Lamka Dec. 15: Churachandpur district sung a govt. school a kai kum nawn 2009 a HSLC exam dingte kha 2 sung daih ding free coaching Churachandpur Govt School leh Gandhi Memorial High School Molnom ah tuni’n kipan a, Shri Joshep Lalrothang, ZEO. CCpur in Churachandpur Govt. High School ah hong a, Gandhi Memorial High School Molnom ah sunma dak 11:00 in ZEO CCpur mah in a hong khiakna va nei nawn hi.
Hiai coaching a telte’n Mathematics, English, Chemistry, Biology te sinsak ua, Churachandpur Government High School ah Maths, W. Lokel Singh in hilh a, Chemistry, Ngainuntluangi in hilh a, Physics, Donglianpau in hilh a, English, H. Ranjan Meitei in hilh hi. Gandhi Memorial High School ah Mathematics, Thangminlien in hilh a, Chenistry, R. Zamkhogin in hilh a, Physics, R.K Shirani in hilh a, Biology, T. Lamkhoneng in hilh hi.
KNF(Z) in thusuah bawl
Lamka, Dec 15: Kuki National Front (Zogam) in thusuah a bawl press a kimu in a taklat dan in, Govt. doctor, inn a mi en leh private clinic a semte’n Rs. 50/- lel la ding in theisak a, khatvei a et nung uh check-up nawn chiang a sum la nawnlou ding in theisak uhi. Tuabanah, petrol zuaktute’n S.K. oil toh mixed lou ding leh dawr bawltute’n ser tehna diktak zang ding in theisak uhi. Hiai ngetna kuapeuh in zahtak a zui chiat ding in ngen uhi.
Kuki Idol 2nd Round kipan
Lamka Dec. 15: B. Vengnom Community hall ah tuni sunma dak 11:00 in Kuki Idol 2008 2nd round om nawn a, hiai ah mi 100 kidem ua mi 30 paih khe ding uhi. Hiai 2nd round pen zingchiang Dec. 16 leh zinghal Dec. 17 tan nei ding uhi. Hiai 2nd round zoh chiang in 3rd round pen a ni, a hun leh a mun ding bangmah kigen thei chiah kei mah kum nawn Jan. 2009 sung in nei nawn ding uh hi’n a saitute apan thutut kingah hi.
Employment Exchange office lun
Lamka, Dec. 15: Autonomous District Council CCpur a Primary Teacher post 304 lakna ding ah Primary Teacher lunglut mi tampet mah ua, tuni a pan District Employment Office ah Class- XII a pan tung lam mitamtak in apply uhi. Primary Teacher pen Dec. 22, 2008 tan in min piak lut theih ding a, a masa hih ut in mipi kiphu nasa mahmah uhi. DPC/Personel interview bel Dec. 29, 2008 a pan in Town hall, Hill Town ah om ding hi. Employment office in min khumte serial number bawl naikei mahle uh tuni a min khum vuak leng 1000 val vang ding hi’n thutut kingah hi.
Gurgaon ah Vaite pasal 3 in Lamka numei 2 naktak in soisa, NE Helpline makaih in YPA Jt.Hq, Delhi leh VWA, Delhi in meeting nei ding
LAMKA, Dec 15: Vaigam a om north east singtangmite’n bawlsiatna tamtak ana tuah nung un vangtahhuaitak in apaisa Kiginni, December 13, 2008 in Delhi khopi kiang Gurgaon (Haryana) ah Lamka numei nih, Mary leh a lawmnu Daisy in a inn neitupa uh leh a lawmte apat soisakna nasatak tuak uhi.
Muanhuaitak apat thutut kingah dan in, Chandigarh, Punjab a om Direct Pay Pvt. Solutions kichi call centre a sem Mary leh Daisy, a ngetna dungzui un Gurgaon branch a suan in om uhi. Suan a a om dungzui un hiai lawmta nihte’n a lawm uh Lalboi kichi khat kiang ah innluah ding ana zonsak di’n thukhak uhi. Lalboi in leng ama omna toh kigamlalou Sikanderpur, Gurgaon ah inn khat ana muhsak hi. Lawmta nihte leng Chandigarh apat Ningani, Dec. 11 in tungsuk ua, Lalboi in inn ana zonsak leng va-en ngal uhi. Hiai inn pen lungtunhuai-sa in lawmta nihte’n leng a van khenkhat uh huai ni mah in tuahlut ua, a zan bel giaklut nailou uhi. A zingchiang, Sintawpni, Dec 12 zing dak 9 vel in, lawmta nihte’n innluahman ding pe di’n a inn neitupa uh kimuhpih sawm mahle uh a inn neitupa un “ka buailua hi’n, nitak chiang in ken k’ong en mai ding” a chih ziak in innluahman kipe nailou in kikhen nawn uhi.
A thu a kihoulem khin, innluahman piak ding kia in sam ahihna ah Mary leh Daisy leng a van teng uh toh Sintawpni mah in a inn thak uah lut ua, himahleh, a inn neitupa uh leng a nitak in vahoh tuanlou hi. Amau leng zan dak 10 vel in lum ua, himahleh, Kiginni, Dec 13 zing dak 2 vel in a kong uh vaki-kiu hi. Lawmta nihte’n leng zan nung a kong kikiu a hon ngamlouhtak un kong kiutu’n a inn neitupa uh ahihdan kigen a, himahleh, a aw apat zu kham ahihdan a theih ziak un “zan nung ahita a, zingchiang in kihou ni” ana chi in kong hon tuanlou uhi. Huaitak in a inn neitupa uh leng heh in “na inn neitupa uh kahi, hon laulou uh maw?” chi’n vau hi. Hiai dinmun ah Mary leh Daisy leng patau gawp in police emergency number 100 phone mahle uh kuaman a dawnglouh ziak in a lawm uh Lalboi phone uhi.
Mary leh Daisy in Lalboi a phone sung un a inn neitupa un tukverh limlangte ana khense manta a, a theihmanma un chiangpum toh a inn neitupa un a nih un zep zialzial maimah hi. Lawmta nihte leng puankawm ah kisel mahle uh a inn neitupa un zep thouthou ahihman in, sum piak a lungkim dia ngaihsutna toh innluahman dia lakkhiaksa a a koih uh Rs. 3000/- pia uhi. Huaitak in a inn neitupa un leng huai sum la a, himahleh, azan-azan a kituahkhe dia sawl thouthou in minute 5 sung hun pia hi. Lawmta nihte’n leng a kintheitawp in a vante uh guang mengmeng in innkong ah kaikhe ua, huchi kawmkawm in leng a inn neitupa un a chiangpum tawi in zep lailai hi. A vante uh a kaihkhiak sung un a inn neitupa uh lawmte pasal nih tunbeh ua, a inn neitupa un huai pasal nihte a houpih kal in Mary in a lawmnu kiang ah “tai ni” chi in tai mahleh Daisy suakta manlou in Mary chauh suakta hi.
Mary suakta mahleh a lawmnu taisan in gamla tai ngam tuanlou a, pasal thumte’n a vuak ziak ua Daisy kikou thawmte a zak zawkmah ziak in kik nawn hi. A kiknawntak in pasal nih a tungthakte lak a khat in ana man a, “hon pawngsual ding kahi” chi in a inn luahna ua pat minute 5 vel a gamla inn dang khat ah hiai pasal thumte’n a nih un kailut uhi. Hiai inn sung ah pasal thumte’n bang toh sawnbelh in Mary leh Daisy tung ah chiangpum leng zang nawnlou in a khutpek uh leh a khuttum uh zang in vua uhi. Pasal thum in a pawngsual theih mai dinmun ua a dinlai un (Vaite) nupi 3 huai inn sung a valut in pasal thumte vakhou uhi.
Mary leh Daisy in soisakna nasatak a tuah uh husa zak ziak a innkim-innkiangte ahihkeileh kuate sap hiding hiam chih theih hikeimahleh, police-te leng vatung ua, lawmta nihte’n leng police-te belh sawm in kisa ngal uhi. Huaitak in nupi 3-te lak a khat in, “nou nahong pawt uh a ngaikei, kou police-te k’on houpih ding uh” chi in kong khakkhum mahleh lawmta nihte leng taipawt teitei in police-te gari ah tailut ngal uhi. Hiai hun tan ah bel a inn neitupa uh lawm pasal nihte a omna uh kithei nawnlou hi’n thutut kingah hi.
Police-te’n leng Sikanderpur mah a om Sriram Memorial Hospital ah Mary leh Daisy tonpih ua, private hospital ahihziak a ki-admit-na dia leng Rs.2000/- a poimoh ziak in, a zingchiang a piak di’n bat in a gimzaw Daisy ana admit uhi. Daisy a gimsim mahmah ziak in oxygen piak ngai hial hi. Hiai damdawi inn ah Sikanderpur leh a sehvel a north east singtangmite, a diak a Manipur singtangmite kikhopkhawmna, Northeast Christian Fellowship-te’n ompih uh hi’n thutut kingah hi.
Mary sanggamnu leh Daisy sanggamnu’n leng thil omdan a theihphet un Chandigarh apat delh ngal in Kiginni in tung ua, a gimlouzaw a kingai Mary leng a taksa a lumlai ziak a a nat lam phawklou maimai ana hi a, a khe chauh na-sa himahleh a sanggamnu’n hoihtak a a velchet a leh a nungzang teng, a pumpi phial a bawk leh dup ahihdan theikhia uhi. Huaitak in Mary leng Sriram Memorial Hospital mah ah ki-admit a, himahleh, private hospital ahihna a a mantamluat ziak in Pathianni, Dec 14 zan dak 8 vel in, a kinget dungzui un pawtkhia in tu’n Delhi ah tanaute kiang ah om uhi. Mary leh Daisy in damdawi inn a lut ua pat a om sung teng un amau sum ngen Rs. 10000/- val seng uh hi’n thutut kingah hi.
Pathianni, Dec 14 zing dak 10 vel in Mary leh Daisy innluahna police makaihna in a sanggamte un vapha ua, huai ah Mary sum Rs.11000/- leh digital camera banah Daisy sum Rs.3000/- toh a sumbawm kimlou ahihdan theisuah in van bangmah lalou in kik uhi. Himahleh, a nitak 6 vel in police makaihna mah in van a omlai teng bel lakhia uhi.
Hiai bang thiltung toh kisai in Pathianni, Dec. 14 sunnung dak 2:30 vel in Sikanderpur Police Station, Gurgaon ah FIR gelhlut in om a, Mary leh Daisy innluah neitupa leng mat in om mahleh FIR a police-te’n ‘sexual harassment/molestated/attempted rape” a gelhlutlouh ziak ua baihlamtak a bail a pawt nawn ngal hi’n thutut kingah hi. Huai banah, Mary leh Daisy in a lawmpa uh Lalboi a phone dungzui un Lalboi in a lawmte nih toh delhpah ua, inn neitupa lawmte tunma tham in tungpah mahle uh konglam a Vaite tamtak chiangpum toh dingte’n a dal ziak ua lut theilou, Mary leh Daisy toh kimuh leng kimukhalou uh hi’n thutut kingah hi.
Hichibang a north east singtangmite bawlgentheihna leh soisakna a tuahte uh ziak a kibawlkhia North East Helpline in hiai tungtang ah leng inntek pan in mohpuakna la ua, zingchiang Dec 16, zing dak 9 in 1082/12 RK Puram ah YPA Jt. Hqt, Delhi leh Vaiphei Welfare Association, Delhi toh Mary leh Daisy tel in meeting nei ding uhi. Hiai meeting ah National SC/ST Commission leh National Commission for Women kiang a lehkha piaklut ding tungtang kikum ding uh hi’n leng muanhuaitak apat thutut kingah hi. Huai banah, Manipur Students Association Delhi (MSAD) in leng thiltunna mun a sit-in-protest neih ding sawm lellel uh hi’n leng thutut kingah hi.
Source: http://zogam.com/index.php?option=com_content&task=view&id=5080&ac=0&Itemid=2
Hiai coaching a telte’n Mathematics, English, Chemistry, Biology te sinsak ua, Churachandpur Government High School ah Maths, W. Lokel Singh in hilh a, Chemistry, Ngainuntluangi in hilh a, Physics, Donglianpau in hilh a, English, H. Ranjan Meitei in hilh hi. Gandhi Memorial High School ah Mathematics, Thangminlien in hilh a, Chenistry, R. Zamkhogin in hilh a, Physics, R.K Shirani in hilh a, Biology, T. Lamkhoneng in hilh hi.
KNF(Z) in thusuah bawl
Lamka, Dec 15: Kuki National Front (Zogam) in thusuah a bawl press a kimu in a taklat dan in, Govt. doctor, inn a mi en leh private clinic a semte’n Rs. 50/- lel la ding in theisak a, khatvei a et nung uh check-up nawn chiang a sum la nawnlou ding in theisak uhi. Tuabanah, petrol zuaktute’n S.K. oil toh mixed lou ding leh dawr bawltute’n ser tehna diktak zang ding in theisak uhi. Hiai ngetna kuapeuh in zahtak a zui chiat ding in ngen uhi.
Kuki Idol 2nd Round kipan
Lamka Dec. 15: B. Vengnom Community hall ah tuni sunma dak 11:00 in Kuki Idol 2008 2nd round om nawn a, hiai ah mi 100 kidem ua mi 30 paih khe ding uhi. Hiai 2nd round pen zingchiang Dec. 16 leh zinghal Dec. 17 tan nei ding uhi. Hiai 2nd round zoh chiang in 3rd round pen a ni, a hun leh a mun ding bangmah kigen thei chiah kei mah kum nawn Jan. 2009 sung in nei nawn ding uh hi’n a saitute apan thutut kingah hi.
Employment Exchange office lun
Lamka, Dec. 15: Autonomous District Council CCpur a Primary Teacher post 304 lakna ding ah Primary Teacher lunglut mi tampet mah ua, tuni a pan District Employment Office ah Class- XII a pan tung lam mitamtak in apply uhi. Primary Teacher pen Dec. 22, 2008 tan in min piak lut theih ding a, a masa hih ut in mipi kiphu nasa mahmah uhi. DPC/Personel interview bel Dec. 29, 2008 a pan in Town hall, Hill Town ah om ding hi. Employment office in min khumte serial number bawl naikei mahle uh tuni a min khum vuak leng 1000 val vang ding hi’n thutut kingah hi.
Gurgaon ah Vaite pasal 3 in Lamka numei 2 naktak in soisa, NE Helpline makaih in YPA Jt.Hq, Delhi leh VWA, Delhi in meeting nei ding
LAMKA, Dec 15: Vaigam a om north east singtangmite’n bawlsiatna tamtak ana tuah nung un vangtahhuaitak in apaisa Kiginni, December 13, 2008 in Delhi khopi kiang Gurgaon (Haryana) ah Lamka numei nih, Mary leh a lawmnu Daisy in a inn neitupa uh leh a lawmte apat soisakna nasatak tuak uhi.
Muanhuaitak apat thutut kingah dan in, Chandigarh, Punjab a om Direct Pay Pvt. Solutions kichi call centre a sem Mary leh Daisy, a ngetna dungzui un Gurgaon branch a suan in om uhi. Suan a a om dungzui un hiai lawmta nihte’n a lawm uh Lalboi kichi khat kiang ah innluah ding ana zonsak di’n thukhak uhi. Lalboi in leng ama omna toh kigamlalou Sikanderpur, Gurgaon ah inn khat ana muhsak hi. Lawmta nihte leng Chandigarh apat Ningani, Dec. 11 in tungsuk ua, Lalboi in inn ana zonsak leng va-en ngal uhi. Hiai inn pen lungtunhuai-sa in lawmta nihte’n leng a van khenkhat uh huai ni mah in tuahlut ua, a zan bel giaklut nailou uhi. A zingchiang, Sintawpni, Dec 12 zing dak 9 vel in, lawmta nihte’n innluahman ding pe di’n a inn neitupa uh kimuhpih sawm mahle uh a inn neitupa un “ka buailua hi’n, nitak chiang in ken k’ong en mai ding” a chih ziak in innluahman kipe nailou in kikhen nawn uhi.
A thu a kihoulem khin, innluahman piak ding kia in sam ahihna ah Mary leh Daisy leng a van teng uh toh Sintawpni mah in a inn thak uah lut ua, himahleh, a inn neitupa uh leng a nitak in vahoh tuanlou hi. Amau leng zan dak 10 vel in lum ua, himahleh, Kiginni, Dec 13 zing dak 2 vel in a kong uh vaki-kiu hi. Lawmta nihte’n leng zan nung a kong kikiu a hon ngamlouhtak un kong kiutu’n a inn neitupa uh ahihdan kigen a, himahleh, a aw apat zu kham ahihdan a theih ziak un “zan nung ahita a, zingchiang in kihou ni” ana chi in kong hon tuanlou uhi. Huaitak in a inn neitupa uh leng heh in “na inn neitupa uh kahi, hon laulou uh maw?” chi’n vau hi. Hiai dinmun ah Mary leh Daisy leng patau gawp in police emergency number 100 phone mahle uh kuaman a dawnglouh ziak in a lawm uh Lalboi phone uhi.
Mary leh Daisy in Lalboi a phone sung un a inn neitupa un tukverh limlangte ana khense manta a, a theihmanma un chiangpum toh a inn neitupa un a nih un zep zialzial maimah hi. Lawmta nihte leng puankawm ah kisel mahle uh a inn neitupa un zep thouthou ahihman in, sum piak a lungkim dia ngaihsutna toh innluahman dia lakkhiaksa a a koih uh Rs. 3000/- pia uhi. Huaitak in a inn neitupa un leng huai sum la a, himahleh, azan-azan a kituahkhe dia sawl thouthou in minute 5 sung hun pia hi. Lawmta nihte’n leng a kintheitawp in a vante uh guang mengmeng in innkong ah kaikhe ua, huchi kawmkawm in leng a inn neitupa un a chiangpum tawi in zep lailai hi. A vante uh a kaihkhiak sung un a inn neitupa uh lawmte pasal nih tunbeh ua, a inn neitupa un huai pasal nihte a houpih kal in Mary in a lawmnu kiang ah “tai ni” chi in tai mahleh Daisy suakta manlou in Mary chauh suakta hi.
Mary suakta mahleh a lawmnu taisan in gamla tai ngam tuanlou a, pasal thumte’n a vuak ziak ua Daisy kikou thawmte a zak zawkmah ziak in kik nawn hi. A kiknawntak in pasal nih a tungthakte lak a khat in ana man a, “hon pawngsual ding kahi” chi in a inn luahna ua pat minute 5 vel a gamla inn dang khat ah hiai pasal thumte’n a nih un kailut uhi. Hiai inn sung ah pasal thumte’n bang toh sawnbelh in Mary leh Daisy tung ah chiangpum leng zang nawnlou in a khutpek uh leh a khuttum uh zang in vua uhi. Pasal thum in a pawngsual theih mai dinmun ua a dinlai un (Vaite) nupi 3 huai inn sung a valut in pasal thumte vakhou uhi.
Mary leh Daisy in soisakna nasatak a tuah uh husa zak ziak a innkim-innkiangte ahihkeileh kuate sap hiding hiam chih theih hikeimahleh, police-te leng vatung ua, lawmta nihte’n leng police-te belh sawm in kisa ngal uhi. Huaitak in nupi 3-te lak a khat in, “nou nahong pawt uh a ngaikei, kou police-te k’on houpih ding uh” chi in kong khakkhum mahleh lawmta nihte leng taipawt teitei in police-te gari ah tailut ngal uhi. Hiai hun tan ah bel a inn neitupa uh lawm pasal nihte a omna uh kithei nawnlou hi’n thutut kingah hi.
Police-te’n leng Sikanderpur mah a om Sriram Memorial Hospital ah Mary leh Daisy tonpih ua, private hospital ahihziak a ki-admit-na dia leng Rs.2000/- a poimoh ziak in, a zingchiang a piak di’n bat in a gimzaw Daisy ana admit uhi. Daisy a gimsim mahmah ziak in oxygen piak ngai hial hi. Hiai damdawi inn ah Sikanderpur leh a sehvel a north east singtangmite, a diak a Manipur singtangmite kikhopkhawmna, Northeast Christian Fellowship-te’n ompih uh hi’n thutut kingah hi.
Mary sanggamnu leh Daisy sanggamnu’n leng thil omdan a theihphet un Chandigarh apat delh ngal in Kiginni in tung ua, a gimlouzaw a kingai Mary leng a taksa a lumlai ziak a a nat lam phawklou maimai ana hi a, a khe chauh na-sa himahleh a sanggamnu’n hoihtak a a velchet a leh a nungzang teng, a pumpi phial a bawk leh dup ahihdan theikhia uhi. Huaitak in Mary leng Sriram Memorial Hospital mah ah ki-admit a, himahleh, private hospital ahihna a a mantamluat ziak in Pathianni, Dec 14 zan dak 8 vel in, a kinget dungzui un pawtkhia in tu’n Delhi ah tanaute kiang ah om uhi. Mary leh Daisy in damdawi inn a lut ua pat a om sung teng un amau sum ngen Rs. 10000/- val seng uh hi’n thutut kingah hi.
Pathianni, Dec 14 zing dak 10 vel in Mary leh Daisy innluahna police makaihna in a sanggamte un vapha ua, huai ah Mary sum Rs.11000/- leh digital camera banah Daisy sum Rs.3000/- toh a sumbawm kimlou ahihdan theisuah in van bangmah lalou in kik uhi. Himahleh, a nitak 6 vel in police makaihna mah in van a omlai teng bel lakhia uhi.
Hiai bang thiltung toh kisai in Pathianni, Dec. 14 sunnung dak 2:30 vel in Sikanderpur Police Station, Gurgaon ah FIR gelhlut in om a, Mary leh Daisy innluah neitupa leng mat in om mahleh FIR a police-te’n ‘sexual harassment/molestated/attempted rape” a gelhlutlouh ziak ua baihlamtak a bail a pawt nawn ngal hi’n thutut kingah hi. Huai banah, Mary leh Daisy in a lawmpa uh Lalboi a phone dungzui un Lalboi in a lawmte nih toh delhpah ua, inn neitupa lawmte tunma tham in tungpah mahle uh konglam a Vaite tamtak chiangpum toh dingte’n a dal ziak ua lut theilou, Mary leh Daisy toh kimuh leng kimukhalou uh hi’n thutut kingah hi.
Hichibang a north east singtangmite bawlgentheihna leh soisakna a tuahte uh ziak a kibawlkhia North East Helpline in hiai tungtang ah leng inntek pan in mohpuakna la ua, zingchiang Dec 16, zing dak 9 in 1082/12 RK Puram ah YPA Jt. Hqt, Delhi leh Vaiphei Welfare Association, Delhi toh Mary leh Daisy tel in meeting nei ding uhi. Hiai meeting ah National SC/ST Commission leh National Commission for Women kiang a lehkha piaklut ding tungtang kikum ding uh hi’n leng muanhuaitak apat thutut kingah hi. Huai banah, Manipur Students Association Delhi (MSAD) in leng thiltunna mun a sit-in-protest neih ding sawm lellel uh hi’n leng thutut kingah hi.
Source: http://zogam.com/index.php?option=com_content&task=view&id=5080&ac=0&Itemid=2
No comments:
Post a Comment