua tua leh leitung khu science gensang in Bible a ana upa jaw leh ki lawm hi. Science in leitung kum bang jat a upa in gen nan leh Genesis a ‘in the beginning’ toh ana ki tua jing hi. [Leitung upat dan mihing theijo gual ahisiha,asiemtu Pasien in thugu a asel {hidden secret} ahi.]
Dinosaur
Jurassic park film na et chiengin tua ganhing lian bembom lingneite pi tam itenna leitunga na kholai leng din na gingta thei ei? Leitung ana tualleng ma uhi ding ahi. Job 40:15 na ah “Behomoth” kichi tuisai bang ganghing khat gen in aum. [40:16] akawng leh agilpi ah ahat na aum. [40:17] amei khojang in cidar singkung zangjitjet abang saha, amalpi a atel zong ahual hual in aum hi. [40:23] Luidung tuilet in ama vua khum nanleh, kho asa sih a,akam tan gei in Jordan luipi khang nanleh along hi maw sih chi’n aki gel. Job 41:1 na ah “Leviathan” kichi ganhing khat aki gena, Dictionary in “thing of enormous size achia, Bible in “tui ganhing lian”chi’n agenhi. Job bung 40 leh 41 simsua inlen ngaitua mawng mawng in tulai dinosaur ki chi te tohkibang na sa ei? Bible siemten agen uleh Behomoth ganhing tulai tuisai toh kinai deupen ahi jia a behomoth [Egypt tuisai min] chi ki gel achi vua Dinosaur ahileh 18th century laia amin hing umpan ahi. Na ginta na ei na Bible la in len na sim mawng mawng in.
Thukhupsitna
Leitung pilna tusang in ale sawm in khangnanleh science in Bible akhupkhel jou ngei sih dinghi. Science khu Bible nua apei ahi. Maban ah thiltuam tuam science in ahing mukhe dinga nanleh Bible a kum 1000 peisa thu ngen ahi ding hi. Bible a Genesis khu atom kim hilchetna um lou ki gel ahi jia a thilsiem tung tang thu khu bukim tah aki gel lou ahi. Bible theisiem na leh science theisiem na khu kikal ngeilou ahi [Biblical facts and scientific facts doesn’t contradicts each other] Tualeh Bible dihtah leh science dihtah khu kituatah [parallel] in apeikhawm uhi.
Bibliography
1. The Holy Bible [New King James Version]
2. Bible Versus Science [S. Soikholien]
3. Khrist Palai Feb. 2001 [Vol. 4] No. 02
4. General Knowledge 2005 March5. Ruth Messenger March 2001
No comments:
Post a Comment