Rev. S. Nengkhanmang
------------------------------------------------
Khangdawn laihun khu hunman tampen hi lou in, Hunmanpha pen ahi, Manpha aki chi chiengin, aman dingsim dan um lou adingjat ki thei zou lou, Dangka sana toh lei thei lou khanglai hun khu san khang aki chihi, Naoupangten duthu sam agen chieng un, katangval chieng kanungah chieng achi ua, Tehseten lah ka khanlai ka hat lai achi uhi, naupang ten ngah la tah a akhan let pi uh, Nungah tangval hun ding, the seten hengla tah a agen zing uh Nungah tangval lai hun ma ahi, natupna khu na khan lai a nataang tun zou shi leh nangma mawpuoh na ahi, na upat chiengin ki sia thu lou gen dingthu dang na nei shih dinghy, khum bang Hunhoilou in nang ahing ngah zing hi.
Samson nathei hi, Juda nampum pi in aki neppi uh ahi, nangzong nain kuon te, nabe naphung, nanam pumpi in ahing ki nepi louna bangma aum sih, naming hingthang doh leh na mitten ahing thumpi a ding uhi, Hinan leh Samson in a nuleh pa thu amangsih a, Israel nungah mel hoi khum zapi nuasie in Sorek phaijanga Philistin numei khat Delilah ki chi nu ava hel a, Va-in asina ding ahi chi thei lou a thanglam azot bangin Samson in zong alawm nu ajuona, atawp ah a hin napum in ahatna teng teng apekheta! Akahang dawng hun hoi asanakhang dei um tah khu ki pah lou tah in ah suh bei tahi. Sil thupi tah bawl a min thang ding leh nampi zalen na tun dinga Pasien sil pieh dongmi ahi, himah nan leh thuman lou na in, agolden chance, agolden Life, agolden Victory te, bang chih chienga zong amu non lou dingin mit tui luong in aliem sah tahi!, Samson alaw ching ding sa a Pasien sawl hizong leh, thuman lou na in alaw Samsah thei hi, Ngai in LAW CHIN NA THU GUH khu th man na ah aki nga hi,
Samson hatna khu mihing hat na ahinon sia, Pasien sil pieh Hagau sieng hatna ahi, ei hawn sial ni zong ki thumun zo lou dinga, aman Si-al zathum val tah adei bang banga um dingin athu jaw (control) thei a ami te uah mei sel khat chiet akan khoma, agalte Philistine mite lou hal nan azang thei hi, eihonlah Si-al zuol sa som zong um hen len, amei ua meisel ikan sunga hing ngah thei ding um nan leh, Si-al nga mei ikan sung in, amasate meisel anatum man dinga, ahing ngah thei sih ding uhi, aman Si-al zathum val mei bang a chi kan adiei??… amei sil bawlkal, adet kuongkal, amei phuol tawkal ananglem kal hun te bang hun ata diai?? Akan nailoute anatai maanglou uh bangkhau a a khi a diei?.. tam bang lienga sil ham sa, bai lam tah a bawl thei na Pasien in apieh ahi, anget nget Pasien in aphal a, koi ma dou zou guol lou sil te abawl a, aut ut abol thei, tuate khu ama utna ngei in a subei mangta hi, Numei it nakhu thanga hia, autna khu han kuong ahi, sil thupi leh din mun sang na buon lai in numei pangsih heh, ahun lou in Samson puanan hingman khava.
Van nei agalzou umpen khu thu manlouna haia, nangpen tup lien nei a siem zil nahi. Nang hingvah a gen thei nau napa, natha kangkhat neloua, tuni donga hing vah hingthumpi te hinkhogen thei dan na gel ngai ei? Nalungsim mitin en jel in, An titah tah naneh ;chiengin val pai sin len muom tadi in, tua ka neh bang in kanu ten zong An aneding uoi maw? Chiphot in len nalung gel in, na An neh khu hei sunga hing ki pan e? aman koi pieh e? chite thei zingin.
Siem zil na lam a sangpen leh siempena na pan chieng in zong naduthu sam tah natung nai sih chi leh natunglamah naphah zou lou mitampi aum uh chi thei zingin, tuabang lunggel nain ahing humbit ding, ahing tawi sang dinghy, ki let sah na khu man thai na ma ah apei a, ki sah thei na khu kakhuh mongbei zot na lampi ahi, nangpen lam etna lien pi leh ki nep nasangtah nei na hia, mivan tang mai mai nahi sih, nop thuopa siem zil nop tat te lahah ki hal sin, nasum zatkhu nanu Ahpi khoi lai man ahi.
Ahing ki gen siet leh, ahingki thei zing ahia, ahingki ko leh lhoi hingki sa dap ahi, ahingki pampai lelh, mithupi nahi, ahingki langbawl leh ahingki dem zou lou ahi, ahingki hot leh, ahing kiengahi, ahingki hajat leh, alaw ching nahi, ahing ki mudaleh akam pha nahi, ahingki zumpi leh, tei hingki sa ahi. Ahing ki gen dai leh aminthang nahi. Ahing ki dem leh nadin mum sang ahi.
Nangpen Christian Pasien thei phah mi nahi, mivan tang tunga mi nahi, nahin khuo nagam tat veng bitin, nalung kham na ding pen khu nagam tat na nasep ah Pasien aki pah nai chi thei som in na lungkham jaw heh , nahin an leh nahun zou sie Pasien aapin ama muong in, aman nahin khuo ding lung gel in nampi ding ahing hil ding hi.
Joshep naupang tei rol kum 12 vai mi ahi lai in, ap thu amang a, apa it akai a, Pasien it alaw hi, tua zieh in asanggam ten aengsiet ua, adin mun ding amanglam a aki hil zieh in, a muda ua, ahoma ma uhi, ahing ki huot leh ahing kik eng ahi chikhu adih tahi. Pasal som in naupang khat man thai nading angai tuo ua, Dothan gama patin Ismail mite Aigubta Singnai dam dawi a sum bawl te kung ah azua mangta uhi, puon ah anei non sih a, she nel gam nisapi noui ah puon sil lou in lam ajawta, naoupang nou khat lungkham leh gimna thoh in, apa ngai in akap kappa lung siet ding leh henem ding mi anei shi hi, akung a um ajaw pi ten lah asanga tam jaw khoh sawm in ahou lim ua, ama ding in kinepleh lam et bei a, Aigubta gam mit tui longa azot lai in alenglukhu leh, aLengtou na ding in gin um tah in ana ngah hi.
Nangzong hei sung game, koi gam khatin tul maw tah in hing ngah thei hi, natun chienga mite kinep na leh gin tat sanga sangjaw peha sil bawl thei dingin ki zil siem in, nangzong Joshep na hi, nahilou na, nabah lou na, bangma aum sih, sien thouna leh gin um na lama Joshep nabah lou leh nangman nathei dinghy, midangin vang ki bang ahingsahi, naki bah ut sih leh nangma mawpuoh ahita, Pasien thei khu pil na bulpi ahi.
Lengpa David vaihawm lai in, anuoi a milien thum te aki hou ua, thupil khat gen vai in Lengpa tangkhap nuoi ah koi vai in, aman pil asah pen pen, lalna, thu nei nalamah Lengpa nei a pai hihen len, pien na lamah, asanggam pa hita hah achiua, athupen van nei ah bang ahat pen ei? Chi thu ahi.
Khatpan Zu ahatpen hi, achia, abana pan Lengpa ahatpen hi achia, athumna napan, Numei ahatpen hi achihi. Khumin Lengpan avaih om ua mai ah ahankhom a, mipi mai ah apil nathu uh ahing gen chiet tauhi. Khatna pan Zuhat dan thu ahing gen ta, Au in mimei puo zong ahang san sah a, ajaw lou ding zong abaw ngam sah hi, chilam in agena, aninapan, Lengpa hat dan ahing gen kia a, Lengpa thu nei dan ahat dan, tha ding achi te tha ahi mai a, tha dinga hen te zong ahakhe thei hi, chin ahing gena, athum napa in Numei hat dan ahing gen ta!, Nungah melhoi tah mai ma ah koi ma agilou ngam siha, aum khiell ngam sih, Pasal pha hangsan Humpi mai a tai lou te zong nungah mai ah anun nem huoi huoi mai ua, Lengpa lung thah zong nungah mel hoi tah mai ah anui hut hut mai hi, achi leh, mizou sien dih asa ua, apil pen in Lengpan akoi tahi. Lengpa nuoi apai leh, Lengpa sanggam pa ahi tahi, khumpa khu Juda saltang Jerubabel ahi, Jerusalema Saltangte ki nua lekia thei na zong ama jal ahi achi uhi.
Tam bangpil napen ahoua hou bang, bailam tah bang hinan leh ki thei jeplou, min agen jaw chienga lah ithei sa bang, hinan leh lah ki thei but lou, Pasien mi lungvah nei ten athei uhi. Pasien a dingin ki susiengin sil zou sie ah nasiengthou ding hi, na gin um an khu midang gin tham hi hen, tuachin Pasien gin tat na kaai dinga napoi maw leh na tah sap chieng ahingpanpi dinghy. Joshep gin um na khu midangten zong agingta ua Pasien in zong Phavaoh sangin among jaw ta a Aigubta Lengpa tou na apetahi.
Tulai hun in ei haw lah ah Joshep tobang Tangval khat um hen len, officer zi nungah dawng puonghin hen, tuisuoh ngii ngei khatin, midang umlou, ani anin jut jut mai in jawl jawl hen len, buon zou sih leh, tuamipa khu, a lawm hoi ten, apum mat dingua, Doctor kung ah check up ding in apui ta ding uhi. Mihing pa pen adih lou hita achi ding uhi, Ei haw lahah gin um na khu motna ahia, Sienthou na zong, mibah louna aki chi hi, hima nan leh, gin um na leh Sienthou na in alul na leh aman phatna alouh (mansuo) tuyom sih a, anuom man (aga) zibg atyk sug gum Joshep zong mi bang lou chin Suongkul ah akoi uhi, Paien in mihoi te khu min se nan leh adei thou a, aum na mun thanghuoi nan leh nuasie lou in aumpi a adddm sanghi, gin um na khu na lawi sang leh gin um nain nangma din mun hingtawi sang va, Dih tatna te, gin um nate, Seinthou nate Pasien te a, ahi man in anei mite akem mite aumpi hi, khel lna bawl pen nuom ma ma hi. Ahun nuom sung tom mama hi, himanan leh, agalaw sung (apap thuoh sung) asawt taluoa, zum huoi ta luo hi. Tam te sangin thu mangtaha law ching ding in ki bawl jaw in.
About The Author:
1. Apa Jamkhai, anu Thongman; 2. 1947, Oct. Galkap kot khuo apieng. Thanlon District; 3. 1965, June 5. Nh. Ngaikhannuom toh Dan in ki teng; 4. 1969, Voluntary in Evangelist nasem Presbytary ah (M.G.P); 5. 1972. Upa ordenation tang, Tuoitengphai Presbytary ah; 6. 1979. Jangnuom khuo sat; 7. 1982 June, 18th Pro Pastor na sem; 8. 1983. Bible Graduate on Deputattion; 9. 1986. March a Pastor ordenation Zoveng Assambly; 10. 1987. Z.C.C inpiah Orgnisation Secretary Kum 3 Sem; 11. 1990. Lamka District Superentendent Kum 6 Sem; 12. 1994. Singgat District Superentendent Kum 3 Sem; 20. 2000 - Lamka District Superentendent Kum 6 Sem; 21. 2006 - ZCBC ah Executive Director nasem lel lel hi.
No comments:
Post a Comment