Zomi Youth Organization in Silver Jubilee lawm

Zou Youth Organisation (ZYO) Gen. Hqt. in tuni sunma dak 10:00 in Zou Colony a om Chinkham Modern School ah a kum 25 chinna Silver Jubilee lopna thupitak in nei ua, Pu Phungzathang Tonsing, Minister (Power/Hort/Sc & Tech) in chief guest hihna toh uap ding chih himahleh Cabinet meeting poimohtak a om ziakin tel theilou hi. Amah sik-le-tang ding in 58/AC, Central Election Committee, Chairman Pu Thangzakhum in chief guest hihna toh uap in Awnchinkhup Veng ah Silver Jubilee suangphuh leh Jubilee Souvenir honna nei hi.

Hiai programme bel, zingkal lam in Lamka hanmual kiang a ZYO gam ah Silver Jubilee suang phuh hong masa a, huai a pan Jubilee lopna programme Chinkham Modern School ah kipan hi. ZYO founder President ban ah Jubilee Father T. Gouzadou Ex. Minister in ZYO kiphuh khiak dan tup ngim mizong gen theite panpihtu ding a kiphut ahih dan gelh thoh in sim khia a aman Laisiang thou Johan 13, 34- 35. a “Ki-ittuah chiat un, keiman noute kong itbang in noute khat leh khat ki-ittuah chiat un, huchi in mitten ka nung zuite na hi uh chih hong thei ding uh” chih in zou hi.

Chief Guest a pang Thangzakhum in Minister in tuni zingkal a hong hilh tawm ahihziakin bangmah kigin kholhna ka nei kei a, ZYO makaite pan khawm dan ka muh in phathuai ka-sa chih gen hi. ZYO phatuamngai pawlpite khat leh khat khut kilen a, kalsuan khawm poimoh chi hi. Chief Guest in a genzelna ah, tuni a ZYO in a poimoh a gente uh zingchiang a Minister pa kiang tun vek ding hi’n gen a, amah mimal pocket a pan Rs. 1000/- pia a, minister tungtawn a Puansan 10 a piak banah ZYO Silver Jubilee Magazine leng hong khia hi. Tuni a kikhawpna ah lasiam Miss Hatboi, leh Lawrence ban ah Cultural dance Kamdou Veng leh ZYO Sugnu Block in nei uhi.

Hiai hun ah Organisation tuamtuam UZO Hqt. YMA Manipur group, KKL Hqt. HYA Hqt. ZYA Hqt. ZSP Hqt. te’n Silver Jubelee chibai bukna nei uhi.

-----------------------------------

ZYO Silver Jubilee lawhchingtak in lawm

Lamka, Dec 19: Zou Youth Organisation, Gen.HQ Silver Jubilee lawpna Dec.19, 2008 zinglam dak 11:00 apan Chinkham Modern School, Zomi Colony ah om a, Lamka Cemetary gei a Awnchinkap Veng ah Silver Jubilee chiamtehna ding in memorial stone honna om hi. Chief Guest dia chial a om Power Minister T.Phungzathang hoh theilou in T Thangzakhum Social Worker in Chief Guest hihna len in, Rs 1000 in ZYO a phungvuh ban ah, puansan (red blanket) hawmkhiakna nei hi.

T Gouzadou Ex Minister in ZYO khangthu tawh kisai genna leh Silver Jubilee message pia hi. ZYO Hqtrs a Project Committee Chairman G S Haopu Special Contractor in tuni a ZYO program uap a special number peteng Rs 500 chiat a piak ban ah, cultural dance a lam group tamkhop te Rs 1,000 chiat piakna nei hi. Hiai hun ah Zomi sung leh Zou namsung apan top official tamtak muh ding om a, philanthropic organization makai tamtak in uap uh chih thu kiza hi.





Source: WWW.ZOGAM.COM