Lamka Dec. 18: KSO CCpur in Lamka a Press te kimupih, Bilngong ziaka si ahikei a, kong kalhkhum ziak a si ahizaw - KSO
Kuki Student Organisation (KSO) Churachandpur District in tuni sunnung dak 2:00 in Kuki Innpi Office Tuibuang ah a paita December 16, 2008, nitak dak 5:30 a Kwakta a buaina piang toh kisai in Lamka pansan pressmen-te kimuhpih hi.
Kuki Students Organization makaite’n tuni a pressmen-te a kimuhpihna ua a taklat dan un, Kwakta kho sung ah drugs leh No.4 zuak a tam mahmah ziakin hun paisa in KSO leh Kwakta JAC pangkhawm in a khamdaihna ding in naktak in panla ua, tua toh kiton in helpawl khat inleng hiai thil hoihlou khamna ana bawl uhi.
KSO makaite’n a ban a genzelna uah, naktak a helpawl inleng pan a lak nung inleng khamdai zoulou ua, maban panlakzelna in Kwakta kho sung ah va lut in khamtheih zuak a, a theihte man khawm ding a, a kisaklai un mipi’n theiman uh hi’n gen uhi. Helpawlte gamtatna mipi’n thei man in mipi kipunkhawm ua, helpawlte kiang a report petu hidia a muanmoh uh Mr. Haokam Inn haltum ua, huai leng deihkhop lou in midang inn 3 hal beh lai uhi. Hiai inn halna a makaipipen leng Abo of Kwakta hi’n leng gen uhi.
A ban a genzelna uah, hiai inn halna a inn sung a kanglum Mr. Manglam (45) of Kwakta pen a bilngong ziaka kanglum dan a a gen uh zuauthu lel ahihman in KSO/CCpur in ngaikhok mahmah ahih dan leng press te mai a gen uhi. KSO makaite’n a genna uah, Mr. Manglam pen bilngong himahleh lum-leh-vot a thei mahmah ding a, sihna ding khop hial meisa omleh kong hong in a taikhe ding a, hiai pen bilngong ziak hilou in kongkhak polam a, a kalhkhum ziak ua kanglum hizaw ahi chi’n bilngong dan a ngohna pen nial uhi.
Hiai thiltung toh kisai a mohna neilou nautang kimok thah pen KSO in ngaisiam theilou ding uh ahihban ah, a thahna ziak uh a kin thei bang pen a hilh chetna pe ding in ngiat uhi. KSO in a taklatna ah khosung a valutte helpawlte ahi chih a theih uhleh huaite tung a gamtang lou a bang dia minautang poikhoih loute tunga hichi bang a gamtang uh hiam chih taklang kawm in Govt. in a kin theilam a judicial enquiry bawl ding in leng ngen uhi. Tua ban ah drugs leh No. 4 naktak a kham ahihlai a, a zuaktute tualgal piang thei ding khop hial a gup uh drugs & No. 4 zuak dia phalna a piakte uh hihiam chi’n dotna bawl uhi.
Tuabangkal ah, Lamka khopi sung a khamtheih naktak a doudal ahihman in khamtheih hihzongsangte’n a deih bang un Lamka khopi sung a, a muh theihlouh ziak un Kwakta ah thovengtak a lei theih ahihziakin Lamka khopi sung a khamtheih hihte tamtak in Kwakta naihzel uhi. Hiai ziakin Kwakta leh Lamka kikal ah gari accident bangzah hiam leng omta a, Lamka khopi sung a a guk a zuak theite’n leng Kwakta ah vala zel uh hi’n leng thutut kingah hi.
Khongsai Nulam kilawi khawm na nei ding
Lamka Dec. 18 D.. Phailian Community Hall ah hong tung ding Dec. 20, 2008 sunma dak 10:00 in Khongsai Nulam Kiloi Khawm chih programme hun zatna nei ding uhi. Hiai hun ah Doukhomang Khongsai, Hon’ble MLA Saikul chief guest in pang ding a, Thangkholun Haokip, Hon”ble MLA Chandel chief host in pang ding a, Lamkhosem Khongsai, DTO, CCpur in guest of honour hihna toh uap ding hi. Hiai programme pen Khongsai sung kuan a kipan a pasal neisate a ding a kibawl hi a, a nu-le-tate a ding a thumsakna Rev. N.T. Lamcha Khongsai, Tuibuang in vualzawlna leh thumsakna neih sak ding hi.
Chawilien Hmar mualliam
Lamka Dec. 18 North – Eastleh India Govt. tanpha in Cancer damdawi musuah tu chi a thei a om ban ah Kristian sah khua ginglou mi tam tak a damdawi ziak a na pilut tu Chawilien Hmar in zan nitak dak 11:30 lak in sungna in si hi. Amah luang tuni Saikot Hanmual vuiliam in om hi.
BSNL Optical fiber cable mun 3 ah kitan
Lamka, Dec. 18. Lamka leh khopi dangte kithuzakna poimoh mahmah BSNL a optical fiber cable kiphumte mun 3 a, a kitan ziakin ni 3/4 sung BSNL tungtawn kithuzakna buai hi. Official thutut kingah dan in, Dec. 15, 2008 in Bishnupur ah kitan a, Dec. 16, 2008 in Mao ah kitan a, Dec 17, 2008 in Kwakta ah kitan nawn in Deptt. in buaipih mahmah ua, tuni nitak dak 5 vel in bawlzou ua, zat theih hinawnta hi. Lamka khawpi ah BSNL lane line a siat mun luat ziakin a neitu a tamzaw in ngaihsak peih nawnlou in Mobile lam pibolzawta uhi.
Huai lou in Telecom department nuai ah WLL Village Public Telephone (VPT) Manipur SSA nuai ah tuni tan in khua hausa 350 kiang ah 350 hom kheta uhi.
Tuabangkal ah, Telephone Exchange Office thak ding Hq. Veng IB Road a kibawl leng March 2009 sung ngei a luahsawm a sung a poimoh tuamtuam ding nasem in buaipih uhi.
IPPI om nawn ding
Lamka, Dec 18 Immunization pulse polio infection (IPPI) Ist round Dec. 21, 2008 in Churachandpur District ah om ding a, IPPI Centre 400 val ah naupang kum 5 chiang in polio damdawi dawn ding ua, 2nd round bel Feb. 1, 2008 in om ding hi. Dec. 21, 2008 a Ist round om ding himahleh tutan in polio damdoi (Vaccine) Imphal chiang leng puaktun hinailou hi’n official apan thutut kingah hi.
One day District Level workshop nei
Lamka, Dec. 18 Indian Institute of Entrepreneurship saina in tuni sunma dak 11:00 in Synod Hall IB Road ah One day district Level Workshop for Rural Business Hub kichi ministry of Panchayati Raj, Govt. of India sponsored in nei uhi. Huai hun ah Rupachandra Singh ADC/CCpur Chief Guest a pang in Workshop hong a, J.C. Kalita, AFM- IIE, Guwahati in Singtang gam a na tuamtuam sep ding dan sinsak a, a bik in singtang a lou bawl ding dan sinsak hi. Lamka area loubawlna toh kisai a lunglut mi 50 val tel uhi.
Lamka a Pangal-te patau
Lamka, Dec 18 Kwakta khua a Dec. 16, 2008 nitak a buaina tungtang ah tuni tan kilemna piching bangmah omlouh ziakin Lamka a om Pangal Muslim Zenhang Lamka area Mandop Leikai a om te mahni inn ah zan giak ngam omlou in Lamka Police station kiang a ALAA (Biakbuk) sung ah kibu khum in giak lut uhi. Tuni tan in Kwakta khua leh kim ah security om den lai hi.
DC CCpur Imphal ah
Lamka, Dec 18 Sumant Singh, IAS, DC/CCpur tuni zingkal in Imphal a Chief Secretary Office a a meeting ding in hoh a, tua ah IFCD IFCD tungtang leng genkhawm ding uhi. Hiai ziakin DC/CCpur office kai manlou hi. DC office a kailouh chiang in staff te kuamah muh ding tawm mahmah zel hi.
Source: The Lamka Post | December 19, 2008 @ www.zogam.com
Kuki Student Organisation (KSO) Churachandpur District in tuni sunnung dak 2:00 in Kuki Innpi Office Tuibuang ah a paita December 16, 2008, nitak dak 5:30 a Kwakta a buaina piang toh kisai in Lamka pansan pressmen-te kimuhpih hi.
Kuki Students Organization makaite’n tuni a pressmen-te a kimuhpihna ua a taklat dan un, Kwakta kho sung ah drugs leh No.4 zuak a tam mahmah ziakin hun paisa in KSO leh Kwakta JAC pangkhawm in a khamdaihna ding in naktak in panla ua, tua toh kiton in helpawl khat inleng hiai thil hoihlou khamna ana bawl uhi.
KSO makaite’n a ban a genzelna uah, naktak a helpawl inleng pan a lak nung inleng khamdai zoulou ua, maban panlakzelna in Kwakta kho sung ah va lut in khamtheih zuak a, a theihte man khawm ding a, a kisaklai un mipi’n theiman uh hi’n gen uhi. Helpawlte gamtatna mipi’n thei man in mipi kipunkhawm ua, helpawlte kiang a report petu hidia a muanmoh uh Mr. Haokam Inn haltum ua, huai leng deihkhop lou in midang inn 3 hal beh lai uhi. Hiai inn halna a makaipipen leng Abo of Kwakta hi’n leng gen uhi.
A ban a genzelna uah, hiai inn halna a inn sung a kanglum Mr. Manglam (45) of Kwakta pen a bilngong ziaka kanglum dan a a gen uh zuauthu lel ahihman in KSO/CCpur in ngaikhok mahmah ahih dan leng press te mai a gen uhi. KSO makaite’n a genna uah, Mr. Manglam pen bilngong himahleh lum-leh-vot a thei mahmah ding a, sihna ding khop hial meisa omleh kong hong in a taikhe ding a, hiai pen bilngong ziak hilou in kongkhak polam a, a kalhkhum ziak ua kanglum hizaw ahi chi’n bilngong dan a ngohna pen nial uhi.
Hiai thiltung toh kisai a mohna neilou nautang kimok thah pen KSO in ngaisiam theilou ding uh ahihban ah, a thahna ziak uh a kin thei bang pen a hilh chetna pe ding in ngiat uhi. KSO in a taklatna ah khosung a valutte helpawlte ahi chih a theih uhleh huaite tung a gamtang lou a bang dia minautang poikhoih loute tunga hichi bang a gamtang uh hiam chih taklang kawm in Govt. in a kin theilam a judicial enquiry bawl ding in leng ngen uhi. Tua ban ah drugs leh No. 4 naktak a kham ahihlai a, a zuaktute tualgal piang thei ding khop hial a gup uh drugs & No. 4 zuak dia phalna a piakte uh hihiam chi’n dotna bawl uhi.
Tuabangkal ah, Lamka khopi sung a khamtheih naktak a doudal ahihman in khamtheih hihzongsangte’n a deih bang un Lamka khopi sung a, a muh theihlouh ziak un Kwakta ah thovengtak a lei theih ahihziakin Lamka khopi sung a khamtheih hihte tamtak in Kwakta naihzel uhi. Hiai ziakin Kwakta leh Lamka kikal ah gari accident bangzah hiam leng omta a, Lamka khopi sung a a guk a zuak theite’n leng Kwakta ah vala zel uh hi’n leng thutut kingah hi.
Khongsai Nulam kilawi khawm na nei ding
Lamka Dec. 18 D.. Phailian Community Hall ah hong tung ding Dec. 20, 2008 sunma dak 10:00 in Khongsai Nulam Kiloi Khawm chih programme hun zatna nei ding uhi. Hiai hun ah Doukhomang Khongsai, Hon’ble MLA Saikul chief guest in pang ding a, Thangkholun Haokip, Hon”ble MLA Chandel chief host in pang ding a, Lamkhosem Khongsai, DTO, CCpur in guest of honour hihna toh uap ding hi. Hiai programme pen Khongsai sung kuan a kipan a pasal neisate a ding a kibawl hi a, a nu-le-tate a ding a thumsakna Rev. N.T. Lamcha Khongsai, Tuibuang in vualzawlna leh thumsakna neih sak ding hi.
Chawilien Hmar mualliam
Lamka Dec. 18 North – Eastleh India Govt. tanpha in Cancer damdawi musuah tu chi a thei a om ban ah Kristian sah khua ginglou mi tam tak a damdawi ziak a na pilut tu Chawilien Hmar in zan nitak dak 11:30 lak in sungna in si hi. Amah luang tuni Saikot Hanmual vuiliam in om hi.
BSNL Optical fiber cable mun 3 ah kitan
Lamka, Dec. 18. Lamka leh khopi dangte kithuzakna poimoh mahmah BSNL a optical fiber cable kiphumte mun 3 a, a kitan ziakin ni 3/4 sung BSNL tungtawn kithuzakna buai hi. Official thutut kingah dan in, Dec. 15, 2008 in Bishnupur ah kitan a, Dec. 16, 2008 in Mao ah kitan a, Dec 17, 2008 in Kwakta ah kitan nawn in Deptt. in buaipih mahmah ua, tuni nitak dak 5 vel in bawlzou ua, zat theih hinawnta hi. Lamka khawpi ah BSNL lane line a siat mun luat ziakin a neitu a tamzaw in ngaihsak peih nawnlou in Mobile lam pibolzawta uhi.
Huai lou in Telecom department nuai ah WLL Village Public Telephone (VPT) Manipur SSA nuai ah tuni tan in khua hausa 350 kiang ah 350 hom kheta uhi.
Tuabangkal ah, Telephone Exchange Office thak ding Hq. Veng IB Road a kibawl leng March 2009 sung ngei a luahsawm a sung a poimoh tuamtuam ding nasem in buaipih uhi.
IPPI om nawn ding
Lamka, Dec 18 Immunization pulse polio infection (IPPI) Ist round Dec. 21, 2008 in Churachandpur District ah om ding a, IPPI Centre 400 val ah naupang kum 5 chiang in polio damdawi dawn ding ua, 2nd round bel Feb. 1, 2008 in om ding hi. Dec. 21, 2008 a Ist round om ding himahleh tutan in polio damdoi (Vaccine) Imphal chiang leng puaktun hinailou hi’n official apan thutut kingah hi.
One day District Level workshop nei
Lamka, Dec. 18 Indian Institute of Entrepreneurship saina in tuni sunma dak 11:00 in Synod Hall IB Road ah One day district Level Workshop for Rural Business Hub kichi ministry of Panchayati Raj, Govt. of India sponsored in nei uhi. Huai hun ah Rupachandra Singh ADC/CCpur Chief Guest a pang in Workshop hong a, J.C. Kalita, AFM- IIE, Guwahati in Singtang gam a na tuamtuam sep ding dan sinsak a, a bik in singtang a lou bawl ding dan sinsak hi. Lamka area loubawlna toh kisai a lunglut mi 50 val tel uhi.
Lamka a Pangal-te patau
Lamka, Dec 18 Kwakta khua a Dec. 16, 2008 nitak a buaina tungtang ah tuni tan kilemna piching bangmah omlouh ziakin Lamka a om Pangal Muslim Zenhang Lamka area Mandop Leikai a om te mahni inn ah zan giak ngam omlou in Lamka Police station kiang a ALAA (Biakbuk) sung ah kibu khum in giak lut uhi. Tuni tan in Kwakta khua leh kim ah security om den lai hi.
DC CCpur Imphal ah
Lamka, Dec 18 Sumant Singh, IAS, DC/CCpur tuni zingkal in Imphal a Chief Secretary Office a a meeting ding in hoh a, tua ah IFCD IFCD tungtang leng genkhawm ding uhi. Hiai ziakin DC/CCpur office kai manlou hi. DC office a kailouh chiang in staff te kuamah muh ding tawm mahmah zel hi.
Source: The Lamka Post | December 19, 2008 @ www.zogam.com
No comments:
Post a Comment