Lamka, Dec 17: Leitung mun tuamtuam a World Women Boxing Champion 4 vei hial ana la, MC Mary Kom tuni zinglam dak 9:15 in Zomi Students Federation GHQ te’ makaih in Kangvai ah dawnna om a, huai apan Lamka khawpi lutpih in om hi. Tuabangkal ah, MC Mary Kom in agenna ah “Ka pasal hon kithuahpihna ziak a hiai bang tan tung ka hi” chi’n mipite mai ah gen hi.
ZSF GHQ makaih in Lamka khawpi fan pih in om a, Teddim Road zui in, Dorcas Road- Bungmual- D Phailian- Chiengkonpang- Red Cross Road leh Teddim Road zuihpih ahihnung in New Lamka YPA hall ah felicitation program om hi. Rev Paukhanmang Guite Director, EBC in Pathian kiang ah program latna nei hi.
Liankhankhup General Secretary Zoumi Sangnaupang Pawlpi (ZSP) in Mary Kom a kipahpih dan pulak in Zou puan silhsakna nei a, H Mangchinkhup Ex President ZSF GHQ in MC Mary Kom tanchin kimtak in pulak hi. Aman agendanin, Mary Kom kichi CCpur district khawneu chik apan khangkhia hi a, state level, national level leh International level ah minthanna tawp khawk angah nung in, award tuamtuam piak in om a, himahleh, India a kimawlmite hamphatna bangbang angah louh pen puaknat huai mahmah ahi chi hi.
Central Government in SC/ST te kankuahna in sports leh education lam ah budget tampi pi guang ua, huaite hamphat pih ding in Zosuan sinlaite kisak ngai ahi chikawm in, Abhinav in tuma a Olympics a shooting competition a gold medal angah ziak lel in sum a crore a sim mu a, Mary Kom leng huai bang hamphat pih ding in chin law mahmah ahi chi’n ZSF President lui H Mangchinkhup in gen hi.
ZEPADA Secretary K Vungzamawi in agenna ah, India gamsung leh singtangmite’ lak ah kimawlna vai ah medal hoihpipi ngah a sang a sim om mah leh Zosuan MC Mary Kom in award 11 val a ngah pen Zosuante’ minhoihna ahi chi kawm in, maban ah kuapeuh adia chouna sang mahmah ahi chi hi. ZHRF Secretary General P Suanmoi Guite in leng Mary Kom akipahpih thugen hi.
Hiai hun ah, Zomi Council sik le tang in Vice Chairman leh Singngat MLA T Hangkhanpau in kipahpih thugen kawm in puandum silhsak hi. T Hangkhanpau MLA in agenna ah “ Zomite adia tuni pen chiamteh tham (memorable Day) ahi” chi in, Kom Namte leng Zomi ahih man un, amau innkuan sung ah haksatna a tuah ua leh Zomi Council leh Zomi Namte kitaise lou ding ahi chi hi.
Mary Kom kipahpihna program ah, ZSF, ZYA leh ZMA apan thil piak manpha taktak piakna om a, YPA Hall, New Lamka ah mipi talou hi. Rev. Khen P.Tombing Chief Co-ordinator PCI ( R) in MC Mary Kom ading in hasotna tomkim agen zawh in, Mary Kom chair tung ah tusak a, a pasal Onlal Kom sam in, Mary luzang ah a khut ngasak a, tuazawh in Rev Khen Tombing in Pathian apan vualzawlna ngetsak hi. Rev Khen P Tombing in hunsaulou agenna ah, “Mary Kom in a thugen tung in Pathian min alou a, a thugen zawh in Pathian min mah in a thugen a siin a, mi ngaihsang huai mahmah ahi” chi hi.
MC Mary Kom in mipi paikhawmte mai a agenna ah, “Pathian apan vualzawlna thupitak ka ngah a, ka nungak hun lai in, world champion ka na hi a, ka nupi nung in world champion ka hi a, ta khat ka neih nung in world champion ka hi a, ta 2 ka neih zawh nung tanpha in world champion ka hi nawn a, hiai pen kisaktheihna hilou in Pathian apan vualzawlna ka ngah ziak leh ka pasal in lam tuamtuam ah hon kithuahpih (support) na ziak kia ahi” chi hi. Mary Kom in agenbehna ah, “Zi leh pasal nei nailoute’n bang tup neina hi uhiam, kei thugen siamlou ka hi a, ring a boxing kimawl theilel ka hi. Na hinkhua uah tup kichian nei in, leitung mite hon theih phak ding in om un. Boxing kimawlna ah singtang numei kei chauh hi gige chih pen thil zumhuai hi a, huai ziak in student te’n na tempai na uh tungtawn in na talent uh zongkhia unla, boxing lam ahihleh, a theipen hikei mah leng, ka hih theihtawp suah in noute ding in sinsakna ka hon peding” chi hi.
Mary Kom in agenzelna ah, “Bombay ah zingchiang in PEPSI MTV Music award 2008 lakding ka neihziak in tuni’n Imphal nusia in Bombay ka zot louh theihlouh hi a, ZSF program tawh a kituahkhak ziak in poika sa mahmah a, noute tawh nikhat zalentak a iki thuahkhawm nawn ngei uh ka lamen a, huai ding in Pathian in i maban uh hon pi tou zel hen” chi’n a thugen zou hi. Felicitation program zatna hun ah a vangkim in Zogam Artistes Association apan Vungthiankim leh S Pauginmuan apan la ngaihkhiakna om hi.
Source: www.zogam.com & www.lamkaphoto.com
ZSF GHQ makaih in Lamka khawpi fan pih in om a, Teddim Road zui in, Dorcas Road- Bungmual- D Phailian- Chiengkonpang- Red Cross Road leh Teddim Road zuihpih ahihnung in New Lamka YPA hall ah felicitation program om hi. Rev Paukhanmang Guite Director, EBC in Pathian kiang ah program latna nei hi.
Liankhankhup General Secretary Zoumi Sangnaupang Pawlpi (ZSP) in Mary Kom a kipahpih dan pulak in Zou puan silhsakna nei a, H Mangchinkhup Ex President ZSF GHQ in MC Mary Kom tanchin kimtak in pulak hi. Aman agendanin, Mary Kom kichi CCpur district khawneu chik apan khangkhia hi a, state level, national level leh International level ah minthanna tawp khawk angah nung in, award tuamtuam piak in om a, himahleh, India a kimawlmite hamphatna bangbang angah louh pen puaknat huai mahmah ahi chi hi.
Central Government in SC/ST te kankuahna in sports leh education lam ah budget tampi pi guang ua, huaite hamphat pih ding in Zosuan sinlaite kisak ngai ahi chikawm in, Abhinav in tuma a Olympics a shooting competition a gold medal angah ziak lel in sum a crore a sim mu a, Mary Kom leng huai bang hamphat pih ding in chin law mahmah ahi chi’n ZSF President lui H Mangchinkhup in gen hi.
ZEPADA Secretary K Vungzamawi in agenna ah, India gamsung leh singtangmite’ lak ah kimawlna vai ah medal hoihpipi ngah a sang a sim om mah leh Zosuan MC Mary Kom in award 11 val a ngah pen Zosuante’ minhoihna ahi chi kawm in, maban ah kuapeuh adia chouna sang mahmah ahi chi hi. ZHRF Secretary General P Suanmoi Guite in leng Mary Kom akipahpih thugen hi.
Hiai hun ah, Zomi Council sik le tang in Vice Chairman leh Singngat MLA T Hangkhanpau in kipahpih thugen kawm in puandum silhsak hi. T Hangkhanpau MLA in agenna ah “ Zomite adia tuni pen chiamteh tham (memorable Day) ahi” chi in, Kom Namte leng Zomi ahih man un, amau innkuan sung ah haksatna a tuah ua leh Zomi Council leh Zomi Namte kitaise lou ding ahi chi hi.
Mary Kom kipahpihna program ah, ZSF, ZYA leh ZMA apan thil piak manpha taktak piakna om a, YPA Hall, New Lamka ah mipi talou hi. Rev. Khen P.Tombing Chief Co-ordinator PCI ( R) in MC Mary Kom ading in hasotna tomkim agen zawh in, Mary Kom chair tung ah tusak a, a pasal Onlal Kom sam in, Mary luzang ah a khut ngasak a, tuazawh in Rev Khen Tombing in Pathian apan vualzawlna ngetsak hi. Rev Khen P Tombing in hunsaulou agenna ah, “Mary Kom in a thugen tung in Pathian min alou a, a thugen zawh in Pathian min mah in a thugen a siin a, mi ngaihsang huai mahmah ahi” chi hi.
MC Mary Kom in mipi paikhawmte mai a agenna ah, “Pathian apan vualzawlna thupitak ka ngah a, ka nungak hun lai in, world champion ka na hi a, ka nupi nung in world champion ka hi a, ta khat ka neih nung in world champion ka hi a, ta 2 ka neih zawh nung tanpha in world champion ka hi nawn a, hiai pen kisaktheihna hilou in Pathian apan vualzawlna ka ngah ziak leh ka pasal in lam tuamtuam ah hon kithuahpih (support) na ziak kia ahi” chi hi. Mary Kom in agenbehna ah, “Zi leh pasal nei nailoute’n bang tup neina hi uhiam, kei thugen siamlou ka hi a, ring a boxing kimawl theilel ka hi. Na hinkhua uah tup kichian nei in, leitung mite hon theih phak ding in om un. Boxing kimawlna ah singtang numei kei chauh hi gige chih pen thil zumhuai hi a, huai ziak in student te’n na tempai na uh tungtawn in na talent uh zongkhia unla, boxing lam ahihleh, a theipen hikei mah leng, ka hih theihtawp suah in noute ding in sinsakna ka hon peding” chi hi.
Mary Kom in agenzelna ah, “Bombay ah zingchiang in PEPSI MTV Music award 2008 lakding ka neihziak in tuni’n Imphal nusia in Bombay ka zot louh theihlouh hi a, ZSF program tawh a kituahkhak ziak in poika sa mahmah a, noute tawh nikhat zalentak a iki thuahkhawm nawn ngei uh ka lamen a, huai ding in Pathian in i maban uh hon pi tou zel hen” chi’n a thugen zou hi. Felicitation program zatna hun ah a vangkim in Zogam Artistes Association apan Vungthiankim leh S Pauginmuan apan la ngaihkhiakna om hi.
Source: www.zogam.com & www.lamkaphoto.com
Ei leh ei i ki tawisang sih leh koi in hung tawi sang di ei?
ReplyDeleteThanks to her determination and hardwork, she is what she is today!
Lets all try to be like her.
Congrats my dear sister! and May God Bless you more and more!!!
Ahi ngai, hithei leh bawn, All India a Khel Ratna Award a nga thei tei tei na ding in pan lah theidan bang um nalai leh... She Deserve it.
ReplyDelete